سازمان فدائیان خلق –اکثریت- و ایران ممالیک محروسه سینده کی میللیت لر مسئله سی

بیلیندیگی کیمی فارس تشکیلاتلاری کئچمیشده ایران ممالیکی محروسه سینده میللی مسئله لرین وار اولدوغونو قبول ائتمک ایسته میردیلر. فارس ساغ تشکیلاری ایران ممالیکی محروسه سینده کی میللیتلر مسئله سینی خاریجی عامیللره دویونله مگه چالیشارکن فارس سول باشلیغی آدی آلتیندا اولان تشکیلاتلار دا "ناسیونالیسم کور" دئیه ایران ممالیکی محروسه سینده کی میللیتلر مسئله سینه آغیز بوزمگه چالیشیر و اونلاری "محللی و خورده فرهنگ" ساحه سینه دوشورمگه جان آتیردیلار. بو اؤزلرینی سول آدلاندیران تشکیلاتلاردان بیری ده "سازمان فدائیان خلق (اکثریت)" دئیه فارس تشکیلاتیدیر. بو تشکیلات دا باشقا فارس تشکیلاتلاری کیمی فارس اولمایان میللتلرین دیل و مدنیتلرینی محللی آدلاندیریر و فارس دیل و مدنیتینی بو ممالیکی محروسه ده کی میللیتلرین اورتاق دیل و مدنیتلری دئیه 2005 اینجی ایلده کی کنگوره سی نین تصویبنامه سینده یازیر:

»... ۳-۴) ما مروج و مدافع هم پيوندی های تاريخی ساکنان ايران و اشتراکات اقتصادي، اجتماعی و فرهنگی کنونی آنان می باشيم و در مخالفت با تفرقه افکنی ها و نقار آفرينی های ملي، با هر نوع برتری جوئی ملی در اشکال پان ايرانيسم، پان ترکيسم، پان کرديسم و پان عربيسم و غيره مبارزه می کنيم."

اوسته کی "ما مروج و مدافع..... فرهنگی کنونی آنان می باشیم" ایفاده سی فارس دیل و مدنیتی نی اساس گؤتورموش بیر مقوله دیر. بو مقوله یه اساساً سازمان فداییان خلق، فارس دیل و مدنیتی نی یایماغا جان آتان و فارس دیل و مدنیتی نی مدافعه ائدن بیر تشکیلاتدیر.  اوسته کی مقوله ده "اشتراکات اقتصادی، اجتماعی" مقوله سینه گلدیکده فارس حاکیمیتی طرفیندن فارس اولمایان ویلایتلره اعمال اولموش ایستعماری سیاستلری نظره آلدیقدا فارس ایستعمار سیستیمی نین اوزانتیسی اولان بو ولایتلرده کی یئر آلتی معدن قازینتیلارینا قویولان سرمایه، بو معدنلرین فارس حاکیمیتی طرفیندن فارس ویلایتلرینه داشیناراق ایستعمار ائدیلمه سی و بو ویلایتلرده کی فارس ایداره اورگانلاری نظرده توتولور دئیه دوشونمه لی ییک. بو مقوله لری اورتاقلیق (نقاط مشترک!!) دئیه اساس گؤتوردوکده فارس ایستعمار سیستیمی اورتایا قویولموش اولار. سازمان فداییان خلق (اکثریت)، فارس دیل و مدنیتی نی اساس گؤتوره رک باشقا دیل و مدنیتلری محللی سایماق اوزره یازیر:

" ۳-۶) ما حق جريان های ملی در ايجاد تشکل های فرهنگی و سياسی محلی را محترم می داريم و همزمان هر انديشه و اقدامی که بخواهد سياست و برنامه در ايران را صرفاً با معيارهای ملی تعيين کند، به نقد می کشيم."

اوسته گؤروندوگو کیمی بورادا سازمان فداییان خلق (اکثریت)، بیر فارس تشکیلاتی اولاراق باشقا میللیتلردن بو تشکیلاتدا اجیر دورومدا اولان شخصلری اؤز جایناغیندا توتاراق فارس اولمایان میللیتلره "فرهنگی و سیاسی محللی" تشکیلاتلار یاراتمالارینا داییر حؤرمت ایله یاناشاجاغینا سؤز وئرمه سینه باخمایاراق فارس دیل و مدنیتی نی ایران ممالیکی محروسه سینده کی فارس اولمایان باشقا میللیتلره تحمیل ائتمیش مقامدا یئر آلیر. دئمک، میللی مسئله نی درک ائتمیش ذات عالیلر کؤهنه خولیاوی فیکیرلریندن واز کئچه رک بو ممالیکی محروسه ده کی میللیتلرین دیل و مدنیتلرینی اساس گؤتوره جک موختلیف میللیتلره عایید تشکیلاتلارین یارانماسینا ایمکان یاراتمالیدیرلار. دئمک، بونلارین مسئله سی ایران ممالیکی محروسه سینده میللیتلر مسئله سی نین حلل اولماسی دئییل، فارسلیق سیستیمی اساسیندا ائتنیک قارماقاریشیق اوستانلارا بؤلونموش بؤلگه لری فارس دیل و مدنیتی ایله اوزون وعده لی ایداره ائتمک و بو ائتنیکلری فارس دیل و مدنیتینده اریتمک گونون مسئله سی اولاراق بو ذاتلارین ذهنیتلرینه حاکیم گؤرونور، اوخویوروق:

" ۳-۵) ما از ضرورت موجوديت احزاب سراسری برای کل ايران دفاع کرده و بر اين واقعيت که احزاب دموکراتيک سراسری باورمند به حل مسئله ملی در ايران، مؤثرترين ابزار برای تأمين تفاهم عمومی در گذار به موقعيت دموکراسی مبتنی بر برابری حقوق ملی در کشور اند، تاکيد داريم."

اوسته کی فیکیرلر کئچمیش سؤیئتلر بیرلیگینده کی روسیه کمونیستلریندن آلینمیش فیکیرلردیر. بیلیندیگی کیمی سؤیئتلر بیرلیگینده ده روسیه کمونیست پارتیسی باشقا ائتنوسلارین تورپاقلاریندا کمونیست پارتیسی نین قوللارینی یاراتماق و روس دیلینی اساس گؤتورمکله بو مملکتلرده عوامفریبلیک ایله حاکیمیت ائدیر و روس ایستعمارینی بو ممالیکی محروسه ده حاکیم ساخلاماغا چالیشیردی. یئری گلمیشکن سوروشولمالیدیر: - احزاب سراسری (احزاب فارس) و فارس دیلی، مدنیتی رسمی دئیه بو ممالیکی محروسه ده کی باشقا ائتنوسلارا تحمیل اولارکن هانکی دئموکراتیک اصوللاردان سؤز صؤحبت اولابیلر؟ بو محللی آدلاندیرمالار اؤز یئرینده دورسون آذربایجاندا میللی حرکتینده دیرچلیش باش وئردیکدن سونرا بهزاد کریمی، سازمان فداییان خلق (اکثریت) کادرولاری نین بیری نین قلمیندن اوخویوروق:

" اگرچه آمار دقيقى در دست نيست تا با قيد رقم صحيح، تعداد کل ايرانيان ترک‌زبان معلوم شود – چرا که نه ساختار پيچيده و درهم ترکيب قومى کشور چنين امکانى را به دست ميدهد و نه محدوديت‌هاى سياسى اعمال‌شده از سوى قدرت اجازه تصريح آنرا. – با اينهمه و برپايه کمترين ضريب، غيرواقعى نخواهد بود اگر از زيست ۱۷ تا ۱۸ ميليون شهروند ايرانى ترک‌زبان در ميهنمان سخن گفته شود؛ يعنى چيزى حدود يک‌چهارم اهالى کشور و جمعيتى تقريباً معادل کل اسکانديناوى که دربرگيرنده چهار کشور است."(1)

اوسته گؤروندوگو کیمی بهزاد کریمی بیر آذربایجانلی اولاراق فارس تشکیلاتیندا امک وئردیگی اوچون ایران ممالیکی محروسه سی نین جمعیت ترکیبی نی بیلمک ایسته میر. بیرلشمیش دؤولتلر تشکیلاتی نین اینتئرنئت سیته سینده یاییلان معلوماتلارا اساساً ایران ممالیکی محروسه سینده کی تورکلرین سایی بو ممالیکی محروسه نین فارس اهالیسیندن داها دا آرتیقدیر. بو وئریلن معلوماتلارا اساساً 1997 اینجی ایلده آذربایجان تورکلری نین سایی 24,364,000، فارس اهالی سی نین سایی 22000000 نفردیر(2). بیرلشمیش دؤلتلر تشکیلاتی نین وئردیگی سایدان  9 ایل کئچمه سینه باخمایاراق بهزاد کریمی جنابلاری ایران ممالیکی محروسه سینده کی آذربایجان تورکلری نین سایینی 17 - 18 میلیون دئیه بو توپلومون دیل و مدنیتی نی نظره آلمایاراق بو توپلومو بیر میللت دئییل، فارس حاکیمیتی نین شهروندی کیمی تقدیم ائتمیشدیر (ایضاح: دؤلت و شهروندلیک مقوله سی باخیمیندان بلکه ده بو یاناشما دوغرو گؤرونسون، سیاست و میللی ایراده اعمال ائتمک باخیمیندان بو مسئله دوغرو اولابیلمز. گونئی آذربایجان میللتی و تورپاقلاری فارس ایشغالینا تابع توتولموش سیرادا یئر آلمالیدیر) . اوسته بیرلشمیش دؤولتلر تشکیلاتی وئردیگی معلوماتی اساس گؤتوردوکده بوگون ایران ممالیکی محروسه سینده کی آذربایجان تورکلری نین سایی 28- 30 میلیون اولمالیدیر. سازمان فداییان خلق تشکیلاتی نین قورولتاییندا آلینان قرارلارا اساساً سایی 30 میلیونا یاخین (ایران جمعیتی نین % 40 نی) محللی دئیه قلمه آلدیقدا ایران ممالیکی محروسه سینده کی خالقلارین توپلام نفوس سایی میلیاردلاری آشیب کئچمه لی اولاردی. گؤروندوگو کیمی سازمان فداییان خلق تشکیلاتی نین ایران ممالیکی محروسه سینده آذربایجان تورکلرینی بیر محللی ائتنیک دئیه قلمه آلمالاری فارس ایستعمار سیستیمی نین ترکیب حیصصه سی حئساب ائدیلمه لیدیر. باشقا سؤزله دئسک، بهزاد کریمی ذات عالی نین گلدیگی قرارا اساساً سایی بوتون ایسکاندیناوی مملکتلری نین نفوس ساییندان چوخ اولان ایران ممالیکی محروسه سینده کی  تورک میللی توپلومونو فارس میللتی نین آلت مجموعه سی(!!) آدلاندیرماق دئموکراتیک پرینسیپلره اویقون گؤرونمور. باشقا بیر یازی سهراب مبشری ذات عالی نین قلمیندن ایفاده اولونموش. سهراب مبشری آذربایجان میللی حرکتی نی ایران ممالیکی محروسه سینده فارس سیستیمی ایچریسینده یئر آلاجاق حرکتین ترکیب حیصصه سی کیمی قلمه آلماغا چالیشیر. اونون دا یازی سی نین بعضی پاساژلارینی گؤزدن کئچیرمک پیس اولماز دئیه دوشونوروک، اوخویوروق:

".. بحثهاى داغى درباره ماهيت اعتراضات و ارتباط آن با جنبش دمکراتيک سراسرى ايران جارى است. شکافى که اين بحثها در ميان اظهارنظرکنندگان ايجاد کرده است، .... اگر بخواهيم اين جدلها را با توصيف افراطى ترين نظرات مشخص کنيم، اين صحنه را مى‌بينيم: يک سر طيف را مى‌توان به عنوان نمونه، در گردانندگان ايستگاه تلويزيونى «گوناز تى وی» ديد .. که رسالت خود را مبارزه با «شووينيسم فارس» و «احياى هويت ملى آذری» اعلام کرده است. برنامه‌هاى اين تلويزيون نه تنها حاوى حملات به مظاهر تاريخ و هويت ايرانى مانند کورش هخامنشى، ... ايران است. ناسيوناليست‌هاى آذرى و ترک، از خيزش‌هاى اعتراضى اخير به وجد آمده اند و برخى از آنها بدين اميد بسته اند که اين حرکات، سرآغاز جدايى آذربايجان ايران باشد."(3)

اوسته گؤروندوگو کیمی آذربایجان میللی حرکتی نی فارس تشکیلاتلاری و فارس سیستیمی نین ترکیب حیصصه سی کیمی قلمه آلان ذات عالیلر، آذربایجان میللی حرکتی نی اولدوغو کیمی فارس آخینلاریندان (جریانلاریندان) موستقیل تقدیم ائدنلری، "افراطی" دئیه قلمه آلیرلار. بیلیندیگی کیمی آذربایجان میللی حرکتی، آذربایجان دیل و مدنیتینی اساس گؤتورموش موختلیف آخینلاری ایچرمکده دیر (ایستر ساغ، ایستر سول). بو آخینلاری سهراب مبشری کیمی ساغ یوخسا سول (آغ یوخسا قارا) دئیه بیر جریانا باغلاماغا چالیشماق بو حرکتی یالنیز دئموکراتیک توپلوملاردان تجرید ائتمک دئییل، ائتنیک آذربایجانلیلار آراسیندا آرا قاریشیقلیغا یول آچماق هدفی داشی ییر دئیه دوشونمه لی ییک. اوسته گؤروندوگو کیمی سهراب مبشری ذات عالی "کوروش  هخامنشی" و ساییره فارس ائتنوسونا عایید ائدیلمیش شخصلری ده آذربایجانلیلارین میللی تاریخی شخصیتلری دئیه ایجتماعیته تقدیم ائتمگه چالیشیر. بو مسئله یالنیز فداییان خلق (اکثریت) ایله نوقطالاناجاق دئییل، بوتون فارس تشکیلاتلاری اؤزلرینه یونتامیش تاریخی شخصیتلری و تاریخی آذربایجانلیلارا دا تحمیل ائتمک ایسته ییرلر. بوندان یانا دا آذربایجان تورکلری نین تاریخی نین اؤیرنیلمه سی و تاریخی شخصیتلریندن سؤز آچیلماسی فارس راسیستلری طرفیندن ایسته نیلمز حئساب اولونار. دئمک، سازمان فداییان خلق (اکثریت)ین "تشکلهای فرهنگی و سیاسی محللی" دئدیکلری عیبارتده فارسلار اوچون عایید اولان دیل و مدنیت سراسری دئیه  باشقا دیل و مدنیت صاحابلاری (تورک، عرب، کورد، بلوچ، لور و ساییره) اوچون ده اساس گؤتورولموش دئیه دوشونمه لی ییک. دئمک، آذربایجان تورکونون "کوروش و داریوش" منه عایید دئییل دئمه سی، پان ایرانیست قووه لر و فارس شوونیستلری نین "ایران میللتی" مقوله لرینی سورقو سوآل آلتینا چکمه سیندن حئکایت ائدیر. سهراب مبشری ذات عالی گئنه ده یازیر:

"... هم ناسيوناليست‌هاى ايرانى که همواره سرکوب خونين جنبش ملى آذربايجان در سال ١٣٢۵ را به بهانه «حفظ تماميت ارضى ايران» توجيه کرده‌اند و هم برخى نيروهاى چپ، وجود هر گونه ستم ملى در ايران را انکار مى‌کنند."(3)

اوسته گؤروندوگو کیمی سهراب مبشری ذات عالی "ناسیونالیست های ایرانی" دئدیکده تمامیتچی قووه لر و فارس شوونیستلری نظرده توتولور. بئله لیکله فارس اولمایان ائتونوسلار آراسیندا میللی کسیمین وار اولماسی دانیلیر.  بو مسئله نی آذربایجان میللی فعاللاری مسئله سی ایله قارشیلاشدیردیقدا فارس دئموکراتلارینا دا اینانماق دوغرو  و دوزگون اولماز دئیه دوشونمه لی ییک. دئمک، بونلار فارس حاکیمیتینه پوزیسیون اولمالارینا و جاناماز سویا چکمکلرینه باخمایاراق حاکیمیته گلدیکلری تقدیرده اصالتی صئرب اولان میلوشوویچ لردن هئچ ده فرقلی اولمایاجاق گؤرونورلر. میلوشوویچ ده آلبانلی لارین صئرب اولمادیقلارینی قبول ائدیر، آنجاق صئربیستان مقوله سینده "آلمالیق" بؤلگه سی نی صئربیستانین ترکیب حیصصه سی کیمی حئساب ائدیردی. سهراب مبشری "ستم مضاعف" مقوله سینده یازیر:

"ستم مضاعف چيست؟
.... همه مى‌دانيم که زبان مادرى ميليونها شهروند ايرانى، فارسى نيست. به عنوان نمونه، اغلب کودکان آذربايجانى در شش سال نخست زندگى خود، تکلم به زبان فارسى را فرا نمى‌گيرند. اما اين کودکان، وارد مدارسى مى‌شوند که برنامه درسى آنها و کتب درسى آنها در سراسر ايران، يکى است. کودکان ناآشنا به زبان فارسى، تنها بدين "گناه" که در خانواده‌اى غيرفارس‌زبان متولد مى‌شوند، بايد ظرف مدت نسبتاً کوتاه پنج سال، يعنى تا امتحانات نهايى دوره دبستان، خود را به سطحى برسانند که کودکان فارس‌زبان براى رسيدن به آن، فرصت بسيار بيشترى داشته‌اند. نظام آموزشى ايران از اساس اين تبعيض و ستم را در بر دارد... بودجه‌اى را که دولت به رسانه‌هاى فارسى زبان، انتشارات فارسى زبان و کمک به توليدات هنرى فارسى زبان اختصاص مى‌دهد (که البته خود اين بودجه نيز در قياس با مثلاً بودجه نظامى و امنيتى و مذهبى ناچيز است) مقايسه کنيد با کمک دولتى به توسعه و رشد زندگى فرهنگى غيرفارسى که عملاً وجود خارجى ندارد يا بسيار اندک است. آيا اين دو مورد، کافى نيست تا ثابت کند بر شهروندان ايرانى غير فارسى زبان، ستم مضاعف مى‌رود، يعنى علاوه بر ستمى که حکومتهاى استبدادى بر همه شهروندان ايران روا داشته‌اند و آنان را از حق آزادى انديشه، آزادى بيان، آزادى تشکل، آزادى تجمع و غيره محروم کرده‌اند، ستمى فزون بر اينها هم وجود دارد، ستمى که مختص ايرانيان غيرفارسى زبان است؟"(3)

اوسته گؤروندوگو کیمی میللی ظولوم دئدیکده مؤلیف فارس دیل و مدنیتی نی اساس گؤتوردوگو اوچون ایستر میللی مسئله نین نه اولدوغونو، ایسترسه ده میللی ظولومون نه اولدوغونو آنلامیش مقامدا یئر آلمیر. مسئله بئله اولدوقدا میللی ظولوم نه دیر دئیه بو مسئله اوچون جاواب وئرمه لی ییک.

میللت: اورتاق دیل، مدنیت، گله نک (عنعنه) گؤره نک (عادت) و بیرله شیک ائتنیک جوغرافی بؤلگه یه مالیک اولان توپلوملار میللت ساییلمالیدیر. هر بیر میللت اوچون پارامئترلر:

1- دیل: اینسان اوولادی آنادان اولدوقدا اؤزو بیلمه دن هر هانکی بیر دیلده چئوره سی ایله انسیت تاپدیغی اوچون بو دیلی قورویوب یاشاتماق اونون طبیعی حاققی دیر.

2- مدنیت: هر هانسی بیر توپلومون کئچمیشده کی و بوگونکو یاشادیغی حالدا مدنی یارادیجیلیغی اونون مدنیتی دئمکدیر (تاریخی آبیده لر، ادبیات و ساییره).

3- گله نک و گؤره نک: کئچمیشدن گونوموزه گلن هر بیر توپلومون عادت و عنعنه لری، رسم و رسوملاری او  توپلومون گله نک و گؤره نکلری ساییلار.

4- جوغرافی بؤلگه: هر بیر توپلوم یاشایابیلمه سی و اؤز وارلیغینی سوردوره بیلمه سی اوچون او توپلوم بللی بیر جوغرافی بؤلگه یه مالیک اولمالیدیر. بو جوغرافی بؤلگه بیر مخصوص دیل، مدنیت، گله نک و  گؤره نگه صاحیب اولارسا، بو جوغرافی بؤلگه میللی و جوغرافی بؤلگه آدلانار.

اوسته کی بیر میللت اوچون گرکلی اولان پارامئتلره میللی، مدنی، سیاسی و ایجتماعی تشکیلاتلارین یارانماسی دا لازیم گؤرونور

میللی ظولوم: حاکیم بیر توپلوم یوخسا سیستیم طرفیندن میللی بیر توپلومون دیلینی قاداغان ائتمک، تاریخی آبیده لرینی باشقا بیر توپلوما عایید ائتدیرمک، کئچمیش تاریخینی اونوتدورماغا چالیشماق، گله نک، گؤره نکلرینی یوخلوق ایله اوزلشدیرمک و ائتنیک جوغرافی بؤلگه سینه حاکیم اولماغا ایمکان وئرمه مک و میللی، مدنی، سیاسی و ایجتماعی تشکیلاتلاری نین یارانماسینا ایجازه وئرمه مک میللی ظولوم ساییلار.

اوسته گؤروندوگو کیمی میللی ظولوم یالنیز حاکیم و محکوم توپلوملار آراسینداکی مدرسه لرده درسلیک کیتابلاری نین بیر ساحه ده و عئینی اولماسی دئییل، بوتون میللی آتریبوتلارین حاکیم توپلوم یوخسا حاکیم سیستیم طرفیندن دانیلیب یوخ ائدیلمه سی میللی ظولوم ساییلار.  سهراب مبشری گئنه ده یازیر:

"اما عليرغم اين شواهد روشن، ستم ملى انکار مى شود. چرا؟ اين انکار، انگيزه‌هاى متفاوت دارد. ناسيوناليستهاى ايرانى، از سلطنت‌طلب گرفته تا جمهوريخواه، در هراسند که اگر وجود ستم ملى را بپذيرند، بايد به الزامات اين پذيرش يعنى محو اين ستم نيز از طريق مثلاً کمک دولتى به ترويج و آموزش زبانهاى غيرفارسى تن دهند، امرى که از نظر آنان در درازمدت به تضعيف همبستگى همه ايرانيان و ايجاد خطر براى يکپارچگى و «تماميت ارضی» منجر مى شود."(3)

اوسته گؤروندوگو کیمی "ناسیونالیستهای ایرانی" دئدیکده موألیف تمامیتچی قووه لر و فارس شوونیست لرینی نظرده توتور. بو یاناشمادان یولا چیخیلارسا، ایران ممالیکی محروسه سینده فارس اولمایان ائتنوسلار ایرانلی ساییلماز. دئمک، فارس سول تشکیلاتلارینا منسوب اولان ذات عالیلر بئلنچی فیکیرلره صاحابدیرسالار، آذربایجان، کورد، عرب، بلوچ و ساییره ائتنوسلارین میللیتچی لری نین ایستیقلالیت ایسته مه لری هئچ ده یئرسیز ساییلماز. بیلیندیگی کیمی آذربایجاندا آذربایجانلی نین حاکیم اولماسی میللیتلرین اؤز گله جکلرینی معینلشدیرمه مقوله سی و دونیا بیرلشمیش دؤولتلر تشکیلاتی نین قبول ائتمیش اینسان حاقلاری مقوله سینه اساسلان مقوله دیر. سهراب مبشری ذات عالی گئنه ده یازیر:

"انکار ستم ملى در ميان برخى از نيروهاى دمکرات و چپ، انگيزه‌هاى ديگرى دارند. اين نيروها از آن مى‌ترسند که خواستهايى مانند برابرحقوقى غيرفارس‌زبانان با فارس‌زبانان، خواستهاى مشترک و سراسرى مانند برقرارى دمکراسى در سراسر ايران، رعايت حقوق شهروندى همه ايرانيان و برقرارى عدالت اجتماعى را تحت‌الشعاع قرار دهد و در صف متحد مبارزه براى اين خواستهاى سراسرى، خلل وارد آورد."(3)

اوسته موألیف، سهراب بشیری ایفاده ائتمدن چکیندیگی مسئله، فارس تشکیلاتلاری نین ایران ممالیکی محروسه سینده میللیتلر آراسیندا داغیلما مسئله سیدیر. بو مسئله بیر چوخ فارس تشکیلات باشچیلارینی سانجیلاتمیشدیر. دونیا چاپیندا موختلیف ائتنیکلردن اولوشان ایستعماری تشکیلاتلارین میللتلشمه سورجینده داغیلماسی کیمی فارس تشکیلاتلاری دا بو مسئله دن قیسیر قاچابیلمه یه جکلر. اؤزونو "حزب کمونیست کارگری ایران" آدلاندیران فارس تشکیلاتی دا فارس شوونیستلیگینی قوروماق اوچون میللیت مسئله سی نین علیهینه ییک دئیه یالاندان ایجتماعیتی آلداتماغا چالیشیر. سهراب مبشری ذات عالی گئنه ده یازیر:

" ضرورت مبارزه با سم ناسيوناليسم
.... ناسيوناليسم، از افراطى‌ترين شکل آن يعنى نازيسم گرفته تا اشکال «خفيف»تر مانند آنچه در جنگ جهانى اول يا در جنگ‌هاى بالکان شاهد آن بوده‌ايم، بدون ترديد لايق نشان ضدانسانى ترين ايدئولوژى مدرن است. به پاى اين ايدئولوژى، تا کنون ده‌ها ميليون انسان قربانى شده‌اند. ناسيوناليسم، يعنى تقديس مليت خود و خوار شمردن ساير مليت‌ها، چيزى نيست جز خوار شمردن انسان‌هاى ديگر و توجيه اعمال ستم و قهر بر آنان. هر جنبش ملى اگر به سم ناسيوناليستى آغشته شود، منشأ فجايع است و البته با تأسف بايد گفت هر جنبش ملى، آمادگى و آسيب‌پذيرى از سم ناسيوناليسم را دارد."(3)

اوسته گؤروندوگو کیمی موألیف "فاشیسم" ایله "ناسیونالیسم" آراسیندا هئچ بیر فرق قویما قابیلیتینه مالیک دئییل. بو مسئله موألیفین دیل و مدنیتلرین نه اولدوغونو بیلمه دیگیندن ایلری گلن مسئله دئییل، بو مسئله نین نه اولدوغو قوللوق ائتمک ایسته دیگی ایدئولوژیده آختاریلمالیدیر. مهاتما گاندی معنوی ایدئولوژی اوزره دئمیش: "اود واسیطه سی وارلی نین واری اطرافیندا بیر حئسار چکیلمیش. بو حئسار اصلاً کئچیلمزدیر. وارلی نین وارینا یوخسولون الی اوزانارسا، جنهم اهلی ساییلار. عکس حالدا یوخسول آجیندان اؤلمه لیدیر"(4). سهراب مبشری ذات عالی دئموکراسی و میللیتلر مقوله سی اوزره یازیر:

"... بايد مردم غيرفارس‌زبان متقاعد شوند دمکراسى براى ايران، براى آنان لااقل تخفيف ستم ملى را نيز به ارمغان خواهد آورد و آغازگر راهى خواهد بود که کشورهاى پيشرفته‌تر در کاستن از نابرابرى هاى ملى، قومى، فرهنگى و زبانى پيموده‌اند."(3)

گؤروندوگو کیمی فارس سول تشکیلاتلاری نین "رفع ستم ملی" مقوله لری روسیه کمونیست پارتیسیندن کوپی ائدیلمیش خضبلاتا اساسلانیر. بونلار دئموکرات مئاب اولاران پامبوق ایله باش کسمه گی (تدریجی ایران ممالیکی محروسه سینده کی میللیتلری فارسلاتما پلانی نی) اؤزلری اوچون وطنی بیر وظیفه حئساب ائدیرلر. بودور جهان وطنیلرین فارس وطنلی اولمالاری!! بو وطنی وظیفه نی نظره آلاراق فداییان خلق –اکثریت- تشکیلاتی 2005 اینجی ایلده کی قورولتاییندا فارس اولمایان میللیتلری محلی دئیه قلمه آلمیشلار. سهراب مبشری ذات عالی گئنه ده یازیر:

".. آن روى سکه ناسيوناليسم ايرانى، ناسيوناليسم ترک است که حاميانى نيرومند در ترکيه، جمهورى آذربايجان و ايالات متحده دارد. اين ناسيوناليسم نيز مانند هر ملى‌گرايى ديگر، تفکرى غيرانسانى و ديروزى است و با خوار شمردن هر که غيرترک است همراه است. خشم و لبه تيز حمله اين ناسيوناليسم متوجه غيرترکهاست نه عليه ستم ملى."(3)

اوسته گؤروندوگو کیمی موألیفین فیکیرلرینه اساساً "فارسیت" مقوله سی "ایرانیت" مقوله سی ایله عئینیلشمیش مقامدا یئر آلیر و فارسلارا سای باخیمیندان رقیب گؤرونن آذربایجان تورکلری "ناسیونالیسم ترک" دئیه قلمه آلینیر. اوسته لیک یئری گلرسه، آذربایجان میللی حرکتی نی خاریجی اؤلکه لره باغلایاجاق ایتتیهاملار دا موألیفین دیققتیندن یاییلمیر. دئمک، ائتنیک آذربایجان خالقی ایستیقلالیت یولونو سئچرسه، بو فارس قویروقلاری دئموکرات گؤرونمه گه چالیشمالارینا باخمایاراق آذربایجان خالقینی میللی باسقینا معروض قویماق اوچون فارس راسیستلری (جبهه میللی، حزب میلت، نهضت آزادی، حزب پان ایرانیست، مجاهیدین خلق و ساییره) نین یانیندا یئر آلاجاقلارینی بیلدیرمک ایسته ییرلر. بو داورانیشلار کئچمیشلرده  ده تیکرار اولموشدور (نمونه سی آذربایجاندا خالق مسلمان حرکتی نین باسیلماسیدیر). سهراب مبشری ذات عالی یازیر:

"دولت جمهورى اسلامى و سوء استفاده از موقعيت پيش‌آمده
..... با تعطيل کردن اين روزنامه و زندانى کردن کاريکاتوريست و سردبير آن، به يک تير دو نشان زده‌اند: هم خود را همراه با خشم برانگيخته شده در آذربايجان نموده‌اند (لابد از هم‌اکنون در تدارک سفر استانى رئيس جمهور به آن خطه‌اند) و هم يک نشريه ديگر را که صد در صد همراه با قدرت انحصارى جناح اقتدارگرا نيست، حدف کرده‌اند. انتظار از هموطنان ترک‌زبان ما در جنبش دمکراتيک اين است که اقدام ضددمکراتيک و آزادى‌ستيزانه دولت جمهورى اسلامى را محکوم کنند و خواهان آزادى دو روزنامه‌نگار دستگيرشده و ادامه کار روزنامه «ايران» شوند. پاسخ طنز و کاريکاتور، زندان و سانسور نيست، نخنديدن به شوخى و طنزى است که در اين مورد، بسيار هم ضعيف بود " (3)

اوسته گؤروندوگو کیمی موألیف فارس راسیستلری نین کناریندا یئر آلمیش گؤرونور. بیلیندیگی کیمی "ایران" قازئتی ایراندا " سازمان خبرگزارى جمهورى اسلامى ايران" نین رسمی اورگانیدیر. بو اورگانی تمیزلیگه چیخارماغا چالیشانلار ایکی جبهه نین بیرینده یئر آلمالیدیرلار:

1- فارس شوونیستلیگینی و فاشیستلیگینی ایران ممالیکی محروسه سینده حاکیم ساخلاماغا چالیشانلار جبهه سینده.

2- بو قازئته نی ایصلاحاتچی قازئتی دئیه قلمه آلماغا چالیشانلار جبهه سینده.

اوسته گؤروندوگو کیمی موألیف اؤزونو فاشیستلیک مقوله سیندن برائت ائتمگه چالیشمیش. آنجاق ایصلاحاتچیلیق مقوله سینه گلدیکده کئچمیش 8 ایلده ایصلاتچیلار باشچیسی کیمی تانینان سیدمحمد خاتمی نین ایران ممالیکی محروسه سینده میللیتلر مسئله سی قارشیسیندا سوسماسی و 27 ایل بوندان اؤنجه قبول ائتدیکلری آنایاسالارینی (قانون اساسینی) ایجرا ائتمک ایسته مه دیکلری اونلارین دا اصل ماهیت لرینی اورتایا قویموش گؤرونور. بو مسئله لرین هر ایکیسی اورتادا اولدوغو حالدا موألیف آشاغیداکی دوروملارین (وضعلرین) بیرینده یئر آلابیلر:

1- عوامفریب اولاراق آذربایجان ایجتماعیتینی قارشی قارشییا قویماق ایسیته ییر.

2- حمیق اولاراق دوردوغو (قرار توتدوغو) یئری نین نه اولدوغونو بیلمیر. هر ایکی حالدا یاخشی بیر نصیحتچی کیمی اؤزونو قاباغا آپارابیلمیر. بیلیندیگی کیمی آذربایجان ایجتماعیتینده کی اعتراضلار یالنیز کاریکاتور مسئله سینه اساسلانمیر. بو مسئله کاریکاتور ایله قورتاراجاق ایدیسه، موألیف خیال ائتدیگی مسئله، بو ذاتلارین توتولماسی و "ایران"قازئتی نین باغلانماسی ایله حلل اولموش ساییلاردی.  آنجاق بیر میللتی آلمان نازیستلری کیمی بیولوژیک موجودلارا بنزتمک (طنز!!) و اونلاری یوخ ائتمک اوچون زهرلی ایسپیریلردن فایدالانماغی فارس حاکیمیتینه توصیه ائتمک یالنیز آدولف هیتلر کیمی فیکیر صاحابلارینا عایید اولابیلردی.

قایناقلار:

1                    بهزاد کریمی، درنگی بر خیزش آذربایجان: کار آنلاین:

http://www.kar-online.com/yaddasht/yaddasht-xizeS-behzAd-k-060385.html

2                    Languages of Iran:

http://www.ethnologue.com/show_country.asp?name=Iran

3                    سهراب مبشرى، آرى، ستم مضاعف وجود دارد، کار آنلاین:

http://www.kar-online.com/siasat/siasat-azarbayjan-s-mobaSSeri-080385.html

4                    مهاتما گاندی، بوتون اینسانلار بیربیرلری ایله قارداشدیرلار.

ایشیق سؤنمز 03.06.2006

فارسچی گؤروش