فارس مدنیت راسیستلری نین بیانیه لری می، یوخسا قوللوقچولوق ایفاده لری

کئچمیشده اولدوغو کیمی بوگون ده آذربایجان میللی مسئله سی دیرچه لرکن، آذربایجان آدی نی دیله گتیرمه گی کئچمیشده اؤزلرینه ننگ بیلنلر ده قیدیقلانماغا باشلامیشلار. بو مسئله اؤزلوگونده سئویندیریجی بیر حالدیر. بو حضراتلار کئچمیشده آذربایجان میللی مسئله سینی پالاز آلتیندا گیزلتمگه چالیشدیقلارینا باخمایاراق بوگون ایستر ایستمز آذربایجان آدینی ائولرینه داشیماق مجبوریتینده قالمیشلار. دئمک، آذربایجان میللی چیخارلارینی فارس راسیستلیگینه سوغات ائدنلر بیله مصلحتدیر دئیه آذربایجان دئمه گه باشلامیشلار. بو ذاتلار ایستر کئچمیشده، ایسترسه ده بوگون  کوروش و داریوش یوخوسویلا اؤزلرینه کیملیک یونتاماغا چالیشسالار دا، آذربایجانا سوخولماق ایسته گن  عرب خلافتینه قارشی دؤیوشموش بابک خرمدین، آذربایجاندان حرکت ائده رک تبریزی اؤزونه باشکند ائدن  شاه اسماعیل خطایی، تبریزدن قاجار دیکتاتورلوغو علیهینه ووروشان ستارخان، باقرخان آدلارینی دا سیرادان گئری قالماسینلار دئیه فارس راسیستلرینه سوغات ائتمگه چالیشمالارینا باخمایاراق باکتئر (مرو: ترکمنستان جمهوریتی) باشقا دئییشلره گؤره بلخ ولایتینده (افغانیستاندا) دوغولموش (1) افسانه لی زرتشتی بیله آذربایجانا نیسبت وئرمگله دونیا ایجتماعیت نی اؤزلرینه گولدورموش اولورلار(2). یئری گلمیشکن بو یالانچی باهادیرلارین حنالاری نین هانگی بویاقدا اولدوغونو سیته لرینده کی یازیلاردان حرکت ائده رک نظرده کئچیرمگه چالیشاق. بو ذاتلار کیملیک مقوله سی باخیمیندان گئنه آذربایجان میللتی نی کوروش کبیر/ کپیر کؤلگه سی آلتیندا ساخلاماغا چالیشاراق یازیرلار:

"... در حدود سال ۱۲۸۵ خورشیدی (۱۸۷۹-۱۸۸۲)به هنگام کاوشها در بابِل در میان رودان (بین النهرین)، باستان شناس ایرانی، هرمز رسام یک استوانه سفالین کوچک از گل پخته (۲۳ سانتیمتر)، یافت، که شامل یک نوشته از کوروش بزرگ بود. جنس این استوانه از گل رس است، ۲۳ سانتی متر طول و۱۱ سانتی متر عرض دارد و در حدود۴۰ خط به زبان آکادی و به خط میخی بابلی نوشته شده‌است... . کوروش بعد از تاجگذاری، در معبد مردوک خدای بزرگ بابل، منشور آزادی نوع بشر را قرائت نمود . ..." (3)

اوسته کی پاساژا گؤز گزدیردیکده احمد کسروی نین عئیب جر متین یازمالاری سیرالانمیش اولار. بیلیندیگی کیمی  احمد کسروی ده فارسجانین یوخسوللوغونو قبول ائدرکن فارس دیلینه اویدورما سؤزجوکلر یونتاماغا چالیشمیش.  هر شئی پاک فارسجا اولمالیدیر دئیه "زبان پاک" آدلی کتاب دا فارس ادبیاتینا احمد کسروی طرفیندن سونولموش (4). فارس تاریخی متینلرینی نظره آلمازساق، یئنی فارس ادبیاتیندا بیله "بین النهرین" یئرینه "میان رودان" دئییمی ایشلتمک سؤزجوک قورولوشو باخیمیندان دوزگون گؤرونمز. "–ان" اکی  (پسوند) نین جمع علامتی اولدوغونو قبول ائدرسک، عربجه " -اَین (ایکیلیک اکی= پسوند)"، اؤرنک اولاراق "سَنَتَین"(ایکی ایل)، "نهرَین(ایکی چای) یئرینه چوخلوق  اکی (پسوند) ایشلتمک دوزگون گؤرونه بیلمز. بو مسئله یالنیز سؤزجوک قورولوشو دئییل، جومله ده کی منطیق باخیمیندان دا دوزگون گؤرونمز. دئمک، "بین النهرین" کلمه سی "ایکی چایین آراسی" آنلامینی  وئررکن "میان رودان" کلمه سی "چایلار آراسی" آنلامینا گلر. گؤروندوگو کیمی اؤز دیل و مدنیتلرینه اون المک لیاقتینه یییه (صاحیب) اولمایانلار باش و جان ایله قوللوق ائتمک ایستدیگی مدنیته ده اوماج  اووا بیلمزلر. بو مسئله نی احمد شاملو غلامحسین ساعیدی اثرلری اوزره ده خاطیرلاتمیش. میللی ظولمو لمس ائتمیش غلامحسین ساعدی رحمتلیک ده فارس ادبیاتیندا تئاترنامه یازارکن دانیشیق دیلینده کی "نون" یئرینه کتابلاردان اؤیرندیگی "نان" کلمه سینی ایشلتمیش دئیه فارس دیل و مدنیتی اوچون دری قابیقدان چیخان احمد شاملونون خوشونا گلمه یه رک تنقید آتیشینا توتولموش. دئمک، اؤزلرینی فارس تمامیتچیسی کیمی ایجتماعیته سونان، آنجاق گونون سیاستی ایجاب ائدیر دئیه قارقا ککلیک یئریشی یئریمگه چالیشان ذات عالیلر آذربایجان آدی نین دالیندا گیزلنه رک فارسلیغا جان و باشدان مایا قویماغا چالیشدیقلارینا باخمایاراق فارسلیغی دا قبیردن قبیره سوخاجاق گؤرونورلر. اوسته کی متیندن گؤروندوگو کیمی کوروش فارس دیل و مدنیتی اساسیندا حاکیمیت صاحابی اولورسایمیش، اونا نیسبت وئریلمیش پالچیق کتیبه لر ده فارس دیل و ادبیاتیندا یازیلارمیش. دئمک، ایچی بوش طبلی چالماقلا گوجلو فارس دیلی یاراتماق اولماز. آذربایجان آدیندان یانلیش فایدالانماغا و فارس راسیستلیگی نی یایماغا چالیشان قوروپون بیانیه سیندن اوخویوروق:

"... آذربایجانی چه می خواهد و برای چه بر می خیزد؟ "آذربایجان" ، به گواهی تاریخ ، تا بوده جایگاه بزرگان ، قهرمانان ، اندیشه وران ، شاعران ، بازرگانان ودیگر خدمت گزاران بشریت بوده است. "مادها" با تمدن شگرف و دیوان سالاری منظم در اداره قلمرو حکومت ، با داشتن پایتختی عظیم (هکمتانه). " زرتشت ها و آتروپات ها" پرورانده که فرهنگی تمدن ساز وشکوفا آورده و نام "ایران" و"آذربایجان" را جاودانه ساخته اند. "(2)

اوسته کی پاساژدان گؤروندوگو کیمی بو حضراتلارین مسئله سی آذربایجان میللی حرکتی، میللی مسئله سی دئییل، فارس راسیستلیگینه فیته توتماق گونون سیاستی حئساب ائدیلر. دئمک، بوگون آذربایجان میللی حرکتی افسانه کیمی مرو یوخسا بلخ ولایتینده دوغولدوغو قبول اولونان "زرتشت" و یا 700 ایل بوندان اؤنجه مؤبدلر طرفیندن غلط و غولط یازیلمیش  و زردشته نیسبت وئریلمیش اویستا کتابی اساسیندا دئییل (5)، آذربایجان میللی مسئله سی یئرلی تورک دیللی خالقین دیل و مدنیتی نی اساس گؤتورموش بیر سیاسی مسئله دیر. آذربایجان میللی مسئله سینی فارس راسیستلیگی نین تمامیتچیلیک بازاریندا قارین دویورماق اوچون ساتماق اؤزونو آذربایجانلی بیلن هئچ کیمسه یه یاخشیلیق باغیشلاماجاق.

"عزیزیم آشی دوزلو--- آنامین آشی دوزلو

اؤلدورر ایچنلری--- گؤزومون یاشی دوزلو!" (آذربایجان خالق بایاتیسی)

دئمک، بوگون آذربایجان اوغول و قیزلاری نین فارس راسیستلیک توتساقلیغیندا چورومکلری بیر داها فارس راسیستلیگی اوچون مئیدان سولاماق دئییل، تاریخی آذربایجان تورپاقلارینا بیر ایشغالچی کیمی سوخولموش، آذربایجان میللتی نین دیل و مدنیتینه وورموش قیفیللاری آچاراق یئنی بیر دوزن یاراتماق آذربایجان میللی حرکتی نین قارشیسیندا دوران بیریجی آددیم حئساب ائدیلر. فارس تمامیتچیلیگی نی اساس گؤتورموش فارس مدنیت راسیستلری نین "آذربایجان میللتینه"  نیسبت وئردیکلری یازیلاریندان گئنه ده اوخویوروق:

"... "تقی زاده ها" پرورش داده که راه دروازه های آزادی ، تجدد و نوگرائی را به روی ملت ما گشوده است. "کسروی ها" پرورانده که با خرافات و یاوه سرائی ها به ستیز برخاسته ، خردگرائی را پی نهاده و در این راه جان باخته است . (2)

اوسته فارس مدنیت راسیستلری نین قلمه آلدیقلاری ذات عالیلر احمد کسروی نین آذرباجان تجددودلوگو اوزره یازدیغی دگرلی اثرلری قیراغا قویارساق، وجود باخیمیندان آذربایجانلی اولمالارینا باخمایاراق دوشونجه و فیکیر باخیمیندان فارس تمامیتچیلیگینی اساس گؤتورموش ذاتلار اولموشلار. اونلارین فارس راسیستلیگینه ائتدیکلری خیدمتلر بوگون ده آذربایجانین وارلیغینی یوخا چکمکده دیر. دئمک، هر میللت خلف و ناخلف اوغول و قیزلارا صاحاب اولدوغو کیمی آذربایجاندان اولموش بلکه ده دیل و تاریخ بیلینجیندن یوخسول و ناخلف کیمی داورانان موجودلار دا آذربایجاندا آز اولمامیش دئسک، کئچمیش آذربایجان تاریخینی اؤزلرینه چیخماغا چالیشان فارس مدنیت راسیستلری نین اللری آچیلاراق صادیق اولسالار، خالقلاری علیهینه قوجاقلارینا ییغدیقلاری داشلاری یئره تؤکه رک خالق قوجاغینا قاییتماغا چالیشار، باشقا دورومدا فارس راسیستلیگینه قوللوق ائتمگی کئچمیشده کی سلفلری کیمی اؤزلرینه گئنه ایفتخار سایارلار. فارس مدنیت راسیستلری اؤزلرینی بیر سیاسی تشکیلات دئییل،"آذربایجان میللتی" حئساب ائده رک گئنه یازیرلار:

"چنین قومی " با چنان فرزندانی و افتخاراتی ، نه می تواند کشورعزیز خود ایران را در خطر جنگ و نابودی ببیند و خاموش نشیند و نه می تواند تهمت واپس گرائی و ننگ تروریستی را بیش از این تحمل کند." برای همین است که ما آذربایجانی ها بر می خیزیم تا : "استقلال ، تمامیت ارضی و یکپارچگی میهن مان" را ، که این رژیم فتنه جوی بر آستانۀ سقوط کشانده ، حفظ کنیم و نام پر افتخار خاستگاه حقوق بشر که توسط " کوروش کبیر" بنیان نهاده شده است از ننگ تروریستی و محور شرارت پاک سازیم. "(2).

اوسته کی پاساژدان بللی اولدوغو کیمی بو ذات عالیلرین آغریلاری آذربایجان میللی مسئله سی دئییل، آذربایجان میللی منافعینه دوشونجه و فیکیر باخیمیندان دوشمن کسیلمیش ایستر کئچمیشده کی فارس شاهلیق سیستیمینه باغلی اولان قویروقلارین، ایسترسه ده میللی مسئله آچیسیندان بوگونکو فارس تمامیتچی و پوزیسیون تشکلاتلارینا باغلی اولان، یالنیز آذربایجان میللی مسئله سی نین دیرچلمه سیندن راحاتسیز اولاراق ال آیاغا دوشرکن ال آیاقلارینی اوراغا وئرماغا چالیشان فارس مدنیت راسیستلری نین فارس تمامیتچیلیگی مسئله سیدیر. دئمک، اؤزلرینی کوروش و داریوشا باغلی بیلن ذات عالیلرین ایران ممالیکی محروسه سینده نئجه راسیست و فاشیست اولدوقلاری کئچمیش 83 ایلده دونیا ایجتماعیتینه آیدین اولموش. فارس مدنیت راسیستلری نین اوزدن ایراق تاپیندیقلاری پیردن (کوروش کبیر!!) ده بللی اولدوغو کیمی بونلار فارس تمامیتچیلیگینه قویروق، یوخسا فارسلیق بالتاسینا ساپ اولموش آزقینلار ساییلمالیدیرلار. فارس مدنیت راسیستلری نین "آذربایجان میللتی" آدینا وئرمیش بیانیه لریندن گئنه ده اوخویوروق:

"... "جنبش آذربایجان" بر آن است بار دیگر به یاری سایر اقوام ایرانی ، رژیم واپسگرای جمهوری اسلامی را که با اعمال سیاست های نابخردانه و کور کورانه ، کشور و ملت ما را محور شرارت نموده و حیثیت ملی ما را به باد داده و دیگر آبروئی بر ایران و ایرانیان درجهان باقی نگذاشته ، بر کنار سازد . "جنبش آذربایجان" خواهان آن است که نظام آینده ایران با رأی آزاد ملت انتخاب گردد ، نظامی که پایه آن بر جدائی دین و حکومت از یکدیگر بوده وبنای آن تکیه براصل برائت و احترام بر فرهنگ بی مانند "پندار نیک ، گفتارنیک ، کردارنیک" پی ریزی شود."(2).

اوسته کی آغیز دولو ایفاده لردن ده بللی اولدوغو کیمی بو ذات اقدسلرین آذربایجان میللتی اوچون ایستکلری یوخ ساییلار. بیلیندیگی "جنبش" و "حرکت" دئدیکده بللی بیر ایستک و هدف اوچون بللی بیر ائتنیک و خالق آدی آلتیندا توپلاناراق ایش و فعالیته باشلانار. بئله لیکله فارس تمامیتچیلیگی اوچون آذربایجان آدینی یئدک چکمک بو گون کیمسه یه باشی اوجالیق دئییل، یالنیز باشی آشاغیلیق گتیرر دئیه دوشونمه لی ییک. یئری گلمیشکن سورقو و سوآل بو: - آذربایجان آدینا فارس راسیستلیگی و تمامیتچیلیگینه سینه وورانلار بو خوش خیدمتلیکلری ایله اؤزلرینی حمیق و فارسلاری اوستون گؤسترمک ایسته ییرلر می، یوخسا آذربایجان ایجتماعیتی نی حمیق حئساب ائدرلر می؟ فارس مدنیت راسیستلری نین وئردیکلری شعالارا گلدیکده گئنه سوروشولمالیدیر: -فارس مدنیت راسیستلیگی نی اساس گؤتورمکله هانکی یاخشی دوشونجه (پندار نیک)، یاخشی دانیشیق (گفتار نیک) و یاخشی داورانیشلارا(کردار نیک) اساس یاراتماق اولار؟ بو بیانیه وئرن ذات عالیلرین آدلاری دا آذربایجان ادبیات تاریخینده ثبت اولسون دئیه اوخویوروق:

"... "هم میهنان "، هر کس کاری را که می تواند ، اگر نخواهد ، وقتی بخواهد ، دیگر نمی تواند. "کشور عزیز و اسیرمان ایران"هم اکنون به وجود شما نیازمند است، اگر به هر دلیلی نخواهید ، شاید دیگرهرگز نتوانید. امضاء کننده گان زیر به عنوان شورای موقت جنبش آذربایجان محسوب می شوند

آ – پ ایران

آموزگار ، دکتر سیروس

افشار، دکترامیراصلان

ا – د ایران

افشار، پروفسور کیکاوس

افشار قاسملو ، دکتر روهینا

پروین ، دکتر ایرج

آذرمهر پتکین ،

جهانشاهلو افشار ، دکتر نصرت الله

چاوشی، خسرو

خ – ک فرانسه

خویی ، دکتر اسماعیل

رحمان زاده ، دکتر صمد

زینالی ، لهراسب

ستوده ، دکتر زرتشت

ساعد مراغه ای ، دکتر کامله

س - م ایران

شجاعی ، دکتر سیامک

ض – م ایران

عدل ، دکتر پرویز

مدرس (رحمان زاده)دکتر فریده

مدرس ، سپهبد حسین

ملکی ، دکتر غلام

م – ی ایران

موسوی ، دکتر محمد حسین

موسوی ، سعید

وثوقی ، بهروز

ی – ف ایران "(2)

آذربایجان میللی فعاللاری فارس راسیستلیک توتساقلیندا (زیندانیندا) ایشکنجه لره معروض قالارکن اوسته کی آدلاردان دا بللی اولدوغو کیمی بو ذاتلارین بیر چوخو اؤز آدلارینی بیله بیانیه نین آلتینا یازدیرماق جسارتینده دئییللر. آنجاق ایران ممالیک محروسه سینده کی اؤز دیل و مدنیتینه محروم ائدیلمیش تورکلرین یاشادیغی شهرلرین آدینا گلدیکده "یئر ده منیم گؤی ده منیم" حئکایه سینی فارس مدنیت راسیستلری یئنیلمگه چالیشارلار، اوخویوروق:

"...تبریز ، تهران ، ارومیه ، اردبیل ، کرج ، زنجان ، قزوین ، خلخال ، خوی ، مشگین شهر، پارس آباد ومغان ، میانه ، مرند ، مراغه ، سراب ، طارم ، سلماس ، ماکو ، میاندوآب ، ساوه ، اهر، آستارا ، تالش هشتپر، ...، انزلی ، ...، قم ، ...، همدان ،...، قوچان و ... جنبش آذربایجان از تمامی هم میهنان به ویژه آذربایجانیان داخل و خارج کشور دعوت می کند برای ایجاد هسته و شاخه های مبارزه در آذربایجان ، تهران و سراسر ایران به ویژه بازار تبریز و تهران با دبیرخانه جنبش ویا اعضای شورا تماس حاصل نمایند و این سخن گهر بار را بیاد داشته باشند که ، سرنوشت ملتها را هیچ نیروئی به اندازه خود ملتها تعیین کننده نمی باشد. پاینده ایران و ملت ایران

دبرخانه جنبش آذربایجان برای یکپارچگی و دمکراسی ایران"(2)

 

قایناقلار:

 

1        ایشیق سؤنمز، پان ایرانیستلرین دیل و مدنیت تحریف ائتمه مسئله لری!: http://www.azadtribun.net/x140.htm

2        آذربایجانی تضمین کننده آزادی ، دمکراسی و یکپارچگی ایران:

http://www.iranazar.net/muus.html

3        فرمان کوروش بزرک: http://www.iranazar.net/index2.html

4        احمد کسروی، زبان پاک، تهران 1322.

4.1    یحیی ذکا، زبان فارسي و راه توانا گردانيدن آن (مقالات احمد کسروی)، تهران 1334.

5       Biographisch-Biographisches Kirchenlexikon, Band XIV, 1998;Verlag Traugott Bautz Spalten 344-355

 

 

ایشیق سؤنمز، 08.04.2008

راسیستلیک