جبهه میللی و میللی مذهبیلر
بیلیندیگی کیمی »جبهه میللی ایران« دئییلن «حزب نژادپرست جبهه میللی» فارس شوونیستینه دایالی و نژادپرست بیر تشکیلاتدیر. بو تشکیلات (1338) 1959 دا قورولموشدور. بو تشکیلاتین قوروجولاری مهندس مهدی بازرگان، دکتر سعیدی کشاورز – صدر- نصرت اله امینی و بیرینجی باشقانی محمد مصدق (تورک و قاجار خاندانیندان اولماسینا باخمایاراق) ایران باشلیغی آلتیندا فارس دیل و مدنییتینی اساس گؤتوردوکلرینه گؤره محمد مصدق رزم آرانین ایران اوچون تکلیف ائتدیگی دسئترالیسم بیر حاکیمت سیستیمی ایله مخالیفت ائدیردی. بو مخالیفتلره باخمایاراق مصدق هر زامان آذربایجانلیلارین نجیب بیر میللت اولدوقلارینی وورقولاماقدان دا چکینمیردی. بو دا گون چؤره گینه ائحتیاجی اولان یوخسول ایله وارلینین حکایه سیدیر. وارلی یوخسولا دئمیش: نه قدر دئسن، سن ایله آغلارام. آنجاق الیمده کی چؤرکدن سنه درمان اوچون ده وئره جک دگیلم. .بلی محمد مصدقین «جبهه میللی ایران» آدلی پارتی باشقانی اؤز کیملیگیندن آسیلی اولمایاراق آذربایجانلایلارا بیر اینسان کیمی یاشامانی چوخ گؤروردو. محمد مصدق و مهدی بازرگانلار مینلر ایله آذربایجانلینی حمیق ائتمک اوچون فارسلارا ککلیک شیکارچی سی الینده بیر داولا (آلداتما وسیله سی) کیمی خیدمت ائدیردیلر. محمد مصدقلر آذربایجانلیلاری آلداتماقاوچون نجیبدیر دئیه باشلارینا توربا کئچیرمه گه چالیشیردی. دئمک محمد مصدق بو یولدا فارس شوونیسمینه بیر وسیله اولا بیلر دئیه دوشونه بیلمیردی. مهندس مهدی بازرگان حزب جبهه میللی ایران آدلی تشکیلاتا قانع اولمایاراق ایرانداکی آسما کسمه نی دیکتاتورلوق ایله ایضاح ائتمه قابیلیتینه صاحیب اولدوغو اوچون فارسلارا داها خوش خیدمتلیک ائتمک اوچون آیت الله سید محمود طالقانی ایله « نهضت آزادی ایران» آدلی تشکیلاتی یاراتماغا چالیشدی. نهضت آزادینین سونراکی تاریخی توتدوغو یولا نظر سالدیقدا مهدی بازرگان آیت الله طالقانی ایله مراوده ده شیعه لیک فارس میللتچیلیگینی ایرانلیلیق آدینا بیر آرادا یئریده رک شاه دیکتاتورلوغونا غالب گله بیله جکلرینه اینانیردی فیکیری اؤزونو دوغرولدور. مهندس مهدی بازرگان دین ایله میللتچیلیگی (اوخو ایران آدینا فارسلیق) بیر آرادا یئریتمک اساسیندا قرآن تفسیر ائتمه گه، فارس دیل و مدنیتینی اساس گرتوره ره ک میللی و مذهبی فیکیرلرین یاییلماسیندا و بو وسیله ایله عوام خالق کیتله سینین رغبتینی قازاناراق شاهلیق سیستیمینه غالیب گله جکلرینه اینانیردی.
محمد مصدق و مهدی بازرگان اؤزلری تورک اولدوقلارینا باخمایاراق اساسلاندیقلاری دیل و مدنیت فارسلیق اوزرینده اولدوغو اوچون اؤزلری فارس شوونیستلرینه اویونجاق اؤز منسوب اولدوقلاری «آذربایجان ملتی» تاریخینده ده اوزو قارا اولدولار.
قایناقلار:
http://www.iran-chabar.de/1383/07/24/ghaneifard830724.htm
ایشیق سؤنمز 24.07.1383