فارس ایستعماری1

 

بیلیندیگی کیمی ایستعمار آلتیندا یاشایان توپلوملارین یئر آلتی قایناقلاری، اونلارین وار گوجلری ایستعمارچی سیستیم طرفیندن سومورولر و  اونلارا یؤنلدیجی (یؤن و جهت وئریجی)  فیکیر آشیلاماغا (تزریق ائدیلمه گه ) چالیشیلار. بو ایستعمارچی گوجلر و اونلارین قوردوغو حاکیم و هئگمون نیظام و اینتظام اؤز دیل و ادبیاتینی محکوم توپلوملاردا (مستملکه التیندا یاشایان توپلوملاردا) او مملکت و ولایتلارده کی یاراتدیغی تشکیلات و قوروملار واسیطه سی (بورادا فارس ایستعمارچیلیغی نظرده توتولور) یایماغا چالیشاراق او میللتلرین دیل، تاریخ و مدنیتلرین یوخ ائده رک یئرینه ایستعمارچی (اوخو فارس) دیل، تاریخ و مدنیتنی یئرلشدیرمه گه و زامان گئدیشی ایله یئرلی دیل و مدنیتلری (اوخو ایران ممالیکی محروسه سینده فارس اولمایان دیل و مدنیتلری) سیخیشدیراراق یوخ ائتمک اوچون باش و جانلا چالیشیلار و یئری گلدیکده او مملکت و ولایتلرده کی قوروملار (ایداره و تشکیلاتلار) واسیطه سی ایله ایستعمارچی دیل و مدنیت منیمسه نرک ( یئرلی اهالی طرفیندن ایستعمارچی دیل و مدنیت منیمدیر دئیله رک) یئرلی دیل و مدنیتلرین یئرینه ایستعمارچی دیل و مدنیت  یئرلی دیل و مدنیت کیمی اوتوردولموش اولار.  بوگونکو ایران ایسلام جومهوریتینده فارس دیللی اولمایان میللت اوولادلاری اوچون مخصوص فارس دیل کورسلاری تکلیفی ده فارس ایستعمارینین اؤز ایستعمارچی پیلانلارینی (پروقراملارینی) حیاتا کئچیرمک اوچون دوشوندوکلریندن ایره لی گلمکده دیر.  اوسته دئدیگیمیز کیمی ایستعمارچی گوجلر اؤز چیرکین  پیلانلارینی حیاتا کئچیرتمک اوچون اوراداکی یاراتدیغی نیظام و اینتظام واسیطه سی ایله یئرلی اینسانلاردان دا فایدالانماغا چالیشار. دئمک 1925 میلاد ایلیندن( رضا میرپنجین حاکیمت چئوریلیشینه قول چکدیگی گوندن) باشلایاراق محمود افشارلار، ایرج افشارلار، عاریف قزوینیلر، احمد کسرویلر، یحیی ذکالار، تقی ارانیلر، رضا عنایتلر، ناصح ناطقلر ، فیروز منصورلار و منوچهر مرتضویلرین بیر اویونجاق کیمی فارس شوونیستلیک و ایستعمارچیلیق سیستیمنه قوللوق ائتمکلری فارس ایستعماری و اونلارین بؤلگه چیخارلارینی اؤز منافعلرینه اویقون گؤرن خاریجی قووه لره خیدمت ائتمه سینه اویقون شراییط  یاراتمیشدیر. بیر سؤزله دئسک، فارس تشکیلات و قوروملاری خیدمتینده اولان بوتون شخصلر اؤز دونیا گؤروشلریندن و میللی منسوبیتلریندن آسیلی اولمایاراق یاراتدیقلاری فارس اورقانلاری واسیطه سیی ایله فارس شوونیسم و ایستعمارینین خیدمتینده اولموشلار.  ایندی سه فارس ایستعمارچیلیق خیدمتیده اولان منوچهر مرتضوی نین پان ایرانیستلر طرفیندن آچیلمیش آذرپادگان سیته سینده  آذربایجان دیل و مدنیتی علیهینه یایینلانمیش گؤروشلرینی بیرلیکده گؤزدن کئچیرمگی مقصده اویقون حئساب ائدیریک. یئری گلمیشکن دییلمه لیدیر: منوچهر مرتضوی اؤزو آذربایجانلی اولاراق آذربایجان دیلی علیهینه محمدرضا شاه زامانی آذری یا زبان دیرین آذربایجان آدلی کیتابین مؤلیفیدیر. بو کیتاب تورک دیل و مدنیتی علیهینه اولان بنیاد موقوفات محمود افشار طرفیندن تهراندا چاپ اولونموشدور.   منوچهر مرتضوی نین قلمیندن اوخویوروق:

"سرزمین آذربایجان از روزگاردیرین دستخوش پیش‌آمدهای كمرشكن و آماج تیر حوادث بوده ولی هیچ یك از این پیش آمدها و حوادث به اندازه تغییر زبان ایرانی این سرزمین و غلبه بیگانگان بر زبان آذری تاثیرانگیز و پراهمیت نبوده است."(1)

بورادا گؤروندوگو کیمی زبان ایرانی  دئدیکده  فارس دیلی و غلبه بیگانگان دئدیکده بوگونکو آذربایجانلیلارین کئچمیش اجدادلاری نظرده توتولور. ایندی سورقو سوؤال بو: منوچهر مرتضویلر آذربایجانلیلارا نه زاماندان قییوم اولموشلار، بونلار هانکی دئموکراتیک پرینسیپلره اساسلاناراق شوونیسم و ایستعمار آلتیندا اینیلده ین بؤلونموش آذربایجان میللتینه قییومیتچیلیک ایددعاسیندادیرلار؟ گئنه ده اوخویوروق:

"از مجموع تحقیقاتی كه تاكنون به عمل آمده این مساله به ثبوت رسیده است كه اگر امروز مردم آذربایجان به زبانی كه ممزوجی از زبان آذری و یك زبان بیگانه است سخن می‌گویند در روزگار گذشته، كه چندان از روزگار ما دور نیست، یعنی تا عهد صفویه به زبان آذری كه زبان صد درصد ایرانی بوده تكلم می‌كرده‌اند و بعد از این كه قالب زبان و جامعه گفتارشان تحت تاثیر عواملی كه بحث درباره آنها از حوصله این مقال بیرون است عوض شد، طرز فكر و تعبیر و روح و زبانشان همچنان ایرانی ماند و از تركیب استخوان‌بندی زبان بیگانه با مواد و روح زبان آذری زبانی خاص و ممتاز به وجود آمد كه اگر چه استخوان‌بندی تركی دارد ولی برای تركان به دشواری مفهوم است و از سوی دیگر، زبان آذری نیز محسوب نمی‌شود و به همین علت بهتر است آن را زبان كنونی آذربایجان بنامیم. "(1)

بو اوسته کی ایفاده لرده ممزوجی از زبان آذری و یک زبان بیگانهدن منظورو گئنه ده آذربایجان دیل و مدنیتینی هدف آلمیش گؤرونور. دئمک گئنه ده بیر قییوم کیمی آذربایجان دیل و کیملیگینی فارس شوونیسمینه ساتماغا چالیشیر. منوچهر مرتضوی فارس شوونیسمینه قوللوقچولوق ائدرکن اؤز جان و مالینا حاکیم اولا بیلر دئیه  بیر میللتی ساتماق اوچون اونا ایختیار وئریلمه دیگینی گؤزدن قاچیریر.  گئنه ده اوخویوروق:

"زبان آذری متروك شد ولی هم‌چنان كه آتشی كه نمیرد همیشه در دل مردم آذربایجان فروزان است. آثار و طرز اندیشه و تعبیر ایرانی نیز از تار و پود زبان كنونی آذربایجان نمایان می‌باشد و اگر زبان كنونی آذربایجان را به منزله انسانی تصور كنیم، استخوان بندی و تركیب و شكل اعضایش تركی و رگ و پی و خون و گوشت و بالاتر از همه روحش ایرانی و آذری است. و اگر گل رفته و گلستان خراب شده است؛ بوی گل را از گلاب و بقایا و مواد زبان آذری و تعبیرات و اصطلاحات زیبا و طرز تلفظ آن زبان را (كه به غلط لهجه‌ تركی می‌خوانند) در زبان كنونی می‌توانیم بجوییم. "(1)

اوسته کی ایفاده لرده  طرز اندیشه و تعبیر ایرانی دن منظور فارس ایستعماری طرفیندن هدایت اولونموش و یؤنلدیلمیش فیکیرلر منظوردورسا، بو فیکیر فارس شوونیسمی و ایستعماری طرفیندن فقط  آذربایجانلیلارا آشیلانمیش (تزریق ائدیلمیش) دییل، ایران ممالیکی محروسه سینده کی فارس اولمایان بوتون میللتلره فارس تشکیلاتلاری (حزب پان ایرانیست، حزب میللت ایران، حزب جبهه میللی ایران، حزب نهضت آزادی، سازمان مجاهدین خلق ایران، سازمان مجاهیدین انقلاب اسلامی، حزب توده ایران، حزب توفان ایران، حزب دئموکراتیک مردم ایران، سازمان فداییان ایران/ اکثریت، سازمان فداییان خلق ایران، سازمان چریکهای فدایی خلق ایرا، سازمان اتحاد فداییان خلق ایران، سازمان کارگران انقلابی ایران /راه کارگر، سازمان پیکار ایران، حزب  رنجبران ایران، حزب مشروطه خواهان ایران، حزب جومهوری اسلامی ایران و حزب جبهه مشارکت ایران  و سایره) طرفیندن فارس دیل و مدنیت ایستعمارچیلیغی نتیجه ده فارس ایستعماری اساس گؤتورولموشدور. دئمک ایران باشلیغی آلتیندا اولان بوتون تشکیلات و قوروملار فارس دیل و مدنیتینی اساس گؤتوردوکلری اوچون فارس ایستعمارینین خیدمتینده دیرلر.

 

قایناق:

 

1        منوچهر مرتضوی: زبان آذربایجان،   http://www.azarpadgan.com/no13/1.htm 

 

ایشیق سؤنمز 28.11.2004

 

استعمار