راه کارگر و آذربایجان فئدرال دئموکرات تشکیلا تینا قوشولان راه کارگرچیلر!

بیلیندیگی کیمی دونیا گؤروشلو تشکیلات پرینسیبیندن حرکت ائدیلیرسه، نه بیر تشکیلات عضوو اؤز  تشکیلاتیندان آیریلمادان  تشکیلات پریسیبلرینی چئینه یرک باشقا بیر تشکیلاتا عوضو، نه ده آیری دونیا گؤروشونه اویقون بیر  تشکیلات یارادا  بیلر. باشقا بیر یاندان بیر تشکیلاتی ترک ائدیب آیری تشکیلات یاراتماق  ایسته ین سؤزو گئدن تشکیلاتدا اؤز ایستکلرینه جاواب وئریلمه دیگی حالدا بئله بیر قناعته گلمیش اولار. بونلارین یانی سیرا دونیا دئموکراتیک اؤلکه لرینده اؤرنک اولاراق آلمانیادا (باییر ولایتینده »سوسیال خیریست بیرلیگی« و آلمانیانین باشقا ویلایتلرینده »خیریست دئموکراتلار بیرلیگی« قارداش پارتی اولاراق سیاسی مصلحت اوزوندن نه »خیریست دئموکراتلار بیرلیگی« باییر ایالتینده، نه ده » سوسیال خیریست بیرلیک« تشکیلاتی آلمانیانین باشقا ویلایتلرینده اؤزلری اوچون علاوه دفتر دستک یاراتمامیشلار. »سوسیال خیریست بیرلیگی« آلمانیانین باشقا ویلایتلرینده اؤز شعبه لرینی 2000 لرده آچماغا دوشونوردو. بو ایشه »خیریست دئموکراتلار بیرلیگی« هر ایکی طرفی نظره اولاراق راضی اولمادی) فیکیر باخیمیندان بیر بیرلرینه یاخین تشکیلاتلار او بیری تشکیلاتین نفعینه حتی اؤز تشکیلات واحیدلرینی قارداش تشکیلات عوضولرینه قوشولماغی مصلحت گؤرر. آشاغیدا گؤره جه گیمیز کیمی نه » و آذربایجان فئدرال دئموکرات « تشکیلاتینین ایستکلری »راه کارگر ایران (اوخو فارس)« تشکیلاتینین نظرلری ایله اوست اوسته دوشور، نه ده » آذربایجان فئدرال دئموکرات« تشکیلاتینین یارانماسی راه کارگرین ایستکلرینه جاواب وئریر.

دونیادا اولان بو عوموم پرینسیبلری و آشاغیدا راه کارگرین بیلدیریسینده اوخویاجاغیمیز پرینسیبلری بیرلیکده نظره آلاراق » آذربایجان فئدرال دئموکرات« تشکیلاتینا عوضو اولان راه کارگرچیلرین بو تشکیلاتی قورماق اوچون یایدیقلاری خبرین بیر بندینی گؤزدن کئچیرک دئیه سرگیله ییریک:

"ميلتلرين اؤزلرينين اؤز موقدراتينی تعيين ائتمک» حاقينا اينانيب لاکين باشقا سياسی تشکيلاتلاردا عوضو اولان شخصلرين «آذربايجان فدرال- دموکرات حرکاتی»- نا عوضو اولمالاری مانع سيز دير.بوباره ده نهايی تصميمی قورولتای توتاجاقدير"(1)

ایستر راه کارگرین اؤز بیلدیریسینده(باخ. آشاغیدا)، ایسترسه ده آذربایجان فئدرال دئموکرات تشکیلاتینا قوشولان راه کارگرچیلیرین بیلدیریسیندن و پالتاک دانیشیقلاریندان الده اولان معلوماتدان گلدیگیمیز قناعته گؤره بو حضراتلار راه کارگر تشکیلاتیندا اؤز عضویتلرینی قورویاراق فدرال دئموکرات آذربایجان تشکیلاتینی باشقالاری ایله بیرلیکده قورماق ایسته میشلر.

دئمک، بو عملین آرخاسیندا گیزلی بیر نیت یوخدورسا و راه کارگر سونرا بو عملدن خبر الده ائدیبسه، بو حضراتلاری تشکیلات پرینسیبلرینی چئینه دیکلری اوچون اؤز  تشکیلاتیندان اوزاقلاتمالیدیر. راه کارگرین 6 دئسامبر 2004 تاریخینده وئردیگی بیلدیریسنی نظره آلارساق،  بو عملدن راه کارگرین خبری وار، اوخویوروق:

"اعلام موجودیت «جنبش فدرال –دمکرات آذربایجان » که در راه اندازی آن چند نفر از اعضا" و دوستان « راه کارگر» نیز شرکت دارند، برای کسانی این گمان را به وجود آورده است که گویا سازمان ما در ابتکار این حرکت نقشی دارد که با صراحت لازم آن را نشان نمی دهد. برای پایان دادن به این نوع گمان ها و گمان پردازی ها لازم می دانیم چند نکته را یادآوری کنیم."(2)

راه کارگرین وئردیگی بو بیلدیری اؤز تشکیلات پرینسیبلرینه اساسلانیرسا، و دئدیگی ائدیگی عمل ایله اوست اوسته دوشورسه، گؤرک هانسی پرینسیبلر چئیننمیش، اوخویوروق:

" ٢- «راه  کارگر» یک سازمان کمونیستی است که پیکار طبقاتی معطوف به سوسیالیسم را بنیاد وجودی خود می داند و برای اتحاد طبقاتی کارگران و زحمتکشان  هم سرنوشت با آنها تلاش می کند. و بنابراین از شرکت در هر نوع  بلوک ملی، یعنی ائتلاف سیاسی عمومی و جبهه سازی با طرفداران سرمایه داری و تبلیغ آشتی طبقاتی – حتی موقت- میان بهره کشان و کارگران و  زحمتکشان ، اجتناب می کند. با این نگرش، ما نه تنها همه آذری ها یا ملیت های   دیگر  را به اتحاد با هم دعوت نمی کنیم، بلکه کمک به اتحاد طبقاتی کارگران و زحمتکشان همه ملت ها را وظیفه حیاتی خود می دانیم. ما هرگز  نمی توانیم این حقیقت بدیهی  را نادیده بگیریم که کارگران و زحمتکشان هر ملیتی قاعدتا" وغاالبا" در ارتباط مستقیم با بهره کشان "خودی" مورد بهره کشی قرار  می گیرند"(2)

ایندی بورادا اوزون اوزون سورقو سوال اورتویا چیخیر. راه کارگر و راه کارگرین پرینسیبلرینی چئینه ین عوضولر ایستر اؤز تشکیلاتلاری باخیمیندان ایسترسه ده ایجتماعیتده اولوشان فیکیرلر باخیمیندان جاواب وئرمه لیدیرلر.

1-     راه کارگر کومونیستی بیر تشکیلات اولدوغو حالدا، بیلیندیگی کیمی آذربایجان فئدرال دئموکرات تشکیلاتی بیر کمونیستی تشکیلات دگیل و فقط ایشچی صینیفینی نماینده لیک ائتمیر. بو تشکیلات ایرانداکی آذربایجان تورکلرینی تهرانداکی مرکز حاکیمت قارشیسیندا بیر بلوک اولاراق نمایندلیک ائتمک ایسته ییر.

2-      راه کارگرین سیجیللیسی و یایین باسین اورقان دیلی فارسجا اولدوغو حالدا،  آذربایجان فئدرال دئموکرات تشکیلاتی میللی حاقلاری آلماغا دوغرو آذربایجان دیلینی ایران تورکلرینی بیر آرایا گتیرمک اوچون اساس گؤتورور.

3-      اوسته کی مقاملاری نظره آلاراق راه کارگر عوضولری اؤز تشکیلاتلارینداکی وظیفه لری رهبریته تحویل وئرمه دن بو تشکیلاتین ایستکلرینی دوغروتمایاجاق باشقا بیر تشکیلاتین قورولماغینا هانکی تشکیلات پرینسیبلرینی نظره آلاراق کؤمک ائتمک ایسته میشلر؟

4-      راه کارگر بونلارین ایستگینه جاواب وئرمیرسه، بو مسئله نی راه کارگر رهبریتی ایله نه اوچون بؤلوشمک و بو تشکیلاتدان آیریلماق ایستمیرلر؟ هانکی رغبت ایله بو اینانمادیقلاری تشکیلاتا خیدمت ائتمک نیتینده دیرلر(بیلیندیگی کیمی راه کارگر آذربایجان فئدرال دئموکرات تشکیلاتینین قورولماسیندا هئچ رولو اولمادیغینی بیلدیریر. هر بیر سیاسی  تشکیلاتدا چالیشان عضوون سیاست زمینه سینده اوینادیغی رولو او تشکیلاتین رولو دئمک دگیل می؟ باخ. »١- «راه کارگر»  در  تشکیل "جنبش فدرال- دمکرات آذربایجان" هیچ نقشی نداشته و رابطه سازمانی ویژه ای با آن ندارد«(2)

5-      بئله دیرسه، بو حضراتلار نه اوچون ایسته نیلمز قوناق دکی اؤزلرینی بیر یاماق کیمی راه کارگر تشکیلاتینا باغلاماغا چالیشیرلار؟

6-       راه کارگر تشکیلاتینین رهبریتی بو حضراتلارین تشکیلات پرینسیبلرین پوزماسینی نظره آلاراق بو حضراتلاری اؤز تشکیلاتیندان هانکی مصلحتلره گؤره اوزاقلاتماق ایسته مه میشدیر؟

بو سایدیقلاریمیزا و یوزلرجه بونلارا علاوه سورقو سواللارا ایستر راه کارگر تشکیلاتیندان آذربایجان فئدرال دئموکرات تشکیلاتینا عوضو اولاراق  شخصلر اولسون، ایسترسه ده راه کارگر تشکیلاتی نین رهبریتی  اولسون ایجتماعیته جاواب وئرمه لیدیرلر.

قایناقلار:

1) ايران آذربايجانليلاری- تورکلری‌نين سياسی تشکيلاتينی ياراتماق اوچون «تشبوثکارلار توپلومونون»

ایجلاسی نین گوزاریشی

http://www.drabdi.com/AFDM2004_1106/AFDM2004_1106Yunes.rm

http://www.drabdi.com/AFDM2004_1106/AFDM2004_1106Azadgar.rm

2) اعلامیه کمیته مرکزی سازمان کارگران انقلابی ایران (راه کارگر) : در باریه جنبش دمکرات فدرال آذربایجان

 http://www.rahekargar.net/elamiye/122004/azar.pdf

ایشیق سؤنمز 14.12.2004

فارسچی گؤروش