فارس راسیستلیگی ایسلامیتی فارسلیغا اویونجاق ائتمیش و خورتلاماغا باشلامیش

 

بیلیندیگی کیمی میللی مسئله لر دیل و مدنیت اساسلی اولدوغونا باخمایاراق فارس دؤلتچیلیگی نین دوشونجه اساسلارینی قویموش محمود افشار یزدی نین فارس ایستعمارچیلیغی دوشونجه سینه اساسن "ایرانیت" باشلیغی آلتیندا ایفاده اولونموش فارس دؤلتچیلیگی "ایسلامیت و فارسلیق" اساسیندا قورولموش "ایران میللتی (ملت ایران)" دئیه فارس ایمپراتورلوغو ساییلار. بو گؤروشه اساسن تاریخ بویو باشقا ائتنیکلر ایله یان یانا یاشامیش یهودیلر و ارمنیلر "ایرانلی قلمه آلینمازکن، دیل و مدنیت باخیمیندان فارسلیق ایله هر هانکی بیر ایلگی و ایلیشگیسی اولمایان آذربایجان تورکلری، تورکمنلر، عربلر، کوردلر، لورلار، بلوچلار و باشقا ائتنیکلر مسلمان اولدوقلاری و دین آزینلیغی ساییلان زردوشتلر "ایرانی نژاد!!" ساییلدیقلاری اوچون "ایرانلی و ایران ملتی" قلمه آلینارلار. محمود افشار یزدیدن اوخویوروق:

"یهودیها و ارامنه ساکن ایران اگرچه حالیه هموطن ما و تقریبا در کلیه امور ما سهیمند ولی مسلما از خارج باین مملکت مهاجرت کرده و چون با ایرانیان ازدواج و اختلاط ننموده .... به جامعه ملیت دیگر تعلق دارند که عبارت از ملیت ارمنی و جامعه یهودی باشد.... ولی بعکس آنها زرتشتیها، اگرچه از حیث مذهب با مسلمانان ساکن ایران یکی نیستند و قرنهاست که با سایر ایرانیان نیز ازدواج نمیکنند ولی از حیث نژاد و تاریخ ... یکی میباشند. همچنین پارسیان مقیم هند همچنانکه از اسم انان بر می آید .... به ملیت ایران تعلق دارند"[1].

اوسته گؤروندوگو کیمی فارس ایستعمارچیلیغی ایسلامیتی اؤزونه وسیله ائتمه سینه باخمایاراق نژادپرستلیک اوزرینده قورولموش بیر حاکیمیت سیستیمی ساییلار. بو حاکیمیت سیستیمینی بعضیلری دیکتاتورلوق دئیه تعبیر و تفسیر ائدرکن دیل و مدنیتلر اساسیندا قورولموش سیستیملرین نئجه بیر سیبستیم اولدوغونو درک ائتمیش دئییللر. بو آرادا حسن روحانی فارس حاکیمیتی نین جمهور باشقانی اولدوقدان و احمد خاتمی[2] کیمی رادیکاللارا اؤلچو و حدلرینی تانیمازلار دئیه اویاریق و اخطار وئردیکدن[3] سونرا فارس اولترا راسیستلری "بنیاد موقوفات محمود افشار" کیمی قوروم و موسسه لرده ائتدیکلری چیخیشلارینی دا اینتئرنئت سیته لرینده یایماغا باشلامیشلار. اونلار ایسلامیته سیغینارکن ایسلام پیغمبری نین فارسلیق اوچون بؤیوک رغبت بسله دیگینی ده ایددعا ائدرلر. بونلاردان بیر ده نصرالله پور جوادی ساییلار[4]. نصرالله پور جوادی نین "اسلامیت و ایرانیت" باشلیقلی یازیسیندان اوخویوروق:

"... چیزی که در کلمۀ مرکب "منافع ملی" برای انقلابیون نا مطلوب بود لفظ "منافع" نبود،  بلکه لفظ "ملی" بود. انقلاب با ملیّت مخالف بود نه با منافع. رژیم شاه سیاست و برنامۀ حکومتی خود را بر اساس مفهوم ملیت و ایرانیت بنا نهاده بود . کسانی که در پی انقلاب بودند و می خواستند دگرگونی ایجاد کنند باید ملیت را کنار می گذاشتند . ملیت چیزی بود که ما را عقب نگه داشته بود. شاه برای حفظ سلطنت خود از ایدئولوژی ملیت دفاع و حمایت می کرد و کسانی که می خواستند با این رژیم مقابله کنند باید با برنامۀ اصلی آن که در ملیت و ملی گرائی (ناسونالیسم ) خلاصه می شد مخالفت می کردند. پس با هر چیزی که لفظ ملی و ملیت در آن به کار رفته بود باید مقابله می شد.  مقابله با مفهوم ملیت طبعاً با لفظ آغاز می شد. اسمها باید عوض می شد تا مسما نیز پس از آن تغییر کند"[5].

اوسته نصرالله پور جوادی نین ده، گلدیگی قناعته اساسن ایسلام آدینا تئوریزه اولموش جمهوری ایسلامی نیظام و انتظامی نین مسئله سی فارس دیلی و مدنیتی و فارسلیق ایله دوشمنلیک دئییل، فارسلیق اساسیندا شیعه لیک و روحانیت ایله دیل تاپماقدا چتینلیک چکن و فارس نژادپرستلیگینی اساس گؤتورموش فارس خولیاچیلیغی ساییلارمیش[6].

فارس راسیستلیگی و ایستعمارچیلیغی نین تورکلوک ایله باریشماز موقعده یئر آلماسینی "بنیاد موقوفات محمود افشار" قورومونون قوروجوسو اولان محمود افشار یزدی آشاغیداکی بیچیمده ایفاده ائتمیش، اوخویوروق:

"خطر ترک یا باصلاح خطر زرد تهدید سیاسی موقتی نیست، بلکه یک قسم مخاطرهء ملی و دائمی برای کلیهء ملل و اقوام ایرانی نژاد از ایرانیها، افغانها، کردها، بلوچها، تاتها، تاجیکها و غیره در گذشته و حال و آینده بوده و میباشد. ترکها دشمن موروثی ایران بشمار میروند"[7].

دئمک، فارس راسیستلیگی نین روحانیت ایله اورتاق دیل تاپابیلمدیگی و تورکلوگه قارشین باریشماز مقامدا یئر آلماسی  روحانیت و آذربایجان تورکلرینی پهلوی شاهلیغینا قارشین اورتاق بیر نقطه یه گتیرمیش مقام ساییلمیش. بئله لیکله قم شهرینده باشلانمیش روحانی طلبه حرکاتینی آذربایجان تورکلری باشلاریندا تبریز شهری تعقیب ائده رک بو حرکتین تهراندا دالی توتولماسی ایله قیسا بیر مدتده پهلوی شاهلیغی تاریخین چؤپلوگونه آتیلمیش. فارس سلطنتچیلری (شاهچیلار) تبریزده باشلامیش حرکتی خاریجی گوجلره نسبت وئرمگه چالیشدیلارسا دا، روحانیت و فارس ائلیتی شاهلیقدان بئزدیگی اوچون بو بهتانلار فتوا ماهیتی قازانمادان اتکیسیز (تأثیرسیز) دوروما گله رک شاهلیق حوکومتی چؤکمگه باشلامیش[8].  بو سورعتلی گلیشمه لره باخمایاراق گونئی آذربایجان تورکلوگو تاریخ بیلینجدن و میللی تشکیلاتچیلیقدان یوخسول اولدوغو اوچون روحانیتین دالینا دوشه رک محمدرضا شاهین تهرانی ترک ائتمه سیندن چوخ زامان کئچمه-دن تهران حاکیمیتینی فارس موقت حکومتی (حؤکومت موقت انقلاب ایسلامی) تسلیم آلمیش. میللیتلر باخیمیندان گئنه ده شاه زامانینداکی دک کؤهنه حامام، کؤهنه تاس مسئله سی فارس حاکیمیتچیلیگی آچیسیندان یئنیلنمگه (تیکرار اولماغا) باشلامیش. نصرالله پور جوادی ایشاره ائتدگی کیمی فارس جمهوری ایسلامی حکومتی "ایران میللتی" آنلاییشی یئرینه "امت همیشه در صحنه ایران ایسلامی، جمهوری اسلامی ایران و ایران ایسلامی" دئییملرینی قابارداراق اؤز مخالیفلری ایستر ساغ (سلطنت طلب، جبهه میللی، نهضت آزادی، مجاهدین و ...) و ایسترسه ده سول (حزب توده، فداییلر و کمونیست قوروپلاشمالاری)- ایله حئسابلاشماغی روحانیت اوچون اؤلوم یوخسا قالیم مسئله سی دئیبه قلمه آلمیش. بو گلیشمه لره باخمیاراق دیل و مدنیت باخیمیندان محمود افشار یزدی تئوریزه ائتدیگی فارسلیق حاکیمیت سیستیمی توخونولمادان حاکیمیتچیلیگینی سوردورموش. ایسلام جمهوری سی نین فارس حاکیمیتچیلیک سیستیمینه سؤیکنه رک نصرالله پور جوادی لر "بنیاد موقوفات محمود افشار یزدی" قوروموندان خورتلایاراق "ایسلامیت" و "ایرانیت" دئیه فارس ایمپراتورلوغونو آچیقجا قابارتماغا چالیشارلار، اوخویوروق:

"کسانی که می خواستند از ملیت ایران و ایرانیان دفاع کنند می خواستند چیزی را حذف کنند که رژیم شاه مدعی آن بود. متعلَّق سلطنت ایران بود و اگر ما میخواستیم سلطنت را برداریم باید آنچه را که سلطنت مدعی آن بود، یعنی ایرانیت، را بر می داشتیم. بسیاری از انقلابیون وظیفۀ خود می دانستند که ایران را دور بزنند. مفهوم آن را کنار بگذارند تا بتوانند مقصود خود را که حقیقتی ورای ناسیونالیسم ایرانی بود به دست بیاورند"[9].

اوسته گؤروندوگو و آشاغیدا دا تانیق اولاجاغیمیز دک "ورای ایرانیت" دئدیکده "فارس و فارسلیق"-داق قیراق و اوزاق دئییل، ائله فارسلیق منظور اولونار. ائله او اساسدا دا فارس خبر آژانسی[10]، فارس فوتبالی[11]، پارس خودرو[12]، پارس قرآن[13]، شرکت نفت پارس[14]، پارس دارو[15]، شرکت پترو شیمی پارس[16]، شرکت واگن پارس[17] و باشقا پارس آدلار گؤبه لک کیمی آرتارکن فارس اولمایان دیل و مدنیتلر اؤزگه ساییلاراق اونلارا سسسیزجه دیوان توتولار و میللی فعاللاری دا توتساق ائدیله ر و ایشکنجه لره معروض قالارلار. نصرالله پورجوادی "پارس و ایرانیت" مقوله سینه برائت قازاندیرارکن تاریخین گیزلین قاتلارینا اینه رک ناغیل توخوماغا و فارس ایسلام حاکیمیتی نین الینی آچیق قویماق اوچون فارسلیغی پیغمبر اوچون داها عزیز سایدیرماغا چالیشار، اوخویوروق:

"... اگر ایران در زمان پیغمبر به عنوان یک کشور و یک تمدن بزرگ و با عظمت وجود نمی داشت  و زبان ایران فارسی و چیزی به نام تمدن ایرانی در جهان نمی بود و عظمت ایران و شکوه جلال آن شناخته نمی بود، چرا باید اینهمه داستان در بارۀ سلمان ایرانی و فارسی سخن گفتن او و تکلم کردن وی با پیغمبر اکرم به این زبان پدید آمده باشد؟ ما حتی اگر در مورد صحت این داستانها و احادیث هم تردید به خود راه دهیم، باز نمی توانیم منکر مفهوم ایران به عنوان واقعیتی تاریخی که موجب پدید آمدن این داستانها شده است بشویم"[18].

اوسته گؤروندوگو کیمی فارس شعوبیه چیلیگی طرفیندن اویدورولموش و محمد پیغمبره نسبت وئریلمیش ناغیللارین یالان اولماسی نظرده آلینسا بئله، گئنه ده فارس یانچیلاری "ایرانیت" آنلاییشی نی فارس ایستعمارچیلیغی اوچون دگیشمز قلمه آلارلار. تاریخده ایران آنلاییشی نین ایسه نه زاماندان اورتایا آتیلدیغی بیلیم اوجاقلاری اوچون آچیقلیغا قاویشمیش و بوگونکو فارس ایمپراتورلوغو ایله هر هانکی بیر ایلگی و ایلیشگیسی اولمامیش[19]. نصرالله پور جوادی "ایرانیت" مقوله سینی ائله بیل، ثابت ائتدیکدن سونرا "ایرانلیلار مذهبی" عشق مذهبیدیر دئیه فارسلیغی قرآن آیه لرینه دویونلمگه چالیشار، اوخویوروق:

"در قرآن ، در سورۀ مائده، آیۀ 54 می فرماید: یا ایها الذین آمنوا من یرتدَّ منکم عن دینه فسوف یأتی الله بقومٍ یحبّهم و یحبّونه، اذلّه علی المؤمنین اعزّه علی الکافرین یجاهدون فی سبیل الله و لا یَخافون لومة لائم...(ای کسانی که ایمان آورده اید، هر کدام از شما که از دین خود برگردد، بزودی خداوند قومی را خواهد آورد که دوست دارد ایشان را و ایشان هم او را دوست دارند  و در برابر مؤمنان افتاده اند و در برابر کافران سر بلند). در این آیۀ شریفه چندین نکتۀ قابل توجه وجود دارد. یکی این که در آن از قوم سخن گفته شده است، و دیگر این که خدا به این قوم محبت می ورزد و ایشان هم به خدا محبت می ورزند. در بارۀ این محبت و عشق دو طرفه عرفا مطالب بسیار عمیقی بیان کرده اند و حتی گفته اند که بر اساس همین آیه مذهب متافیزیکی ما ایرانیان مذهب محبت و عشق است.
نکتۀ دیگر در آیۀ فوق این است که خداوند این قوم را به عنوان اهل ملامت معرفی کرده است، یعنی وقتی مردم ایشان را ملامت می کنند باکی ندارند. بعید نیست که حافظ به همین قوم اشاره کرده است وقتی می گوید:  وفا کنیم و ملامت کشیم و خوش باشیم     که در طریقت ما کافری است رنجیدن  "[20].

فارس ایستعمار یانچیسی نصرالله پور جوادی نین بو اساسسیز ظن و گومانی اوزره دوشونجه یورماق یالنیز دلیلیک ساییلار. آنجاق یوروم یولونون آچیق قالماسی دا پیس ساییلمازمیش. فارس ایستعمار یانچیسی نصرالله پورجوادی فارسلیغی الله و اونا نسبت وئریلمیش "قرآن"آ باغلادیقدان سونرا "ایرانی" و انیرانی" دئیه ایدعالار اؤنه سورمگه چالیشار، اوخویوروق:

" وقتی انیرانیان بدیهیات تاریخی را انکار می کنند و می گویند اصلا چنین چیزی به نام ایران در تاریخ وجود نداشته است، وقتی حیثیت زبان ایرانیان را که ذخائر ادبی آن در کمتر زبانی در دنیا پیدا می شود نادیده می گیرند، وقتی قدرت این زبان را برای بیان مفاهیم عرفانی و ادبی و حتی علمی زیر سؤال می برند در واقع همان کاری را می کنند که قرآن قبلا بدان اشاره کرده است: لوم لائم ولی قرآن می فرماید که این قوم از سرزنش ملامت کنندگان باکی ندارد. ملامتگران سعی می کنند نام ایران را حذف کنند یا در دنیا کمرنگ کنند، هویت قومی ایشان را که در ملیت آنان خلاصه می شود انکار کنند  ولی آفتاب را نمی توانند با گل  اندود کنند.  

مه فشاند نور و سگ عو عو کند         هر کسی بر طینت خود می طند"[21].

اوسته گؤروندوگو کیمی نصرالله پورجوادی ده باشقا پان ایرانیست و راسیست شخص و محفللر کیمی "ایران" آدی نین دالیندا گیزلنمگه چالیشار. دئمک، فارس دیل و مدنیتینی اساس گؤتورموش فارس ایستعمارچیلیغی  فارس اولمایان ائتنوسلاری فارسلاشدیرماق اوچون "ایرانیت" آدی نین دالیندا گیزلنمک و فارس ادبیاتی اوستون دئیه فارس اولمایان ائتنوسلارین گؤزونو اؤز دیل و مدنیتلرینه قاپاماق یئرینه فارس دیل و مدنیت صاحابی اولان فارس توپلومونو بیر میللت اولاراق اؤزلری اوچون قبول ائتمه لی، سونرا فارس دیلی نین بیلیم دیلی اولمادیغینی اؤنه سورنلر اوچون اوسته ایفاده ائتدیگی دیل "سگ عوعو کند" ایله دئییل، آدامجاسینا بیلیم دیلینه دایالی جاواب وئرمه لی و اؤز دوشونجه لرینی اساسلاندیرمالیدیر. نصرالله پور جوادی "ایرانیت" مقاله سینه اساس یاراتماق اوچون یازار:

"ضدیت و مخالفت با ایرانیت را مسلمانهای انقلابی نادانسته از گروهها و احزاب چپ و در رأس ایشان حزب توده به عاریت گرفتند.  انقلاب بلشویکی برنامۀ خود را در ضدیت با ناسیونالیسم  از هر نوع قرار داده بود، به خصوص با ناسیونالیسم روسی. وطن روس باید کنار گذاشته می شد  و به جای آن میهن را می گذاشتند، و میهن هم اتحاد جماهیر شوروی بود. کافی است در متون چپیهای خود مان جستجو کنیم و ببینیم میهن به چه معنائی به کار رفته است. وطن به چه معنائی به کار رفته است. روسها به جای روسیه اتحاد جماهیر شوروی را وطن و میهن خود انگاشتند"[22].

اوسته گؤروندوگو کیمی نصرالله پورجوادی بلکه ده ایستمه یه رک روسیه ایستعمارچیلیغینی ایضاح ائتمک ایستر، آنجاق روسیه ایستعمارچیلیغی ایله فارسی ایستعمارچیلیغی ایمپراتورلوق باخیمیندان اوست اوسته دوشدوکلری اوچون مغلطه ائتمیش مقامدا یئر آلار. وطن آنلاییشی مسئله سینه گلدیکده ایسلام تاریخینده "حب الوطن من الایمان" دئییلمیش. کمونیستلرین ایسه بیر سیراسی جهانوطن اولدوقلارینا باخمایاراق  بیر سیراسی ایسه سنتی توپلوملاردا دوغولدوقلاری اوچون دوغولوب یاشادیقلاری اؤلکه نی اؤزلرینه وطن دئیه حئساب ائدرلر. حزب توده مسئله سینه گلدیکده بو تشکیلات دا "تمامیت ارضی ایران-فارس" یانچیسی بیر تشکیلات ساییلار. نصرالله پور جوادی گئنه آرتیرمیش:

" ... این تحول در معنای وطن و میهن بعد از انقلاب اسلامی نیز صورت گرفت. همان طور که میهن به معنای جایگاهی بود که ایدئولوژی مارکسیسم حاکم بود در اسلام هم میهن و وطن آرمان شهری بود که اسلام در آن حاکم بود و به معنای دقیقتر انقلاب اسلامی در آن رخ داده بود. ایران تنها کشوری بود که انقلاب اسلامی کرده بود و لذا ایران در حقیقت همان میهن اسلامی بود. اما از آنجا که انقلاب اسلامی قرار بود در جاهای دیگر هم صورت بگیرد و با صورت گرفتن این انقلابها مرزها برداشته شود، میهن سرزمین پهناوری بود که در آینده قرار بود شریعت اسلامی در آن حاکم باشد. بدین ترتیب جهانی شدن اسلام و جهان وطنی اسلامی عقیده و مرامی بود که مارکسیستهای ایرانی به برخی از انقلابیون مسلمان آموخته بودند"[23].

اوسته گؤروندوگو کیمی نصرالله پور جوادی نین ایدئولوزیک ماهیتلی ایفاده ائتمگه چالیشدیغی وطن آنلاییشی دئییل، ایسلام ایدئولوژیسی آچیسیندان امتچیلیک (ایسلام توپلوملار آراسی) و مارکسیسم ایدئولوژیسی آچیسیندان ایسه جهانوطنلیک (میللتلر آراسی) گؤروشلرینه اساسلانمیش مقوله ساییلار. دئمک، ایدئولوژیه اساسلانمیش وطن آنلاییشی دوغما یوردا ایلیشیب قالمایاراق دونیایا حاکیم کسیلمک مسئله سینی اؤزو اوچون سونونجو هدف دئیه قلمه آلار. بئله لیکله، مارکسیستلرین گؤروشلرینه اساسن، هدف وطن آنلاییشینی دا بیر وسیله دئیه توجیه ائدر. نصرالله پور جوادی فارس امپراتورلوغونون چؤکوشونو گؤز اؤنونه آلاراق آرتیرمیش:

" تاوانی که کشور ما از بابت این ضدیت با قومیت ایرانی پرداخته تا همین الان بسیار سنگین بوده است. این لطمه ها هم از جهت فرهنگی بوده و هم از جهت سیاسی و اقتصادی. از جمله زیانهای فرهنگی آن تضعیف موقعیت زبان فارسی در میان طوایف ایرانی بوده است. وقتی ایرانی نبود بالتبع زبانی هم که قرنهاست موجب وحدت و یک پارچگی قوم ایرانی بوده است تبدیل به یکی از زبانهای محلی خواهد شد و در ردیف دهها زبان و گویش ایرانی و غیر ایرانی  دیگر قرار خواهدگرفت. از نظر سیاسی نیز حذف ملیت ایرانی راه را برای جدائی بخشهائی از سرزمین کنونی ایران و پیوستن آنها به کشورهای نوظهوری که در اطراف مرزهای ایران احداث شده اند باز خواهد کرد. ... البته منافع ملی فقط منافع مادی ملت نیست، بلکه علائق و متعلقات فرهنگی و سیاسی را هم در بر می گیرد"[24].

اوسته گؤروندوگو کیمی نصرالله پور جوادی نین میللت آنلاییشی فارس ایستعمارچیلیغینی اساس گؤتورموش امپراتورلوق مفکوره سی ساییلار. بو مفکوره یه اساسن فارس ایستعمارچیلیغینا توتولموش هر هانکی بیر خالق اؤز دیل و مدنیتینی گلیشدیررسه، فارس ایمپراتورلوغو چؤکوشه اوغرایار. بو گؤروشلری بو ذاتین سلفی ساییلان محمود افشار یزدی ده عثمانلی ایمپراتورلوغو داغیلماسی زامانی فارسلیق اوزره آینده مجله سینده قلمه آلمیش. یئری گلمیشکن بیر داها اوخویاق:

"... چه ما بخواهیم و چه نخواهیم در آینده ملت ما نیز همین جریان سیاسی خواهد آمد و این حقیقت روزی مدارِ سیاست دولت ما خواهد گردید، همچنانکه مدارِ سیاست غالب دول، مخصوصاً عثمانی نیز گردیده است. هر سیاستمداری باید این را بخوبی بداند زیرا مسئله وحدت ملی حد مشترک میان سیاست خارجی و سیاست داخلی است"[25].

 

قایناقلار:


 

[1]           محمود افشار یزدی، مسئله ملیت و وحدت ملی ایران، مجله آینده، تهران چاپ 1352، صفحه 561.

[2]           احمد خاتمی ایلک مشهد اولموش. خوش خدمتلیگیندن یانا تهران امام جمعه سی دئیه منصوب اولموش.

[3]           رییس جمهور (حسن روحانی) تصریح کرد: عده‌ای مدام قصه دین و آخرت مردم را می‌خوردند در حالی که نه می‌داند، ‌ دین چیست و نه آخرت. اما همیشه غصه آخرت را می‌خورند.، شنبه 10 خرداد، 1393. میزان خبر: http://mizankhabar.net/index.php/%D8%A2%D8%B1%D8%B4%DB%8C%D9%88-%D8%A7%D8%AE%D8%A8%D8%A7%D8%B1-%D9%88-%D8%AA%D8%A7%D8%B2%D9%87-%D9%87%D8%A7/1350-%D8%B1%D9%88%D8%AD%D8%A7%D9%86%DB%8C-%D8%B9%D8%AF%D9%87%E2%80%8C%D8%A7%DB%8C-%DA%A9%D9%87-%D9%86%D9%87-%D9%85%DB%8C%E2%80%8C%D8%AF%D8%A7%D9%86%D9%86%D8%AF-%D8%AF%DB%8C%D9%86-%DA%86%DB%8C%D8%B3%D8%AA-%D9%88-%D9%86%D9%87-%D8%A2%D8%AE%D8%B1%D8%AA-%D9%85%D8%AF%D8%A7%D9%85-%D8%BA%D8%B5%D9%87-%D8%AF%DB%8C%D9%86-%D9%88-%D8%A2%D8%AE%D8%B1%D8%AA-%D9%85%D8%B1%D8%AF%D9%85-%D8%B1%D8%A7-%D9%85%DB%8C%E2%80%8C%D8%AE%D9%88%D8%B1%D8%AF%D9%86%D8%AF

[4]           داها آرتیق بیلگی اوچون، باخ. ایشیق سؤنمز، فارس دیل و ادبیات قورومو مدنی و ادبی اینسانلارین یئری می یوخسا فارس ایستعماری خیدمتینده اولان شیّادلارین یئری؟: http://www.isiqsonmaz.com/Seite88.htm

[5]           نصراالله پورجوادی: اسلامیت و ایرانیت، مشروح سخنرانی های نشست چالش های پیش روی همبستگی ملی و تمامیت ارضی ایران، آذریها (هواداران پان ایرانیست وابسته به وزارت اطلاعات)، یکشنبه 18 خرداد 1393: http://www.azariha.org/?lang=fa&muid=53&item=1208 

[6]           متمم قانون اساسی مشروطه، مورخ 14 ذی‌القعدة الحرام 1324، اصل اول: مذهب رسمی ایران اسلام و طریقة حقه جعفریه اثنی عشریه است باید پادشاه ایران دارا و مروج این مذهب باشد.

[7]           محمود افشار یزدی، مجله آینده،  خطرهای سیاسی، تهران چاپ 1352، صفحه 925.

[8]        ذولفقار کمالی: شنبه گونو سحرچاغی/ ائل اله آلدی چوماغی؛ تیتره‌دی قورخودان یاغی/ گؤرن‌تک بره‌لدی گؤزو/ بهمنین ییرمی دوققوزو. دئدیلر یالاندی یالان/ خارجه‌لی دئییل اینان؛ تبریزلی‌ایدی قویدو جان/ وطنین اوغروندا اؤزو/ بهمنین ییرمی دوققوزو. جام سیندیران غلامعلی/ اروجعلی‌ایله پنجعلی؛ هاردان اولدو خارجه‌لی؟/ تبریزلی اؤزویدو، اؤزو/ بهمنین ییرمی دوققوزو (آلینمیش ائلدار مغانلی، تبریز نغمه لی سطرلر).

[9]           نصراالله پورجوادی: اسلامیت و ایرانیت، باخ اورادا.

[10]          خبرگزاری فارس: http://www.farsnews.com/

[11]          پارس فوتبال، خبرگزاری پارس فوتبال: http://www.parsfootball.com/

[12]          پارس خودرو: http://www.parskhodro.ir/

[13]          پارس قرآن: http://www.parsquran.com/

[14]          شرکت نفت پارس: http://www.parsoilco.com/

[15]          پارس دارو: http://www.parsdarou.ir/

[16]          شرکت پترو شیمی پارس: http://www.parspc.net/

[17]          شرکت واگن پارس: http://wagonpars.com/

[18]          نصراالله پورجوادی: اسلامیت و ایرانیت، باخ اورادا.

[19]          ایشیق سؤنمز، ایرانویچ یوخسا ائران وئژ (پامیر): http://www.isiqsonmaz.com/54.htm و  ایران دؤلتی و ایران دیل قوروپو آدی نین اورتایا آتیلماسی: http://www.isiqsonmaz.com/Seite269.htm

[20]          نصراالله پورجوادی: اسلامیت و ایرانیت، باخ اورادا.

[21]          نصراالله پورجوادی: اسلامیت و ایرانیت، باخ اورادا.

[22]          نصراالله پورجوادی: اسلامیت و ایرانیت، باخ اورادا.

[23]          نصراالله پورجوادی: اسلامیت و ایرانیت، باخ اورادا.

[24]          نصراالله پورجوادی: اسلامیت و ایرانیت، باخ اورادا.

[25]          محمود افشار یزدی، آینده، جلد دوم، تهران، چاپ دوم 1351، صحیفه 563- 564.

 

 

 

 

 

ایشیق سؤنمز، 10.06.2014