Untersuchungen zu den aserbaidschanischen Dialekten von Qaradag, Mugan und Zäncan

آلمانیانین میللی بیلیم دیلی اوزره اوغراشماغی نین تاریخینه باخیش

اون آلتینجی یوز ایلین باشلانیشیندان اویانیش (Renaissance) و اینسانچیلیق (Humanismus) دوشونجه لری آوروپادا یاییلماغا باشلامیش. بو دؤنمده اویانیش و اینسانچیلیق آخینلاری ایلگی چکیجی گؤرونمه لرینه باخمایاراق کیلاسیک لاتین و یونان دیللری نین آنتیک دؤنمینه دؤنوش دئیه آوروپا دیللری و اؤزللیکله ده آلمان دیلی نین گلیشمه و دیرچلمه سورجی باشلامیش

>>

بیلیم دیلی

بیلیم دیلی گئنیش آنلاییشدا هر هانکی بیر بؤلومون (رشته نین) دیلیدیر. بو دیل او بؤلوم ایله اوغراشانلار آراسیندا بیلیم آچیسیندان گؤروش آلیش وئریشینده و دانیشیقلاردا بیر بیرلرینی باشا دوشمک اوچون آراچلیق ائدر. >>

دنیز ایشچی ایمضاسی ایله نال یاخشیدیر یوخسا قازیق دئیه دوشونجه و فیکیر یئریتمک ایسته گنلرین حئکایه سی!

توپلوم و اجتماع اوزره دوشونجه و فیکیر یئریدرکن دویارلی و توتارلی اولماق هر هانکی بیر شخص و تشکیلاتین ایلک انسانی وظیفه سی ساییلمالیدیر. بو باخیمدان دنیز ایشچی ایمضاسی ایله دوشونجه و سیاسی گؤروشلرینی توپلوما آشیلاماغا چالیشان ذاتین گؤروشلری دیققت چکیجیدیر. بو ذات کئچمیش یازیلاریندا آذربایجان میللی حرکتی نین مستقیللیگیندن راحاتسیز اولاراق آذربایجان میللی حرکتی نین مستقیللیگی نین قورونماسی نین یانچیسی اولانلارا چیرکین ایفاده لرله اؤزونو ایفاده ائتمیش و آذربایجان میللی فعاللارینا بیر فارسچی کیمی خرمن وعده سی وئرمگه چالیشمیش. ««

1385 اینجی ایل خورداد آیی قيامي نين ايل دؤنومو ايله باغلي گونئی آذربایجان پورتالی نین ايشيق سؤنمز ايله اؤزل دانيشيغی

- سيزجه گونئي آذربايجانین 1385 اینجی ایل، خورداد آیی قيامي نين اساس سببلري هانسيلاردير؟

ج: 1385 اینجی ایل خورداد آییندا ائتنیک گونئی آذربایجاندا حیاتا کئچمیش باش قالدیریق (قیام) بیر چوخلاری خیال ائتدیکلری بیر چیرکین و انسانلیقدان اوزاق ایران دؤلتی نین رسمی قازئتینده کی تورکلر علیهینه چکیلمیش کاریکاتور مسئله سینه دایالی دئییل، بو چیرکین عمل اؤزلوگونده پیس اولماسینا باخمایاراق بیر گونده میللی، مدنی و سیاسی تشکیلاتچیلیق حاقلاری الیندن آلیمنیش بیر خالقی هر هانکی بیر مسئله اوزره بیر  یوخسا ایکی گونده سفربر ائتمک عاغیلاسیغماز بیر مسئله ساییلار. یالنیز کئچمیش ایللردن آخیب گلن، بابک قالاسی و آذربایجانین باشقا تاریخی شخصیتلرینی آغیرلاما تؤرنلرینده اؤز اتگی و تأثیرینی بوراخان آذربایجان میللی فعاللاری نین خالقی اؤز میللی مسئله سینه تانیش ائتمک چابالاری و فارس حاکیمیتی نین آیری سئچکیلیگینه قارشین اعتیراض سسلری نین سونوج و نتیجه سی اولاراق بو باش قالدیریق قلمه آلینمالیدیر دئیه دوشونورم.>>

اؤزلرینی یاشیل حرکت آدلاندیران فارسچی تمامیتچیلرین باشچیسی میرحسین موسوی نین میللت آنلاییشی اوزره باخیش

 کئچمیش یازیلاردا ایشاره اولدغو کیمی میللت مقوله سی دیل و مدنیت، گله نک و گؤره نکلره  اساسلانان بیر مقوله ساییلار. میللت آنلاییشینی دؤلتلر آراسی سیاسی تانینمیش سرحدلر ایله ایضاح ائتمک و یوروملاماق میللی مسئله نین حللینه گئتمک دئییل، عوامفریبلیک ائتمک ساییلار. بو باخیمدان میرحسین موسوی نین میللت آنلاییشینا گؤز آتاراق بو ذاتین هانکی میللت، دیل و مدنیتین خیدمتینده اولدوغونو ایضاح ائتمک داها دوزرگون اولار دئیه دوشونوروک، اوخویوروق:>>

بیر دامدا ایکی هاوا اولماز

 کئچمیش یازیلاردا ایشاره اولوندوغو کیمی هر هانکی بیر توپلوم یوخسا میللتین اؤزونو درک ائتمه سی یاپما بیر اولوشوم (تشکیل) دئییل، اولوشماق (بیر بیرلری ایله تشکیلاتلانماق) مسئله سی دیر. بوباخیمدان بوگون ایران ممالیکی محروسه سینده کی تورک "کیملیک حرکتی"نی میللت دوزتمه (ملت سازی) آدلاندیرماق اورتادا اولان گئرچک فاکتلاری گؤرمزلیکدن گلمک، یوخسا باشقالاری نین قوراشدیردیقلاری دئییم و ایصطلاحلاری یئنیله مکدن باشقا هئچ نه اولابیلمز.>>

فارس مدنیت راسیستلری نین تمامیتچیلیک حئکایه لری

فارس مدنیت راسیستلری، او جمله دن احمد پناهده ایمضاسی ایله گؤروشلرینی اجتماعیته تقدیم ائتمگه چالیشان شخص، ملت مقوله سینی یاشادیقلاری اؤلکه لرده کی ماشین فابریکالاری ایله دگیشیک توتاراق ایران ممالیکی محروسه سینده کی فارس تمامیتچیلیگی و راسیستلیگینه قارشین فارس اولمایان ائتنیکلرین قارشی قویما و میللی کیملیکلرینی ساوینما مقوله سینی "ملت سازی" دئیه یوروملاماغا چالیشارلار. یئری گلمیشکن ملت مقوله سی نین نه اولدوغونو بیر داها ایضاح ائتمه لی ییک. تاریخ بویو اورتاق بیر دیل، مدنیت،  گؤره نک (عادت)، گله نکلری (عنعنه لری) ایله بللی بیر جغرافی بؤلگه ده یاشادان توپلوملار میللت ساییلار.>>

فارس مدنیت راسیستلری نین "جنبش آذربایجان برای یکپارچگی ایران" حئکایه سی!

کئچمیش یازیلاردا مدنیت راسیستلیگی نین نه اولدوغو اوزره بیلگی وئرمیشیک. یئری گلمیشکن بیر داها او بیلگینی یئنیلمه لی ییک. هر هانکی بیر دیل و مدنیتین اتکی و تأثیر داییره سینه کئچه رک اؤز خالقی نین دیل و مدنیتینه کورک چئویرمک، آشاغیلاماق و  اؤگئیلیک بسلمک مدنیت راسیستلیگی ساییلار. بو باخیمدان ازیلمیش توپلوملاردا اؤز دیل و مدنیتینی کیچیمسه مک، منسوب اولدوغو خالقین انسانلارینی  حاکیم دیل و مدنیته تابع توتدورماغا چالیشماق مدنیت راسیستی ساییلار.<<

دانیشیق - 9 / ایشیق سونمز ایله اوزه ل سویله شی ، آذربایجان میللی حرکتی و اونون ندنلری

میللی حرکتده اولان مختلف دوشونجه طرزلرینی آیدینلاتماق اوچون آذربایجان دئموکراسی اوجاغی نین باشلاتدیغی دانیشیقلاری نین 9-اونجوسونو سیزلره تقدیم ائدیریک ، بو  دانیشیقدا سایین دکتر ایشیق سؤنمز سوال لاریمیزا جاواب وئره رک میللی- دموکراتیک حرکتیمیزی اوز باخیشی ایله توصیف ائده رک گوندمده اولان موضوع لاری دا دیرلندیرمیشدیر. "آذربایجان دئموکراسی اوجاغی"  

س: بیلدیگینیز کیمی بو گون آزربایجانین چوخلو بؤلگه لرینده میللی حرکت یا میللی – دمکراتیک حرکت عنوان ایله آدلانان گئنیش بیر اجتماعی – سیاسی حرکت واردیر، سیز بو حرکتین کؤکلرینی هاردا گورورسوز؟ و اساسا بو حرکت هانسی سیاسی و تاریخی ضرورت لره دایانیر ؟

ج: آذربایجان میللی حرکتی دونیا چاپیندا حیاتا کئچمیش، کئچمکده اولان و باشاری ایله سونوجلانمیش (نتیجه یه چاتمیش) و سونوجلاناجاق میللی حرکتلرین بیری ساییلار. 1789 اونجو ایل فرانسه ده باش وئرمیش بؤیوک بورژوازی انقلابی نین سونوج و نتیجه سی اولاراق سیاسی سرحدلر میللی دؤلتلرین قورولماسی اساسیندا چیزیلماغا باشلامیش.>>>