بابک امیر خسروی نین فارس ایستعمارچیلیغینا داها آرتیق خوش خیدمتلیک ائتدیگینه باخیش!

 

آذربایجاندان باشلامیش مشروطه حرکاتی نین یئنیلمه سی نین سونوچ و نتیجه سی اولاراق ایران ممالیکی محروسه سینه فارس ایستعمارچیلیغی نین حاکیم کسیلمه سینی کئچمیش یازیلاردا اورتایا قویموش[i]، اوسته لیک بؤلگه ده روسیه سؤیئتلیک ایستعماری و اینگلیس ایستعمارچیلیغینا قارشین آلمان پیرؤیس ایستعمارچیلیق حاکیمیتی نین ده دنگه اولوشدوردوغونا داییر بیلگی وئره رک دئیینمیشیک[ii]. ائله جه ده ایران ممالیکی محروسه سی روسیه سؤیئتلیگی و  انگلیستان گوجلری طرفیندن ایشغال اولدوقدان سونرا قودرت بوشلوغونون یارانماسی و فارس ایستعمارچی حاکیمیتی نین اویقولادیغی باسقیلارین آزالماسی نتیجه سینده گونئی آذربایجانلیلار آراسیندا میللی بیلینجین گلیشمه سینه یول آچماسی، گونئی آذربایجانلیلاری آذربایجان میللی حکومتی نین یاراتمالارینا دورتمه سینه ده ایشارت ائتمیش ایدیک[iii]. بونلارا باخمایاراق بابک امیر خسروی بیر فارس مدنیت راسیستی اولاراق ایران ممالیکی محروسه سینده کی میللیتلری مختلیف میللی توپلوملار دئییل، اونلاری ایران-فارس میللتی نین آلت قوروپلاری دئیه "اقوام ایرانی" قلمه آلماغا چالیشار[iv]. دئمک، بعضیلری بئلنچی ذاتلارین گؤروشلرینی اؤنمسه مز و گؤرمزدن گلمک ایسته سه لر ده، بیر سیرا فارس ایستعمار قووه لری بئلنچی ذاتلارین قولتوغونا قارپیز قویماغا چالیشاراق بونلاری اوزدن ایراق بیر دلی دانا دک آذربایجان تورکلری نین میللی منافعلری علیهینه اویناتماغا چالیشارلار[v]. مسئله بئله اولدوقدا قلم صاحابی بو دوروم و وضعیته داها آرتیق سئیریجی قالماق ایستمه یه رک بابک امیر خسروی نین فارس ایستعمار  تشکیلاتلاری و او تشکیلاتلارداکی تورک کؤکنلی آیاقچیلارینا تحریف ماهیتینده ییرمی بیر آذر موناسبتی ایله اورتایا قویدوغو گؤروشلره موناسبت بیلدیرمک ایستر، بابک امیر خسرویدن اوخویوروق:

"حرمتلی یولداش وهاب، سلامدان صونرا! ازمن خواسته ای که به مناسبت سالگرد ماجرای غم انگیزفرقه ی دموکرات آذربایجان، با نشریّه ی شما، مصاحبه بکنم. نگاهی به پرسش ها براین حقیقت گواهی می دهد که تو رفیق ارجمند و سایر رفقای سازمان اکثریّت؛ پس ازاین همه اسناد ومدارک ومشاهده ی واقعیّت ها، هنوزازنهضت ملی ۲۱ آذر صحبت می کنید وشگفتا همچنان آن راجشن می گیرید! وبراین باورید که گویاآن ماجرا، یک جنبش خودجوش واصیل وبرخاسته ازمیان مردم شریف آذربایجان بوده، بااهدافملّیداشته است!"[vi]

اوسته گؤروندگو کیمی گونئی آذربایجان میللی مسئله سینه یاناشماقدا بابک امیر خسروی هر هانکی بیر آزاد انسان، بیر دوشونجه و فیکیر صاحابی کیمی دئییل، بیر فارس تمامیتچی سی (فارس دیلی و مدنیتی راسیستی) کیمی یاناشمیش  مقامدا یئر آلار. دئمک، کئچمیشده ایران ممالیکی محروسه سینده فارسلیق مفکوره سی هئژمون اولدوغو و فارس مفکوره سی آچیسیندان دا فارس ایستعمارچیلیق مقوله سی ایرانلی لیق مسئله سی قلمه آلیندیغی اوچون فارس ایستعمارچیلیغینا معروض قالمیش ایران ممالیکی محروسه سینده کی تورک، عرب، بلوچ، لور و کورد میللیتلرینه منسوب اولان انسانلارین اؤز میللی منلیک و کیملیکلرینه دوشونمکلری و اهمیت وئرمکلری بیر باغیشلانماز گوناه ساییلارمیش. بو اساسدا 1941.- 1946. ایله دک انگلیستان و روسیه سؤیئتلیگی ایشغالینا معروض قالمیش ایران ممالیکی محروسه سینده کی خالقلار، فارس ایستعمارچی گوجلری نین ایجازه سی اولمادان، فارسلیق ایسارتینده اولدوقلاری اوچون اؤز میللی منلیک و کیملیکلرینه دوشونمه مه لی ایمیشلر. ییرمی بیر آذر مسئله سینی باهانا ائده رک سازمان فداییان خلق ایران- فارس تشکیلاتی نین دوزنلدیگی دانیشیقلار دا آذربایجان میللی مسئله سی و ییرمی بیر آذر حرکتی نین قوتلانماسی دوغرولتوسوندا دئییل، فارس ایستعمارچیلیغی آدینا وردیش (تمرین) ائتمک ایستدیکلری ایصلاحن دمکراسی آنلاییشی ساییلار. دئمک، ایرانلی لیق آدینا دا گونئی آذربایجان میللی مسئله سینی ائشیتمک قابیلیتینه یییه اولمایان بابک امیر خسرویلردن داها آرتیق نه گؤزلمک اولار دئیه فارس ایستعمارچیلیق تشکیلاتلاریندا آیاقچیلیق ائدن هر بیر آذربایجانلی اؤز دوردوغو یئری نین نئجه بیر یئر اولدوغونو اؤزو قرار وئرمه لیدیر. گئنه ده اوخویوروق:

"... چنین به نظرمی رسد که شما، متاسفانه هنوزبراین باورید که رهبری آن نیز بدست فرقه ی دموکرات آذربایجان بود که در۱۲ شهریورتاسیس شد وسه ماه بعد قدرت را درآذربایجان بدست گرفت! ظاهراًهنوز برشما روشن نیست که ایجاد فرقه ی دموکرات آذربایجان، ازآغاز تا پایان؛ ساخته وپرداخته ی میرجعفرباقروف ها درباکو، وآن نیزطبق نقشه ورهنمودهای روزمره ی ژوزف استالین بود! شنیدن این سخنان ازسوی شما وسازمان اکثریّت که مورد علاقه واحترام من اید، و باور به این پندارها، انسان را عمیقاً غمگین ومتاسف می سازد"[vii].

میللی مسئله هر بیر میللتین اؤلوم یوخسا قالیم مسئله سی اولدوغو اوچون گونئی آذربایجان میللی حؤکومتی باشچیسی میرجعفر پیشه وری ایله میرجعفر باقروف مصلحتلر آپارمیش دئیه  گونئی آذربایجان میللی مسئله سینی یوژئف ایستالینه نسبت وئرمگی ده بابک امیر خسروی نین فارس ایستعمار یانچیسی اولدوغونون گؤسترگه سی ساییلار. ائله او اساسدا بوگون فارس ایستعمار تشکیلاتلاریندا کادر اولاراق خیدمت ائدن آذربایجان تورکلری نین (رقیه دانشیان و....)، بیر چوخونون کئچمیشده کی قوهوملاری نین آذربایجان دمکرات فرقه سی عضولریندن اولدوقلارینی نظره آلارساق، فارس ایستعمارچیلیغی نین هانکی بویوتلاردا عمل ائتدیگینی داها دا راحات درک ائتمک اولار. دئمک، ایران ممالیکی محروسه سینده کی میللیتلر مسئله سی بیر چوخلاری باشا دوشمک ایستمدیگی "ایرانیت" مسئله سی دئییل، میللیت اساسلی فارس ایستعمارچیلیق مسئله سی ساییلار. بو دوغرولتودا آذربایجان میللی حکومتی یئنیلگه یه اوغرادیقدان سونرا برازجان شهرینده کی فارسلیق توتساغی اولموش، هاشمی و حداد آدلی توتساقلارا محمدرضا شاهین باش وزیری اسدالله علم-ین ایشلتدیگی ایفاده نی ائشیتمک یاخشی اولار دئیه دوشونورم. هاشمی برازجان زیندانیندا اسدالله علمه توتساق اولارکن اؤز دردینی آنلاتماقلا بیر سورقونو دا اورتایا آتمیش، "اطلاعات هوایی" قزئتیندن اوخویوروق: " 45 هزار زنداني که به اتهام عضويت در فرقه دموکرات آذربايجان زنداني بودند همگي آزاد شده اند و تنها من و دو نفر ديگر هنوز در زندان مانده ایم" ... "آيا اين ناشي از اشتباه است يا ميخواهيد ازشخص ما انتقام بگيريد".

اسدالله علم دئمیش: "ما انتقام شخصي نه، بلکه انتقام ملي گرفته ايم"[viii].

گؤروندوگو کیمی حاکیم و محکوم بیر بیرلرینی سورقویا چکرکن میللی مسئله آچیسیندان (تورک یوخسا فارس) مسئله یه یاناشدیقلارینا باخمایاراق اؤزلرینی اوزدن ایراق "ایرانلی آیدین" قلمه آلان فارس مدنیت راسیستلری و فارس ایستعمار یانچیلاری "ایرانیت" آدی نین آرخاسیندا گیزلنه رک فارس ایستعمارچیلیغی و راسیستلیگینی دیفاع ائدرلر. مسئله یه اوبیئکتیو یاناشیلارسا، کئچمیشده کی توهم یوخسا  خیال اوجوباتیندان بیر چوخلاری روسیه ایستعمارچیلیق سیستیمینه رحمت و شفقت  گؤزو ایله یاناشدیقلارینا و یوخسا هر هانکی مصحلت اوزوندن دونیا سیاستینده کی گؤتوروشمک (یار کشی) آچیسیندان روسیه سؤیئتلیگیندن پای اومدوقلارینی نظره آلاراق مسئله نین هانکی آشامادا آخین ائتدیگینی آنلاماغا چالیشارساق، فارس ایستعمارچیلیغی قارشیسیندا الی سیلاحسیز بیر توپلومون باشچیلاری، باشدا سیدجعفر پیشه وری روسیه ایشغالی آلتیندا اولان توپلومو اؤز میللی منلیگی و کیملیگی دوغرولتوسوندا سفربر ائتمک مسئله سینی هئچ ده جناییلشدیرمگه احتیاج گؤرونمز.  میرجعفر باقروف و سید جعفر پیشه وری نین مصلحتلشمه لری سؤز قونوسو اولدوقدا بو مسئله نی اوچ آچیدان اله آلماق اولار:

1-      میرجعفر باقروف و سید جعفر پیشه وری هر ایکی سی روسیه سؤیئتلیگی و فارسلیق ایستعمارچیلیغینا توتولموش میللت اوولادلاری اولاراق روسیه سؤیئتلیگی کؤمگی ایله آذربایجان خالقینی بیرلشدیرمک دوشونجه سینه قاپیلمالاری خطا دا اولسا، بو مسئله دوشونولموش بیر سئچه نک ساییلمالیدیر. بو سئچه نک اوغورلو حیاتا کئچسه ایمش، گونئی آذربایجان میللی حؤکومتی قورولدوغو گوندن گونئی آذربایجان ایداره لرینده و ایداره چیلیک سیستیمینده آذربایجان دیل و مدنیتی حاکیمیتچیلیگینی سوردوره رک آذربایجان تورکچه سی ده قات قات زنگینلشمگه دوغرو ایلریلرمیش و انسانلاریمیز دا فارسلیغین اریتمه سیاستینه تابع توتولمازمیشلار. اوسته لیک، بوگون قاراباغ تورپاقلاری ایشغال اولموش قوزئی آذربایجان جمهوریتی دئییل، بیرلشیک و بوتون آذربایجان جمهوریتی نین یاراندیغینا تانیق اولاردیق.

2-      فارس مدنیت راسیستلری و ایستعمار یانچیلاری نین ایددعا ائتدیکلری و ایستالینه نسبت وئردیکلری قارا یاخما (گونئی آذربایجانین فارسلیق چنبره سیندن قوپماسی و روسیه سؤیئتلیگینه قوشولما مسئله سی) گؤروشلری حیاتا کئچسه ایمیش، گئنه ده 1991. ایل روسیه سؤیئتلیگی نین داغیلماسی ایله بیرلشیک آذربایجانا تانیق اولاردیق. دئمک، آذربایجان میللی مسئله سینی فارس ایستعمارچیلیق گؤزو ایله یورمساماق (تعبیر ائتمک ایستمک)، آذربایجان میللی مسئله لرینه خئییر گتیره بیلمز.

3-      گونئی آذربایجان میللی حؤکومتی ایستر ایران ممالیکی محروسه سینده موختار بیر دؤلت، ایسترسه ده اؤز مستقیللیگینی قورویاراق بؤلگه ده گونوموزه دک حاکیمیتچیلیگینی یاشادا بیلیرسه ایمیش، گئنه ده گونئی آذربایجان توپلومو بیر میللی وارلیق اولاراق بو گون اؤزونه لاییق یئری توتموش ساییلارمیش. بو مسئله گئنه ده  ایکی آچیدان اله آلینابیلرمیش:

1-      گونئی آذربایجان مستقیل بیر دؤلت اولاراق گونوموزه دک اؤز میللی دؤلتچیلیگینی یاشادا بیلسه ایدی، بوگون هر هانکی بیر مانع اولمادان خالق سس وئرمک یولو ایله قوزئی و گونئی آذربایجان دئیه بیرلشیک آذربایجان دؤلتی یاراناراق بیر میللی وارلیق اولاراق باجی- قارداش حسرتینه سون قویولارمیش.

2-      گونئی آذربایجان ایران ممالیکی محروسه سی ایچریسینده مختار بیر دؤلت کیمی بو گونه دک اؤز دؤلتچیلیگینی یاشادا بیلسه ایمیش، او زامان گئنه ده ایران ممالیکی محروسه سینده بوگونکو کیمی قاباریق فارس ایستعمارچیلیق حاکیمیتی دئییل، نسبی ده اولسا، اؤز میللی دیلی و مدنیتی، یئر آلتی و یئر اوستو قایناقلارینا دا صاحیب اولان بیر موختار آذربایجان حاکیمیتی اورتادا گؤرونرمیش. بئله لیکله فارس مدنیت راسیستلری و فارس ایستعمار گوجلری طرفیندن ده آذربایجان تورکلری هر هانکی بیر حئیوان معامله سینه تابع توتولمازمیشلار.

اوسته کی گؤرونوم و منظره لر نظره آلیندیقدا بیر ازیلمیش خالق اوولادی اولاراق بوگون فارس ایستعمارچیلیغینا خوش خیدمتلیک ائتمک هئچ ده انسانلیق دئییل، رذالتین قاباریق گؤرونتوسو و گوزگوسو ساییلار.


قایناقلار و اتک یازیلار


 

[i]  ایشیق سؤنمز، آذربایجان مشروطه حرکاتی نین یئنیلمه سی نین سونوچ و نتیجه سی اولاراق فارس ایستعمارچیلیغینا گئدن یول: http://www.isiqsonmaz.com/Seite257.htm

[ii]  ایشیق سؤنمز،  "کور رنگی" در جنبش ملی آذربایجان" باشلیغی ایله یازیلمیش یازییا باخیش: http://isiqsonmaz.com/Seite%20309.htm

[iii]  ایشیق سؤنمز، باخ اوسته.

[iv]  ایشیق سؤنمز، بابک امير خسروي نين "ميلت ندير؟" و "فارسی آذري" دئيه اورتایا آتدیغی فارس نئهيليستلیگی و ایستعمارچیلیغی گؤروشلرینه باخيش: http://isiqsonmaz.com/Seite%20307-A.htm

[v]  بهرام خراسانی، ۲۱ آذر: یادمان ملی، یا نشان وابستگی؟ چهارشنبه  ۲۲ آذر ۱٣۹۱ -  ۱۲ دسامبر ۲۰۱۲، (اوخویوروق: جناب آقای امیر خسروی، با سپاس از احساس مسئولیت اجتماعی شما هم میهن و پیشکسوت ارجمند؛ ۱) من در جایگاه یک کمونیست قدیمی با بیش از ۶۰ سال سن، از سالهای میانه ی ده ی چهل که کمابیش درگیر فعالیتهای سیاسی شدم، با خودم بسیار کلنجار رفتم تا به خویشتن بباورانم که رویداد ۲۱ آذر ۱٣۲۴ آذربایجان، یک جنبش دموکراتیک بوده و ادعاهای رژیم شاه و نیز ملی گراها در باره وابسته بودن آن، سخنی بی پشتوانه و بیش از هرچیز، گونه ای توده ای ستیزی و کمونیست ستیزی است. .... اما گذشت روزگار، نادرستی پندار من و درستی گفتار کسانی که رویداد آذربایجان را یک نغمه شوم جدایی خواهانه و همسو با خواست الحاق گرایانه دولت شوروی میدانست، کمابیش بر من ثابت شد. بدتر از آن، کارزار گسترده قومگرایان چپ گرای ایرانی پس از حس کردن بوی کباب حکومت اقلیم کردستان در کمابیش یک سال گذشته بود که گویی کسانی چون من، از اینکه سخن از یکپارچگی میهن خود یعنی ایران به میان می آوریم، چیزی به کسی بدهکاریم یا باید شرمنده باشیم. این رفتار قومگرایان و دفاع آشکار آنها از جدایی خواهی، باور به درستی سخن مخالفان فرقه دموکرات آذربایجان و کردستان را در من افزود. .. از اینکه برنامه ریزان آن رویداد شوم شکست خوردند و آذربایجان هنوز پاره ی تن ایران است، خرسندم.... امیدوارم به زودی بتوانم گفتاری بسنده را در این زمینه آغاز کنم. بازهم از جناب بابک امیر خسروی سپاسگذارم، و برایش زندگانی درازی آرزو میکنم. پیروز باشید. بهرام خراسانی ۲۲ آذرماه ۱٣۹۱).

[vi]  بابک امیرخسروی، ۶۵مین سالگرد نهضت ۲۱ آذر به رهبری سید جعفر پیشهوری، چند یادآوری لازم درباره کتاب پروفسور جمیل حسنلی:  http://www.akhbar-rooz.com/article.jsp?essayId=49692

[vii] بابک امیر خسروی، باخ اورادا.

[viii] آذربایجان (قازئته)، حزب تودهء ایرانین آذربایجان تشکیلاتی- آذربایجان دمکرات فرقه سی مرکزی کمیته سی نین اورگانی، چهارشنبه 15 اسفند، 1341 (1962)، نمره 1441، اوچونجو دؤره، آلینمیش: اطلاعات هوایی 1 دی، 1341. باخ: یادداشت یوردنت: http://yurd.net/page.php?id_contents=0000001670

 

 

 

 

ایشیق سؤنمز، 13.12.2012