فارس شوونیستینه قویروق اولموشلارین قند مرضی توتما مسئله لری

 

 

بیلیندیگی کیمی ایران ممالیکی محروسه سینده موختلیف میللیتلرین میللی بیلینجلری نین گلیشمه سی فارس تشکیلاتلاری و اونلارا قویروق اولموشلاری اولدوقجا راحاتسیز ائتمیشدیر. بو آرادا اؤزلرینی فارس مئییللی کمونیست کیمی ایفاده ائتمگه چالیشانلار فارس سول تشکیلاتلاریندا او جومله دن سازمان فداییان خلق فارس (1.-1.5) حزب توده فارس (2)، حزب دئموکراتیک مردم فارس (3)، حزب کمونیست کارگری فارس (4.-4.4) و ساییره قوروپلار سیرالاریندا فارسلیق دیل و مدنیتی نی اؤزلری اوچون اساس گؤتوره رک یئر آلماغا چالیشاراق اونلارین بیر چوخلاری فارس اولمایان میللیتلرین دیل و مدنیتلری و میللی حاقلاری قارشیسیندا سس سیز قالارکن بیر سیراسی ایسه فارس شوونیستلری سیراسیندا یئر آلمانی اؤزلری اوچون اینسانلیق بورجو حئساب ائدرلر. بو تشکیلاتلارداکی اینسانلارین گؤروشلرینی ایران ممالیکی محروسه سی اوزره اوخورکن بو ذاتلارین نظرینجه اینسان و مدنی اولماق فارس آیدینی اولما ایزلنیمی نی سرگیلمیش اولار (بو مسئله ایران ممالیکی محروسه سینده کی فارس مئییللی بوتون شخص و تشکیلاتلار  اوچون کئچرلیدیر. بو گؤروشه اساساً باشقا دیل و مدنیته اؤزنمک، مئیل گؤسترمک کور میللیتچی و گئریچیلیک و مرتجع ساییلار). بونلار ایران آدی آلتیندا فارس دیل و مدنیتینه اساسلانمیش بیر "ایران میللتی" اولدوغونو و باشقا دیل و مدنیتلرین لازیمسیز اولدوغونو دولاییلی یوللار ایله اجتماعیته آشیلاماغا (تزریق ائتمگه) چالیشارلار. بئله لیکله فارس حاکیمیتلری طرفیندن 1925 ایلیندن باشلایاراق "رسمی" دئیه تحمیل اولموش فارسچانی بو ذاتلار "زبان مشترک" دئیه قلمه آلماغا چالیشارلار. بو ذاتلاردان بیری ده سازمان فداییان خلق فارس تشکیلاتینا پادوچولوق ائدن بهزاد کرمی ذات عالیدیر. بهزاد کریمی آلمانیانین برلین شهرینده فارس قوروپلاشمالاری طرفیندن آدلاندیردیقلاری "اتحاد جمهوریخواهان ایران" محفلینه (10) فارس دیلی نین اورتاق بیر دیل کیمی گله جک نیظام و اینتیظام اوچون قبول اولماسینی تکلیف ائتمیش، اوخویوروق:

"این سند به موقعیت زبان فارسی به عنوان یک زبان مشترک نگاه می کند که کلید کار و زندگانی جمعی ملت ایران است و به قول بهزاد کریمی رشد و تطورش محصول تلاش توأمان همه اقوام ایرانی است و از همین رو پیشنهاد او مبنی بر تغییر اصطلاح" زبان رسمی" به "زبان مشترک" تقریباً همانجا پذیرفته محسوب شد."(5).

یئری گلمیشکن سوروشولمالیدیر: -بهزاد کریمی هانکی آذربایجان دیل و مدنیتی نی تمثیل ائمیش و تمثیل ائده جک سیاسی و اجتماعی تشکیلات طرفیدن فارس محفلینده فارس دیلینی "زبان مشترک" دئیه آذربایجان تورکلری اوچون سیریماغا چالیشمیش؟ -کیمسه نین فارس دیلینده یازیب یاراتماسی اونا باشقا بیر میللتین دیل و مدنیتی، میللی کیملیگی و منلیگینه اؤگئی باخماغا تمل یارادا بیلر می؟ - فارس دیلی نین گلیشمه و دیرچلمه سینه اؤزلرینی وقف و تقدیم ائدنلر ذاتلار اؤز خالقلاری نین دیل و مدنیتی نی فارس تمامیتچیلیگینه قوربان ائتمه حاقلاری وار می؟ و ساییره... . باشقا بیر سورقو: -بهزاد کریمی نین بو منطقسیز یاناشماسینا اساساً بوگون دونیا چاپیندا اینگیلیس دیلینده یازیب یارادانلار انگلیس دیلینی "مشترک" دئیه دونیا میللتلرینه تحمیل ائتمک و ائتدیرمک حاققینا مالیک اولابیلرلر می؟ گؤروندوگو کیمی فارس تشکیلاتلارینا پادوچولوق ائدنلر یالنیز اؤزلری بیر قول کیمی داورانمالارینا باخمایاراق بو ممالیکی محروسه ده کی موختلیف دیل و مدنیت صحابلارینی دا فارس تمامیتچیلیگی و راسیستلیگینه قوللوق ائتمگه زورلایان ذات عالیلر ساییلمالیدیرلار. بو مسئله اوزره کئچمیش یازیلاریمیزدا بهزاد کریمی، بهروز خلیق، وهاب انصاری و ساییره لری اؤز دوشونجه لرینه اویقون آذربایجان دیل و مدنیتینه اساسلانمیش تشکیلاتلار یاراتماق ایستمه دیکلری تقدیرده اؤزلرینی فارسلیق باتلاغیندان قورویا بیلمه یه جکلرینه داییر بیر مساژ وئریلمیشدی (11). ایران مملیکی محروسه سی نین توخوشونو بیلدیگیمیز و طرفسیز قایناقلار دا بو بیلدیکلریمیزی دونیا ایجتماعیتینه ایثبات ائتدیگی (6) اوچون بو دئموکرات مئاب فارس تشکیلاتلارینداکی ذاتلارا فارس شوونیست قویروغوندان باشقا بیر آد قویماق اولماز. بو ایشاره ائتدیکلریمیز فارس سول مئاب تشکیلاتلاری نین ایران ممالیکی محروسه سینده کی فارس اولمایان ائتنوسلارین میللی منلیک و کیملیکلری نی "شهروندلیک" مقامینا دوشورمه لریندن یالنیز اؤرنکلردیر. فارس ساغچی تشکیلاتلارا گلدیکده وضعیت داها دا فاجیعه لیدیر (7). بونلارا فارس راسیستلیک قوروملارینی او جومله دن "بنیاد موقوفات محمود افشار"، "حزب پان ایرانیست"، "حزب ملت فارس" و ساییره مارجینال قوروپلاشمالاری دا اکلرسک، وضعیتین داها دا فاجیعه لی اولدوغو سرگیلنمیش اولار. بو دئدیکلریمیزین اوستونه آددا علم ایله مشغول اولاجاق فارس اولمایان میللیتلردن اولان مانقوردلاری دا اکلرسک، وضعیتین داها دا آجیناجاقلی و فاجیعه لی اولدوغونو گؤز اؤنونه گتیره بیله ریک. بونلاردان بیری ده پرویز رجبی (فارس ادبیاتچیسی و تاریخچیسی، آذربایجانلی) ذات عالیدیر. بو ذات تورک دیل و مدنیتی سؤز قونوسو اولدوقدا قارین آغریسینا دوشرکن فارس دیل و مدنیتی سؤز قونوسو اولدوقدا هر سؤزون باشیندا "قند پارسی"(8-8.2) ایفاده سینی سرگیله مه گه چالیشار. بیلیندیگی کیمی ایستعمار و ایستحمار ملزمه سینه شکر سپمکله اونو میللی بیلینجی آرتمیش فارس اولمایان ائتنوسلارا یئدیرمک اولماز. بو مسئله کئچمیش 82 ایلده شاللاق وورماق و اهانت ائتمک، خالقلارین دیل و مدنیتلرینی یاساقلاماق، اونلارین گنج قورشاقلارینی اؤز میللیتلرینه اؤزگه یاشاتماغا چالیشماقلا دا چتین باش توتابیلدی. پرویز رجبی نین فارس ایستعمار دیلی اوزره "پارسلیق قندی" سپمه مسئله سی یالنیز اونون آغالارینی خوشحال ائده بیلر دئیه دوشونمه لی ییک. یئری گلمیشکن بو ذات عالی نین فارسلیق اوزره دولاییلی دوشونجه لری ایله داها آرتیق تانیش اولاق، اوخویوروق:

"در قلمرو فرهنگی ایران، جز زبان فارسی دو زبان ترکی و عربی وجود دارد، که برای پرداختن به آن ها درخواست مجالی دیگر را دارم. همین بس. گویش های  ایرانی سایه روشن های زیبا و معطّر زبان فارسی هستند و همچون پستوهای ارجمند مخزن گنجینه‍ی زبان فارسی. هنگامی که از قند پارسی سخن می رود، حتما پای سخن شکرپاره و حَبّ ِ نبات هم در میان است. فراموش نکنیم که همین طوری هم با جمع و جور کردن زبان فارسی، با همه‍ی سابقه‍ی درخشانش، مشکل داریم. هنوز در املاء بسیاری از واژه های فارسی گرفتاری داریم. هنوز باید چراغ برداریم و به جست و جوی خواننده برویم. هنوز کتابی با تیراژ هزار روی دست ناشران می ماند. هنوز هزار و یک رقم پفک نمکی و چیپس و نوشابه بازار را در انحصار خود دارد... ترا به خدا فعلا بگذار پرونده‍ی لهجه ها از مراکز پژوهشی بیرون نیایند... حتما روزی نوبت گویش ها هم خواهد رسید... این لفظ رنگین کمان خیلی لفظ پر مسولیتی است. مخصوصا که رنگین کمان گسیخته را دیگر نمی توان رنگین کمان نامید. فراموش نکنیم که برای کانادای هزارقبیله از این اصطلاح استفاده نمی شود. امروز، بخواهیم و نخواهیم، سخن از وحدت فرهنگی می رود"(9).

اوسته گؤروندوگو کیمی اؤزونو فارسلیق سیاستینه تقدیم ائتمیش ذات عالی ایران ممالیکی محروسه سینده تورک و عرب دیللریندن باشقا بیر دیللرین وار اولدوقلارینی دانماقلا یاناشی آذربایجان خالقی نین دا دیل و مدنیتینه کورک چئویرمیش مقامدا یئر آلاراق بئله لیکله پارسلیق قندی یئمکله مشغول اولماغا چالیشاراق حددن آرتیق قند یئمه نین ساغلام اولمادیغینی دا گؤزدن قاچیرمیش اولار. اوسته لیک، فئدرال موضوعسونون ایران ممالیکی محروسه سینده "شهروندلیک" ساحه سینه دوشمه سی بیله بو ذات عالینی ناراحات ائتمیش گؤرونر. بئله لیکله پرویز رجبی ذات عالی فیکیر باخیمیندان "حجر اسود" زامانینا سوروکلنمیش اولار (13)، اوخویوروق:

"سنگسارم کنید! برای من روزگار فدرالیسم سپری شده است! قومیت و ملیت هم دارد بیات می شود! من در آرزوی انسانیت هستم با افسانه های قومی و ملی!"(9).

بیلیندیگی کیمی ایسلام قانونلارینا اساساً "داش قالاغی (سنگسار)" ایفاده سی ائولی بیر قادینا تجاووز (زنای محصنه) ائدن تجاووزچولر اوچون حیاتا کئچه بیله جک بیر مقوله دیر. دونیا مدنی قانونلارینا اساساً بو مسئله حقوق محکمه لرینده گؤتور قوی ائدیلمه لی، مسئله نین هانکی آشامادا باش وئردیگی نی حاکیم باشا دوشدوکدن سونرا قانون اساسیندا اونا قارشین رفتار ائدیلمه لیدیر. گؤروندوگو کیمی یاشام بویو "پارس قندی" یئمکله مشغول اولان ذاتلار یوخویا وارمیش، یوخسا دوشونجه باخیمیندان کؤر موجودلارین داورانیشلارینی سرگیله میش اولارلار.  پرویز رجبی آذربایجان تورکو اولدوغونا باخمایاراق فارسلیق مقوله سی سؤز قونوسو اولدوقدا فارس تمامیتچی سی، شوونیستی و راسیستلری کیمی باشقا دیل و مدنیتلر صاحابلاری نین مدنی ایستکلرینی اسکیمیش، موددان دوشموش، قلمه آلاراق ایراندا فارسدان باشقا هئچ بیر ائتنوسون اولمادیغینی دا سرگیله مگه چالیشاجاق ایزله نیمینی یانسیتمیش اولار. آنجاق "انسانیت" و "قومی افسانه لر" سؤز قونوسو اولدوقدا فارسلیق مفکوره سینه اؤزنمه گی (مئیل گؤسترمه گی) آچیقجا سرگیله میش اولار (8.2). بو گؤروشه اساساً اینسان اولماق و مدنی اولماق فارس اولماق ساییلار. پرویز رجبی گئنه ده یازیر:

"امروز استاد جلیل دوستخواه تکلیف کردند برای نوشتن پاسخی برای دانشمندی که سخت در اندیشۀ فدرالیسم برای ایران هستند. من مصاحبه یا مقالۀ پر از تساهل این همکار را خواندم و باور آوردم که گویا تسامح در گزیدن سندها در حال رونقی روز افزون است... "(9).

اوسته گؤروندوگو کیمی فارس باستانگرایلاری و شوونیستلری بو ذات عالی نین قولتوغونا گیره رک "دلی یه یئل وئر، الینه بئل وئر!" حئکایه سینی سرگیله میش اولارلار. بئله لیکله پرویز رجبی جلیل دوستخواه ذات عالی نین تکلیفی اساسیندا کوره دن چیخاراق اؤزونو داش قالاغی ائتدیرمگه و اینسانلیغا کورک چئویرمگه چالیشمیش اولار. یئری گلمیشکن پرویز رجبی نین فارس شوونیستلیگینی و آنا دیلدن محروم اولمانی اوشاقلیقدا لمس ائتدیگینی سرگیلمک یارارلی اولاردی. بئله لیکله بوروغو دؤنر درنمز اؤزوندن چیخما (اؤز دیل و مدنیتینه اؤزگه یاشاما) مسئله سی نین یاخشی اولمادیغینی ایستر پرویز رجبی، ایسترسه ده باشقالاری اوچون وورقولاماق یارارلی اولار دئیه دوشونوروک:

" بگذارید با یک خاطره ی تلخ و خودی لبخدی کوچک بر لب های افسرده ی شما بنشانم: حدود ۵۷ سال پیش در کلاس سوم ابتدایی بودم و هنوز زبان فارسی را خوب نیاموخته بودم. معلمی داشتیم مُعمّم برای قرآن و شرعیّات. این معلم همان روز اول کار ِ خود در کلاس ِ ما فهمیده بود که من به جای سُبحان می گویم سُبحَن یا سوبحَن. هرروز تا وارد کلاس می شد، می گفت: رجبی، بگو سُبحانَ الله و من هم معصومانه ودر حالی که رنگم را باخته بودم و چهارستونم می لرزید،می گفتم: سُبحَنَ الله و هربار چهار ترکه ی محکم می خوردم و حسابی کباب می شدم... و معلم هم غُر می زد که نمی فهمد که این کُرّه... کِی آدم می شود... بیست و دو سه سال بعد، در روز امتحان دکترا در آلمان، پروفسور دیتریش که نامدارترین استاد زبان عربی در جهان بود، برای گرفتن ِ امتحان، متن عربی ِ بدون اِعرابی را داد به دستم و خواست که آن را بخوانم. از بد ِ حاثه در این متن واژه ی معروف سُبحان نیز وجود داشت و پیداست که من خواندم: سُبحان! ناگهان پروفسور غُرّید و گفت: برو شش ماه دیگر بیا! پرسیدم، چرا؟ گفت: هنوز می پرسی چرا؟ کسی که نداند که ما در عربی صدای آ نداریم و به سُبحَن بگوید سُبحان هنوز لیاقت ِ گرفتن دکترا را ندارد! من که فکر می کردم که تا گرفتن درجه ی شگفت انگیز دکتری چند دقیقه بیشتر فاصله ندارم، خنده ای تلخ کردم. با خشونت علت خنده ام را پرسید. گفتم: خنده ی تلخم برای این بود که در کودکی چوب این واژه را خورده ام و الان هم که در آخر ِ خط هستم باز چوب می خورم. بعد داستان را تعریف کردم... خندید و راضی شد فقط نمره ی قبولی بدهد!..."(12).

اوسته گؤروندوگو کیمی اؤیرنیم سیستیمی اولاراق آنا دیلینده سسلری تانیماقدان محروم اولان میللت اوشاقلاری دوقتورلوق درجه سی آلسالار دا ایکی دره بیر سره دئیه او محرومیتین آجیسینی یاشایارلار. بو دئدیکلریمیزی نظره آلاراق پرویز رجبی لر اؤز کئچمیشلرینده بو ظلم و محرومیتلری باشا دوشمه دیکلری دورومدا اونلاری میللت مقوله سی ایله چتین تانیش ائتمک اولار دئیه دوشونمه لی ییک.  گئنه ده اوخویوروق:

"من آگاهم که فدرالیسم زیباست. من بر این باورم که روزگار فدرالیسم سپری شده است. من آگاهم که آزادی های مدنی می تواند جانشین فدرالیسم باشد.

من آگاهم که خواستاران فدرالیسم یک روز پس از رسیدن به آرمان خود، از شدت یاس در اندیشۀ چاره ای دیگر خواهند بود. و من آگاهم که خواستاران فدرالیسم حرف های درست زیادی دارند... "(9).

گؤروندوگو کیمی پرویز رجبی بیر فارسچی کیمی بیر چوخ شئیلرین بیلدیگینی ایفاده ائدرکن بو مسئله لرین بوگونکو ایران ممالیکی محروسه سینده کی ایستر فارسلیق سیستیمی اوچون فایدالی اولمادیغینی، ایسترسه ده باشقا ائتنوسلارا یاخشی دئییل دئیه عوامفریبلیک سیاستی سرگیله میش اولار. گئنه ده اوخویوروق:

"... مسالۀ قومیت در ایران دست کم از مسالۀ قومیت در اروپا حادتر نیست. چرا در 14 سال زندگی در میان آلمانی ها هرگز شاهد بحثی بر سر قومیت نبوده ام؟ "(9)

اوسته کی مسئله نی بیر فارس راسیستی ایفاده ائدرسه، گرک ده هئچ کیم بو یاناشمادان چاشماسین. آنجاق فارس راسیستلیگینه یئم اولموش، آدینی ادبیاتچی و تاریچی قویان بیر آذربایجانلی نین میللی مسئله لر اوزره بئله یاناشماسی اینسانی داها دا آرتیق دوشوندورموش اولار . بئله لیکله چارلیق حئکایه سی بیر داها سرگیلنمیش اولار. چار حؤکومتلری باشقا خالقلارا منسوب اولانلاری اؤز خیدمتلرینه آلماق ایسترکن اونلارا وظیفه و پول وئره رک اونلاری شیرنیکدیرمگه چالیشارمیشلار. بئله لیکله فارس راسیستلری پرویز رجبی لره نئجه یاناشماقلا بو ذاتلاری اؤز طرفلرینه چکمیشلر مسئله سی هر بیر آذربایجان آیدینی نی آچیقلیغا قاویشمیش اولار. بو دوغرولتودا آرتیق دوشونولورسه، عزت و شرفله یاشاماغی هئچ نه یه دگیشمک اولماز مسئله سی اورتایا چیخمیش اولار. پرویز رجبی نین ایشاره ائتدیگی آلمان توپلومونا گلدیکده یئنی گلمکده اولان کؤچکونلری (مهاجرلری) نظره آلمازساق، بو مملکت تک ائتنیکلی و بیر دیل و مدنیته اساسلانمیش توپلومدان یارانمیش بیر مملکتدیر. دیل باخیمیندان آلمان مملکتی نی اولوشدوران ایالتلرده کی اینسانلارین آنا دیللری آلمانجادیر. اوسته لیک بو توپلوم ایداره ائتمک باخیمیندان پرویز رجبی و فارس شوونیستلری نین آرزو ائتمه دیکلری فئدرال سیستیم اوزرینده قورولموشدور. ایران ممالیکی محروسه سینه گلدیکده ایسه، 1925 ایلیندن باشلایاراق فارس دیلی فارس اولمایان اینسانلارا تحمیل اولاراق باشقا دیل و مدنیتلرین قاتیلی اولماق رولونو اوستلنمیش مقامدا یئر آلیر. اوندان یانا دا پرویز رجبی، فارس مفکوره لی اولاراق، آلمانیادا اولان نیظام و اینتیظامی موختلیف میللیتلرین زیندانی اولان ایران ممالیکی محروسه سینه اویقون گؤره بیلمز دئیه دوشونمه لی ییک. گئنه ده اوخویوروق:

"... من هنوز حضور نداشتم که حتی یک فرمانروای ترک و یک ایلخان مغول نخواست که در دربار او خط و زبان ترکی و یا مغولی معمول شود... من هنوز حضور نداشتم که دربار فاطمیان مصر هم بدون قند پارسی تلخکام می بود!

من چه کنم که هیچ کدام از دیگر قوم های باشندۀ ایران قندی برای طوطیان شکرشکن هند نداشته اند. آن هم در روزگاری که هند در اختیارشان بود. ایلخانان مغول در هند قند پارسی را سرمۀ چشمان خود کرده بودند. در دربار اکبر شاه بیش از هزار شاعر پارسی گوی قند خود را پیش فروش می کردند! ..

مگر سخن گفتن از قند پارسی که این همه به مذاق پیرامونیان ایران خوش آمده است، به این معنا است که می توان گران فروشی کرد؟ ... من به هرچه زیباست دلبسته ام، اما نمی فهمم که دلبستگی به شکر فارسی کام چه کسی را می تواند تلخ کند. .... هر حبه به اندازۀ یک فحش شیرین است و برای اینکه بتوانی آن را به آیین نیاکانات خیس کنی به زحمت می توانی وارد استکان کمرباریکش کنی! ... آیا در قلمروی که برای قوم خود قائل هستند، دست کم قند را به اندازۀ دهان معشوقان خود می شکنند و یا بقیۀ کار را می سپارند به معشوق، که لابد این قدر عزیز است که باید خودش اندازۀ لقمۀ دهانش را تعیین کند؟ اگر چنین است باید که دنیا از مدت ها پیش بهشت شده باشد. منتها ما بصیر نیستیم!... با فروتنی پرویز رجبی"(9).

گؤروندوگو کیمی پرویز رجبی لر توپلوملوق (اجتماعی) مسئله لری کئچمیشده کی شاهلار، خانلار کیمی اؤز شخصی چیخارلاری تملینده دگرلندیرمک آرزوسوندادیرلار. دئمک، بوگونکو توپلوملارداکی توپلوملوق و سیاسی مسئله لره بو ذاتلارین فارس باستانگرایلاری گؤزو ایله یاناشمالاری دوشونجه باخیمیندان بونلارین کئچمیش آتا بابالاریندان قوپاراق فارس نئهیلیستلیگینه اوغرامیش مقامدا یئر آلدیقلارینی اورتایا قویموش اولار. بو دا فیکیر باخیمیندان بو ذاتلارین "قند پارسی" یئدیکلری و قند مرضلیگینه توش گلدیکلری نین گؤسترگه سی کیمی قلمه آلینمالیدیر. بو دوشونجه گه اساساً بو ذاتلارا توپلومدان اوزاق- یامان یوووز ائتمک ده فارس دیلینده اولمالیدیر (باخ اوسته: هر حبه به اندازۀ یک فحش شیرین!!). بئله لیکله، فارسلیق باتلاغیندا ایلیشیب قالانلار دا جهنمه گئدن ذات عالیلر کیمی یولداشلارینی چوخ گؤرمک ایسته لر قونوسونو وورقولامیش اولارلار.

 

 

قایناقلار:

 

1           علی اکبر حق پژوه و رفقا، اوضاع میهنمان در برهه کنونی، نگرش ما و پیشنهادها (کار آنلاین، ارگان اینتئرنئتی فداییان خلق ایران): http://www.kar-online.com/siasat/siasat-aliakbar-haqpeZuh-201085.html

1.1        علی اکبر حق پژوه، مرورى كوتاه بر ناسيوناليسم كور(1) پان تركيسم و پان ایرانیسم (پان عربیسم): کار آنلاین:  http://www.kar-online.com/melli/melli-nationalism-alirezA-haqpeZuh-b2-200185.html

1.2        علی اکبر حق پژوه، مرورى كوتاه به ناسيوناليسم كور (٢) ناسيوناليسم كور بدون هويت تاريخى: کار آنلاین:  http://www.kar-online.com/melli/melli-nationalism-alirezA-haqpeZuh-b2-200185.html

1.3        علی اکبر حق پژوه، مرورى کوتاه بر ناسيوناليسم کور بدون هويت تاريخى (٣) ، انژکتاسيون فرهنگى ـ تاريخى، کار آنلاین:http://www.kar-online.com/melli/melli-natiokur3-a-haqpeZuh-070285.html

1.4        علی اکبر حق پژوه، (کار آنلاین بخش مسئله ملی): http://www.kar-online.com/melli/melli-filologi-a-haqpeZuh-081185.html

1.5        بهزاد کریمی، گفتاری پیرامون مسئله ملی: http://www.kar-online.com/melli/melli-masAel-b-karimi-101185.html

1               حشمت رئیسی از فعالان با سابقه حزب توده ایران:  نشریه تلاش (با سر پرستی علی کشتگر، فدایی خلق فارس) گفتگو با حشمت رئیسی: طرحی برای پیروزی: سرانجامی مشترك، پس از مبارزه‌ای همبسته و متحد!:  http://www.talash-online.com/neshrye/matn_25_0_82.html

2                    بابک امیر خسروی: (اول حزب توده فارس عضوو اولموش، روسیه ایمپراتورلوغو داغیلدیقدان سونرالار توده پارتیسیندن  آیریلاراق حزب دمکراتیک ایران  آدلی فارس تشکیلاتینی رهبرلیک ائدیر): درنگ‌هايي درباره‌ي اقوام ايراني و ساختار سياسي مطلوب : آذرآبادگان: http://azarabadgan.blogfa.com/post-70.aspx

4          دفتر سیاسی حزب کمونیست کارگری، علیه فدرالیسم و مخاطرات ناشی از تنشهای قومی در جامعه:

http://www.wpiran.org/farsi1/maqalat/2005/1112_federalism.html  

4.1.       محسن ابراهيمي، نفرت پراکني قومي محکوم است: http://www.wpiran.org/farsi1/maqalat/2006/05may/2905_mohsen.html

4.2.       حسين مرادبيگى، در عربده کشی ارتجاعی قومی شرکت نکنید!پیرامون رویدادهای اخیر شهر تبریز : http://www.iran-tribune.com/web/stone-aval/archives/005968.html

4.3        مهرنوش موسوی، عليه جنبش ارتجاع قومى در تبريز و مدافعين نان به نرخ روز خور آن!   http://www.iran-tribune.com/web/stone-aval/archives/006013.html

4.4.1            مهرنوش موسوی، ما به صف "قوم الله" فدراليست حمله ميکنيم! ۶ ژوئن ۲۰۰۶: http://www.iran-telegraf.com/2006/06/post_885.html

5             ملیحه محمدی، اتحادجمهوریخواهان از تولد تا همایش سوم و علی شاکری!: http://politic.iran-emrooz.net/index.php?/politic/more/12998/

                6              anguages of Iran: 

http://www.ethnologue.com/show_country.asp?name=Iran

7         ایشیق سؤنمز، فارس نئوفاشیستلری و داریوش همایون: http://www.achiq.org/yazi/sonmez%20fars.htm

8         پرویز رجبی، قند پارسی:  http://parvizrajabi.blogspot.com/2007/06/blog-post_1965.html

8.1     توجه رسانه ها به قند پارسی:  http://parvizrajabi.blogspot.com/2007/06/blog-post_03.html

8.2                اشاره ای در باره فردوسی و صادق هدایت:  http://parvizrajabi.blogspot.com/2007/04/blog-post_07.html

9   پرویز رجبی، سنگسارم کنید: http://parvizrajabi.blogspot.com/2007/06/blog-post_08.html

10     سومین همایش اتحاد جمهوریخواهان ایران جمعه 25 تا يکشنبه 27 ماه مه 2007در برلین.

11     ایشیق سؤنمز، آذربایجان میللی مسئله سی و آذربایجان آیدینی: http://www.achiq.org/olaylar7/xeber65.htm

12     پرویز رجبی، نامه ای به اهرابی و جلیل دوستخوه:  http://www.akhbar-rooz.com/article.jsp?essayId=4392

13     حجر الاسود (قارا داش)، مککده مسجید الحرامین یانیندا بیر شهاب داشیدیر. ایسلامدان اؤنجه ده اینسانلار بو داشی قوتلو سایارمیشلار. حضرت محمد بو داشی قوتلو ساییلدیغی اوچون اولدوغو یئرینه بوراخاراق او بیری بوت بیچیمینده دوزلدیلمیش داشلاری ائشیگه تؤکموش. بعضی شیعه و سنی دئییشلرینه (روایتلره) گؤره بو داش بئهیشتدن گتیریلمیش. بعضیلری ایسه بو داشی اللهین ساغ الی کیمی قبول ائدرلر. بعضیلری بو داشی اؤپه رک اللها بیعت ائتدیکلرینی یئنیله میش اولارلار.

 

ایشیق سؤنمز 10.06.2007

 

راسيستليک