آز ایمیش قارینی یاریق، بیری ده گلدی دابانی جیریق!

 

 

بیلیندیگی کیمی خاریجی عامیللر واسیطه سی ایله ایران ممالیک محروسه سینه حاکیم اولموش پهلویلر سلاله سی تاریخین چؤبلوگونه آتیلمیش. بو دئدیکلریمیزه باخمایاراق آذربایجان میللی حرکتینه آلتئرناتیو تؤرتمگه دوشونن فارس مدنیت راسیستلری بیر سیرا آزقینلار (کئچمیش پهلویلر سلاله سینه باغلی اولموشلار) واسیطه سی ایله سویو بولاندیرماغا دوشونه رک بالیق توتماق دوشونجه و فیکیرینه قاپیلمیش گؤرونومونو ایجتماعیته یانسیتماغا چالیشارلار. بو فارس مدنیت راسیستلری آذربایجان دیل و مدنیتینه دوشمن کسیلدیکلرینه باخمایاراق آذربایجان آدینی دا یئدک چکمکدن اوتانمازلار. بونلارین آذربایجان آدینی یئدک چکمکلری و ایران ممالیکی محروسه سی نین بوتونلوگو آدینا فارس باستانگرایلارینا فیته توتماغا چالیشدیقلاری چؤللوکده بالیق توتورام دئیه چوبانی خاطیرلاتمیش اولار. یئری گلمیشکن بو حئکایه نی ائشیتمیش اولاق:

- گونلرین بیرینده بیر چوبان اوغلو  (شاهزاده) چؤللوکده (کویر لوتدا) ایشسیزلیکدن یولون قیراغیندا اوتوراراق  آغاجی نین اوجونو آشاغی و یوخاری قالدیرماقلا یولدان گئچنلرین دیققتینی اؤزونه چکمگه دوشونر. بئله لیکله آغاجینی الینه آلاراق بالیقچی سایاغی آغاجین اوجونو اؤز خیالیندا بیر دنیزه دوغرو سالیب و قالدیراراق بالیق توتاجاغام دئیه یولدان کئچنلرین دیققتینی اؤزونه چکمگه چالیشار. ساده لوحلار (فارس اولمایان سلطنتچیلر) دا بالیق هوسی ایله بیر تپه نین باشینا توپلاناراق چوبان اوغلونو دعا ائتمگه چالیشارلار. بو مسئله نین اوزریندن بیر مدت کئچر. هاندان کئچدن سونرا بورادان بیری نین یولو دوشر، چوبان اوغلوندان نه ایش گؤرورسن دئیه سوروشدوقدا بالیق توتورام دئیه جاواب وئرر. یولچو چؤللوک ایله بالیق آراسیندا هئچ بیر ایلگی و ایلیشگی قورابیلمدیگی اوچون بونون کیم اولدوغونو و بو ایشه نه اوچون باشلادیغینی اؤیرنمگه چالیشار (بیلیندیگی کیمی بالیق چؤللوکده دئییل، دنیزده و بؤیوک ایرماقلاردا و چایلاردا اولار). چوبان اوغلو دردینی آنلاتماغا باشلار:

- چوبان اوغلو (شاهزاده):  ده دم چوبانلیق ائدردی، بو خارابادان قاویلمیش و اؤلموش، ایشسیز قالدیغیم اوچون بو ایشی اؤزومه بیر مسلک کیمی سئچمیشم.

- یولچو( گولومسه یه رک) آی اوزدن ایراق آحماق آدام قورولوق و چؤللوکده بالیق اولماز دئیه اونو اقناع ائتمگه چالیشار.

- چوبان اوغلو (شاهزاده): بو ایشده من تک دئییلم. موریدلریم ده وار. بالیق توتوب اونلارا دا وئرجگیمه سؤز وئرمیشم. اونلار منی دعا ائده رک بو ایشه داها دا تشویق ائدرلر.

اوسته کی حئکایه ایران ممالیکی محروسه سینده شاهلیق یوخسا اینسانلار اوزره چوبانلیق رولو اویناماغا دوشونولموش شاهلیق حئکایه سی نین بیر گؤسترگه سی کیمی قلمه آلینمالیدیر. دئمک، ایران ممالیکی محروسه سینده کی میللیتلر شاهلیق سیستیمینی  بیر توپورجک یوخسا فیرتیق کیمی اؤزلریندن اوزاقلاتدیقلارینا باخمایاراق کئچمیش سیستیمه باغلی اولان عاقلی دایازلار بیر داها اونون اوغلونو (چوبان زاده – شاه زاده نی) دیکلده رک اوندان فایدالانماق آرزو و هوسیله اونو سالام و صلواتلا آغیرلاماغا و حاکیمیته گلدیگی تقدیرده مقام صاحابی اولاجاقلارینا اومود باغلامیش گؤرونرلر. بو ذاتلاردان بیری ده اؤزونو رئیس دبیرخانه "جنبش آذربایجان برای یکپارچگی و دمکراسی ایران" آدلاندیران لهراسب زینالی ذات عالیدیر. بو ذات رضا پهلوی یه آرتیق ارادتی اولدوغو اوچون اونون هر هانکی بیر مییاو مییاو ائتدیگینه بیله به به چه چه دئمکله یاناشار، بو دوغرولتودا اوخویوروق:

"با درورد به شاهزاده گرامی
همچناکه ایشان فرموده اند؛ راهی به غیر از اتحاد تمام خانواده های سیاسی مخالف رژیم وجود ندارد.
... ما بخشی اعضائی حزب مشروطه ایران به رهبری حزب توصعه میکنیم برای تشکیل یک اتحاد ملی و شورای رهبری به دعوتهای نخبگان سیاسی و بزرگان اپوزیسیون و به ندای شاهزاده رضا پهلوی پاسخ مثبت بدهند و یا خود دست به ابتکار بزنند .
پاینده ایران حزب مشروطه ایران هسته داردمشتاد آلمان 20 -12-2007
"(1) .

اوسته کی مناسبت اؤزونو رئیس دبیرخانه "جنبش آذربایجان برای یکپارچگی و دمکراسی ایران" آدلاندیران فارس مدنیت راسیستی نین ایفاده سیدیر. بو ذات آذربایجان میللی حرکتی نین آذربایجان شهرلرینده 22 مای 1385 اینجی ایلین قیامینی آغیرلاما گونو آذربایجان میللی حرکتی نین اوزرینه کؤلگه دوشورمک، یوخسا فارس راسیستلیکلری اوچون بیر فرج یولو تاپیلار دئیه رضا پهلوی طرفیندن سید علی حسینی خامنه لی یه آدرئسلنمیش یازینی "جنبش آذربایجان برای یکپارچگی و دمکراسی ایران" آدلی سیته سینه یئرلشدیرمیش. یئری گلمیشکن اونون بعضی پاساژلاری ایله تانیش اولاق، اوخویوروق:

"... هشداری به آقای علی خامنه ای و دست یارانشان

من نیز، همانند اکثریت قاطع هم میهنانم، دیریست که حکومت جابرانه و خودکامۀ شما را بر ایران عزیز و بر مردم آزاده و شریفش، از هر نوع مشروعیت قانونی و اعتبار اخلاقی بی نصیب می دانم. "(2).

ایران ممالیکی محروسه سی و اورادا یاشایان میللیتلر دئییل، "مردم ایران، ملت ایران" نه زاماندان رضا پهلوی و اونون اسلافی اوچون عزیز اولموشلار، اونو کیمسه بیلمز. دئمک، کباب ایگی بو ذات عالیلری ده هلاک ائتمیش مقامدا یئر آلار. ائله اوندان یانا کباب دئیه گئجه یوخودا بیله کباب آرزوسو ایله تئلو تئلو ائتمگه باشلار گؤرونر. رضا پهلوی گئنه ده یازار:

"اعتبار و مشروعیت هرحکومتی تنها مشروط به تبعیتش از رای شهروندان و، مهم تر از آن، منوط به لیاقتش در برآوردن خواست های برحق و آرمان های انسانی آن هاست. حکومتی که نه پاسخگوی شهروندانش باشد و نه کارساز مشکلاتشان، همانقدر مشروع و معتبراست که حکومت بیگانگان در سرزمینی اشغال شده. "(2).

اوسته کی ایفاده لری رضا پهلوی دیله گتیررکن نه دانیشدیغینی باشا دوشموش مو، یوخسا او دا ده ده سی کیمی فارس فاشیستلری و فارس مدنیت راسیستلری طرفیندن حاضیرلانمیش فیکیرلری چئینر توپور ائتمگه چالیشار؟  بیلیندیگی کیمی ایران ممالیکی محروسه سینده کی میللیتلر آراسی مشروعیت مسئله سی فارس دیل و مدنیتی اساسیندا دئییل، هر میللت اؤز دیل و مدنیتینی اساس گؤتوره رک  بو مسئله نی تمللندیریلمه لیدیر. بو باخیمدان فارس سلطنتچیلری و اونلارا اویونجاق اولموشلار دا ایران ممالیکی محروسه سینده کی میللیتلر یانیندا مشروعیت قازانابیلمزلر. لیاقت مسئله سینه گلدیکده داها دا لیاقتسیز حئساب اولونارلار. ایندی چوبان و قویونچولوق چاغی دئییل، بیلگی سایار چاغی اولدوغو اوچون دیکتاتورلوغا اساسلانمیش شاهلیق و پادشاهلیق دا تاریخین چؤپونه آتیلمیش مقامدا یئر آلار. دئمک، ایران ممالیکی محروسه سینده فارس اولمایان ائتنوسلارین گلجکلری  هر هانکی بیر فارسلیق سیستیمینده نفی اولوندوغو اوچون هدف و آرمان باخیمیندان دا فارسلیق سیستیمی اینسانجیل بیر سیستیم دئیه قبوللوق گؤره بیلمز. فارسلیق و شاهلیق سیستیمی فارس اولمایان ائتنوسلارا میللی حاقلاری قدغن ائتدیگی و فارس مفکوره سی اساسیندا یاساق ائده جگی اوچون ده ایشغالچی بیر حاکیمیت دئیه نظره آلینار. دیل و مدنیت باخیمیندان فارس اولمایان ویلایتلر 1925 اینجی ایلدن فارس ایستعماری نین ایشغالیندا بولونار. رضا پهلوی گئنه ده یازار:

".. . اما، آقای خامنه ای، سلب حقوق و آزادی های مردم ایران و خم کردن پشتشان با سنگینی مشکلات روزافزون اقتصادی با همۀ اهمیتشان در برابر خطرها و تهدیدهایی که از سر جهل و غوغاگری متوجۀ امنیت و تمامیت ارضی میهن عزیز ما کرده اید رنگ می بازند. ....
 از همان آغاز بود که با سرکوب اقوام گوناگون ایرانی، با تهدید و تحقیر ایرانیان پیرو مذاهبی جز تشیع، شالوده های دیرینۀ همبستگی و همزیستی میان ایرانیان را سست کردید. ... ، عشق به سرزمین پاک نیاکانم و نگرانی از سرنوشت هم میهنان محرومم مرا ناگزیر از آن می کند که به شما هشدار دهم که مسئولیت اصلی هر آسیب و خدشه ای که از سوی هر نیرو و قدرتی به تمامیت و یکپارچگی ایران عزیز، به هر گوشه ای از این سرزمین مقدس، وارد آید با شما و دستیاران شماست"(2).

اوسته کی مقاملارا باخدیقدا گئنه ده بو ذات عالی نین ایکی اوزلولوگو اورتایا چیخمیش اولار. بیلیندیگی کیمی رضا پهلوی باباسی رضا پالانی (میرپنج) و محمدرضا آری از مهرین قالیغی اولدوغونا باخمایاراق کئچمیشده او ذات عالیلری ایران ممالیکی محروسه سینده کی فارس اولمایان ائتنوسلار علیهلرینه ائتدیکلری جنایتلر اوچون نقد آتیشینا توتمایاراق دیل و مدنیت باخیمیندان اؤزو بو گوناهلاردان سیلکینمه میش. ترسینه بیر عوامفریب اولاراق محرومیت ایفاده سینی قلمه آلارکن باعیثی نی فارس مفکوره لی هر هانسی سیستیم دئییل، بیر سایدا ماللالارا نیسبت وئرمگه چالیشمیش. رضا پهلوی ائتنیک اولاراق ملس اولماسینا باخمایاراق بیر فارس راسیستی کیمی فارس تمامیتچیلیگینی ایفاده ائتمگه چالیشمیش. بیلیندیگی کیمی تورپاق مسئله سی و مملکت بوتونلوگو حقوق برابرلیگی ایله اؤنم و اهمیت تاپابیلر. اسیر و زیندانی اولموش، دیل و مدنیتلری تالانا اوغرامیش یوخلوق تهلوکه سی ایله اوزلشمیش میللیتلر اوچون هانکی "تمامیت ارضی و یکپارچگی" آنلام و اهمیت تاپابیلر؟ گؤروندوگو کیمی "نه تؤکسن آشینا چیخار قاشیغینا"! فارس مدنیت راسیستلیگی ایله بؤیوموشلر خاریجده یاشامالارینا باخمایاراق مفکوره باخیمیندان اؤز مدنیت راسیستلیکلرینی قوروماغا چالیشارلار.  تاج الملوک (آذربایجانلی) محمد رضا آری از مهرین آناسی اولدوغونا باخمایاراق محمد رضا آری از مهر طرفیندن تورکچه شعرلرینی چاپ ائتدیرمکدن بیله محروم ائدیلمیش ایمیش. بو دوغرولتودا تاج الملوکون خاطیره لریندن اوخویوروق:

" بيشتراشعارمن به زبان تركی است. موقعی كه شهرياردرتهران ساكن بود او را چند باردعوت كردم. آمد به كاخ وشعرهای مرا شنيد و راهنمايی‌هايی كرد وحرف‌هايی زد كه باعث تشويق من شد.  من شعرشهريار و بخصوص نحوه شعرخوانی او را خيلی دوست داشتم. بخصوص وقتی او شعرمی خواند وابوالحسن خان صبا هم ساز می زد! « سوزی نداشت شعردل انگيزشهريار- گرهمره ترانه، سازصبا نبود! آدم وقتی مادرشاه مملكت است محدوديت‌هايی دارد. ازجمله محمدرضا اجازه نمی داد ديوان اشعارمن چاپ شود ومی گفت مردم نظرشان درمورد من عوض می‌شود! خوبيت ندارد ملكه مادرشعربگويد وازاين قبيل حرف‌ها"(3).

اوسته کی پاساژ اولدوقجا دوشوندوروجودور.  اؤز آناسی نین دیل و مدنیتینه رحم ائتمه گن فارس مدنیت راسیستی نین تربیت ائتدیگی رضا پهلوی  کیمه رحم ائدر دئیه بو مسئله هر بیر اینسانی دوشوندورمه لیدیر. آنا دیلی و مدنیتی سؤز قونوسودورسا، فارس راسیستلیگینه توتولموش رضا پهلویدن آذربایجان میللت اوولادلاری نه اوما بیلر؟ گؤروندوگو کیمی بونلار حاکیمیت اوغروندا اؤز آنالارینا بیله رحم ائتمز، باجی و قارداش دا تانیماز مقامدا یئر آلارلار. اوسته کی پاساژی اوخودوقدان سونرا بیر باشقا سورقو اوخوجولار طرفیندن رضا پهلویه یؤنلمیش اولار: - تاج الملوک یازدیغی تورک دیوان شعرلرینی فارس راسیستلیگینه توتولموش پهلوی سلاله سی آذربایجان دیلینده 1946 اینجی ایل یاندیردیقلاری کتابلار کیمی یاندیرمیشلار می، یوخسا بو شعرلری نه اوچون ایشیق اوزو گؤرمگه محروم ائتمیشلر می؟ دئمک، تورکچه یازیب یاراتماق دا فارس مدنیت راسیستلری اوچون سیلینمز و باغیشلانماز عئییب حئساب ائدیلرمیش. شاهین آناسی تورکچه شعر چاپ ائتدیرمه ایمکانینا مالیک اولسایمیش، بو سلاله نی ایش اوستونه گتیرن خاریجی مقاملار یانیندا  فارس مدنیت راسیستی، محمدرضانین قیربی قیمتی هئچ ساییلارمیش. بو فرض و خیاللارا باخمایاراق محمدرضا ایران ممالیکی محروسه سینی ترک ائتمه لی اولارکن، خیال ائتدیگی اربابلاری هامیسی قاپینی اوزونه باغلاراق ایت ده حئساب ائتمه میشلر. بو دوغرولتودا اوخویورورق:

" انگلستان فقط حاضر شده بود كه از شاه به عنوان یك " توریست برجسته" استقبال كند، دیگر كشورهای اروپائی و آمریكا هم چنین وضعیتی داشتند، تنها انورسادات بود كه می گفت" با كمال خوشوقتی از اعلیحضرت همچون یك سلطان مقتدر استقبال خواهد كرد"(4).

 

 

قایناقلار:


لهراسب زینالی،  رضا پهلوی، ایران و ایرانیان را نباید هرگز با دیکتاتوری مذهبی حاکم برکشور اشتباه گرفت: http://irancpi.net/digran/matn_2022_.html

2        رضا پهلوی، هشداری به آقای علی خامنه ای و دست یارانشان:

http://www.iranazar.net/seite6.html

3        مصاحبه خاطرات تاج الملوک داناترین سیاستمدار زن دربار دو پهلوی: رضا فارسی سواد نداشت، من نوشتن را یادش دادم، رضا میخواست ناپلئون یا هیتلر شود: http://hafteh.peiknet.com/06mehr/hafteh_page/50taj3.htm

4        خاطرات فرح دیبا، تاریخ پهلوی، جلد 4،

 

 

ایشیق سؤنمز، 24.05.2008

فارسچی گؤروش