آذربایجان میللی مسئله سی و حزب کمونیست کارگری  فارس -3

 

بیلیندیگی کیمی هر خالق و میللتین اؤز گله جه گینی اؤزو بلیرله مه سی دونیا بشر حاقلاری و بیرلشمیش دؤولتلر تشکیلاتی نین 1948 اینجی ایل قبول ائتدیکلری منشورا اساساً قبول اولونموشدور. ایرانداکی فارس حاکیمیتی ده بو منشورون آلتینی ایمضالادیغینا و بو مسئله نین اوستوندن 58 ایل کئچمه سینه باخمایاراق حله ده ایران ممالیکی محروسه سینده میللیتلر مسئله سی اؤز حلل یولونو تاپمامیش. فرانسه بورژوازی اینقلابیندان (1789. ایلدن) باشلامیش میللتلشمه سورجی شرق بلوکو باشلاریندا روسیه سؤیئتلیک ایمپئریاسی اولاراق داغیلماسی نتیجه سینده تیخانیق یولونو آچاراق بنده چکیلمیش میللتلر ده یاواش یاواش اؤز گله جکلرینی الده ائتمگه دوغرو آتدیم آتماغا باشلامیشلار. غرب مملکتلرینده بؤیوک دؤولتلرین کؤمگی ایله فئدرال مملکتلر یارانارکن روسیه کمونیست پارتیسی نین نوفوذو کؤلگه سینده اولان مملکتلرده ده میللیتلر مسئله سی فئدرال آدینا اؤز حللینی تاپا بیلمه میش، اؤرنک اولاراق سؤیئتلربیرلیگی آدی آلتیندا روسیه توتساغیندا (اسارتینده)، یوقوسلاویادا و چئکوسلوییادا یاشایان میللتلر. بونلارا باخمایاراق شرق بلوکو ییخیلدیقدان سونرا بؤلونموش آلمانیا (گونچیخان آلمانیا و گونباتان آلمانیا ) بیر میللت اولاراق بیرلشمیش. سؤویئتلر بیرلیگینده ایسه خسته کیشی حالینا گلمیش روسیه فئدراسیونو اؤز ایچ مسئله لر ی ایله اوزله شرکن  اؤز جایناغیندا ساخلامیش بالتیک جومهوریتلری، اوکراینا، آغ روسیه، تورک جومهوریتلری (قازاقستان، اؤزبکیستان، ترکمنستان، آذربایجان و قیرقیزیستان)، تاجیکستان، ارمنستان، گورجوستان، مولداویا اؤز موستقیللیکلرینی قازانمیشلار. بو آرادا چئکوسلوواکیده کی بیرلیکده یاشایان ایکی میللت مدنی حالدا، کیمسه نین بورنو قانامادان اؤز موستقیل جومهوریتلرینی قورماغا باشارمیشلار. یالنیز یوقوسلویده کمونیست ایدئولوژیسینی سئرب میللیتچیلیگینه آلت ائتمگه چالیشان سیلوبودان میلوسوویچلر بو ممالیکده میللیتلر مسئله سینی دیرماندیرماغا چالیشاراق ایسلووانلار و ماقادونلار سئربیستاندان اوزاق اولدوقلاری و سئربیستان نوفوذ اعمال ائتمه قودرتینده اولمادیغی اوچون کیچیک قارشی دورما ایله اؤز مستقیللیکلرینی الده ائتمیشلر. آنجاق سئربلر ایله ایچ ایچه یاشایان میللتلر موستقیل اولماق اوچون سئرب میللیتچیلیگی و تمامیتچیلیگینه قارشی قویماق زوروندا قالمیشلار. سئرب ایستعمارچیلیگی و فاشیستلیگی نتیجه سینده گرکسیز ایتتیفاقلار اولماسینا باخمایاراق یوقوسلاویده کی میللیتلر اؤز موستقیللیکلرینی الده ائتمیشلر. بو باش وئرمیش اولایلار نتیجه سینده بنده چکیلمیش میللتلر آراسی میللی مسئله گونجللشمه گه باشلامیش. ایران قونشولوغوندا، افغانیستان و عیراقداکی ائتنیکلر آمریکا بیرلشمیش دؤولتلری نین دخالت ائتمه سی نین نتیجه سینده فئدرال سیستیملرینی یاراتماغا باشلامیشلار. ایران ممالیکی محروسه سینه گلدیکده حله ده مسلمان سایاغی ایکی ایله اوچ آراسیندا شک ائتمه لر فارسلیق حاکیمیت سیستیمی اساسیندا داوام ائتمکده دیر. کیمیسی ایران ممالیکی محروسه سینده بنده چکیلمیش میللیتلرین موستقیللیگینی اورتایا آتارکن کیمیسی ده بیز موستقیللیگه لاییق دئییلیک دئیه فئدرال بیر سیستیمی ایران ممالیکی محروسه سی اوچون ان یاخشی سیستیم دئیه تکلیف ائدر. بو آرادا فارس مفکوره لی شخص و تشکیلاتلار ایران ممالیکی محروسه سینده کی میللیتلر مسئله سینی فارس ایستعمارچیلیغی علیهینه بیر ویروس دئیه ایسلام جمهوریسی حاکیمیتیندن راضی اولمادیقلارینا باخمایاراق فارس ایستعمارچیلیق حاکیمیتینی  قوروماغا چالیشارلار. آشاغیدا بعضی بؤلوملرینی گؤزدن کئچیره جه گیمیز یازیلار "حزب کمونیست کارگری ایران" آدلی فارس ایستعمار تشکیلاتا منسوب اولان شخصلرین گؤروشلرینی ایچرمکده دیر. رحمان حسین زاده آدلی موألیف آذربایجاندا باش وئرمیش اولایلار اوزره یازیر:

" این هشداری بود که سالها است که ما در جنبش کمونیسم کارگری همراه با منصور حکمت در مورد وقوعش نوشتیم و هشدار دادیم و به سهم خود برای بیمه کردن جامعه در مقابل طاعون ناسیونالیسم  و قومپرستی تاکید گذاشتیم. درست ده سال قبل در ماه خرداد ۱۳۷۵ منصور حکمت در مصاحبه ای حول ارتجاعی بودن شعار فدرالیسم چنین گفت: ناسیونالیسم و قوم پرستی در جامعه امروز ایران یک بیماری سیاسی - فرهنگی رایج نیست. اما نه ریشه کن شده و نه جامعه در برابر آن واکسینه است. وجود همین فدرالیست ها و جماعات عقب مانده ای که از هم اکنون در اوج وقاحت و سفاهت صدور شناسنامه های قومی برای مردم در ایران را شروع کرده اند، گواه این است که این ویروس ریشه کن نشده است. و میتواند، بخصوص در یک شرایط متحول سیاسی، مصائب زیادی بار بیاورد. "[i] 

گؤروندوگو کیمی دیل و مدنیت مقوله لری بو ذاتلارین نظرینجه بدویت حئساب ائدیلر. اونلار فارس ایستعمارچیلیغینی و تمامیتچیلیگینی ایران ممالیکی محروسه سینده حاکیم ساخلاماق اوچون میللیتلر مسئله سی نی بدویت دئیه ایجتماعیته تزریق ائتمگه چالیشاراق فارس راسیستلیگینه قارشی قویانلاری "قومپرست، سرطان خسته لیگینه توش گلمیشلر، مرتجع، گئری قالمیش، وقیح و سفیه" دئیه قلمه آلماغا چالیشارلار. آنجاق بو دیل و مدنیت صاحابلاری اوچون بیر حلل یولو دا تکلیف ائتمک قابلییتینده دئییللر. رحمان حسین زاده گئنه ده یازیر:

"دقیقا همین قوم پرست ها و فدرالیستها با اتکا به  مهندسی افکار توسط راست  جهانی نظم نوینی  در مورد  "حقوق اقوام و ملل" راه افتادند و ویروس ناسیونالیسم را در بدن واکسینه نشده جامعه تزریق کردند. همزمانی رویداد ارتجاعی آذربایجان با  برگزاری "همایش ایران فدراتیو " زیر نظر مستقیم وزارت خارجه آمریکا در واشنگتن مکمل سناریوی سیاهی است که بر علیه مردم ایران تدارک دیده میشود."[ii]

گؤروندوگو کیمی کئچمیش 80 ایلده "حق تعیین سرنوشت، حق مسلم خلقهای ایران است" مقوله سی ده مسکووایا تاپینان کمونیستلره دئییل، آمریکا بیرلشمیش دؤولتلری و اونون اقمارینا عایید ائدیلر. مسئله بئله اولدوقدا 1917 ایل اوکتوبر اینقلابی نتیجه سینده روسیه چارلیغی یئرینده قورولموش دؤولتلری ویلادیمیر ایلیچ لنین بویوروغو ایله 1920 اینجی ایل ایشغال ائتمک و سونرا ایستالین واسیطه سی ایله "اتحاد جماهیر شوروی" دئیه اونلاری روسیه سؤیئتلیگی چنبره سینده ساخلاماق دا غرب دؤولتلری، باشلاریندا آمریکا بیرلشمیش دؤولتلرینه نیسبت وئریلمه لی ایمیش!!! بو "حزب کمونیست کارگری ایران" آدلی فارس ایستعمار تشکیلاتی نین اوسته کی ایددعالارینی قبول ائدرسک، دیل و مدنیتلر مسئله سی باخیمیندان "کمونیستلیک" ده "فاشیستلیک" کیمی بیر دونیا گؤروشو اولمالیدیر. اونلارین آراسیندا اولان فرق بو: آلمان فاشیستلری ائتنیک دابانا و راسیستلیگه اساسلانارکن ایشچی یانچیسی ایددعاسیندا اولان کمونیستلر ده ایشچی تمامیتچیلیگی Totalitarismus و فاشیستلیک مقوله سینی اینسانی توپلوملارا تحمیل ائتمک ایسته میشلر. دئمک، مسئله سئچیم دئییل، حزب کمونیست کارگری ایران-فارس دوشونجه سی اساس گؤتورولورسه، تحمیل ائتمک باخیمیندان کمونیستلیک و فاشیستلیک آراسیندا  هئچ بیر فرق یوخدور دئیه قبول ائتمک اولار!!. رحمان حسین زاده ذات عالی گئنه ده یازیر:

".. همگی این طیف بی مسئولیت در قبال سرنوشت جامعه و مدنیت ایران، ...... "خطه آذربایجان" را تحت نام مبارزه با ستم ملی، به قوم پرستان و پان ترکیستها بخشیده اند. در مقابل این هجوم معماران گورهای دسته جمعی و سازمان دهندگان پاکسازی و نفرت پراکنی قومی باید پرقدرت با پرچم آزادی و برابری و پرچم نه هویت قومی، نه هویت مذهبی ، زنده باد هویت انسانی  و زنده باد آزادی و برابری باید به میدان آمد و  پاسخ داد."[iii]

گؤروندوگو کیمی فارس ایستعمار یانچیلاری نین ساغ قانادی فارس دیل و مدنیتی نی اساس گؤتوره رک فارس راسیستلیگینی "ایران و ایرانیت" آدی دالیندا گیزلتمگه چالیشارکن، سولچومئاب تشکیلاتلاری دا فارس دیل و مدنیتی نی اساس گؤتوره رک فارس راسیستلیگینی "جامعه و مدنیت ایران" آدی آلتیندا گیزلتمگه چالیشارلار. بونلارا باخمایاراق آذربایجان دیل و مدنیتی موضوع اولدوقدا فارس ساغ و سول ایستعمار تشکیلاتلاری بو مسئله نی "قوم پرستلیک و پان تورکیستلیک" ایله ایلگیلی اولدوغونو ایددعا ائتمگه و ایجتماعیتی عوامفریبلیگه یؤنلندیرمگه چالیشارلار. فارس ساغ ایستعمار تشکیلاتلاری "شیعه لیک و فارسلیق" مقوله سینی ایران اوچون بیر تمل عنصر دئیه قلمه آلدیقلاری حالدا فارس سول ایستعمار تشکیلاتلاری فارس دیل و مدنیتی ایران ممالیکی محروسه سینه حاکیم ساخلاماق اوچون باشقا دیل و مدنیتلری "هویت کاذب"( نه هویت قومی، نه هویت مذهبی) دئیه ایچی بوش برابرلیک شعارینی یئنیلمگه و دورمادان تیکرارلاماغا چالیشارلار. حزب کمونیست کارگری فارس تشکیلاتی نین طوطو کیمی بوش بوغارلیق ائتمه سینه باخمایاراق برابرلیک اورتاداکی دگرلر اساسیندا اولمالیدیر. آذربایجانلی فارس دیل و مدنیتینه رغبت ایله یاناشدیغی حالدا، فارس دا گرک آذربایجانلی نین دیل و مدنیتینه رغبت ایله یاناشا و تورک ائتونوسونا انسان گؤزو ایله باخا. "ربّنا هپ منه" دئمک ایله برابرلیک و انسانلیق اولماز. آذربایجانلی نین دیل و مدنیتی، یئر آلتی و یئر اوستو قایناقلاری، فیزیکی و فیکری گوجو فارس ایستعمارچیلیغی ایسارتینه آلینار و یوخلوغا دوغرو سوروکله نرکن آذربایجان تورکو اؤزونو فارس توپلومو ایله بیرگه و برابر حیس ائده بیلمز. رحمان حسین زاده ذات عالی گئنه ده یازیر:

"...گروههای قوم پرست زمانی قوت قلب بیشتری گرفتند که حزب دمکرات کردستان را در صف سیاه خود یافتند و پز همراهی یک "حزب سیاسی با سابقه" را با پروژه شان در بوق کردند.  فدرالیسم خواست توده مردم نیست."[iv]

"حزب کمونیست کارگری فارس" دا "مجاهیدین خلق فارس" تشکیلاتی کیمی حاکیمیته گلدیکده فقط کوردلره "خودموختارلیق" وئره جه ییک[v] دئیه عوامفریبلیک ائتمکلرینه باخمایاراق کورد دئموکرات پارتی سی نین خودموختارلیقدان فئدرالیست ساحه سینه ایستکلرینی قالدیرماسی فارس ایستعمار تشکیلاتینا کوردلرین ده اینانمادیقلاری و اونلارین بوش سؤزلرینه تره دوغرامادیقلاریندان حئکایت ائدر.  دئمک، کورد تشکیلاتلاری دونیاداکی دگیشیکلری نظره آلاراق میللی مسئله اوزره ایستکلرینی داها دا یوکسک ساحه یه قالدیراراق فارس عوامفریب تشکیلاتلاریندان آرا آلماغا چالیشمیش دئیه مسئله نی دگرلندیرمه لی ییک. رحمان حسین زاده گئنه ده یازیر:

" طرح فدرالیسم به خرافه‌ناسیونالیسم و ملى‌گرایى متکى است. ویروس فدرالیسم هر چند غیر فعال و مرده، در این فضا و در این بستر و به ضرب مهندسى افکار، با یاری رسانه‌های با ”شرفى“ چون بى ‌بى ‌سى و امثالهم میتواند فعال شود. بویژه که دوران دوران ”نظم ‌نوین جهانى“ و سر برآوردن کثیف‌ترین و عتیقه ‌ترین افکار ارتجاعى و ناسیونالیستى است. .... اتفاقا این تجارب تلخ بشریت معاصر مشوق قوم ‌پرستان ایرانى و ناسیونالیستهای دو آتشه‌ایست که سرسوزنى به مدنیت جامعه ربطى ندارند. .. طرح فدرالیسم لازمست در نطفه خفه شود، و در همان شروع دفن گردد."[vi]

گؤروندوگو کیمی رحمان حسین زاده ذات عالی بیر یاندان میللی مقوله نی "خرافه" دئیه قلمه آلار، باشقا یاندان مودئرن آنلامدا میللتلره عایید اولان و دیلین ترکیب حیصصه سی ساییلان "مدنیت" مقوله سیندن سؤز صؤحبت آچماغا چالیشار. بو چلیشگه لی مقاملار فیکیر باخیمیندان بو ذات عالیلرین پوچلوغا اوغرادیقلاریندان خبر وئرر. رحمان حسین زاده فئدرالیسم اوزره یازیر:

"حزب و جریان ما ( کمونیسم  کارگری) همانموقع طى بیانیه ای  هشدار داد که :“.... فدرالیسم به معنای تقسیم قومى رسمى مردم کشور و تراشیدن هویتهای ملى و قومى کاذب برای مردم و صدور شناسنامه‌های قومى برای میلیونها انسانى است که در ایران زندگى و کار میکنند. فدرالیسم به معنای عقب کشیدن خودآگاهى سیاسى مردم و فرهنگ سیاسى جامعه و برجسته کردن قومیگری و نژادپرستى در ذهنیت مردم و نهادها و قوانین اجتماعى است. فدرالیسم به معنای رسمیت دادن و تعمیم بخشیدن به تبعیضات سیاسى و اقتصادی و فرهنگى میان مردم برحسب برچسب‌های ملى و قومى، پاکسازی‌های قومى در مناطق مختلف کشور، رهبر تراشیدن ازمیان مرتجعترین احزاب و افراد برای مناطق مختلف و به عقب راندن جنبشها و نیروهایى است که برای یک کشور سکولار غیرمذهبى و غیر قومى و برابری همه اهالى کشور مستقل از جنسیت و نژاد و مذهب و قومیت تلاش میکنند. شعار فدرالیسم نسخه‌ای برای ایجاد عمیقترین شکافها و تفرقه‌های قومى در صفوف طبقه کارگر کشور است. شعار فدرالیسم ضدکارگری و ضد سوسیالیستى است“[vii]

اوسته قالین بلیرله دیگیمیز مقاملار اوزره دوراقلادیقدا بو اؤزلرینی "حزب کمونیست کارگری ایران" آدلاندیران فارس ایستعمار یانچیلاری هپروت چؤللرینده یاشایاجاق موجودلار کیمی گؤرونرلر. بیلیندیگی کیمی اینسانلارین وار اولدوقلارینی رسمی و غیر رسمی آدلاندیرماق دوزگون اولماز. سیویل اؤلکه لرین قانونلارینا اساساً هر بیر اؤلکه ده دونیایا گؤز آچان انسان دوغولدوغو مملکته حاکیم اولان دؤلت و حاکیمیتین وطنداشی "شهروندی" حئساب ائدیلر. میللی کیملیک مقوله سی ایسه دیل و مدنیته اساسلانمیش کیچیک توپلومدا (ائوده ) شکیللنمگه باشلار، اینسان گله نک، گؤره نکلری، توپلومو و یاشادیغی جوغرافی بؤلگه نی منیمسه مکله اونون میللی کیملیگی تکمیلله شر. سیاسی بیلینج (شعور) مسئله سی ده میللی بیلینج اولمادان اینسان اؤزونو بیر توپلوما و جوغرافی بؤلگه یه باغلی بیلمه دیگی اوچون او توپلومون مدنی دگرلری نین نه اولدوغونو بیلمه یه رک قیسیرلاماغا باشلار. سیاسی بیلینجین قیسیرلاماسی توپلومون (جامعه نین) انکیشافی نین گئریله مه سینه یول آچار. آیری سئچکیلیک (تبعیض) مسئله سینی ده نظره آلارساق، بو مسئله تمامیتچی حاکیمیت سیستیملرینه عاییددیر. گونئی آذربایجانداکی ایداره اورگانلاری نین باشچیلاری نین تهراندان فارس حاکیمیتی طرفیندن تعیین اولمالاری، فارس حاکیمیتچیلیگی نین منافعینی آذربایجان منافعینه اوستون توتمالاری ایله ایضاح ائدیلمه لیدیر. بو مسئله لر ایستر مدنی، ایستر سه ده سیاست و اقتیصاد باخیمیندان کئچمیش 80 ایلده ایران ممالیکی محروسه سینده گؤرونمکده دیر. ایشچی کسیمی (طبقه کارگر) رهبرلیک ائتمک ایددعاسیندا اولانلار دا عایید اولدوقلاری توپلومون منافعینی هر بیر خیالی و آوئنتوریست مسئله لر و باشقا دؤولتلر منافعینه اوستون توتمالیدیرلار دئیه دوشونمه لی ییک. رحمان حسین زاده ذات عالی "میللت" مقوله سی رد ائتمک اوزره یازیر:

"...اینجا باید پرسید ”ملت و تعلق ملى“ یعنى چه؟ آیا واقعا ”ملت و تعلق ملى“ بخش لایتجزاء و داده شده حیات اجتماعى و ذات انسانى است؟ روشن است که اينطور نیست. به عنوان يک مشاهده اجتماعى در ايران، ‌همه ما روز تولد، دوران کوکى و حتى نوجوانى اصلا تعلق ملى و مذهبى و غیره را احساس نکرده‌ایم.... در حقیقت قضیه بسیار ساختگى و دلبخواهى است و این خرافه‌ایست که جامعه طبقاتى و ناسیونالیسم تولید میکند. درست همانند مذهب، که هیچ کدام از انسانها در بدو تولد و تا چند سالگى مذهبى نبوده‌اند، بلکه مذهب را بر آنها تحمیل میکنند. هویت ملى هم همانند هویت مذهبى ساختگى و تحمیلى و ارتجاعى است. "[viii]

اوسته گؤروندوگو کیمی رحمان حسین زاده اؤزو اورتا آتدیغی سورقویا اؤزو ده جاواب وئرمیش. بوتون مسئله لره بئله یاناشیلارسا، بو ذاتلارین تمامیتچی گؤروشلری نین اساسینی تشکیل ائدن "ایشچی صینیفی" اولما مسئله سی ده ذاتی دئییل (اینسان دوغولارکن صنعتی ایشچی دوغولماز). یاشام شراییطی هر کیمسه نی بیر مسلک و ایشین دالینجا قاچماغا زورلار و کیمسه مال پروت صاحابی اولارسا، ایسته دیگی کیمی گون کئچیرمگه یؤنلمیش اولار. میللت و بیر میللته باغلی اولماق مسئله سینه گلدیکده مودئرن دونیامیزدا هر بیر توپلوم کیمی میللی توپلومون دا آتریبوتلاری وار. بو آتریبوتلارا صاحیب اولان هر هانکی بیر توپلوم میللت ساییلار. بو توپلومون ایچریسینده اؤزونو حیس ائدن شخص بو میللته باغلی حئساب ائدیلر. دئمک، بیر میللته باغلیلیغی بیلمه دن اینسان بیر توپلومون دیلینی اؤیره نر، او دیل ایله چئوره سی ایله انسیتده اولار. زامان گئدیشی ایله اینسان اولاراق او توپلوما، اونون یاشادیغی جوغرافی بؤلگه یه، اونون گله نک و گؤره نکلرینه باغلیلیغی اولوشماغا باشلار. میللت اولماق اوچون تاریخی بیر سورج لازیمدیرسه، میللته باغلی اولماق اوچون ده او میلتین دیل و مدنیتینی، گله نک و گؤره نکلرینی اؤزونونکو بیلمک گرکلی ساییلار. اوسته رحمان حسین زاده ایشاره ائتدیگی مقاملارا دیققت یئتیردیکده هر شئی، حتی ایشچی صینیفی ده "خرافه" دئیه قلمه آلینار. دئمک، بیر میللتی اولوشدوران صینیفلردن بیری ساییلان "ایشچی صینیفی" بو ذاتلارین نظرینجه "خرافه" دیرسه، او میللتی تشکیل ائدن باشقا صینیفلر نه اوچون اؤز صینفی چیخارلارینی "حزب کمونیست کارگری ایران" آدلی فارس ایستعمار تشکیلاتی یانچیلاری نین "خرافه" سایدیقلاری ایشچی صینیفینه قوربان ائتمه لیدیرلر؟ گؤروندوگو کیمی بونلارین مسئله سی، ایستر ایشچی صینیفی، ایسترسه ده اینسانیت دئییل، بونلار فارس ایستعماری نین عوامفریبلری ساییلمالیدیرلار. مذهب مسئله سینه گلدیکده بو مسئله نین ایکی بویوتو وار:

1-اینسان مذهبی بیر ائوده و توپلومدا دونیایا گؤز آچسا، ایستر ایستمز مذهب اونون داورانیشلاری نین بیر بؤلومونو اؤز اتگیسی آلتینا آلار. بو شخص آتئییست ایددعاسینا قاپیلسا بیله، بعضاً بعضی ایشلره قول چکرکن آلدیغی تربیه نی اساس گؤتوره رک گوناه دویقو و حیسسی نی اؤزو ایله داشییار.

2-اینسان بیلینجلی اولاراق بیر مذهبی قبول ائدر (اوخوماق یوخسا میسیونچولار واسیطه سی ایله). سونرا او مذهبی دگیشمک قرارینا گله رک باشقا بیر مذهبه ده کئچمک ایستر.

گؤروندوگو کیمی مذهب سونرادان اکتیساب ائدیلمیش بیر مقوله دیر. میللت مقوله سی ایسه اینسان ایله دوغولار.  رحمان حسین زاده ذات عالی یازیر:

"واقعیت اینست ”هویت ملى و ملت سازی“ دست ساز ناسیونالیسم و جنبش ناسیونالیستى است."[ix]

اوسته گؤروندوگو کیمی موألیف هذیان دئمه گه باشلار. "میللت (ناسیون)" مقوله سی اولمادان نئجه "ناسیونالیسم و میللی حرکت" اولابیلر. دئمک اوزرینه دوشونجه یئریدیله جک بیر اولقونون (فئنومئن نین)  اولماسی  "ایسم/یسم و ایست/یست" لرین ده اورتایا چیخماسینا شراییط یارادار. بو مسئله یالنیز میللت اوچون دئییل، باشقا موجودلار اوچون ده کئچرلیدیر، اؤرنک اولاراق: کاپیتال اولمادان کاپیتالیسم و کاپیتالیست مقوله لری اورتایا آتیلا بیلمز. بونلارین یانی سیرا فیکیر عالمینده کی دوشونجه لر اوچون ده موطلق دئییملر (ایصطلاحلار) یارادیلار. اؤرنک اوچون کمون (اجتماع)، کمونیسم، کمونیست. ایسلام، ایسلامیسم، ایسلامیست و ساییره. رحمان حسین زاده ذات عالی گئنه ده یازیر:

"با اینکار خرافه‌ای را بر مردم تحمیل کرده‌اند و آزادیخواهان و کمونیستها وظیفه دارند این خرافه را افشا و منزوی کنند و هویت انسانى آدمها را از زیر این خرافه بیرون بکشند. نقطه عزیمت ما هویت انسانى و منافع انسانى است."[x]

اوسته ایشاره ائتدیگیمیز کیمی میللی وارلیقلار "خرافات" دئییل. آنجاق فارس ایستعمار عامیللری فارس ایستعمارچیلیغینی قودرتده ساخلاماق اوچون ایددعا ائتدیکلری "طبقه کارگر" مقوله سینی ده "خرافات" دئیه اینسانلاری عوامفریبلیگه یؤنلندیرمک آرزوسوندادیرلار. دئمک، هر شئی خرافات دیرسا، اینسان منافعی هانکی مقوله دیر؟ گئنه ده رحمان حسین زاده ذات عالی یازیر:

" اگر مسئله زبان و تفاوت زبانى است راه حل ساده دارد. ما گفته‌ایم مردم هر بخش از ایران حق دارند به زبان محلى خود، مکاتبه، مراوده، کار اداری، تدریس و آموزش و همه امر خود را پیش ببرند، اگر مسئله رفع تبعیض و تحقیر موجودی به بهانه هویت ”ملى“ است، باید پایان داده شود و شهروندان جامعه باید متساوی‌الحقوق باشند."[xi]

گؤروندوگو کیمی آیدینلیق ایددعاسیندا اولان فارس عوامفریبلری و ایستعمار قویروقلاری یئری گلدیکده "اگر مگر، دلی سن مگر" دئمه گه چالیشارلار. کئچمیش یازیلاردا دا ایشاره ائتدیگیمیز کیمی بو ذاتلار فارس شوونیستلرینی "عظمت طلب" آدلاندیرارلار[xii]. سونرا دا بو "اگر مگر" ایفاده لری ایله اؤزلرینی مطرح ائتمگه چالیشارلار. بو خیالات اساسیندا قورولتای دئیه ییغینجاقلاریندا ایران ممالیکی محروسه سینده کی میللتلر علیهینه ساواش آچماق اوچون "گارد آزادی" قوروروق دئیه پان ایرانیستلیگی یئلله مگه چالیشمیشلار[xiii]. ایران ممالیکی محروسه سینده میللیتلر مسئله سی علیهینه یازانلاردان بیری ده حزب کمونیست کارگری فارس تشکیلاتی نین عوضوو دئیه اؤزونو تقدیم ائدن آذر مدرسی ایمضاسی ایله یازان ذات عالیدیر. اونون دا دوشونجه لری نین بعضی بؤلوملرینی گؤزدن کئچیرمک پیس اولماز دئیه دوشونوروک، آذر مدرسی معلیمی ژوبین رازانیدن نقل قول ائده رک مقاله سینه باشلار، اوخویوروق:

"آزادى بيان، آزادى زمخت ترين، ناهنجارترين و ناگوارترين بيان هاست. اين شاخص آزادى بيان است." (منصور حکمت).  اینبار ظاهرا کاریکاتوری احساسات ملی و عرق ملی عده ای را جریحه دار کرده است. در جواب این "توهین" مردمی به خیابانها میریزند و فاشیستی ترین شعارها را سر میدهند "فارس و روس و ارمنستان دشمن آذربايجان"،  "زبان فارسی همان زبان سگ است"، و طومار خواست اعدام کاریکاتوریست جوان را دست به دست میگردانند. انواع سازمانها و احزاب فاشیستی و پان ترکیست صاحب غیرت ملت ترک سر در می آورند و علیه این "توهین" اعتراض میکنند."[xiv]

گؤروندوگو کیمی ژوبین رازانیلرین ایفاده لری نین دالیندا گیزلنمکله آذر مدرسی ژوبین رازانیلرین ده ایفاده لری نین یالان اولدوقلارینی اورتایا قویموش اولار. دئمک، مسئله ایفاده آزادلیغیدیرسا، آذربایجانلیلار دا اؤز اعتیراضلارینی کئچمیش 80 ایلده یئریدیلمیش فارس راسیستلیگی سیاستینه تهران حاکیمیتلرینه بیلدیرمیشلر. ایصفهانلیلار دئمیش:"دعوا نداریم فحش بده، فحش بستان!". بونلارا باخمایاراق بیر حرکته موناسیبت بیلدیررکن یامان یوووز ائتمک (فحاشی کردن) پرینسیپسیزلیگین و لومپئنلیگین گؤسترگه سی ساییلار. بیلیندیگی کیمی میلیونلوق حرکتین قیراغیندا خوشا گلمه گن شعار دا بعضی شخصلر طرفیندن وئریله بیلر. بو مسئله نی آذربایجان میللی حرکتی آدینا یایماق و یازماق آذربایجان میللی تشکیلاتلارینی "فاشیست!!" آدلاندیرماق سیاسی ادبیاتا اویقون گؤرونمز. "فاشیستلیک" حاکیم نیظام و اینتیظامین عمله کئچیرمک ایسته دیگی پلان و عمللر فاشیستلیک ساییلار. اعمال اولان سیاستلره اعتیراض بیلدیرمگی فاشیستی قلمه آلماق آوئنتوریسلیک و عوامفریبلیک ساییلار. بیلیندیگی کیمی بیر سایدا آذربایجانلیلارین "روس، فارس و ارمنی" وئرمک شعارلاری قاراباغدا فارس و روس حاکیمیتلری کؤمگی ایله قوزئی آذربایجانین داغلیق قاراباغ بؤلگه سینده ارمنی داشناقلاری الیله ائتدیکلری قیرقینا اعتیراض علامتی اولاراق ایفاده ائدیلر. دئمک، بو اعتیراضلار فارس، روس و ارمنی خالقلارینا دئییل، حاکیم نیظام و اینتیظاملار واسیطه سی ایله اولونموش جنایتلره و تهراندا ارمنی داشناقلاری واسیطه سی ایله "مرگ بر آذربایجان" شعارینا اعتیراض ساییلمالیدیر[xv]. بو مسئله نی نه اوچون فارس راسیستلری گؤرمزدن گلیر دئیه یئریتدیکلری سیاست اورتایا چیخمیش اولار. دئمک، بو دوشمنچیلیک سیاستینه اولان اعتیراضلار دا فارس ایستعمار یانچیلاری نین قولاقلارینا خوش گلمز. آذر مدرسی ذات عالی گئنه ده یازیر:

"اعتراضی که در تبریز به راه افتاد علیه جمهوری اسلامی نبود. علیه شهروندان همان جامعه به جرم غیر ترک بودن، علیه مردمی منتسب به فارس و ارمنی و .. بود. اعتراضی که بوی قومیگرائی و فاشیسم آن هر انسان آزادیخواهی را خفه میکرد."[xvi]

تبریز و آذربایجانداکی اعتیراضلار یالنیز بیر حاکیمیتین علیهینه دئییل، بوتون فارس راسیستلیگی و شوونیستلیگی نی اساس گؤتورموش سیستیملرین علیهینه یؤنلمیش اعتیراضلار ساییلمالیدیر. بو شوونیستلیک ایستر پهلویلر، ایستر جومهوری ایسلامی آدینا، ایسترسه ده سولچومئاب میللی مسئله آچیسیندان تهران حاکیمیتینه پوزیسیون توتموش راسیستلیک و فاشیستلیک تشکیلاتلاری نین هامیسینی هدف آلار. بو مسئله دن ناراحات اولانلار، اؤز فاشیست و راسیست مئییللی اولدوقلارینی ایصلاح ائتمه لیدیرلر. سعید کرامت آدلی فارس ایستعمار یانچیسیندان اوخویوروق:

"بنظرم یک نیروی سیاسی مسئول نبایستی در فکر انتقام جوئی از جمهوری اسلامی باشد. قرار نیست جمهوری اسلامی را با یک نیروی سیاه قومی جایگزین کرد."[xvii]

سعید کرامت ذات عالی نین "نیروی سیاه قومی" ایفاده سیندن منظور ایران ممالیکی محروسه سینده کی میللیتلر مسئله سیدیر. گؤروندوگو کیمی، میللی مسئله آچیسیندان ایسلام جومهوریسینه پوزیسیون توتان فارس ایستعمار یانلیسی اولان شخص و تشکیلاتلار دا یئری گلرسه، اؤز چیپلاق راسیستلیکلرینی اورتایا قویارلار. بوگون اونلارین دئموکرات گؤروندوکلری سراسری دئیه مرکز کمیته لری نین داغیلماسی نین قارشیسینی آلماق مقصدی داشییار. آنجاق یئری گلدیکده بو مرکز کمیته لرین ده داغیلاجاغی نین قاچینماز اولاجاغینا تانیغ اولاجاییق. آذر مدرسی ذات عالی گئنه ده یازیر:

"... معترضین به مراکز دولتی حمله نکردند بلکه تلاش کردند مجسمه فردوسی را بعنوان اعلام نفرتشان از مردم فارس زبان پائین بکشند. خیر این اعتراض فقط علیه مردمی بود که تنها جرمشان فارس یا ارمنی زبان بودن است. هیچ درجه از ستم حتی ستم هزاران ساله توجیهی برای چشم پوشی از ماهیت ارتجاعی و فاشیستی اتفاقات تبریز نیست. این اعتراض بهانه اش هرچه باشد ارتجاعی است و قابل دفاع نیست."[xviii]

بیلیندیگی کیمی بوگون فیردوسیچیلیک ایران ممالیکی محروسه سینده نژادپرستلیگین، فارس شوونیستلیگی نین بیر گؤسترگه سیدیر. آذربایجانا تحمیل اولموش فارس دیل و مدنیتی ده فردوسیچیلیک ایله حیاتا کئچمکده دیر. فارس شوونیستلیک قوروملاریندان ساییلان "فرهنگستان زبان و ادب فارسی" نین نمادی دا فیردوسی شکیلی ایله باغلیدیر[xix]. دئمک، فردوسی هئیکلی آذربایجانلیلار اوچون میکئل آنژ، ژان ژاکروسو ماهیتی داشیمادیغی، آذربایجانلیلارین تاریخی و حماسی شخصیتلرینه فارس حاکیمیتی طرفیندن انسان مدنیتی قالیغی گؤزو ایله یاناشیلمادیغی اوچون فیردوسیچیلیکده فارسلیق اسارتینده یاشایان آذربایجانلیلار اوچون فارس ایستعمارچیلیغی نین سیمگه سی ساییلار. گؤروندوگو کیمی فارس شوونیستلیگینه اولونان اعتیراضلار فارسلارا دئییل. آنجاق شوونیست و فاشیست مئییللی کیمسه لر بو مسئله نی اؤزلرینه لاییق گؤرسه لر، بو دا اونلارین مسئله سیدیر. آذر مدرسی ذات عالی یازیر:

"...فدرالیسمی که ما از همان ابتدا گفتیم نسخه به سیاهی کشیدن جامعه است. طرحی برای نابودی مدنیت و راه اندختن جنگ در هر خیابان و کوچه بین مردم به جرم ترک و کرد و عرب و بلوچ بودن است. الاهواز سرخود نمایندگی مردم عرب را بدست میگیرد و نعره های فاشیستی میکشد.."[xx]

گؤروندوگو کیمی راسیستلیک مفکوره سی ایله بؤیوموشلر، آذر مدرسی ذات عالی کیمی ذاتلار اولمالیدیرلار. بوگون ایران ممالیکی محروسه سی نین %90 نفتی خوزیستان ویلایتیندن عمله گلدیگی حالدا، اورانین عرب اهالیسی گون چؤره گینه محتاج اولدوقلاری نین یانی سیرا اؤز ویلایتلرینده فارس ایداره لری و ایش یئرلری طرفیندن ایشه آلینمازلار. فارس حاکیمیتی خوزیستان ویلایتی نین جمعیت توخوشونو (ترکیب جمعیت نی) دگیشمک اوچون باشقا ویلایتلردن خوزیستان ویلایتینه ایشچی داشیماقدادیر. بو مسئله نه دئمکدیر؟ آذر مدرسی حضرت عالی؟ بو راسیستلیک و فاشیستلیک اولدوغو حالدا هانکی مدنیتدن سؤز صؤحبت ائتمک اولار؟ آذر مدرسی ذات عالی یازیر:

" .. همه اپوزیسیون (جز حزب حکمتیست) به نحوی کاریکاتور را توهین به "ملت ترک" دانستند و یا از "اعتراضات برحق" مردم تبریز حمایت کردند. مسابقه رقت انگیزی برای محکوم کردن کاریکاتور و دفاع از حرمت و شرف، هویت ملی و عرق ملی مردم ترک زبان و علیه ستم ملی چندین ساله علیه آنان به راه افتاده است."[xxi]

بیلیندیگی کیمی میللی مسئله باخیمیندان فارس پوزیسیون تشکیلاتلاری نین "ایران" قازئتینده یاییلمیش فاشیستی گؤروشلری محکوم ائتمکلری، اونلارین آذربایجانلیلارین دیل و مدنیتلرینه سایقی ایله یاناشدیقلاری اوچون دئییل، بو مسئله دن سیاسی بهره آلماغا چالیشدیقلاری اوچون اولموشدور. بیلیندیگی کیمی، یازدیقلاری همدردلیکلرینده سطیرلر آراسی "آذریها مواظیب باشین، دام پان ترکیستها نیفتید" عیبارتلرینه ده گئنیش یئر وئریلمیش. دئمک فارس تشکیلاتلاری بیر یاندان بو تشکیلاتلاردا آیاقچیلیق (پادوچولوق) ائدن عوضوولرینی راضی سالماغا چالیشدیلار، باشقا یاندان بیز ده واریق دئیه اؤز موجودیتیلرینی بیلدیرمک ایسته دیلر و یئری گلرسه، "پان تورکیست" دامغاسی ایله بیز ده سیزی ازیلمگه محکوم ائده ریک پیامی نی وئرمگه چالیشدیلار. بو مسئله ده یانلیز فارس پوزیسیون تشکیلاتلاری دئییل، فارس حاکیمیت اورقانلاری دا ظاهیرده گؤز یاشی تؤکمه گه باشلادیلار. بونلارا باخمایاراق عملده حاکیمیت اورقانلاری بو اعتیراضلاری خشونته چکمگه چالیشاراق آذربایجان خیابانلاریندا دینج خالقا گوللله و باتوم ایله جاواب وئردیلر. "حزب کمونیست کارگری (حکمتیست)" فارس ایستعمارچی قوروها گلدیکده آذربایجان علیهینه قوسدوغو نیفرتی ایجتماعیته سرگیله مگه چالیشاجاییق. آذر مدرسی ذات عالی گئنه ده یازیر:

"طنز و هجو علیه افکار و مقدسات و عقاید مذهبی و ملی (نه فقط دولت) دقیقا آزادی بدون قید و شرط بیان است. جامعه باید آزاد باشد به هر شکلی که میخواهد هر عقیده و مرام و مقدساتی را نقد کند به سخره بکشد. این عین آزادی بیان است. جامعه باید تحمل شنیدن هر نوع نقد و هجو و طنز را داشته باشد و چنان آزاد باشد و مردم یاد بگیرند که وقتی به مذهبشان، ملیتشان، مقدساتشان و عقاید شان توهین میشود دندان روی جگر بگذارند تحمل کنند"[xxii]

بیلیندیگی کیمی "ایران" آدلی قازئتده کاریکاتور ایله یازیلان مقاله، طنز و هجو ماهیتی داشییاجاق دئییل، بو فارس حاکیمیتی نین رسمی و ایجرا اورقانی طرفیندن اولدوغو اوچون راسیستلیگین و فارس شوونیستلری نین آپاردیقلاری سیاستین قاباریق گؤرونتولریندن بیریدیر. اؤزلرینی "حزب کمونیست کارگری ایران" آدلاندیران فارس ایستعمار یانچیلاری دا بو سیاستی آلقیشلامیش مقامدا یئر آلارلار. دئمک، توهین و میلی تئرور ائتمه لر، طنز و هجو ساییلمازلار. تئرور بیر چوخ گوناهسیز اینسانلارین جانلارینی آلدیغی کیمی میللی تئرور دا بیر میللتین میللی منلیگی و کیملیگی علیهینه یؤنلمیش داورانیش ساییلار. بو مسئله هر هانکی سؤز و صؤحبت آزادلیغی ایله ایلگیسی اولابیلمز. آذر مدرسی ذات عالی یازیر:

مصطفی صابر در جواب جوانی که میگوید این تظاهرات ارتجاعی است ونباید در آن شرکت کرد در نشریه جوانانشان میگوید باید در این اعتراض مردمی شرکت کرد و آنرا جهت داد. از مارکس و لنین و منصور حکمت نقل قول می آورند که باید دخالت فعال کرد نباید صحنه را خالی کرد تا جریانات قومپرست رهبری ماجرا را به عهده بگیرند.... میگویند میخواهند با شرکت در این جنبشها رهبری آنرا بدست بگیرند و آنرا به چپ بچرخانند. اعتراضات تبریز حرکتی خودبخودی و خود جوش نبود نبود تحرکی بود سازمان یافته و به فراخوان پان ترکیستها! "[xxiii]

گؤروندوگو کیمی فارس ایستعمار یانلیلاری نین آذربایجان میللی حرکتینه گؤز یاشی تؤکوروک دئیه "آنا من غریبم غریب" دئمه گه چالیشمالاری آذربایجان میللی حرکتی نی دوزگون یولوندان آزدیرماق مقصدی گؤدر. دئمک، هر بیر تشکیلات و سازمان اؤز کیملیگی ایله حرکت ائتمه لیدیر. آذربایجان میللی حرکتینه فارس سوسیال شوونیستلری نین قاتیلمالاری تهراندا آتابگ باغیندا ستارخانلارین گوللنمه لرینه و فارس ایجتماعیتی ایله آذربایجانلیلار آراسیندا بدبینلیگه یول آچار. دئمک، دئموکراتلیق دونونا بورونه رک ایستعمارچیلیق پلانلارینی حیاتا کئچیرمک ایستگنلر ایلک اؤنجه اؤز ایجتماعیتلری علیهینه نیفرت قازانمیش اولارلار. آذربایجان میللی حرکتی اؤزونو بو سوسیال فاشیستلرین قارشیسیندا قوروماق اوچون آذربایجان میللی مسئله لری و شعارلاریندا تعویض وئرمه مه لیدیر. بو سوسیال شوونیستلردن بیری ده سعید کرامت آدلی ذات عالیدیر. او ایران ممالیکی محروسه سینده میللیتلر علیهینه یازدیغی مکتوبلارا اولونموش اعتراضلارا جاواب اولاراق "پاسخ ستم ملی عبور از ملیت است" مقاله سینده یازیر:

"... اما اگر این خواننده درست بگویند که قیافه ام به میمون شبیه باشد، طبق معیارهای ناسیونالیسم قومی بایستی به خودم افتخار کنم. زیرا بر مبنای نظریه علمی داروین، میمون جزو نیاکان بشر بشمار میرود. من که شکل و قیافه نیاکانم را حفظ کرده ام، نشان میدهد که اجدادم با اقوام دیگر اختلاط نداشته اند و درنتیجه "قومیت" و "خون پاک" تبار خودم را تا امروز پاسداری کرده ام. قومیت خالص و خون پاک قومی از ارزشهای ناسیونالیستی هستند. در ٣۰ سال اخیر میلیونها انسان بخاطر آن ارزشها کشته و یا آواره شده اند، چرا وقتی که من هیچ تلاشی برای حفظ این "نعمت عظیم" نکرده ام به آن افتخار نکنم؟"[xxiv]

گؤروندوگو کیمی سعید کرامت ذات عالی نین یازیسیندا دیل و مدنیت اساسیندا تعریفلنمیش "میللت" مقوله سی راسیستلیک مقوله سی ایله قاریشدیریلمیش . بونلار بو مسئله لری اورتایا آتماقلا ائتدیکلری یانلیش عمللرینه آچیقلیق گتیرر دئییل، میللی مسئله نی دیقتدن یانیندیرماغا چالیشارلار. بیلیندیگی کیمی دیل و مدنیت اساسیندا تعریفلنمیش میللت مقوله سینه اساساً "قان" مقوله سینی قابارتماق "راسیستلیک" ساییلار. بو راسیستلیک مفکوره سینی اورتایا آتماقلا فارس ایستعمار یؤنلو شخص و تشکیلاتلار ایران ممالیکی محروسه سینده میللی حرکتلری اؤز مجرالاریندان چیخارماغا چالیشارلار. سعید کرامت گئنه یازیر:

" بگذار صادقانه بگویم من معتقد نیستم که در آذربایجان ستم ملی وجود دارد به دلایل متعدد. ..ستم ملی وقتی معنا پیدا میکند که گروهی از افراد جامعه بخاطر تفاوت قومی، زبانی و یا دینی از شرکت در قدرت دولتی محروم باشند. این وضعیت در مورد ترکهای ایران صادق نیست ."[xxv]

دئمک، سعید کرامت ذات عالی نین نظرینده آذربایجانلی نین دیلی نین یاساق اولماسی، اؤز دیللرینده اوشاقلاری اوچون ایسته دیکلری آدی قویابیلمه دیکلری، شهر، کند، داغ و داشلاری نین آدی تورکچه دن فارسچایا فارس حاکیمیتی طرفیندن دؤنولمه سی و تبدیل اولماسی، مدنیتی و تاریخی عابیده لری نین یوخلوغا اوغراماسی، اینسانی گوجلری نین فارسلیق سیستیمی ایختیارینا آلینماسی، یئر آلتی قایناقلاری فارس ولایتلرینه داشیناراق آذربایجان ویلایتلری خارابایا دؤنولمه سی (تبدیل اولماسی) میللی ظولوم ایله ایضاح ائدیله جک دئییلمیش!!؟. ائله بو آنلاییشلارا اساساً آذربایجان میللی، مدنی فعاللاری ایران ممالیکی محروسه سینده کی فارسلیق سیستیمینه دوستاق اولموش میللیتلرین، فارس ایستعماری آلتیندا اولدوغونو تشخیص وئرمیشلر. بو ایستعماری سیاست یالنیز ظولم ائتمکله یئتینمه یه رک (قانع اولمایاراق) آذربایجاندا یئرلشدیردیگی ایداره لر واسیطه سی ایله ایران ممالیکی محروسه سینی فارس میللتی نینکی ائتمه گه چالیشار. سعید کرامت گئنه ده یازیر:

"شهروند ترک زبان در ایران نه تنها مورد تبعیض قرار نگرفته است بلکه   حداقل از سال ۱۵۰۲ میلادی تاکنون منهای دوره های کوتاهی، بر ایران حکمروایی کرده است. در این دوره   ۵۰۰ ساله فرهنگ، سیاست و اقتصاد ایران توسط ترکها و یا ترک تبارها شکل داده شده است. .... وقتی به تاریخ ایران در دوران شاهان صفوی (۱۷٣۶-۱۵۰۲) مینگرید خواهید دید که شیعه گری را حاکمان ترک زبان در ایران رواج دادند. شهرها ی نظیر اصفهان و بندرعباس به دست این سلسله ساخته شدند."[xxvi]

گؤروندوگو کیمی فارس ایستعمارچیلاری و اونلارین قویروقلاری مسئله نی اله آلارکن تاریخین بوروشوق دؤنگه لرینه قاچاراق اؤزلرینه بیر نجات یولو  نظره آلارلار. تاریخی فاکتلار اساس گؤتورولرسه، عرب حاکیمیتلرینه ایران ممالیکی محروسه سینده سون قویان تورکلر اولموشلار. بوگون ایسه تورکلر اؤزلری فارس ایستعماری نین ایسارتینه توتولموشلار. دئمک، میللی ظولومو اله آلارکن ایران ممالیکی محروسه سینده میللی مسئله نین اورتایا آتیلما تاریخیندن اعتیبارن بو مسئله اوزره دایانیلمالیدیر. بو مسئله بیلیندیگی کیمی رضاخان خاریجی عامیللر واسیطه سی ایله ایران ممالیکی محروسه سینه حاکیم کسیلدیگیندن سونرا بیر دیل، بیر دؤلت و بیر مملکت تئوریسی محمود افشار یزدی طرفیندن رضا میرپنج اوچون تکلیف ائدیلمیش و میللی ظولومون حیاتا کئچمه سی باشلامیشدیر. آذربایجان تورکلری نین 1000 ایران ممالیکی محروسه سینه حؤکوم سوردوکلرینی، فارس دیلینی دیوان و عرب دیلینی دین و تورک دیلینی قشون دیلی ائتدیکلرینی آرتیق بیلیریک. مودئرن میللت آنلاییشینا گؤره بوگونکو دیل و مدنیتلر اساسیندا میللی مسئله لر اوزره دایانماق گونون مسئله سی اولمالیدیر. سعید کرامت گئنه ده یازیر:

"..امروزه هم خیلی از سران جمهوری اسلامی از جمله آیت الله خامنه ای، آیت الله موسوی اردبیلی، آیت الله خلخالی و میرحسین موسوی که نقشهای کلیدی در نظام جمهوری اسلامی ایفا کرده اند، همگی ترک هستند. هر قسمت از جامعه ایران را نگاه کنید، بازاریان، دولتمردان، روحانیون، ملیون، هنرمندان، کمونیستها، بخش عمده هر کدام از این اقشار ترک زبان بوده اند. این است "ستم ملی"؟ اگر این وضعیت ستم ملی است؛ کاشکی ده برابر چنین ستمی به زنان وارد میشد ."[xxvii]

گؤروندوگو کیمی فارسلیق سیستیمی خیدمتینده اولان شخصلرین آدینی سیرالاماقلا فارس عوامفریبلری میللی مسئله نی دیققتدن یاییندیرماق ایسترلر. بوگون ایسلام دونونا بورونموش فارسلیق سیستیمینده خیدمت ائدنلر فارسلیق ایداره سیستیمی اوچون یازیلمیش قانونلارا اساساً اؤز اوشاقلارینا بیله تورکو آد قویابیلمز، اؤز دیل و مدنیتلرینده یازیب یارادابیلمزلر و گونئی آذربایجان تورپاقلاریندا ایسته دیکلری کیمی سرمایا یاتیرماق ایختیارینا مالیک دئییللر. آذربایجاندا اولان سرمایا صاحیبینه آذربایجاندا یئنی فیرما (کارخانا) آچماق اوچون فارس حاکیمیت اورقانلاری بو منطقه امن دئییل، دئیه ایش یئری ایجازه سی وئرمزلر. مسئله بئله اولدوقدا بو عوامفریب فارس شییادلاری کیملری آلداتماغا چالیشارلار؟ میللی ظولوم داها نه اولمالیدیر؟ بو عوامفریبلر ایجتماعیتده فیکیر آزدیرماق اوچون میللی مسئله قارشیسیندا قادینلار مسئله سینی دیکتمه گه چالیشارلار. گؤروندوگو کیمی میللی ظولوم دئدیکده بو عوامفریبلر آذربایجان قادینی نین دیل و مدنیتی نظره آلماق ایستمزلر. یالنیز فارس ایجتماعیتی اوچون فئمینیستلیک سازلارینی چالماغا، دیل و مدنیت آچیسیندان سوسیال شوونیست اولماغا چالیشارلار. سعید کرامت اؤزونه محکمه قوراراق یازیر:

".. زیرا اولا قومیت و یا زبان خاصی برایم تقدس ندارد. ثانیا، شب و روز سریالهای کارتونی تلویزیونها   انواع حیوانات نظیر خر، شیر، پلنگ ، سوسمار، غورباغه را نمایش میدهند که به زبانهای مختلف صحبت میکنند. من انترناسیونالیست وقت غمخواری این همه "ملت ستم" دیده را ندارم. ثالثا، من که از قوم میمون هستم. بگذار یک بار هم بگویند از قوم سوسک یا مورچه هستم. دنیا که به آخر نمی آید! مگر کسی علیه داروین کمپین راه انداخته یا از او شکایتی کرده است که گفته است نسل انسان از قوم میمون است؟ چرا من کمپین علیه کسی که ادعا میکند سوسک زبان مرا میفهمد راه بیندازم؟ راستش من غیرت این کمیپین ها را ندارم و   برخورد ناموس پرستانه هم به آنها نمی کنم ."[xxviii]

بیلیندیگی کیمی آدولف هیتلر و آلمان نازیستلری ده بو اساسدا یهودلارا موختلیف بیولوژی دونیاسیندا مودا اولموش آدلاری وئرمگه و ایجتماعیتده اونلاری اؤزلری کیمی بیر اینسان دئییل، حئیوان و حشره کیمی موجودلار دئیه آلمان توپلوموندا یانلیش تصوورات یاراتماغا چالیشمیشلار. دئمک، سعید کرامت ذات عالی نین ایفاده لرینه بنزر تئوریلری اساس گؤتوره رک آلمان نازیستلری گاز اوتاقلاریندا 6 میلیون اینسانی بوغوب یاندیرماغا تشبث گؤسترمیشلر. ائله بیل، بو مسئله دن حله ده فارس ایستعمار یانچیلاری نین خبری اولمامیش. سعید کرامت ذات عالی نین عوامفریب انترناسیونالیست ایددعالارینا قارشین آلمانیاداکی نازیستلر ده اؤزلرینی انتر آریانیست قلمه آلیرمیشلار. رضا شاه آریالی اولماسینا داییر آلمان ژورنالیستینه دئییرمیش: "وقتی خبر نگار آلمان از من در مورد خرابه های تخت جمشید میپرسد، مثل ایکه من را با کورش مقایسه می کند"[xxix].

سعید کرامت فارس میللیتچیلیگی نی "ایرانیت" دالیندا گیزلتمک اوچون یازار:

"اولا در ادبیات سیاسی ایران و حتی مکلمات شفاهی من به عبارت "ملت فارس" برخورد نکرده ام. از هر اصفهانی ، مشهدی، شیرازی و یا قمی بپرسید که ملیتت چیست می گویند "ایرانی هستم" نمی گویند "فارس هستم." در نتیجه مقوله ای به نام "ملت فارس" وجود ندارد... جامعه فارس در طول قرنها اختلاط با جوامع مهاجر و یا مهاجم گوناگون ادغام شده و به چیز دیگری تبدیل گشته است. در نتیجه مقولات "قوم فارس" و یا   "ملت فارسی" بیش   از حد زمخت و ساختگی هستند ."[xxx]

گؤروندوگو کیمی سعید کرامت ذات عالی نین "انترناسیونالیست" ایددعالاری دا فارس کیملیگینی ایرانیت دالیندا گیزلتمه گه چالیشارکن اورتایا چیخار. بیلیندیگی کیمی محمود افشار یزدی نین رضا میرپنج اوچون یازدیغی "بیر دیل، بیر میللت و بیر دؤولت" تئوریسی اساسیندا ایران ممالیکی محروسه سی نین رسمی  (اوخو: تحمیلی) دیلی ایرانی (فارسی)، بورادا یاشایان اینسانلارین میللیتلری ایرانی (فارس، تورک، کورد، عرب، بلوچ، تورکمن و ساییره)، اونلارین دؤولت و مملکتلری ایران (ممالیکی محروسه ایران/ دؤولت محروسه قاجار یئرینه) آدلانمیش. دئمک، بو فاشیستلیک تئوریلری سعید کرامت رسمی و قانونی دئیه قبول ائتدیکده داها اونو بیر انترناسیونالیست قلمه آلماغا چالیشانلار اؤزلرینی حمیقلیگه وورماقلا ایجتماعیتی آلداتمیش اولارلار. بیلیندیگی کیمی قاجار سیلسیله سی نین سونونا دک ایران ممالیکی محروسه سی سنتی فئدرال سیستیم (ملوک الطواییف سیستیم) حالیندا ایداره اولونموش. فئدرال بؤلگه لر سورسات و نیظامی دستک وئرمکله قاجار سیلسیله سی نی حیمایت ائتمیشلر و تهران قاجارلارین پایتختی اولارکن ده تبریز ولیعهد نشین اولموش.

 

 

قایناقلار:

d5658281-4158-427c-96a1-9afb48079ef2

Y2:d5658281-4158-427c-96a1-9afb48079ef2

 


 

[i]  رحمان حسین زاده، عروج قوم پرستی :خطر پاکسازی قومی در میزند:http://www.iran-telegraf.com/Maqalat/2006/05/post_397.html

[ii]  رحمان حسین زاده، باخ اورادا.

[iii]  رحمان حسین زاده، باخ اورادا.

[iv]  رحمان حسین زاده، فدرالیسم، نسخه عراقیزه کردن ایران: http://www.iran-telegraf.com/Maqalat/2006/05/post_397.html

[v]  دفتر سیاسی حزب کمونیست کارگری، علیه فدرالیسم و مخاطرات ناشی از تنشهای قومی در جامعه: بند - 4.... در كردستان اما با توجه به سابقه طولاني ستم ملي بر مردم و سركوب خونين خواستها و اعتراضات حق طلبانه و جنبش هاي اعتراضي عليه ستم ملي در كردستان٬ چه در رژيمهاي سلطنت و اسلامي٬ حزب در ارتباط با مساله كرد يكبار ديگر بر اين موضع اصولي  تاكيد ميكند که  "اين تنها خود مردم كردستان هستند كه حق دارند و بايد در يك رفراندوم آزاد تصميم خود را در باره جدايي كردستان و يا باقي ماندن در چهارچوب كشور بعنوان شهروندان متساوي الحقوق كشور اعلام كنند." از نظر ما موضوع رفراندوم عبارت است از "جدايي از ايران و تشكيل يك دولت مستقل٬ يا ماندن در چهارچوب ايران با تضمين برابري كامل در كليه حقوق و آزادي ها بعنوان شهروندان آزاد و متساوي الحقوق كشور" (قطعنامه دفتر سياسي در باره حل مساله كرد در كردستان ايران٬ آذر ۱۳۷۳).

[vi]  رحمان حسین زاده، باخ اورادا.

[vii]  رحمان حسین زاده، باخ اورادا.

[viii]  رحمان حسین زاده، باخ اورادا.

[ix]  رحمان حسین زاده، باخ اورادا.

[x]  رحمان حسین زاده، باخ اورادا.

[xi]  رحمان حسین زاده، باخ اورادا.

[xii]  دفتر سیاسی حزب کمونیست کارگری، باخ اورادا.

[xiii]  حزب کمونيست کارگری (حکمتيست) گروه مسلح تشکيل می دهد: گارد آزادی: http://www.iran-chabar.de/1384/07/29/004.htm

[xiv] آذر مدرسی؛ وقایع تبریز و عروج ناسیونالیسم در حزب کمونیست کارگری: از الاهواز تا یاشاسین آذربایجان:  http://www.iran-tribune.com/web/stone-aval/archives/006057.html

[xv]  تجمع عظیم دانشجویان دانشگاه آزاد در اعتراض به کاریکاتور موهن روزنامه ایران: http://www.azadtribun.net/x643.htm

[xvi]  آذر مدرسی، باخ اورادا.

[xvii]  سعید کرامت، پاسخ ستم ملی عبور از میلیت است:  http://www.akhbar-rooz.com/article.jsp?essayId=3672

[xviii]  آذر مدرسی، وقایع تبریز و عروج ناسیونالیسم در حزب کمونیست کارگری: از الاهواز تا یاشاسین آذربایجان:  http://www.iran-tribune.com/web/stone-aval/archives/006057.html

[xix]  فرهنگستان زبان و ادب فارسی: http://persianacademy.ir/asasname.htm

[xx]  آذر مدرسی، باخ اورادا.

[xxi]  آذر مدرسی، باخ اورادا.

[xxii]  آذر مدرسی، باخ اورادا.

[xxiii]  آذر مدرسی، باخ اورادا.

[xxiv]  سعید کرامت، پاسخ ستم ملی عبور از میلیت است:  http://www.akhbar-rooz.com/article.jsp?essayId=3672

[xxv]  سعید کرامت، باخ اورادا.

[xxvi]  سعید کرامت، باخ اورادا.

[xxvii]  سعید کرامت، باخ اورادا.

[xxviii]  سعید کرامت، باخ اورادا.

[xxix]  مجله کاوه، ارگان صدای و سیمای رادیو تلویزیون ملی ایران (به مناسبت 2500 سال شاهنشاهی)، مونیخ.

[xxx]  سعید کرامت، باخ اورادا.

 

 

ایشیق سؤنمز 14.06.2006

 

فارسچی گؤروش