بیر آرا، ایکی دره دوشونجه سیاستی یئریتمک عقل و منطیقه اویقون گؤرونه بیلرمی؟

 

سیاسی و اجتماعی مسئله لره ایشیق توتماغا چالیشان ذاتلار ایلک اؤنجه اؤزلری ساغلام دوشونجه یئریتمک ذهنیتینه ییلنمله لیدیرلر. بو باخیمدان دنیز ایشچی ایمضالی شخصین ایران ممالیکی محروسه سینده کی میللیتلره منسوب اولان تشکیلاتلاری فارس ایستعمار تشکیلاتلاری ایله باریشدیرماغا چالیشماسی دیققت چکیجی گؤرونر، اوخویوروق:

"... بیماری سکتاریستی برجسته ای را که در مورد چالشهای دموکراتیک در ایران میشود مشاهده کرد، گروهی کردن دموکراسی به قیمت حذف حقوق دموکراتیک غیر خودی میباشد. بخشی از گروهها، دموکراسی را فقط "دموکراسی پرولتری" ، یا فقط " فمینیستی" ، یا فقط " لیبرالیستی" ،" سوسیال" ، "دموکراسی شهروندی" و یا بالاخره تنها و تنها"دموکراسی ملی" می بینند. این شیوه نگرش به دموکراسی یک شیوه حذفی و سکتاریستی بوده و در نفس خود مضمونا غیر دموکراتیک بوده و بر ضد ارزشهای جهانشمول دموکراتیک و حقوق بشری میباشد"[1].

اوسته گؤروندوگو کیمی دنیز ایشچی ایمضاسی ایله دوشونجه و فیکیرلرینی آذربایجان توپلوم و اجتماعیتینه آشیلاماغا چالیشان ذات، ایستر فارس حاکیمیتی، ایسترسه ده فارس سیاسی قوروپ و تشکیلاتلارینا نئجه بیر سیاسی دوشونمه سیستیمی نین حاکیم اولدوغونو درک ائتمیش دئییل[2]. اوندان یانا بو ذات دا ایران ممالیکی محروسه سینده کی سیاسی سیستیمی ایضاح ائتمگه چالیشارکن دولاییلی اولاراق "سکتاریسم و پولورالیسم" گؤروشلرین دابانینا ایلیشیب قالاراق ایستعمارچیلیق و مستعمره اولما یاناشما و مناسبتی نی درک ائتمکدن عاجیرلیک چکدیگینی سرگیلمیش مقامدا یئر آلار. ایران ممالیکی محروسه سینه فارس ایستعمارچیلیق حاکیمیتی حاکیم کسیلدیگینی قبول ائدرسک، ایستعمارچی حاکیمیت علیهینه هر هانکی بیر ایستعمارچی تشکیلات ایله ایش بیرلیگی ائتمک کئچمیشده کی سیاسی تجربه لرین سونوج و نتیجه سی گؤرستدیگینی گؤز اؤنونه آلینارسا- دوزگون گؤرونمز. دئمک، کئچمیش یانلیش داورانیشلاردان عیبرت درسی آلمایاراق هر هانکی بیر فارس آخینی نی فارس حاکیمیت قولتوغونا قالدیرماق اوچون خالقی بیر داها عوامفریبلیگه ایته لمک، هر هانکی بیر سیاسی دوروم و وضعیتی ایرده لمک و تجزیه تحلیل ائتمک دئییل، او جهنمه گئتمک ایستگن ذاتین، یولداش چوخ اولسا، داها دا یاخشی اولار دوشونجه سینی چئینر توپور ائتمک ساییلار. دنیز ایشچی ایمضاسی ایله یازیلمیش یازیدا گئنه ده اوخویوروق:

"... اکثریت غالب سازمانهای سیاسی سرتاسری در ایران، از لیبرال دموکراسی آن گرفته تا مشروطه خواهان، از سوسیال دموکراتها گرفته تا اصلاح طلبان حکومتی، تحت تاثیر سیاستهای شوینیستی و آپارتایدی هژمونی آریایی رژیم های پهلوی و جمهوری اسلامی ایران، هنوز هم با شدت و ضعفهای مختلف یک سیاست هژمونی گرانه آریایی به موازات حذف حقوق ملی دموکراتیک ملیتهای دیگر را ادامه می دهند. کشور گشایانی که رویای فلات ایران بزرگ را در خوابهای شیرین خویش در تاریخهای آریایی خویش با حقوق بشر هخامنیشی آن در شبهای دراز زمستانی میبینند، سرمت از اتوپیا های آپارتایدی خویش، حق طلبی های ملی دموکراتیک را فقط و فقط به مفهوم تجزیه طلبی ایران بر کرنا های خود شیپور می زنند. روشنفکران دموکرات و آزاده درون این جریانهای سیاسی تحت تاسیر سیر عمومی جو سیاسی روانی حاکم، در مقابل این تبلیغات و سیاستهای آپارتایدی برخوردی تسلیم طلبانه و ساکتی را پیشه کرده اند. نزدیک به صد سال است که اعمال سیاست های آپارتایدی حکومتی و غیر حکومتی از طرف این بخشهای اجتماعی بر علیه ملیتهای غیر فارس داخل ایران اعمال میشود."[3].

اوسته ایشاره اولوندوغو کیمی، فارس ایستعمار تشکیلاتلاری فارس ایستعمارچیلیغی نین چیلپاق (لوت) گؤرونومونو  گیزلتمگه چالیشاراق یانلیش و یوموشاق گؤسترمه چالیشدیقلاری "شئوینیستلیک سیاستی" دئییل، ایستر فارس حاکیمیتی و ایسترسه ده فارس سیاسی تشکیلاتلاری طرفیندن ایران ممالیکی محروسه سینده کی فارس اولمایان ائتنوسلار علیهینه اویقولانمیش و اویقولاماغا چالیشدیقلاری" فارس ایستعمارچیلیق سیاستی" منظور اولونار. بو دئدیکلریمیزی آنلاشیلار بیچیمده سرگیلمک اوچون گونئی آفریقادا آوروپالیلار طرفیندن یئریدیلمیش ایستعمارچیلیق سیاستی نی گؤز اؤنونه آلمالی ییق، اوخویوروق:

"ایستعمارچیلیق  سیستیمی گونئی آفریقاداکی انسانلاری "آیری سئچکیلیک (تبعیض نژادی)" مقوله سینه تابع توتاراق اونلاری عیرقلارا بؤلوردو. ایستعمارچیلیق سیستیمینه اساسن آفریقالیلار اسکیک، دوشوک (دگرسیز) و آغ دریلری اوستون (آغا انسانلار) و آرتیق دئیه قلمه آلینیردی. ایستعمارچیلار تاریخدن گونوموزه گلن قانون و قایدالاری گؤز آردی ائده رک یئرلی خالقلاری اؤز دیللرینی بوراخماغا زورلادیلار. بیر چوخ خالقلار ایستعمارچیلیق سیاستینه قارشین دیرنمه لرینه باخمایاراق ایستعمار گوجلری اونلاری تسلیم اولماغا زورلادی. بیر چوخ خالقلار اؤز آزادلیقلاری اوچون ووروشسالار دا، آوروپالیلارین یاراق (سیلاح) اوستونلوگو قارشیسیندا اونلار دا دیزه چؤکمه لی اولدولار. آفریقانین چوخلو خالقلاری- اؤزللیکله ایستعمارچیلیغا قارشین دیرنیش گؤرسدن  خالقلار- ایشغالچی آوروپالیلار طرفیندن سوی قیریما (نسل کشی) تابع توتولدولار[4].

تاریخ بویو تورکلرین ایران ممالیکی محروسه سینه حاکیم اولدوقلارینی، دیوان دیلی دئیه فارس دیلی و مدنیتی گؤزون قاراسی کیمی تورک حاکیمیتلری طرفیندن قورودوغو نظره آلینارسا، اوسته آوروپا آراشدیرماجیلاری طرفیندن اؤنه سورولموش تابلو اوزرینده بیر آز آرتیق دوراقلادیقدا، بوگون فارس ایستعمارچیلاری و تشکیلاتلاری طرفیندن تورک و عرب ائتنوسونون دیل و مدنیتی علیهینه آیدین و یوکسک سس ایله، باشقا دیل و مدنیتلر علیهینه سس سیز اویقولانمیش ایستعمار سیاستی گونئی آفریقادا آوروپالیلار طرفیندن اویقولانمیش انسانلیق دوشمنی ساییلمیش سیاستدن هر هانکی اسکیکلیگی گؤرونمز. دئمک، فارس ایستعمارچیلاری "ایرانیت (ایرانلی اولماق)" مقوله سیندن یولا چیخاراق و ایرانلی اولمانی فارس اولماقلا یوروملاماغا چالیشاراق فارس اولمایان توپلوملارین ایصطلاحن آیدین، آنجاق اؤز خالقلارینا کورک چئویرمیشلرینی فارس ایستعمارچیلیق خیدمتینه آلاراق اونلاری تحمیق ائتمکله خالق کیتله سینی داها دا راحات اسارته چکمگه چالیشمیشلار. دنیز ایشچی قلمیندن گئنه ده اوخویوروق:

"... غیر طبیعی به نظر نمی رسد اگر می بینینم که اعمال چنین سیاستهای آپارتایدی به مدت زمانی چنین طولانی، آنتی تز های خویش را بصورتهای مختلف خشم و طغیانهای ملی نشان ندهند.این "تز" های آپارتایدی به موازات عکس العمل آن یعنی "آنتی تزهای" ناسیونالیسم افراطی که بخواهی نخواهی کینه ورزی کور کورانه ای را بر علیه ملیت فارس تبلیغ میکند، نه تنها در خدمت ملیتهای مختلفی که در ایران زندگی میکنند نیست، بلکه دقیقا به نفع حکومت گران ارتجاعی جمهوری اسلامی ایران و نظام جمهوری اسلامی ایران میباشد که بیش از سی سال تمام تمامی ارزشهای آزادیخواهانه و اقشار و طبقات اجتماعی را که تمامی ملیتهای مختلف ایران هم بخشی از آن را تشکیل می دهند، به صلابه کشیده است"[5].

اوسته گؤروندوگو کیمی، دنیز ایشچی ذات عالی فارس نئهیلیستلیگی باتلاغیندان اؤزونو اوزاقلادابیلمه یه رک یئریتدیگی دوشونجه و فیکیرلری چئینر توپور ائتمگه چالیشار. دئمک، اویقولانان سیاست، آیری سئچیلیک (آپارتاید، تبعیض نژادی) و فارس ایستعمارچیلیق سیاستی اساسیندا حیاتا کئچدیگی و اویقولاندیغی اوچون، توپلوم تانیما بیلیمینه اساسن خالق اجتماعیتی و توپلوموندا حاکیم و محکوم دئیه "بیزیم قوروپ" و "او بیریسی قوروپ" آنلاییشی اورتایا چیخار. توپلوم تانیما بیلیمینه اساسن "بیزیم قوروپ" فارسلیق و فارس ایستعمارینا ("او بیری قوروپ"ون باسقیسینا) معروض قالمیش توپلوم ساییلار. بو مسئله یالنیز ایران ممالیکی محروسه سینه حاکیم کسیلمیش فارس ملتی (فارس دیل و مدنیتی نین صاحابلاری) و فارس ایستعمارچیلیغینا معروض قالمیش تورک، عرب و باشقا ائتنوسلار اوچون دئییل، بوتون ایستعمارچی و مستعمره یه معروض قالمیش توپلوملار آراسیندا بو گؤرونوم (منظره) بیر یانقی (انعکاس) اولاراق قابارار و دیکله بیلر. دئمک، آمریکایا اؤلوم اولسون دئدیکده آمریکاداکی خالق کیتله سی منظور اولونمادیغینا باخمایاراق هئچ زامان آمریکا خالقی ایله بیزیم دوشمنلیگیمیز یوخ دا دئییلمز. اویقولانمیش ایستعمار سیاستی منظور اولدوغو اوچون بو سیاست ایستر آمریکا تفکچیسی دئیه آفریقادان اجیر اولموش بیری نین طرفیندن و ایسترسه ده آغ دریلی طرفیندن حیاتا کئچمه سینه باخمایاراق آمریکانین ایستعمار سیاستی دئیه آمریکالی نین آدینا یازیلاراق محکوم اولونار. آمریکانین ایستعمار سیاستینه گلدیکده، آمریکا سیاسی و اجتماعی تشکیلاتلاری و توپلومو دا آمریکانین ایستعمارچی سیاستلری قارشیسیندا سوسدوقلاری اوچون هئچ ده ازیلمیش توپلوملار طرفیندن خوش قارشیلانمازلار. گؤروندوگو کیمی فارس مفکوره سی ایله یوغرولموش و فارس ایستئحمارچیلیغینی منیمسه میش ذاتلار یئری گلرکن بئشینجی دیرک (ستون پنجم) کیمی فارس ایستعمار مدافعه چیلیگینه ده قاپیلابیلرلر.  بئله لیکله ده بئلنچی ذاتلار دوشونجه و فیکیر یئریدرکن "بیر آرا ایکی دره" داورانیشینی اؤزلری اوچون بیر سئچه نک دئیه سئچمیش اولارلار بئلنچی داورانیشلار ده وه تویوغونا دا نسبت وئریلمیش: ده وه تویوغو دا یئرینه گؤره ده وه لر یانیندا ده وه، تویوقلار یانیندا ایسه اؤزونو تویوق گؤرستمگه چالیشارمیش. دنیز ایشچی ایمضاسی ایله یازیلمیش یازیدان گئنه ده اوخویوروق:

"... واقعیت سیاسی اجتماعی حاکم بر ایران حکم میکند که تمامی شهروندان ساکن ایران باید از حقوق واحد شهروندی کشوری برخورباشند. این حقوق باید بر پایه های ارزشهای دموکراتیک و حقوق بشری جهانشمول استوار باشد. بر مبنای همین حقوق طبیعی انسانی شهروندی، نهادهای مردمی و کشوری دموکراتیک سیاسی ، صنفی، فرهنگی و اجتماعی میتوانند شکل بکیرند که از حقوق اقشار و طبقات نامبرده حمایت بکنند. خود همین نهادهای دموکراتیک سرتاسری کشوری باید منعکس کننده ارزشهای دموکراتیک بخشبندیهای دیگر اجتماعی از قبیل زنان، جوانان، کارگران و زحمتکشان، ملیتهای مختلف و طرفداران محیط زیست و غیره باشند. تشکلهای دموکراتیک مردمی سرتاسری اجازه ندارند یک سیاست حذفی را نسبت به ارزشهای دموکراتیک دیگر، از قبیل حقوق ملی فرهنگی مردم ملیتهای غیر فارس را به پیش ببرند"[6].

اوسته کی پاراگراف اوزرینده دوراقلادیقدا اولدوقجا قارماقاریشیق (بیربیرلری نین ترسینه و متضاد) دوشونجه لر ایله اوزله شه ریک. بو دوشونجه لر مؤللیفین هر هانکی بیر یئته نکلی دانیشیق آپارما و دوشونجه یئریتمه سی اساسیندا دئییل، روحانیت عالمینده سئیر ائتمیش هبروتچولارین دوشونجه و فیکیر داشیجیلاری نین قاباریق گؤرستگه (نشانه) سی کیمی اورتایا چیخار. بو دئدیکلریمیزه تانیق مؤللیفین ایران ممالیکی محروسه سینده کی میللیتلر مسئله سینه فارس تمامیتچیلیگی نین وطنداشلیق (شهروندلیک) مقوله سی باشلیغی آلتیندا یئر وئرمه سی و فارس ایستعمار تشکیلاتلارینی ایران ممالیکی محروسه سی اوچون گئنیش چاپلی بشر حاقلارینا صاحیب چیخاجاق، دئموکراتیک تشکیلاتلار اولابیلرلر دئیه بو تشکیلاتلاردان اولوشابیلیب، یوخسا بیلمه یه جک دئموکراتیک قوروملارین یارانماسی و میللیتلر مسئله سی نین بو تشکیلاتلار چاتیسی آلتیندا حلل اولونماسی نی آرزو ائتمه سی ساییلار. کئچمیش یازیلاریندا بیر عؤمور فارس تشکیلاتلاریندا سوموک سیندیرما ایددعاسیندا اولماسینا باخمایاراق بئلنچی دوشونجه و فیکیر یئریتمه سی ایله مؤللیفین بوش دیبگه توخماق وورماقدان آرتیق دارتیلاجاق دنی قالمیش دئییلدیر.

 

اتک یازی و قایناقلار

 



[1]  دنیز ایشچی، ملی دموکراسی غیر هارمونیک آذربایجان، 17.04.2012: http://www.solgunaz.com/General/82.htm

[2]  بئیینده سیاسی دوشونمه فارس دیلی اساسیندا و فارس دیلیندن حرکت ائدیله رک تهرانداکی فارس حاکیمیتی و اونا فارس اولمایان میللیتلر مسئله سی آچیسیندان پوزیسیون ساییلان فارس تشکیلاتلاری (ایستر ساغ، ایسترسه سول اولسونلار) منظور اولونار.

[3]  دنیز ایشچی، باخ اوسته.

[4]  Marlen Schott und Britta Pawlak, Zeit des Kolonialismus: Versklavung und Ausbeutung Afrikas: Imperialismus: Wettstreit der Kolonialherrscher: http://www.helles-koepfchen.de/kolonialismus_versklavung_und_ausbeutung_afrikas.html

[5]  دنیز ایشچی، باخ اورادا.

[6]  دنیز ایشچی، باخ اورادا.

 

 

ایشیق سؤنمز، 18.04.2012