تمامیتچی قووه لرین شوونیستلیگی می، عوامفریبلیگی می یوخسا هر ایکیسی می؟

 

بیلیندیگی کیمی ایران ممالیکی محروسه سی ائتنیک و دئموکراتیکلشمه آچیسیندان دوغماغا دوغرو ایلری گئدیر. بو آرادا فارس باستانگرایلاری ساغ و سول تانیماز مقامدا یئر آلاراق فارس میللیتچیلیگینی "ایرانیت" مقوله سی ایله فارس اولمایان میللیتلر اوچون دگیشیک گؤسترمگه چالیشیرلار. بو ذات عالیلردن بیری ده علی کشتگر (علی محمد فرخنده جهرمی)، کئچمیشده فارس فداییلری نین اکثریت قولونا باغلی اولموش، اکثریت و توده پارتیسی نین ایسلام جومهوریسی حاکیمیتندن تحلیللری یانلیش سودان چیخدیقدان سونرا اکثریت تشکیلاتیندان بیر سیرا فیکیرداشلاری ایله "فداییان خلق (کشتگر)" آدی ایله آیریلاراق فعالیتلرینه داوام ائتمیشلر، و سونرا فداییلردن آیریلمیش "سازمان آزادی کار" آدلی قوروپ ایله بیرلشمه گه چالیشمیشلار. سونرا علی کشتگر فیکیر باخیمیندان ایفلاسا اوغرایاراق شاهچیلار و سلطنت طلبللر ردیفینده یئر آلمیشدیر. ایندیسه علی کشتگرین آتوم ائنرژیسی اوزره یازدیغی گوروشلری نین بعضی پاساژلارینی بیرلیکده گؤزدن کئچیریریک، اوخویوروق:

".... هوشمند ترین رهبران فاشیسم مذهبی، از مدتها پیش تشخیص داده اند که بجز دسته های منزوی وابسته به سپاه و بسیج کس دیگری را نمی توان با شعارهای افراطی مذهبی بسیج کرد و به دنبال خود کشاند، اما برای مسایل ملی میهنی چرا. آنها در مساله بحران هسته ای با زیرکی تمام پرچم حق ملت و منافع ملی را بالا برده اند و زیرکانه درصددند که فاشیسم مذهبی را بر غرور و ناسیونالیسم ایرانی پیوند دهند." (1)

اوسته گؤروندوگو کیمی علی کشتگر دین عباسی آلتینا سوخولموش فارس دیل و مدنیتینی اساس گؤتورموش تهرانداکی حاکیمیت داییره لرینی مذهبه باغلاماغا چالیشیر. خالق ایچره دئییلر: دلی نین مین بیر اویونو اولار، هامیسی بیر آرمود اوچون! دئمک، تهرانداکی حاکیمیت داییره لری پهلوی سلاله سیندن تحویل آلدیقلاری فارسچیلیق ایستعمار سیستیمی نی قوروماق اوچون آیاغی باشدان آییرد ائتمک ایسته مه میشلر. آنجاق بو مسئله نی فارس شوونیستلری و تمامیتچی قووه لر نه اوچون مذهبه خیلاصه ائدیر دئیه دوشوندوکده تهرانداکی ایسلام جومهوریسی دئیه قورولموش نیظام و اینتیظام فارس ایجتماعیتی اوچون بیر پلورالیستی دوزنه صاحیب اولمادیغی و فارس پوزیسیون تشکیلاتلارینا حاکیمیته اورتاق اولما شانسی تانینمادیغیندا آختاریلمالیدیر. بیلیندیگی کیمی بوگون اؤزلرینی بو حاکیمیته دوشمن کیمی قلمه آلان بیر چوخ فارس تشکیلاتلاری حزب توده، فداییان اکثریت، حزب میللی مذهبیلر، نهضت آزادی، جبهه میللی و ساییره بو نیظامین یئرینه اوتوروب تثبیت اولماسیندا اللری گلن کؤمگی ائتمه گه چالیشمیشلار. بونلارین داواسی ایسلام جومهوریسی پارتیسی ایله حاکیمیتی اله آلماق، حاکیمیت داییره لرینده بیر نوفوذی کیمی اؤزلرینه یئر آچماغا چالیشارکن اورتایا چیخمیشدیر. ایران ممالیکی محروسه سینده میللتلر مسئله سینه گلدیکده بو ذات عالیلر حزب جمهوری ایسلامی حزبی نی داها سوللاماغا چالیشمیشلار (کوردوستان، خالق مسلمان حرکاتی نین باسدیریلماسی و ساییره). دئمک، بونلارین ایران میللیتچیلیگی "ناسیونالیسم ایرانی" دئدیکلری ایفاده اورادا یاشایان میللتلرین حقوق برابرلیگی و قارداشلیقلارینا اساسلاناجاق دئییل، فارس دیل ومدنیتینه اساسلانمیش بیر وطنداشلیق (بیرینجی درجه لی و ایکینجی درجه لی وطنداشلیق) مقوله سینه اساسلانیر دئیه دوشونمه لی ییک. بوندان یانا دا "ناسیونالیسم ایرانی" دئیه توزاق  پاپاغی نی بیر داها کول اولموش باشلارا قویماق ازیلمیش میللتلر اوچون عزت و شوکت گتیره بیلمز دئیه دوشونمه لی ییک. گئنه ده اوخویوروق:

"... برخی از اذهان ساده عمدتا در میان قدیمی های جبهه ملی و نیروهای موسوم به ملی مذهبی- بدون آن که متوجه مقاصد واقعی افراطیون مذهبی باشند به جای تاکید بر تقدم آزادی بر سایر حقوق ملت و تصریح برماهیت ضد ملی و ناتوانی فاشیسم مذهبی در دفاع از منافع ملی ایران در مساله هسته ای حرفهای سران استبداد را تکرار می کنند. که همین مساله نشانه تاثیر تبلیغات رژیم و احتمال ایجاد اغتشاش در اذهان عمومی در مساله بحران هسته ای است. خلاصه آن که سران استبداد همه امکانات تبلیغاتی خود را به کار گرفته اند تا در مساله هسته ای عرق ملی و میهن پرستانه ایرانیان را با خود همراه کنند تا به زعم خود نهضتی به مراتب بزرگتر و دامنه دارتر از نهضت ملی نفت را در دفاع از برنامه هسته ای جمهوری اسلامی به راه اندازند. نهضتی که پایه های سست شده استبداد را هم در برابر جهانیان و هم در عرصه ملی با سرکوب هرچه بیشتر گرایش ها و حرکت های آزادیخواهانه دوباره تحکیم کند. در رویای برپائی چنین نهضتی است که علی لاریجانی دبیر شورای امنیت ملی جمهوری اسلامی می گوید : در مساله هسته ای میان همه ایرانیان در داخل و خارج همدلی پدید آمده است...(نقل به معنی)."(1).

اوسته گؤروندوگو کیمی بوتون دارتیشمالار ایران ممالیکی محروسه سینده کی میللیتلرین خوشبختلیکلری و گلجکلری اوچون دئییل، فارس ایمپئریاسینا نئجه فارس میللتچیلری نین حاکیمیت ائتمه لری سؤز قونوسودور. بئله لیکله "جبهه ملی و ملی مذهبی"لر فارس میللتچیلیگی نین چیخارلارینی ایندیکی حاکیمیتین آتوم انرژیسی پروقرامیندا باشا دوشدوکلری حالدا کئچمیشی سولچو اولان علی کشتگر  حق "تقدم" مسئله سی نی اورتایا قویور. دئمک، مسئله فارس ایستعمارچیلیغی علیهینه دئییل، بو ایستعمارچی سیستیمی قوروماق آچیسیندان فارس تشکیلاتلاری نین آرالاریندا فیکیر آیریلیغی وار دئیه دوشونمه لی ییک.  گئنه ده اوخویوروق:

".... آنها بر اساس این تحلیل که در شرایط کنونی آمریکا و اروپا امکان مداخله مستقیم نظامی در ایران ندارند به استقبال بحران هسته ای رفته اند، تا اهداف زیر را د نبال کنند: 1- به بهانه دفاع از منافع ملی برای فاشیسم اسلامی پایگاه اجتماعی قدرتمندی که ضامن تحکیم رژیم است ایجاد کنند و در سلسله مراتب قدرت نیز مخالفان خود را تسویه کنند." (1)

اوسته گؤروندوگو کیمی نه لر ایددعاسیندا اولان علی کشتگر فاشیسم بیر سیستیمین نه اولدوغونو دا آنلامیش دئییل. بیلیندیگی کیمی فاشیسم، ازیجی و  تحمیلی سیستیم اولاراق حاکیمیته گلدیگی آن اؤز موخالیقلرینی تسویه ائدر. دئمک، فارس قوروپلاشمالاری ایسلام جومهوریسی حاکمیته گلدیگی گوندن بو ایفاده نی بو نیظام و اینتیظامی تانیتماق اوچون ایشلتسه ایدیلر و اؤزلرینی دیل و مدنیت داورانیشلاری آچیسیندان پهلوی سیلسیله سی و ایندیکی نیظام و اینتیظامدان فرقلی گؤسترمه گه چالیشسایدیلار، بلکه ده بو مسئله نی فارس قوروپلاشمالاریندان قبول ائتمک اولاردی. آنجاق اوست قوروملار (ولایت فقیه، شورای مصلحت نیظام و ساییره) نیظارتینده اولان نیظام و اینتیظام ایچریسینده بویوروق شکیلینده دؤولت و کابینه دگیشیمی نی فاشیسم دئیه قلمه آلماق اؤزو ده یئرسیز اولار دئیه دوشونوروک. بونلارا باخمایاراق دیل و مدنیت تحمیل ائتمه باخیمیندان ایران ممالیکی محروسه سینده 1925 اینجی ایلدن باشلایاراق فارس شوونیستلیگی و فاشیستلیگی حؤکوم سورمکده دیر. ایکینجی بیر یازی محمود مهران ادیب آدلی مؤألیف طرفیندن یازیلمیش. محمود مهران ادیب ایسه فارس میللیتچیلیگینی ایران وطنداشلیقی آلتیندا گیزلتمه گه چالیشاراق "میللت" و "ناسیون" کلمه لری نین آنلام و ایچریک باخیمیندان 180 درجه فرقلی اولدوغونو ایددعا ائدیر، اوخویوروق:

".. واژه ملت در فرهنگ ما ايرانيان با واژه ناسيونال كه در فرهنگ غرب بكار مي رود صد و هشتاد درجه اختلاف معنا دارد " (2).

اوسته گؤروندوگو کیمی بورادا محمود مهران ادیب میللی دؤولتیNationalstaat  و دؤولت میللتی نی Staatsnation بیر بیرلریندن آییرد ائتمه قابیلیتینده اولمادیغی یوخسا آییرد ائتمک ایسته مه دیگی اوچون ایران ممالیکی محروسه سی کثیر الملله اولدوغونا باخمایاراق میللتلر مقوله سی میللت مقوله سیندن داها مرککبدیر دئمک یئرینه "ملت" و "ناسیون" کلمه لری نین بیر-بیرلریندن آنلام باخیمیندان فرقلی اولدوقلارینی ایددعا ائدیر (3). بیلیندیگی کیمی فرانسه دیلینده کی nation و آلمانجاNation لاتین دیلینده natio "دوغولماق و خالق" آنلامینا گلر. Nation کلمه سی نین یئرینه ایسلام عالمینده میللی دؤولت و مملکتلرین یارانما عرفه سینده  عرب دیلینده کی "ملّة"(جماعت) کلمه سی قبول ائدیلمیش اولدو. بئله لیکله میللت "جماعت" ایفاده سی لاتینجه natio "خالق" و آوروپا دیللرینده کی Nation کلمه سی یئرینه قبول ائدیلمیش اولدو. 1925 اینجی ایل رضا میرپنجین قاجارلار حاکیمیتینی غصب ائتمه سی، و بو ممالیکی محروسه نین آدینی بیر دیل، بیر میللت و بیر مملکت تئوریسینه اساسلاندیقلاری اوچون "ایران" تانیتماغا چالیشدیقلاری زامان عربجه ده کی "ملّة" کلمه سینی "فارسجایا "ملت" فورماسیندا قبول ائتمیش اولدولار. دئمک، میللت و ناسیون کلمه لری دونیا توپلوملاری نین میللتلشمه سورجینده هر ایکیسی اؤزلری اوچون یئنی آنلام و اؤنم قازانمیشلار و ناسیون کلمه سی آوروپاداکی میللی توپلوملاری بیر میللت اولاراق تقدیم ائدرکن ملّة/ ملّت / میللت کلمه سی شرق ایسلام توپلوملارینی بیر میللت اولاراق تقدیم ائتمک اوچون خیدمت ائتمیشدیر. گئنه ده محمود مهران ادیب ذات عالیدن اوخویوروق:

". ملت در فرهنگ ما ايرانيان به مردمي گفته مي شود كه چون اعضاي يك خانواده ، در محدوده اي از اين كره خاكي زندگي ميكنند و داراي سوابق تاريخي مشتركي هستند هر چند ازتيره هاي گوناگوني تشكيل يافته باشند ولي داراي يك فرهنگ كهن بوده و بكمك هم در درازناي تاريخ سرزمين خود را كه ميهن نام دارد از تجاوز بيگانگان در امان داشته اند ، خون ها داده اند تا سرزمين مادري و فرهنگ و تاريخ خود را از دستبرد بيگانگان ، حفظ و حراست نمايند هر چند با گذشت ايام تكه هايي از آن را از دست داده باشند كه خود مبحث ديگري است . ايرانيان چون اعضاي يك خانواده اند هر كدام نام هاي جدا گانه اي دارند و در خانه ، بنام خوانده مي شوند ولي در اجتماع بنام فاميل. ايرانيان در درون كشور بنام تيره خود شناخته مي شوند مانند : آذري ، كرد ، بلوچ ‏، فارس ، گيلك ، خوزي ، مازندراني و و و. ولي در بيرون كشور داراي هويت ايراني هستند و بنام ايراني شناخته مي شوند."(2)

اوسته گؤروندوگو کیمی تمامیتچی قووه لر ایجتماعیتی آلداتماق اوچون اؤز فیکیرلرینی تاریخ مقوله سینه اساسلاندیرماغا چالیشیرلار. بونلار تاریخ مقوله سینی گؤزه چکرکن ایران ممالیکی محروسه سینده کی میللیتلرین هر بیری نین اؤزلوگونده اوزاق کئچمیش تاریخلرینی گؤزدن یاییندیرمیش اولورلار. بیلیندیگی کیمی ایران ممالیکی محروسه سینده کی میللیتلر بللی شاهلیق سیلسیله لری زامانیندا بللی حاکیمیتلر آلتیندا اولمالارینا باخمایاراق تاریخین بلیرسیز و موختلیف زامانلاریندا بیر-بیرلریندن آیری و موستقیل ده یاشامیشلار. بو آیری و موستقیل یاشامالاری نظره آلاراق بو میللیتلر هر بیری اؤز دیل، مدنیت، گله نک و گؤره نکلرینی بوگونه دک قوروموش ساخلامیشلار. بو دئدیکلریمیزه اؤرنک قوزئی آذربایجانداکی، بؤلونموش آذربایجان خالقی نین ترکیب حیسسه سی نی گؤسترمک اولار. اونلار 1813-1826 ایللرینده گونئی آذربایجاندان روسلار الی ایله اوزاق دوشمه لرینه و روسیه ترکیبینده اؤزلری اوچون تاریخه مالیک اولمالارینا باخمایاراق دیل، مدنیت، گله نک و گؤره نک باخیمیندان آذربایجان میللتی نین حیسسه سیدیرلر. دئمک، میللتلر اوچون دیل، مدنیت، گله نک و گؤره نکلر ان اؤنملیدیر. بو مسئله شرق و غرب آلمانیا اؤلکه لری اوچون ده کئچرلی ایدی. آدولف هیتلر و نازیست رژیمی نین تؤرتدیگی حادیثه لر نتیجه سینده 1946 اینجی ایل متحد و متفق قووه لر واسیطه سی بیر-بیرلریندن آیریلیب ایکی یه بؤلونمکلرینه باخمایاراق ایکی یه بؤلونموش شرق و غرب آلمان میللتی 03.10.1990 تاریخینده یئنیدن بیرلشدی. دئمک، بو میللت عوضوولرینی بیر-بیرلرینه باغلایان اونلارین ایلک اولاراق سرحدلر آراسیندا اولان قوهوملوق (قان باغلیلیغی)، سونرا اورتاق دیل، مدنیت، گله نک و گؤره نکلر ایدی، نه بیرگه و آیری یاشادیقلاری تاریخی حادیثه لر.

اوسته گؤروندوگو کیمی مدنیتلر یئرینه محمود مهران ادیب ذات عالی باشقا تمامیتچی پان ایرانیست و شوونیست شخص و قوروپلار کیمی یالنیز بیر مدنیت دن (باخ اوسته: داراي يك فرهنگ كهن بوده.. اوخو: "فارس مدنیتیندن") سؤز و صؤحبت ائدیر. ایندی سورقو سوآل بو: - بو نئجه بیر عائیله ساییلا بیلر؟ باشقا میللتلرین کیملیک و منلیکلری دانیلمیش، و اونلارین دیل و مدنیتلری، تاریخلری، گله نک و گؤره نکلری فارس میللتی نین کی ایله عئینیلشدیریلمیش اولور! گؤروندوگو کیمی بو مسئله فارس تمامیتچیلری نین ایددعا ائتدیکلری او میللتلرین منلیک و کیملیکلرینه (هویتلرینه) دایاقلی دئییل، او میلتلره تمامیتچی گوجلر طرفیندن اویدورولموش باسما فارس دامغاسی نین وورولماسینا اساسلانیر دئیه دوشونمه لی ییک. دامغا اینسانلارا وورولماز دئیه بو مقوله نین اوزرینده دورولورسا، فارس تمامیتچیلری ایددعا ائتدیکلری ایران ممالیکی محروسه سی نین نئجه بیر خانواده یه بنزمه سی ده گؤز اؤنونده سرگیلنمیش اولار. دئمک، ایرانلی اولماق میللت آنلامینا دئییل، وطنداشلیق آنلامینا قبول ائدیلمه لیدیر. گئنه ده محمود مهران ادیب یازیر:

"اين تيره ها هيچگونه مزيتي بر همديگر نداشته و نخواهند داشت و از حقوق و مزاياي يكسان برخوردارند ولي اين حق را هم دارند كه هركدام در چهار چوب مرز ايران سليقه خاص وآداب و رسوم محلي خود را داشته باشند و در بزرگداشت آن بكوشند و دولت بر خواسته از  ملت نيز وظيفه دارد تا به پيشرفت آن كمك شايان نمايد . علت پايداري ملت ايران در اين هزاران سال همين مودت و دلبستگي خانوادگي يا بهتر بگويم حفظ مليت و فرهنگ ملي بوده است.. " (2).

دئمک، بو ذات عالیلرین نظرینجه فارس دیلینی لهجه سیز دانیشماق و فارسلاردان داها فارس اولماق ایراندا مزیت ساییلمیرمیش! مسئله بئله دیرسه، نه اوچون آذربایجانلیلاری فارس شوونیستلری اصیل ایرانی (اوخو: فارس) آدلاندیریرلار؟ نه اوچون تبریزین نفوس ساییمی تهراندان گؤندریلمیش محسنی لر طرفیندن "سر شماری" یئرینه "خر شماری" دئیه قلمه آلینیر؟ دئمک، ایران ممالیکی محروسه سینده کی میللیتلر حقوق برابرلیگینه صاحیبدیرلرسه، نه اوچون فارسچا رسمی دئیه فارس اولمایان میللتلره تحمیل اولونور؟ نه اوچون فارس اولمایان اینسانلارین میللی غرورلاری، کیملیک و منلیکلری فارس شوونیستلری نین حیقارت ائتمه لری ایله تئرور اولونورلار؟ ایصلاحاً فارس آیدینلاری نین آرزو ائتدیکلری حقوق برابرلیگی بو مو؟ اوسته گؤروندوگو کیمی بو ذات عالی ده باشقا تمامیتچیلر کیمی ایران ممالیکی محروسه سینده کی میللیتلر و مدنیتلر یئرینه "ایران میللتی و ایران فرهنگی"ندن (اوخو: فارس) سؤز صؤحبت ائدیر. دئمک، بو ذات عالیلر دئموکرات مئابلیق ایددعالاری ایچینه قاپیلمالارینا باخمایاراق عوامفریب ساییلمالیدیر. اوسته لیک ایران ممالیکی محروسه سینده کی میللتلره کئچمیشده کی کیمی فارس میللتچیلیگی آچیسیندان یاناشیلارسا، ایران دئیه بیر مملکت یالنیز شمشیر و توفک گوجو ایله ایداره اولونا بیلر. دئمک، ایران ممالیکی محروسه سی تک دیل و مدنیتلی (فارس دیل و مدنیتلی) دئییل، چوخ دیللی و مدنتیلیدیر. 1925 اینجی ایلدن تحمیل اولموش فارس دیل و مدنیتی تورکون، کوردون، عربین، بلوچون، لورون، تورکمن نین و باشقا ائتنیکلرین میللی دیل و مدنیتلری دئییل، اونلارا تحمیل اولموش ایستعمار وسیله سینه دؤنموش بیر وسیله دیر. بو ایستعمار وسیله سی ده آزاد بیر شراییطده فارس شوونیستلری و تمامیتچی گوجلرین باشینا چالینا بیلر. گئنه ده محمود مهران ادیب ذات عالیدن اوخویوروق:

" نگارنده به سبب شغلي كه داشتم از سال 1350 تا1362را در خوزستان گذراندم . با وجب به وجب خاك اين استان زرخيز آشنائي كامل دارم اكثر عشاير و طايفه هاي ساكن استان را بخوبي مي شناسم و با اكثرآنها رفت و آمد نموده ام . هفتاد درصد ساكنان استان خوزستان را لرها و بختياري ها و قشقائي ها و مابقي را عرب زبانان تشكيل مي دهند . عرب زبان با عرب فرق دارد . عربها ساكن عربستان هستند . مصر ، تونس ، مراكش ، الجزاير ، سودان ، سوريه ، لبنان و يمن و و .. عرب نيستند بلكه عرب زبانند " (2).

اوسته گؤروندوگو کیمی فارس شوونیستلری و تمامیتچی قووه لر میللیتچه عرب اولان خوزیستان اهالیسی نی اؤز تاریخی ولایتلرینده بیر آزلیق گؤسترمه گه چالیشیرلار. عربلر بیز بورادا آزلیق دئییل، خوزیستانین اصل صاحیبلری ییک دئدیکده، فارس شوونیستلری و تمامیتچیلری اونلارا تجزیه طلب دامغاسی وورماغا چالیشیرلار. دئمک، بو یئرلی اهالینی اؤز یئرلرینه اؤزگه گؤسترمه گه چالیشماق اونلاری آیریلماغا زورلاماق دئییل می؟ نه اوچون و هانکی منطیق اساسیندا فارس شوونیستلری خوزیستان اهالیسی نی آیریلماغا زورلایاراق اونلارا تجزیه طلب دامغاسی وورماق ایسته ییرلر؟ بو ذات عالیلر عربلری گویا عمی اوغلولاری آدولف هیتلر کیمی کوره لرده یاندیرماق ایستیرلرمی، یوخسا اونلاری سعودی عربیستانا قاچیرماق ایسترلرمی؟ اوسته گؤروندوگو کیم بو ذات عالیلر عربلرین عرب اولدوقلارینی قبول ائتمک ایسته میرلر. ایران ممالیکی محروسه سینده کی فارس اهالی یه سیز فارس دئییل سینیز، فارس دیللی سینیز، دئییلیرسه، فارسلار یالانچی بابالاری کوروش و داریوشون قبریندن یولا چیخاراق اؤزلرینی فارس گؤسترمه گه چالیشمازلار می؟ نه اوچون محمدرضا پهلوی پاسارگادا گئده رک "کوروش آسوده به خواب من بیدارم" دئیه اؤزونو فارس گؤسترمه گه چالیشیردی؟ اؤزلرینه پهلوی نیسبتی وئرمیش پهلویلرین کی فارس اولمادیقلاری هامییا بللی ایدی! بونلار اؤزلرینی فارس تانیتماغا چالیشدیقلاری و فارس سادیستلیگینه قاپیلدیقلاری اوچون کیمسه بو ذات عالیلره سیز فارس دئییلسینیز، "فارس زبان" سینیز دا دئمک ایسته میردی. دئمک، پهلویلرین کئچمیشی نین هانکی توپلوملارا عایید اولماسی دئییل، بو ذات عالیلر فارس دیل و مدنیتینی اؤزلری اوچون منیمسه دیکلری اوچون و اؤز کئچمیشلرینه کورک چئویردیکلری اوچون فارس ساییلیردیلار. بوگون عرب مملکتلرینده یاشایان عرب دیللی اینسانلارین دا دیل و مدنیتلری عربچه اولدوقلاری اوچون اونلار عرب ساییلیرلار و عرب اولمالارینا دا افتخار ائدیرلر. بوگون لبنانلی، میصیرلی، سوریه لی، یمنلی و ساییره نین عرب اولدوقلارینی دانماق فارس ایجتماعیتی نی زنگینلشدیره بیلمز. دئمک، مسئله بو مملکتلرده کی عربلرین کیم اولدوقلارینی دانماق دئییل، خوزیستان اهالیسی نین عرب اولدوقلارینی دانماق و اورادا میللی مسئله نین اولمادیغینی ایددعا ائتمک دیرسه، خوزیستاندا یاشایان عربلر تجزیه طلب دئییل، اونلاری اؤز منلیک و کیملیکلرینی یاشاتماق اوچون آیریلماغا زورلایان فارش شوونیستلری و تمامیتچی قووه لر تجزیه طلب ساییلمالیدیرلار. گئنه ده محمود مهران ادیب ذات عالیدن اوخویوروق:

Ibn Chaldun"نگارنده در سال 1356 سفري به مصر نمودم در آنجا با دكتر محمد اسماعيل كه استاد دانشگاه عين الشمس قاهره بود و علاقه زيادي هم به فرهنگ و ادبيات ايران داشت آشنا شدم . شبي كه مهمان ايشان بودم ، پرسيدم : آقاي دكتر... شما با داشتن چنين سابقه تاريخي و تمدن شگرف ، چگونه خود را عرب مي خوانيد يعني قومي عقب مانده و بي تمدن ؟ ايشان لبخندي زده و گفتند : شما هم اگر فردوسي و رودكي و اسدي طوسي و و و .. نداشتيد اكنون مانند ما خود را عرب مي خوانديد. اين گفته دكتر ابراهيم مرا واقعاً تكان داد . و به اين ابرمردان تاريخ كشورمان درود فرستادم كه نگذاشتند اصل خود را فراموش كنيم و بيگانه شويم .."(2).

اوسته گؤروندوگو کیمی مؤألیف آچیقجا عربلری مدنیتسیز آدلاندیریر. بیلیندیگی کیمی  ابن خلدون کیمی شخصیتلر عرب دونیاسیندا سوسیال بیلیملر ایله مشغول اولارکن، فارس شاعیرلری ایران ممالیکی محروسه سینده تورک شاهلارینا و موغول خانلارینا مداحلیق ایله مشغول ایدیلر. ابن خلدون 27.05.1332 ایلینده تونیسده دونیایا گؤز آچدی و چوخلو باریش میسونلاری حیاتا کئچیردیکدن سونرا اؤزونو  عئلمی آراشدیرما ایشلرینه تقدیم ائتدی. ابن خلدون موختلیف ائتنوگرافی ماتئریاللاری بیلیم دونیاسینا تقدیم ائتمه گه و تاریخ کیتابی یازماغا چالیشدی و دمشقده امیر تئمور ایله سیاست آرئناسیندا گؤروشلر کئچیردی. ابن خلدون 17.03.1406 تاریخینده میصیرده دونیاسینی دگیشدی. دئمک، یالانچی دئدی قودو ایله اؤزونون کیم اولدوغونو و اوستون گؤسترمگه چالیشدیغینی ایثبات ائتمک یئرینه واقعیتلری اولدوغو کیمی قبول ائتمک داها فایدالی اولار دئیه دوشونمه لی ییک. گئنه ده محمود مهران ادیب ذات عالیدن اوخویوروق:

"باري پس از جنگ دوم جهاني كه ناسيوناليسم عربي پا گرفت ، بيگانگان جهت تجزيه ايران علاوه بر آذربايجان و كردستان ، خوزستان را هم هدف قرار دادند و اين استان زرخيز كشورمان را عربستان بمركزيت الاحواز يعني سرزميني عربي خواندند .!!!" (2).

اوسته گؤروندوگو کیمی فارس شوونیستلری و تمامیتچی قووه لر ایران ممالیکی محروسه سینده کی فارس اولمایان میللتلرین منلیک و کیملیکلرینه عایید اولاجاق  مسئله لری خاریجی عامیللره نیسبت وئرمک ایسته ییرلر. ایندیسه گؤرک یوسف عزیزی نبی طرف "عربستان" اوزره نه یازیر:

"عربستان نیز واژه ای فارسی است و اصولا فارس ها به مدت پانصد سال  آن را بر استان خوزستان کنونی اطلاق می کردند. لذا این نام بر خلاف ادعای برخی افراد - نه ساخته وپرداخته ذهن جمال عبدالناصر است ونه حافظ اسد و صدام حسین، بلکه به دلایلی که خواهم گفت از دوران کهن بر منطقه ای در جنوب غرب ایران اطلاق شده است که عرب ها در آن زندگی می کنند....  سید احمد کسروی در فصل " والیان عربستان" از کتاب تاریخ پانصد ساله خوزستان می نویسد:" گویا در زمان شاه اسماعیل یا در دوره پسر او شاه طهماسب بوده که بخش غربی خوزستان را که به دست مشعشعیان بود عربستان نامیدند تا از بخش شرقی که شامل شوشتر و رامهرمز و به دست گماشتگان صفوی می بود بازشناخته شود". کسروی سپس در پانوشت همین فصل ودر توضیح بیشتر مطلب می گوید:" ما نخست این نام [عربستان] را در کتاب قاضی نورالله می یابیم که تالیف آن را در زمان شاه طهماسب آغاز کرده و پس از مرگ او به انجام رسانیده. ولی چنان که در متن گفته ایم آن زمان این نام را جز بر بخش غربی خوزستان نمی گفته اند وتا آن جا که ما سراغ داریم تا آخر پادشاهی صفویان بلکه تا زمان تادرشاه همگی خوزستان را"عربستان" نمی خوانده اند وپس از زمان نادربود که کلمه خوزستان فراموش گردیده وسراسر آن سرزمین به نام عربستان خوانده شد واین نام معروف بود تا درسال 1302 شمسی دولت آن را برانداخته نام خوزستان را دوباره مشهور گردانید (4)..  درحقیقت تنها استانی که پس از سرنگونی خاندان قاجار توسط  رضاشاه تغییرنام یافت، عربستان بود که به منظور پاکسازی فرهنگی وقومی عرب های ایرانی انجام شد. ما اکنون درکشورمان، استان چهارمحال بختیاری را داریم که نشانگر وجود بختیاری هاست، استان لرستان را داریم که بیانگر وجود لرهاست، آذربایجان نشانگر وجود ترک های آذری است، استان کردستان نشانگر وجود کردهاست، بلوچستان نشاندهنده وجود بلوچ ها وترکمن صحرا حاکی از وجود هموطنان ترکمن ما در شمال شرق ایران است.  فراگرد نژادگرایانه وعرب ستیزانه پس از آن نیز ادامه یافت و تغییر نامهای تاریخی و عربی (ایرانی) مکان های جغرافیایی نظیر شهرها، بخش ها، روستاها، محله ها و خیابان ها را در برگرفت.  بار دیگر تأکید می کنم واژه عربستان هیچ ربطی به بعثی ها، ناسیونالیست ها، نظریه پردازان و رهبران کنونی و پیشین کشورهای عربی یا هیچ بیگانه دیگری ندارد وتنها و تنها ریشه در تاریخ این سرزمین دارد ونامی بومی، تاریخی و عربی - ایرانی است .(4.1)

 

قایناقلار:

 

1        علی کشتگر: در بحران هسته ای فاشیسم مذهبی می کوشد بر غرور ملی و ناسیونالیسم ایرانی سوار شود. نگذاریم! : http://khabarnameh.gooya.com/politics/archives/043679.php

2        محمود مهران ادیب، ايران ايران است نه ايرانستان:  http://news.gooya.com/politics/archives/2005/04/027769print.php

3        ایشیق سؤنمز: پان ایرانیستلرین میللی کیملیک دئیه ایران مقوله لری!: http://www.azadtribun.com/x202.htm

4        یوسف عزیزی بنی طرف: عربستان وخوزستان: http://www.arabistan.org/azizi/arabistan_khozestan.htm

آلینمیش سید احمد کسروی تبریزی، تاریخ پانصد ساله خوزستان، تهران انتشارات خواجو، 1362.

یوسف عزیزی بنی طرف: عربستان وخوزستان:

http://www.arabistan.org/azizi/arabistan_khozestan.htm

 

ایشیق سؤنمز 14.02.2006

 

 

 

فارسچي گؤروش