پان ایرانیستلرین نژادپرستلیگی!

 

 

بیلیندیگی کیمی کئچمیش ایران ممالیکی محروسه سینده تورکلرین حاکیمیتده اولدوقلاری زامان تورک دیلی قوشون دیلی اولماسینا باخمایاراق عرب دیلینی اینسانلارین دین و اینانج دینی دئیه سایقی و ائحتیراملا قارشیلامیشلار. اونلار اؤزلری تورک اولماقلارینا باخمایاراق فارسجانی دیوان دیلی اولاراق گؤز به به گی کیمی قوروموشلار. رضا میرپنج اینگیلیسلرین ال آلتی و اویونجاغی اولاراق حاکیمیته گتیریلدیکدن سونرا آوروپادا مودا اولموش نژاد پرستلیک تئوریسی آوروپادا درس اوخویان محمود افشارلار واسیطه سی ایله ایران ممالیکی محروسه سینه آیاق آچماغا باشلامیشدیر )1). اونلارین بو حرکته قاپیلمالاری آریا ایرقیندان اولدوقلاری اوچون دگیل، ایران ممالیکی محروسه سینده فارس اولمایان میللتلرین دیل و مدنیتینی آریالی دئیه فارس دیل و مدنیتینده یوخ ائتمه فیکیرلرینه اساسلانیر(2). بونلارین شوونیست و راسیستلیک فیکیرلرینه دئیینمه دن اؤنجه آشاغیدا بعضی پاساژلارینی بیرلیکده اوخویاجاغیمیز  و  یازی باشلیغیندا اولان »خطر زرد را جدی بگیریم« ایفاده سینده کی منظور اولموش »نژاد زرد« ایفاده سینی کیملرین توپوردوکلری و بئله لیکله تمامیتچی و پان ایرانیستلر او فاشیستی فیکیرلردن فایدالانماغا چالیشدیقلارینی اورتایا قویماغا چالیشاجاییق.

فرانسه فئودالی Arthur Comte de Gobineau (1816-1882) یازدیغی ( „Essay sur  inegalite´ des races humaines“) اثری راسیستلیک مقوله سینده اؤنملی رول اویناییر. بو اثرده Gobineau اینسانلیغی ساری، قارا، آغ نژادلارا بؤلوشدورور. اونون فیکرینجه بو نژادلار هر بیری اؤزو اوچون موسقیل مدنیتلری وار. Gobineau قارا و ساری نژادلارا پیس صیفتلر عونوانلاییر. اونون فیکرینه گؤره، یالنیز آق نژادا باغلی اولانلار نجیب ایمیشلر(!!). Gobineau آ گؤره آغ نژاد آریالی ایمیش. بو نژاد طبیعی اولاراق او بیری نژادلاردان اوستون ایمیش(!!!). Gobineau آ گؤره نژادلاری خالیص ساخلاماق اولماز و نژاد قاریشیقلیغی قاچینمازدیر. Gobineau آ گؤره کولتورلرین چؤکوش و قالخیشلاری نژادلارین گلیشمه سیندن آسیلیدیر (Mosse 1996, S. 78 f.).. Gobineau نون آلمان موسیقیچی سی  Richard Wagner (1813 - 1883) ایله دوستوق ایلیشکیلرینین اولماسی و اونون واسیطه سی ایله بو راسیستی فیکیرلرین آلمانین نوفوذلو شخصلری طرفیندن حاکیمیت داییره لرینه یاییلماسی آلمانیادا نژادپرستلیگین گلیشمه سینده بؤیوک رولو اولموشدور.

بئله لیکله 1891 اینجی ایل ایستعمارچیلیق و ایشغالچیلیق اساسیندا قورولموشAlldeutsche Verband  قورومو (جمعیتی) Gobineau نون راسیستی مفکوره سینی اؤزونه بیر وسیله ائده رک سیاستینی راسیستلیک مفکوره سی اوزرینده قورماغا چالیشمیشدی. بو قورومون عوضولری او زامانکی آلمان حاکیمیت داییره لرینده و حتتا ایکینجی قایصئر ویلهئلم Kaiser Wilhelms II  مین مصلحتچیلری آراسیندا بؤیوک نوفوذا مالیک ایمیشلر (. (Müller 1987, S. 203

یهودلار آلمان ایجتماعیتی طرفیندن رنگ باخیمیندان فرقلی گؤروندوکلری اوچون آلمان راسیستلری ساریلارا و قارالارا نیسبت وئریلن منفی صیفتلری آلمانداکی یهودی ایجتماعیتینه یوکله مه گه چالیشمیشلار(Mosse 1996, S.80) . بئله لیکله سامی دیل و مدنیتلرینه دوشمنلیک بیر نژادپرستلیک ایدئولوژیسی اولاراق اورتایا چیخمیشدیر. بونلارین یانی سیرا اینگیلیس دوغوملو و Richard Wagner  ین قیزی ایله ائولنمیش Houston Stewart Chamberlain (1855 - 1927) آدلی شخصین دا آلمانیادا نژادپرستلیگین گلیشمه سینده بؤیوک رولو اولموش (Bracher 1982, S. 55) . Chamberlain یازدیغی آنا اثرینده Grundlagen des 19. Jahrhunderts ژرمن نژادینی سئچگین (سئچیلمیش) و اینسانلیغین قورتاریجیسی کیمی قلمه آلمیش (Mosse 1996, S.128). اونون نژادپرستلیک گؤروشونه اساساً آریا نژادی نین تمیزلیگی کولتورون یارانماسینا یول آچار و یهود ایجماعسینین توطئه سی یئنی و مدنی توپلوملار اوچون بیر خطر ساییلمالیدیر ((Bracher 1982, S. 55.

اوسته کی نژادپرستلیک مفکوره لری 19 اونجو عصیرین سونونا عاییددیر. پان ایرانیست و تمامیتچیلر داها نژادپرست اولدوقلاری اوچون اونلار آوروپادا جینایتلره یول آچان نژادپرستلیک مفکوره سیندن اؤزلرینی اوزاقدا گؤرمک ایسته میرلر.

شاهلیق و فارس شوونیستلیک سیستیمینین یئرینه گلمیش ایسلام جومهوریسی حاکیمیت داییره لرینه شاه زامانیندان قالمیش فارس شوونیستلری و تمامیتچی قووه لرین ایسلام و اوممتچیلیک آدی آلتیندا سوخولمالاری، ایران ممالیکی محروسه سینده کی فارس اولمایان دیل و مدنیتلرین شاه زامانینداکی کیمی ازیلمه سی ایله نتیجه لنمیشدیر. بو مسئله یالنیز ایچریده کی فارس شوونیستلری ایله یئکونلاشاجاق دگیل، خاریجده کی سلطنت طلب، مشروطه خواه و موخلتیف فارسچی قوماشلاری نین یانی سیرا سوسیالیست آدلاری آلتیندا اولان تمامیتچی، پان ایرانیست و فارس شوونیستلری نین ایران ممالیکی محروسه سینده کی فارس اولمایان دیل و مدنیتلر علیهینه یازدیقلاری یازیلار بو فیکیر صاحابلارینی آلمان نازیستلریندن هئچ ده فرقلنمه دیکلرینی اورتایا قویور(3، 3.1).  تازالیقدا »گزارش«  آدلی مجلله ایران ایسلام جومهوریتی نظارتینده »خطر زرد را جدی بگیریم« عنوانی ایله اؤز چیرکین نیتلرینی اورتایا قویموشدو.

مقاله نین آدیندان (»خطر زرد« gelbe Rasse ) بللی اولدوغو کیمی و بیز ده بو مسئله نین کیملرین و هانکی زاماندان باشلایاراق نژادپرستلیک دئیه اورتایا آتیلدیغینی  اوسته اورتایا قویدوق.

ایندی ایسه »گزارش« آدلی مجلله ده ایران ممالیکی محروسه سینده چاپ اولموش »خطر زرد را جدی بگیریم«  یازیسینین بعضی پاساژلارینی بیرلیکده اوخویوروق:

».پس از فروپاشي شوروي، شرايط سياسي خطرناكي در منطقه پديدار شد. اگر در روزگار شوروي، "خطر سرخ" ما را تهديد مي‌كرد، پس از فروپاشي "خطر زرد" جايگزين "خطر سرخ" شد.«(6).

اوسته گؤروندوگو کیمی تمامیتچی پان ایرانیستلر ایکی باشلی داقلوس قیلینجی دک دال و قاباق تانیمازلار. اونلار کئچمیشده آذربایجان ایجتماعیتینین آیدینلارینی "او تایدان گلمه، الله دان خبرلری یوخ و ساییره..." دئیه قلمه آلیردیلارسا، بوگون آذربایجان میللت مسئله سینی فارس راسیستلیگی و تمامیتچیلیگی اوچون بیر خطر دئیه قلمه آلیرلار. یئری گلمیشکن، سوروشولمالیدیر: - خطر نه اوچون، کیمین علیهینه، هانکی دیل و مدنیتین علیهینه؟

دئمک، ایران ممالیکی محروسه سینده کی تمامیتچی دیل و مدنیت دوشمنلری اؤز تمامیتچیلیک خولیالارینین حیاتا کئچه بیلمه دیگیندن اندیشه ائده رک ایران ممالیکی محروسه سینده میلییتلر مسئله سینی او جومله دن آذربایجان میللی مسئله سینی فارس تمامیتچیلیگینه و پان ایرانیستلیک مفکوره سینه بیر خطر کیمی قلمه آلیرلار. اونلار کئچمیشده آذربایجان میللی حرکتینی کومونیستلیک آدی آلتیندا ازیردیلرسه، بوگون بو میللی حرکتی قونشو دؤولتلره و آشادیغیدا گؤره جه گیمیز دک آمریکا بیرلشمیش شتاتلارینا و ساییره نیسبت وئرمه گه چالیشیرلار. گئنه ده اوخویوروق:

»... اتحاد شوروي از ميان رفت، اما بر فراز خاكسترهاي آن دشمني سرسخت از نگره‌ي ساختار قومي ايران، خطرناك‌تر از اتحاد شوروي زاده شد.«(6).

اوسته گؤروندوگو کیمی پان ایرانیستلرین دوشمن دئدیکلری، ایران ممالیکی محروسه سینده کی فارس اولمایان دیل و مدنیت صاحابلاریدیر(آذربایجان تورکلری، تورکمنلر، بلوچلار، عربلر، لورلار، گیلکلر، کوردلر و ساییره).  بونلارین نظریجه باشقا دیل و مدنیت صاحابلاری حقوق برابرلیگینه اساسلانان اینسانلار دگیل، عهد بوق زامانیندا توتوقلانمیش قوللار ساییلیرمیشلار. بو قوللارین اوشاقلاری، دیپلوماسی تاریخ اوستادلاری(!!) جواد شیخ الاسلامی یازدیغینا اساساً نجیب فارس خانواده لرینده دیل آچاراق فارس اولدوقدان سونرا آتا و آنالارینی نجیبلندیرمک اوچون اؤز ائولرینه دؤنمه لی اولاجاق ایمیشلر!! بودور، تمامیتچی و پان ایرانیست  فاشیستلرین ایران ممالیکی محروسه سینده کی فارس اولمایان میللتلره قارشین هموطن، اینسانیت مقوله لری!! گئنه ده اوخویوروق:

»... رهبران ايراني كه مي‌پنداشتند با از ميان رفتن شوروي براي مرزهاي شمالي ايران امنيت فراهم آمده است،‌با شگفتي هرچه تمامتر با دشمني روبه رو شدند كه بيش از شوروي ايران را تهديد مي‌كرد. اگر در نظر بياوريم كه يك سوم مردم ايران ترك زبان هستند و گرايشات جدايي خواهانه در آذربايجان ايران، به هر حال واقعيتي است كه آن را نمي‌توان انكار كرد،‌آنگاه خطر پان توركيسم را بهتر مي‌توان دريافت.«(6).

گؤروندوگو کیمی بورادا تمامیتچی فیکیر صاحابلاری »فارس« کلمه سی نین یئرینه »ایران« کلمه سینی ایشلتمه گی اؤز شوونیستی مقصدلرینه اویقون حئساب ائتمیشلر. دئمک، ایران ممالیکی محروسه سینین اوچ ده بیرینی، بلکه ده چوخونو آذربایجان تورکلری اولوشدورماقلارینا باخمایاراق بعضی معلوماتلارا اساساً ایران ممالیکی محروسه سینده آذربایجان تورکلری میللی آزلیق دگیل، باشقا ائتنوسلار ایله قارشیلاشدیردیقدا ایران ممالیکی محروسه سی نین نوفوس باخیمیندان چوخونو تشکیل ائدیرلر (4). بو چوخلوغو اولوشدوران توپلوم نه اوچون ایران ممالیکی محروسه سینده  اؤز ایداره ائتمه سیستیملرینه حاکیم دگیللر؟ نه اوچون فارس شوونیستلیگی آلتیندا وطن اوولادلاری فارسلاشماق و اؤزگه لشمک مجبوریتینده قالمیشلار؟ ایران ممالیکی محروسه سی چوخ میللتلی دئیه نظره آلینیرسا، نه اوچون فقط فارس حاکیمیتی حؤکوم سورمکده دیر؟ فارس اولمایان میللتلر هانکی میللی و مدنی حاقلارا صاحیبدیرلر؟ دئمک، فارس شوونیستلری و تمامیتچی پان ایرانیستلرین خطر حئساب ائتدیکلری آذربایجان تورکلرینی راحاتلیقلا فارس دیل و مدنیتینده اریتمه قابیلیتینده اولمادیقلاریندان سؤز گئدیرسه، بو مسئله نی باشا دوشمک، او قدر ده چتین دگیل.

بو مسئله نی اؤزو اوچون خطر دئیه ایجتماعیتین گؤزونه سوخماغا چالیشانلار، ایران ممالیکی محروسه سینده کی میللتلرین حقوق برابرلیگینی تانیمالی و کئچمیش شوونیستلیک و فاشیستلیک داورانیشلاریندان اؤزلرینی تبرئه ائتمه گه چالیشمالیدیرلار. گئنه ده اوخویوروق:

»... سياست‌هاي ضد انساني جمهوري اذربايجان رهبران ديني ايران را سخت سرخورده مي‌ساخت. آن‌ها مي‌پنداشتند كه مذهب تشيع ميان دو كشور ايران و آذربايجان دوستي مي‌آفريند...«(6).

اوسته کی عیبارتده »ضد انسانی« ایفاده سینی اوخودوقدا فارس شوونیستلری اؤزلرینی نژاد باخیمیدان یاخیلاتماغا چالیشدیقلاری هیتلرین اینسانلاری گاز اوجاقلاریندا بوغما و کوره لرده یاندیرما عمللری یادا دوشور. آنجاق ایران ممالیکی محروسه سینه گلدیکده 21 ایجی عصیرده نوفوس باخیمیندان بیر مملکتین %67 سینی تشکیل ائدن میللتلرین دیل و مدنیتلرینی دانماق و اونلاری بیر فارس کیمی دونیا ایجتماعیتینه تقدیم ائتمک اؤزو ده  اینسانیته ضید «ضد اینسان» بیر مقوله دیر. گئنه ده اوخویوروق:

»...سياست صدور انقلاب اسلامي به آذربايجان شكست خورد و آنگاه كه يكپارچگي ايران به گونه‌اي جدي از سوي آذربايجان به چالش گرفته شد، ايران راه دوستي با ارمنستان را برگزيد. از آن جا كه در جهان سياست،‌دشمن دشمن، دوست مي‌باشد، ايران براي تامين امنيت خود به ناچار به سوي دشمن سرسخت آذربايجان،‌ارمنستان روي آورد. رهبران ايران كه به حق نگران امنيت ملي كشور بودند، به ناچار براي از ميان بردن خطر آذربايجان، راهكار ياري رسانيدن به ارمنستان را در پيش گرفتند. اين سياست با منافع ملي ايران سازگاري داشت و مي‌بايست زودتر از اين‌ها در پيش گرفته مي‌شد،...«(6).

بیلیندیگی کیمی آذربایجان جومهوریتینده کی اینسانلارین اکثریتی اینانج باخیمیندان مسلماندیرلار. مسلمان بیر مملکته هر بیر آچیدان (زاویه دن) هوجوم ائتمک و اونا هر آد ایله ایستر اولسون تجاووز ائتمک، ایستر اینسانیت و ایسترسه ده ایسلامیت باخیمیندان محکومدور. آنجاق ایران ممالیکی محروسه سینده کی آذربایجانلیلارین میللی بیلینیجلرینین گلیشمه سی باخیمیندان و بو مسئله نی فارسچیلیق یئرینه ایران خطره دوشدو دئیه یوروملاماق اؤزو ده گولونج بیر مسئله دیر. بیلیندیگی کیمی آذربایجان جومهوریتی نین %25 تورپاغی ائرمنی داشناقلاری ساییلان ائرمنیستان قوشونو تاپداغی آلتیندادیر. بیر میلیوندان آرتیق آذربایجانلی اؤز دوغما تورپاقلاریندان سورگون دوشه رک قیشین سویوقلاریندا، قارلی و کولکلی هاوالاردا چادیرلاردا یاشاماق مجبوریتینده قالمیشلار. دئمک، ایستر ایسلامیت باخیمیندان، ایسترسه ده ایران ممالیکی محروسه سینده کی نوفوس چوخلوغونو اولوشدوران آذربایجان تورکلری باخیمیندان ایسلام آدینا فارس تهران حاکیمیتینین ائرمنیستانا کؤمک ائتمه گه چالیشماسی و آذربایجان جومهوریتینی روسیه ماراق داییره سیندن اوزاقلاشماغا مانع اولماسی یالنیز فارس شوونیستلیک مقصدینه اویقون گؤرونور! گئنه ده اوخویوروق:

»... اما رهبران ديني ايران را از ديدگاه انقلاب اسلامي با دشواري ايدئولوژيكي بزرگي روبه رو ساخت و گونه‌اي ناسازگاري ميان منافع ملي ايران و اهداف انقلاب اسلامي را پديد آورد و سياست خارجي ايران كه بر پايه‌ي انترناسيوناليسم اسلامي استوار شده بد را زير سوال برد. آذربايجاني ها مسلمان و پيرو مذهب تشيع بودند، ارمني‌ها نه مسلمان بودند و نه شيعه مذهب، آنگاه كه بر سر قره‌باغ جنگي خونين ميان دو جمهوري همسايه درگرفت، چشمداشت جهان اسلام آن بود كه جمهورس اسلامي ايران از مردم مسلمان آذربايجان در برابر نامسلمانان ارمني پشتيباني كند، اما ايران با شگفتي از ارمنيان كرد. سياست پشتيباني از ارمنستان سياستي درست بود و ما نمي‌خواهيم بر آن رخده بگيريم.«(6).

دئمک، فارس شوونیستلری و تمامیتچی پان ایرانیستلرین ایسلامیت و اینسانیتی اؤز چیرکین نیتلری اوچون بیر اویونجاق ائتمه باشاریلاری، اونلاری اؤزلوگونده سئویردیرسه ده، بو مسئله ایران ممالیکی محروسه سینده کی آذربایجان تورکلری نین زامان گئدیشی ایله بصیرت داییره لرینین گئنیشلنمه سینه یول آچاجاق گؤرور. او زامان شیعه لیک اساسیندا وطنداشلیق و قارداشلیق دا فارس شوونیستلیگی ایله بیرلیکده چؤب قابینا آتیلاجاق و میللی کیمیلیک و منلیک اساسیندا یئنی دوزن قورولماغا دوغرو حرکت ائدیله جک گؤرونور.  گئنه ده اوخویوروق:

» ...تنش‌هاي موجود در روابط ايران و آمريكا از سويي و تنش‌هاي فراواني كه ميان ايران و آذربايجان مي‌باشند فعال شدن محور تهران – ايروان – مسكو را گريزناپذير ساخته است. و همگي مدارك و شواهد گوياي آن است كه ريشه‌هاي پان توركيسم را بايد فراتر از امكانات و توانمندي‌هاي دولتي كوچك چون آذربايجان يا دولتي غرق در گرفتاريهاي بزرگ اقتصادي چون تركيه ديد.«(6).

اوسته گؤروندوگو کیمی ایران ممالیکی محروسه سینده کی میللیتلر و آذربایجان میللی مسئله سی قونشو دؤولتلره نیسبت وئریله جک بیر مسئله دگیل، فارس شوونیسمی اؤز حاکیمیتینی، حاکیمیتی آلتینداکی میللتلره تحمیل ائتمک اوچون یئری گلدیکده آمریکا بیرلشمیش شتاتلارینی باهانه ائده جک گؤرونور. بیلیندیگی کیمی روسیه، اؤزو سیاست باخیمیندان آمریکا دوستاغی ساییلماقدادیر. آمریکا بیرلشمیش شتاتلاری روسیه نین گؤبه گینده یئرله شن قازاقیستان، اؤزبکیستان و اوکراینادا ساواش دوشرگه لری (پایگاهلاری) یاراتماقدادیر. دئمک، فارس شوونیستلری و تمامیتچی پان ایرانیستلر آذربایجان میللی حرکتینی آمریکا بیرلشمیش شتاتلاری و ساییره لره نیسبت وئردیکده میللی و مدنی باخیمدان کئچدیکلری کؤرپولری ییخاراق گله جک اوچون قاییتما یولو قویمایاجاق گؤرونورلر. بودور شوونیستلیک اساسیندا قورولموش بیر ایمپیریانین کؤچوش و ییخیلیش گؤرونتولری!

»... سرنخ پان تروكيسم و رويدادهاي اين چنين را بايد در تل آويو و واشنگتن جستجو كرد. براي نمونه روزنامه ها و مجلات پان توركيستي در تهران و تبريز و زنجان و اروميه و اردبيل با پول چه كساني و با كدام امكانات چاپ و پخش مي‌شوند؟ گردانندگان آشنا و پنهان اين نشريه‌ها چه كساني هستند؟ برانگيختن ترك زبانان ايراني عليه هم ميهنان فارسي زبان و طرح شعارهاي تحريك كننده چون پان فارسيسم، شوونيسم فارس و فارس‌هاي نژادپرست در راستاي منافع چه كساني است؟ چه كساني هستند كه با به راه انداختن آتش دشمني و كينه‌ي فارس و ترك زمينه را براي جنگ داخلي و تكه تكه كردن ايران آماده مي‌كند؟ چه كساني هستند كه در اين نشريات الفباي تركي لاتين رايج در تركيه را آموزش مي‌دهند. و در نوشته‌هاي خود واژگان و اصطلاحاتي كه در زبان تركي تركيه و نه تركي رايج در ايران به كار مي‌رود را به كار مي‌برند؟ چه كساني هستند كه در نوشته‌هايشان از افراسياب تواني براي مردم آذربايجان قهرمان ملي مي‌سازند و به فردوسي و شاهنامه دشنام مي‌دهند و حماسه ي دده قورقوت و كوراوغلي را بر حماسه‌ي رستم و سهراب و اسفنديار برتر مي‌نهند؟ اين كارها با چه اهدافي انجام مي‌شود؟ همه واقعيت ها نشانه‌ي آن است كه آمريكا و اسراييل همان توطئه‌اي را كه در شوروي و يوگسلاوي و افغانستان از راه برانگيختن احساسات قومي و دامن زدن به كينه ها و دشمني هاي نژادي انجام دادند، در ايران هم مي‌خواهند انجام دهند، آيا امريكا و اسراييل خواهند توانست به ياري مزدوران منطقه‌اي خود ايران را تكه تكه كنند؟«(6).

اوسته گؤروندوگو کیمی پان ایرانیستلرین کئچمیشده آذربایجان میللی حرکتینی آذربایجان جومهوریتی و تورکیه دؤلتلرینه نیسبت وئمه لری فایدا وئرمه دیگی اوچون، بو یول دونیادا یئنی نظم قورما و بؤیوک خاورمیانه طرحی دئیه اؤز منافئعینی تأمین ائتمک اوچون  منطقه یه یولا دوشن آمریکا بیرلشمیش شتاتلاری ایله باققال ایله قاریشقا اویونو یاشاتماق آرزوسوندا اولاجاق گؤرونورلر. آنجاق کئچمیش 80 ایلده کی- بین النهرین مدنیتلری دوشمنی ساییلان کوروش یانچیلاری – ییغدیقلارینی آمریکا بیرلشمیش شتاتلاری طرفیندن بیر یوللوق تارازیدا دارتیلاجاغیندان خبرلری یوخ گؤرونور. بو دا فارس شوونیسم نین چؤکمه سینین ایکینیجی بیر گؤرونتوسو اولا بیلر. دئمک، %33 نوفوسا مالیک اولان فارس توپلومو اؤزو اوچون فرهنگیستانی، سیستیم دوزنی، دونیا ایجتماعیتی ایله ایلیشگده اولماسی، ایران ممالیکی محروسه سینده کی میللتلره اؤزونو تحمیل ائتمه مسئله لری طبیعی گؤروندوگو حالدا بیلیک یوردلاریندا آذربایجان میللی اؤیرنجیلری نین اؤز دیل و مدنیتلرینه ماراق گؤسترمه سی فارس شوونیستلرینی گؤرمز (کور) ائده جک آشامایا چاتمیش گؤرونور. »پان فارسیسم و فارس شوونیسمی« مقوله سی نین ایفاده ائدیلمه سی ایسه، آذربایجان ایجتماعیندن آسیلی دگیل، بو فارس حاکیمیتی، شوونیستلرینین داورانیشلاریندان ایلری گلن بیر مسئله دیر. اونلارین ائتدیکلری یانلیش عمللر (ایران ممالیکی محروسه سینده کی فارس اولمایان میللتری اؤز کیملیک و منلیکلرینه اؤزگه ائتمه گه چالیشماق، فارس دیلینی باشقا توپلوملارا اوستون تانیتما چاباسینا قاپیلماق، ایران ممالیکی محروسه سینی فارس ایله بیر آنلام داشییار اوخوتدورماغا چالیشماق و ساییره...) فارس شوونیسمی و پان فارسیست عمللرینی دونیا ایجتماعیتی قارشیسیندا سرگیلتمیش اولور.

لاتین ا.ب.ج مسئله سینه گلدیکده، بیلیندیگی کیمی اینگیلیسجه ده لاتین الیفباسی ایله یازیلیر. نه اوچون اینگیلیس دیللی اولمایان اؤلکه لرده  اینگیلیسجه اؤیره نرکن لاتین الیفباسی اؤیره نیرلر دئیه کیمسه گوناهلاندیریلمیر؟ ذئهنیت باخیمیندان گئری ساخلانیلمیش شوونیست و تمامیتچی قووه لر لاتین ا.ب.ج. سینین اؤیره نیلمه سینه قارشی چیخماغا چالیشارکن مدنیت باخیمیندان کیم اولدوقلارینی سرگیله مه گه چالیشیرلار می یوخسا بربریتلرینی می؟

افراسیاب، روستم و سهراب مسئله سینه گلدیکده هر میللتین اؤزو اوچون اوسطوره لری وار، کیمی سی اشکبوسون گؤزونو اویماغا ایفتیخار ائده ر، کیمیسی ایسه آلپ ارتونقا (افراسیاب) کیمی تورک ارنلرینه! فیردوسی و یازدیغی شاهنامه ده فارس شوونیستلری اوچون ایفتیخار ائدیلمه لی اولسا دا، باشقا ائتنوسلاری آشاغیلادیغی و قادینلارا حیوان گؤزو ایله یاناشدیغی اوچون(5)، ننگنامه ساییلا بیلر! ده ده قورقوت و کوراوغلو ناغیللاری ایسه یئنه آذربایجان تورکلری اوچون اینسانلیق و ایگیتلیک درسلری ساییلیرلار. دئمک، هر میللتین اؤزونه عایید اولگوسو وار. بونا راحاتسیز اولماغا هئچ بیر اساس یوخ!

 

 

قایناقلار:

 

1     محمود افشار او زامان سوئیسده بیلیکیوردونو اوخومالارینی سونا چاتدیرمیش و آوروپادا یایقین اولان نژاد تئوریسیندن اتگیلنمیشدیر (تأثیر آلمیشدیر) (باخینیز: سید ضیا صدرالاشرافی، تریبون نمره 2، Slona (Sued)، 1997، صحیفه 38.

2          بیلیندیگی کیمی بوگونکو فارسلار ایله آلمانلار آراسیندا فیزیولوژیک باخیمدان بیر باغلانتی قورماق اؤزو ده ابطالچیلیق اولاردی. ایران ممالیکی محروسه ده کی ائتنیک قاریشیقلیغی نظره آلمازساق، بوگونکو فارسلار داها چوخ هیند بؤلگه لرینده یاشایان اینسانلار ایله ایستر دیل، ایستر سه ده فیزیولوژیک باخیمدان داها آرتیق باغلاری اولابیلر دئیه دوشونمه لییک. فارس دیلینین آناسی ساییلان »سانسکریت« دیلی ده هیندوستانا عاییددیر.

3          http://azadtribun.com/Tur24.htm

3.1.      http://azadtribun.com/Tur33.htm

4          http://www.ethnologue.com/show_country.asp?name=Iran

5          فردوسی یازیر: زنان را ستایی، سگان را ستای        یک سگ به از هزار زن پارسای.

6          http://www.shamsnews.com/khatare%20zard.htm

6.1       http://news.gooya.ws/politics/archives/033979.php

 

قایناق: غلامحسين مظلومي عقيلي
کارشناس ارشد زبان و ادبیات فارسی

ماهنامه گزارش
ماهنامه سياسي، اقتصادي، مسائل اجتماعي، علمي
سال شانزدهم شماره 165، تير 1384

 

ایشیق سؤنمز 28.07.2005

 

راسیستلیک