اوسته گؤروندوگو کیمی علی میرفطروسون ابجد و حوّض اوخوماسی فارسچیلیق محوری اطرافیندا فارس شوونیستلیگینه خیدمت ائتمکدن عیبارتدیر. بیلیندیگی کیمی تاریخی مقوله لره دئیینرکن تاریخده هانکی ائتنیکلرین بیر آرایا گلمه لری و هانکی آشامالاردا نه سببدن یول آیریمینا اوغرامالاری سؤز موضوعسو اولمالیدیر. بو جهتدن گؤروندوگو کیمی علی میرفطروسلار فارسچیلیق باتلاغیندان اؤزلرینی اوزاغا چکمه قابیلیتینه صاحیب دئییللر. دئمک، ایران ممالیکی محروسه سی و اونون قونشولوغوندا اولان مملکتلره نظر سالدیقدا بؤلونموش آذربایجان، تورکمنیستان، سیستان بلوچیستان و ساییره میللتلری نین اراضیلری نین تورپاق بوتونلوکلری فارسچی باستانگرایلاری نین بوگونکو مقوله لرینه سیغمایاجاق گؤرونور. دئمک، سؤز قونوسو فارس دیل و مدنیتیدیرسه، نه اوچون بو ذات عالیلر شهامت و جسارت صاحیبی دئییلر؟ اؤزلری فارس ائتنیگینه منصوب اولمادیقلاری حالدا باشقا ائتنوس و توپلوملاری نه اوچون فارس شوونیستلیگینین توتساغیندا ساخلاماق ایسته ییرلر؟ گئنه ده اوخویوروق:
"..- ببینید! ما (ایرانی ها، افغان ها، تاجیک ها و ...) دارای یک زبان و یک گذشتة مشترک تاریخی و فرهنگی هستیم. این زبان و گذشتة مشترک تاریخی و فرهنگی مانند رود زلالی است که هر کس می تواند به قدر توان و بضاعت خویش از آن، آب بردارد و سیراب شود و بقول «بیدل»: «رنگ آب از سیلی امواج می گردد کبود».از طرف دیگر: من فکر می کنم که باید بین «مرزهای سیاسی» و «مرزهای فرهنگی» تفاوت قائل شویم. مرزهای سیاسی در طول زمان و از طریق جنگ ها یا حملات و هجوم ها، کم یا زیاد شده و می شوند و یا اساساً تازه «ایجاد» می شوند، امّا مرزهای فرهنگی، مسئله ای است تاریخی و درازمدت که با جغرافیای جان و روح و هستی معنوی ملّت ها بوجود می آیند و حتّی در کشاکش جنگ ها و هجوم های سیاسی- نظامی پایدار می مانند. از این دیدگاه، من فکر می کنم که ما (ایرانی ها، افغان ها، تاجیک ها و ...) در یک میهن مشترک فرهنگی زندگی می کنیم و وظیفة ما است که به دور از سوداها و وسوسه های «سیاست بازان»، با همدلی و همزبانی، از این میهن مشترک فرهنگی، پاسداری کنیم. از همین رو است که معتقدم: «همدلی (و ) همزبانی بهتر است»"(1)
اوسته گؤروندوگو کیمی بو ذات عالی اورتاق دیل و مدنیت دئدیکده فارس دیل و مدنیتی نی نظرده آلیر. بئله لیکله ایران ممالیکی محروسه سی، افغانیستان و تاجیکیستانداکی باشقا ائتنیکلره ایستر گؤز آردی، ایسترسه ده اونلارا توهین ائتمیش اولور. دئمک، اورتاقلیق و قارداشلیق قارشیلیقلی اولمالیدیر. بیر فارس بو آدی کئچن ممالیکلرده کی باشقا ائتنیکلرین دیل و مدنیتلرینه ائحتراملا یاناشمادیغی حالدا اونلارین دیل و مدنیتلرینی قوروماغی اؤزونه اینسانی بیر وظیفه بیلمه دیکده نئجه بو ائتنیکلری فارس دیل و مدنیتینه گئرچک آنلامدا اورتاق بیلر دئیه دوشونمه لی ییک؟! قارشیلیقلی ائحترام گؤزله نیلمیرسه، اونلاری نه دن یانا فارس گؤسترمه گه چالیشیر؟ بو مسئله ایکی اوشاق - تولکو صیفت ایله ساده لوح اوشاقلارین- حئکایه سینی خاطیرلاتمیش اولور. تولکو صیفت ساده لوح اوشاغا دئییر: - منیم یومورتامی بیرلیکده اویناداجاغیق، سنین یومورتانی یئیه ک! بیر آز بو مسئله دوراقلادیقدا ایستر علی میر فطروس، ایستر حسن ماسالی اولسونلار منسوب اولدوقلاری دیل و مدنیتلر (گیلک و طالیش) یوخلوق تهلوکه سینه اوغرادیقلارین فرقیندا اولدوقلارینی قبول ائتمیش دئیه سویون ترسینه دئییل، فارس شوونیستلیک سویونون آخاری دوغرولتوسوندا اطرافداکیلاری دا سویا وئریب بوغولماقلارینا یول آچمانی اؤزلری اوچون بیر نئهیلیستی بورج بیلدیکلری نین شاهیدی اولوروق. دئمک، بونلار اؤز دیل و مدنیتلری نین یاشایاجاغینا اومود گؤرمه یه رک فارس شوونیستلیگینه ساپ اولماقدا الی آیاقدان تانیماماق دورومونا چاتمیش گؤرونورلر. دئمک، فارس دیللی توپلوملارین دیل و مدنیتلری آراسیندا مدنی و سیاسی سرحدلری بیربیریندن آییرماغا چالیشانلار نه اوچون ایران ممالیکی محروسه سینده کی آذربایجان تورکلرینه، تورکمنلره، عربلره، کوردلره، عربلره و بلوچلارا بو حاققی تانیماق ایسته میرلر؟ یالنیز پهلویلر واسیطه سی ایله تحمیل اولموش فارسجانی تاریخی مسئله لره دایاراق موشتریک دیل و مدنیتلی بیر میللت گؤسترمه گه چالیشیرلار؟ گئنه ده اوخویوروق:
" - گذشته از زمینة تاریخی پیدایش فارسی دری در شرق و سپس رواج و رسميّت آن در تیسفون (به عنوان زبان دربار ساسانیان)، باید گفت که زبان فارسی دری کنونی، میراث نیاکان سرفراز ما، در یک رَوَند 1200 سالة بعد از اسلام است که در طول قرن ها فراز و نشیب های فراوانی بخود دیده است. مثلاً در طول قرن های 6-8 هجری/12-14 میلادی بخاطر «عَرَب زدگی» سلاطین و حکومت ها و کاتبان وقت، 80 درصد لغات و واژگان نثر فارسی، لغات و کلمات عربی گردید. از این گذشته، به مدّت حدود 900 سال بخاطر سلطة حکومت های ترک زبان، زبان فارسی در معرض هجوم ها و حملات دوگانة ترکی - عربی بوده ... در طول همة این قرن ها و حملات و هجوم ها، زبان فارسی در ُپشت شعر فارسی، سنگر گرفت و از این سنگر و سایه بان، توانست بسیاری از ارزش های زبانی، فرهنگی، فلسفی، هنری، عرفانی ما را حفظ نماید. به عبارت دیگر: در همة هجوم ها و حمله ها و ویرانی ها، زبان فارسی دری «شیرازه» ای بود که توانست هستی تاریخی و فرهنگی ما (ایرانی ها، افغان ها، تاجیک ها و ...) را حفظ و پایدار نگهدارد، آنهمه «شاهنامه»ها و «ابومسلم نامه» ها و دفتر و دیوانِ شعر فارسی، نمایندة همین واقعیت تاریخی است. "(1)
اوسته گؤروندوگو کیمی علی میرفطروس ایران ممالیکی محروسه سینده عرب و ایسلام خلافتلیگینی گؤزدن یاییندیرماغا چالیشیر و یالنیز سلطانلارین عرب یانچیسی اولدوقلارینی ایددعا ائدیر. بئله لیکله عرب دیلی ایسلام دینی ایله ایران ممالیکی محروسه سینه گلدیکدن سونرا بو ممالیکی محروسه ده عرب دیلی نین دیوان دیلی اولدوغو بیر تاریخی فاکت اولاراق تحریف ائدیلمیش اولور. ایکینجی آشامادا فارس دیلینی ایران ممالیکی محروسه سینه گتیرن تورک سلطانلارینی تورک حاکیمیتلری دئییل، "حکومت های تورک زبان" آدلاندیرماغا چالیشیر. ایندی ایسه، سوزقو و سوآل بو: - فارسجانی اؤزلری اوچون دیوان دیلی ائدن تورک حاکیملری و شاهلاری فارسجا ایله نه دوشمنلیکلری وار ایمیش؟ فارس دیلی نی هانکی تورک سولطانی اؤز ممالیکی محروسه سینده یاساقلامیش و اونون چیچکلنمه سینه مانعچیلیک تؤرتمیش؟ فارس دیلی نین عرب و تورک دیللریندن فایدالانما مسئله سینه گلدیکده بو مسئله فارس دیلی نین ریاضیات، فلسفه، نجوم و ساییره ساحه لر اوچون یئتنکسیز (نا توان) و قیسیر بیر دیل اولدوغوندان ایلری گلن بیر مسئله دیر. بئله لیکله، فارسجانی شعر دیلی قبول ائدن ذاتی عالیلر ده- فارس دیلی شعر دیلیدیر دئیه - عرب دیلیندن عروض وزنی نی آلماغا نه گرک اولدوغونو ایضاح ائده بیلمزلر. دئمک، اینسانی شراییط یاراندیغی حالدا دیللر و مدنیتلر قارشیلیقلی بیربیرلریندن فایدالانار. بوگون عرب دیلینه عایید قالیبلشمیش کلمه و سؤزجکلر عربجه دیر دئیه فارس دیلیندن کنارا قویولورسالار، بوگونکو فارس ایجتماعیتی اؤزلرینی دونیا ایجتماعیتینه – سلام علیک دئمه گه بیله - تانیداجاق فارسجا دئیه دیل قابیلیتی اورتادا یوخ درجه ده دیر. دئمک، علی میرفطروس هانکی "سنگر"دن سؤز صؤحبت ائدیر؟ فارسجانین حئساب، ریاضیات، مثلثات و هندسه عیبارتلرینه قاراقلانیرمی، یوخسا گیلکی دئیه اؤز میللی کیملیک و منلیگینین یوخ اولماسینا می؟ گئنه ده اوخویوروق:
" متأسفانه در این اواخر، گرایش خطرناکی در میان بعضی از دوستان ما مشاهده می شود که راه این همدلی ها و همزبانی ها و آموختن از تجربه های دیگران را دشوار می سازد. بعضی از دوستان ما، در کشورهای تازه استقلال یافتة اتحاد جماهیر شوروی سابق می کوشند تا با بزرگداشت «چنگیز» یا «تیمورلنگ» برای کشورشان «قهرمان ملّی» بسازند و از این طریق، کسب «هویت ملّی» نمایند! ... بنظر من، این ها، گرایش های خطرناکی هستند که راه همدلی ها و مزبانی های ما (ایرانی ها، افغان ها، تاجیک ها و... ) را فرو می بندند، آنهم در روزگاری که همسایة مسلمان ما (ترکیه) با التماس و خواهش و تمنّا، می خواهد خود را در «اتحادیّه اروپا» حل کند تا «غربی» یا «اروپائی» شود! بنابراین: «بومی گرائی» یا «جداسریِ» بعضی از دوستان را چگونه می توان توجیه کرد؟ همانطور که گفتم: جدا از مرزهای سیاسی (که همواره مصنوعی و متغیّر بوده اند)، میهن واقعی ما (ایرانی ها، افغان ها، تاجیک ها و ...) میهن مشترک زبانی و فرهنگی است. این میهن مشترک زبانی و فرهنگی، میراث نیاکان سرفراز ما است. " (1).
اوسته گؤروندوگو کیمی فارس شوونیستلری نین فیردوسی سینه افتیخار ائدن ذات عالیلر - اؤزبکلرین تاریخی شخصیتلریندن اولان امیر تیمورون عزیزلنمه سینی - "گرایش خطرناک" دئیه قلمه آلیر! دئمک، بو خطر کیملر علیهینه یؤنلمیش گؤرونور؟ گؤروندوگو کیمی علی میرفطروسون "راه همدلی و همزبانی" مقوله سی تورک کیملیگینین و بیلینجینین یوکسلمه سی نین علیهینه یؤنلمیش دورومدا یئر آلیر. علی میرفطروسون افغانیستان فارسلاری نین "نی" درگیسینده آدرسله دیگی عنوان تاجیکیستان و افغانیستانداکی اؤزبک تورک ائتنوسو علیهینه یؤنلمیش بیر مسئله دیر. علی میرفطروس مولانا رومیدن "همدلی از همزبانی بهتر است" ایفاده سینی بیر تاریخی فاکت کیمی آلاراق تورک ائتنوسو علیهینه ایستیفاده ائتمه گه چالیشیر. دئمک، فارسچیلیق مریضلیگینه دوچار اولموش ذات عالیلر اوچون دیل و مدنیت اورتاقلیغی بیر وطن آنلامی داشیییرسا، بو مسئله باشقا ائتنوسلار اوچون نه دن یانا کئچرلی ساییلماسین؟ اوسته ایشاره ائتدیگیمیز کیمی ایکینجی ذات عالی حسن ماسالی حضرتلریدیر. بو ذات عالی نین "همبستگی ملی ایرانیان و..." آدلی یازیسی نین دا بعضی پاساژلارینی بیرلیکده اوخویاق:
"از ویژگی های ارزشمند جامعه ایران اینستکه صرفنظر از استبداد حکومت های مرکزی و فتنه گریهای خارجی، مردم با تعلقات مذهبی و قومی گوناگون قرنها درکنار همدیگر بطرز مسالمت آمیز زندگی کرده اند و طی چند هزار سال تاریخ مشترک " هویت مشترک ایرانی" را بوجود آورده اند." (2).
بو اوسته کی پاساژداکی فیکیرلری اوخودوقدا و ایران ممالیکی محروسه سی نین ائتنیک توخوشونو نظره آلدیقدا "جومهوری خواهان ایران" (اوخو: فارس) آدلی تشکیلاتین دگر و ارزیشلری نه ده گؤرمه مسئله سی اورتایا چیخمیش اولور. بیلیندیگی کیمی میللی کیملیک و منلیک بیر دیل و مدنیت اوزرینده شکیلله نر و ترسینه چوخ مدنیتلی توپلومدا میللی منلیک و کیملیک دئییل، کولتور آنلاییشی، خوش گؤرویه یئر وئریلمیش و بو آلان گئنیشلنمیش اولار. بو مسئله قارشیلیقلی آنلاییش ایچریسینده حیاتا کئچرسه، اینسانلار اؤزلرینی خوشبخت حیس ائدر. دیل و مدنیت باخیمیندان قارشیلیقلی سایقی و دگر اولمازسا، کثیرالمیلله توپلوملار حاکیم میللتدن توتساقچی (زیندانبان)، محکوم میللتلردن ایسه توتساقلار (زیندانیلر) سیمگه (نشانه) سی نی دونیا ایجتماعیتی قارشیسیندا جانلاندیرمیش اولارلار. بئله لیک ایران ممالیکی محروسه سی نی کثرالملله دئیه نظره آلارساق حسن ماسالی نین "هویت مشترک ایرانی"(اوخو: فارس) دئدیگی مسئله هانکی پارامئترلره اساسلانیر دئیه دوشونمه گه ده ائحتیاج گؤرونمور. دئمک، حسن ماسالی فارس دیل و مدنیتی نی ایران ممالیکی محروسه سینده کی میللت لر اوچون اورتاق نظره آلیر. اورتاقلیغین و قارداشلیغین قارشیلیقلی اولماسینی نظره آلارساق، حسن ماسالی زومره سینده اولان ذات عالیلر ایران ممالیکی محروسه سینده کی فارس اولمایان دیل و مدنیتلره هانکی دگر و ارزیش وئریرلر دئیه آنلامیش اولاریق. دئمک، فارس دیل و مدنیتی نی فارس اولمایان میللتلر اوچون اورتاق دگر دئیه گؤسترمه گه چالیشان ذات عالیلر نه اوچون اؤزلری نین فارس شوونیست قویروغو و فارس ایستعماری خیدمتینده اولدوقلارینی ایجتماعیت اوچون داها آچیق ایفاده ائتمک ایسته مه یه رک بو مسئله نی ایرانیت مقوله سی ایله توجیه ائتمه گه چالیشیرلار؟ مرکز حاکیمیتلردن سؤز آچان ذات عالیلر کئچمیش 85 ایل تهران و فارس حاکیمیتی آلتیندا اسیر توتولان میللتلر اوچون محلی حاکیمیتلر دئیه ائتنیک دابانلارا دایاناجاق حاکیمیت آتریبوتلارینی فارس اولمایان ایران ممالیکی محروسه سی توپلوملار آراسیندا عملده اورتایا قویابیله مه قابیلیتینه صاحیب اولمالی و آنجاق گئرچکلیک و واقعیت بو مسئله نین عکسینی گؤستریرسه، عوامفریبلیک ائتمکدن اوزاق دورمالیدیرلار. گئنه ده اوخویوروق:
" از ویژگی های تاریخی ایران از جمله اینستکه اقوام ایرانی و حتی غیر ایرانی که حکومت مرکزی را تصاحب میکردند، برای اینکه همبستگی سراسری ایرانیان و یکپارچگی کشور را حفظ کنند، کوشش بعمل می آوردند که با " هویت ایرانی " حکومت کنند زیرا آگاه بودند که در آمیختگی قومی ، پالایش فرهنگی و آداب و رسوم مشترک ایرانیان ، آنچنان قدرتمند است که از طریق تسلط قدرت نظامی و سیاسی- اداری و حتی با ایجاد حکومت ترور و اختناق و ایجاد مرزهای مصنوعی نمیتوانندهمبستگی ایرانیان را از میان بردارند."(2)
ایران ممالیکی محروسه سینه کئچمیش 1000 ایلده تورکلرین حاکیمیت ائتمه سینی نظره آلارساق، حسن ماسالیلرین "غیر ایرانی" ایفاده لری فارس شوونیستلیک فیکیرلرینی ایرانیت قالیبینده اورتایا قویموش گؤرونور. بیلیندیگی کیمی گونوموزون مودئرن دونیاسیندا اینسان اوغلو دونیانین هربیر بوجاغیندا دونیایا گؤز آچماسینا باخمایاراق او تورپاقدا بؤیویوب باشا چاتدیغی، او تورپاغی دوشمنلر قارشیسیندا قورودوغو اوچون او مملکتده مدنی حاقلار قازانمیش اولار. بونلارا باخمایاراق ایران ممالیکی محروسه سی نین یئرلی میللتلرینی حسن ماسالیلر نه اوچون میللی کیملیک و منلیک مقوله لر باخیمیندان فارسلچیلیق اساسیندا "هویت ایرانی" دئیه چئنر توپور ائدیر دئیه دوشونورسک، بو ذات عالیلرین فارس شوونیسمی و ایستعماری نین خیدمتینده اولدوقلاری اورتایا چیخمیش اولار. گئنه ده اوخویوروق:
".... " ستم ملی ملت فارس علیه ملل دیگر " را طوطی وار مطرح میکند و.برخی از عناصر ساده اندیش و قدرت طلب وابسته به اقوام درون ایران نیز بدون اینکه شناخت واقع بینانه ای از ساختار قدرت سیاسی، نظامی و اداری ایران داشته باشند، محرومیتهای اقتصادی و، مشکلات سیاسی و فرهنگی قومی و همچنین مناسبات ضد دمکراتیک سیاسی- اداری کشور را به گردن یک موجود موهوم بنام " ملت فارس " می اندازند تا تئوری خودشان را با نظریه " مرجع تقلید" خود یعنی لنین انطباق بدهند. از این نظریه پردازان می پرسیم که در ایران چند صدسال اعراب ، مغول، صفویه ؛ زندیه ،افشاریه ، قاجاریه حکومت کردند ، آیا آنها"فارس " بودند؟"(2)
گؤروندوگو کیمی حزب جومهوری خواهان ایران (فارس) آدلی تشکیلات منصوبو اولان حسن ماسالی ذات عالیلر ایران ممالیکی محروسه سینده میللی ظولمون اولدوغونو بیله قبول ائتمک ایسته میرلر. اونلار میللی ظولمه اعتیراض ائدنلری "ساده اندیش و قدرت طلب" قلمه آلیرلار. قودرت و حاکیمیت مسئله سی ساده لیک ایله باشا چیخاجاق بیر مسئله اولمادیغینی نظره آلارساق، بو ذات عالیلره فارس شوونیستلیگینه قویروق اولموش عوامفریبلردن باشقا بیر آد قویماق اولماز. کئچن ایل تهراندا چاپ اولموش "ایران" روزنامه سینده یازیلان ایفاده نی بو عوامفریبلر اوچون بیر داها خاطیرلاتماق فایدالی اولاردی: - "بچه های مناطق دو زبانه قبل از به مدرسه رفتن فارس می آموزند" (3)- . بورادا حسن ماسالی و حزب جومهوری خواهان ایران (فارس) تشکیلات مسئوللاریندان سوروشولمالیدیر: آذربایجان تورکلری، تورکمنلر، بلوچلار، عربلر، لورلار، کوردلر، گیلکلر، طالیشلار و ساییره لر میللی توپلوم اولاراق نه زاماندان ایکی دیللی اولموشلار؟ بونلارین ایکی دیللی اولدوقلارینی خیال ائدن ذات عالیلر "فارسلاری" نئچه دیللی قلمه آلماق ایستردیلر؟ دئمک، فارسلار یالنیز اؤز فارس منلیک و کیملیکلری ایله بویا باشا چاتیرسالار، اؤز دیل و ادبیاتلارینی اؤیرنیب باشقا دیل و مدنیت صاحیبلری نین وارلیغینا فارس حاکیم شوونیست و ایستعمارچی سیستیم واسیطه سی ایله یوخلوق خطی چکیرسه لر، بو میللتلرین یئر آلتی قایناقلاری و اینسانی گوجلری فارس حاکیمیتی و ایستعماری نین خیدمتینه آلینیرسا، بو مسئله میللی ظولم دئییل ده، نه دیر؟ حسن ماسالی و باشقا فارس تشکیلاتلاری اؤزلرینی حزب جومهوری ایسلامی و اونون باشچیلاری او جومله دن فارس شوونیستلیک نیظامی نین مصلحتچیسی اولان علی اکبر هاشمی بهرمانی رفسنجانی یه موخالیف گؤسترمه لرینه باخمایاراق فارس محورلیک باخیمیندان ایران آدینی یئدک چکه رک اؤزلرینی فارس تهران حاکیمیتیندن هئچ ده فرقیلندیرمه قابیلیتنیه مالیک دئییللر. دئدیگیمیزی ایثبات ائتمک اوچون "خبرگزاری دانشجویان ایران" آدلی محفلین علی اکبر هاشمی نین دیلیندن فارس دیلی اوزره یایدیغی گؤروشلری اوخوماق فایدالی اولار دئیه دوشونمه لی ییک:
" خبرگزاري دانشجويان ايران – تهران سرويس: سياسي: رييس مجمع تشخيص مصحلت نظام گفت: امروز به نقطه‌اي رسيده‌ايم كه در مسير تاريخ اسلام، ايران به پايگاه مهمي براي اشاعه‌ي مكتب و رسالت اهل بيت تبديل شده است و شايد بزرگترين دليل آن حركت عدالت خواهانه و ممتاز امام علي (ع) بود كه قلوب ايراني‌ها را به خود جلب كرد. به گزارش خبرنگار سياسي ايسنا، حجت الاسلام والمسلمين هاشمي رفسنجاني كه صبح امروز در كنگره‌ي بزرگداشت شيخ ابوالفتوح رازي در آستان مقدس حضرت عبدالعظيم حسني (ع) سخنراني مي‌كرد اظهار داشت: نكاتي كه در تفسير ابوالفتوح رازي وجود دارد مي‌تواند بسياري از مسائل را روشن كند كه اولين نكته‌ي آن تاريخ حضور تشيع در ايران است. وي ادامه داد: .... ري افتخار دارد كه يكي از مراكز مهم فرهنگ تشيع است. هاشمي رفسنجاني زبان فارسي تفسير ابوالفتوح رازي را يكي از ويژگي‌هاي بارز آن دانست و افزود: اكنون كه اسلام به عنوان مركز اشاعه‌ي فرهنگ اسلامي درآمده است بايد بر گسترش و استفاده از زبان فارسي بيشتر تمركز كنيم." (4).
گؤروندوگو کیمی "فارس ملتی" مسئله سینه گلدیکده حسن ماسالی، محمد رضاشاهین اطلاعات وزیری داریوش همایون، علی اکبر هاشمی بهرمانی رفسنجانی، فارس راسیستلری نین کئچمیشده حزب ملت باشچیلاریندان اولان داریوش فروهر، نژادپرست حزب جبهه میللی باشچیسی پرویز ورجاوندلر کیمی فارس شوونیستلیک و فاشیستلیک جبهه سینده یئر آلیرلار. دئمک، فارس میللت مقوله سینی حسن ماسالی ذات عالیلرین یوزدورماغا چالیشماسینا باخمایاراق میللی ظولوم مسئله سی خیالی و موهوم بیر گؤرونوم دئییل، فارس میللتی نی اولوشدوران آتریبوتلار (فارس دیل و مدنیتینه اساسلانمیش حاکیمیت، حاکیمیت سیستیمی:قانون وئریجی، ایجرا ائدیجی و قهریه اورقانلاری، دیل و مدنیت اورقانلاری: آموزش و پرورش، فارس فرهنگیستانی، ایرانداکی سراسری دئیه فارس رادیو تئلویزیونلار و ساییره) بو مسئله نین قبول اولماسینا اساس یارادیر دئیه دوشونمه لی ییک. میللیتلر مسئله سینه گلدیکده، لئنین میللتلرین آزادلیق مفکوره سینی داشیمادیغی اوچون او باشقا میللتلره قورتاریجی اولابیلمزدی. بیلیندیگی کیمی لئنین 1918 ده قوزئی آذربایجان جومهوریتی نین ایستیقلالینی تبریک دئمه سینه باخمایاراق 1920 ده باکی نین قیزیل اوردو واسیطه سی ایله ایشغال ائدیلدیگینی کیروو ذات عالیلرینه تبریک دئدیگی ده تاریخین صحیفه لریندن سیلینمز بیر فاکت ساییلیر. دئمک، لنین روس چارلیغی علیهینه روس ایمپیراتورلوغوندا میللیتلر مسئله سیندن فایدالانماغا چالیشماسینا باخمایاراق دوشونجه و عملده دئموکرات قالا بیلمه دی.
بیلیندیگی کیمی میللت مسئله سی اولدوقجا گنج و فرانسه نین بؤیوک اینقلابیندان سونرا اورتایا چیخمیش بیر مقوله دیر. ایران ممالیکی محروسه سینده میللتلشمه مسئله سینه گلدیکده بیلیندیگی کیمی اینگلیس ایستعمارچی قووه لری اؤز نیتلرینه چاتماق اوچون آذربایجان تجددود حرکتینی تهراندا یئنیلگه یه (شکسته) اوغراداراق اؤزلرینه ال آلتی فارس ایستعمارچی حاکیمیتی یاراتماغا شراییط یاراتدیلار. بونون یانی سیرا فارس ایجتماعیتی اوچون یهود تاریخ ایجماع سی تورات کیتابیندان یولا چیخاراق یالان و اویدورولموش تاریخ یونتاماغا چالیشدی. مسئله بونلادا یکونلاشمایاراق محمود افشارلار واسیطه سی ایله بیر دیل، بیر مملکت و بیر میللت تئوریسینی ایران ممالیکی محروسه سی اوچون اورتایا قویاراق بو ممالیکی محروسه نین تاریخی آدینی "ایران" دئیه دونیا ایجتماعیتینه تانیتماغا چالیشدیلار. بئله لیکله ایران ممالیکی محروسه سینده کی میللتلر مسئله سی رضا میرپنج و محمدرضا پهلوی نین قانلی چکمه لری آلتیندا تاپداناراق ایران ممالیکی محروسه سینده کی سیاسی تشکیلاتلارین قوروجولاری نین بیر چوخو آذربایجانلیلار اولمالارینا باخمایاراق میللی مسئله گونون سیاستیندن قیراغا قویولموش اولدو. بونلارا باخمایاراق شئخ محمد خیابانی باشچیلیغی ایله آزادیستان حؤکومتی و سید جعفر پیشه وری باشچیلیغی ایله آذربایجان میللی حؤکومتی باشاریسیز دا اولسالار، یارانمیش اولدولار. بونلارینا باخمایاراق بو حؤکومتلرین هر ایکیسی فارس ایستعمارچی نیتلرین چکمه لری آلتیندا دونیادا اولان سویوق شاواش سیاستیندن فایدالاناراق قان دنیزینده بوغولموش اولدولار. گئنه ده اوخویوروق:
"آیا در زمان محمد رضا شاه اکثر قریب باتفاق سران ایلات و عشایر بلوچستان، کردستان، گیلان، مازندران خراسان، آذربایجان و.. هم پیمان شاه نبودند؟( در این مورد تمام اسامی سران اقوام وعشایر ایران و عکسهای آنان را که وفاداری خود را نسبت به رژیم درمحافل مختلف ابراز میداشتند در اختیار دارم)." (2)
گؤروندوگو کیمی حسن ماسالی ذات عالی نین آیدینلیق ایددعاسیندا اولماسینا باخمایاراق میللتلر مسئله لرینی دره بگلیک ایله یانلیش توتموشدور. دئمک، آذربایجان میللت مسئله سی زنجاندا ذولفقاریلر و هانکی قبیله باشچیسی نین محمدرضا پهلویه صدقه مکتوبو یازماسی ایله یکونلاشاجاق بیر مسئله دئییل. بو مسئله نی ایران ممالیکی محروسه سینده کی باشقا میللتلر اوچون ده کئچرلی نظره آلارساق، بیر نئچه دره بگی و قبیله باشچی سی نین بیر حاکیم نیظام و اینتیظاما بلی قوربان دئمکلری ایران ممالیکی محروسه سینده میللی ظولمون اولدغونون ماهیتینی دگیشه بیلمز! گئنه ده اوخویوروق:
" ازاین محافل که درباره " ستم فارس ها" یقه درانی میکنند می پرسیم : این "ملت فارس" و لشگریان ستمگرش کجا مستقر هستند؟ آیا آنهائی هستند که در تهران حکومت میکنند؟ این حکومتگران که با ایدئوژی ، رسومات و فرهنگ عربی بر ما حکومت میکنند و ترکیبی از اقوام و ملیتهای مختلف هستند که در این اسارت ایدئولوژیک – سیاسی نقش دارند..سپاهیان و جنایتکاران این رژیم نیز بنام اسلام و استقرار فرهنگ عربی و قرون وسطائی در ترور و اختناق همه ایرانیان شرکت میکنند. آیا" ملت فارس " آنهائی هستند که اقتصاد کشور را در دست دارند و از طریق اقتصادی "ستم ملی " روا میدارند؟ تا آنجائی که پژوهشگران بیغرض داخلی و بین المللی ابراز میدارند، آذربایجانی های کوشا و با استعداد نبض اقتصادی ایران را دردست دارند."(2).
گؤروندوگو کیمی حسن ماسالی دیل و مدنیتین نه اولدوغونو، حاکیم دیل و مدنیتلر واسیطه سی ایله محکوم دیل و مدنتلرین یوخ اولدوغونو بیله باشا دوشموش ایسته میر. دئمک، فارسین ظالیم لشگری دئدیکده ایران ممالیکی محروسه سی نین فارس اولمایان ولایتلرده فارس دیل و مدنیتی نی اساس گؤتورموش ایداره لر نظرده توتولور. بو ایداره لره غرب مملکتلرینده Kolonie (خاریجیلرین بیر مملکتده یئرلشمه سی) دئییلر. بو ایداره لر هیندوستانداکی اینگیلسلرین شرق، هیند کومپانیسی کیمی فارس دیل و مدنیتینی یایماق و بو ولایتلرده ایقتیصادیاتی اله کئچیرمک واسیطه سی ایله او ولایتلری ایستعمار و غارت ائده رک اوراداکی توپلومو اؤز منلیک و کیملیگیندن آییرماق اوچون اوزون وعده لی پلان و تدبیرلر حیاتا کئچیریلمه سی نظره آلینمیشدیر. بو مسئله یه داییر آفریقادا فرانسه ایستعماری واسیطه سی ایله فرانسه دیللی توپلوملارین یارانماسینی و اونلارین غارت ائدیلمه لرینی اؤرنک گؤسترمک اولار. هیندوستاندا موهاتما گاندی، جواهر لعل نهرولارین وجودی ایله اینگیلیستان حاکیمیتی، سیاست باخیمیندان یئنیلمه سینه (شکست یئمه سینه) باخمایاراق اینگیلیس دیلی بوگون ده هیندوستان و پاکیستاندا ایداره ائدیجی دیل اولاراق اؤز دورومونو قورودو (دیفاع ائتدی). دئمک، فارس ایداره ائتمه اورگانلاری فارس اولمایان ولایتلرده اینسانلاری اؤز دیل و مدنیتلرینه اؤزگه ساخلاماق و اونلارین دیل و مدنیتلرینی فارس دیل و مدنیتی ایله عئنیلشدیرمک اوچون او اینسانلاری بیر موزدور کیمی اؤز خیدمتینه آلمیش، بو اینسانلاردان وئرگی آلیر، اونلارین یئر آلتی قایناقلارینی ایستعمار ائدیر، اونلارین سرمایادارلاری نین محلدن قاچماسی اوچون او محللرده سرمایانین بؤیومه سی اوچون یئرلی ایش یئری و فابریکالارین آچیلماسینا ایجازه وئرمیر. بئله لیکله بو ولایتلردن سرمایا فارس ولایتلرینه داشینماق زوروندا قالیر. اونون آرخاسینجا بو ولایتلرده ایشسیزلیک و آجیناجاقلی دوروم اورتایا چیخدیغی اوچون یوخسول کسیم ایش آرخاسینجا - فارس تهران حاکیمیتی سرمایا یاتیریمینا صلاح گؤردوگو بؤلگه لره- بیر شخص اولاراق آزلیق بیر قوروپ حالیندا آخین ائتمک مجبوریتینده قالیرلار. دینی اینانج (اوروج توتماق، قرآن اوخوماق و دینی مراسیملر و ساییره) مسئله سینه گلدیکده بو مسئله یالنیز ایران ممالیکی محروسه سی اوچون کئچرلی دئییل، ایستر آسیا و آفریقا مملکتلری، ایستر آوروپا، آمریکا و اوسترالیا مملکتلرینده کی اینسانلارین اینانجلاری نین هانکی مدنیته آسیلی اولدوغونو نظره آلمایاراق اونلار اؤز میللی و مدنی مسئله لرینی میللتلر و دؤولتلر آراسی گونون سیاستینه اویقون دوزنله مه گه چالیشیرلار. ایسلامیتین ایران ممالیکی محروسه سینده حاکیم گؤرونمه سی مسئله سینه گلدیکده بیلیندیگی کیمی حسن ماسالیلرین عربلره عایید گؤردوگو ایسلام، فارس حاکیمیتی خوزیستانداکی عربلری اؤز آنا دیللرینده اوخویوب یازماغا و یازیب یاراتماغا ایجازه وئرمیر. ایسلامیته نازیل اولان قرآن، عرب میللتلرینه بیر میللی کیملیک و منلیک گؤروندو اوچون عربلره ایران ممالیکی محروسه سینده اؤز آنا دیللرینده اوخویوب یازماق ایجازه سی نین وئریلمه دیگی نین اؤزو ده شوونیستلیک و ایستعمارچیلیغین قاباریق گؤرونتوسودور.
دئمک، ایران ممالیکی محروسه سینده عرب دیل و مدنیتی حاکیم دئییل، فارس شوونیستلیگی و ایستعماری حاکیم اولدوغو اوچون ایسلامیتدن بو مسئله ده بیر وسیله – هدف وسیله نی توجیه ائدر مسئله سی- کیمی ایستیفاده ائدیلیر. بونلارا باخمایاراق اعدام و زیندانلار حؤکمو ده عربچه دئییل، فارسچا یازیلیر. آذربایجانلیلارین ایران ممالیکی محروسه سینده ایقتیصادی باخیمدان گوج اولما مسئله سینه گلدیکده، نه اوچون آذربایجانلیلار بو سرمایانی آذربایجاندا اؤز آنایوردلاریندا ایشه سالماق اوچون تهران فارس حاکیمیتی اونلارا محدودیت یارادیر. بئله لیکله سرمایانی آذربایجاندان کویر لوت و کویر نمک چؤللرینه آخماغا زورلاییر؟ بو عمل و نیتلر ایستعمارچی دوشونجه لر اساسیندا حیاتا کئچمیرسه، نه اوچون سونگونون مس معدنی آذربایجاندان کیرمانا داشیناراق آذربایجانلینی کیرمان چؤللرینده ایشچی دئیه فارسلاتماغا زورلاییرلار؟ اوسته لیک آذربایجاندان فارس ولایتلرینه آخمیش سرمایه هانکی دیل و مدنیتین خیدمتینده دیر و گله جکده بو سرمایا صاحابلاری نین اوغول و اوشاقلاری وضعیت دگیشمزسه، اونلارا فارس اولمادان باشقا داها هانکی بیر چاره قالاجاق دئیه دوشونمه لی ییک؟.
قایناقلار:
1 علی میرفطروس، میهن واقعی و مشترک ما، یک میهن فرهنگی است! در گفتگو با نشریه "نی"، نشریه نویسندگان و روشنفکران افغانستان: http://raha.gooya.name/politics/archives/039241.php
2 حسن ماسالی، همبستگی ملی ایرانیان و گسترش دمکراسی در ایران: http://raha.gooya.name/politics/archives/039411.php
3 روزنامه ایران: http://www.iran-newspaper.com
4 هاشمي رفسنجاني: شيعه دراعماق دل مردم نفوذ كرده است بايد برگسترش زبان فارسي بيشتر تمركز كنيم: http://www.isna.ir/Main/NewsView.aspx?ID=News-615832
ایشیق سؤنمز 18.11.2005