پان ایرانیستلرین ایسلام آدی آلتیندا خولیاوی دوشونجه لری 

 

ایسلام دینی نین اورتایا چیخیش نوقطاسینا دیققت یئتیردیکده او زامان باشقا الهی دینلر (ایسلام عالیملری نین یورومونا گؤره) اؤز کئچرلیگینی ایتیره رک یئنی بیر الهی دینین اورتایا چیخماسینا و اینسانلاری قورتاریش (فلاح) یولونا چاغیرماغا گرکلی گؤرونورموش. بو آرادا او زامان اینسانلار آراسیندا امین لقبی ایله تانینمیش عبدالله اوغلو محمد بو ریسالتی درک ائده رک اینسانلاری اللهین بیرلیگینه، بیر بیرلرینه مهربان اولماغا و قیزلاری دیری دیری تورپاغا گؤممکدن (قویلاماقدان) قورتارماغی اؤزونه اینسانی بیر وظیفه بیلدی. بو آرادا او کئچمیش پیغمبرلری ده اینانیلاجاق سایاراق و آغیرلایاراق اؤز امتی اوچون اونلارا دا سایقی ایله یاناشمانی و اونلارا دا بیلدیردی. دینی روایتلره و ایسلام الهیاتچیلاری نین دئییشلرینه گؤره 124000 مین پیغمبرین ده حاقلی اولدوغونو محمد پیغمبر ایفاده ائتمه گه چالیشدی.

اوسته کی دئدیکلریمیزی نظره آلاراق بیر سایدا قودورقان پان ایرانیست، فاشیست مئییللی گوجلر ایسلام دینی نی اؤزلری اوچون اویونجاق ائتمگه چالیشاراق ایران ممالیکی محروسه سینده کی میللی و مدنی حاقلاری ایسلام آدی آلتیندا تاپدالاییب ازمگه و بو یولدا بشریتین اوز قاراسی اولان چیرکین داورانیشلارینا ایسلام آدی ایله برائت قازاندیرماغا چالیشیرلار. بو دئدیکلریمیز هانکی بویوتلارا اولاشیر دئیه اوزدن ایراق تهران فارس حاکیمیتی طرفیندن تبریزده امام جمعه کیمی اینتیصاب ائدیلن محسن مجهتدی شبسرتری نین آذربایجان جومهوریتی نی، ایران شمالی آدی آلتیندا، فارسلیق طویله سینه گئری قایتارماق تبلیغاتی اوزره پان ایرانیستلرین تانینمیش عونصورلریندن  اولان منوچهر یزدی نین یازدیغی فیکیرلر ایله تانیش اولماغا چالیشاق، اوخویوروق:

"مقاله اي از: سرور منوچهر يزدي (سخنگو و عضو شوراي عالي رهبري حزب پان ايرانيست) در نشرية داخلي حاكميت ملت

الحاق ايران شمالي از زبان يك روحاني فرهيخته

من آيت الله شبستري را نمي شناسم ولي صلوات و درود بر او و خاندانش دارم، پيداست كه نجيب زاده اي است از تبار ميهن پرستان و خون پاك در بدن دارد و بي ترديد از جمله روحانيوني است كه اين لباس را صرفاً به قصد تصرف مسند دولتي و نزديك شدن به ارباب حكومتي به تن نكرده و در اين دنياي پر غوغاي سياسي كه دين دارد از جايگاه مقدسش به پايگاه كسب مال و منال و شهرت تبديل مي گردد يك سوخته دل ميهن پرست روحاني كه به تاريخ و فرهنگ سرزمينش دلباخته است پيدا شده..."(1).

 

اوسته کی پاساژی نظردن کئچیردیکده بیر یاندان پان ایرانیستلر طرفیندن آذربایجان تورپاقلاری علیهینه آرزو ائدیلن ایشغالچیلیق و ایستعمارچیلیق سیاستی (آذربایجان جومهوریتی نین فارس راسیستلری طرفیندن ایشغال ائتمک آرزوسو)، باشقا یاندان فارسچیلیق سیاستی و خیالی آریا راسیستلیگی اورتایا چیخمیش گؤرونور. دئمک، هرکس فارس راسیستلیگینی قبول ائدرسه، آلمان راسیستلری خیطاب ائتدیکلری کیمی "نجیب و نجیب زاده.... تبار میهن پرستان نژاد آریا، صاحب خون پاک" و ساییره

ساییلار. عکس حالدا فارس راسیستلری اونلاری ایسلامیت آدی آلتیندا "نجیس،  اسکیک و دوشوک نژاد، و قانی کثیف" قلمه آلاراق فارس راسیستلرینه اویونجاق اولموش محسن مجتهد شبستری لر  واسیطه سی ایله آذربایجان دیل و مدنیتی نی سئونلری ایسلام ایجتماعیتینه "نجیس" و پیمان پاکمهرلر واسیطه سی ایله ژورنالیستلیک آدینا "پان ترکیست، بیگانه پرست" تانیتماغا چالیشاراق اونلارین قانلاری نین آخیدیلماسینا داییر جمعه نامازلاریندا فتوا وئرمگه  چالیشماغا باشلامیشلار. منوچهر یزدی نین "نجیب، نجیب زاده و خون پاک" مقوله لری اوزره گؤرک آلمان راسیستلریندن هاینچ لئدئر آلمان گنجلیگینه هانکی چیخیشلار ایله مراجعت ایمیش:

"هر کیم گوجلو و تمیزدیر (نژاد پاک!!)، آلمان گنجلیگی اونو سئومه لی و اورگینده اونا یئر وئرمه لیدیر. گوجسوز و کثیف اولانی آلمان گنجلیگی رد ائتمه لی و باسقی آلتینا آلمالیدیر. دونیادا ابدی اولان اینسانلیق اثرلری خالیص خاراکتئر اوزرینده قورولموش"(2). آدولف هیتلر یهودلار علیهینه دانیشیقلاریندا دئییردی:

"یهود میللتی یوخ اولمالیدیر. بو عمل گوج ایله اولمازسا، آل و کلک ایله اولمالیدیر. یهودی نین تمیز یئری یالنیز آغزیدیر."(3). گئنه ده پان ایرانیست منوچهر یزدی نین محسن مجتهد شبستری آدلی فارس حاکیمیتی طرفیندن تبریزه امام جمعه دئیه فارسچیلیق سیاستی یئریتمک اوچون اینتیصاب اولموش شخصین قولتوغونا قارپیز وئرمگه چالیشدیغینا داییر اوخویوروق:

"آيت الله شبستري طي سخناني خواهان الحاق آران (بخشي از ايران شمالي) كه طي قراردادهاي ننگين گلستان و تركمانچاي از پيكر ايران جدا شده به مام ميهن گرديده است.

سخنان اين فرهيختة روحاني، مرا به ياد صدها انسان وطن پرستي مي اندازد كه در كسوت روحانيت، مصالح و منافع ملت ايران را در لحظات حساس تاريخي مدنظر قرار داده و از هويت ايراني و فرهنگ اين سرزمين اهورايي به دفاع برخاسته اند و گاه براي پاسداري از تماميت ارضي ايران جانشان را فدا كرده اند و چه بسا در برخي از نهضت ها برابر دشمنان ريز و درشت ايران ايستاده اند.... ورود جناب شبستري نمايندة ولي فقيه در آذربايجان شرقي به اين حوزه جاي سپاس و تشكر فراوان دارد. حضور به موقع اين روحاني مبارز به فضاي غم بار سياسي آذربايجان ... براي عربده كشي تعدادي پان توركيست وابسته و اجير، باز شده بسيار ارزشمند است و ما پان ايرانيست ها احساس مي كنيم در رويارويي با نوكران بيگانه و ژاژخايي هاي عده اي ورشكستة سياسي، ياران وفادار در كسوت روحانيت در كنارمان قرار دارند.... اگر روزي حاكمان وقت .... وارد حوزة اين مصلحت بزرگ ملي شوند ما پان ايرانيست ها راه هاي عبور موفقيت آميز از اين راه را تدارك ديده ايم و حاضريم با ميل و رغبت در اختيار ديپلماسي ايران قرار دهيم"(1).

اوسته گؤروندوگو کیمی مسئله تاریخی مقوله لر دئییل، گؤنئی آذربایجانداکی میللی مسئله نظرده توتولور. بیلیندیگی کیمی قافقاز تورپاقلاری فارسلارین حاکیمیته گلدیکلری زاماندان سونرا (1925) دئییل، ایران ممالیکی محروسه سینه حاکیم اولموش قاجار تورک شاهلاری زامانی  (1813-1826 ایللری) حیاتا کئچمیش بیر مسئله دیر. بو آرادا روس چارلیغی و قاجار شاهلاری آراسیندا باش وئرن ساواشلار نتیجه سینده تورک شاهلیقلاری نین اللریندن گئدن یالنیز قوزئی آذربایجان تورپاقلاری دئییل، قافقازلارداکی داغیستان ولایتی، بوگونکو گورجیستان و غصب اولموش آذربایجانین تاریخی تورپاقلاری (ارمنیستان) دا بو مقوله نین ایچریسینده اولان تورپاقلاردیر. گؤروندوگو کیمی محسن مجتهد شبستری نین قولتوغونا قارپیز قویماغا چالیشان (اؤرنک اولاراق: روحانی فرهیخته، ... جناب شبستری...و ساییره)، فارسچی راسیست و پان ایرانیست منوچهر یزدی نین منظورو آذربایجان میللی حرکتی علیهینه فارس شوونیستلیگی و راسیستلیگینه بالتا ساپی اولموشلاری جلب ائتمک مقصدی گودور. او اوتانمادان آذربایجان میللی و مدنی فعاللارینی خاریجی عامیل آدلاندیرماغا چالیشیر. یئری گلمیشکن محسن مجتهد شبستری نین "ایران شمالی" چیخیشی اوزرینده ده دوراقلاماق پیس اولماز دئیه دوشونوروک، اوخویوروق:

 

 (4).

 

 اوسته گؤروندوگو کیمی       محسن مجتهد شبستری گونئی آذربایجان میللی مسئله سی اوزره فارس شوونیستلیک و ایستعمارچیلیق گؤزلوگو ایله یاناشاراق آذربایجاندا سوردورولمکده اولان میللی و مدنی چابالاری آذربایجان میللی مسئله سی دئییل، تمامیتچی فارس راسیستلری نین دئییشی ایله آنتی ایران (اوخو: فارس راسیستلیگی علیه چی سی) کیمی قلمه آلاراق آذربایجاندا سورمکده اولان میللی و مدنی آخینلاری "آنتی ایران" بیر مسئله دئیه ایفاده ائتمگه چالیشمیش. بیلیندیگی کیمی میللی و مدنی آخینلار هئچ بیر میللت، دیل و مدنیتلرین علیه لرینه دئییل، هر بیر میللتین اؤز منلیک و کیملیکلرینی دیرچتمک سورجی ساییلار. یالنیز، شوونیست، فاشیست و امپیریال گوجلر اؤز کثیف نیتلرینی خالق ایجتماعیتیندن گیزلی توتماق اوچون میللتلرین اؤز منلیک و کیملیکلرینه حاکیم اولماق ایستکلرینی باشقا دیل و مدنیتلر علیه چی سی کیمی گؤسترمگه چالیشارلار. اوسته لیک فئوداللیق زامانی تورک قاجار ایمپراتورلوغو و روس چارلیغی آراسیندا باش وئرمیش ساواشلار نتیجه سینده قافقازلار ایله بیرلیکده آذربایجان تورپاقلاری نین بؤلونمه سی ایله نتیجه له نن قوزئی آذربایجان تورپاقلارینی "ایران شمالی" دئیه گؤستررکن محسن مجتهد شبستری کئچمیش 16 ایلده آذربایجان جومهوریتی و اونون اهالیسی علیهینه تهران فارس حاکیمییتی و اونون گونئی آذربایجانداکی ال آلتی اورقانلاری طرفیندن یئریدیلمیش سیاستلری اونوتموش گؤرونور. باشقا سؤزله دئییلرسه، اؤزو ده او سیاستین آپاریجیلاریندان بیر اولاراق بیر مهره کیمی اؤز اویونجاق (آلت) وظیفه سینی فارس شوونیستلیگینه باش و جان ایله حیاتا کئچیرمه گه چالیشیر. دئمک، آذربایجان جومهوریتی فارس راسیستلری و اونلارا ساپ اولموش، بالتا ساپلاری نین دئییشی ایله "ایران شمالی" دیرسا، نه اوچون خیالی وطنداش حساب ائتدیکلری قوزئی آذربایجان وطنداشلاری ائرمنی داشناقلاری نین تجاووزلرینه معروض قالیب آراز چایی نین گونئینه قاچدیقلاری زامان اونلارا بیر وطنداشلیق معامیله سی دئییل، قونشولوق موعامیله سی ده ائدیلمه دی؟ داشناقلار جنایتیندن قاچمیش آذربایجانلیلاری یارالی بلالی داوا درمان ائتمه دن یوک ماشینلاری نین دالینا یوکله یه رک قوزئی آذربایجان جومهوریتی نین موغان چؤللرینه داشیمانی فارس شوونیستلیک سیاستینه اویقون حئساب ائتدیلر. فارسلارین سویداشلاری ساییلان افغانلارا گلدیکده ایسه، مسئله مسئله داها فرقلیدیر. افغانلار اؤز آرالاریندا ساواشدیقلارینا باخمایاراق، قاچدیق دئیه فارس تهران حاکیمیتی نین حیمایت چتری آلتینا آلینیردیلار. کیمسه اونلاری یوک  ماشینلارینا میندیریب هرات شهرینه آپارمانی مصلحت گؤرموردو. بوگون ایران ممالیکی محروسه سینده کی افغانلیلارین سایی ایکی میلیوندان داها دا آرتیقدیر. یئری گلمیشکن، سوروشولمالیدیر: افغانستان تورک شاهلاری نین حاکیمیتیندن تئز آیریلدی می، یوخسا قوزئی آذربایجان تورپاقلاری؟ دئمک، بو ایکی ایستانداردلیق هانکی امپیریال و شوونیست گوجلره خیدمت ائدیر دئیه هر بیر آذربایجانلی بو مسئله اوزره داها دا آرتیق دریندن دوشونمه لیدیر.

 

 

 

قایناقلار

 

 

1 منوچهر یزدی: الحاق ايران شمالي از زبان يك روحاني فرهيخته، نشریه حاکیمیت ملت:

http://farmane-ariya.blogfa.com/

2                    Heinz Leder: Du und Deine Volksgenossen; Ein Wegweiser zu neuzeitlichen Umgangsformen

3                    Dietrich Eckart: ein Zwiegespräch zwischen Adolf Hitler und mir; Der Bolschewismus von Moses

 bis Lenin.: http://derstuermer.com/derstuermer/bolmosesleninde.htm

4                    محسن مجتهد شبستری؛ میثاق، نشریه سیاسی، فرهنگی و اجتماعی شمال غرب کشور، دوشنبه 22 مهر ماه 1385، سال دهم، شماره 222

 

 

ایشیق سؤنمز 16.11.2006

 

 

راسيستليک