روسیه بولشویک
ایستعماری ایله آلمان
فاشیستلری نین تاریخی
آنلاشماسی اوزره باخیش
دین، سیاست و توپلوم
آچیسیندان یهودی لرین
باسقییا معروض قالمالاری
مسیحیت تاریخی نین
باشلانقیجینا قاییتماسینا
باخمایاراق آلمان ناسیونال
سویالیست ایشچیلر پارتیسی (NSDAP) 1933- اونجو ایل ایش اوستونه
گلدیکدن سونرا یهودلار اوزره بو
باسقیلار یئنی بویوتلارا چاتماغا
باشلامیش. 1933- 1944 ایللر آراسیندا
آلمان فاشیستلری بوتون آوروپادان 6
میلیون یهودی نی توپلایاراق
اونلاری اؤلدورموشلر. آلمان
نازیستلری خالق کیتله سینی
یهود آزینلیغی علیهینه
قیزیشدیرماق اوچون اونلاری گر
کئچیلر (Sündenbock) کیمی
تانیتماغا چالیشمیشلار. آلمان
نازیستلری 1933- اونجو ایل
حاکیمیته گلدیکدن سونرا آلمان
توپلوموندا یهودیلره دیوان توتولما
مسئله سی اورتایا قویولموش. 1933-اونجو
ایلین ژانویه آیی نین
اونوندا یهودیلر و اونلارین وار
دؤولتی علیهینه بیرینجی
سیاسی و
فاشیستلیک گیریشیمی SA (Sturmabteilung)
آدی آلتیندا حیاتا کئچمگه
باشلامیش. ایکینجی دونیا
ساواشینا دک یهودیلری آلمان
توپلوموندان آییرماق و اونلارین
نسلینی کسمک اوچون 250 قانون قبول
اولونموش. 1933-اونجو ایلین آپریل
آیی نین بیریندن باشلایاراق
یهودی ائولری نین
ییخیلماسی و ایش یئرلری
نین باغلانماسی حیاتا کئچیلمگه
باشلامیش. آدی چکیلن گون آلمان
نازیستلری نین تاریخینده
تحریم گونو (Boykott-Tag) دئیه قلمه
آلینمیش. بو تاریخدن باشلایاراق
یهود دکانلاری و ایش یئرلری
نین باشلیق و تابلولارینا „Deutsche! Wehrt
euch! Kauft nicht bei Juden“ (آلمانلار!
اؤزونوزو ساوی نین! یهودیلردن مال
آلمایین) ایفاده سی بیر قانون
کیمی حاکیمیت طرفیندن
یازیلاراق یهودیلر ایشه
آلینمادیغی نین یانی سیرا
یهودیلرین ادبی و اینجه صنعت
اثرلری ده یاندیریلماغا
باشلامیش. 1935- اینجی ایلین
سئپتامبر آییندا آلمان نازیستلری
نین تبلیغاتیندا آلمانیانین
نورنبئرگ شهرینده اورتایا
آتیلمیش „Nürnberger
Rassengesetzen“ ایفاده سی اؤز عکسینی
تاپماغا باشلامیش. بو
قانونلارا اساسا آریا ایرقیندان
اولمایان اینسانلاردان وطنداشلیق
حاققی آلیناراق اونلار آلمان
وطنداشی دئییل، اونلار بیر
حاقسیز و حقوقسوز معامله یه تابع
توتولموشلار. 1938-اینجی ایلدن
باشلایاراق هئچ بیر یهودی آلمان
توپلومونا بیله خیدمت وئریله جک (دوکتورلوک
و وکالت و ساییره) ایشلرده اؤز
ایشی نی سوردوره بیلمه میش. 1938-
اینجی ایلین نوامبر آیی
نین 9- اونجو گونونون 10- اونجو گونه کئچیت
گئجه سی „Reichskristallnacht“ دئیه 20.000
آلمانلی یهود توتولاراق اونلارین
تاپینما (عبادتگاه) یئرلری،
دکانلاری، ایش یئرلری و
مکتبلری اودا چکیلمیش و دگرلری
اشیالاری آلمان نازیستلری
طرفیندن تارانمیش.
آلمان ناسیونال
سویالیست ایشچیلر پارتیسی (NSDAP) ایله
روسیه کمونیست (بولشویک)
پارتیسی نین دونیایا حاکیم
کسیلمک اوچون آنلاشمالاری
آلمان نازیستلر
حاکیمییتی طرفیندن اوستکی
آسما کسمه لره باخمایاراق 1939- اونجو
ایلین آقوست آیی نین
ییرمی اوچونده روسیه بولشویک
ایستعمارچی حاکیمیتی (بعضی
لری نین عوامفریب
دئییشلرینه گؤره سویئتلر
بیرلیگی) نین خالق کومیساری
نین باشچی سی و خاریجی ایشلر
باشقانی ساییلان Wjetscheslaw M. Molotow و آلمان
نازیست حاکیمیتی نین
خاریجی ایشلر باشقانی Joachim von Ribbentrop ایللر
یئریتدیکلری گیزلین
دانیشیقلار سونوجوندا موسکووادا ژوزئف ایستالین حضوروندا اون ایللیک Hitler –Stalin آنلاشماسی
دئیه ایکی
آنلاشماایمضالامیشلار. او زامانکی
دونیا ایجتماعیتی آز دا اولسا، بو
اوج صحیف لیک آنلاشمادان
بیلگیلنمیش (4):
اوسته
کی آنلاشمانین یانی سیرا
روسیه کمونیسم (بولشویکلر) و
آلمان فاشیسم (آلمان ناسیونال
سویالیست ایشچیلر پارتیسی (NSDAP) نماینده لری بیر
بیرلرینه قارشی اؤز
موقعیتلرینی محکملندیرمک،
یئری گلرسه دونیایا تک
باشلارینا حاکیم کسیلمک اوچون
اورتاق بیر نقطادا اوزله شه رک لهستان (Poland) مملکتی نی ایکیه
بؤلمک ایله ایستر دیل
و مدنیت آچیسیندان، ایسترسه ده
سوی قیریمی (نسل کشی)
باخیمیندان اوتاق بیر جنایته ال
آتمیشلار.
بو
آنلاشمانی باشقا آنلاشمالار دا ایزلمه
لی اولموش. هیتلر و ایستالین
حاکیمیتلری نین سونرا اورتایا
چیخمیش گیزلی آنلاشمالاری
آشاغیدا سرگیله نیر (4.1):
بو
آنلاشمایا اساسا لهستان تورپاقلاری
نین گونباتان بؤلوموSan ، Narew و Weichsel چایلاری
نین سرحدینه دک آلمان
نازیستلرینه و گونچیخان بؤلومو و Bessarabien
بؤلگه لری ایسه روسیه بولشویک
حاکمیتی آلتینا کئچمه لی اولموش.
روسیه بولشویک
ایستعمارچیلاری و آلمان
نازیستلری آراسیندا اولان بو
آنلاشما هیتلرین الینی آچیق
قویاراق ایکینجی دونیا
ساواشینا یول آچماغا باشلامیش.
دئمک، بیر چوخلاری طرفیندن سوئیتلر
بیرلیگی نین وطن محاریبه سی دئیه
قبول ائتدیکلری گؤرونوم اصلینده وطن
محاریبه سی دئییل ایکی تمامیتچی
فاشیسم و کمونیسم ایدئولوژی
نماینده لری نین دونیا
ایجتماعیتینه گتیردیگی و
میلونلار انسانین یوخلوغونا مال
اولدوغو اویقارلیقدان (مدنیتدن)
اوزاق بیر بربریت
ساییلمالیدیر.
ایکی
آدی چکیلن تمامیتچی
ایدئولوژی یانچیلاری هر
بیری دونیایا یالنیز
حاکیم کسیلمک ایسته دیکلری
اوچون اؤز مصلحتلری اوزوندن اورتاق بیر
نقطایا واراراق آلمان نازیست
حاکیمیتی لهستان تورپاقلارینا
سالدیرماغا باشلامیش.
ایکینجی
دونیا ساواشیندان سونرا اورتایا
چیخدیغی بیلگی و
معلوماتلارااساساروسیه کمونیستلری - بؤلشویکلری و آلمان
نازیستلری آراسیندا اولان
گیزلی آنلاشمایا گؤره لهستان
ایکیه بؤلوندوکدن سونرا فینلاند،
ائستلند، لئتلندو لهستانین گونچیخان
بؤلگه لری و گونئی آوروپا بؤلگه لری
روسیه بولشویکلرینه و غرب بؤلگه لر
ایسه آلمان نازیستلرینه تابع
ائدیلمه لی ایمیش. بولشویک
ایستعمارچیلاری و آلمان
نازیستلری بو آنلاشماغا قول چکدیکدن
سونرا 1939- اونجو ایلین آقوست آیی
نین ییرمی بئشینده اورتاق
دایانیشما آنلاشماسینا قول
چکمیشلر. بو آنلاشما آلمان نازیست
حاکیمیتی طرفیندن ممنونیت
ایله قارشیلانمیش. بو
دئدیکلریمیزه آشاغیداکی
شکیل تانیقلیق ائدر:
اؤته
یاندان کمونیست و فاشیست
تمامیتچیلریندن راحاتسیز اولان
فرانسه و انگلیستان ایستعمار
حاکیمتلری بو ایکی تمامیتچی
(فاشیسم و کمونیسم)حاکیمیتلری
دیققت مرکزینه آلماغا
چالیشمیشلار.
بئله لیکله 1939- اونجو
ایلین سئپتامبر آیی نین
بیرینده آلمانلارین لهستان
تورپاقلارینا سالدیرماسی (حمله سی)
اینگلیستان و فرانسه علیهینه
آچیلمیش ساواش کیمی قلمه
آلینمیش. بونلارا باخمایاراق 1939-
اونجو ایلین سئپتامبر آیی نین
اون یئدیسینده روسیه
بولشویکلری لهستانین گونچیخان
بؤلگه لرینی اله کئچیرمگه
باشلامیشلار. دئمک، بؤلشویک
ایستعمارچیلاری و آلمان
نازیستلری نین بو آنلاشمالاری
ایله بولشویکلر باشدا ایستالین
آلمان علیهینه یاراناجاق
اینگیلیس و فرانسه بیرلشمه
سیندن اوزاقلاشاراق بؤلگه ده کی
روسیه و کمونیسم تمامیتچیلیک
چیخارلارینی گوونجه آلتینا آلماق
و اولاسی آلمان حکومتینه قارشی
قویماق اوچون زامان
قازانماغا چالیشمیشلار دئسک،
یانیلمامیشیق. بئله لیکله ده
روسیه بؤلشویک ایستعمارچیلاری
اورتاآوروپا مملکتلرینی ایشغال
آلتینا کئچیرمک یولونو اؤزلرینه
هامارلانمیش قلمه آلمیشلار. لهستان
یئنیلگه یه اوغرادیقدان سونرا
روسیه بولشویک ایستعمارچیلاری
و آلمان نازیستلری آراسیندا سرحد
دوستلوق آنلاشماسی 1939- اونجو ایلین
سئپتامبر آیی نین ییرمی
سکیزینده داها دا گئنیشلنمیش.
کمونیست و فاشیست
تمامیتچیلری آراسیندا اولان بو
آنلاشمالاری 1940- اینجی ایلین
قئبروآر آیی نین اون بیرینده
کی اقتصادی آنلاشما ایزلمه لی
اولموش. روسیه بولشویکلری نین بو
ایستعمارچی سیاست
یئریتدیکلرینه باخمایاراق 1941-
اینجی ایلین یونی آیی
نین ییرمی ایکیسینده
آلمان تمامیتچیلری طرفیندن
بولشویکلر علیهینه آچیلمیش
ساواش ایستالین و هیتلر
آنلاشمالاری نین کئچرلیگینه قلمه
چکه رک روسیه بولشویکلرینی دوشمن
سایدیقلاری فرانسه، انگلیستان و
آمریکا بیرلشمیش شتاتلاری نین
قوجاغینا آتاراق دونیا
اجتماعیتینی آلمان
تمامیتچیلری و فاشیستلری
علیهینه سفربر ائتدیرمیش.
قایناقلار:
1
Torsten Kupfer,
Generation und
Radikalisierung, Die Mitglieder der NSDAP im Kreis Bernburg 1921-1945, Berlin 2006
2
Bibliographisches Institut
& F. A. Brockhaus AG, Mannheim 2001
3
Enzyklopädie Professional 2003
4 Deutsches Historisches Museum, Der
deutsch-sowjetische Nichtangriffs-Vertrag: http://www.dhm.de/sammlungen/zendok/hitler-stalin-pakt/Dokument.htm
5
Deutsches Historisches Museum, Kriegsverlauf
(1939-45): http://www.dhm.de/lemo/html/wk2/kriegsverlauf/index.html
ایشیق سؤنمز، 15.02.2009