آلمان نازیستلری و پان ایرانیست فاشیستلر

 

بیلیندیگی کیمی دونیا بیرلشمیش دؤولتلری تشکیلاتی و بو تشکیلاتا عوضو اولان ایرانداکی فارس حاکیمیتی 1948 ایلینده اؤز حاکیمیتلری آلتیندا یاشایان میللتلره اؤز میللی وارلیقلارینی و مدنیتلرینی یاشادا بیلمه لری اوچون تنظیملنمیش اساسنامه دئیه حاقلار تانیمیش و بو سنده قول چکمیشلر. بو آرادا فارس راسیستلری بو دؤولتلر آراسی قبول اولموش سندی و ایسلام جومهوریسی آدی آلتیندا آنا یاسا دئییلن قانون کیتابی نین 15 و 19 اونجو بندلرینده نیسبی مدنی حاقلار فارس اولمایان ائتنوسلارا تانیندیغینا باخمایاراق بو میللی و مدنی حاقلاری گؤرمزدن حرکت ائده رک عوامفریبلیک ائتمه گه چالیشیرلار (1، 1.1 و 1.2). بو عوامفریبلیکلر فایدا وئرمه دیگی حالدا آدولف هیتلر و اونون یانچیلاری اولان ناسیونال سوسیالیست ایشچی پارتیسی کیمی قارا فیکیرلریندن ال چکمک ده ایسته مه یه رک فاشیستلیک فیکیرلرینی ایجتماعیته دورمادان یانسیتماغا چالیشیرلار. یئری گلمیشکن آدولف هیتلر و اونون پارتیسی اویقولادیغی اویوملاشماق و هماهنگلیکGleichschaltung دئدیکلری دئییمین نه اولدوغونو اؤیرنمگه چالیشاق و اونون پروقرامی ایله پان ایرانیست دئییلن فارس فاشیستلری و قویروقلاری نین ایران ممالیکی محروسه سی توپلومونا یانسیتماغا چالیشدیغی فاشیستلیک فیکیرلری نین هانکی ساحه لره اره جه گینه وارمیش اولاق.

اویوملاشماق (Gleichschaltung) گئنل اولاراق قیسمن گوج واسیطه سی ایله و قیسمن ده کؤنوللو اولاراق بیر توپلومون (جامعه نین) بوتون ساحه لرینی بیرلشدیره رک دیکتاتورلوق حاکیمیتی نین چاتیسی آلتینا گتیرمک دئمکدیر. قیسا سؤزله دئییلیرسه، تمامیتچی تشکیلاتلار و حاکیمیتلر گوج و عوامفریبلیک واسیطه سی ایله توپلوم اؤرگوتلرینی قودرتدن اوزاقلاداراق اونلاری باسقی آلتیندا یؤنلندیرمگه و اونلارا یؤن وئرمگه چالیشارلار. بئله لیکله تمامیتچی گوجلر دؤولت و توپلوم سیستیمینی اؤز تشکیلات ایدئولوژیلرینه اویقونلاتماغا چالیشاراق دؤولت و توپلومو بیر بیرینده اریتمک سیاستینی حیاتا کئچیرمگه چالیشارلار. بونا اؤرنک آلمان نازیستلیگینی 1933-1945 اینجی ایله دک آلمانیادا گؤسترمک اولاردی(2).

آلمان ناسیونال سویسالیت ایشچی پارتیسی (نازیستلر) قودرتی اله کئچیرر کئچیرمز بوتون تمامیتچی دوشونجه یه قارشی اولان شخص و تشکیلاتلاری یوخ ائتمگه چالیشدی. آلمان ناسیونال سوسیالیست ایشچی پارتیسی نین هدفی دؤلت و توپلوم اؤرگوتلرینی اؤز پارتیسی نین سیاسی و ایدئولوژی گؤروشلرینه اویقونلاشدیراراق پلورالیست وایمئر جومهوریتی Weimarer Republik نین یئرینده اوتورماق ایدی. دؤولت، عدلیه اورقانلاری و توپلوما نوفوذ ائتمک، ائله جه ده اؤز دوشونجه لرینه اویقون حاکیمیت سیستیمی یاراتماق اوچون آلمان نازیستلری اویوملاشدیرماق (هماهنگی Gleichschaltung) سیاستینه آغیرلیق وئرمگه چالیشدیلار. آلمان ایمپراتورلوغونو بیرلشدیرمک باهاناسی ایله ایمپئریا حاکیمیتی آدولف هیتلر باشچیلیغی ایله محللی حاکیمیتلر یئرینه ناسیونال سوسیالیست حاکیمیتلرینی دیکتمگه چالیشدی. آپریل آیینین یئددیسی 1933 اونجو ایل مأمورلار اوچون قبول اولموش اویوملاشماق (هماهنگی)قانونلاری بوتون بؤلگه لرده دورمادان حیاتا کئچیردی. بئله لیکله، بیر مأمور اویوملاشما دیشاریسیندا (خاریجینده) حرکت ائده رک حاکیمیت داییره لرینه تنقید گؤزو ایله یاناشسایدی، ایشیندن ائشیگه سالیناردی. دئموکرات گوجلرین یانی سیرا حاکیمیت داییره لرینده یهود اینانجینا باغلی اولانلار دا آلمان فاشیستلری طرفیندن آریا منسوبلو تانینمادیقلاری اوچون اونلار "آریا پاراقرافلاری" اساسیندا  ایشلریندن قاویلدیلار. چوخ زامان کئچمه دن اویولاشدیرما پلانینا اساسن آریا پاراقرافلارینی بوتون اؤرگوتلر حتتا کیچیک ایدمان یوخسا موسیقی درنکلری ده قبول ائتمیش اولدولار. بو ایشلر حاکیمیت اورقانلاری نین گوج و زورلاری ایله دئییل، آلمان فاشیست حاکیمیتی نین تبلیغات کؤلگه سینده حیاتا کئچیردی. اویوملاشماق اؤزو ایله یؤنه تیم (ایداری) تدبیرلری، ائله جه ده خیابان تئرورلارینی داشی ییردی. 27 فئوریه 1933 ایل قبول اولموش قانونلارا اساسن آلمان نازیسم رژیمی موخالیفلرینی تعقیب ائتمک اوچون داها بؤیوک ایختییارلارا مالیک اولدو. بو آرادا آلمان کمونیست پارتیسی و آلمان سوسیال دئموکرات پارتی عوضوولری قاچیریلدی و توتوقلاندیلار. بیر چوخ تشکیلاتلار 1934 حازیران (خورداد) آیی نین گیریشینه دک دفتر و دستکلرینی باغلایاراق اؤز وارلیقلارینا سون قویدولار. آلمان سوسیال دئموکرات پارتیسی حازیران آیی نین 22 سینده یاساقلاندی. 2 آقوست 1934 ایلینده بیر پارتیلی دؤلت قورولاراق "پارتی ایله دؤلت بیرلیگی" هیتلئر سیماسیندا اؤزونو ایجتماعیتیه گؤستردی. چوخ کئچمه دن آلمان ایمپئراتورلوغو ساوینما (دیفاع) باخانلیغی و قوشون بیرلیکلری هیتلرین بویوروقلارینی یئرینه یئتیره جکلری اوچون نیظامی آند ایچدیلر.

1934 اونجو ایلین یاییندا اویوملاشماق سورجینده اؤنملی بیرلیکلری آلمان نازیستلری پارتیسی نین اؤرگوت قورولوشونون ایچینه آلماقلا اولدوقجا بؤیوک ایلری له ییش باش وئرمیشدی. گوج واسیطه سی ایله و آزادجاسینا آلمان راسیستلیگینه اویوم ایچینده اولما داورانیشلاری آلمان نازیست تشکیلاتینا کونتورولو توپلومون (جامعه نین) بوتون ساحه لرینده اله کئچیرمه سینه اولاناق یاراتمیشدی. درنکلر و اؤرگوتلرین یانی سیرا آلمان مطبوعاتی، سینمالاری و رادیولاری دا اؤزونو آلمان راسیستلیگینه اویوملاشدیرمیشدی (هماهنگ ائتمیشدی). بو اولاناقلار (ایمکانلار) خالق  توپلومونا آلمان راسیستلیگینی آشیلاماق اوچون ایشه آپاریلیردی. آلمان نازیستلری نین اویقونلاشماق علامتلری "قامالی خاچ" ساییلیردی. 1935 اینجی ایل بو علامت آلمان ایمپئراتورلوغونون یوکسک سیمگه سی (علامتی) کیمی قبول اولدو.  قامالی خاچی گئییم اویقونلاشماسی "متحد  شکل کردن لباس" تعقیب ائدیردی.

اویقونلاشمیش گئییم گئیمک آلمان نازیستلری 1933 اینجی ایل حاکیمیتی اله کئچیرمه لریندن اؤنجه ده آلمان نازیست عوضوولری و بؤلمه لری اؤرنک اولاراق Sturmabteilung و Hitler-Jugend اوچون گره کلی ساییلیردی. 1933 اونجو ایلدن باشلایاراق گئییم اویقونلاشماسی (متحد شکل کردن لباس Gleichtrachten) توپلومون بوتون ساحه لرینی ایچرمگه باشلامیشدیر. بو گئییملری گئیمکدن بویون قاچیرانلار دوزنسیز (دیسیبلینسیز) دئیه مجازات اولورموشلار. گئییم اویقونلاشماسی ایشلرینه و کونتورولونا Reichszeugmeisterei قورومو باشچیلیق ائدیرمیش. بو قوروم گره کلی تعلیماتلاری یئرینه یئتیرتمک اوچون لازیم اولان تدبیره ال آتیرمیش. بو ایداره درزیلیک (خییاطلیق) و آیری ال ایشلری ایله اوغراشان مسلکچیلره ده ایش گؤرمک اوچون مدرک وئریرمیش (3).

اوسته کی فاکتلاری نظره آلدیقدا ایران ممالیکی محروسه سینده آیدینلاشدیرما ایشی آپارمادان 17 دی 1314 (1935) ایلینده رضاخانین چادور قاچیرما ویا چادیر گؤتورمه "کشف حجاب" مسئله سی بیر چوخلاری نین ایددعا ائتدیکلری کیمی اونون تورکیه سفری (1313) ایله باغلی دئییل (4)، آریا ایرقینی اؤزونه کعبه بیلمیش آلمان فاشیستلری نین اوزانتیسی کیمی قلمه آلینمالدیر. بیلیندیگی کیمی تورکیه ده قادینلار اوچون گئییم آزادلیغی آلمان ناسیونال سوسیالیستلیگیدن ایللر اؤنجه حیاتا کئچمیشدیر. بوگون ده تورکیه ده هر کس ایسته دیگی کیمی گئیینه بیلر. یالنیز لائیکلیک سیستیمی نین قورونماسی اوچون سیاسیلشمیش بورونمه گه حاکیمیت داییره لرینده یول وئریلمیر.

آنجاق ایران ممالیکی محروسه سینده فاشیستلیک مفکوره سینه گلدیکده بو فیکیرلری او زامان آلمان نازی تشکیلاتیندا عوضوو اولموش داوود منشی زاده و بیر نئچه نفر یانچی سی ایرانداکی ایصلاحن آیدین کسیم اوچون سئرویس وئرمگه و فاشیستلیک دوشونجه لرینی یایماغا چالیشیرمیشلار. اوندان یانا دا احمد کسروی یازدیغی کیمی آدولف هیتلری بیر چوخلاری ایرانلی "میر حیدر" آدلاندیریرمیشلار(12). آلمان فاشیستلیگی ایکینجی دونیا ساواشیندا یئنیلدیکدن سونرا داوود منشی زاده ایرانا گله رک "باهماد سوسیالیست ملی کارگران ایران" یا "حزب ناسیونال سوسیالیست کارگران ایران" (سوکما) آدیندا تشکیلاتین تملینی قویدو (9). یئری گلمیشکن فارس فاشیستلری نین ده سیمگه لری ایله تانیش اولاق(10).

اؤزلرینی "حزب ناسیونال سوسیالیست کارگران ایران" آدلاندیران بو آخین ایلک اولاراق ایراندا متفق قوشونلاری نین ضیددینه فعالیت ائتمیش. گونئی آذربایجاندا سویوق ساواشین باشلانماسی و متفق گوجلرین ایکیه بؤلونمه سی نتیجه سینده آمریکا بیرلشمیش شتاتلارینا ال آلتی اولموش ایرانداکی فارس حاکیمیتی کئچمیشلری تانینمیش بو فاشیستلر ایله آچیقجا دیل تاپا بیلمه دیگی اوچون سومکانین رهبریتی ایرنی ترک ائده رک اونون یانچیلاری موختلیف آدلار آلتیندا فعالیت ائتمگه باشلادیلار. آنجاق سومکانین تانینمیش رهبریتی ایرانی ترک ائتمک زوروندا قالدی. بو سومکا آدلی منحوس جریانین اساسنامه سی نین یئنی واریانتی نین بعضی بؤلوملرینی نظردن کئچیرمک پیس اولماز دئیه دوشونوروک، اوخویوروق:

" ۹.سومکا خواستار تشکیل یک اتحادیه ی سیاسی-نظامی میان کشورهای: ایران، ارمنستان، تاجیکستان، هندوستان و یونان است."(10)

بو اوسته کی گؤروشلری بیر داها پان ایرانیستلرین سروری محسن پژشکپور دا چئنر توپور ائتمگه چالیشمیشدیر، اوخویوروق:

هداف کنفدراسیون : خواسته و هدف ما از تشکیل کنفدراسیون ایران ، تاجیکستان و ارمنستان چه می تواند باشد ؟!! ... آماج نخستین و آمیغی ما از برپایی کنفدراسیون ایران بزرگ پدافند از هستی مندی خود برابر خطر زرد می باشد . پس تشکیل کنفدراسیون سه جانبه تنها و تنها  یک هدف خارجی دارد و آن پدافند از خود میباشد. به هر روی باید بپذیریم که ما در این منطقه از آسیا با خطر زرد رو به رو هستیم واین خطر روز به روز بیشتر و سترساتر(محسوس تر) می شود ."(13).

 

 باهماد سوسیالیست ملی کارگران ایران یا "حزب ناسیونال سوسیالیست کارگران ایران" (سوکما) آدلی فاشیستلیک قوروهون آنتی سامی (ضد سامی) اولدوغونا داییر اوخویوروق:

" ۱۲.سومکا خواستار نابودی ی نشانه های فرهنگ بیابانی ی "سامی ها" از ایران است.
۱۳.سومکا خواستار نابودی ی همه ی اعراب و تازیان در سراسر نجد ایران میباشد.
۱۴.سومکا میگوید همه ی بدبختی ها و مشکلات گذشته و اکنون در صحنه ی جهانی
از اهریمنی به نام عرب سرچشمه میگیرد..."(10)

۱۷.سومکا بنیان و ریشه ی ادیان سامی را زیر پرسش میبرد.
۱۸.سومکا اعراب را پست ترین نژاد زمین میداند.
"(11)

اوسته کی بؤلوملرده بو قوروهون سامی، عرب و او مملکتلرده ظهور ائتمیش دینلره (او جومله دن یهودیت، مسیحیت و ایسلام دینلرینه)  دوشمنلیگی آچیقجا اورتادادیر.  گئنه ده اوخویوروق:

" ۱۹.از دید سومکا زردپوست های تاتار.مغول.اوزبک.تورکمن و وابسته های فرهنگی-نژادی ی آنان وهر کس که با آنان احساس نزدیکی کند حق زندگی در فلات ایران را ندارند.
۲۰.سومکا خواستار پالایش نژادی در ایران است.
۲۱.سومکا خواستار اجرای سیاست های به نژادی برای نیرومند نگه داشتن نژاد
آریایی میباشد."(11)

اوسته کی پاساژلاردا دا بو قوروهون تورک دوشمنی و نژادپرست اولدوغو گئنه ده اورتادادیر. گئنه ده اوخویوروق:

" ۲۲.سومکا میگوید در ایران هرکسی شایسته ی زناشویی نیست. باید از زادولد عناصر  نامطلوب نژادی جلوگیری کرد.
۲۳.سومکا میگوید بیگانگان حق زناشویی با ایرانیان را ندارند.
.. ...
۲۵.سومکا در وضع کنونی خشونت علیه بیگانگان را از سوی جوانان اجتناب ناپذیر میداند.
"(11)

اوسته کی پاساژدا بو قوروهون داها دا راسیست و اینسان دوشمنی اولدوغو  آچیقجا گؤرونمکده دیر. گئنه ده اوخویوروق:

"..  ۲۸.سومکا کشورهایی چون جمهوری آذربایجان .افغانستان.بحرین.ترکمنستان و... را به رسمیت نمی شناسد.
۲۹.سومکا خواستار تثبیت موقعیت ایران در خلیج فارس و احقاق حق ۵۰٪ ایران در
 دریای مازندران(کاسپین) میباشد.
۳۰.سومکا میگوید دشمنی با ایران و ایرانی در نهاد هر بیگانه یی نهفته است.
"(11)

دئمک، آذربایجان میللی مسئله سی آچیسیندان آذربایجان جومهوریتی نی "ایران شمالی، اران" آدلاندیران جریانلار او جومله دن حزب پان ایرانیست و یئنیلیکده گونئی آذربایجانین شهرلرینده بعضی حاکیمیت اورقانلاری طرفیندن اؤزلرینی آذربایجان دوشمنی کیمی قاباغا آپاران ذات عالی لر سومکا "حزب سوسیالیست ملی كارگران ایران" آدلی فاشیست بیر جریانین یانیندا یئر آلمیش گؤرونورلر.
اوسته ایشاره ائتدیگیمیز دک آلمان فاشیستلیگی یئنیلدیکدن سونرا بو جریان  حزب پان ایرانیست آدی آلتیندا محسن پژشکپور باشچیلیغی ایله 1947 اینجی ایلی ایران ممالیکی محروسه سینده فعالیت ائتمگه باشلامیش. پان ایرانیست تشکیلاتی میللیتلر مسئله سی اوزره دوشونجه باخیمیندان سومکا تشکیلاتیندان فرقیلنمه سه ده، سیمگه باخیمیندان بیر آز دئییشیکلیک گتیرمه گه چالیمیشدیر.

تاریخی مسئله لری باهانا ائده رک گونون مسئله لرینه دئیینرکن "پان ایرانیست" لرین آذربایجان میللی حرکتی و ایران ممالیکی محروسه سینده تورک کیملیگی علیهینه یئریتمگه چالیشدیقلاری دوشونجه لر اوزرینده دایانماق داها یاخشی اولاردی. پان ایرانیستلرین "فرمان آریا" آدلی سیته لریندن اوخویوروق:

" ما ايراني هستيم . شما نه! ايران!ايران! نباشه سر روي تن من ،  گر که بيگانه بشه هموطن من... چنديست توسط عاملان و مزدبگيران بيگانگان و دشمنان ملت ايران هجمه ها و ادعاهاي خنده داري پيرامون اين تارنگار و چند تارنماي ديگر صورت مي گيرد . همانطور كه پيشين نيز بيان داشته ايم اين تارنگار حاصل كار گروهي از ناسيوناليستهاي آذري است كه همچون ساير ايران پرستان درد ميهن دارند و براي سرافرازي ميهن تلاش مي كنند."(5)

اوسته کی ایفاده لرده کی "ما ایرانی هستیم. نه شما!" ایفاده سی 19 اونجو چاغین سونلاریندان باشلایاراق 20 اینجی چاغین یاریسینا دک داوام ائدن آریانژادپرستلیگینی و "آریا پاراقرافلاری" نی Arierparagraphen خاطیرلادیر. بو پاراقرافلارا اساسن آریا عیرقینا منسوب اولمایانلارین اوتریش و آلمانیادا بیرینجی درجه لی وطنداش کیمی یاشاما حاقلاری یوخوموش:

"آریا پاراقرافلاری بیر تشکیلاتین و یا بیر بؤلگه نین قانونو کیمی ساییلیردی. بو تشکیلات و بؤلگه یه اؤزلرینی منسوب بیلنلر وطنداشلیق حاققینی یالنیز پوپولیست و عیرقچی "آریا" نژادپرستچیلری اوچون قوروماغا چالیشاراق باشقا ائتنوسلاری او جومله دن یهودیت اینانجینا باغلی اولان اینسانلاری و سامی کؤکنللی لری وطنداشلیق حاقیندان فایدالانماقدان محروم ائتمگه چالیشیردیلار. آریا پاراقرافلاری 1885-1945 اینجی ایللره دک آلمانیا و اوتریش توپلوملاری نین قاباریق گؤرونتوسو ساییلیردی"(6).

اوسته کی تابلونو نظره آلارساق کئچمیش یوز ایلده ایران ممالیکی محروسه سینده تورک ائتنوسو علیهینه دیل و مدنیت باخیمیندان اولان آیری سئچگیلیک، اهانت و وحشییت ده آوروپادا مودا اولموش راسیستلیک اساسیندا "باهماد سوسیالیست ملی کارگران ایران" یا "حزب ناسیونال سوسیالیست کارگران ایران" (سوکما) کیمی فاشیست فارس قوروپلاشماسی واسیطه سی ایله اورتایا آتیلمیشدیر. گؤروندوگو کیمی بو راسیستلر ایران ممالیکی محروسه سینده یالانچی آریا عیرقینا منسوب اولمایانلاری ایران ممالیکی محروسه سی نین وطنداشی بیلمه یه رک آیاقلارینی آوروپاداکی راسیست سلفلری نین یئرینه قویماغا و بیر داها آلمان نازیستلری کیمی اینسانلاری میللی منسوبیتلریندن یانا، قاز اوطاقلاریندا بوغماق و کوره لرده یاندیرماق اوچون فاشیستلیک دوشونجه لرینی توپلوم (جامعه) ایچره یایماغا چالیشیرلار. آنجاق سای باخیمیندان بو فاشیستلیک عمللرینه آشکارجاسینا ناییل اولابیلمه دیکلری اوچون عوامفریبلیک تئزینی ده "ناسیونالیستهای آذری!!" دئیه اؤزلری ایله بیر تله کیمی داشیماغا چالیشاراق دوشونجه و فیکیردن یوخسوللارینی اؤزلری اوچون اویونجاق ائتمگه چالیشیرلار. بو آرادا پیمان پاکمهر، نادر پیمایی، فیروز منصوری و بیر چوخلاری نین آدلارینی سیرالاماق یئرلی اولاردی.

بیلیندیگی کیمی میللت مقوله سی (ناسیونالیستهای آذری!!!) اورتایا قویولدوقدا بیر میللتین دیلی، مدنیتی، گله نک و گؤره نکلری و اونون میللی  سرحدلری سرگیلنمیش اولار. آنجاق پان ایرانیست راسیست و فاشیستلرین دوشونجه لرینه گؤز گزدیردیکده آذربایجان دیل و  مدنیتیندن هئچ بیر خبر گؤرونمه دیگی نین یانی سیرا یالنیز فارس میللتچیلیگی، فاشیستلیگ بیچیمینده سرگیلنمیش اولور. بودور، اؤزلرینی ایرانپرست آدلاندیران ایران ممالیکی محروسه سی نین %70 اینسانلاری نین میللی منلیک و کیملیکلرینه خور باخماغا چالیشان فاشیستلرین وطن پرستلیکلری و فاشیستلیکلری!! گئنه ده اوخویوروق:

" ... ما جوانان  مرزپرگهر يكبار ديگر و با تمامي ي نيرو  در برابر همه ي بيگانگان و  مزدورانشان - يكايك - فرياد مي زنيم : من يك كوردم ، و يا يك آذري .من يك لر م و يا گيلكي. من يك بلوچم و يا ارمني. من يك تاجيكم و يا افغاني . و در نهايت من يك ايراني ام ولي شما نه. متاسفم ولي شما ايراني نيستيد و اينجا ايران است"(5).

اوسته کی و اونون اوستونده کی پاساژلاردا عوافریبلیک ایفاده لرینی نظردن کئچیردیکده تورک کلمه سیندن پان ایرانیستلرین جین بیسم الله دان قورخدوغو کیمی و یا ایلانین یارپیزدان آجیغی گلدیگی کیمی نیفرتلری اورتایا چیخیر. بو دا اونلارین راسیست اولدوقلاری نین قاباریق گؤرونتولریندن ساییلمالیدیر. دئمک، اؤزلرینی آذری، کورد، لور تانیتماغا چالیشان فارس راسیستلری و اونلارین قویروقلاری نه اوچون ایران ممالیکی محروسه سینده کی %37 اینسانلارین سایینی اولوشلودوران آذربایجانلیلاری (7) و تورکمنلری گؤرمزدن عولمفریبلیک ائتمگه چالیشیرلار؟. بیلیندیگی کیمی مسئله یالنیز نژادپرستلیکله ده بیتجک دئییل، بو فارس ایستعمارچیلیغینی یاشاتماق اوچون اؤنه سورولموش بیر دوشونجه دیر. بو دوشونجه یه اساسن ایران ممالیکی محروسه سی نین %70 نی اولوشدوران باشقا ائتنوسلارین میللی منلیک و کیملیکلری یوخ ائدیلمه لی و اونلاری فارس دیل و مدنیتینده اریدیب میللی ثروتلرینی و یئر آلتی قایناقلارینی فارسلیق چنبرسینده ساخلاماغا داوام ائده رک اویدورما بیر میللت یاراتماق فارس سادیستلری نین سون خولیاوی فیکیرلریدیر. دئمک، اؤزونو کورد، لور کیمی تقدیم ائدن فارس عوامفریبلری و اونلارین قویروقلاری نه اوچون کورد و لورلارا اؤز آنا دیللرینده یازیب اوخوما ایمکانی نی اسیرگه مه گه چالیشیرلار؟ گئنه ده اوخویوروق:

"آنچه از ديد ما در درجه نخست اهميت قرار دارد اينست كه اينجا ايرانزمين است . در اين كشور براي گسترش و رواج هيچ انديشه ضدايراني جا و مكاني نيست .... پس اين حق را براي خود محفوظ ميداريم كه از ريشه دواندن انديشه ها و ايده هاي كشندگان نيكانمان و خانه خراب كن هايمان جلوگيري كنيم"(5).

گؤروندوگو کیمی فارس ایستعمارچیلیغینی ایرانیت آدی آلتیندا گیزلتمگه چالیشاراق تاریخ بیلینجیندن یوخسول اینسانلاری دا آشیلامیش یالانچی فارسچیلیق تاریخلری ایله اؤزلری ایله ایران ممالیکی محروسه سی نین %70 نین دیل و مدنیتلری علیهینه سفربر ائتمگه چالیشیرلار. دئمک، ایستر "ایران ممالیکی محروسه سی"، ایسترسه ده "ایران زمین" بیر سیاسی جوغرافی بؤلگه اولاراق  یالنیز بیر دیل و مدنیته عایید دئییل، اورادا اوچ دیل قوروپونا عایید میللیتلر قونشولوقدا و بعضن ده ایچ ایچه یاشاماقدادیرلار. بو دیل و مدنیت صاحابلاری اؤز دیل و مدنیتلرینه اؤنم وئردیکلری اوچون اونلاری فارسلیق سیاستینه دوشمن کیمی قلمه آلماق فارس ایستعماری نین چیرکین نیتلریندن حئکایت ائدر. گئنه ده اوخویوروق:

"... با مطالعه اگاهانه تاريخ دريافتيم كه زبان آذربايجان و اران در درازاي تاريخ هيچگاه توركي نبوده است. سد البته كه امروز توركي در آذربايگان رواست ولي اين عينيت نبايستي شوند ذهنيتي  هاي مسخره و سادلوحانه گردد. اكنون كه تاريخ را با باريك بيني و بي يكسويگي خوانديم و دانستيم كه نه تركي از ماست و نه ما بخشي از تركها ، بهتر است همگي دست در دست هم براي رهايي از اين بلاي خانمان برانداز گام نهيم"(5).

اوسته گؤروندوگو کیمی تاریخ دئدیکده خاریجی ایستعماری گوجلر واسیطه سی ایله فارسلیق اوچون یؤنتانمیش افسانه لر نظرده توتولور. بو افسانه لره اساسن ایران ممالیکی محروسه سی نین بوگون تخمین اولموش 10000 ایللیک تاریخی نین یالنیز 2500 ایلی فارسلارا عایید ائدیلیگی اوچون (بورادا ایسلامدان سونرا تورکلرین 1000ایللیک دؤولتچیلیک تاریخلری ده، قزنه لی سلاله سیندن- قاجارلار دک- گؤز آردی ائدیلیر.) فارس راسیستلری ده تاریخی افسانه لری چئینر توپور ائتمگه چالیشیرلار. دئمک، تورک دیل و مدنیتی نی ایران ممالیکی محروسه سینده کی آذربایجانلیلارا عایید بیلمه گن ذات عالیلر، نئجه آذربایجانلیلارلا وطنداشلیق ایددعاسی ائده بیلرلر؟  

اوسته گؤروندوگو کیمی آذربایجان دیل و مدنیتینی یالنیز فارس راسیستلیگی اوچون دئییل، آذربایجان توپلومو اوچون ده بیر بلا کیمی گؤسترمه گین چیرکین ایفاده لرینی سرگیله میش اولورلار. بیلیندیگی کیمی هر کسین یوغوردو اؤزو اوچون دادلی اولدوغو کیمی آذربایجان دیل و مدنیتی ده آذربایجانلیلار اوچون دادلی و شیریندیر. بو دیل و مدنیت آذربایجان آنلاری نین لایلالاری ایله هر بیر آذربایجانلی نین اورک و کؤنلونو اوخشامیش (نوازیش ائتمیش). آذربایجان دیل و مدنیتینه "اخ، اخی" دئمه گه چالیشانلار اؤز آغیزلارینی اخیلتمیش اولارلار. دئمک، میللی وارلیقلاری "بلای خانمان سوز" دئیه قلمه آلان ذاتلاری هیتلر و موسیلینی گئتدیکلری یوللارین یولچوسو کیمی حئساب ائتمه لی ییک  دئیه دوشونمه لی ییک. گئنه ده اوخویوروق:

" به هر روي شما بخواهيد يا نه در مملكت ايران ضوابط و هنجارهاي هماهنگ با پيشينه و فرهنگ و كبود نژادي ملت آن جاري و ساري خواهد بود . و البته كساني كه - به هر دليل - علاقه مندند تا خود را بخشي از كمينه ها ( Minorities) احساس كند مي توانند پيرو هنجارهاي مربوط بان باشد و يا كشور را ترك گويد"(5).

اوسته کی خضبلاتی  بو ذاتلارین سلفی ساییلان "محمدرضا آری از مهر" ده اؤز موخالیفلری اوچون چئنر توپور ائتمگه چالیشیردی. آذربایجانلی یوموروغونو قاوزادیقدا بیلینمه دی بو سیچان (محمد رضا آری از مهر) هانکی سیچان دلیگینی ساتین آلاراق آغلایا آغلایا ایتیله رک هانکی جهنمه گئتدیگی ده بللی اولمادی. دئمک، یئری گلدیکده ایران ممالیکی محروسه سینده کی دیل و مدنیتلره خور باخماغا و بو فاشیستلیک تئوریلرینی اورتایا آتماغا چالیشانلار میللیتلرین غضبلریندن هانکی جهنم دره یه گئتدیکلری بللی اولمایاجاقدیر. بو آرادا قویون کیمی باشی کسیلمیش فارس ایجتماعیتی بو فاشیستلرین یئریتدیکلری فاشیستلیکلرین جریمه سینی اؤده میش اولاجاق گؤرونورلر! ایکینجی یازی گئنه پان ایرانیستلر طرفیندن فرمان آریا سیته سینده تورک دیل و مدنیتینی یوخ ائتمک اوچون "راه حل نهایی مسئله" دئیه سرگیلنمیشدیر. او یازی نین دا بعضی پاساژلارینی اوخوماغا چالیشاق، اوخویوروق:

"... پس جای شگفتی نیست که کمونیستهایی چون زهتابی،براهنی،فرزانه،هیئت،پس از انقلاب و پس از دهه ی نود به یکباره مسلمان شوند و از سبیل مسلمانی بر ناسیونالیسم ما ایلغار برند."(8).

اوسته گؤروندوگو کیمی مسئله کیمین هانکی مرامدا اولدوغوندان آسیلی دئییل،فارس راسیستلیگینی تنقید آتیشینا توتان آذربایجانلیلار او جومله دن رضا براهنی بیر عؤمور فارس دیل و ادبیاتی اوچون امک قویسالار دا فارس راسیستلری نین غضبینه توش گلرلر. دئمک، فاشیستلیک اوچون اینسانلیق اولگو دئییل، اوزدن ایراق اینک کیمی سوت وئرمک اولگو ساییلار. بو دا فارس ایستعمارچیلیغی نین تملینی اولوشدورور دئیه دوشونمه لی ییک. گئنه ده اوخویوروق:

".. هیچگاه کسی نمی اندیشید توده ی مردم آذری با آن وضع به خیابانها بیایند وبدون آنکه خود متوجه باشند دست به اعتراض بزنند.واخواهی از چه کسی و چه چیز حتی خودشان نیز آگاه نبودند.تنها و تنها موج تحریکها و تطمیع ها بود که باعث بروز جریانات قومی دراین خطه شد.آری اکنونهمه تلاشها و هزینه های بدخواهان ایران به ثمر رسید.ویک عده مردم هیجان زده و خشمگین (از چه چیز؟خدا میداند) به خیابانها آورده شدند و نتیجه آن شد که همه میدانیم و دیدیم... ."(8).

گؤروندوگو کیمی فارس راسیستلری و اونلارین قویروقلاری ککلیک کیمی باشلارینی قارا سوخاراق حله ده آذربایجان میللی حرکتی نین ایستکلرینی آذربایجان میللتینده آختارماق و آذربایجان میللتی نین باشیندان یاغلی و کثیف اللرینی چکمک یئرینه آذربایجان خالقینی تحمیق ائتمگه چالیشیرلار. بیلیندیگی کیمی آذربایجان خالقی خورداد آیی نین بیری 1385 ایلینده "هارای هارای من تورکم" و "منیم دیلیم اؤلن دئییل، فارس دیلینه دؤنن دئییل (بونون آیری واریانتی دا وئریلمیشدیر)" سولوغانلاری (شعارلاری) آتماقلا فارس راسیستلیگی آدرئسینه آچیق و آیدین مساژلار گؤندرمیشلر. بو آچیق مساژلاری باشا دوشمک ایستمه گن فارس راسیستلری و اونلارین قویروقلاری فارس میللتی نی دؤرت بیر یاندان احاطه ائتمیش میللی وارلیقلار ایله دوشمن بیچیمینده اوز اوزه قویماق ایسته ییلر دئیه دوشونمه لی ییک. خورداد آییندا وورولموش ضربه دن هذیان دئمگه باشلایان پان ایرانیستلر بیر پلاتفورم بیچیمینده فیکیرلرینی سرگیله مه گه چالیشمیشلار، اوخویوروق:

"از این پس برهمه گروههاو احزاب ملی بایسته است که به برخی از مسایل توجه بیشتری مبذول دارند:

1- هر چه سریعتر تکلیف خود را با سازمانهای به ظاهر ملی روشن کنند. همکاری های نهضت آزادی (شاخه تبریز)با تجزیه طلبان وبرگزاری نشستهای مشترک با آنان تا پایانه های سال 84 همواره لکه ننگی برکارنامه سرتاپا سیاه نهضتی خواهد بود.

2- حربه سیاسی بخش بزرگی از پان ترکیست ها تبلیغ سیستم اداری فدرال برای ایرانزمین می باشد تا از آن به عنوان سکوی پرتابی برای تجزیه ی کشور استفاده کنند. به یاد داشته باشیم که با پررنگ کردن سیستم غیرمتمرکز کنونی دیگر نیازی سامانه ی ملوک الطوایفی نداریم.پس عدم تمرکز آری ،فدرالیسم نه.

3- بیشترینه ی خانواده ی آذری بایستگی یی به نام آموزش به زبان ترکی برای فرزندان خود حس نمی کنند.وحتی بسیاری از این خانواده ها تا سنین نوجوانی و جوانی با کودکان خود ترکی صحبت نمی کنند.پس آموزش زبان ترکی در مراکز آموزش دولی برای کودکان مطلقا فاقد فایده علمی و اجتماعی است.پذیرش این طرح شوم و شیطانی مقدمه یی خواهد بود برای گسست هویتی نسلهای آینده از سایر همسالان خود در ایران.فرهنگیان ایرانزمین و اصحاب قلم تحت هیچ عنوان و شرایطی نباید زیر بار این دسیسه بروند"(8).

اوسته کی پاساژداکی "ملی" خیطاب ائتدکیلری ایفاده ده فارس راسیستلیک تشکیلاتلاری نظرده توتولور (او جومله دن حزب نژادپرست جبهه میللی فارس، حزب میللت فارس، حزب پرگهر فارس، حزب میللی و مذهبیهای فارس و ساییر فارس ایستعمار تشکیلاتلاری). اوسته کی فیکیرلرین بیر خطر و تکلیف ماهیتی داشیمالارینا باخمایاراق پان ایرانیستلر گیجلدیکلری اوچون ایکینجی تکلیفلرینی اورتایا آتماغا و آلمان نازیستلری کیمی اویوملاشدیرماق پلانی تکلیف ائتمگه چالیشمیشلار، اوخویوروق:

"درهمین راستا و برای حراست از نظم و هماهنگی جامعه ایرانی از دولت انتظار داریم موراد زیر در طرحهای مصوب خود مد نظر قرار دهد که به یقین دلخواه و مطلوب بسیاری از آذربایجانی ها نیز هست و هم اکنون بدون اینکه طرح و اجباری درکار باشد خود بسیاری از این موارد را بکار می بندند:

1- هرگونه گفتار و نوشتار به زبانی غیراز زبان ملی و به زبانهای بیگانه در نشستهای رسمی ،همگانی و چاپاک ها (نشریات) در سرتاسر کشور ممنوع،غیرقانونی و در نتیجه جرم اعلام شود . از مجلس شورای اسلامی نیز انتظار می رود موارد مربوط به این گونه جرایم را تصویب و در قانون مجازات اسلامی بگنجانند.

2- هرگونه گفتگو و دیالوگ در مکانهای آموزشی از دبستان تا دانشگاه به زبانهای بیگانه قدغن شود و دولت تمهیداتی را پیش بینی نماید که در صورت اصرار افراد بویژه جوانان به زبانهای بیگانه بتوان با معرفی کردن آنان به مراکز روان درمانی ومشاوره یی مشکل اجتماعی آنان را حل کرد.

3-دوران پیش دبستانی از یکسال به چند سال واز حالت اختیاری به اجباری درآید.در صورت نیاز از کودکان بالای 5سال تا مدتی بصورت شبانه روزی پذیرایی شود....."(8).

اوسته گؤروندوگو کیمی فارس فاشیستلری و اونلارین قویروقلاری نین قودورقان بیچیمینده اورتایا آتدیقلاری فیکیرلر یالنیز تورک دیل و مدنیتی نین ایران ممالیکی محروسه سینده گونجللشدیگیندن قورخویا دوشدوکلری نین ایفاده سی کیمی قلمه آلیندیغی نین یانی سیرا، گره کیرسه، داها آرتیق جنایتلره ال آتاجاقلاریندان و آدولف هیتلر کیمی فیکیر یئریتمکلریندن خبر وئریر. بو تکلیفلر آلمان نازیستلری نین اویوملاشدیرماق Gleichschaltung دئدیکلری پلانلاری سرگیله میش اولور (باخ بند 1 و 2). بو تکلیفلره اساسن اینسانلارین آنا دیللری اؤزگه و بیگانه ساییلیر و فارس ایستعمار دیلی خالق ایجتماعیت دیلی کیمی تقدیم اولونور. اوسته لیک آنا دیلیندن فایدالانانلار ایسلام آدی آلتیندا فارس ایستعماری نین داواملی قوربانی اولورلار. بونلارین یانی سیرا اؤز دیللرینده دانیشان آذربایجان گنجلرینه  دلی (روانی) آدی وئریله رک اونلاری آلمان نازیستلری یهودلارا "گر کئچی" دئیه اونلاری مجازات ائتدیکلری کیمی فارس سادیستلری و اونلارین قویروقلاری دا آذربایجان گنجلرینی اؤلوم ایله هده قورخو پلانینا معروض قویماق ایسته ییرلر. یئری گلمیشکن صحیفه نین سونوندا وئردیکلری آچیقلامالاری دا سرگیله مک پیس اولمازدی، اوخویروق:

"توضیحات : - بسیاری از دست گیرشدگان در آشوبهای خردادماه در همان ساعات نخست اذعان داشتند که از کلیت ماجرا بی خبرند و به علت دریافت بسته های سبز هزار تومانی و به تشویق عده یی مرتکب خرابکاری شده اند. - بسیاری از خرابکاران در شهر اردبیل از آنسوی ارس به این سو آورده شده بودند. - در مورد طرح های پیشنهادی اخیر باید گفت اکنون در خیابانهای تبریز و اورمیه و زنجان بویژه در مراکز آموزشی و تفریحی زبان ترکی استفاده نمی شود و مردم وبویژه جوانان خود خواسته به فارسی سخن می گویند. طرح برای موارد استثنایی می باشد"(8).

اوسته کی آچیقلامالار دا، اؤزلوگونده کئچمیش فارس شاهلیق سیستیمی نی خاطیرلاتمانین (ایتتیهاملار آچیسیندان) یانی سیرا ایران ممالیکی محروسه سینی بیر دیل و بیر مدنیتلی گؤسترمگه چالیشیر. دئمک، مسئله بئله دیرسه، فارس فاشیستلری و اونلاری قویروقلاری نه اوچون چوبالاماغا دوشموشلر سورقو و سوآلی دا میللی بیلینجه وارمامیش اینسانلاری دوشوندورمه لیدیر!؟

 

 

قایناقلار:

 

1                    ایشیق سؤنمز، فارس عوامفریبلری نین آچماز اولدوقلاری:

http://www.azerbaycansesi.com/yazilar/juli/sonmez_farsEvamfiribliyi.htm

1.1             ایشیق سؤنمز، آذربایجان میللی مسئله سی و حزب کمونیست کارگری فارس -3

http://www.sattarkhan.net/komo_fars3.htm

1.2             ایشیق سؤنمز، فارس شوونیسمی و ایستعماری نین کثیف ماهیتی!

http://www.shamstabriz.com/sonmaz-fars%20s.htm

2                    Gleichschaltung: http://de.wikipedia.org/wiki/Gleichschaltung

3                    Trachten und Uniformen: http://www.dhm.de/lemo/html/nazi/alltagsleben/trachten/index.html

4                    خبرگزاری مهر: هدف اصلی "کشف حجاب " القاء فرهنگ تقلید گرایی بود ؛ به مناسبت 17 دی ماه سالروز کشف حجاب:

http://mehrnews.ir/fa/NewsPrint.aspx?NewsID=274827

5                    پان ایرانیست، فرمان آریا، آریا نژادی برتر است: پیرامون ادعاهای واهی چند سایت بیگانه گرا: ما ایرانی هستیم. شما نه!: http://farmane-ariya.blogfa.com/

6                    Arierparagraphen: http://de.wikipedia.org/wiki/Arierparagraph

7                    Languages of Iran: http://www.ethnologue.com/show_country.asp?name=Iran

8                    پان ایرانیست، فرمان آریا، آریا نژادی برتر است: راه حل نهایی مسئله:

http://farmane-ariya.blogfa.com/

9                    حزب سومکا:

http://fa.wikipedia.org/wiki/%D8%AD%D8%B2%D8%A8_%D8%B3%D9%88%D9%85%DA%A9%D8%A7

10                جنبش نازیهای ایران، اندیشه سومکا قسمت اول:

http://neonaziiran.blogspot.com/2006/11/blog-post_26.html

11                جنبش نازیهای ایران، اندیش سومکا قسمت دوم و پایانی:

http://neonaziiran.blogspot.com/2006/11/blog-post_27.html

12                احمد کسروی: سرنوشت ایران چه خواهد شد، تهران.

13                محسن پزشکپور، حزب پان ایرانیست، آریا نژاد برترست، آریا آرمان ما و هدف ماست، مقابله با خطر زرد:  http://farmane-ariya.blogfa.com/

 

 

 

ایشیق سؤنمز 03.12.2006

 

 

راسيستليک