اؤزگه بالتاسینا ساپ اولانلاری سیاسی توپلوما سوخما!

کئچمیش یازیلاردا ایشاره ائتدیگیمیز دک، اؤزلرینی "جنبش آذربایجان برای یکپارچگی و دمکراسی ایران" آدلاندیران محفیل، فارس ایستعمارچیلیغی نین ایران ممالیکی محروسه سینده ائتنیک گونئی آذربایجان تورپاقلاریندا داوامینی ایسته گن  بیر محفل ساییلار(1، 2 و 3). بونلار اؤز کؤکلری اوزرینده بیتیب بوی آتمادیقلاری اوچون ماهیتلری ایجتماعیته آچیقلاندیقدان سونرا اربابلاری بیله بونلاری نؤکر دئیه  قبول ائتمز. مسئله نین هانکی آشامادا اولدوغونو اؤیرنمک اوچون بو محفلین آذربایجان آدی آلتیندا بارینماسینی بیله فارس ایستعمارچی گوجلری نین تحمل ائده بیلمه دیکلری ایله ایضاح ائتمک یئرلی اولار دئیه حئساب ائده ردیک. بو باخیمدان "حزب مشروطه سلطنتی ایران-فارس" تشکیلاتی نین فارسلیق بالتاسینا ساپ اولموش، آنجاق فارس ایستعمارچیلارینا گؤره ساپ اولارکن آذربایجان آدینی دانماق  باشاریغینا یییه اولمادیقلاری، اونلارین بالتا ساپلیغینا بیله بو یاناشما ایله اویقون گؤرنمه دیکلری ایجتماعیته یانسیمیش خبرلر آراسیندادیر. حزب مشروطه سلطنتی ایران – فارس تشکیلاتی، اؤزلرینی ایران و آذربایجانا منسوب بیلن و قوللوقچولوق باخیمیندان فارس مدنیت راسیستلیگی و فارسلیق سیستیمی نین آیریلماز ترکیب حیصصه سی سایان ذات احقرلری "جنبش آذربایجان ..." ایددعاسی ایله اؤز سیرالاریندا خوش قارشیلانماجاقلارینی  فارس ایجتماعیتینه بیلدیرمگه چالیشمیش،  اوخویوروق:

"از آنجا که برخی ترتیب دهندگان همایش های زیر عنوان جنبش آذربایجان مدعی ارتباط با حزب شده اند و کوشش هائی برای کشاندن پای حزب به این گونه فعالیت ها می شود بدین وسیله اعلام می شود که حزب نه تنها هیچ مداخله ای در این فعالیت ها نداشته است بلکه رسما در نامه ای مخالفت خود را به آگاهی گرداننده اصلی جنبش مزبور رسانده است. پاینده ایران، زنده باد ملت ایران"(4).

اؤزلرینی "جنبش آذربایجان برای یکپارچگی ... ایران" آدلاندیران محفلین آدیندا حقوق برابرلیگی دئییل، فارسلیق سیستیمی ترکیبینده  "ایران بوتونلوگو"نون (یکپارچگی ایران) قورونماسی نین ایفاده سی اؤزلوگونده گولونج گؤرونمه سینه باخمایاراق "حزب مشروطه سلطنتی ایران-فارس تشکیلاتی نین بئله بیر بیلدیریش وئرمه سی اؤزلوگونده فارس ایستعمارچی گوجلری نین ایران ممالیکی محروسه سینده حقوق برابرلیگی آچیسیندان نه اؤلچو ده داغیدیچی و غددار اولدوقلارینی اورتایا قویموش اولار. دئمک، "حزب مشروطه سلطنتی ایران-فارس تشکیلاتی سیاست باخیمیندان  آذربایجان آدی نین یاشاماسینا بیله اولاناق (ایمکان) تانیمایاجاق گؤرونر. بونلارا باخمایاراق فارس ایستعمارچی گوجلری ایله فارس مدنیت راسیستلری آرالاریندا ائتنیک منسوبیت آچیسیندان هئچ بیر سند اولمادیغی (داها دوغروسو فارسلیق قارشیسیندا فارس مدنیت راسیستلری نین تسلیم اولمالاری) لازیم گلدیگی زامان بو مدنیت قوللاری نین وظیفه لریندن ترخیص اولاجاقلاریندان خبر وئرر. حزب مشروطه سلطنتی ایران-فارس تشکیلاتی نین اوسته کی بیلدیریشینه قارشین (مقابل، مخالف) اؤزونو "جنبش آذربایجان برای یکپارچگی ... ایران" آدلاندیران محفلین دفترباشی (رئیس دبیرخانه) ساییلان لهراسب زینالی نین عضو اولدوغو حزب مشروطه سلطنتی ایران-فارس مسئوللارینا یؤنتمیش خصوصی مکتوبونو اؤز سیته لریندن اوخویوروق:

"با درود به دبیرکل حزب مشروطه ایران  و اعضای شورای مرکزی و همه هم وندان محترم در حزب.                                                            "لهراسب زینالی" 2008-08-28

از آنجای که من در شروع حرکت جدید سیاسی خود بارها حزب را درجریان کارهای خود قرار داده بودم و به ویژه با آقای دکتر خسرو اکمل و آقای داریوش همایون رایزنان حزب نیز بطور کامل صحبت نموده بودم و هیچگونه مخالفتی از طرف حزب نبوده است ، اقدام به تاسیس جنبشی ایرانی و ملی بنام پر افتخار آذربایجان نموده و از کرده خود خرسند و به آن افتخار می کنیم"(5).

اوسته گؤروندوگو کیمی فارس ایستعمار گوجلری و فارس مدنیت راسیستلری آذربایجان میللی منلیگی و کیملیگینی ایران ممالیکی محروسه سینده فارسلیق باسقیسینا اوغراداراق یوخ ائتمک اوچون اوزون وعده لی یوخالار گؤرموشلر. بو یوخولارا اساساً ایران ممالیکی محروسه سی فارس دیل و مدنیتلی اولموش دئیه (!!!) هر شئی اصلینه قاییتمالی اولدوغو اوچون آذربایجانیلار دا فارس اولمالی ایمیش(!!!). دئمک، فارس مدنیت راسیستلری نین گؤروشونه اساساً دئموکراسی و مدنیتین سو ایچدیگی یئر فارس راسیستلیگی اولدوغو اوچون، اوزدن ایراق کوروش و داریوش کپیرین سوموکلری دالیسینجا سومسونمک ده دئموکراتلیق ساییلار. دوشونجه و فیکیر باخیمیندان بو مقوله یه سیخماز اینسانلار ایسه موختلیف تهمت و ایتتیهاملار ایله سوسدورولمالی و فارسلیق چنبره سینده یوخلوغا محکوم ساییلمالیدیرلار. ائله بوندان یانا دا حقوقو برابرلیگی دئییل، محفل آدینا وئریلمیش بوتونلوک (یکپارچگی) دورمادان ایجتاعیته آشیلانمیش اولار. لهراسب زینالی نین "حزب مشروطه سلطنتی ایران-فارس تشکیلاتینا یؤنتدیگی یازیسیندان گئنه ده اوخویوروق:

" اما هفت سئوال از شورای مرکزی حزب مشروطه ایران

1 – آیا شورای مرکزی حزب می تواند به هر دلیلی اعضای رسمی حزب و مسئول هسته را اخراج کند ؟

2 – آیا هسته دارمشتاد آلمان می تواند این تصمیم توهین آمیز را محکوم کند و اعتراض خود را درکنگره واشنگتن مطرح نماید ؟

3 – آیا حزب مشروطه توسط اعضای حزب و شورای مرکزی اداره می شود یا توسط یک نفر ؟

4 – آیا در حزب مشروطه چیزی بنام دمکراسی وجود دارد ؟

5 – آیا رایزن اول حزب حق دارد بارها در سخرانی ها و نوشته های خود به ستارخان سردارملی ایران و سنبل مشروطه توهین کند و وقتی من در سخنرانی رسمی خود درکنگره حزب مشروطه در آخن آلمان از ایشان انتقاد شدید کردم ، او گفت این نظر شخصی من است ؟!

6 – آیا نام حزب مشروطه  یک نام اختصاصی است یا همه ایرانیان به ویژه آذربایجانی ها که بنیانگذران مشروطه هستند نیز می توانند از آن نام به عنوان یک حزب استفاده کنند ؟

7 – آیا حزب موافق است که بخش آذربایجان و تهران از حزب مشروطه جدا شود ؟!

توجه :به سئوالات پاسخ دهید وچون نوشته خود را در سامانه درج کردید این اعتراض نامه نیز در سامانه حزب مشروطه درج شود  در صورت عدم درج تا تاریخ 30 آگوست 2008 در سامانه حزب ، من مجبور به پخش جهانی آن هستم. ..... پاینده ایران و ملت ایران. حزب مشروطه ایران هسته دارمشتاد آلمان     لهراسب زینالی مسئول هسته و عضو کمیته مالی  "(5).

اوسته گؤروندوگو کیمی لهراسب زینالی بیر بیلینجلی و شعورلو اینسان کیمی دئییل، "آیا، آیا..." سورقولاری ایله اؤزونو داها دا گولونج یئره دوشورموش گؤرونر. هر بیر حزب و تشکیلاتین یازیلی اساسنامه سی وار. اساسنامه یه اساساً هر بیر تشکیلاتا عضو اولموش شخصلر سیاست عالمینده او اساسنامه نی چئینه یه جک هئچ بیر آددیم آتمامالیدیرلار. دئمک، حزب مشروطه سلطنتی ایران-فارس تشکیلاتی، فارس تمامیتچیلیک تشکیلاتی اولدوغو اوچون بو تشکیلاتا عضو اولموش شخصلر میللی کیملیک ماهیتی داشییان آذربایجان، کوردوستان، بلوچیستان، لوروستان، ترکمنسان و ساییره آدلار آلتیندا "جنبش" دئیه تشکیلات یارادابیلمزلر. بو مسئله نی درک ائتمز ذاتلار سیاست مئیدانیندا کیمی آلداتماق ایسترلر؟ دئموکراسی مقوله سینه گلدیکده فارس مدنیت راسیستلری نین فارس ایستعمارچی گوجلرینه دئموکرات گؤزو ایله یاناشمالاری دا بعضآ سورقو و سوآل دوغورابیلر. بو دا پهلوی دؤنمینده کی ژاندارمئری ایداره لرینده کی عاریض و معروض حئکایه سینی خاطیرلاتمیش اولار.

گونلرین بیر گونونده حاققی یییلمیش بیریسی شیکایت مکتوبو ایله ژاندارمری ایداره سینه گئدر. او دردینی اورادا بیر داها سؤزلو (شفاهی) اولاراق ژاندارمری ایداره سی نین رئیسینه آنلاتماغا و ایداره مسئوللارینی ایناندیرماغا چالیشار. ژاندارم ایداره سی نین رئیسی، امنیت مأمورو دئیه بیر مأمور شیکایتچی ایله سانیق (متهم) اولان شخصین آدرئسینه دوغرو یولا سالار. اونلار آدرئسه چاتدیقدان سونرا شیکایتچی ائشیکده گؤزلمکده اولسون، ژاندارمری مأمورو سانیغین ائوینده قوناقلاندیقدان و سوغات دئیه رشوت آلدیقدان سونرا ائشیگه چیخاراق شیکایتچینی قامچیلاماغا باشلار. شیکایتچی قامچی نین آلتیندا قیوریلیب بوکولدوکدن، گؤزدن و باشدان چیخدیقدان سونرا، - من شیکایتچییَم. - منی نیه وورورسان؟ دئیه سوروشدوقدا، امینیت مأمورو اونا دئییر: من عاریض و معروض تانیمارام. پول وئر، سانیغی (متهمی) ووروم دئیه وضعیتی آچیقلاماغا چالیشار!! بو دا فارس سلطنتچی و ایستعمار گوجلرینه آلدانمیش فارس مدنیت راسیستلری نین شیکایتچی اولما مسئله لرینه بیر اؤرنک ساییلمالیدیر. سؤمورگه چی و ایستعمار چی گوجلردن دئمکراسی مقوله سینده ایجازه آلینماز. بو مسئله آذربایجان میللی منلیگی و کیملیگی اساسیندا بیر سیاسی سورج (پروسئس) اولدوغو اوچون سؤمورگه چی و ایستعمارچی گوجلر ایله قاش گؤز اوینامادان و اونلارا اویناجلیق ائتمه دن اؤز حللینی تاپمالیدیر.

قایناقلار:

1                    ایشیق سؤنمز، آز ایمیش قارینی یاریق، بیری ده گلدی دابانی جیریق!: http://www.azadtribun.net/x19067.htm

2                    ایشیق سؤنمز، فارس مدنیت راسیستلری نین آشدان ایسی کاسا اولما حئکایه لری می، یوخسا پاپدان داها دا پاپ اولما مسئله لری! :

http://www.azadtribun.net/x19004.htm

3                    ایشیق سؤنمز، "جنبش آذربایجان برای دمکراسی و یکپارچگی ایران" آدلی محفل آذربایجان میللی منافعینه خیدمت ائدن بیر قوروپ اولابیلرمی؟: http://www.azadtribun.net/x19236.htm

4                    حزب مشروطه ایران، اعلامیه حزب مشروطه ایران: تکذیب هرگونه ارتباط با جنبش آذربایجان:

http://www.irancpi.net/elamiyeh/matn_122_0.html

5                    نامه اعتراضی با سئوالات مطروحه لهراسب زینالی به حزب مشروطه سلطنتی ایران: لهراسب زینالی، اعتراض و سئوال، مردانی نیوز، 02.09.2008: http://www.mardaninews.de/index.php?option=com_content&task=view&id=4313&Itemid=2

ایشیق سؤنمز، 03.09.2008

فارسچي گؤروش