بیر یالانی توجیه ائتمک اوچون، مین بیر یالان یونتاماق لازیم، بیر یوخسا ایکی توجیه یئتمز!
کئچمیش فیسبوک پایلاشیمیمدا ایشاره اولدوغو کیمی جواد طباطبا یی نین گؤروشلرینی میثم بادامچی قاچاراق (سطحی) نقد ائتدیگینه باخمایاراق باشقالاری نین اوز توتماسی ایله بیر داها دئدیکلرینی گئری آلماغا باشلامیش و جواد طباطبایی نی باشا دوشمک چتیندیر دئیه اونو تبرئه ائتمگه چالیشمیش[1]. بو آرادا میثم بادامچی گئنه ده جواد طباطبایی بیر چوخلاری طرفیندن باشا دوشولمه سی اوچون اونون راسیستلیک گؤروشلرینی تمیزلیگه چیخارماغا چالیشار، اوخویوروق:
"از بن مایه های پروژه فکری سید جواد طباطبایی مفهوم «ایرانشهر» است که فهم و نقد پروژه فکری او محتاج فهم آن است. به نظر می رسد نوعی بومی گرایی روش شناختی از بنیادهای مفهوم ایرانشهر طباطبایی است که بر اساس آن مطالعه در باب ایران باید با مواد تاریخ و تاریخ فکر در ایران سازگار باشد. ..... : «بسیاری از کشورهای همسایه ایران به لحاظ تاریخی کشور نیستند و تاریخ آنها جزوی از تاریخ ایران است [...] عراق و افغانستان اگر بخواهند "تاریخ" و "وحدت قومی" خود را بفهمند، نمی توانند از مقولات جدید علوم اجتماعی و علم سیاست بی نیاز باشند، اما مفاهیم تاریخ، ملیت و دولت ایران موادی را فراهم آورده است که بدون ارجاع به نظام مفاهیم جدید نیز می توان تاریخ ایران را فهمید.» (طباطبایی، "ملاحظه ای نظری در باره ایران"، سیاست نامه، شماره 1، دی 1394، ص. 47) "[2].
اوسته گؤروندوگو کیمی مؤللیف اوخوجولاری جواد طباطبایی نین دوشونجه لرینی درک ائتمه دیکلری دئیه متهم ائده رک "ایرانشهر" دئییمی نی بیر داها طباطباییدن یولا چیخاراق ایضاح ائتمگه چالیشار. اوسته لیک دولاییلی اولاراق "ایرانشهر" نظریه سینی "یئرلیچیلیک (بومیگرایی) دئیه اونون ایضاحینی تاریخی ملزمه لر و تاریخی دوشونجه لر ایله تفسیر ائتمک لازیم دئیه جواد طباطبایی نین تاریخ دئیه اساسلاندیغی و بیر سایدا فارس مدنیت راسیستلری طرفیندن توخوندوغو خیال، یالان و مزخرفاتا اینانج اساسینی قویماغا چالیشار. جواد طباطباییلر چئینر توپور ائتدیکلری "ایرانشهر" نظریه سی نین اساسسیز اولدوغو و بو دوشونجه نی فارس مدنیت راسیستلری و ایستعمار یانچیلاری[3] ائرمنی عالیمی Anania طرفیندن "ایران ممالیکی محروسه سی و اورتا آسیا ولایتلری" اوزره یازدیغی آدسیز متینلر اولدوغو و آلمان مؤللیفی یوزئف مارکوارت Anania –نین آدسیز متینلرینی چئویره رک کیتاب آدی دئیه وئردیگی Ērānšahr کلمه سینه دایاندیقلاری و بئنلچی بیر تاریخی جغرافیا آد، تاریخده اولمادیغی آچیقلیغا قاویشدیریلمیش[4]. "ائرانوئژ" یوخسا "ایرانویچ" دئییمی منظور اولدوقدا، گئنه ده بو دئییم تورک غزنلی و سلجوق اوغوللاری و شاهلاری نین بوگونکو ایران و ایران ممالیکی محروسه سینه گتیردیکلری آد ایله ایلگی و ایلیشگیسی اولمادیغی و بو دئییمین "پامیر" چؤللوگونه عایید اولدوغو ایضاح ائدیلمیش[5].
[1] ایشیق سؤنمز، بعضیلری بعضی منفور اولموشلاری ... https://www.facebook.com/photo.php?fbid=1198424416853320&set=a.497865813575854.127088.100000573208057&type=3&theater¬if_t=like
[2] میثم بادامچی، از بن مایه های پروژه فکری سیدجواد طباطبایی مفهوم "ایرانشهر" است... تاریخ، 30.01.2016 https://www.facebook.com/photo.php?fbid=1198424416853320&set=a.497865813575854.127088.100000573208057&type=3&theater¬if_t=like
[3] حسین کاظمزاده (ایرانشهر)، محمود افشار یزدی، تقی ارانی، سیدحسن تقی زاده و او زامانلار برلینده فرهنگیستان، ایرانشهر و کاوه درگیسی و مجله سی اطرافیندا فورمالاشمیش محفللرین آلمان دؤلتی نین پولو ایله مجانی یایدیقلاری خولیالار منظور اولونار.
[4] ایشیق سؤنمز، فارس مدنیت راسیستی جواد طباطبایی نین ایرانشهر آنلاییشی و تورک دوشمنلیگی مفکوره سینه باخیش-2: http://www.yurd.net/page.php?id_contents=0000002736
[5] ایشیق سؤنمز، ائرانوئژ (ایرانویچ) یوخسا فلات پامیر: http://www.isiqsonmaz.com/54.htm