فارس ایستعمار مفکوره لی تشکیلاتلارین گؤروشلری اساسیندا ایران ممالیکی محروسه سینده کی فارس اولمایان ائتنوسلارین دئموکراتیکلشمه سی اوچون دوشونجه و فیکیر یارانابیلرمی؟

 

کئچمیش یازیلاردا ایشاره اولوندوغو کیمی محمد ارسی ده باشقا فارس ایستعمار یانچیلاری کیمی تورک کؤکنلی اولدوغونا باخمایاراق فارس دیل و مدنیتینی اساس گؤتوره رک ایران ممالیکی محروسه سی اوزره دئموکراسی ساییقلاماسی اورتایا سورمگه چالیشانلاردان بیری ساییلار[i]. محمد ارسی فارس دیل و مدنیت راسیستلیگینی اساس گؤتوردوگو اوچون ایران ممالیکی محروسه سینده فارس ایستعارچیلیغینا توتولموش ائتنیکلر اوزره وئریلمه سی لازیم اولان آزادلیقلاری فاجعه لشدیرمک (تراژدی سازی) دئیه قلمه آلماغا چالیشار[ii]. یئری گلمیشکن بو ذات اقدسین آدی چکیلن یازییا، یازدیغی گیریشینی نظردن کئچیرمگه چالیشاق، اوخویوروق:

"تبعیضات مذهبی و فرهنگی، محدودیت‌های زبانی و مشکلات منطقه‌ای ناشی از این تبعیضات، واقعیتی انکارناپذیر در ایران است. از نظر اکثر نیروهای آزادی‌خواه، دموکراسی طلب و ترقی‌ خواه ایرانی، این بی‌عدالتی‌هایِ زبانی یا مذهبی و منطقه‌ای، ناشی از استبدادِ سنّتی، سخت‌جانی دیکتاتوری و سیستم غلطِ اداری کشور است، و نه، ناشی از سلطۀ ملتّی به نامِ فارس، بر مللِ دیگرِ ساکنِ در ایران"[iii].

اوسته گؤروندوگو کیمی محمد ارسی بیر فارس ایستعمار یانچیسی اولاراق ایران ممالیکی محروسه سینده کی میللیتلر مسئله سی نین اؤرت باسیر ائدیلمه سینی بیر فارس ایستعمارچیلیق مقوله سینه دایالی دئییل، دیکتاتورلوق مسئله سی دئیه قلمه آلماغا چالیشار. بو گؤروشه اساسن فارس دیلینده تحصیل آلماغا و ائییتیم (تعلیم و تربیت) گؤرمگه هر هانکی بیر محدودیت تانینمازکن، ایران ممالیکی محروسه سی نین یوزده آلتمیش بئش اهالی سی نین، او جومله دن سایی فارسلاردان چون اولان آذربایجان تورکلری نین دیل و مدنیتینه مدرسه لرده یاساق قویماق، اونلاری فارسلاتما سیاستینه تابع توتماق، تاریخی یئر آدلارینی فارسلاشدیراراق دگیشدیرمک، تاریخی شخصیتلرینی میللی تئرورا معروض قویماق، یئر آلتی و یئر اوستو قایناقلارینی فارسلیق سیستیمی نین خیدمتینه آلماق یالنیز شخصی دیکتاتورلوق مقوله سی ساییلارمیش. بئله لیکله محمد ارسی فارس ایستعمارچیلیغی مقوله سینی دیکتاتورلوق دئیه چئینر توپور ائتمگه چالیشارکن بو دیکتاتورلوق سیستیملرین هانکی دیل و مدنیت خدمتینده اولدوغونو خالق اجتماعیتی نین دیققتیندن یاییندیرماغا چالیشار. فارس ایستعمار یانچیلاری نین عوامفریب گؤروشلرینه اساسن دیل و مدنیتلری یاساق اولموش توپلوملاری فارس دیل و مدنیتینه تابع توتدورماق، اونلارا دیل و مدنیت باخیمیندان حاکیم کسیلمک دئییل، اونلاری بلکه ده فارس توپلومو ایله ائشیت و برابر گؤسترمک ساییلارمیش. خاریجی عامیللر واسیطه سی ایله فارسلیق سیستیمی نی فارس اولمایان ائتنوسلارا حاکیم ائتمک و اونلاری فارسلیق ایستعمارینا تابع توتدورماق و رضا میرپنجین گئییم یاساغی قویماسی (متحد الشکل کردن لباس)، موختلیف میللیتلری بیر گئییم سیستیمینه تابع ائتدیرمه سی ده  فارس ایستعمارچیلاری نین گؤروشونه اساسن برابرلیک سیمگه سی ساییلارمیش. فارس ایستعمار یانچیلاری نین گؤروشلرینه اساسن اجبار ائدیلمیش فارس دیلی (زبان واحد) مسئله سی ده برابرلیک سیمگه و نشانه سی ساییلارمیش!!. فارس ایستعمار یانچیلاری بو تحمیل ائدیلمیش فارس دیلینی بیر سلطه و حاکیمیت وسیله سی دئییل، ایرانلی اولماق وسیطه سی دئیه قلمه آلماغا چالیشارلار[iv]. بو یاناشما فارس ایستعمارچیلاری و یانچیلاری نین شیادلیغی و عوامفریبلیگی دئییل می؟ محمد ارسی مفکوره باخیمیندان فارسلیق چنبره و داییره سینده اولان فارس ایستعمار تشکیلاتلارینی آزادیخواه دئیه قلمه آلاراق یازار:

".. لذا، این نیروهای آزادی‌خواه و ملّی، چارۀ این بی‌عدالتی‌ها را، در پایان دادن به دیکتاتوری حاکم بر ایران؛ در دموکراسی‌سازی، در تأسیس آزادی، توسعۀ سیاسی و فرهنگی، در تاکید بر آزادی‌های فردی و حقوق شهروندی، در غیر متمرکز کردن ادارۀ امور مملکت، یعنی در دسانترالیزاسیون می‌دانند که، بدینوسیله، این مشکلات ملّی یا مسائل قومی، با کوشش جمعی، برای ایجادِ تعادلی مطلوب، میانِ وحدت ملّی و ناهمگونی‌های ساختاری منطقه‌یی، می‌تواند، گام به گام، طی زمان حّل شود"[v].

محمد ارسی نین اوسته سسلندیرگی مقاملار ائتنیک آچیندان (زاویه-دن) چوخ میللیتلی بیر ممالیکی محروسه و توپلوملار اوچون دئییل، تک ائتنیکلی بیر توپلوم و او توپلومون ایچینه کؤچموش و داشینمیش خاریجی شخصلرین وطنداشلیق مقوله لرینه دئموکراسی آچیسیندان جاواب وئره بیلجک مقام ساییلار. گؤروندوگو کیمی فارس ایستعمار یانچیلاری نین دئموکراسی گؤروشلری ده دیل و مدنیت اساسلی "انسانیت" مقوله سی دئییل، فارس تمامیتچیلیگینی اساس گؤتورموش ایستعمارچیلیق مقوله سینه اساسلانمیش بیر ایستعمارچی گؤروش ساییلار. محمد ارسیدن گئنه اوخویوروق:

"در واقع، ضرورت رفع بی‌عدالتی‌ها و تبعیضات قومی و مذهبی و یا منطقه‌ای... در برنامه‌ی همۀ احزاب و سازمان‌های دموکراسی خواه و مترقی ایرانی به طور جدّی مطرح شده، و حلّ آن، بر بخش مهمی از موضوع دموکراتیزاسیون جامعۀ استبدادزدۀ ایران، تبدیل گشته است. نمونه می‌آوریم:
- نهضت آزادی ایران، - احزاب و سازمان‌های حامی جنبش سبز مردم ایران،- جریان‌های گوناگونِ ملی و جمهوری‌خواه ایرانی، - اتحاد جمهوری‌خواهان، - جمهوری خواهان لائیک،... ، - سکولارهای سبز، - فدائیان خلق اکثریت، - حزب دموکراتیک مردم ایران، - جبهه ملی ایران، - حزب مشروطه ایران و غیره"[vi].

محمد ارسی اوسته آدلارینی سسلندیرگی فارس مفکوره لی تشکیلاتلار او جومله دن نهضت آزادی[vii]، اتحاد جمهوری خواهان[viii]، حزب دمکراتیک مردم ایران[ix]، فدائیان خلق اکثریت[x]، حزب مشروطه سلطنتی ایران[xi]، حزب جبهه میللی ایران[xii]،  و اؤزلرینی یاشیل آدلاندیران باشقا فارس ایستعمار آخینلاری[xiii] فارس اولمایان ائتنوسلار آچیسیندان دئموکرات دئییل، فارس ایستعمارچیلیغی نین پوزیسیون تشکیلاتلاری ساییلار. بو تشکیلاتلار فارس حاکیمیتینه قارشین اوپوزیسیون کیمی نظره آلینسالار دا، فارس اولمایان ائتنوسلار اوچون فارسلیق منافعیندن چیخیش ائتدمیش و ائده جک فارس ایستعمار تشکیلاتلاری ساییلارلار. بو تشکیلاتلارین ایستر اساسنامه لری و ایسترسه ده سؤزچولری نین گؤروشلری نظره آلیندیقدا محمد ارسی نین ده فارس ایستعمار یانچیسی اولدوغو اورتایا چیخار. بیلیندیگی کیمی محمد ارسی ده کئچمیشده دوشونجه باخیمیندان بیر چوخ فارس ایستعمارچی تشکیلاتلارینا آیاقچیلیق ائتمیش، سولدان ساغا قایمیش، بو نه ایمیش، بو نه دئییلمیش دئیه آوارا بیر شخص ساییلار. اوندان یانا دا بئلنچی شخصلری جدی نظره آلماماق بیر یانا دورسون، اونون ماهیتینی ده توپلوما آچیقلاماق پیس ساییلماز دئیه دوشوندوک.  

 

قایناقلار:


 

[i]           ایشیق سؤنمز، سفیللرین خاریجی دؤولتلره بشر حاقلاری قونوسوندا رجز اوخوما مسئله سی: http://www.isiqsonmaz.com/Seite213.htm

[ii]           محمد ارسی، تـراژدی‌سـازی از مسـائـل قومی و زبـانی و ایـدئولوژی سـازی از فـدرالیزم، تگزاس ۵ می ۲۰۱۳: http://www.iran-emrooz.net/index.php/politic/more/45391/

[iii]          محمد ارسی، باخ اورادا.

[iv]           جواد شیخ الاسلامی: زبان فارسی در آذربایجان (ایرج افشار سیستانی)، تهران، چاپ 1368.: زبان فارسی نشان والای قومیت ایرانی، صحیفه 443- 442.

[v]           محمد ارسی، باخ اورادا.

[vi]          محمد ارسی، باخ اورادا.

[vii]          ایشیق سؤنمز، فارس میللی-مذهبیلری نین تمامیتچیلیگی!: http://azadtribun.info/index.php/fa/2013-02-08-20-07-20/2013-02-10-12-35-28/169-2013-03-06-21-48-36

[viii]         ملیحه محمدی، اتحادجمهوریخواهان از تولد تا همایش سوم و علی شاکری!: http://politic.iran-emrooz.net/index.php?/politic/more/12998/

[ix]          بابک امیر خسروی (مسئول حزب دمکراتیک مردم ایران): درنگ‌هايي درباره‌ي اقوام ايراني و ساختار سياسي مطلوب : آذرآبادگان: http://azarabadgan.blogfa.com/post-70.aspx

[x]           ایشیق سؤنمز، فارس تشکیلاتی سازمان فداییان خلق ایران (اکثریت) و آذربایجان میللت مسئله سی!: http://www.isiqsonmaz.com/Seite148.htm

[xi]           حزب مشروطه سلطنتی ایران، منشور حزب مشروطه ایران: http://www.irancpi.net/menshor/menshor.htm

[xii]          ایشیق سؤنمز، فارس جبهه میللی چیلیری و ایراندا آزادلیق موضوعسو!: http://www.isiqsonmaz.com/Seite165.htm

[xiii]          ایشیق سؤنمز، تهرانداکی فارس حاکیمیتی اوغروندا قارشی دورمانین گئریله مه سی و اوندان چیخاریلاجاق سونوج : http://www.isiqsonmaz.com/Seite241.htm

 

 

 

ایشیق سؤنمز، 14.05.2013