اوچوروما سوروکلنن لری دوشمگه زورلاماق ایستگنلرین حئکایه سی

 

کئچمیش یازیلاردا ایشاره اولوندوغو کیمی ایران ممالیکی محروسه سینده کی فارس اولمایان ائتنوسلار، یالنیز دینی سیاسته اویونجاق ائتمیش حاکیمیت دیکتاتورلوغونا معروض دئییل، اونلار فارس حاکیمیت سیستیمی نین اویوق ایستعمارینا (شبح ایستعمارا Pseudo-Kolonialismus) تابع توتولموشلار[1]. بو مسئله نی دیکتاتورلوق مقوله سی ایله دگیشیک گؤسترمگه چالیشانلار آذربایجان میللی فعاللارینا آدرئسی یانلیش گؤسترمگه، بئله لیکله ده اؤزلری فرقیندا اولماساز سا دا، مخالیفتده اولان فارس ایستعمار یؤنلو گوجلری توتولدوقلاری مهلکه دن آزاد ائتمگه و فارس ایستعمارچیلیغینا برائت قازاندیرماغا چالیشارلار.

 

اویوق ایستعمار (شبح ایستعمار) نه دئمکدیر؟

 

اویوق ایستعمارچیلیغا (Pseudo-Kolonialismus) اساساً حاکیم قووه هر هانکی بیر دیل و مدنیتی باشقا توپلوملارا، میللی و مدنی کیملیک دئیه آشیلار (تزریق ائدر) و تحمیل ائدر، سونرا بو باسقیلارا معروض قالان توپلوملار تحمیق اولدوقدان سونرا اونلاری اؤز ایستعمار سیاستینه تابع توتار. اویوق ایستعمار، اؤز حاکیمیتی آلتیندا اولان خالقلارین دیل و مدنیتلرینی یاساق ائتمکله بو دیل و مدنیت صاحابلارینی اریتمه سیاستینه تابع توتاراق حاکیم اولدوغو مملکتی تک ائتنیکلی (monogen) گؤسترمگه چالیشاراق یئرلی دیللری اؤزگه (بیگانه) تانیتماق سیاستینی، ایچ سیاستی نین گونلوک قونو و موضوعسو ائدر. فارس اولمایان دیل و مدنیتلره قارشین بئلنچی یاناشما ایستر پهلوی سلاله سی، ایسترسه ده بوگونکو ایسلام آدینا حاکیمیت ائدن فارس ایستعمار حاکیمیتی دؤنمینده کئچرلی ساییلار.

دئمک آذربایجان تورکو اؤز دیل و مدنیتدن بوشالدیقدان و فارسلیق مفکوره سینی میللی کیملیک دئیه قبول ائتدیکدن سونرا فارس حاکیمیت اورقانلاریندا پوست و مقام آلماق اوچون اونا هر هانکی بیر سیخینتی و چتینلیک اولماز گؤرونر. اوسته لیک بو تحمیق اولموشلار دا آریالی قلمه آلیناراق ظاهیرده "آریا نژادی برتر" راسیستلیک و فاشیستلیک مقوله سی و آیری سئچکیلیگی ده آدی کئچن قوروپ اوچون آرادان قالخمیش ساییلار.  ائله اوندان یانا دا میللی منلیگی و کیملیگی آریا تئرورچولوغو و فارس مدنیت راسیستلیگینه معروض قالمیش بیر چوخ آذربایجان تورکو کئچمیش 85 ایلده ایران ممالیکی محروسه سی نین فارس حاکیمیت اورقانلاریندا بؤیوک مقاملارا چاتمیش گؤرونر. بو گؤرونوم یالنیز پهلوی سلاله سی حاکیمیت داییره لرینده دئییل، بوگونکو فارس ایسلام جمهوریتی حاکیمیت داییره لری اوچون ده کئچرلی ساییلار.

اوسته کی گؤرونوم چؤرگی گونون دگر و قیمتینه یئمگه چالیشان و فارس حاکیمیت داییره لرینده پوست آلماغا یاریشما و مسابقه ده اولانلارین دورومونو سرگیلمکدَدیر. فارس حاکیمیتینه مخالیف فارس تشکیلاتلاریندا دا بو مسئله اؤز کئچرلیگینی قوروموش دئسک، یانیلمامیشیق. کئچمیش 85 ایلده ایران ممالیکی محروسه سینده فارس دیل و مدنیتینی اساس گؤتورموش فارس محفللری و تشکیلاتلارینا باشچی تعیین ائدیلمیش ذاتلارین یوزده یئتمیشی آذربایجان تورکلریدیر دئسک، یانیلمامیشیق. فارس ایستعماری قووه لری فارس اولمایان اجتماعیتی تحمیق ائتمک اوچون بو ذاتلاری بیر اوشاق آلداتما آراچ و وسیله سی کیمی گؤز اؤنونه سرگیله یه رک "فارس محفیللری"نی "ایران سراسری" دئیه گؤسترمگه چالیشدیقلارینا باخمایاراق بو محفللر فارس دیل و مدنیتی نی اساس گؤتوردوکلری اوچون فارس محفلی ساییلار.

بئله لیکله ده فارس تشکیلاتلاریندا اؤزلرینی "برو بیا" سؤز صاحیبی حئساب ائدن توتساقلار (اسیرلر) و  آراچلار اؤزلری توتساق اولدوقلارینی نظره آلمایاراق "آغاجان" رولونو اویناماغا چالیشارلار. یئری گلمیشکن بو ذات اقدسلردن دنیز ایشچی ایمضاسی ایله گؤروشلرینی اجتماعیته تقدیم ائدن ذات عالی نین گؤروشلری ایله تانیش اولاق، اوخویوروق:

"سوالی که مرا ماهها حیران کرده است و هنوز هم مات و مبهوت نگه داشته است، این است که علیرغم نوشته ها و سخنرانیهای آنها، چرا رهبران "فدرال دموکراتهای آذربایجان" همچنان موقعی که باید عمل کنند، سکوت میکنند. سکوت آنها در تظاهرات میلیونی مردم در 13 آبان با سکوتشان در تظاهرات خونین مردم در روز عاشورا ادامه پیدا کرد. امروز که یک روز بیشتر به تظاهرات سی و یکمین سالگرد انقلاب 22 بهمن 57 باقی نمانده است، به این سکوت  همچنان ادامه داده میشود"[2].

آذربایجان فئدرال دئموکرات حرکتی آدینا یازیلمیش یازیلاری و اولونموش چیخیشلاری نظره آلدیقدا دنیز ایشچی ایمضاسی ایله دابان یاغلاماغا چالیشان ذاتین گئرچکچی اولمادیغینی و گئرچکلری گؤرمک ایستمدیگی قناعتینه گلمک اولار. بیلیندیگی اؤزلرینی آذربایجان فئدرال دئموکرات حرکتی آدلاندیران تشکیلات آد باخیمیندان بؤیوک آدی یئدک چکمه سینه باخمایاراق تشکیلات باخیمیندان گنج و سای باخیمیندان بیر محفل ساییلار. بو تشکیلاتی بوگونکو ایران ممالیکی محروسه سینده کی باش وئره جک حرکتلرده بیر دؤنوم یارادابیله جک بیر گوج کیمی قلمه آلماق اؤزو ده فارس تشکیلاتلاریندا توتساق اولموش ذاتلارین تشکیلاتلاری نین دولاییلی اولاراق گلجکده افلاسا اوغرایاجاغیندان قورخویا دوشدوکلرینی اورتایا قویموش گؤرونر. بیلیندیگی کیمی بو تشکیلات کئچمیش قورولتاییندا توتدوغو تصمیمه اساساَ بیر داها "کنگره ملتهای ایران فدرال" آدلی ییغینا عضو اولماق قرارینا گلمیش[3]، سونرا بو ییغین ایله اورتاق قورولتای کئچیرمیش[4] و بو ییغین عضولری نین بیری اولاراق اؤزلرینی یاشیل حرکتی یانچیسی آدلاندیران سوئده کی فارس تشکیلاتلارینی 22 بهمن اینقلابی نین ایل دؤنومونده دستکله میش، اوخویوروق:

"واحد كشوري سوئد "كنگره مليتهاي ايران فدرال"  نيز بطور مشخص از تظاهرات اعلام شده از سوي "جمعیت پشتیبانی از مبارزات مردم ایران" به تاريخ 11 فوريه 2010 اعلام حمايت مي­كند"[5].

اوسته لیک آدی چکیلن تشکیلات بو یوروش و تظاهراتا قاتیلاراق فارس تشکیلاتلاری ایله بیرلیکده"ای ایران، ای مرز پر گهر" شعارینی وئرمگی ده اجتماعیته یانسیتمیش[6]. آذربایجان فئدرال دئموکرات حرکتی تشکیلاتی عضولری نین کئچمیش سابقه لرینی نظره آلاراق بیر داها گئریلمه سی و فارسلیق باتلاغینا دوغرو قایماسی گؤروندوگو کیمی دنیز ایشچیلرین اورگینی سویوتموش دئییل. دنیز ایشچی گئنه ده یازیر:

".. نا انصافی است اگر به این واقعّیت اشاره نشود که مواضع این جنبش نسبت به چند ماه پیش شفاّفتر، واقعبینانه تر و مسئولانه تر شده است.این مواضع بر مبنای حقوق بین المللی انسانی و موازین دموکراسی همسوتر با مبارزات عموم دموکراتیک مردم در جهت (بقول خود دوستان) "عقب زدن سیستم ترور و کشتار ولایی استبدادی"  قرار گرفته است"[7].

اوسته کی گؤروشه اساساً فارس ایستعمارچیلیغی اساسیندا اولان هر هانکی بیر سیاسی گؤز بویاما حرکتی انسان سئورلیک و میللتلر آراسی حاق و حقوق نورمالارینا اساسلانان و دئموکراسی مقوله سینه اویقون و دئموکراتیک بیر حرکت کیمی نظرده آلینار، بونون ترسینه اؤز میللی کیملیگی و منلیگی نی نظره آلاراق حرکت ائتمک بؤلگه چیلیک و دئموکراسی مقوله سی و عموم خالق (اوخو: فارس محفل و تشکیلاتلاری) ایستیگینه قارشین دئیه خبر بایکوتونا اوغراماغا محکوم ساییلار. ائله بو اساسدا دا دابان یاغلاماق و صابونلاماق فارسلیق مفکوره سینه توتساق اولموش ذاتلارین کؤنلونو اوخشامیش گؤرونر. دنیز ایشچی گئنه ده یازیر:

"مصاحبه های سخنگویان این جنبش و نوشتارهای مسئولین "عموماُ" نسبت به چند ماه گذشته شاهد عمیقتر شدن بار حقوق بشری و دموکراتیک این مواضع میباشد، ولی این سیر حرکت هنوز در پراتیک مبارزات روزمره به آن درجه از ارتقاء نرسیده است که سیر سکوتهای متوالی را بشکند. هنوز که هنوز است این دوستان ما، روزی که باید آستین بالا زده وارد گود بشوند، در بهت و حیرت سکوت فرو رفته اند"[8].

بشر حاقلاری سرحد تانیماز اولدوغونا باخمایاراق فارس ایستعمار مفکوره سینه توتساق اولموشلار بو مسئله نی فارس تشکیلاتلاری نین گؤزلوکلری ایله یوروملاماغا چالیشاراق سونوج اعتیباری ایله بو مسئله نی فارسلیق دوغرولتوسوندا یوروتمگه چالیشارلار. یوخاریدا ایشاره اولدوغو کیمی آذربایجان فئدرال دئموکرات تشکیلاتی گنج و گوجلری قیسیتلی اولدوغو اوچون بوگون بو تشکیلات فارس ایستعمارچیلاری نین حددن آرتیق چیخارلارینا یاراماز. اوسته لیک بو قیسیتلی گوج و قدرتله چوخورا دوشمک ده بو تشکیلات باشچیلارینی یارارسیز دوروما گتیریب چیخارار. بلکه ده دوشونجه و فیکیر باخیمیندان فارس ایستعمارچیلیق توتساغیندا اولان ذاتلارین دا ایچ ایستکلری بو دوغرولتودا اولسون. ترس دورومدا اؤزلری آذربایجانلی اولدوقلارینا باخمایاراق آذربایجانین مطرح اولماسیندان و آذربایجان آدینی ائشیتدیکده قارین آغریسینا دوشمه لری ده شاشیردیجی گؤرونر. دنیز ایشچی ذات عالی یونس شامیلیدن آلینتی سرگیله یه رک یازیر:

" اگر چندین ماه پیش آنها در مورد یکی کردن احمدی نژاد و موسوی میگفتند " هردو جناح، احمدی نژاد و موسوی دیدگاهشان در اساس و پایه در مورد ملیتهای غیرفارس ایران و بویژه مقابل خلق ترک، ضدیت کور و نژادپرستانه است"  سپس نظر خود را اصلاح کرده و اعلام میدارند که "جنبش سبز (با رهبری موسوی) جنبش دموکراتیک متعّلق به جامعه فارس ایران است" و امروز همین دوستان ما مینویسند که "موسوی بالهای فکری خود را نسبت به مسئله ملیتهای غیرفارس در ایران گشوده است""[9].

اوسته کی یونس شامیلی نین بو گؤروشو ده مباحثه لی بیر مقامدیر. موسوی نین گؤروشلرینده هر هانکی بیر قاناد آچماقدان سؤز دئییل، 31 ایل اؤنجه آنایاسا دئیه جمهوری ایسلامی مجلیسینده قبول ائتدیکلری و موسوی ده بو نیظامین باش باخانی اولارکن آنایاساداکی 15 و 19 اونجو بندلره زامانیندا آغیز بوزدوگونه باخمایاراق ائله بیل (گویا) بیر داها حاکیمیت یئدگی (افسار) اللرینه دوشرسه، بیر ایش گؤرمک اولار دئیه بوش سؤز اورتایا قویموش. یونس شامیلی نین منظور ائتدیگی موسوی آدینا 22 بهمن یوروشو عرفه سینده بعضی فارس سیته لرینده یایینلانمیش آشاغیداکی ایفاده لردیر:

"قانون اساسی وقتی به مسئله اقوام، زنان، حقوق مردم باز می‌گردد، فکر می‌کنم معدل نتایج و چالش‌هایی است که در دهه‌های قبل از انقلاب اسلامی در کشور ایجاد شده و به این دلیل، هیچ دلیلی ندارد که ما را قانع کند، که ما از بخشی از این اصول صرف‌نظر کنیم. به نظر من یکی از قوانین خوب ما همین قانون شوراها است. ولی چرا به این اصول نمی‌پردازیم، محل سوال است"[10].

اوسته کی ایفاده لر سئچیملرده کی بعضی کاندیدلر ائتدیگی چیخیشلاردان آرتیق اؤنم و اهمیت داشیماز. مهدی کروبی ده سئچیملردن اؤنجه آنایاسانین اجرا اولونمامیش بندلرینی جمهور باشقانی اولموشسایدی، اجرا ائده جه گینه سؤز وئرمیش ایدی. محمد خاتمی ده موسویدن اؤنجه کاندیدلیگینی گؤتور قوی ائدرکن، آنایاسانین اجرا اولونمامیش بندلرینی حیاتا کئچیرمک ایسته دیگینی و بو مسئله مومکون اولمازسا، هارادا مانعچیلیک ایله اوزلشدیگینی آشاغیداکی ایچریکله ایفاده ائتمگه یه چالیشیردی:

"اگر رئیس جمهور شوم، بندهای معوق قانون اساسی را اجرا خواهم کرد، اگر مانعی پیش بیاید آن مانع را به مردم خواهم گفت".  

گؤروندوگو کیمی بو ایفاده لر بوش سؤزلردن و گؤز بویامالاردان آرتیق اؤنم و اهمیت داشیماز. دئمک، ایران ممالیکی محروسه سینده کی ائتنیکلر، فارس مفکوره سی اساسیندا دوشونولموش فارس ایستعمارچیلیق سیستیمی ایله اوز اوزه دیرلر. محمود افشار یزدی نین تئوریسینه اساساً فارس تمامیتچیلیق و ایستعمارچیلیق سیستیمی نین دوشمن لری یوزده اللی خاریجده اولسا، یوزده اللی سی ده ایران ممالیکی محروسه سینده کی ائتنیک دابانا اساسلانار، اوخویوروق:

" " چه ما بخواهیم و چه نخواهیم در آینده ملت ما نیز همین جریان سیاسی خواهد آمد و این حقیقت روزی مدار سیاست دولت ما خواهد گردید، همچنانکه مدار سیاست غالب دول، مخصوصاً عثمانی نیز گردیده است. هر سیاستمداری باید این را بخوبی بداند زیرا مسئله وحدت ملی حد مشترک میان سیاست خارجی و سیاست داخلی است"[11].

 

قایناقلار:


[1]           ایشیق سؤنمز، آذربایجان مشروطه حرکاتی نین یئنیلمه سی نین سونوچ و نتیجه سی اولاراق فارس ایستعمارچیلیغینا گئدن یول: http://www.azadtribun.net/-74.htm

[2]           دنیز ایشچی، چرا فدرال دموکراتهای آذربایجان روزی که باید عمل بکنند، سکوت میکنند؟، 11.02.2010:

http://solgunaz.com/Articles/Deniz_26.htm

[3]           گزارش برگزاری کنگره سوم جنبش فدرال – دموکرات آذربایجان، سومین کنگره جنبش فدرال – دموکرات آذربایجان هشتم ونهم اگوست 2009: http://www.achiq.info/herekat3/konqre%202009.htm

[4] گزارگزارش برگزاري مجمع عمومي كنگره ملتهاي ايران فدرال ، جمعه و شنبه تاريخ چهارم و پنجم ماه دسامبر 2009، استکهلم: http://iranfederal.org/fa/?p=897

[5]           كنگره مليتهاي ايران فدرال، اعلام حمايت از تظاهرات عليه رژيم جمهوري اسلامي ايران در استكهلم:

http://www.achiq.org/CNFI/CNFI-Stokholm.htm

[6]           زمان برگزاي تظاهرات:پنج شنبه 11 فوریه ساعت 17 بعد از ظهر، مکان: میدان مرکزی شهر استکهلم سرگل توری> ای ایران ای مرز پر گهر: http://www.azadtribun.net/Stockholm20100211.wmv

[7]           دنیز ایشچی، باخ اورادا.

[8]              دنیز ایشچی، باخ اورادا.

[9]              دنیز ایشچی، باخ اورادا.

[10]             میر حسین موسوی؛ همراه با جمع و حفظ هویت در راهپیمایی 22 بهمن شرکت کنیم. جنبش سبز با کسانی که عقاید ما را ندارند نیز دوست است: http://www.persiauk.com/article.php?id=46452

[11]             محمود افشار یزدی، آینده، جلد دوم، تهران، چاپ دوم 1351؛ مسئله ملی و وحدت ملی ایران، صحیفه 563- 564. داها آرتیق بیلگی و معلومات اوچون باخ، اوسته دیب یازی 1.

 

 

 

 

 

ایشیق سؤنمز، 13.02.2010