فارس ایستعمار گوجلری نین آذربایجان ملتی و آذربایجان جمهوریتی نین وارلیغی علیهینه یئریتدیکلری شیادلیق سیاستی

 

فارس ایستعمارچیلیغی مختلیف دونلارا بورونه رک آذربایجان ملتی و آذربایجان وارلیغی نی فارس ایستعمارچیلیغیندا بوغماغا چالیشمیش و گئنه ده چالیشماقدادیر. بو چالیشمالار و چابا گؤسترمه لر فارسلیق و ایستعمارچیلیغی آچیسیندان هئچ بیر دونیا گؤروشو تانیماز مقامدا یئر آلمیش بیر گؤرونوم ساییلار. دئمک، آذربایجان میللی منلیگی و کیملیگی علیهینه یئریدیلن آذربایجان دوشمنلیگی یالنیز آشیری فارس راسیستلیگی و فارس مدنیت راسیستلیگی آچیسیندان دئییل، فارس ایستعمارچیلیغی اساس گؤتوروله رک ایستر اؤزلرینی سولچو قلمه آلان و ایسترسه ده اؤزلرینی ایسلامیتین شیعه مذهبینه باغلی سایدیرماغا چالیشان فارس محفل و حاکیم داییره لری ده آذربایجان ملتینی بیر میللی وارلیق اولاراق اؤز میللی منلیگی و کیملیکلریندن اوزاق سالاراق فارس تمامیتچیلیگینده یوخ ائتمگه چالیشارلار. یئری گلمیشکن "عضو شورای عالی مصلحت نظام جمهوری ایسلامی" مسئوللاریندان اولان محسن رضائی سیته سینده آذربایجان میللی کیملیگی و منلیگی علیهینه یؤلنمیش یازینی گؤزدن کئچیرمگه چالیشاق، اوخویوروق:

"پس از تذکرات سرلشکر فیروزآبادی در زمینه ضرورت رعایت حقوق مذهبی تاریخی ایرانی تباران آن سوی ارس، دولت باکو تبلیغات ضد ایرانی خود را وسعت بیشتری بخشیده و حمله همه جانبه رسانه‌های همگانی باکو علیه ایران و ایرانیان ابعاد تازه‌ای یافته است"[1].

اوسته "ایران عیرقی (ایرانی تبار)" آرخاسیندا گزن ظاهیرده ایسلامیت آرخاسیندا گیزله نن ذاتلار، نه اوچون انسانلارین صاف دینی دویقولارینی اؤزلرینه اویونجاق ائده رک عوامفریبلیک ائتمک ایسترلر؟!!. بیلیندیگی کیمی ایسلامیت دینی هرهانکی بیر عیرقا و نژادا عایید اولموش بیر دین دئییل. بو دینده حبش غلامی ایله قورئیش سیدی ایسلامیت باخیمیندان برابر ساییلار. دئمک، فیروزآبادی نین ایران عیرقی اساسلی آذربایجان جمهوریتی علیهینه یؤلنمیش ایفاده لری ایسلامیت اساسلی دئییل، فارس ایستمعارچیلیغی و مدنیت راسیستلیگینی اساس گؤتورموش بیر یاناشما ساییلار. اوسته لیک فیروزآبادی ایستر دیپلوماتیک، ایسترسه ده بشر حاقلاری مقوله سی آچیسیندان هرهانکی باشقا بیر دؤلتین ایچ ایشلرینه بورون سوخاجاق صلاحیته مالیک اولموش مقام دا ساییلماز. دئمک، محسن رضایی باهانا ائتدیگی فیروزآبادی نین چیخیشلاری دین اینانجلاری نی آشیب کئچه رک فارس ایستعمارچیلیغی و تمامیتچیلیگینه اساسلانمیش قونو و موضوع ساییلار. "تابناک" سیته سی واسیطه سی ایله اجتماعیته چاتدیرماغا چالیشان ذاتلارین فارس ایستعمارچی گؤروشلری ایله آشاغیدا داها آرتیق تانیش اولابیله ریک، اوخویوروق:

" به گزارش تابناک، چندی است سران باکو در نشست‌های مشترک با ماموران رژِیم صهیونیستی و آمریکا به توافق رسیده‌اند که زمینه‌های اختلاف افکنی قومی در آذربایجان ایران را هرچه بیشتر تشدید نمایند که دستگیری چندین نفر از مزدوران باکو در هفته‌های اخیر موید این تحرکات است"[2].

اوسته فارس ایستعمار محفلی نین "مزدوران باکو" دئیه قلمه آلدبغی چیرکین ایفاده لر گونئی آذربایجان میللی فعاللاری علیه لرینه یؤنلمیش ایفاده ساییلار. دئمک چؤمچه قازانین دیبینه توخوندوقدا کئچمیشده عوامفریبلیک اوزوندن غئیرتلی قلمه آلدیقلاری "گونئی آذربایجان اوولادلاری" "موزدور" قلمه آلینار. یئری گلمیشکن سوروشولمالیدیر: هانکی "امک"، "هانکی "موزد"؟ گونئی آذربایجانلیلار فارس ایستعمار حاکیمیتی نین وطنداشی ساییلدیغی دورومدا نه اوچون فارس حاکیمیت داییره لری بو وطنداش دئیه قلمه آلدیغی میللت اوولادلارینی "موزدور"  قلمه آلارلار؟!! آذربایجان ملت اوولادلاری فارس ایستعمارچیلیغینا توتولموش قوللار ساییلیرسا، فارسلیق توتساغیندان قورتولماغا چابا گؤسترمک داها موزدورلوق دئییل، آزادلیق سئورلیک و انسانلیق قونو و موضوعسو ساییلمالیدیر. گؤروندوگو کیمی فارس ایستعمار گوجلری دوعانین دلیگینی اولدوقچا ایتیرمیش پیس بیر مقامدا یئر آلارلار. اونلار فارس ایستعمارچیلیغی و تمامیتچیلیگینی قوروماق اوچون آغیزلارینا گلن چیرکین ایفاده لری آذربایجان اوولادلاری علیهینه ایشلتمگه چالیشارلار. بو آرادا فارس ایستعمار گوجلری اؤز شیادلیقلارینا اؤرتو چکمک اوچون تاریخ قونو  و  موضوعلارینا بارینماغا چالیشارلار، اوخویوروق:

" در فاصله سقوط نظام امپراتوري روسيه و استقرار نظام جديد كمونيستي، و به ویژه با وعده لنین مبنی بر الغای قراردادهای استعماری دوره تزاری (از جمله قراردادهای گلستان و ترکمان چای) نخستین فرصت تاریخی براي بازگشت ایران شمالی به میهن عزیز ما فراهم آمد، ولي در غفلت سران بي‌كفايت قاجار براي بازپس‌گيري اين منطقه، اين ميدان، عرصه تاخت و تاز امپراتوری عثماني قرار گرفت و گروهي از انديشمندان و آزاديخواهان قفقازي، با حمايت و پشتيباني قدرت‌هاي منطقه‌‌اي، حكومتي با نام جمهوري آذربايجان در منطقه اران و شروان تاريخي راه‌‌اندازي كردند"[3].

فارس ایستعمارچیلاری نین "ایران شمالی" آدلاندیردیقلاری "قوزئی آذربایجان جمهوریتی" تورپاقلاری محمود افشار یزدی نین یازدیغی گؤروشلره اساسن "ایران شمالی" دئییل، "ایران ممالیکی محروسه سی" یوخسا "قاجار ممالیکی محروسه سی" نین ایستعمارینا تابع توتولموش بیر بؤلگه اولموش. یئری گلمیشکن محمود افشار یزدیدن اوخویوروق:

" وحشت ما از این پیش آمد آنقدر هم خیالی نیست: راست است که بین اهالی اران یعنی نواحی گنجه و بادکوبه که بتصنع و برای سوء قصد نام آذربایجان بر خود نهاده اند. با اهالی آذربایجان این فرق کلی هست که آذربایجانیان ایرانی الاصل و آذربایجان جزو قسمت طبیعی ایران و همیشه عضو لاینفک این مملکت بوده، بعکس قفقاز در حقیقت جزو مستعمرات ما محسوب میشده است. معهذا وقتی بنابر مغلطه کاری شد خطر مسلم و جلوگیری از آن واجب است"[4].

اوسته فارس ایستعمار محفلی نین قاجارلارا نسبت وئردیگی تهمتلره جاواب اولاراق گئنه ده فارس ایستعمارچیلیق مفکوره سی نین اساسینی قویموش محمود افشاری یزدی نین قلمیندن 1918 اینجی  ایل یازیلمیش یازیدان اوخویوروق:

" ما در درجهء اوّل بهم قلمان محترم خود پیشنهاد میکنیم که در جرائد خود کلمهء آذربایجان را برای جمهوری بادکوبه استعمال نکنند، و ثانیاً از هیئت دولت میخواهیم که در این خصوص توجهی نموده و در روابط رسمی خود کلمهء اران یا بادکوبه را بجای آذربایجان استعمال نمایند. و عنوان تصمیم خود را میتوانند این مطلب قرار دهند که چون اشتراک نام موجب اشتباه و سوء تفاهم بود تصمیم گرفته شد که به مملکت کوچک جدید همان نام حقیقی و تاریخی آن اطلاق شود، و ثالثاً از سفارت روسیه که تصور می رود بر خلاف بعضی از همسایگان دیگر برای حرفهای حسابی گوش شنوا دارد تقاضا داریم بدولت خود پیشنهاد نماید که چون لفظ آذربایجان مختص به ایالت شمالغربی ایران است و عثمانیها با سوء نیت این اسم عاریه را به جمهوری تاتار اینطرف قفقاز داده اند، بنحوی که احساسات ایرانیان وطندوست رنجیده و قلوبشان مجروح شده است باسم حقیقی آن اران تبدیل نمایند. چون منفعت ما معتقدیم که منفعت ایران در آن است که قفقازیه تحت حکومت روسیه باشد و بدست دولت دیگری نیفتد.بنابراین انتظار ما از دولت شوروی در اجابت باین تقاضا شدیدتر میشود و منتظریم در اسرع اوقات از نتیجه مطلوب مطلع شویم"[5].

اوسته گؤروندوگو کیمی فارس ایستعمارچیلیق مفکوره سی نین اساسینی قویموش محمود افشار یزدی نین سفارشلرینه اساسن فارس یایین و باسین اورقانلاریندا "آذربایجان" یئرینه "اران" و "باکی" یئرینه "بادکوبه" ایشلنمه لی اولموش. ائله بو اساسدا دا او زامان باکیدان روسیه کمونیستلیک ایستعمارچیلیغی الیندن قاچمیشلار دا فارس اورقانلاری طرفیندن "بادکوبه ای" قلمه آلینمیشلار[6].

محمود افشار یزدی نین دوشونجه و فیکیرلری آذربایجان تورپاقلاری نین ایکیه بؤلونمه سی نین ندن و سببی نی قاجار شاهلاری، باشلاریندا فتحعلی شاهین باشینا سالماغا چالیشانلارین دا عوامفریب اولدوقلارینی اورتایا قویموش اولار. دئمک، آذربایجان تورپاقلاری و ملتی نین ایکیه بؤلونمه سی فارسلیق محفللری نین کؤنلونجه اولموش دئسک، یانیلماریق. بیلیندیگی کیمی 16 اینجی یوز ایلین باشلاقیجیندا قورولموش ایران ممالیکی محروسه سی نین باش کندی تبریز اولماسینا باخمایاراق باش کند تبریزدن قزوینه و اورادان اصفهانا داشینماقلا حاکیمیتچیلبک آچیسیندان ایران ممالیکی محروسه سینده تورک حاکیمیتچیلیگینه ساغالماز یارا وورولاراق قاجار ممالیکی محروسه سی و روسیه ساواشلاریندا دا آذربایجان ولیعهد نشین اولماسینا باخمایاراق عباس میرزا باشچیلیغی آلتیندا اولان آذربایجان قوشونلارینا فارس ولایتلریندن لازیمینجه کؤمک اولونمامیش. بو مسئله نی بیر داها محمود افشار یزدی نین دیلیندن 1918 اینجی ایل یازمیش مقاله دن اوخوماق یئرینده اولار.  بیر داها اوخویوروق: "... ما معتقدیم که منفعت ایران در آن است که قفقازیه تحت حکومت روسیه باشد و بدست دولت دیگری نیفتد.بنابراین انتظار ما از دولت شوروی در اجابت باین تقاضا شدیدتر میشود و منتظریم در اسرع اوقات از نتیجه مطلوب مطلع شویم"[7].

اوسته آیری دؤلتلردن منظور عثمانلی حکومتی منظور اولونار. دئمک، قافقازلاردا قاجار ممالیکی محروسه سی نین ضعیفلمه سی ایله قافقازلار عثمانلی و روسیه دؤلتلری نین ماراق داییره سینه کئچرکن، ایران ممالیکی محروسه سینده تورکلوگون ضعیفلمه سی و حاکیمیتین فارسلار الینه کئچمه سی اوچون قافقازلاردا عثمانلی و گنج تورکلرین حاکیمیتی نین نوفوذ داییره سی دئییل، روسیه نین حاکیم کسیلمه سی فارسلیق اوچون داها دا ال وئریشلی ساییلمیش  بیر فارس ایستعمارچیلیق مفکوره سی ساییلار. بئلنچی یاناشما بوگون ده آذربایجانین قاراباغ ولایتی اوزره قافقازلاردا فارس حاکیمیتی طرفیندن یئریدیلمیش سیاستین اوزانتی سی ساییلار. بو دا حاکیمیتچیلیک آچیسیندان فارس ایستعمارچیلیق سیاستی نین آذربایجان و آذربایجانچیلیغا یاناشماسی نین تملینی اولوشدورار. فارس ایستعمار محفلی طرفیندن آذربایجان جمهوریتی علیهینه آتیلمیش تهمتده اوخویوروق:

"....  با تشكيل حزب فاشیستی پان‌تركيست با نام كميته مساوات در باكو، فعاليت‌هاي ضدايراني دولت باكو با حمايت دولت عثماني شكل جديدي به خود گرفت. با اين حال، سران اين حزب كه در آغاز فعالیت‌های خود به دنبال يافتن جايگاهي منطقه‌اي بودند در آغاز حکومتی را در اران و شروان تاریخی با نام جعلی جمهوری دموکراتیک آذربایجان تشکیل داده و با عوام‌فريبي كوشيدند نگراني ايرانيان را براي اطلاق نام جمهوري آذربايجان به اران و شروان تاریخی بي‌مورد نشان دهند"[8].

اوسته فارس ایستعمارچیلاری نین ایشلتدیگی ادبیات دا ایلگینج گؤرونر. بو دا اؤز دیللری ایله دئییلرسه، "دست پیش گیر تا پس نیفتی" گؤروشونه اساسلانار. دئمک، گونئی آذربایجاندا میلیونلار گونئی آذربایجانلی نی اؤز طبیعی حاقلارینا محروم ائدن فارس راسیست و فاشیست محفللری روسیه چارلیغی قارشیسیندا آذربایجان دیل و مدنیتینی اساس گؤتورموش بیر تشکیلاتی فاشیست آدلاندیرماقلا عوامفریبلیک ائتمک و اؤز فاشیبستلیک گؤروشلرینه اؤرتو چکمگه چالیشارلار. آذربایجان آدینا داییر فارس ایستعمار محفلی محمد امین رسولزاده نین دیلیندن یازیر:

"... بر این اساس محمدامين رسول‌زاده، از سران كميته مساوات باکو، در پاسخ به اعتراض ايرانيان در 92 سال پيش نوشته است: ... از ما چرا ظنين هستيد؟ بايد تصور كنيم چنين گمان كرده‌اند كه از گرفتن نام آذربايجان كه اسم يك ولايت ايران است، به مسماي آن [منظور آذربايجان واقعي در ايران] نيز ما چشم داريم... دعوي مختاريت آذربايجان به هيچ وجه به جنوب ارس راجع نيست. باز بالفعل اين را اثبات مي‌كنيم... (روزنامه ايران، شماره439 تاريخ 26 ثور (اردیبهشت) 1298 خورشيدي)"[9].

اوسته محمد امین رسولزاده یه نسبت وئریلمیش عیبارت 92 ایل دئییل، 102 ایل اؤنجه یه عایید اولمالیدیر. بیلینیگی کیمی او زامانلار محمد امین رسولزاده روسیه چارلیغیندان قاچاراق قاجار ممالیکی محروسه سینده "ایران نو" آدلی قازئته-ده قلم وورورموش. دئمک، آذربایجان جمهوریتی قورولمادان و روسیه چارلیغی داغیلمادان (1909 اونجو ایل) آذربایجانچیلیق مفکوره سی محمد امین رسولزاده نین دوشونجه و فیکیرلری نین اوزگینی اولوشدورورموش. بو دا فارس ایستعمارچیلاری نین محمد امین رسولزاده باشچیلیغی ایله قورولموش "آذربایجان مساوات پارتیسی" علیهینه آتمیش چامورلارین اؤزلرینه گئری قاییداجاقلارینی اورتایا قویموش اولار. بونلارا باخمایاراق فارس دیل و مدنیتینه اساسلانمیش فارس شیادلاری نین یالانلارینی اورتایا قویماق اوچون آذربایجانین تاریخی سرحدلرینی فارسچانین بیرینجی قایناغی ساییلان "تاریخنامه طبری" آدلی کتابیندان اوخویوروق:

"اول حد از همدان گيرند تا به ابهر و زنگان بيرون شوند و آخرش به دربند خزران و بدين ميانه، هر چه شهرها است همه را آذربايگان خوانند ... راه‌ها به آخر آذربايگان كه از آن جمله بلاد خزران شوند، گروهي بر خشك و گروهي از دريا، كه از هر راهي دربند خوانند و به تازي باب گويند"[10].

اوسته گؤروندوگو کیمی عربلر آذربایجانی ایشغال ائدرکن ایسلامیت رکابیندا قلم وورموش طبری او زامان آذربایجانین قوزئی (شمال) سرحدینی "دربند خزران (خزرلر دربندی، بوگونکو داغیستان ولایتینده کی دربند شهری)" دئیه قلمه آلمیش. خزر دنیزی ده فارس مدنیت راسیستلری و فاشیستلری نین اویدورماغا چالیشدیقلاری "دریای مازندران" دئییل، "خزر تورکلری نین بو گؤل اطرافیندا یئریتدیکلری سیاسته اساسن "خزر دنیزی (دریای خزر)" آدلانمیش بیر تاریخی آد ساییلار.



قایناقلار



[1]  افشای-توطئه‌های-خزنده-دولت-باکو-برای-تجزیه-ایران-+-نقشه: http://www.tabnak.ir/fa/news/183368

[2] باخ اورادا.

[3] باخ اورادا.

[4] محمود افشار یزدی، آینده، جلد دوم، تهران، چاپ دوم ، 1351، صحیفه 562.

[5] محمود افشار یزدی، آینده جلد دوم، چاپ دوم  1351، صحیفه 924.

[6] فارس ایستعمار محفللری اصیل ایرانلی دئیه باکیدان ایران ممالیکی محروسه سینه چؤکموشلرین قولتوقلارینا قارپیز قویاراق اونلاری فارس پان ایرانیست محفلینه عضو ائتمیشلر. اونلاردان بیری ده مصطفی بادکوبه ای آدلی آزقین و فارس مدنیت راسیستی ساییلار، باخ: سرور مصطفی بادکوبه ای چامه سرای پان ایرانیست بازداشت شد، سیته پان ایرانیست، 12 اردیبهشت 1390: http://paniranist.org/%D8%B3%D8%B1%D9%88%D8%B1-%D9%85%D8%B5%D8%B7%D9%81%DB%8C-%D8%A8%D8%A7%D8%AF%DA%A9%D9%88%D8%A8%D9%87-%D8%A7%DB%8C-%D9%BE%D8%A7%D9%86-%D8%A7%DB%8C%D8%B1%D8%A7%D9%86%DB%8C%D8%B3%D8%AA.php/

 

[7] محمود افشار یزدی، آینده جلد دوم، چاپ دوم  1351، صحیفه 924.

[8] افشای-توطئه‌های-خزنده-دولت-باکو-برای-تجزیه-ایران، باخ اورادا

[9] باخ اورادا.

[10] ابو علیمحمد ابن محمد بلعمی: تاریخنامه طبری، جلد 1، تهران 1366، خبر گشادن آذربایگان و دربند خزران،  صحیفه 529 534.

 

ایشیق سؤنمز، 14.08.2011