فارس مدنیت راسیستلری نین "خطر زرد" حئکایه لری!

 

 

کئچمیش یازیلاردا ایشاره ائتدیگیمیز دک ایران ممالیکی محروسه سینده تورک دوشمنلیگی و راسیستلیک مقوله سی تورک خاقانلارینا یالتاقلیق ائدن ذات عالیلرین قالیقلاری نین دئییل، بو مسئله باشقلار طرفیندن بو ذاتلارا آشیلانمیش (تزریق ائدیلمیش) بیر مقوله دیر. ایران ممالیکی محروسه سی نین کئچمیش مین ایللیک تاریخ صحیفه لرینی واراقلادیقدا بو دئدیکلریمیزه داها یاخشی تانیق اولاریق. بو دئدیگیمیزی ایثبات ائتمک اوچون تورک غزنه لی سیلسیله لری نین سفره سی نین باشیندا مداحلیق چؤرگی یئمکله مشغول اولان فارس شاعیرلری او جمله دن عنصری، عسجدی، فرخی سیستانی و منوچهری و دربار یازیچیسی اولان ابو نصر مشکان آدلارینی سیرالاماق یئرلی اولاردی. بو آدلارینی چکدیکلریمیز بیر یانا دورسون فارس دیلی و ادبیاتی او زامانلار بوگونکو افغانیستان و تاجیکیستان ولایتلرینده نقاهت دؤنمینی یاشادیغینی بیر آز ایران ممالیکی محروسه سی نین تاریخی ایله تانیش اولانلار داها دا یاخشی بیلرلر. تورک سلجوق سیلسیله سی نین قوروجوسو اولان سلطان طغرول بغداد شهرینی اله کئچیرمک ایله ایران ممالیکی محروسه سینده عرب خلافتینه سون قویاراق تورک دیلینی قوشون، فارس دیلینی دیوان و عرب دیلینی دین دیلی دئیه اؤز حاکیمیتی نی برکیتمک اوچون اساس گؤتوردو. بو سیاست 1925 اینجی ایله دک ایران ممالیکی محروسه سینده داوام ائتمه سینه باخمایاراق گونئی آذربایجاندا باشلانمیش تجددودلوک حرکاتی ایران ممالیکی محروسه سینه خوش گونلر وعد ائتدیگینه باخمایاراق اینگیلیس ایستعمارینا سیغینمیش سید ضیا یزدی لر و روسیه ایستعمارینا  اویونجاق اولموش یئپریم لرین خیانتی گئنه ده بو ایستعمارچی سیاستلره اویونجاق اولموش سردار اسعد بختیاریلرین خاملیقلاری سونوجوندا فارسلیق مسئله سی ایران ممالیکی محروسه سینده گونو گوندن گوجلنمگه و دیکتاتورلوق قانونیته اوستون گلمه گه باشلادی. نتیجه ده آشاما آشاما فارسلیق سیاستی ایران ممالیکی محروسه سینده کی اوزدن ایراق آیدینلار ایچریسینده یایقینلاشماغا فارس دیلی و مدنیتی "ایرانیت" ایله ائشیت (برابر) ایشلنمگه باشلاندی. آلمان راسیستلریندن اتکیلنمیش محمود افشار یزدی عثمانلی ایمپراتورلوغونداکی ارمنئی مسئله سینی "ایرانیت" مسئله سینه اویونجاق ائتمگه چالیشاراق ائرمنی داشناقلارینی دا ایستر عثمانلی تورکلری، تورکلوک و آذربایجان تورکلری علیهینه قوللانماغا باشلادی. محمود افشار یزدی آلمان پروفسورو شرقشناس Joseph Marquart دیلیندن تورکلرین میللی منلیک، کیملیک، تاریخی اراضی و کئچمیشلرینی دانماق اوچون یالانلار یایماغا باشلادی. محمود افشار یزدی Joseph Marquart آدی نین دالیندا گیزلنمگه چالیشاراق آذربایجان تاریخی اراضی سی نی آدینی دانماغا چالیشاراق یازیر:

"هئچ بیر زامان بو ویلایته (آذربایجان جومهوریتینه) "آذربایجان" دئییلمه میش و تاریخی کئچمیشی ده یوخ. من بو سطیرلرین یازاری آلمانیانین بئرلین شهرینده اولارکن، مارکوآرت (Marquart)ین دئدیکلریندن بو قناعته گلدیم"(1). محمود افشارین بو یالانینا جاواب اولاق کریمخان زندین 1117 ه.ق. ایلینده یازمیش فرمانلاری نین بیریندن اوخویوروق:

"....همیشه پادریان فرنگیان و خلیفها در ممالک محروسه ایران خانه و جا و مکان داشته، هریک به رسم و آیین خویشتن مشغول و تجار و سوداگران آن طایفه به تجارت قیام وعشور متوجهات حسابی خود را مهمسازی عمال خیریت اعمال می نموده اند مشروط بر آنکه احدی از آنها مرتکب امری که خلاف ملت مقدس اثنی عشره علیهم صلوات الله الملک الاکبر باشد به حسب ظاهر نکرده، احدی را هم به ایشان رجوعی نباشد و هرگاه جماعت ارامنه به آنها ضرر و نقصانی رسانیده، متعرض احوال آنها شوند، بعد از ثبوت آن آنها را ترجمان نمایند و پادریان کرملیان و دنیکان و جزویت و کنوخی و آگوستن و غیره که در ولایت آذربایجان از شیروان و قره باغ و دارالسلطنه تبریز و گنجه و نخجوان و قلمرو علیشکر دارالسلطنه اصفهان و الکاء فارس از شیراز و بندرعباس و سایر ممالک محروسه می باشند و در هر جا که خواسته باشند توقف و سکنی کرده، هریک از ارامنه و عیسویان و اولاد ایشان که خواسته باشند نزد ایشان آمد و شد کرده، تعلیم بگیرند و درس بخوانند نیز ممانعت نکرده، چنانچه جماعت مذکوره اموات خود را در مقامی که به جهت مدفون آنها تعیین می نمایند به دستور و سنن دین خود برده دفن نمایند،..."(2).

بو اوسته ایشاره ائدیلن یالنیز تاریخی فاکتلاردان عیبارتدیر. محمود افشار یزدی ایسه بو عوامفریب چیخیشلاری ایله سید احمد کسروی، تقی ارانی، سید حسن تقی زاده ، کاظمزاده، و صادق رضازاده لری "ایرانیت" آدی آلتیندا "فارسلیق" مقوله سینه جذب ائتمگه چالیشدی. بئله لیکله، پان ایرانیستلرین تئوریسیئنلری محمود افشاری یزدی یئریتدیگی عوامفریبلیکلر اساسیندا آذربایجان میللتی علیهینه ایران و ارمنیستان بیرلیگینی مسئله سینی اورتایا قویدوقلارینا تانیق اولوروق. پان ایرانیستلرین "فرمان آریا" آدلی سیته لریندن بو مسئله دوغرولتوسوندا اوخویوروق:

" ..

خطر زرد  ( نگاهی گذرا به بايستگی تحکيم پيوندهای منطقه يي )

 همه ایرانی نژادان باید بدانیم  که کم و بیش

    مواجهیم با خطر زرد-  دکتر محمود افشار"(3).

 

اوسته پان ایرانیستلر بیر خطر کیمی قلمه آلدیقلاری مسئله بو ذات عالیلر یاخالاناجاق ساریلیق خسته لیگی دئییل، فارس مدنیت راسیستلری نین ارمنی داشناقلارینا آشیلاماغا چالیشدیقلاری و بیرلیکده تورکلوک علیهینه دوشونولموش ایستراتئژی مسئله سیدیر. محمود افشار یزدی فارس ایستعمارچیلیغی نین تملینی قویماغا چالیشارکن بو مسئله نی ییرمینجی عصیرین اوللرینده آوروپا ایستعمار دؤولتلری طرفیندن چین خالقی و بودیستلره وئردیکلری دئییمی بورج آلاراق ایران ممالیکی محروسه سینده کی تورکلره نیسبت وئرمگه چالیشمیش. پان ایرانیستلرین "فرمان آریا" آدلی سیته لریندن اوخویوروق:

" هزاره يي که گذشت هزاره ی جنگ ها و خونريزی ها بود . اين جنگ ها نتيجه يي جز کشتار و شکنجه برای انسانيت در برنداشت ...  بايد بی باکانه و بدون تعارف گـفت کـه هزاره ی گذشته هزاره ی استيلای ديو تعصب مذهبی بود . ديوی که توسط اعراب از شيشه بيرون آمد و در ايران و افريقا و جنوب و مرکز اروپا دست به خونريزی و دژآگاهی زد.."(3).

اوسته کی پاساژا دیققت یئتیردیکده ایسلامیت بیر دین اولاراق ایلک عرب خلیفه لیگی و سونرا تورک شاه و سلطانلاری طرفیندن یاییلماسی نظرده توتولور. دئمک، بوگون ایسلام پناه اولان فارس مدنیت راسیستلری یئری گلدیکده دوزو یالاییب دوز قابینی دا سیندیراجاق نیتلرینی گیزلتمک ده ایسترمزلر. پان ایرانیستلرین "فرمان آریا" سیته لریندن گئنه ده اوخویوروق:

"ولی در سده های آينده جهانيان با مشکل ديگری ربرو خواهند شد . و دريغا کـه ايـن دشمن بشريـت دوبـاره از خـاورميانه برخواهد خاست . اين خطر نيست مـگر " اختـاپـوس  زرد" . نزديـک هـزار سـال است کـه تيره هـای اورال ـ آلتایی(از شاخه ی تورکان) از غرب چين به آسيای ميانه و قفقاز و آناتولی آمده اند . و همراه خود چيزی جزکشتار و تجاوز و ناله ی مظلوم ارمغانی به همراه نداشتند . اين اختاپوس کوچک هم اکنون اندک اندک در خال فربه شدن است . و در آينده بازوان نيرومندتر اما اهريمنی تری خواهد داشت . اين طوفان همچون طوفان بنيادگرايي عرب ، نخست منطقه ی ما را فرا خواهد گـرفت و نخستين قـربانيان آن نيز مـردم منطقه بـه ويـژه مـردم فلات ، ( ايران ) خواهند بود . همة مردم منطقه کمابيش با اين اختاپوس روبرو خواهند گشت و قربانی خواهند داد . همانطور که ارمنيان و يونانيان آناتولی در نخستين بامداد بيدار شدن ديو زرد قربانی شدند . اقوام تورک(زرد نژاد) در صورت قدرت گرفتن حتی و می توانند از عرب و بنيادگرايي عرب نيز ويرانگرتر و مُخرّب تر شوند .... پس بَدا به حال تمدن جهان اگر اختاپوس زرد گيره از ساير دستانش نيز بگشايد"(3) .

اوسته گؤروندوگو کیمی فارس مدنیت راسیستلری تورک ائتنوسونو بیر بشریت دوشمنی کیمی تقدیم ائتمگه چالیشمیشلار. دئمک، تورک ائتنوسوندا میللی بیلینجین گلیشمه سینی، دونیا میللت و دؤلتلری سیرالاریندا اؤزلرینه لاییق یئرلرینی آلاجاقلارینی فارس ایستعمارچیلیلاری اؤزلری اوچون داغیدیجی بیر خطر دئیه قلمه آلماغا باشلامیشلار. سلوجوق اوغوللاری، تورک شاهلاری فارس دیلینی ایران ممالیکی محروسه سینه گتیره رک عرب خلیفه لیگینه سون قویمالاری فارس مدنیت راسیستلری اوچون بیر فاجیعه کیمی قلمه آلینمیش گؤروندوگونه باخمایاراق یونان ایمپئراتورلوغونون ایستعماریندان خلاص اولموش آنادولو توپلوملاری تورک ائتنوسو ایله ایچ ایچه یاشایاراق ایسلام دینی عرب و دیوان دیلی فارسچا اولدوغونا باخمایاراق تورک دیل و مدنیتی ده منیمسه مکلری فارس مدنیت راسیستلری نین بورونلارینا بیر دوزلو سو کیمی دولاراق گؤزلرینی کؤر ائتمیش مقامدا یئر آلمیش گؤرونر. اوسته لیک زامان گئدیشی ایله ایسلامیتی و تورکلوگو منیمسه مگه باشلایان تورکیه توپلومو تورک دیل و مدنیتی اساسیندا میللتلشمک سوره جینه گیره رک اؤز ائو ایشیگینی قوروماغی اؤزو اوچون بیر میللی شرف بیله رک عثمانلی ایمپئریاسی نین داغیلماسی ایله اؤز میللی دؤلتینی قورماغا باشاریلی اولماسی کئچمیش مین ایل تورک دربارلاریندا "بله قربان، چشم قربان" دئمیش ذات عالیلری نین بوگونکو تؤره مه لرینی یاسا اوغراتمیش مقامدا یئر آلار. مسئله بونلا دا سونا چاتمایاراق فارس مدنیت راسیستلرینه گونئی آذربایجان توپلومونون آلدانمیشلاری نین اویانیشلاری فارس مدنیت راسیستلرینی داها دا آغیر هزیمته اوغراداجاق گؤرونر. ائله بوندان یانا دا فارس مدنیت راسیستلری یالانچی پیامبرلری (5) آدیندان آغیزلارینا قویولموش "اهریمن" ایفاده سی نی سرگیله میش مقامدا یئر آلماغا چالیشارلار. پان ایرانیستلرین "فرمان آریا" آدلی سیته لریندن گئنه ده اوخویوروق:

"دشمن و خطر مشخص است . پس بايد چاره انديشيد . از آن جا که خطر در آغاز منطقه يي است ، راهکارهای دفع آن نيز بايد منطقه يي باشد . از ياد فراموش نکنيم که اين منطقه زمين و سرزمين ماست . قفقاز و فرارود و همواره بخشی از ايران زمين و فلات ايران بوده و است . جدايي سياسی اين سرزمين شوند آن نخواهد شد که ما از سرنوشت آن مناطق غافل شويم هر رخدادی در اين مناطق  پيوند مستقيم دارد با سرنوشت کشور ايران کنونی . پس برای گام نخست و بنيادين هماهنگی بيشتر با ساير دولت ها و تيره های ايرانی منطقه ضرور به نظر می رسد "(3).

اوسته گؤروندوگو کیمی فارس مدنیت راسیستلری نین مالیخولیایی مفکوره لری دوستلوق و قارداشلیق اساسیندا دئییل، بیر فرضی خاریجی دوشمن اوزرینده قورولموش بیر دوشونجه دیر. بو دوشونجه کئچمیش فارس ادبیاتیندا "دیو، دیو سیاه و اهریمن" آدلانمیشسا دا، بوگون تورک ائتنوسو بیر فرضی دوشمن کیمی فارس مدنیت راسیستلری طرفیندن اورتایا قویولموش گؤرونر. فارس مدنیت راسیستلری تورک ائتنوسونو بیر "خطر" دئیه یوخ ائتمک اوچون دیل و مدنیت آچیسیندان هئچ بیر اورتاقلیقلاری اولمایان یونان و ائرمنی دؤلتلرینی اؤزلرینه بو مسئله ده اولاجاق متفق کیمی نظرده آلمیشلار دئسک، یانیلمامیشیق. اوسته سرگیله دیکلری ائرمنی بایراغی دا ائله بو اساسدا گونئی آذربایجانلیلارا گؤز داغی وئرمک اوچون فارس مدنیت راسیستلری نین سیته سینده قاباردیلمیش گؤرونر. "فلات ایران" مقوله سینه گلدیکده بو ایفاده کئچمیش یوز ایلده اورتایا آتیلمیش بیر ایفاده دیر. بو ایفاده ائتنیک بیر دابان اوزرینده دئییل، سیاسی نیظاما اساسلانمیش بیر دئییم کیمی اورتایا آتیلمیش. یاخین گلجکده ایران دئدیکلری مملکت ایصفهان، شیراز، کیرمان و یزد و اونلارین چئوره سینده کی تورپاقلارا وئریله جک آد اولارسا، دئمک، بوگونکو ائتنیک گونئی آذربایجان، کوردوستان، خوزیستان، لوریستان، تورکمن صحرا و بلوچیستان تورپاقلاری داها "فلات ایران" ساییلمایاجاق گؤرونر. پان ایرانیستلرین "فرمان آریا" آدلی سیته لریندن اوخویوروق:

"نخست بايد مناطق خطرخيز و دولت های خطرناک را شناخت . در درجه اول دولت و ملت ترکيه و رژيم باکو هستند که بصورت آشکار و نهان پتانسيل خطر را دارا هستند ؛ اما رژيم باکو ناتوان تر از آن است که بتواند در عمل کاری از پيش ببرد . اين حکومت بدون حمايت های اسرائيل و ترکيه طعمه کشورهای منطقه است . هم اکنون نيز قادر به حراست از سرزمين های غصب کرده اش نيست و اگـر بهانه يي به دست ارمنستان بدهد کارش با کرام الکاتبين خواهد بود . از اين سو اگر فروپاشی شوروی و سالهای  90  مصادف با پايان جنگ ايران و عراق و بازسازی کشور جنگ زده ما نبود ، و اگر گرداندگان کشور در آن زمان به جای دلشعولی فرا منطقه يي به قفقاز نظر بيشتری داشتند ، دولت علی اُف ، دولتی نبود که بتواند در برابر نيروی ارتش جمهوری اسلامی ايران پايداری کند . اکنون نيز بطريق اولی رژيم باکو ( به تنهايي ) بسيار ناتوان تر از آن است که بتواند در برابر حاکميت ملت ايران و اراده جامعه بزرگ ايرانی ايستادگی کند . و اما ترکيه . ترکيه اکنون در منطقه خود با دو کشور قبرس نيمروزی و يونان درگير است . مردم قبرس و يونان حقوق پايمال شده ی خود را خواهان هستند ولی دولت ترکيه هنوز با افيون تزريقی ی آرمينوس وامبری سرخوش . ( البته بخشی از حاکميت آن که در کمينگی هستند )"(3).

اوسته گؤروندوگو کیمی فارس مدنیت راسیستلری ایستعمارچی دوشونجه و فیکیرلره اساسلاندیقلاری اوچون محمود افشار یزدی ده کئچمیشده ایشاره ائتدیگی کیمی فارس ایستعمارچیلیغیندان آزاد اولموش (6) آذربایجان جمهوریتی نی فارسلیق ایستعمارچیلیغی اوچون بیر خطر دئیه سرگیله مگه چالیشارلار. آنجاق ارمنیستان جمهوریتی باشلاریندا ائرمنی داشناقلاری اولاراق آذربایجان و تورکیه دؤلتلری ایله باریشماز مقامدا یئر آلدیقلاری اوچون فارس ایستعمارچی قووه لری بو مسئله دن سیاسی جهتدن فایدالانماغا چالیشارلار. اونلار آذربایجان جمهوریتی نین تاریخی اراضیلرینی آذربایجان جمهوریتی طرفیندن ایشغال اولموش بیر اراضی کیمی قلمه آلماغا چالیشدیقلارینا باخمایاراق ارمنی مسئله سینه گلدیکده هدف فارس ایستعمارچیلیق سیاستی نی توجیه ائتمک اولدوغو اوچون آذربایجانین ایشغال اولموش قاراباغ بؤلگه سینی ائرمنی داشناقلارینا اؤدول (پیشکش) ائده رک ارمنیستانی آذربایجان جمهورتینه سالدیرماقدان (تجاووز ائتمکدن) دا قاچینمازلار. بو دور آذربایجان تورکلرینه فارس ایستعمارچیلاری و مدنیت راسیستلری نین قارداشلیق مناسیبتلری!!!. اوسته گؤروندوگو کیمی مسئله بونلا دا سونا چاتمایاراق فارس ایستعمار حاکیمیتی طرفیندن آذربایجان جمهوریتی نین ایشغال ائدیلمه سی ده بعضی فارس ایستعمار قووه لری دیلیندن زامان زامان سسلنمک اوزره دیر(7). حقوق مسئله سی سؤز قونوسو اولاندا دا اوسته گؤروندوگو کیمی فارس مدنیت راسیستلری  تورکلری منطقه ده اؤزلرینه رقیب یوخسا دوشمن کیمی تانیتماغا چالیشارلار. سیدمحمد خاتمی یزدی نین "گفتگوی تمدنها" مسئله سی ده ائله فارس مدنیت راسیستلری دوشوندوکلری ساحه لری ایچرمیش مقامدا یئر آلار. محمد خاتمی یزدی قاراداغ و کلیبرلی تورکلری "آریایی اصل" قلمه آلار، اونلارین میللی و مدنی حاقلارینا موثبت جاواب وئرمکدن یایینارکن، اهالی سی نین اکثریتی شیعه و تورک اولان آذربایجان جمهوریتی ایله ساواش و دوشمنلیک ایچریسینده اولان ارمنی داشناقلاری ایله مدنیت دانیشیقلاری یئریتدیگینی ده گیزلتمه رک ارمنیستانا مادی و معنوی کؤمک ائتمزدن چکینمزدی. پان ایرانیستلرین "فرمان آریا" آدلی سیته لریندن گئنه ده اوخویوروق:

"به نظر می رسد تشکيل هر چه سريع تر يک کنفدارسيون سياسی ـ نظامی ميان ايران ، ارمنستان و تاجيکستان بهترين و اساسی ترين روش منطقه يي باشد . اين کنفدراسيون که تمام ويژگی های سياسی و حقوقی اين نهاد را خواهد داشت بايستی دارای قدرت تصميم گـری در امور منطقه يي باشد و تصميمات گرفته شد در پارلمان آن برای کشورهای هموند لازم الاتباع . در وهلة های پسين يونان و قبرس و حتی افغانستان و گرجستان نيز می توانند به اين کنفدراسيون به پيوندند. ارمنستان و تاجيکستان دو سرزمين ايرانی اند که به کمک ها و ياريهای هر چه بيشتر سرزمين مادر برای نيرومندتر شدن نياز دارند . ملت ما با مردم هایستان ( ارمنستان ) و تاجيک هيچگونه جدايي و تفاوت ندارد . در نتيجه کمک به اين دو دولت در حکم به مردم ايران درونی خواهد بود"(3).

اوسته فارس مدنیت راسیستلری و ایستعمارچیلاری نین ساییقلادیقلارینی نظره آلدیقدا آذربایجان فلکورونداکی "اصلی و کرم" داستانلاری جانلانمیش اولار. آذربایجانلی کرم ائرمنی قیزی اصلی ایله ائولنمک ایسته دیگینه باخمایاراق قارا ملیک قیزی کرمه وئرمک ایستمه دیگی اوچون آذربایجاندان اوزاقلاشاراق ایستانبولا کوچمه نی داها دا دینی (مسیحیت) اینانجینا اویقون حئساب ائتمیش. دئمک، عثمانلی ایمپئراتورلوغونون داغیلماسی عرفه سینده مسلمانلار ایله قارشی قارشییا ووروشان ارمنی و یونان اویروقلولاری بیر داها تاریخده ووروشدوقلاری خیالی خشایارشاه وحشیلیگینه افتخار ائدن  قالیقلار ایله بیر آرایا گلمک ایسته مزلر. بوگون سرمایانین دونیالاشماسی و دونیالاشمانین دالیندا غرب اؤلکه لری نین دایاندیقلارینی نظره آلاراق فارس مدنیت راسیستلری اوچون باشقا دیل و مدنیتلری بوگونکو ایران ممالیکی محروسه سی نین سرحدلری ائیشیگینده بوغماغا ایمکان وئرمز گؤرونر. بونلارا باخمایاراق فارس مدنیت راسیستلری و ایستعمارچیلری زامانی درک ائتمکدن عاجیز گؤروندوکلرینی سرگیله میش مقامدا یئر آلارلار. پان ایرانیستلرین "فرمان آریا" آدلی سیته لریندن گئنه ده اوخویوروق:

" ما در منطقه چاره يي نداريم جز يکپارچگی و وحدت بيشتر برای رودررويي با اختاپوس زرد . همه ی مردم منطقه و جهان در صورت اقدام نکردن ما ايرانيان دگر باره شاهد  11  سپتامبرها و فجايعی از اين دست خواهند بود. و اين باره نه از سوی بنيادگران که از سوی تورکان منطقه . حتی اگر چنين خطری هم وجود نداشته باشد ـ که دارد ـ تشکيل کنفدراسيون منطقه يي خالی از فايده نخواهد بود چه همه سرزمين های منطقه ما از آرارات و قفقاز گرفته تا هرات و آمودريا به وسيله فرهنگ ايرانی و نام ايران يا پرشيا/ پارس به همديگر پيوند داشته و دارند . وليکن اين پيوند سياسی چند صباحی است که توسط استعمار کهن و استعمار نو ( امپرياليسم ) از هم گسسته يي پيوند دوباره سياسی ما با تشکيل چنين کنفدراسيونی تأمين خواهد شد"(3) . 

اوسته فارس مدنیت راسیستلری و ایستعماریچیلری نین اورتایا آتدیقلاری مسئله قارینجا (قاریشقا) مسئله سی نی خاطیرلاتمیش اولار. قارینجا دا سویا دوشرکن چیغیرارمیش: - گلینیز، دونیانی سو آپاریر! بو گؤرکمه (صحنه یه) تانیق اولالار ایسه، قارینجا دونیانین اؤزوندن بؤیوک اولدوغونو باشا دوشمه دیگی اوچون اونا کؤمکلیک دئییل، اونو داها دا قیناماغا خالخارلارمیش. فارس مدنیت راسیستلری و ایستعمارچیلری حاکیم اولموش ایران ممالیکی محروسه سینده کی اینسانلارین دیل و مدنیتلرینه قاداغا قویاراق اونلاری تورکلر (او جمله دن گونئی آذربایجانلیلار) علیهلرینه قیاما چاغیرماغا و دونیا ایجتماعیتی نی حمیق سایماغا چالیشدیقلارینا باخمایاراق دونیا ایجتماعیتی فارس مدنیت راسیستلرینه "خیال ائتدیگین ائ...اؤزون سن!" دئمکله اونلاری خیال قیریقلیغینا اوغراتماغا چالیشارلار. ایران ممالیکی محروسه سینده کی کورد، بلوچ، لور میللی حرکتلری بو دئدیکلریمزین گؤرستگه سیدیر. بیز کئچمیشده "خطر زرد" مقوله سی نی دین آلانیندا آنالیز ائتمیشیک (4). بو یازیدا ایسه بو مسئله نی آوروپاداکی ایستعمارچی دؤولتلر طرفیندن بیر سیاسی دئییم کیمی اورتایا قویوللدوغونو و فارس مدنیت راسیستلری بو دئییمی باشقا مسئله لر کیمی منیمسه مگه چالیشدیقلارینی ایثبات ائتمگه چالیشاجاییق.

بیلیندیگی کیمی ایستعمارچی گوجلر ساواش حاققینی هر زامان اؤزلری اوچون ساوینما (دیفاع ائتمک) دئیه تانیدیقلارینا باخمایاراق سؤمورگه آلتیندا اولان توپلوملارا بو حاققی تانیمازلار. چین مملکتی 19 اونجو عصرین سونلاری و 20 اینجی عصیرین اوللری بؤیوک ایستعمارچی دؤولتلرین سؤمورگه سی آلتیندا اولدوغو اوچون 1899 ایلینده آوروپا دؤولتلری طرفیندن Den Hag محکمه سینده مدنی میللتلره تانینمیش ساواش حاققی چین دؤلتی اوچون رسمیته تانینمامیش. بئله لیکله چین اهالیسی نی جزالاندیرماق، تجاووزه اوغراتماق، قاچیرماق، وحشیجه اعدام ائتمک، بومبالاماق، تحریمه اوغراتماق و ساییره جاییز ساییلمیش.

19 اونجو عصریده چین شاهلیغی بوتون شهرلری، آدالاری اؤرنک اولاراق هونقکونق یوخسا تایوانی، دمیر یوللار و معدنلری ایستعمارچی گوجلره تقدیم ائتمک زوروندا قالمیش. بئله لیکله آوروپادان مسیحیت میسیونئرلری چین مملکتی نی ایسته دیکلری کیمی محیسیلشدیرمک ایسته میشلر. بئله لیکله غرب ایستعمارچی دؤلتلری مسیحی میسیونئرلری دستکله یه رک یئرلی اینسانلارین دینلرینی (اؤرنک اولاراق بودیستلیک و ساییره) تضییق ایله اوزلشدیرمیشلر. بو حاقسیزلیغا قارشین 1900 ایلینده چین مملکتی نین قوزئی دوغو ولایتینده بوقسچولار قییامی باشلامیش. بوقسچولار سنتی و بؤیو (سئحر و جادو) اینانجی ایله محللده کی ساواش اوخوللاریندا گلیشه رک بیر خالق حرکتی کیمی اورتایا چیخمیشلار. اونلار آوروپادان گؤندریلمیش محیسیت میسیونئرلرینی ایستعمارچی دؤلتلر طرفیندن چین مملکتی نین سؤمورولمه سینه یول آچان بیر عامیل کیمی دوشونر و چین شاهلیغینی ساوینارمیشلار (حیمایت ائدرمیشلر). غرب مملکتلری نین چین مملکتینی سؤمورمه لری خالق ایجتماعیتی نین یوخسوللوغونا، ایداره لرده روشوتچیلیگه و وئرگی سیستیمی نین آرادان گئتمه سینه و جمعیتین حدسیز آرتیشینا و چئوره نین (محیطین) کیرلنمه سینه یول آچارمیش. بو اوسته کی سایدیغیمیز یارامازلیقلار بوقسچولاری حرکته کئچمه گه زورلامیش. بئله لیکله بوقسچولار 1900 ایلینده چین مملکتی نین باش کندی پئکن شهرینی اله کئچیره رک ایستعمارچی دؤلتلری نین ائلچیلیک و سفیرلیکلرینی ایشغال ائتمیشلر. بو حرکته قارشین آلمان، اینگیلتره، اؤتریش-مجار، ژاپون، ایتالیا و آمریکابیرلشمیش شتاتلاری بوقسچولاری جزالاندیرماق اوچون سالدیری (حمله) دوزنله مگه باشلامیشلار. آلمان قئیسری فیریدریش ویلهئلم بوقسچولاری جزالاندیرماق اوچون چین لیلری "gelbe Gefahr" خطر زرد دئیه تانیتماغا چالیشاراق هون آدلی (Hunnenrede) چیخیشیندا 27 جولای آییندا آلمان قوشونونا اوز توتاراق آشاغیداکی ایفاده لری دیله گتیرمیش:

"بیلیرسینیز، سیز جسور، یاراقلانمیش، رحیمسیز دوشمنه قارشی ساواش آپارمالیسینیز! اونا یاخینلاشدیقدا، بیلینیز! امان وئریلمز! توتساق توتولماز (یالنیز اؤلدورولر)!! چینلی یه قارشی سیلاح قوللاندیقدا اونون مین ایلدن سونرا دا بیر آلمانا یان باخابیلمه یه جگینی نظره آلاراق سیلاحینیزی قوللانینیز!!".

فیریدریش ویلهئلمین چیخیشینا اساساً بیر گنج آلمان توپخانا افسری اؤز نیظامی بیرلیگی ایله چینه ساواش اوچون گئتمه گه حاضیر اولدوغونو بیلدیرمیش. آلمان افسری نیظامی بیرلیگی ایله چینه چاتمادان اؤنجه باشلانمیش بوقسچولار ساواشی سونا چاتدیغی اوچون بو ذاتا باغلانمیش اومودلارا دا یئر قالمامیش. او زامان یازیلان پوست کارتلاری و نیظامی یازیشمالاری نظردن کئچیردیکده آلمانلار بو دورومدان داها دا راحاتسیز اولموشلار. دئمک، ایشغالچی و ایستعمارچی گوجلر یئرلی خالق اوزره اؤز پوزیسیونلارینی قوروماق اوچون چین اهالیسینی یاریم وحشی ساری خطر (halbbarbarische Gelbe Gefahr) دئیه قلمه آلاراق اونلارین علیهلرینه هر هانکی بیر وسیله دن ایستیفاده ائدیلمه سینه قانونیت وئرمگه چالیشمیشلار.

اوسته کی گؤرکم (منظره) لره باخمایاراق  گنج آلمان توپخاناچی افسری چین ده قالدیغی موددتده "ساری خطر" دئیه بیر گؤرونتو ایله اوزلشمه دیگی نین یانی سیرا چین مملکتی اونون داها دا ایلگی و ماراغینی قازاناراق، عئین زاماندا اؤزونه اؤزل (خاص) یاساسی (قانونو) اولدوغونو و اقتیصاد باخیمدان ایستعمارچیلار طرفیندن سؤمورولدوگو اوچون گئری قالمیش بیر مملکت اولدوغونو سرگیله میش. آلمان گنجی نین چین مملکتینه گئدیشی و اورادا کئچیردیگی ایل بوگونکو اوخوجو اوچون قیسماً تأسف ائدیجی، قیسماً اؤیرنمه لی (عیبرت وئریجی) و قیسماً ده بیر خوشبختلیک ایلی کیمی قلمه آلینار دئیه دوشونمه لی ییک(8).

اوسته گؤروندوگو کیمی فارس مدنیت راسیستلری و پان ایرانیستلرین تئوریسیئنلری محمود افشار یزدی ده "خطر زرد" دئییمی نی او زامانکی آلمان مطبوعاتیندان آلمیش گؤرونر. بو اینسالیقدان اوزاق ایفاده او زامان ایستعمار یؤنلو مقصد داشییاراق یالنیز چین اهالیسی اوچون ایشلنیردیسه، فارس راسیستلری و ایستعمارچیلری داها دا راسیست و سؤمورگه چی اولدوقلاری اوچون بو عوامفریب و اینسانلیقدان اوزاق دئییمی ایران ممالیکی محروسه سینده کی تورک ائتنوسو علیهینه ده قوللانماغا چالیشارلار.

"هنر پیش ایرانیان چئرت پئرت!!!"

 

 

 

 

 

 

قایناقلار:

 

 

 

1        محمود افشار، مجله آینده، چاپ تهران، 1352، صحیفه 922.

2        فرمان کریمخان زند، درباره آزادی مسیحیان در ممالک محروسه، تحریرا فی شهر شوال المکرم سنه 1117، سند شماره 22. آلینمیش: فرزاد صمدلی: http://urmu.birolmali.com/?p=2025

3        پان ایرانیست، فرمان آریا، خطر زرد: http://farmane-ariya.blogfa.com/post-54.aspx

4        ایشیق سؤنمز، ساری خطر یوخسا بوداچیلیق: http://www.azadtribun.net/x53.htm

5        ایشیق سؤنمز، پان ایرانیستلرین دیل و مدنیت تحریف ائتمه مسئله لری!:

http://www.azadtribun.net/x140.htm

6        محمود افشار یزدی: بو ایچریکله آذربایجان جمهوریتی اوزره فیکیرلرینی ایفاده ائتمیش: "آران، گنجه و باکی اهالیسی اؤزلرینی یالاندان آذربایجانلی آدلاندیریرلار. آذربایجانلی و آرانلی آراسیندا اولان فرق بو: آذربایجانلیلار اصیل ایرانلی و آذربایجان ایرانین آیریلماز ترکیب حیصصه سیدیر. بونا قارشین قافقاز بیزیم حاکیمیتیمیز و ایستعماریمیز آلتیندا ایدی. بونا باخمایاراق آذربایجانلیلار (گونی آذربایجانلیلار) طرفیندن بیر یانلیش عمل اورتایا چیخار ویا بیر تهلوکه باش وئررسه، اونو امانسیز  بیچیمده تاپدالاییب، یوخ ائتمه لی ییک. (محمود افشار یزدی، محمود افشار، آینده، جیلد دوم، تهران، چاپ دوم 1351، صحیفه 562.).

7          محمد مهدی عبد خدایی (رهبر فداییان ایسلام فارس)، تلاش دولت برای الحاق باکو و نخجوان به ایران، 27 اردیبهشت 1386: http://www.aftabnews.ir/vdcdfj0ytf0f9.html

8          Gerhard Fehl & Renate Fehl, The Germans to the Front? Mit einer Batterie schwerer Haubitzen
im "Boxerkrieg". Ein Tagebuch der Deutschen Expedition nach China 1900-1901 von Julius Fehl.

 

ایشیق سؤنمز، 29.09.2007

 

راسيستليک