دنیز ایشچی ایمضاسی ایله "خوروزون قویروغونا ایناناخ، یا ملّانین آند ایچمه سینه" آدلی یازیلمیش یازییا باخیش

 

 

سیاسی و اجتماعی قونو و موضوعلار اوزره مقاله یازارکن اوخوجو کیتله سینی نظره آلاراق دوشونجه و فیکیر یئریتمه لی ییک. کئچمیش مقاله لرده ایشاره اولوندوغو کیمی ایران ممالیکی محروسه سینده کی فارس حاکیمیتلری و میللی مسئله آچیسیندان اونلارا پوزیسیون ساییلان فارس تشکیلاتلاری نین حاکیمیت اوغروندا چکیش برکیشلری و گلجکده هر هانکی فارس مئییللی شخص و تشکیلاتلارین ایش اوستونه گلجکلرینه باخمایاراق فارسلیق مفکوره سی و حاکیمیت سیستیمینی اساس  گؤتورموش شخص و تشکیلاتلار آراسیندا فارس اولمایان ائتنیکلری اریتمک سیاستی آچیسیندان سوره و مدت نظره آلینمازسا، آق – قارا دئیه آیریم یاپماق اؤزو ده فارس مرکزیتچی سیستیمین نه اولدوغونو بیلمدیکدن ایلری گلن مسئله ساییلاجاق. بو باخیمدان "دنیز ایشچی" ایمضاسی ایله دوشونجه و فیکیر دئیه توپلوم و اجتماعیته سونولموش مقوله نین بعضی مقاملارینی گؤزدن کئچیرمگه چالیشاراق مسئله نین هانکی آشامادا اولدوغونو اورتایا قویماغا چالیشاق، اوخویوروق:

"بدون شّک سکوت مطلق (ج ف د آ) در مقابل وقایع مربوط به 13 آبان امسال، از مراحل تدارکاتی آن گرفته تا  خود تظاهرات 13 آبان و ادامه دنباله های وقایع بعد از آن نشانه استمرار همان چرخش به راست استراتژیکی آن را تشکیل میدهد که می در نوشته هایم تاکید کرده ام. تصمیم داشتم نقدهای مربوط به نوشته های اخیر خود را بی جواب بگذارم، امّا این چرخش استراتژیک دیگر که دیگر به کش و قوسهای ماه به ماهی تبدیل میشود، مرا برآن  داشت که به آنها پاسخی مختصر بنویسم. نقطه ای که منتقدین با اصرار تمام تلاش کرده اند از آن طفره بروند"[1].

دئمک، ایستر روح الله موسوی خمینی نین سورگون ائدیلمه سی گونو (13 آبان)، ایسترسه ده آمریکا بیرلشمیش شتانلاری نین ائلچیلیگی نین فارس ایسلام جمهوریتی حاکیمیتی طرفیندن باسیلماسی گونونو (13 آبان) بیر قوز دئیه اورتایا آتاراق فارس حاکیمیتی و فارس اولمایان میللیتلر مسئله سی آچیسیندان فارس پوزیسیون تشکیلاتلاری نین بیر بیرلرینه مئیدان اوخومالارینی ماهانا ائتمیش شخص و تشکیلاتلارین دوشونجه و فیکیرلرینه قاپیلاراق خالقی توتساغا و اؤلومه سوروکلمک و ایران ممالیکی محروسه سینده کی میللیتلر مسئله سی اوزره حاکیمیت ساواشی دئیه فارسلیق اساسیندا کؤلگه دوشورمک فارس راسیست، شوونیست، فاشیست شخص و تشکیلاتلارین کؤنلونجه اولان بیر گؤروش ساییلار. اوسته "دنیز ایشچی" ایمضاسی ایله اورتایا آتیلان دوشونجه و فیکیرلر ده بو دوغرولتودا دگرلندیریلمه لیدیر. دئمک، فارسچی مفکوره لره کؤمک وئرمه و بالتا ساپی اولما احتیمالی اوزره ایفاده لر اورتایا قویولدوقدا مسئله نین هانکی آشامالارا یول آچاجاغی و اولاشاجاغی نی نظره آلاراق دوشونجه و فیکیر یئریتمگه چالیشیلمیش دئیه دوشونمه لی ییک. بئله لیکله ده فارس حاکیمیتی و میللیتلر مسئله سی آچیسیندان حاکیمیته پوزیسیون ساییلان فارس تشکیلاتلاری نین قارشی دورمالارینی نظره آلاراق نه اوچون آذربایجان فئدرال دئموکرات حرکتی تشکیلاتی فارس پوزیسیون تشکیلاتلاری ایله ایش بیرلیک ائتمیر دئیه بو تشکیلات مسئوللارینی سوچلاماغا چالیشان، دوشونجه و فیکیرلرینی توپلوم و اجتماعیته دنیز ایشچی ایمضاسی ایله سونان ذات اوسته کی ایفاده لرده فارس اولمایان ائتنوسلار آچیسیندان دئییل، بیر فارس تشکیلاتچیسی کیمی اؤزونو ایفاده ائتمگه چالیشمیش گؤرونر. بوگون حزب مشروطه سلطنتی فارس، حزب پان ایرانیست، حزب جبهه میللی، حزب ملت فارس تشکیلاتلاری و اونلارا بنزر تشکیلاتلارین فارس ایستعمارچیلیغی و قاتیللیگینی بیر قورتولوشچو کیمی توتولدوغو مخمسه دن قورتارماغا چالیشماق اوزره بیر جبهه ده یئر آلماق و فارسلیق دیل و مدنیت قاتیللیگینه ساپ اولماق ساغ (باخ اوسته: چرخش به راست) ساییلار می، یوخسا احساسا قاپیلمادان مسئله نی گؤتور قوی ائده رک دوزگون میللی منلیک و کیملیک اساسیندا حرکت ائتمک می؟ گئنه ده اوخویوروق:

"سکوت مطلق (ج ف د آ) در تدارکات تظاهرات سرتا سری 13 آبان و ادامه آن حتماُ به این دلیل بو ده است که متضمن منافع مشترک نبوده است. آدم  فقط حیران میماند که در روزهایی که تب و تاب سیاسی دست کم درتهران و  بیست شهر دیگر بازتاب پیدا میکند، وب سایتهای (ج ف د آ) در سکوت مطلق، به پخش اخباری از قبیل (یک خواننده فرانسوی ترانه عاشقها را میخواند) و اخبار مشابه رتگین میشود"[2].

اوسته دنیز ایشچی ایمضاسی ایله تاپا تاپ سالماغا چالیشان ذات هانکی اورتاق چیخارلاردان "منافع مشترک" صبحت ائدیر مسئله سی اؤزو ده دوشوندوروجودور. بیلیندیگی کیمی فارس حاکیمیتی نین آغیرلادیغی گونلری، او جمله دن 13 آبان و باشقا گونلر دئیه اونلاری بیر یئلک (بادکنک) کیمی اورتایا آتاراق فارس پوزیسیون قووه لری بوگونلری آغیرلار و فارس حاکیمیتینی سوللاماغا چالیشار، اؤزلری نین دئدیکلرینه اساساً حاکیمیت یاراتدیغی فورصتدن اؤز چیخارلاری دوغرولتوسوندا فایدالانار و ایران ممالیکی محروسه سینده میللیتلر مسئله سینی گؤرمزدن گلرکن اونلارین بو داورانیش و حرکتلرینه اویونچاق اولمانین هانکی سونوجا واراجاغی و چاتاجاغی بری باشدان بللی بیر گؤرونوم ساییلمالیدیر. بئلنچی بیر دورومدا خالق کیتله سی حاضیر اولمادان یویولمامیش چیرکین بیر قاشیق کیمی خالق کیتله سینی مئیدانا سوروکلمگه چالیشماق هر هانکی بیر سیاسی تشکیلات اوچون ده سیاسی اؤلوم ساییلار. دنیز ایشچی ایمضاسی ایله یازیلمیش یازدا گئنه ده اوخویوروق:

"..  بر اساس تحلیل شما عدم حمایت قاطع و مطلق (ج ف د آ) از خیزش مردمی مربوط به 13 آبان ( نه سازمانهای سیاسی دیگر) به مفهوم نبود منافع مشترک با این خیزش میباشد که طبق متدولوژی آنالیز شما چون خیزش اخیر بصورت خالص (ترک و عرب و کرد و بلوچ) نیست، فقط میتواند متعّلق به ملّت فارس باشد. برای یک سازمان سیاسی که در یک محیط جغرافیایی فعالّیت و مبارزه میکند سکوت مفهومی ندارد و در مضمون خودش یک موضعگیری میباتشد. سکوت سیاسی به مفهوم عدم حمایت از مبارزه جناح مظلوم و تایید سرکوب جناح حاکم میباشد. بلی راست شنیدید، سکوت یعنی قرار گرفتن در کنار جناح سرکوبگرها که اینجا "کودتاچیهای احمدی نژاد خامنه ای " میباشند"[3].

دنیز ایشچی اوسته کی گؤروشلری اورتایا آتماقدا یالنیز دئییل،  "آرش کمانگیر"ین الینه اسفندیارین گؤزونو چیخارماغ اوچون اوخ (کمان) وئرمگه چالیشان مجاهدین خلق تشکیلاتی نین باشچیلاری دا بو تیپلی گؤروشلر اورتایا سورمکده چوخلو تجروبه لر الده ائتمیشلر. اونلار بیر زامانلار حاکیمیتی اله کئچیرمک اوچون عراق توپراقلاریندان  "مهران – تهران" دئیه باغیریردیلارسا، صدام حسین نین یئنیلمه سی ایله آمریکا بیرلشمیش شتاتلاری گوجلری واسیطه سی ایله یاراقسیزلاشدیریلدیقدان (سلاحسیزلاشدیریلدیقدان) سونرا زامان گئدیشی ایله فارس حاکیمیتی نین ایصلاحاً ایصلاحاتچی قانادی واسیطه سی ایله حاکیمیتی دئور آلماق خیالینا قاپیلمیش گؤرونرلر. اوسته لیک مجاهدین خلق ایران دئیه، فارسچی مجاهیدلر تورک ائتنیگیندن دوشونجه و فیکیر توتساغی ائتمیشلره بیله اؤز دیللرینده دانیشما ایمکانی وئرمه دیکلری گلمیش خبرلر آراسیندا یئر آلماقدادیر[4]. بئله لیکله ده، دنیز ایشچی ذات عالی نین اورتاق چیخار "منافع مشترک" دئدیگی ایفاده فارسلیق مفکوره سینه اساسلانمایش بیر ایستعمارچیلیق مقوله سی ساییلار. فارسلیق مفکوره سینه اساساً فرانسه ده 1789 اونجو ایلدن باشلایاراق باشقا دیل و مدنیتلری اریده رک یوخ ائتدیکلری[5] کیمی ایران ممالیکی محروسه سینده ده پان ایرانیست مکتبی نین تملینی قویان محمود افشار یزدی تئوریزه ائتدیگی بیر دیل و بیر مدنیت حاکیمیتی و  سیاستی اولمالیدیر دئیه باشقا دیل و مدنیتلری فارسلیق دالانی نین کؤلگه سی آلتینا آلاراق اونوتقانلیغا تاپشیرماق[6] سیاستی اؤزلرینی "سراسری، یوخسا فارس اثری" دئیه فارسچی شخص و تشکیلاتلار واسیطه سی ایله داوام ائده جک سیاست ساییلار. دنیز ایشچی ایمضاسی ایله یازیلمیش یازیدا گئنه ده اوخویوروق:

"... خواهید گفت" خیزش 13 آبان در تهران و انعکاس آن در بیست شهر دیگر جنگ بین خود فارسها است و به ماها مربوط نیست". حتماُ در تلویزیون هم وقتی پسران و دختران جوان را مزدوران با باطوم میزدند، اوّل از انها میپرسیدند که "فارس هستند یا ترک" و بعداُ آنها را میزدند.تلویزیون را خاموش میکردند که "به ما مربوط نیست. عمق فاجعه اینجاست که چنین موضعگیری انسان را به نقطه ای میکشاند که نسبت به سرکوب انسانهای دیگر بخاطر طلب حقوق طبیعیشان بیتفاوت میکند. انسان را از خصلتهای انسانی عاری میکند.تبدیل میکند به یک موجود خنثی که از خصلتهای انسانی عاری میشود"[7].

اوسته کی عیبارتلری بشر حاقلاری دئیه سرگیلمگه چالیشان ذاتلار، فارس حاکمیتی طرفیندن یاشیل آدی آلان باشچیلارین عبالاری نین آلتینا بارینمیش حزب پان ایرانیست، حزب ملت، نهضت آزادی و اونون قوماشلاری، حزب جبهه ملی راسیست، حزب مشروطه سلطنتی فارس و باشقا فارسچی تشکیلاتلاری ایران ممالیکی محروسه سینده کی میللیتلر مسئله سی آچیسیندان دمکرات قوروم و تشکیلات دئیه نظره آلمیش گؤرونرلر. میللیتلر مسئله سی آچیسیندان بو آدی چکیلن قوروم و تشکیلاتلارین فارس مئییللی، بعضی دوروملاردا راسیست اولدوقلارینی نظره آلارساق، اوسته کی عیبارتلری گؤز بویاماق اوچون آذربایجان اجتماعیتینه سرگیلمک هئچ ده یاخشی و خوشا گلیملی گؤرونمز. دئمک، اوغلان ائوینده بشر حاقلاری دئیه هئچ بیر سوراغ و خبر یوخ ایکن قیز ائوینده طوی توتماق، اله خینا یاخماق، گؤبک آتماق، یئنگه اولماق، باشلیق پولو آلماق، قاپی نین دالینا دوشمک،  آتیلان آلمانی توتماق، گل ده گؤره سن داها نه لر و نه لر!!!. دئمک، مسئله یالنیز فارس وتورک مسئله سی ده دئییل، مسئله بشر حاقلاری و هر توپلوم و میللتین اؤز گلجه گینی اؤزو بلیرلمک حاقی نین تانینماسی مسئله سی دیر. دئمک، فارس تمامیتچیلیگینی اساس گؤتوره رک فارس حاکیمیت مهره لری نین یئرینی دگیشمک سؤز قونوسو دئییل، ییرمی بیرینجی عصیرده اسارتدن قورتارماق و انسان کیمی یاشاماق سؤز قونوسودور. فارسلیق مفکوره سینه توتساق اولانلار ایسه، بوگون ظاهیرده انسانلیق اوغروندا ساواش آپاریریق دئیه اؤزلرینی آلداتسالار دا، صاباح باشی کسیله جک بیر قوزو کیمی بع بع ائتمکدن باشقا اللریندن هئچ نه گلمه یه جک دئیه بو ائتدیکلری یانلیش عمللری نین جریمه سینی اؤده ملی اولاجاقلارینی بری باشدان دوشونمه لیدیرلر. دئمک، نه تؤکولسه آشا، او دا چیخار قاشیغا!! بوگون ایران ممالیکی محروسه سینی چوخ ائتنیکلی بیر ممالیکی محروسه دئیه قبول ائتمگن ذاتلارین الینه اختیار وئرمک، اونلاری حاکیمیته، ایش اوستونه گتیرمک اوچون سفربر اولان ذاتلار، صباح کرتنکله و "سوسمار" کیمی فیشفیراق صاباحی اولاجاقلاری دورومو قبول ائتمه لیدیرلر. دئمک، بوگون ظاهیرده انسانلیق گؤرونومونده اولان بعضی دورانیشلار، صاباح ایکینجی بیر حئیوانلیق معامیله سینه یول آچاجاق حرکتین سونوج و نتیجه سینی خاطیرلاتمیش اولاجاق. دنیز ایشچی هدایت سلطانزاده ذات عالی نین دانیشیغینی اساس آلاراق یازیر:

"بیایید سکوت مطلق فعلی رل با نوشتار یکی دو ماه گذشته جناب هدایت سلطانزاده مقایسه بکنید، تا عمق چرخش را ببینید. ایشان طی یکی از مصاحبه های مطبوعاتی خود با "کانون دموکراسی آذربایجان" در باره تظاهرات 22 خرداد 1388 تهران چنین میگویند."مگر ما بیرون از کشوری بنام ایران و دولت ایران زندگی میکنیم که حوادث تهران یعنی پایتخت دولتی که بر ما حکومت میکند به ما مربوط نباشد؟از این گذشته، مگر ما مدعّی نیستیم که بیشتر از جمعیّت چند شهر آذربایجان ترکهای آذربایجانی در تهران زندگی میکنند؟ چگونه است که حاضریم آنها را در زیر ضرب سرکوب تنها بگداریم. مگر آنها جزئی از ما نیستند؟ بلی آقای شاملی، این است برخوردی که من ازش صحبت وحمایت میکنم که زمین تا آسمان با صحبتهای غضب آلود شما نسبت به ملّت فارس و نمایندگان سیاسی آنها فاصله دارد. این برخورد کاملاُ نقطه مقابل برخورد اخیر (ج ف د آ) نسبت به مساله 13 آبان میباشد"[8].

آذربایجان فئدرال دئمکرات حرکتی تشکیلات نین اوچونچو قورولتاییندا یاشیللاری دگرلندیرمه لری و تله سیک آلدیقلاری قراری نظره آلاراق هدایت سلطانزاده ذات عالینی بئله محجوب دوروما دوشدوگونو نظره آلاراق او گؤروشلر اوزره الشدیری یاپماق و تنقید ائتمک داها دوزگون اولار دئیه دوشونمه لی ییک. زامانیندا بو قلم صاباحی بو دوغرولتودا اؤز نظرلرینی بیلدیرمیش[9]. آنجاق اوچورومدان گئری دؤنمک مسئله سینی بیر جنایی مسئله کیمی قابارتماغا چالیشماق دنیز ایشچی ذات عالی نین دوردوغو یئردن حئکایت ائدر. او دا فارسلیق مفکوره سینه قاپیلمیش بیر کؤله لیک ساییلار. دئمک، آذربایجان فئدرال دئمکرات حرکتی تشکیلاتی بوگونکو داورانیشلارینی گونون سیاستینه اویقونلاشدیرماغا چالیشارسا، یئری گلدیکده کئچمیش یالنیش آلدیغی قرارلاری تنقید ائتمه لی و بیرداها تله سیک قرار آلمامالیدیر دئیه دوشونمه لی و اونلارا بو دوغرولتودا دوشونمک اوچون شانس تانیمالی ییق. ترس دورومدا بیر بیرلرینی قارالاماق و مئیداندان چیخارماغا چالیشماقلا هئچ بیر دوغرو و دوزگون ایش گؤرمک اولماز دئیه دوشونمه لی ییک.  دنیز ایشچی ایمضاسی ایله یازیلمیش یازیدا گئنه ده اوخویوروق:

"نقطه فرعی که من راجع به آن صحبت کردم مربوط میشود به سازمانهای سیاسی سرتاسری که من یکی دو جا از بعضی از آنها مثل جنبش فدائیان و مجاهدین فراملّیتی خوانده بودم. آقای شاملی تقریباُ تمام مقاله خود را وقف اثبات این مساله کرده اند که همه این سازمانها سازمانهای متعلّق به ملّت فارس هستند. ایشان پا را از این هم فراتر میگذارند و همه سازمانهای صنفی سر تا سری را هم متعّلق به "ملّت" فارس میدانند. ایشان معتقدند که "ملیّتهای دیگر" باید سازمانهای مشابه موازی اینها را تشکیل بدهند. اقای شاملی با این شرط و شروط سفت و سختی که برای برفرار کردن (بهتر است بگوئیم نکردن) ارتباطات با سازمانهای سیاسی سرتاسری که میتوانند متحّدین  طبیعی ما باشند، در تغییر قدرت سیاسی در ایران (البّته با استراتژی جدید، اگر خواهان تغییر قدرت سیاسی باشند) خود را در یک نقطه کوری گیر انداخته و در بهترین حالت به بی عملی و در واقع به دگماتیسم سیاسی دچار کرده اند و در بن بست سیاسی گیر انداخته اند"[10].

اوسته گؤروندوگو کیمی ایرانچیلیق (اوخو: فارسچیلیق)  حئیرانی اولموش مؤللیف ایران ممالیکی محروسه سینده کی هر هانکی بیر قوروم و تشکیلاتین فارس دیل و مدنیتی اساسیندا  رسمی اولماسینی دئییل، یالنیز اونلاری ایران قوروم و تشکیلاتلاری اولدوقلاری اوچون قبول ائدر و عوامفریبلیک ائتمگه چالیشار. بئله لیکله ده بوگون آذربایجانین اوجقار داغلاری نین باشیندا بیله اون و اون بئش ائولی کندلرده ده فارس ایداره اورگانلاری طرفیندن فارس ایستعمارچیلیق سیاستی اویقولاماقلا آذربایجان کندلیلری نی اؤز دیل و مدنیتلریندن اوزاقلاشدیرما و فارس راسیستلیق سیاستینه تابع توتماق کؤلگه آلتینا آلیناراق گیزلدیلمیش اولار. کئچمیش یازیدا ایشاره اولدوندوغو کیمی یئری گلرسه، فارس میللتینه منصوب اولان تشکیلاتلار ساییندا و حتی داها آرتیق فارس اولمایان میللیتلرین تشکیلاتلاری نین اولماسی اولدوقجا دوغال و طبیعیدیر[11]. دئمک، بو مسئله ده سایین یونس شاملو یانلیز دئییل، فارس ایستعمارچیلینی سئزمیش و لمس ائتمیش بوتون فارس اولمایان میللت اوولادلاری بو مسئله نین قاچینماز و حیاتی بیر مسئله اولدوغونو درک ائتمیش ساییلارلار. یانلیز فارسلیق مفکوره سی کؤله لیگینه توتولموش توتساقلار، مسئله نین هانکی آشامادا آخین ائتدیگینی درک ائتمدیکلری اوچون بو میللیتلر اوچون محللی تشکیلات دئیه اؤزلری اوچون ال آلتی و اویونجاق یونتاماغا چالیشارلار[12]. ائله اوندان یانا دا ایلک توتساقلار آزاد ائدیلمه لی، سونرا دئمکراسی مسئله سی هر توپلوم ایچره، او توپلومون دیل و مدنیتینی اساسیندا سؤز قونوسو اولمالیدیر. دئمک، ایستعمار آلتیندا اولان میللت اوولادلاری نین فارس ایستعمارچیلیق آغاجی نین زهرلی یوخلوغا آپاریجی بوتاقلاریندا دمکراسی آختاریشیندا اولدوقلاری سارساخلیق ساییلار. دنیز ایشچی ایمضاسی ایله یازیلمیش یازیدان اوخویوروق:

"... قبل از هر چیزی به این مساله کوچک اشاره بکنم که همانطور که در شکلگیری، تداوم مبارزاتی این سازمانها دفاع از حقوق خلقها بخش جدائی ناپذیر ماهیّت این سازمانها را تشکیل میداد. نه تنها بخش عمده تشکیل دهندگان آنها را رزمندگان ترک و کرد و عرب و غیره با همان ماهیّت ملّی خود بودند. در کوهنودیهای سر تاسری دانشجویان دانشگاهها که سمپاتهای این سازمانها بودند که تعداد آنها به هزاران میزد، اگر یک آهنگ فارسی خوانده میشد، در کنار آن همه با هم یک آهنگ ترکی و سپس لری و غیره میخواندند. صدای آهنگهای رزمی "دکتور شوان" از کتابفروشیهای جلو دانشگاه تهران قطع نمیشد.  همه با حفظ هویّت ملّی خود در کنار هم مبارزه میکردند. آنموقع نه "پان ایرانیسم" به این حّد در حال رشد بود و نه مبارزات هویّت خواهانه ملّیتها"[13].

اوسته کی دوشونجه و فیکیرلری اورتایا قویماقدا دنیز ایشچی ذات عالی ناغیل دئمگه چالیشار می، یوخسا عوامفریبلیک ائدرمی؟ دئمک، کئچمیشده ایران ممالیکی محروسه سینده فارس ایستعمارچیلیق سیستیمی دئییل، "دیکتاتور" بیر حاکیمیت وار دئیه فارس ایستعمارچی قووه لری بیر چوخ فارس اولمایان ائتنیکلرین آزاد روحلو اوغول و قیزلارینی فارس تشکیلاتلاری سیرالارینا قوشماق ایله اونلاری اؤز میللی و انسانی ساواشلاریندان یاییندیراراق اونلاری بیر کؤله دورومونا دوشورمگه چالیشمیشلار. بئله لیکله ده فارس دیل و مدنیت کؤله لیگینه توتولموش کؤله لر، کؤله اولدوقلارینی و  توتولدوقلاری دورومو باشا دوشمدیکلری اوچون جان و باشلا فارس دیل و مدنیتینه خیدمت ائتمگه باشلامیشلار. اونلار عضو و یانچی اولدوقلاری فارس ایدئولوژیک تشکیلاتلاردان راضی اولمادیقلاریندا بیله آدی چکیلن فارس تشکیلاتیندان آیریلاراق اؤز میللی کیملیکلری اساسیندا دئییل، باشقا یئنی و دینامیک بیر فارس تشکیلاتینی یاراتمانی اؤزلرینه بیر میللی (!!!) و انسانی بورج حئساب ائتمیشلر[14]. دئمک، اونلاری آلدانمیش کواکیبلر آدلاندیرماق داها دا دوزگون اولار دئیه دوشونمه لی ییک. بوگون سول و ساغچی دئیه فارس تشکیلاتلاریندا پادوچولوق ائدنلرین بیر چوخو  دا ائله دنیز ایشچی ایشاره ائتدیگی تشکیلاتلارا آلداناراق قاتیلمیش کؤله لرین قالیقلاری ساییلار. کؤله اولموشلارین بیر چوخ عضولری اؤز ائولرینده بیله منصوب اولدوقلاری تشکیلاتا خاطیر اؤز اوشاقلاری ایله ده اؤز آنا دیللرینده دئییل، فارس دیلینده دانیشیق آپارمانی اؤزلری اوچون بیر میللی و مدنی اولما کیمی قلمه آلارلار. بو فاکتلاری نظره آلار و اونلارین گئرچک اولدوقلارینی قبول ائدرسک،  فارسلیق اساسیندا فارس اولمایانلارین میللی کیملیگی قورونموش "حفظ هویت ملی" دئیه عوامفریبلیک ائتمک چابالاری تاریخین چؤپلوگونه آتیلمیش بیر مقوله ساییلار.

پان ایرانیست مقوله سینه گلدیکده مؤللیف اوسته دولاییلی ایشاره ائتدیگی فارس تشکیلاتلاری (سازمان مجاهدین خلق و سازمان چریکهای فداییان خلق) قورولمادان داها دا اؤنجه محمود افشار یزدی پان ایرانیست ایدئولوژیسینی تئوریزه ائده رک بو ایدئولوژی اساسیندا یارانمیش فارس راسیست تشکیلاتلاری (سومکا، آریا و پان ایرانیست)  حتی فارس مفکوره لی سولچو تشکیلات عضولرینه بیله دیوان توتماغا باشلامیشلار[15]. آذرخشین یازدیغینا گؤره بو اووباشلار او زامان “سومکا”،” آریا” و “پان ایرانیست” قوروپولارینا باغلی اولاراق ۱۳۳۱ ایلینده جاوید شاه دئیه دئیه هر گون آخشام تهرانین شاه آباد خیابانیندان نادری خیابانینا طرف گلرمیشلر. اونلارین آرخاسینجا دا بیر ماشین حاکیمیت پولیسی اونلاری مشایعت ائدرمیش. داریوش فروهر بیر قازئتچینی تهرانین هدایت مسجیدی نین قاباغیندا “جوانان دموکرات” درگیسی ساتدیغی اوچون دشنه ایله وورموش. اینقلابدان سونرا غ. آذرخش داریوش فروهره یاخینلاشاراق “آقای داریوش فروهر یادتان هست که در مقابل مسجد هدایت آن روزنامه فروش را با دشنه زدی؟ - داریوش فروهر : الان هم میزنم” دئیه جاواب وئرمیش[16]. دئمک، فارس راسیست و فاشیست تشکیلاتلاری نین کئچمیشده قاباریق بیچیمده ماهیتلری نین تانینمادیغی و آچیقلیغا قاویشمادیغی بو آدی کئچن تشکیلاتلارین اولمادیغی، یوخسا یوخلوغو و ظعیف اولمالاری دئییل، فارس اولمایان ائتنوسلاری یوخودا ساخلاتماق، یئری گلرکن  ایران ممالیکی محروسه سینده کی تورک ائتنیکی نین اؤزللیکله گونئی آذربایجانلیلارین میللی منلیک و کیملیکلرینی باسدیرماق اوچون فارس راسیست و فاشیست تشکیلاری نین یئری و عوضینه "پان ترکیست" مقوله سینی قابارتماغا چالیشمیشلار. فارسلیق مقوله سینه قارشین تورکلوک مقوله سیندن منفی گؤرونوملر و منظره لر یاراتمالار فارس ایستعمارچی گوجلرینه اؤز یئمیش و میوه سینی وئرمیش ساییلار. تورکلوک علیهینه بیر چوخ زامانلار هیستریک یاناشمالارین اورتایا آتیلماسی بو دئدیکلریمیزی وورقولاماقدادیر.

 

قایناقلار:



[1]           دنیز ایشچی، خوروزون قویروغونا ایناناخ، یا ملّانین آند ایچمه سینه، 7 نوامبر 2009:

http://www.solgunaz.com/Articles/deniz_Ishchi_10.htm

[2]           باخ اورادا.

[3]           باخ اورادا.

[4]           میر باقر صداقی، شونیسم و نژاد پرستی ماهیت تفکیک ناشده و سازمان مجاهدین خلق ایران: http://diranish.org/farsi/index.php?option=com_content&task=view&id=418&Itemid=2

[5]           ایشیق سؤنمز، ایستعمار گؤروشونو یایماغا قاپیلماق می، یوخسا آزادلیق و برابرلیک اوزره دوشونجه یئریتمک می؟: http://www.azadtribun.net/x19906.htm، و ایشیق سؤنمز، دنیز ایشچی ایمضاسی ایله "ایسته دی قاش قویا، ووردو گؤزون چیخارتدی" باشلیغی ایله یازیلمیش یازییا باخیش!: http://www.azadtribun.net/x19918.htm

[6]           هوشنگ طالع، سرچشمه‌ي‌ انديشه‌ي‌ پان‌ ايرانيسم‌ (پان‌ ايرانيزم‌): http://paniranist.org/maktab.htm

[7]           دنیز ایشچی، اورادا.

[8]           دنیز ایشچی، باخ اورادا.

[9]           ایشیق سؤنمز، آذربایجان فئدرال دئموکرات حرکتی تشکیلاتی نین آذربایجان میللی حرکتی اوزره دونیا اجتماعینه یایدیغی سندینه باخیش!: http://www.azadtribun.net/x19847.htm، ایشیق سؤنمز، ایران ممالیکی محروسه سینده فئدرال بیر سیستیم کیم ایله، هانکی اساسدا؟: http://www.azadtribun.net/x19866.htm

[10]          دنیز ایشچی، اورادا.

[11]           ایشیق سؤنمز، دنیز ایشچی ایمضاسی ایله "ایسته دی قاش قویا، ووردو گؤزون چیخارتدی" باشلیغی ایله یازیلمیش یازییا باخیش!: http://www.azadtribun.net/x19918.htm

[12]             کنگره سازمان فداییان خلق ایران اکثریت، 2005،  بند: 6-3) ما حق جريان های ملی در ايجاد تشکل های فرهنگی و سياسی محلی را محترم می داريم و همزمان هر انديشه و اقدامی که بخواهد سياست و برنامه در ايران را صرفاً با معيارهای ملی تعيين کند، به نقد می کشيم. باخ: ایشیق سؤنمز، فارس تشکیلاتی سازمان فداییان خلق ایران (اکثریت) و آذربایجان میللت مسئله سی!: http://www.azadtribun.net/1095.htm

[13]          دنیز ایشچی، اورادا.

[14]          تورک ائتنیگیندن اولان حنیف نژاد و دوستلاری نهضت آزادی فارس تشکیلاتیندان آیریلاراق "سازمان مجاهدین خلق" و گئنه ده تورک ائتنیگیندن اولان بیژن جزنی (ایلک حزب توده فارس یانچیسی اولموش) یولداشلاری ایله "سازمان چریکهای فدایی خلق" تشکیلاتلاری نین قوروجوسو اولموش. اونلار فارسچی تشکیلاتلاردا فارسلیق ادبیاتی و تاریخی ایله یوغرولدوقلاری، فارسلیق دیل و مدنیتینی اساس گؤتوردوکلری اوچون اونلاردا تورک دیل و مدنیت آنلاییشی اولمامیش.  حتی میللی روحیه ایله بؤیوموش و شاعیرلیک ائدن علیرضا نابدل آدی چکیلن فارس تشکیلاتینا قوشولماقلا میللی روحیه دن اوزاقلاشماغا چالیشمیش. سونوج اعتیباری ایله بوگون بو تیپلی شخص و  تشکیلاتلارین هامیسی فارسلیق مفکوره سی نین خیدمتینده ساییلارلار.

[15]          ایشیق سؤنمز، فارس نئوفاشیستلری و داریوش همایون: http://www.achiq.org/yazi/sonmez%20fars.htm

[16]             آذرخش، “سبدچی حسن”، باسین یئری: Würzburg/ Germany ، ۱۹۹۸

 

 

 

 

ایشیق سؤنمز، 12.11.2009