شهادته حاضیر اولانلار می، یوخسا شییادلار می؟

 

 

بیلیندیگی کیمی آذربایجان جومهوریتینده رافیق تقی آدلی یازیچی و آذربایجان جومهوریتی نین وطنداشی اولاراق "صنعت" آدلی بیر آیلیق درگیده اؤز فیکیرلرینی شرق و غرب موضوعلاری اوزره

"Avrupa və Biz" دئیه "شرق و غرب آراشدیرمالار سیلسیله سی" باشلیغی ایله بیر مقاله چاپ ائتدیرمیشدیر. بو آرادا ذات فیکیرلرینی اساسلاندیرماغا چالیشارکن ایستر ایستمز ایسلام و مسیحیتی ده سؤز قونوسو ائتمیشدیر. اونون فیکیرلری نین یانلیش یوخسا دوزگون اولدوغو بیر یانا دورسون، اونون فیکیرلرینی تنقید ائتمک یئرینه پان ایرانیستلر ایسلام آدی آلتیندا آذربایجان جومهوریتی نین نارداران قصبه سینده، آذربایجان وطنداشی اولان علی اکرام علیزاده آدلی بیریسی نی آشاغیدا پان ایرانیستلرین یازیلاردان گؤره جه گیمیز دک اویونجاق ائده رک اونا اوزدن ایراق شهادت کؤینگی گئیدیرمه گه و آذربایجان دؤولتچیلیگی علیهینه قیام ائتدیرمگه حاضیرلاتمیش ایفاده سی نی سرگیله میش گؤرونورلر. بو موضوعا گیرمه دن فارس سیاسی و شوونیستی ادبیاتیندا آذربایجان جومهورتی نین نه آدلاندیغی نی بیر داها سرگیله مک پیس اولماز دئیه دوشونوروک. علی اکبر ولایتی خاریجه ایشلر ناظری اولدوغو زامان یازیلمیش "اسنادی از روابط ایران با منطقه قفقاز" آدلی کتابدان عنایت رضادان نقل اولاراق اوخویوروق:

"در مورد نژاد و زبان آلبانیان باید گفت که منشأ اقوام آلبانی که در کرانه دریای خزر سکنی داشتند، با منشأ اقوام گرجی و کوه نشینان قفقاز یکی است. همه اینها از زمره آن گروه از اقوامی هستند که به اقوام یافثی شهرت یافته اند"(2).

اوسته کی عیبارتی نظردن کئچیردیکده "... سکنی داشتند. ... یکی است" مسئله سی دیققت چکیجیدیر. دئمک مسئله کئچمیش تاریخه دئیینمکدیرسه، یوخاری پاراقرافداکی مرکب ائدیملر (فعللر) هر ایکیسی کئچمیش زامانا دلالت ائتمه لی اولاردی. بئله لیکله "... سکنی داشتند. .... یکی بوده است" یازیلمالیدی. یوخسا اوسته کی عیبارت بوگونکو دوروما ایشارت اولونورسایدی، گئنه ده آدی چکیلن مرکب ائدیملر (فعللر) "سکنی دارند. .... یکی است" یازیلمالی ایدی. دئمک اوسته کی عیبارتده قوزئی آذربایجانلیلارین کئچمیشلرینی جعل ائتمک، قوزئی و گونئی آذربایجان آراسیندا هئچ بیر دیل و مدنیت باغلاری نین اولمادیغینی یالاندان سرگیله مک اوچون مؤلیف گؤستریش آلاراق بو تحریفه ال وورموشدور دئیه دوشونمک اولار.

کئچمیشده قوزئی و گونئی آذربایجانلیلاری بیر بیرلرینه فارس راسیستلری نین اؤزگه یاشاتماق چابالارینا باخمایاراق (.3- 3.9) زامان گئدیشی ایله گونئی آذربایجاندا میللی و مدنی حاقلار اوزره ایستکلرین گوجلنمه سی و سیاستین گوندمینه گلمه سی (گونون موضوعسو اولماسی)، فارس تهران حاکیمیتی نی اولدوقجا زور دوروما بوراخمیشدیر. بو آرادا اونلار گونئی آذربایجاندا ال آلتی اورقانلاری واسیطه لری ایله ایلک اولاراق اردبیل شهرینده بیر سیرا بالتا ساپی اولموشلار واسیطه سی ایله "دست پیش گیر تا پس نیفتی" سیاستی نی یئریتمگه باشلایاراق "ایران شمالی" آدیندا بیر درگی یایینلاماغا و  خالق ایجتماعیتینده میللی و مدنی ایستکلری یانلیش کانالا یؤنلندیرمک اوچون آذربایجانلیلار آراسیندا یانلیش بیلگی و معلوماتلار اولوشدورماغا چالیشدیلار(4). او اورقاندا موختلیف باهانه لر ایله آذربایجان جومهوریتی نین ایچ ایشلرینه قاریشماق و آذربایجان دؤولتچیلیگی علیهینه فارس حاکیمیتی طرفیندن هیستری یاراتماق آچیقچا گؤرونمکده دیر. بو اورقانین ایلک یاییلیشی اوزره ایلنا خبرچیلیگیندن اوخویوروق:

"به گزارش گروه فرهنگ و انديشه ايلنا, اين نشريه بدون ذكر نام و نشانی مدير مسوول و صاحب امتياز با تيراژ بالا, در تمامی كيوسك های مطبوعاتی اردبيل منتشر شده است كه در مقالات متعددی با عناوين ٢٠٠ سال تلاش دشمنان برای تغيير هويت اسلامی ايرانی مسلمانان قفقاز و ايران شمالی به قلم‌‏ "هادی اردبيلی"، نامه ای به ايران و همه ايرانی‌‏ها نوشته "نظامی محمد اف" ترجمه "عليرضا محمدپور حسينی" , ايران ستيزی در كتاب های درسی رژيم باكو به قلم "محمد علی تبريزی"، استقرار پايگاه های نظامی آمريكا در ايران شمالی (جمهوری آذربايجان) گفتگو با حاج "علی اكرام عليزاده"، رهبر حكومت اسلامی ايران شمالی با عنوان ما دوران سختی را می‌‏گذرانيم , به طور مفصل آورده شده است. گويا اين نشريه سياسی , فرهنگی ايران شمالی ( جمهوری آذربايجان) بدون مجوز قانونی انتشار يافته و حتی نام سر دبير و هيات تحريريه آن نيز جعلی و صوری است.  در اين نشريه موجوديت جمهوری آذربايجان زير سوال رفته و سمت و سوی مقالات ذكر شده نشان می دهد كه گردآورندگان اين نشريه با انتخاب نام ايران شمالی خواهان الحاق جمهوری آذربايجان به ايران هستند."(4)

اوسته کی پاساژدان آیدین اولدوغو کیمی، بو درگی کسب جاوازی اولمادان بوتون کیوسکلارا وئریلمیش. ایراندا مطبوعات اوزره اولان باسقی نی نظره آلارساق بو اورقانین یاییلماسی و کیوسکلارین سس سیزجه بو اورقانی آلاراق خالق ایچره یایماق اوچون قبول ائتمکلری بو اورقانین یاییلددیغی هانکی حاکیمیت و امنیت کاناللاریندان سو ایچدیگینی آچیقجا اورتایا قویور. بئله لیکله، اینسانلارین دینی اینانجلاریندان سوء ایستیفاده ائده رک آذربایجان جومهوریتی علیهینه باشلانمیش بیر عوامفریب دینی کامپانیانین تانیغی اولوروق.  چوخ زامان کئچمه دن گئنه ده بو اورقان آدینا اینتئرنئت سیته سی آچیلاراق آذربایجان جومهوریتی و دؤولتچیلیگی علیهینه یئریدیلن یالانچی تبلیغات کامپانیاسی نین تانیغی اولوروق. بو اورقاندا گئنه ده درگی بیچیمینده سسلندیردیکلری معلوم الحال علی اکرام علیزاده اوزدن ایراق "رهبر حرکت ایران شمالی" آدی ایله سرگیلنمیش گؤرونور.

دئمک، کئچمیشلرده باشقا بیر باهانه اولمادیغی اوچون ائله بیل آمریکا بیرلشمیش دؤولتلری آذربایجان جومهوریتینده نیظامی پایگاه "ایران ایسلام جومهوریتی" علیهینه یاراتماق ایسته ییر دئیه آذربایجان جومهوریتی نی قونشوسو اولان ایران جومهوریتی علیهینه دوشمنلیک ائتمک ایتتیهامی ایله گوناهلاندیرماغا چالیشیردیرلارسا، بوگون آذربایجان جومهوریتی نی دینسیزلیک ایتتیهامی ایله گوناهلاندیرماغا و خالق ایجتماعیتی نی آذربایجان دؤولتچیلیگی علیهینه خیابانلارا چکمگه چالیشدیقلاری نین تانیغی اولوروق.

اوسته کی پاساژدان بللی اولدوغو کیمی گونئی آذربایجاندا میللی و مدنی ایستکلرین گونده مه گلمه سی (گون موضوعسو اولماسی) فارس تهران حاکیمیتی نی هر بیر جنونا ال ووراجاق مقاما گتیریب چیخارمیشدیر. بئله لیکله آذربایجان جومهوریتینده شهروندین بیر مقاله یازماسی آذربایجان حاکیمیتی نین گؤروشو کیمی باهانا ائدیله رک فارس اورگانلاری گونئی آذربایجاندا آذربایجان حاکیمیتی علیهینه دوشمنلیک کامپانیاسینی جمعه نامازلاری واسیطه سی ایله (تبریزده: محسن مجتهد شبستری) و (اردبیلده: آملی) یولا سالماغا چالیشمیشدیر.  

فارس حاکیمتی بو امام جمعه لر واسیطه سی ایله جماعتی ایستحمار ائده بیله جک خیالی ایله بیر یانا دورسون، پان ایرانیستلرین "ایران شمالی" آدلی سیته لرینده دورمادان موختلیف موضوعلاری بیربیرنه قاریشدیراراق آذربایجان جومهوریتی علیهینه فیکیر اولوشدورماغا تانیق اولوروق. یئری گلمیشکن بو پان ایرانیستلیک یازی نین بعضی پاساژلارینی بیرلیکده اوخویاق:

" گزارش خبرنگار ايران شمالي از باكو

رهبر حركت اسلامي ايران شمالي خطاب به ماموران پليس باكو : من آماده شهادت هستم ، شليك كنيد .... ميدان امام حسين (ع) منطقة‌ نارداران، بار ديگر شاهد تجمع اعتراض آميز مردم به دليل اهانت نشرية صنعت به ساحت مقدس رسول اكرم (ص) بود. در اين تجمع كه اغلب اهالي نارداران از پير و جوان و زن و مرد شركت داشتند، ابتدا رهبر حركت اسلامي ايران شمالي سخنراني كرد. علي اكرام عليزداه با اشاره به فعالان اسلامي كه طي سالهاي گذشته توسط رژيم باكو به شهادت رسيده‏‏اند، گفت:‌ما مسلمان هستيم و مي‏خواهيم حكومتي بر اساس احكام و قوانين اسلام در كشور به وجود آيد، به دليل اين عقيده بسياري از فعالان حركت اسلامي دستگير و زنداني شده و برخي از آنها به شهادت رسيده‏اند، اما در همين كشور وقتي نشريه‏اي صهيونيستي و پان تركيستي به ساحت مقدس رسول اكرم (ص) جسارت مي‏كند، دولت سكوت مي‏كند." (1)

اوسته کی پاساژی اوخودوقدا ایلک اولاراق فارس دیلینده "ایران شمالی" آدی ایله تانیش اولدوقدا اینسان بو یازی "گیلان و مازندران" ولایتلری اوزره یازیلمیش دئیه دوشونه بیلر. بیلیندیگی کیمی فارس ادبیاتیندا ایرانین شمال قیسمتی گیلان و مازندران ساییلار. کئچمیش ایللرده گونئی آذربایجان اؤزو "شمالغرب" آدی ایله فارس ادبیاتیندا گؤستریلمگه چالیشیلمیشدیر.  آنجاق خبرین باکیدان وئریلمه سی و بو خبر فارس محورلی اولدوغو اوچون باکیداکی ایران سفیرلیگی نظرده توتولابیلر دئیه دوشونمک اولار. بیلیندیگی کیمی گونئی آذربایجانداکی میللی و مدنی حاقلاری فارس راسیستلیک حاکیمیتی وئرمک ایسته مه دیگی اوچون کئچمیش ایللرده قوزئی آذربایجان جومهوریتی نی آذربایجان دئییل، آران آدلاندیریر و اونلارلا آذربایجانلیلار (گونئیلیلر) آراسیندا هئچ بیر میللی و مدنی ایلیشگیلرین اولمادیغینی ایددعا ائدیلیردی. بو آرادا رضا عنایت یازدیغی "آذربایجان و اران" آدلی کیتابدان دورمادان گونئی آذربایجان ایجتماعیتینه یانلیش بیلگیلر وئرمگه چالیشیلیردی. اوسته ایشاره ائتدیگیمیز دک ایران وزارت امور خاریجه اداره سی ده تبلیغات اوچون یایینلادیغی کیتابلاریندا عنایت رضانین فیضینه ناییل اولدوقلارینی راحاتجا گؤرمک اولار. آنجاق، فارس راسیستلری نین "رهبر حرکت اسلامی ایران شمالی" دئدیکلری شخصین شارلاتانلیق ائده رک آذربایجان جومهوریتینده اعدام (شهید!!!) اولماق ایستگی مسئله سینه گلدیکده بیلیندیگی کیمی آذربایجان جومهوریتی نین قانونلارینا گؤره اورادا اعدام (فارس راسیستلری و پان ایرانیستلرین دئییشینه گؤره حاکیمیت طرفیندن وطنداشین شهید اولما مسئله سی!!!)) دئیه بیر مقوله یوخدور. بئله لیکله، پان ایرانیستلر طرفیندن شهادت مقوله سی نین ده لوس اولدوغونا تانیق اولوروق. بونلارا باخمایاراق بیر مقاله یازان وطنداشی آذربایجان قانونلاریندان خاریج آذربایجان دؤلتی نیه اعدام ائتمیر دئیه باهانه ائده رک آذربایجان جومهوریتی و دؤولتچیلیگی علیهینه تبلیغات ائتمکله مشغول اولان ذاتلار، ائرمنی داشناقلاری نین، آذربایجانین قاراباغدا "آغدام مسجید"لرینه اؤکوز و دونوز باغلایاراق او مقدس مکانلاری طویله ائتدیکلرینه ندن فارس حاکیمیتی و دین خادیملری سوسموشلار؟، مسئله سی هله ده ایستر تهران رسمی حاکیمیت اورقانلاری، ایسترسه ده دین مقاملاری طرفیندن جاوابسیز قالیر!!. ایسلام دینی نین اینانجلارینا گؤره مسجید اللهین ائوی دئییل می؟ اؤزلرینی دونیا مسلمانلاری نین ولی وکیلی بیلن تهرانداکی فارس شییادلاری و اونلارین آذربایجان شهرلرینده کی اویونجاقلاری نه اوچون آذربایجان مسلمانلاری نین مقدس مکانلارینا داشناقلارین اؤکوز و دونوز باغلادیقلارینی گؤزمزدن و گونئی آذربایجان ایجتماعیتینی ایستحمار ائتمگه چالیشاراق دینی سیاسته اویونجاق ائتدیکلریندن چکینمک ایسته میرلر؟ یئری گلمیشکن آذربایجان جومهوریتی نین آغدام شهرینده کی مسجیدلرین نه گونه دوشدوکلرینی بیر داها سرگیله میش اولاق:

 

بو مسجیدلری گؤرن مسلمان، اؤزللیکله دونیا مسلمانلاری نین ولی وکیلی کیمی اؤزونو تانیتماغا چالیشان تهران فارس حاکیمیت باشچیلاری، ایصطلاحن ایسلام حاکیمیتی و علی اکرام علیزاده ذات عالیلری گئرچکدن شهید اولماق و اللها اؤز دینی بؤرجلارینی اؤده مک ایسته ییرلرسه، ناردارانین کوچه سینده یالاندان منی قانونسوز اؤلدورون دئیه مسلمانلیق ایددعاسینا قاپیلمالارینا اساس یوخدور. دوغرو دئییرلیرسه، قاراباغی آزاد ائتمک اوچون بیر عؤمور کوفر ائتدیکلری ارمنیلر الیه شهادت شربتینی ایچمگی اؤزلری اوچون شرف بیلسینلر!! آذربایجان آنایاساسیندا اعدام قانونونون اولمادیغی بیر یانا دورسون، مسلمان مسلمان الی ایله اؤلدورولورسه، شهید ساییلماز!! اوسته گؤردویوموز آذربایجان مسلمانلاری نین مقدس سایدیقلاری مسجیدلردیر. بو آرادا جاوانلاری ائرمنی داشناقلاری الیله شهید اولموش و قاراباغدان ائرمنی داشناقلاری واسیطه سی مغان چؤللری و شهر قیراقلارینا سورگون دوشموش اینسانلارین دا نه دورومدا اولدوغونو گؤز اؤنونه سرگیله مک پیس اولمازدی:

گؤروندوگو کیمی بو قاچقین لارین دورومو دا ایستر اؤزونو دونیا مسلمانلاری نین ولی وکیلی تانیتماغا چالیشان فارس شوونیست حاکیمیت باشچیلاری و ایسترسه ده گؤنئی آذربایجان و آذربایجان جومهوریتینده اونون بالتاسینا ساپ اولموش مفعوللار اوچون ایسلامیت آدینا یاراشاجاق گؤرونتولر دئییلدیر!!

دئمک، آذربایجان میللی حرکتی گؤزگو (آینا) کیمی فارس حاکیمیتی و اونون ال آلتی اورقانلاری نین دوه کیمی ایری بویرو اولدوقلارینی گؤستردیکده اونو خیالی باهانالار ایله ازیب سیندیرماغا ائحتیاج گؤرونمور. گونئی آذربایجان خالق ایجتماعیتی تهران فارس حاکیمیتیندن و اونون ال آلتی اورقانلاریندان اؤزلری قبول ائتدیکلری قانونلاری نین ایجراسینی طلب ائتدیکده، بوراسی مسلمان اؤلکه سیدیر دئیه آذربایجان خالقی نی طبیعی حاقلارینا محروم ائتمک هئچ ده مسلمانلیق و اینسانلیق آدی ایله باغلاشمازدیر. پان ایرانست اینتئرنئت سیته اورقانی گئنه ده یازیر:

"رهبر حركت اسلامي ايران شمالي ضمن اشاره به تجمع دانشجويان تبريز در مقابل كنسولگري رژيم باكو گفت: من دست و پاي آن دانشجويان مسلمان را مي‏بوسم كه براي حفظ حرمت رسول گرامي اسلام (ص) به رژيم باكو اعتراض مي‏كنند. وي خطاب به رييس دولت باكو اظهار داشت: آقاي الهام علي اف! آيا ميداني سكوت دولت تو به معناي تأييد مندرجات نشرية ضد اسلامي صنعت است؟ علي اكرام عليزاده گفت: من وقتي از راديو بيانات آيت الله شبستري امام جمعة محترم تبريز را شنيدم، احساس كردم كه اسلام تنها نيست و ما كه اكنون در دست يك حكومت لاييك اسير هستيم، پشتيبان معنوي در جهان اسلام داريم... "(1)

یئری گلمیشکن دئییلمه لیدیر: فارس حاکیمیت اورقانلاری طرفیندن بیر سیرا بسیج قووه لرین تبریز اونیوئرسیته اؤیرنجیلری آدینا آذربایجان جومهوریتی قونسوللوغو قارشیسیندا ییغینجاق ائتمه لری و آذربایجان جومهوریتینه اؤلوم آرزو ائتدیکلری هئچ ده دؤلتلر آراسی نورمالارا باغلاشاجاق دئییلدیر. بیلیندیگی کیمی آذربایجان مطبوعاتی ایران ممالیکی محروسه سینده کی کیمی حاکیمیت الیله ایداره اولونمور. اوندان یانا دا بیر یازیچی نین یازیسی، اونون شخصی نظری اولاراق ایران ممالیکی محروسه سی نین ترسینه مطبوعاتدا ایشیق اؤزو گؤره بیلیر. گونئی آذربایجان میللی مسئله سی علیهینه آل وئر ائتمک نیتی ایله باشقا بیر مملکتین وطنداشی نین فیکیرلرینی عثمان کؤینگی ائتمک هئچ ده دؤلتلر آراسی مناسیبت لره اویقون گؤرونمور. مطبوعاتدا تخلف مسئله سی نین اولوب اولمادیغی مسئله سینه گلدیکده، قانون اولان مملکتلرده هر شئیه مملکت باشجیسی نین بورون سوخماسی لازیم گؤرونمز. بیر درگی و شخصیدن کیمسه نین شیکایتی اولارسا، محکمه اورقانلارینا باش وورولار. محمکه کیمین حاقلی و کیمین حاقسیز اولدوغونا داییر قرار وئرر. اوسته لیک علی اکرام علیزاده لر اوچون ایستعمارچیلیق نیتی ایله شفقت الی اوزادان ایصطلاحاً ایسلام جومهوریتی ندن اؤز مسلمان وطنداشلارینی (تورک، عرب، کورد، بلوچ، تورکمن، لور و ساییره لری) اؤز دیل و مدنیتلرینه محروم ساخلایاراق اونلاری فارسلاتماق اوچون فارس شوونیستلری نین رولونو اؤز بوینونا آلاراق فارس راسیستلری و فاشیستلری کیمی فارس شوونیستلیگینی یایماقدا دری قابیقدان چیخماغی اؤزونه وظیفه بیلمیشدیر؟

 

 

قایناقلار:

 

1        ایران شمالی: http://www.iraneshomali.blogfa.com/

2        اداره انتشار اسناد، اسنادی از روابط ایران با منطقه قفقاز، انتشارات وزارت امور خارجه، تهران چاپ اول 1372، صحیفه 65.

3        ایشیق سؤنمز، آج تویوغون یوخودا داری گؤرمه حئکایه سی:

http://www.shamstabriz.com/sonmaz-hekaya.htm

3.1     ایشیق سؤنمز، پان ایرانیستلرین عوامفریبلیک و تمامیتچیلیک فیکیرلری:

http://www.shamstabriz.com/sonmaz-avam.htm

3.2     ایشیق سؤنمز، فارس راسیستلیگی نین بالتا ساپلاری:

http://www.yenises.org/?p=142

3.3     پان ایرانیستلرین میللی کیملیک دئیه ایران مقوله لری:

http://www.yurd.net/ARTT/2005-10-17.HTM

3.4     ایشیق سؤنمز، پان ایرانیستلرین و فارس شوونیستلری نین ایرانیت مقوله لری:

http://www.baybak.com/Baybak/?p=788

3.5     ایشیق سؤنمز، آذربایجان میللی مسئله سی و حزب کمونیست کارگری (2):

http://www.baybak.com/Baybak/?p=788

3.6     ایشیق سؤنمز، فارس راسیستلیگی یوخسا ایرانیت مقوله سی:

http://azadtribun.net/x555.htm

3.7     ایشیق سؤنمز، فارس مفکوره لی ایرانشناسلار می یوخسا تولکونون قویروق سایدیغی قویروقلار می؟: http://www.azerbaycansesi.com/yazilar/juli/sonmez_fm.htm

3.8     ایشیق سؤنمز، ایران ممالیکی محروسه سینده میللی مسئله، شوونیست مئییللی و تمامیتچی قووه لرین بو مسئله یه یاناشمالاری: http://www.shamstabriz.com/sonmaz-iran1.htm

3.9     ایشیق سؤنمز، آذربایجان تجددودلوک حرکتیندن ایران ایسلام جومهوریسینه کئچیت یوللارا باخیش!: http://www.baybak.com/Baybak/?p=388

4        ایلنا خبر آگئنتلیگی Iranian Labour News Agensy : Tue / 04 07 2006 ، ایران شمالی:

http://www.iran-emrooz.net/index.php?/news2/more/9153/

 

 

 

ایشیق سؤنمز 19.11.2006

 

توپلوم