ایراندا جمهورباشقانی سئچیمی، حاکیمیت اوغروندا دؤیوش و آذربایجان میللی مسئله سی

 

ایران ممالیکی محروسه سی 1925 اینجی ایلدن باشلایاراق فارس تمامیتچیلیک و ایستعمارچیلیغینا معروض قالدیغینی و فارس اولمایان ائتنوسلار او جمله دن آذربایجان تورکلری او گونلردن بری بو ممالیکی محروسه ده اوینانان سیاستین ایپ اوجونو فارسچی تمامیتچیلره اودوزدوقلارینی و فارس تمامیتچیلیگی و ایستعمارچیلیغینا قوربان اولدوقلارینی نظره آلارساق، آشاغیداکی اوزرینده دوراجاغیمیز مقاملار هر بیر آذربایجانلینی داها دا دریندن دوشوندورمه لیدیر.

بوگون ایران ممالیکی محروسه سی فارس ایسلام جمهوریتی ولایت فقیه قانادی نین  الینده قبضه اولونماسینا باخمایاراق  فارس حاکیمیتی اوغروندا گئدن ساواش و مباریزهده باشقا فارسچی قانادلار دا حاکیمیتی اله کئچیرمک اوچون الی آیاقدان آییرد ائتمک ایستمدیکلرینی نظره آلارساق، اونلارین دا ایران ممالیکی محروسه سینده کی فارس اولمایان میللیتلر اوزره دوشمنلیک دویقو و حیسلرینی گیزلتمدیکلرینه تانیق اولاریق. بو آرادا سئچکی تبلیغاتلاری اوزره بعضی قوروپلاشمالارین گؤروشلرینی گؤزدن کئچیرمک پیس اولماز دئیه دوشونوروک. بو قوروپلاردان جبهه میللی ایران آدینی یئدک چکن فارس مدنیت راسیستلری نین "فعالان اجتماعی و فرهنگی..." آدینا کروبی علیهینه یایدیقلاری بیلدیریش داها دا دیققت چکیجیدیر، اوخویوروق :

"... شاهد هستیم مباحثِ نسنجیده و بی‌پایه‌ای از سوی آقای مهدی کروبی و برخی مشاورانش مطرح شده است که با اندکی تأمل در محتوای آنها می‌توان دریافت که پشت این دعاوی، انگیزه‌ای جز کسب رأی بیشتر وجود ندارد. این کاندیدا به جای تأکید بر وجوه مشترک میان تمامی اقوام ایرانی، در پیِ ایجاد تنش‌های قومیتی و زبانی است"[1].

فارس جبهه میللیچیلری باشقا اینسانلاری بو آرادا اؤز تمامیتچی دوشونجه و فیکیرلرینه آراچ ائده رک فارس آنایاساسی نین عمل ائدیلمه دیگی بندلری نین ایجراسینا داییر مهدی کروبی نین تبلیغات چیخیشلارینی فارسلیق علیهینه تعبیر ائتمکله بو مسئله نی ایران ممالیکی محروسه سی نین تورپاق بوتونلوگونون علیهینه یورومساماغا (تعبیر و تفسیر ائتمک ایستمگه) چالیشمیشلار. بو دوغرولتودا اوخویوروق:

"آقای کروبی که در صورت انتخاب به مقام ریاست‌جمهوری، می‌بایست پاسدار یکپارچگی ملی و سرزمینی ایران و پشتیبان هویت ملی ایرانیان باشد، اکنون نسنجیده و نابخردانه و تحت ‌تأثیر القائات افراد و جریانات مشکوک و ایران‌ستیز، با هویت‌سازی‌های کاذب و انحرافی برای اقوام ایرانی همراه شده است. جأی تاسف دارد که ایشان به جای آن‌که به مسائل و کاستی‌های اساسی جامعه‌ی ایران بپردازد، اقدام به جای‌گزینی این مسائل با مسأله‌ی انحرافی و ارتجاعی قوم‌گرایی می‌کند. ایشان با کمرنگ کردن کلیه‌ی تبعیض‌های ایدئولوژیک و مذهبی و جنسیتی مشهود در جامعه‌ی امروز ایران، با یک فرافکنی آشکار به سوی مسأله‌ی یادشده، تلاش دارد با دامن زدن به مسائل قومی و زبانی در برخی مناطق، آرایی بیشتر کسب کرده و در عین حال کم‌ترین مسؤولیت را برای خود در راستای تلاش در جهتِ احقاق حقوق دموکراتیک و مسائل عمده‌ی ملت ایران ایجاد کند. به نظر می‌رسد ایشان و حلقه‌ی مشاوران‌شان، از تبعات سهمگین و ویرانگر طرح مباحثِ کارشناسی‌نشده و رسمیت دادن به خواست‌های سازمان‌دهی‌شده‌ی شماری مغرض، برای یکپارچگی ملی و سرزمینی ایران، غافل هستند"[2].  

اوسته گؤروندوگو کیمی "ایران میللی جبهه سی" قوروپو  مختلیف فارسچی قوماشلار واسیطه سی ایله، ایران و ایرانلی اولمانی فارس و فارسلیق ایله برابر تانیتماغا چالیشدیغی اوچون میللیتلر مسئله سینی "مغرض" قلمه آلاراق اونون یئرینه فارس ایدئولوژیک گؤروشلری وورقولاماغا چالیشاراق تهرانداکی بوگونکو حاکیمیتین یئرینه هر هانکی بیر دئموکراتیک حاکیمیتین گله جگیندن خبر وئرمک ده ایستمه میش.  گئنه ده اوخویوروق:

"... در اين راستا، چندی پیش آقای مهدی کروبی با انتشار بیانیه‌ای موسوم به بیانیه‌ی حقوق اقلیت‌های قومی و مذهبی با رسمیت بخشیدن به گفتمان ارتجاعی و انحرافی قوم‌گرایی، در این مسیر مخرّب گام برداشته است. در بیانیه‌ی آقای کروبی به شکلی نابخردانه و غیرمسؤولانه، شهروندان ایرانی و حقوق و مطالبات آنان، بر اساس مؤلفه‌های فروملیِ قومیت و زبان تقسیم‌بندی شده‌اند. این در حالی است که ویژگی‌های قومی و زبانی هیچ جایگاه عینی و مشخصی در مطالبات راستین و عینی ملت ایران، نداشته و ندارد"[3].

بیر اوسته کی بؤلومده گؤروندوگو کیمی فارسلیق اساسینده یالنیز ایدئولوژیک و مذهبی گؤروشلر انسانی و دئموکراتیک قلمه آلینارکن ایران ممالیکی محروسه سینده کی میللیتلرین اؤز دیل و مدنیتلرینه حاکیم اولما مسئله لری "فرو ملی و غیر واقعی" قلمه آلیناراق بو مسئله اجتماعیتین گؤزوندن یاییندیریلمیش اولار. گئنه ده اوخویوروق:

"... آقای کروبی در این بیانیه بارها این ادعا را مطرح کرده که وابستگی‌های قومی و زبانی در بهره‌مندی از فرصت‌های استخدامی و تحرّک اجتماعی مانع ایجاد می‌کند. این در حالی است که هر ناظر بی‌طرف می‌تواند گواهی دهد که نظرتنگی‌هایی که مانعِ رشد و شکوفایی همه‌ی استعدادهای این سرزمین می‌شود، دارای ماهیّت ایدئولوژیک، مذهبی، جنسیتی و اقتصادی است. برای نمونه یک کُرد سنی‌مذهب از همان میزان تبعیض رنج می‌برد که یک پارسی‌زبان سنی‌مذهبِ اهل خراسان یا هرمزگان، و یا یک کرد یا آذربایجانی‌ شیعه‌مذهبِ معتقد و ملتزم به گفتمان حاکم، از همان مواهب و فرصت‌هایی بهره‌مند است که هم‌سانان پارسی‌زبانش. آقای کروبی در این بیانیه بارها تأکید کرده است که سهمِ اقوام ایرانی را در مدیریت کلان کشور افزایش خواهد داد. به این ترتیب ایشان این نگرانی را به وجود می‌آورند که قصد آن را دارند که سِمَت‌ها و مناصب کلان کشور را هم‌چون کشور لبنان نه بر اساس شایستگی‌ها، که بر اساس شاخص‌های نادرست تقسیم ‌کنند (چنان‌که می‌دانیم، دستاورد این ساختار، خونین‌ترین جنگ داخلی خاورمیانه بوده است). جالب است که بیانیه‌ی پرطمطراق آقای کروبی علی‌رغم عنوان و ادعاهایش، احقاق حقوق پایمال‌شده‌ی سنی‌مذهبان ایران و اقلیت‌های مذهبی غیرمسلمان را به کلی‌گویی برگزار می‌کند و مي‌كوشد با غوغاسازی برای آنچه احقاق حقوق اقلیت‌های قومی عنوان می‌کند، حقوق اقلیت‌های مذهبی را مسکوت گذارد"[4].

اوسته گؤروندوگو کیمی فارس تمامیتچیلری و مدنیت راسیستلری ایران ممالیکی محروسه سینده کی میللیتلر مسئله سینی یئرینه مذهب مسئله سینی قابارتماقلا عوامفریبلیک ائتمگه چالیشارلار. بیلیندیگی کیمی بهائییت مسئله سیندن باشقا مذهبی آیری سئچکیلیگی ده میللی آزلیقلار اوزره کئچرلیدیر. اوسته لیک هر هانسی بیر شخصین حاکیمیت باشیندا اولماسینا باخمایاراق فارسلیق سیاستی، فارس دیل و مدنیتینه مقید اولماق دولاییلی یوللار ایله ایستر ایران آنایاساسی نین یازیلمیش و ایسترسه ده یازیلمامیش قانونلاریندا قید اولونموش بیر مقوله ساییلار. گئنه ده اوخویوروق:

"... هم‌چنین آقای کروبی بارها به شیوه‌ای ناشیانه و غیرعلمی، مدّعی وجود قومیتی موهوم و جعلی با نام فارس در ایران شده است که طرح این ادعا ناشی از سطح نازل اطلاعات مردم‌شناسانه، تاریخی و جغرافیایی ایشان و مشاوران‌شان درباره‌ی کشوری است که قصد اداره‌ی امور آن را دارند. اما از همه مشکل‌سازتر، طرح موضوع غیرکارشناسانه و عوام‌فریبانه‌ی حکم‌رانی محلی و پارلمان‌های منطقه‌ای در این بیانیه است بی‌آن‌که به بافت تاریخی و فرهنگی کشور ایران توجه شود. طرح این موضوع در جامعه‌ای که بافت قومی و زبانی آن، هر نوع فدرالیسم و محلی‌گرایی را رنگ‌وبویی ارتجاعی و قومیتی می‌بخشد، بسیار خام‌اندیشانه و غیرمسؤولانه است"[5].

تاریخ باخیمیندان یولا چیخیلارسا، فارس کیملیگی غزنه لی سلطان محمود زامانلاریندا ایران ممالیکی محروسه سینه گلمیش بیر وارلیق اولموشسا دا، بوگون ایرانداکی فارس دیل و مدنیتلی انسانلارا فارسلیق مقوله سی نی  اسیرگمک ده غیر انسانی ساییلار. بو باخیمدان دا ایران ممالیکی محروسه سینده کی میللی و مدنی حقوقلارا احترام قویولماسینی ایستگن هر کیمسه فارسلارین دا وارلیغینی قبول ائده رک فارس مدنیت راسیستلری نین بو عوامفریب چیخیشلارینی بیر شیادلیق دئیه نظره آلمالیدیر.

اوسته فارس مدنیت راسیستلری نین "مبحث نسنجیده و بی پایه" دئیه قلمه آلدیقلاری گؤروشده فارس حاکیمیتی نین آنایاساسیندا اؤزلری حاکیمیتده اولدوغو زامان (1979 اونجو ایل) قبول ائدیلمیش 15 و 19-اونجو اصیللرین مهدی کروبی طرفیندن اجرا اولونماسینا داییر سئچکی تبلیغاتی عرفه سینده وئریلمیش وعده و وعیدلر نظره توتولار. فارسلیق و فارس مدنیت راسیستلیگی مفکوره سینه اساساً یازیلمیش آنایاسالارین اجراسی دئییل، یازیلمامیش فارس مدنیت راسیستلیگی نین ایجرا اولونماسی داها دا فارس مدنیت راسیستلرینی ممنون ائده جک گؤرونر. بوگون ایران ممالیکی محروسه سینده کی سئچکی اویونلاری نین گئریده قالدیغینی نظره آلاراق فارس حاکیمیتی اوغرونداکی اصولگرا و اصلاح طلب دئیه فارسچی گؤتوروشمه لری نظره آلارساق، آشاغیداکی گؤرونوملر اورتایا چیخار:

1- حاکیمیتی الینه آلمیش حزب جمهوری اسلامی، حزب الله، ثار الله، سپاه، بسیج و شرکاء (شورای نگهبان، شورای مصلحت نظام و ساییره ...)

2- مجاهدین انقلاب اسلامی، جبهه مشارکت اسلامی، روحانیت مبارز و اونلارا اویناچلیق ائدن جبهه ملی، حزب ملت ایران-فارس، نهضت آزادی، ملی مذهبی ها، مسلمانان مبارز، حزب پان ایرانیست-فارس و ساییره..

3- مجاهدین خلق ایران-فارس،

4- سولچومئاب فارس آخینلاری: حزب توده، بؤلوک بؤلوک اولموش فدایی قوروپلاشمالاری، جمهوریخواهان ایران-فارس و ساییره.

بو اوستکی قوروپلاشمالاری نظره آلدیقدا:

-             بیرینجی قوروپ زامان گئدیشی ایله باشقا دوشونجه لی شخص و تشکیلاتلاری دورتمله یه رک "جمهوری اسلامی" یئرینه "حکومت موروثی اسلامی" دوشونجه سینی فارس دیل و مدنیتی اساسیندا ایران ممالیکی محروسه سینده تثبیت ائتمکله قونشو مسلمان مملکتلرده ده اسلام حکومتی نین قورولماسی اوچون الیندن گلنی اسیرگمک نیتینده دئییل.

-             - ایکینجی قوروپا گلدیکده اونلار دونیادا گئدن دونیالاشماق و معاصیرلشمک سیاستینه اوستونلوک وئره رک فارس دیل و مدنیتینی اساس گؤتورموش فارس اوپوزیسیون تشکیلاتلارینی دا دؤلتچیلیک معادیله سی نین ایچینه آلماغا چالیشاراق ایرانداکی میللیتلر مسئله سی نین ماهیتینی سیلمگه، دگیشدیرمگه و حاکیمیتی ایلیملی یوللار ایله فارس محافظه کار کسیمی نین الیندن چیخارماغا چالیشارلار.

-             - اوچونجو قوروپ، مجاهدین خلق ایران-فارس تشکیلاتی ایسه خاریجده تجرید اولماسینا باخمایاراق اؤزو اوچون جمهور باشقانی نی دا سئچه رک "جمهوری اسلامی ایران-فارس" یئرینه "جمهوری دئموکراتیک ایران اسلامی- فارس"مجاهدین  حکومتی دئیه اؤزلرینی اؤوؤندورمگه (تسلی وئرمگه) چالیشارلار.

-             - دؤردونجو فارس سولچومئاب تشکیلاتلار. اونلار ایسه روسیه تمامیتچی کمونیست سیستیمی نین داغیلماسی ایله بیر چوخ تشکیلات عضولرینی الدن وئره رک بوگون تهرانداکی حاکیمیت اوغرونداکی مباریزه ده میرحسین موسوی و سید محمد خاتمی باشچیلیق ائتدیگی اصلاح طلب جریانین غالیب گلمه سینی آرزو ائدرلر.

-             اوسته گؤروندوگو کیمی بو فارس آخینلاری نین هئچ بیری ایران ممالیکی محروسه سینده میللیتلر مسئله سی دئیه بو میللیتلرین میللی، مدنی و سیاسی مسئله لرینی گونون موضوعسو ائتمک نیتینده اولمازلار. بو دئدیکلریمیزه کئچمیش ایللرده آذربایجان میللی حرکتی و فعاللاری نین فارس حاکیمیتی باسقیسینا معروض قالدیقلاری و هئچ بیر فارس شخص و تشکیلاتی بو آسدی کسدیلری اؤنمسمدیکلری تانیقلیق ائدر. فارسچی شخص و قوروملار ایران ممالیکی محروسه سینده کی ائتنیک مسئله لری گؤرمزدن حرکت ائدر و حاکیمیت ایله سیاسی گوجو اله کئچیرمک اوچون دالاشارکن بو دالاشمالارا اصلاحاتچی دئیه تانینمیش فارسچی تشکیلاتلارین فارس اولمایان ائتنوسلاردان کؤمک اومماسی دا ماراق قونوسو اولاراق اؤز گونجللیگینی قوروموش گؤرونر.

بونلارا پارالئل اولاراق اوچونجو بیر جبهه ده ایران ممالیکی محروسه سینده کی احتیمالاً یاراناجاق میللیتلر  جبهه سیدیر. بو  میللیتلردن آذربایجانلیلار کئچمیش مین ایلده ایران ممالیکی محروسه سینه حاکیم اولدوقلارینا، بوگونکو ایران ممالیکی محروسه سینه یئنی تحصیل سیستیمی، چاپ و مدنی یئنیلیکلر گتیردیکلرینه باخمایاراق خاریجی قووه لر واسیطه سی ایله تورکلوک علیهینه یؤنلمیش سیاسی دوشمنلیک نتیجه سینده آذربایجانلیلار میللی وارلیق اولاراق فارس حاکیمیتی نین سیاسی خریطه سیندن سیلینمیش مقامدا یئر آلار (اؤزونو ایداره ائتمک و اؤز دیل و مدنیتینده اؤزونو ایفاده ائتمک آچیسیندان). اوسته لیک آذربایجان خالقی فارس حاکیمیتلری طرفیندن اؤز دیل و مدنیتینه محروم ائدیلدیگی و تاریخ بیلینجیندن یوخسول ساخلانیلدیغی اوچون بیر میللی وارلیق اولاراق میللی حاکیمیت اعمال ائتمکدن محروم ساخلانیلار. بوگون بیر آذربایجانلی نین ایران ممالیکی محروسه سینده حاکیمیت باشیندا اولماسی اونون حقوق برابرلیگینه صاحیب اولدوغو اساسیندا دئییل، فارس دیل و مدنیتینه اؤزونو تقدیم ائتدیگی فارسلیق سیستیمینه قوللوق ائتمه نی- اؤزو بیلمزسه ده-، اؤزونه شرف بیلدیگی اوچون قبول ائدیلمیش بیر مقوله ساییلار.

 کئچمیش 80 ایلده آذربایجان آیدینی "ایران سراسری" دئیه فارس مفکوره لی و ایستعمارچی تشکیلاتلار واسیطه سی ایله اؤز خالقی نین خوشبختلیگینه دوشونوردوسه، بوگون تشکیلاتچیلیق باخیمیندان فارس تشکیلاتلاریندان پای اوممادیقلارینا باخمایاراق تهرانداکی حاکیمیت بحرانی یاراندیغی و هر اولاسی بیر حاکیمیت دگیشیکلیگی باش وئره بیلر دئیه آذربایجانلیلارین دا فارس اوپوزیسیونونو دستکلمه لری آرزو ائدیلمیش گؤرونر.  بونلار مسئله نی بئله اورتایا قویارکن هانکی فارس اصلاحاتچی تشکیلاتی ایله فارس حاکیمیتینی ییخماق اوچون اورتاقلیق ائدیله جک و هانکی فارس اصلاحاتچی تشکیلات و رهبرلری آذربایجانلیلاری اؤز دیل و مدنیتلری اساسیندا اورتاق حاکیمیت دیوانینا یول وئره جک آذربایجان خالقی نین چابا و مجاهیدتی قارشیسیندا آذربایجانلیلارا میللی حق و حقوقلاری نین تانینماسیندا راضیلیق وئره بیلجک مسئله سینی ده ایضاح ائده جک دورومدا گؤرونمز. مسئله بئله اولدوقدا اوزدن ایراق باشسیز قویون کیمی دؤنه دؤنه فارس چیخار و منافعینه قوربان ائدیلمیش آذربایجانلینی بیر داها ایسته نیلمز بیر قوناق کیمی اؤلوم مئیدانلارینا ایتلمک هانکی سورومسوز و مسئولیتسیز انسانلارین ایشی اولابیلر مسئله سی ده بیر چوخلارینی دوشوندورن بیر مقوله ساییلار. فارس ایستعمارچیلیغی نین نه اولدوغونو قبول ائتمک ایستمه گن ذاتلار بو گؤروشلری اؤنه سوررکن اولدوقجا حاقلی گؤرونمگه چالیشسالار دا، گئرچکلیک و واقعیتین باشقا بیر شئی اولدوغو آرتیق اورتادایر. فارس ایستعمارچیلیغی نین نه اولدوغونو درک ائتمیشلر ایسه، ایران ممالیکی محروسه سینده فارس اولمایان ائتنوسلاری میللی وارلیق اولاراق فارسلیغین اریتمه دگیرمانیندا دارتیلاجاق بیر دن دئیه قلمه آلاراق فارس مفکوره لی هر هانکی تازا نفس بیر شخص و تشکیلاتا بیر داها حاکیمیت ائتمک شانسی تانیماق دوغرو اولماز دئیه آذربایجان خالقینی اؤلومه دئییل، اؤزونو بو توتولدوغو مهلکه دن قورتارماغا چاغیرار. بیر چوخلاری ایرانداکی حاکیمیت دگیشمه سینی تهرانداکی سیاسی گلیشمه لر ایله باغلی یوروملارکن تهراندا آذربایجان توپلومونون هانکی گوجه مالیک اولابیله جگینی و تهران و اطافینداکی آذربایجانلیلاری نئجه آذربایجان میللی مسئله سینه یؤنتمگین واجیب اولدوغونو وورقولاماق دا ایسته مزلر. دئمک، تهران اهالیسی نین حاکیمیت دگیشمه  گوجونو اؤنمسه گن (اهمیت وئرمک ایستگن) هر کیمسه تهرانداکی آذربایجانلیلاری نئجه میللی مسئله یه یؤنتمک اولار یوللارینی گؤتور قوی ائتمه لیدیر. بئله لیکله فارس حاکیمیتی و قوروپلاشمالاری آذربایجان میللی مسئله سینی اؤنمسه مزکن آذربایجانلیلار اؤزلری اؤز میللی مسئله لری نین حللینه آغیرلیق وئره رک فارسچی راسیست و فاشیستلردن پای اوممادان اؤزلری آذربایجانین غصب اولونموش میللی حاقلارینی گئری آلماق و فارس ایستعمار حاکیمیتی نین کؤلگه سینی آذربایجانلیلارین باشیندان اوزاقلاتما چابا گؤسترمیش اولار. بئله لیکله ده آذربایجان خالقینا فارس ایستعمار حاکیمیتی نین خبری اولمادان نسیه وعده لر دئییل (ایران ممالیکی محروسه سی دئموکراتیکلشه جک، تورکلره ده تورک اولدوقلارینی تانیتما حاققی وئریله جک و ساییره وعده لر...)، نقداً اؤز گوجونه آرخالانماغی اؤنرمک و  ایکی آرا بیر دره سیاستیندن ال اوزره رک اؤز میللی منلیگی و کیملیگی اوغروندا مجادیله ائتمگی ان اویقون یولدور دئیه خالقی تشکیلاتلانماق و قورتولوش اوچون سفربر ائتمک گونون واجیب مسئله لریندن بیریدیر دئیه بو مسئله نی دیله گتیرمه لیدیر. ترس دورومدا بوگون آذربایجانلیلار میللی سفربرلیگیه حاضیر دئییل قناعتینه گلن ذاتلار تهراندا حاکیمیت اوغروندا ساواش گئدرکن آذربایجان میللی فعاللاری یارانمیش آراقاریشیقلیقدان فایدالاناراق آذربایجان  مسئله سینی ایستر تهران و چئوره سی، ایسترسه ده ائتنیک آذربایجانین باشقا شهر و ولایتلرینده آذربایجان توپلومونون قاتلاری و درینلیکلرینه آشیلاماغا چالیشمانی آذربایجان میللی فعاللاری اوچون بیر چیخیش یولدور دئیه تکلیف ائتمه لیدیر دئیه دوشونورم. بو دئییلمیشلر نظره آلینارسا، ایستر تئلویزیونداکی فئدرال موضوعسونداکی چیخیش ائدنلرین فارس قوروپلاشمالارینا کؤمک ائتمک موضوعسوندا دعوت ائتمکلری و ایسترسه ده اینتئرنئت سیته لرینده ایشیق اوزو گؤرموش یازیلارین بیر چوخلاری آذربایجان میللی منلیک و کیملیگینه خوش گلجک آرزو ائتمز گؤرونر. قیسا سؤزله دئییلرسه، کئچمیش 84 ایلده بعضی آذربایجانلیلارین فارس حاکیمیت داییره لرینده اؤنملی پوستلاردا یئر آلمالارینی نظره آلارساق، آذربایجان توپلومو فارس ایستعمارچیلیغی و تمامیتچیلیگینه دور دئمک قناعتینه گلمدیگی تقدیرده هرهانسی بیر آذربایجان تشکیلاتی نین فارس مرکزیتچی حاکیمیتی ایله هر هانسی بیر آد آلتیندا اورتاق اولابیله جگینه باخمایاراق بئلنچی پیرلردن پای اومماق اؤزو ده یانلیش ساییلمالیدیر.

تهرانا حاکیم اولموش فارسچی قانادلاری نین حاکمیت اوغروندا چکیشمه سینی بیر فورصت دئیه  قلمه آلانلار  خالق ایجتماعیتی ایچریسینده عابریسی گئتمیش فارس حاکیمیتی نین توتوجو و محافظه کار (ولایت فقیه) قانادینی اصل دوشمن دئیه آذربایجان توپلومونا سیریماغا چالیشماقلا فارس ایستعمارچیلیغینی، کؤلگه یه قایدیراراق گئنه ده گلجکده اونا قورونماق شانسینی یاخالاتمیش اولار.  دئمک، کئچمیشده آذربایجان خالقی نین دوشمنی یالنیز شاه و شاهلیق، بوگون ایسه شئیخ و شئیخلیقدیر دئیه قلمه آلانلار گئنه ده فارس ایستعمارچیلیغینی گؤزدن یاییندیرمیش اولارلار. بو دوشونجه و مفکوره یه اساساً ایران ممالیکی محروسه سینده گلجکده هر هانکی فارس دیل و مدنیتی نی اساس گؤتورموش سئکولار آدلاندیردیقلاری بیر سیستیم یاراناجاقسا دا، آذربایجان خالقی نین دوشمنی گئنه ده فارس ایستعمارچیلیغی دئییل، بو آرزو ائتدیکلری سئکولار سیستیمین باشیندا اولاجاق شخص و تشکیلات ساییلاجاق گؤرونر. بئله لیکله گئنه ده فارس ایستعمارچیلیق سیاستی خالق ایجتماعیتی نین گؤزدن یاییناراق  باشقا بیر قیلیق و قیافتده اورتایا چیخما شانسینی یاخالاراق ایران ممالیکی محروسه سینده کی میللیتلر مسئله سینی کؤلگه ده ساخلاراق مدنیت سوی قیریمینی تماملاماغا چالیشار.

دئمک، آذربایجان آیدینی هئچ بیر فارس حاکیمیت و پوزیسیون شخص و تشکیلاتلارینا اویمایاراق بو آراقاریشیقلیقدا آذربایجان میللی مسئله سینی ائتنیک آذربایجان تورپاقلاریندا دورمادان تبلیغ ائتمه لی و یاراناجاق فورصتلرده اؤز حاکیمیتینی قورمالیدیر.  بیر چوخلاری بوگون تهراندا فارس حاکیمیتی اوغراندا یارانمیش قارشی دورمادا ائله بیل آذربایجانلیلار میللی مسئله آچیسیندان فارس پوزیسیون تشکیلاتلاری ایله آغیز آغیزا وئره رک سس بیر اولمازسالار، صاباح حاکیم اولاجاق فارس تشکیلاتلاری اونلارا میللی و مدنی فعالیت تانیماز دئیه بو دوغرولتودا پریشانلیق حیسسی کئچیرمیش مقامدا یئر آلارلار. اونلارین گؤروشونه اساساً بوگون آذربایجان میللی حرکتی و فعاللاری میللی مسئله آچیسیندان  فارس حاکیمیتینه پوزیسیون اولموش تشکیلاتلار ایله بیرلیکده ولایت فقیه حکومتی نین اوزرینه گئتمسه لر، صاباح حاکیم اولاجاق فارس تشکیلاتلاری یانیندا قیرب قیمتلرینی الدن وئره رک دگرسیز پول کیمی گؤزدن دوشه جکلرمیش. دئمک، آذربایجان میللی حرکتی و آذربایجان میللی کیملیگی فارسچی شخص و تشکیلاتلار یانیندا آرتیق قیرب قیمته مالیک اولدوغو اوچون آذربایجانلیلار اولماز درجه ده کوچومسه نر و اؤز میللی منلیک و کیملیکلرینی ساویندیقلاری زامان خاریجی بیر عامیل دئیه قلمه آلینارلار!!

اوسته کی میللی مسئله دن آزدیریجی گؤروشلرین ترسینه اَن یاخشی ساوینما و اؤزونو مدافعه ائتمک سالدیری و آخین ائتمک ساییلدیغی اوچون آذربایجان توپلومو میللی بیلینجه مالیک و میللی سفربرلیگه حاضیر اولدوغو دورومدا هر هانکی بیر فارس تشکیلاتی آذربایجان خالقی ایله دانیشیغا کئچمه نی اَن آزی اؤزو اوچون بیر ایستراتئژیک هدف سایاجاق دئیه دوشونمه لی ییق. آذربایجان میللتی اؤز میللی منلیک و کیملیک بیلینجینه ییه لندیکدن سونرا خالقی یوخویا وئرمک دوزگون دئییل، باشاردیقجا  دوشمن ضررسیزلشدیرمه لی، گرکیرسه ده دوشمنه دؤش گره رک ائوینده یوخودا باسیلماق یئرینه میللی سرحدلرینده دوشمنه قارشی ساواشاراق اؤزوندن مدافعه ائتمک اهرملرینی یاراتمالیدیر دئیه دوشونمه لی ییک. بوگون تهراندا یارانمیش قارشی دورماغا گلدیکده میللیتلر مسئله سی آچیسیندان فارس پوزیسیون تشکیلاتلاری "مرگ بر دیکتاتور" دئییرکن فارس اولمایان میللیتلرین میللی فعاللاری میللی کیملیک و منلیک شعارلارینی اؤنه سوره رک فارس پوزیسیون گوجلرینه ایران ممالیکی محروسه سینده میللیتلر مسئله سی نین هانکی آشامادا اولدوغونو آنلاتمالی و اونلاری بو ایسته نیلمز ساواشدان قاچیندیرمالیدیرلار. ترسینه ننه من غریبم دئمکله فارس ایستعمارچیلاری و مدنیت راسیستلری توتساق ائتدیکلری هئچ بیر میللیتی آدام حئسابا قویماز دئیه دوشونمه لی ییک. دئمک، فارس پوزیسیون تشکیلاتلاری میللیتلرین حقوق برابرلیگینی قبول ائدرسه لر (اینانیلماز بیر وارساییم) او زامان بعضیلری خیال ائتدیکلری اورتاق جبهه نین یارانماسی نین قوشول و شرطلری یارانمیش اولار. ترس دورومدا بوگون میللی مسئله آچیسیندان فارس پوزیسیون تشکیلاتلارینا بالتا اولوب کؤورلمیش (چورومکده اولان) حاکیمیتی ییخاراق یئرینه تازا نفس کیراواتلی چیلپاق فارس راسیست حاکیمیتی دیکتمکله خالقی خیالاتا اوغراتماق ابطاللیق ساییلار.

دئمک جبهه مسئله سی سیاسی قارشی دورمالاری گؤتور قوی ائتمک و قارشیلیقلی سیاسی گیریشیملرده بولونماقلا حیاتا کئچن بیر مسئله ساییلار. بونون ترسینه هرهانکی بیر سیاسی فارس تشکیلاتی نین دالیسی ایله گئتمک و خالقی ساپ اولماغا چاغیرماقلا میللی چیخارلار اوچون ال وئریشلی جبهه یاراتماق اولماز و گله جکده یاراناجاق دورومون هانکی سونوجا وارماسینی دا گؤتور قوی ائتمک اولماز.

 

 

ایشیق سؤنمز 22.06.2009

 



[1]  تار نمای جبهه ملی ایران: بیانیه‌ی اعتراضی شماری از فعّالان اجتماعی و فرهنگی کشور: http://jmi-khabar.blogspot.com/2009/06/blog-post_08.html

[2]  باخ اورادا.

[3]  باخ اورادا.

[4]  باخ اورادا.

[5]  باخ اورادا.