آذربایجان میللی مسئله سی و فارس شوونیستلری!

 

 

بیلیندیگی کیمی میللت مقوله سی ماهیتجه بیر میللتین دیل، مدنیتی، گله نک و گؤره نکلرینی عکس ائتمه لیدیر. بو باخیمدان ایران ممالیکی محروسه سینده کی میللیتلر مسئله سی سؤز قونوسو اولدوقدا اورادا موختلیف دیل و مدنیتلرین وار اولدوغو نظره آلینار . فارس شوونیستلری و راسیستلری نین دوشونجه لرینه اساساً ایران ممالیکی محروسه سی دیل و مدنیت باخیمیندان چوخ میللتلی (مولتی ائتنیک) دئییل، بو ممالیکی محروسه تک دیللی و قومیتلی بیر مملکتدیر، آنجاق بو قومیتلر موختلیف فارس لهجه لرینده دانیشیرلار!! بو عوامفریب شوونیستی و فاشیستی ایفاده لره اساساً رضا میرپنج خاریجی عامیللر واسیطه سی ایله حاکیمیت چئوریلیشی ائتدیکدن سونرا"قاجار ممالیکی محروسه سی یوخسا ایران ممالیکی محروسه سی"نی فارس شوونیستلری،  راسیستلری و بونلارا آلدانمیشلار خاریجی اؤلکه لرده 1925 اینجی ایلدن باشلایاراق "فارسیستان" تانیتدیرماغا چالیشدیلار. بو دوغرولتودا طوسدا، فیردوسی مزاری اوستونده 1000 ایللیک "فارسلیق قورولتایی" کئچیریلدی. فارس شوونیستلری و راسیستلری نین خاریجی اؤلکه و دؤولتلره "ایران ممالیکی محروسه سی"نی "فارسیستان" تانیتما و فارس دیلینی رسمی دئیه میللیتلره تحمیل ائتمه چابالارینا باخمایاراق فارسلیق مقوله سی ایران ممالیکی محروسه سینده کی فارس اولمایان ائتنوسلار طرفیندن یاخشی قارشیلانمادیغی و فارس ائتنوسو ایران ممالیکی محروسه سینده میللی آزلیق اولدوغو اوچون "فارسیستان" آدی اؤزونو ایران ممالیکی محروسه سینده کی ائتونسلارا تحمیل ائده بیلمه دیگی نین یانی سیرا ایجتماعیتده ناراحاتلیق دوغوردوغو اوچون 1935 اینجی ایل تهران حاکیمیتی تهرانداکی خاریجی دؤولتلرین سفیرلیکلرینه مکتوب گؤنده ره رک "فارسیستان" آدی یئرینه "ایران" آدی نین ایشله دیلمه سینی آرزو آئتدیلر. بو دوغرولتودا تیمورتاش و محمدعلی فروغی یه ارادتی اولان (1)  زامانین آلمان سفیری Wipert v. Blücher یازیر:

„Einige Zeit nach dem Kongreß teilte die Persische Regierubng den in Teheran residierenden fremden Gesandten mit, sie wünsche, dass in Zukunft der Name „Persien“ in den fremden Sprachen durch „Iran“ ersetzt werden möge und brief sich dafür in allgemeinen Wendungen auf historische, ethnographische und geographische Gründe“ (2)

آلمانجادان آذربایجان دیلینه چئویرمه:

"قورولتایدان (فارسلیق قورولتاییندان) بیر نئچه گون سونرا فارس حاکیمیتی تهراندا یئرلشمیش خاریجی سفیرلیکلره گله جکده "فارسیستان" آدی نین یئرینه خاریجی دیللرده "ایران" آدی نین ایشله دیلمه سی آرزوسوندا اولدوغونو بیلدیردی. او بو مسئله نی تاریخی، ائتنوقرافی و جوفرافی دلیللر ایله اساسلاندیرماغا چالیشدی"(2).

دئمک، ایران ممالیکی محروسه سینده کی میللیتلر مسئله سی بوگون اورتایا چیخمیش بیر مسئله دئییل، بو مسئله زامان زامان فارس شوونیستلری و راسیستلری نین کورکلرینه بیره سالاجاق مسئله دیر. کئچن گونلرده ماشاالله رزمی طرفیندن فارس ایجتماعیتی اوچون بیر مقاله یازیلمیش او یازیدا فارس ایجتماعیتی نین کار قولاقلارینا و گؤزمز گؤزلرینه فارس دیلینده آذربایجان میللی مسئله سی نین وار اولدوغو تقدیم اولموش(3). او یازی اؤزونو ایجتماعیته "دکتر" کیمی تقدیم ائدن امیر حسین خنجی ذات عالیلری اولدوقجا راحاتسیز ائتمیشدیر. زامان کئچمه دن بو ناراحاتلیقلاری ائشیتمه گه چالیشاق، اوخویوروق:

"آنچه مرا به نگاشتن اين نامه واداشت مقاله‌ئی بود كه همين دوشنبه در وب‌گاه «ايران امروز» انتشار يافته به قلم آقای ماشا الله رزمی با عنوان «مسئله‌ی ملی آذربايجان». من وقتی عنوان اين نوشتار را ديدم و هنوز متنش را نگشوده بودم با خود انديشيدم كه حتما می‌بايست درباره‌ی جمهوری آذربايجان بوده باشد كه نام اصليش اران و شروان بوده و روسی‌ها كه آن سرزمينِ هميشه ايرانی را از قاجاری‌ها گرفته بودند نامش را به هدف خاصی و با چشمی كه به بلعيدن آذربايجان داشتند عوض كردند."(4).

گؤروندوگو کیمی بو ذاتلار "آذربایجان میللی مسئله سی" دئیه بیر مقوله نین ایران ممالیکی محروسه سینده اولمادیغی ایددعا ائدیرلر. آنجاق یئری گلمیشده بو مسئله خاریجی عامیللره نیسبت وئرمگه چالیشیرلار. آنجاق بو نیسبت وئرمه ده بیر شهر و بؤلگه نین تاریخی آدلارینی آذربایجان جومهوریتینه نیسبت وئرمکله اؤزلرینی راحات ائتمیش گؤرونورلر. بو مسئله کئچمیشده محمود افشار یزدی(5)، عنایت الله رضا(6)، سیاوش بشیری (7)، جلال متینی (8، 8.1، 8.2)ایران ممالیکی محروسه سی نین خاریجی ایشلر ناظیری آدینا یایینلانمیش کیتابلاردا (9) دا اوزلشمک ایران ممالیکی محروسه سینه حاکیم اولموش نیظام و اینتیظام  فارس محورلی اولدوغو اوچون طبیعی حال کیمی نظره گلیر. ایران خاریجی ایشلر ناظیرلیگی نین"اسنادی از روابط ایران با منطقه قفقاز" آدلی کیتابینداکی گؤروشلر قوزئی آذربایجانی "ارّان و شیروان" آدلاندیرما باخیمیندان  امیر حسین خنجی نین گؤروشلری ایله اوست اوسته دوشور، اوخویوروق:

"در سال 1911 میلادی حزب مساوات در ارّان شروع به فعالیت نمود و این تا سال 1918 ادامه یافت. توسط همین حزب مساوات نام جعلی آذربایجان بر سر زمین ارّان و شیروان اطلاق گشت"(10).

اوسته کی فارس شوونیست مئییللی یاناشمالاری نظره آلاراق تاریخده فارسچا یازیلمیش قایناقلاردان بو مسئله یه جاواب تاپماق زوروندا قالیریق. محمد بلعمی سامانلیلارین وزیری طبری نامه کیتابیندا یازیر:آذربایجان

"اوّل حد از همدان درگیرند تا به ابهر و زنگان بیرون شوند و آخرش به دربند خزران. و بدین میانه اندر هرچه شهرها است همه را آذربایگان خوانند" (11). محمد حسین خلف تبریزی یاردیغی تاریخی برهان قاطع سؤزلوک کیتابیندا آرانین هارا اولدوغونا داییر اوخویوروق:

"اران نام ولايتي است از آذربايجان كه گنجه وبردع ازاعمال آن است" (12)

تاریخی فاکتلاردان گؤروندوگو کیمی آذربایجان مقوله سی دونن و بوگون مقوله سی دئییل، آران ایسه آذربایجان تورپاغی نین ترکیب حیصصه سیدیر. بئله لیکله گئنه امیر حسین خنجی ذاتی عالی نی ائشیتمه لی اولوروق:

"... درپی نابسامانی‌های ناشی از فروپاشی دولت ساسانی و بی‌دفاع ماندنِ مرزهای شرقی و شمالی كشور، تا اواخر قرن نخست هجری بخشهائی از سرزمينهای ايرانی‌نشين در شرق سغد تا سمرقند، و بخش بزرگی از هيركانيا تا نزديكی‌های گرگانِ كنونی به اشغال تركانِ خزنده درآمده بود. در قرنهای سوم و چهارم هجری چندين مهاجرت جماعات مسلمان‌شده‌ی ترك از ماورای سيحون و اطراف درياچه‌ی خوارزم به درون سغد و خوارزم و هيركانيا گزارش شده است، كه در يك‌مورد سخن از صدهزار خرگاه است كه خود را به امير سامانی می‌فروشند و با اجازه‌ی امير سامانی در بيابانهای سغد و خوارزم و هيركانيا اسكان می‌يابند و فرزندانشان به‌عنوان غلام و مملوك وارد ارتش سامانی می‌شوند. پس ازآن خزش بزرگ تركان به درون سغد در اواخر دوران سامانی صورت گرفت كه به براندازی دولت سامانی توسط مهاجمان ترك و تشكيل حاكميتِ ترك در سرزمينهای ايرانی‌نشينِ سمرقند و بخارا انجاميد. داستانهای كهنِ ايرانی كه از جنگهای ايرانيان و تركان سخن می‌گويند مربوط به تلاشهای تركانِ ماورای سيحون و بيابانهای شرقی دريای مازندران (خزر) به خزش به درون سغد و هيركانيا، و بازدارندگی آنها توسط نيروهای پارتيان و سپس ساسانيان است. و اين تلاشها سرانجام درزمان اميرانِ سامانی كامياب شد."(4).

اوسته کی فارس شوونیست مئییللی مقاملارا گؤز یومولارسا، فارسلارین اؤزلری گلدیکلری قناعته اساساً تاریخ بویو اورتا آسیا و ایران ممالیکی محروسه سینده تورکلر اؤز وارلیقلارینی سوردورمگه چالیشمیشلار. غرب موألیفلری نین گلدیکلری قناعته اساساً عربلر ایران ممالیکی محروسه سینه یوروش ائتدیکلری زامان آذربایجاندا تورکلر یاشاییردیلار (13). گؤروندوگو کیمی امیر حسین خنجی اوسته کی ایفاده لری سیرالایارکن ذبیح الله صفا ذات عالی نین یالانچی عیبارتلرینی چئینر توپور ائتمگه چالیشمیش. بیلیندیگی کیمی سامانیلر فارس شوونیستلری خیال ائتدیکلری کیمی گوجلو  بیر دؤولت و ایمپراتور دئییل، اونلار سمرقند و بوخارا آراسیندا یئرلشمیش کیچیک بیر بؤلگه یه حاکیم ایدیلر(14). دئمک، سمرقند و بوخارا آراسینداکی تورپاقلاردان باشقا هئچ بیر یئر حاکیمیت ائتمه اولاراق فارس حاکیمیتی نین الینده دئییل و بوگونکو ایران ممالیکی محروسه سی عرب خلیفه لیگی نین ایختیاریندا ایدی. تورک حاکیمیتلری ایران ممالیکی محروسه سینده عرب خلافتینه سون قویاراق فارس دیلینی، دیوان دیلی ائده رک بوگونکو ایران ممالیکی محروسه سینه گتیرمیشلر. گئنه ده امیر حسین خنجی ذات عالیدن اوخویوروق:

"با تشكيل سلطنت غزنوی كه برای ادامه‌ی «جهاد» در هندوستان به سرباز ترك نياز داشت، مرزهای ايران بيش ازپيش بر خزشهای تركان گشوده شد. هم در زمان محمود غزنوی بود كه طوايف بزرگ اوغوز درياچه‌ی خوارزم را دور زده به بيايانهای غربی آمودريا (اكنون اواسطِ تركمنستان) وارد شدند. در اواخر سلطنت محمود غزنوی يك‌دسته‌ی چندهزارنفری از اوغوزها از راه استراباد و ری تا اصفهان رفتند و ازآنجا برگشته راه شمال در پيش گرفته به آذربايجان رسيدند. اما در رخدادهای بعدی از حضور اينها در آذربايجان خبری به‌دست داده نشده است، و چه بسا كه آنها آذربايجان را زيرِ پا نهاده وارد آناتولی شده باشند؛ زيرا كه در سرزمينهای مسيحی‌نشين آناتولی امكان جهاد فراهم بود، و از راه جهاد می‌شد زمين و ثروت و زن و دختر حاصل كرد... مشخصا و به‌طور قطع، تا پايان قرن چهارم هجری خورشيدی هيچ نشانی از وجود تركان در آذربايجان و اران و شروان نيست.." (4)

گؤروندووگو کیمی تورک سلاله لری نین ایش باشینا گلمه مسئله لری ده فارس شوونیستلری طرفیندن غرضلی قارشیلانیر. اونلار سلطان محمود غزنه لیلرین کیم اولدوقلارینی بیله قلمه آلماق ایسته مه یه رک تورکلرین حاکیمیت مسئله لرینی هیندوستان مسئله سی ایله دوگونله مک ایسته ییرلر. بیلیندیگی کیمی او بؤلگه ده امیر حسین خنجی ایددعا ائتدیگی کیمی دئییل، 2 تورک دؤولتلری قاراخانلیلار(912-1212)، غزنه لیلر (977-1186) حؤکوم سورمکده ایدیلر (داها آرتیق معلومات اوچون باخ 14). بو دؤولتلر بیر-بیرلرینه سیاسی رقیب اولاراق اؤز حاکیمیت داییره لرینی گئنیشلندیرمگه چالیشمیشلار. سلجوق اوغوللاری غزنه لیلری یئنیلگه یه اوغراداراق عرب خلیفه لیگی نین بغداد شهرینی بیله اله کئچیره رک بوگونکو ایران ممالیکی محروسه سی،عراق،سوریه، اوردون، تورکیه نین بؤیوک قیسمینی، قافقازلاری، تورکمنیستان، اؤزبکیستان و افغانیستان و ساییره تورپاقلاری اله کئچیرمیشلر. دئمک، امیر حسین خنجی لرین ایددعالاری نین ترسینه سلجوق تورکلری ده آذربایجان مملکتینده یئرلشمکدن واز کئچمه میشلر. اونلار دا باشقا حاکیمیتلر کیمی آذربایجاندا حاکیمیت ائتمگه باشلامیشلار. اوسته لیک فارس شوونیستلری خیال ائتدیکلری بؤیوک سلجوقلار فارس حاکیمیتی دئییل، تورک حاکیمیتلری ایدی. اوسته گؤروندوگو کیمی موألیف ذبیح الله صفا یازدیغی اراجیفی(.. زن و دختر..) بیر وحی منزل کیمی باشقالارینا یئدیرمگه چالیشاراق تورکلری باشقا اینسانلارین مال و ناموسلارینا تجاووز ائدر کیمی قلمه آلماغا چالیشمیش. گئنه ده امیر حسین خنجی یازیر:

"... ما وقتی گزارشهای تاريخی مهاجرتهای تركان به درون ايران را دنبال می‌كنيم، می‌بينيم كه نخستين مهاجرها اسمهای تركی دارند و نومسلمانند، ولی فرزندانشان اسمهای ايرانی دارند، و فرزندان رؤسايشان باسواد شده‌اند و به زبان فارسی سخن می‌گويند. اين وضعيت در تمام دوران دوقرنه‌ی سلطنت اوغوزها تا يورش مغولان برقرار بود؛ و تركان مهاجر برای آنكه ايرانی شوند اسلام و زبان ايرانی و اسم ايرانی (نامهای شاهنامه‌ئی يا نامهای اسلامی) اتخاذ می‌كردند. همه‌ی منابع تاريخی كه درباره‌ی دوران سلطنت سلجوقی‌ها تا حمله‌ی مغول دردست است شاهد اين مدعا است." (4).

اوسته کی ایددعالارا اساساً بوگونکو ایران ممالیکی محروسه سینده فارس اولمایان اینسانلارین ایرانلی اولمالاری اوچون فارس دیل و مدنیتی نی اؤیرنمکلری، اوشاقلارینا فارس آدلاری نین قویولماسی گرکلی  حئساب ائدیلیر. بو مسئله جواد شئیخ الاسلامی نین ده محمدرضا شاه یازدیغی عریضه لرینده اؤز عکسینی تاپمیشدیر. بو گؤروشه اساساً فارس= ایران اولمالیدیر. میللی وارلیقلارا بو بیچیمده یاناشما مدنیتلری یوخلوغا اوغراتما (Kultur Genozid) داورانیشیدیر دئدیکده حضراتلارین وای ایرانا سسی دونیا ایجتماعیتی نین قولاغینی باتیرمیش اولور. بئله لیکله خیالی عرب و موغوللارین حمله سی ایران ممالیکی محروسه سینه باشلانمیش کیمی قلمه آلیناراق وای ایرانا سسی دونیا ایجتماعیتی  نی فارس شوونیستلرینه آغلاتماغا زورلاییر. آنجاق آد قویما مسئله سینه گلدیکده بوگون ایران ممالیکی محروسه سینده روس دیلیندن گلمیش ناتاشا، نادیا، ویکتور،  ویکتوریا، ساشا و ساییره آدلار هئچ ده آز دئییل. بو اینسانلاری روس دئیه ایران ممالیکی محروسه سینه دوشمنلیکده ایتتیهام ائتمک هئچ ده اینسانیت منطیغینا اویقون گؤرونمور. دئمک، بیر دیل و مدنیتدن ایختیاری اولاراق بیر آدین آلینماسی او شخص و توپلومون اؤزگه لشمه سی دئییل، آنجاق شخصلره اؤز دیل و مدنیتلرینه اویقون آدلارین قویماسینا ایجازه وئرمه مک او اینسانلاری حاکیم توپلوملا عئینیلشدیرمک و اریتمه سیاستینه معروض ائتمک دئمکدیر. بیر چوخلاری بو مسئله یه اینسانلاری یوبازلادیب فارسلاشدیرماق آدی دئییل، ایرانلی اولماق آدی وئرمک و ایرانلی دونو گئییندیرمک ایسته ییرلر. بو باخیمدان بوگون فارس اولمایان اینسانلارا تهران حاکیمیتی طرفیندن اؤز دیل و مدنیتلرینه اویقون اوشاقلارینا آد قویمالارینا داییر ایجازه وئرمه مک اونلاری فارسلیق سیاستینده اریتمک و تابع توتماق دئمکدیر. گئنه ده امیر حسین خنجی یازیر:

".. تركان مغول كه قرن هفتم هجری خورشيدی با تهاجمِ آنها به ايران آغاز شد، در آغاز نه به قصد مهاجرت به درون ايران بلكه به قصد تاراجگری و بازگشت به ديار خودشان آمده بودند، و به همين خاطر هم از زمان حمله‌ی چنگيز به ايران برای بيش از سه دهه همواره مشغول آمدن و برگشتن و تخريب و كشتار و تاراج بودند؛ و اين تنها هدفی بود كه برای يورشهای خود تعيين كرده بودند."(4).

اوسته گؤروندوگو تورک ائتنوسونو موغوللارا باغلاماق فارس شوونیستلری نین میللی تئرور ائتمه عامیللریندن بیری ساییلمالیدیر. بونلار کئچمیش 80 ایلده آذربایجانی موغوللار واسیطه سی ایله تورکلشمیش گؤسترمگه چالیشمیشلار. بوگون ده "ترکان مغول" دئیه اؤز جاهیللیکلرینی اورتایا قویماغا چالیشیرلار.  گئنه ده امیر حسین خنجی یازیر:

 "... مگر مردم آذربايجان يك ملت‌اند كه مسئله‌ئی به نام مسئله‌ی ملی داشته باشند؟ اگر يك ملتند در چه زمانی از تاريخ دارای دولتِ مستقل بوده‌اند؟ مرزهای كشورشان در كجاها بوده، و با چه كشورهائی همسايه بوده‌اند؟ از چه هنگامی كشورشان ضميمه‌ی ايران شده است تا اكنون مسئله‌ی ملی داشته باشند؟" (4)

امیر حسین خنجی نین سورقو و سوآللارینا آشاغیداکی جاوابی وئرمک اولار:

میللت مقوله سی، اورتاق دیل، مدنیت، گله نک و گؤره نک و ائتنیک تورپاق اوزرینده اولوشان بیر مسئله دیر. بو عونصورلارین هربیری آذربایجان توپلوموندا اولدوغو اوچون آذربایجانلیلار میللت ساییلارلار. بیر چوخلاری نین میللت مقوله سینی دؤولت تئوریسی Staatstheorie ایله اساسلاندیرماغا چالیشمالارینا باخمایاراق اونلار دؤولتلر میللتین ایستگی ایله قورولا و ییخیلابیلر مقوله سینی اونوتموش گؤرونورلر. دؤلت تئوریسی و حاکیمیت ائتمه مسئله سینه گلدیکده اوزون کئچمیشلره گئتمسک، سلجوق تورکلریندن باشلامیش حاکیمیتلر ایران ممالیکی محروسه سینده کی  تورکلرین، آذربایجاندا ایسه قاراقویونلو، آق قویونلو و صفویلر دؤولتچیلیگی تاریخی آذربایجان دؤولتچیلیگی ساییلمالیدیرلار. میللت مقوله سی فرانسه اینقلابیندان، 1789 میلاد ایلیندن باشلاندیغی اوچون میللت اولما، میللی دؤولت قورماق اوچون هئچ ده خیالی باستانگرایلیغا احتییاج گؤرونمور. میللی پارامئترلری اولوشدوران هر بیر توپلوم میللت ساییلمالیدیر. گئنه ده امیر حسین خنجی ذات عالیدن اوخویوروق:

"..مسئله‌ی ديگر در اين مقاله آن است كه آقای رزمی می‌گويند: «اين مقاله بيشتر روشنفكران فارس را مورد خطاب قرار می‌دهد». پرسش آن است كه چرا آقای رزمی فقط روشنفكران فارس را مورد خطاب قرار داده‌اند و نه روشنفكران سراسر ايران را؟ مگر مردم فارس با آذربايجان همسايه‌اند يا روشنفكران فارس با مردم آذربايجان مشكل دارند؟ يا اينكه فقط روشنفكران فارس از وضع آذربايجان بی‌خبرند و مردم ديگر استانهای ايران همه چيز درباره‌ی آذربايجان و مسائل آذربايجان می‌دانند؟ چرا روشنفكرانِ كردستان و همدان را مورد خطاب قرار نداده‌اند كه همسايه‌های آذربايجانند؟" (4)

اوسته کی مقاملارا گؤز گزدیردیکده بو تمامیتچی، باستانگرای فیکیر صاحیبلرینه گولمکدن باشقا یول قالمیر. رزمی بگین فارس کسیمینه خیطاب ائتمه سی، ائله بیل فارس آیدینلاری (!!) مسئله نین هانکی آشامادا اولماسیندان خبری یوخوموش فیکیریندن ایلری گلیر. آنجاق امیر حسین خنجی ده ایظهار ائتدیگی کیمی حاکیم میللتین اوزدن ایراق آیدینلاری(!!!) مسئله نین هانکی آشامادا اولدوغونو یاخشی بیلر. اونلار آریاچیلیق و شوونیستلیک آتلارینا میندیکلری حالدا ایران ممالیکی محروسه سینده کی مظلوم میللتلر بوگون حاکیمیت آتی نین هانکی بویاقدا اولدوغونو بیله اؤزلرینه سیغدیرا بیلمیرلر. بئله لیکله ماشاالله رزمی بگ اورتاق حاکیمیت آتینا صاحیب اولماق اوچون فارس آیدینلارینا (!!!) آذربایجان میللتی نین مظلومیتینی ایفاده ائتمیش دئیه دوشونمه لی ییک. فارسیستان و فارس حؤکومتی مقوله سینه گلدیکده رضاشاه زامانی ایراندا آلمان طرفیندن سفیر اولموش Wipert von Blücher یازدیغی Zweitenwende in Iran کیتابی نین 322 – 325 صحیفه لرینده داها آرتیق بیلگی الده ائتمک اولار (2). گئنه امیر حسین خنجی ذات عالی یازیر:

" ... پان‌توركيستهای شووينيست آذربايجان به ايرانی‌های فارسی‌زبان می‌گويند «فارس». يعنی اسم آستان فارس را برای ايرانی‌هائی به‌كار می‌برند كه زبانشان زبان ملی ايران است نه يك زبان محلی. و به همدانی‌ها و اصفهانی‌ها و خراسانی‌ها و كرمانی‌ها و تهرانی‌های فارسی‌زبان هم «فارس» می‌گويند. حتما افغانستانی‌ها و تاجيكستانی‌ها و ازبكستانی‌های فارسی‌زبان نيز در قاموس اينها «فارس» هستند."(4)

اوسته گؤروندوگو کیمی امیر حسین خنجی شوونیست مقوله سی نین نه اولدوغونو بیله آنلاماق ایسته میر. بیلیندیگی کیمی شوونیست دیل و مدنیت آچیسیندان اؤزونو اوستون بیلن و اوستون گؤسترمگه چالیشان اینسان و توپلوملارا خیطاب اولونار. امیر حسین خنجی نین ایفاده ائتدیگی مقاملاری اوخودوقدا بو ذات شوونیستلیگین کؤلگه سی دئییل، جوهره سیدیر. بورادا امیر حسین خنجی نین "ایرانیهای فارسی زبان" مقوله سی ده ائله او شوونیستلیک مقوله سینه دایالی فیکیر یئریتمه دن اورتایا گلیر. فارس دیلینی اؤزونه آنادیلی بیلن فارس، تورک دیلینی اؤزونه آنادیلی بیلن ایسه تورک ساییلار. بونلارا باخمایاراق فارس شوونیستلری "ایرانیت" مقوله سی نین دالیندا گیزلنمگه چالیشاراق عرب میللیتینه باغلی اولانلاری "ایرانیهای عرب زبان" تورک ائتنوسونا باغلی اولانلاری "ایرانیهای تورک زبان" دئیه عوامفریبلیک ائتمه گه چالیشارلار. دئمک، فارس دیللی بیری نین فارس آدلانماسی شوونیست مقوله سی ایله یوروملاناجاق دئییل، بو مسئله فارس دیل، مدنیتی، گله نک و گؤره نکلری ایله ایضاح ائدیلمه لیدیر. بوگون ایران ممالیکی محروسه سینده دری دیلینده دانیشان توپلوما "فارس" آد وئرمه مسئله سی گئنه ده آذربایجان تورکلرینده دئییل، بو مسئله نین اساس و کؤکلری فارسنامه تاریخی نی اویدورموش فارس شوونیستلیگینده آختاریلمالیدیر (15). بو عوامفریبلیکلره باخمایاراق اؤزلرینی فارس دئییل، "فارس زبان" بیلن ذات عالیلر نه اوچون فارس ایالتینه عایید ائتدیکلری دیلی، ایران ممالیکی محروسه سینده کی میللیتلرین میللی دیلی (زبان ملی ایران) دئیه قلمه آلماغا چالیشیرلار، بو مسئله اؤزو ده عوامفریبلیک مقوله سی آچیسیندان یوروملانمالیدیر. گئنه امیر حسین خنجی ذات عالیدن ائشیدیریک:

"... ديگر اينكه ايشان از «ساير ملل ساكن در ايران» سخن گفته‌اند. مگر «ملت ايران» از چند ملت تشكيل شده است؟ مگر ايران از اتحاديه‌ی چند كشور تشكيل شده است كه دارای «مللِ ساكن در ايران» بوده باشد؟ اين ملتهای فرضی كشورهايشان چه نامهائی داشته‌اند و مرزهای كشورشان كجا بوده و با كدام كشورهای فرضی همسايه بوده‌اند؟" (4)

اوسته گؤروندوگو کیمی بورادا امیر حسین خنجی دؤولت تئوریسی نی میللت مقوله سی ایله یانلیش باشا دوشموش مقامدا یئر آلیر. او میللت دئدیکده بیر حاکیمیتین سر حدلری آلتیندا یئر آلان توپلوملاری باشا دوشور. بو تئوریه اساساً آوروپا بیرلیگینده یئر آلاجاق میللتلر گله جکده بیر میللت ساییلاردی. واقعیت ایسه بو مسئله نین ترسینه دیر. آوروپا بیرلیگی کؤنوللو ایقتیصادی و سیاسی بیرلیکدیر. بو بیرلیکده میللتلرین میللی دیللری، مدنیتلری، گله نک و گؤره نکلری میللی دؤولتلرده اولدوغو کیمی اؤز موستقیللیگینی قورویورلار و گله جکده ده قورویاجاقلار.

 



قایناقلار:

 

 

1        Wipert von Blücher’in kitabın girişində oxuzuruq: „Dieses Buch ist der Erinnerung an zwei Staatsmänner gewidmet, die nicht mehr am Leben sind; Hofminister Teymurtache, Ministerpräsident Foroughi“.

2        Wipert v. Blücher (ehemaligem deutschen Gesandten in Teheran), Zweitenwende in Iran (Erlebnisse und Beobachtungen), Biberach an der Riss, 1949, S. 322-325.

3        ماشاالله رزمی، مسله ملی آذربایجان، دوشنبه 7 فروردین 1385:

http://politic.iran-emrooz.net/index.php?/politic/more/7612/

4        امیر حسین خنجی، پان ترکیستها و آرزوی پاره پاره شدن ایران:

         http://politic.iran-emrooz.net/index.php?/politic/more/7657/

5        محمود افشار یزدی، مجله آینده جلد دوم، تهران 1352، خطرهای سیاسی: اران و مسئله آذربایجان صحیفه 921- 926.

6        رضا عنایت، آذربایجان و ارّان، تهران 1360.

7        سیاوش بشیری، آذر، آذربایگان، تهران 1363

8        جلال متینی، مجله ایرانشناسی، چاپ  مریلند- آمریکا، سال اوّل، شماره 3، آذربایجان کجاست؟ صحیفه 443- 459.

8.1     جلال متینی، مجله ایران نامه، چاپ مریلند- آمریکا، سال پنجم، شماره دوّم، زمستان 1365، از آذربایجان تا خلیج فارس، 197-232.

8.2     جلال متینی، مجله ایرانشناسی، چاپ  مریلند- آمریکا، 1368، سال اوّل، شماره اوّل، ایران در آینهّ دیگران: صحیفه 3-31.

9        وزارت امور خارجه، اسنادی از روابط ایران با منطقه قفقاز، چاپ اوّل، تهران 1372، ارّان و آذربایجان شوروی صحیفه 56- 63.

10      وزارت امور خارجه، آدی کئچن اثر، صحیفه 60.

11      ابو علیمحمد ابن محمد بلعمی: تاریخنامه طبری، جلد 1، تهران 1366، خبر گشادن آذربایجگان و دربند خزران صحیفه 529 (529-534).

12      محمد حسین خلف تبریزی: فرهنگ برهان قاطع جلد 1، حاضر شده از طرف معین، چاپ تهران.

13      Haussig, Hans W. Die Geschichte Zentralasien und der Seidenstraße in islamischer Zeit; Darmstadt 1988, sehifə 117.

14      ایشیق سؤنمز، پان ایرانیستلرین عوامفریبلیک و تمامیتچی فیکیرلری:

http://www.azadtribun.net/x311.htm

15      ناصر پورپیرار،  منشاء بيماری هموطن ستيزی و تجزيه طلبان فارس:

http://www.shamstabriz.com/porpirar-bimary.htm

 

ایشیق سؤنمز 01.04.2006

 

فارسچي گؤروش