فارس قوروپلاشمالاری نین تمامیتچی گؤروشلری!

 

 

بیلیندیگی کیمی میللی قونو (موضوع) بیر دیل، مدنیت و میللتلرین بیر میللی توپلوم اولاراق گله جکده کیملیکلرینی سوردورمه و یاشاتمالارینی ایچرمه لیدیر، مذهبی قونو (موضوع) ایسه اینسانین روحانی و روانی دویقو، ائحساسلاری و اینانجی ایجاب ائدرسه، بیر کیمسه نین او بیری دونیاسینا جاواب وئرمک اوچون اورتایا قویولمالیدیر. بو باخیمدان فارس نهضت آزادی حزبی (فارس میللی مذهبیلری!!) آدلی  عوامفریب قوروپ اؤزونو ایران ممالیکی محروسه سی و نئچه میللیتلی توپلوم اوچون نئجه بیر میللی و مذهبی  قوروپ اولدوغونو و بو توپلوملارین ایستکلرینه میللی باخیمدان نئجه جاواب وئره جک دئیه بیر تشکیلات کیمی اورتایا قویماغا چالیشدیغی فیکیرلر اوزره دئگینمک ایستردیک، محسن دهقان ایمضاسی ایله فارس نهضت آزادی  قوروپونون سیته سیندن اوخویوروق:

"نقض مكرر حقوق بشر در حق شهروندان و برخورد خشونت بار با خواسته قوميت‌هاي ملي و مذهبي مانند كرد وعرب‌زبانان خوزستان و انواع و اقسام اقدامات سخت‌گيرانه برعليه شهروندان همچنان ادامه دارد."(1)

اوسته گؤرونودوگو و کئچمیشده نهضت آزادی تشکیلاتی نین اؤز کئچمیشیندن (کارنامه و بیوقرافی سیندن) بللی اولدوغو کیمی بو قوروپون عضوولری فارس نژادپرست جبهه میللی پارتیسی کیمی اؤزلرینی مصدیقچی و میللیتلر مسئله سینه گلدیکده فارس تمامیتچی سی کیمی گؤسترمه گه چالیشیرلار. بونلارا باخمایاراق بعضی حاللاردا بو قوروپ اؤزونو فارس نژادپرست جبهه میللی پارتیسیندن فرقلی گؤسترمه گه چالیشاراق ایران ممالیکی محروسه سینده کی میللتلر مسئله سی نی باشقا تمامیتچی فارس تشکیلاتلاری  (حزب نژادپرست جبهه میللی، حزب میللت، حزب پان ایرانیست، مجاهدین خلق، فدائیان اکثریت و ساییره) کیمی بیر وطنداشلیق ساحه سینه دوشورمه سینین تانیغی (شاهیدی) اولوروق. دئمک، بو قوروپون بیر چوخلاری اوچون دئموکرات گؤرونمه گه چالیشماسینا باخمایاراق بشر حقوقلاری مسئله سیندن بو تشکیلاتین یئریتدیگی سیاست اله آلیندیقدا، بو قوروپون دا باشقا فارس قوروپلاری کیمی عوامفریب اولدوغو اورتایا چیخمیش اولور. بیرلشمیش میللتلرین بشر حقوقلاری قونوسوندا میللتلر اوزره هر ائتنیگین اؤزونه عایید موستقیل میللی و مدنی تشکیلاتلاری اولمالی، اؤزلری اؤز گله جکلرینه(اؤزلرینه شخصی آدی اختیار ائتمه، اؤز دیل و مدنیتلرینی گلیشدیرمه، اؤز ایداره لرینده اؤز آنا دیللرینی حاکیمیت دیلی ائتمه، اؤز آنا دیللری اوچون موستقیل فرهنگیستان صاحیبی اولما، موستقیل رادیو تئلویزیون قوروملارینا صاحیب اولما، قونشو دیللره قارشین ائشیت و برابر حاققا صاحیب اولما،  اؤز آنا دیللرینده گونلوک ائحتیاجلارینی گئدرمه، اؤز آنا دیللرینده اؤیرنیم گؤرمه، اؤز آنا دیللرینده حاکیمیت داییره لرینده اؤزلرینی ایفاده ائتمه و حاکیمیت مأمورلاری طرفیندن بو مسئله ده اینسان کیمی قارشیلانما، اؤز دوغولدوقلاری دیل و مدنیتی یاشادا بیلمه حاققینا صاحیب اولماق و ساییره)، یاشاییشلارینا و حاکیمیتلرینه حاکیم اولمالیدیرلار(2).

دئمک، بشر حقوقلاری مسئله سینی گؤز اؤنونه آلدیقدا نهضت آزادی تشکیلاتی یئریتدیگی  سیاسته اساساً ایران ممالیکی محروسه سینده فارس اولمایان دیل و مدنیتلر هامیسی (تورک، تورکمن، عرب، کورد، بلوچ، لور، گیلک، تالیش و ساییره) فارس شوونیتلیگینه تابع توتولمالی گؤرونورلر. آنجاق ایران ممالیکی محروسه سینده کی تهران حاکیمیتی میللیتلر مسئله سینه اینسانی و دئموکراتیک دگرلره آرخالاناراق جاواب وئرمه لیاقتینده اولمادیقدا و میللیتلر مسئله سی فارس شوونیزمینه مسئله یاراتدیقدا عرب و کورد و باشقا میللیتلرین کیملیگی قونشو میللتلرین کیملیگی کیمی نه مه نه دیللیلر (باخ اوسته: عرب زبانان، تورک زبانان، کورد زبانان) دئیه قلمه آلینیرلار. بئله لیکله فارس دیلی و مدنیتی ایران و ایرانیت ایله مساوی گؤستریلیر و باشقا دیل و مدنیتلر بو ممالیکی محروسه اوچون اؤگئی حئساب ائدیلیرلر. دئمک، بورادا فارس شوونیستلری آرتیقدان گلنلیک ائتمه گه چالیشیرلار (دست پیش گیر تا پس نیفتی!!!). بو ایستعماری موناسیبت اؤزونو  آفریقادا فرانسه دیلی و بیر چوخ کئچمیشده ایستعمار آلتیندا اولان مملکتلرده پورتقال، ایسپانیا، هلند و اینگیلیس دیللری واسیطه سی ایله ثبوت ائتمکده دیر. ایران ممالیکی محروسه سینده اولدوغو کیمی ایستعمار آلتیندا اولان مملکتلرده ده بو ایستعماری دیل و مدنیتلر حاکیم اولموش. حاکیم دیل و مدنیت واسیطه سی ایله یئرلی اینسانلاری وسیله ائده رک تشکیلاتلار یاراتمیش و بو تشکیلاتلار ایستعمارچی گوجلره خیدمت ائتمیش و ائدیرلر. بو باخیمدان ایران ممالیکی محروسه سینده فارس دیل و مدنیتی نی اساس گؤتورموش قوروپلار، ایداره لر، حاکیمت اورقانلاری شخصیتلر، عئلیم و بیلیم آداملاری وارلی، یوخسول، یئر آلتی معدنلر، اورمانلار، یاراناجاق ادبیات، مدنیت هامیسی- هارادا اولدوقلاریندان آسیلی اولمیاراق ایستر تبریزده، ایستر تهراندا اولسونلار- فارس ایستعماری نین خیدمتینده و فارس اولماغا محکوم گؤرونورلر.

دئمک، فارس تشکیلاتلاری سیاسی مصلحت اوزوندن ایران ممالیکی محروسه سینده کی فارس اولمایان میللیتلری کیملیک و منلیک باخیمیندان فارس کیمی قلمه آلیرلار. آنجاق بو مسئله نی توجیه ائتمه گه چالیشارکن تاریخی اولایلارا - ایسلامیتین ایرانا گلمه سی، موغوللارین فارسلارا حاکیم اولماسی و ساییره نی- سودا بوغولان موجودلار کول و کوسا ال آتدیغی کیمی بیر وسیله کیمی الده توتاراق بئله لیکله عوامفریبلیگه یؤنه له رک ساده اینسانلارین گؤزلرینی بویاماغا چالیشیر و میللیتلر مسئله سی نی شهروندلیک ساحه (سطح) سینه دوشورمه لی اولورلار. دئمک، فارس تشکیلاتلاری ساغ و سول تانیمادان میللی و مدنی مسئله لر قارشیسیندا سوسمانی و بو دوغرولتودا بیربیرلرینی سوللامانی (سیبقت آلمانی) باشقا فارس شوونیستی تشکیلاتلاریندان دالی قالماسینلار دئیه اؤز چیرکین نیتلرینه اویقون  حئساب ائدیرلر. بونلار میللی و مدنی مسئله لر قارشیسیندا سوساراق یئری گلدیگینده دویقو سؤمورمک اوچون اوسته گؤروندگو کیمی آش ایچریسینده قارا نوخود (کورد و عرب زبانان!!) ایفاده سینده اولدوقلارینی و اؤزلرینی آزادلیق سئور گؤسترمه گه چالیشدیقلارینی سرگیله مه گه چالیشیرلار. بو آرادا تقی رحمانی ایمضاسی ایله " آيا اميد ملي ممكن است؟" موضوعسوندا "فارس نهضت آزادی" سیته سیندن اوخویوروق:

"ايرانيان در هجوم اقوام وحشي مغول، بعد از مقاومت به سازگاري منفعل روي آورند كه اين سازگاري عنصر و تمدن ايراني را ماندگار كرد. با اين همه، ايرانيان گاه در اوج قدرت نيز به خواب انفعالي فرو مي‌روند."(3).

بیلیندیگی کیمی تاریخی مسئله لری اله آلارکن فاکتلار اورتایا قویمالی و فاکتلار اساسیندا فیکیر یئریتمه گه چالیشاراق ایجتماعیتی بیلگیلندیرمه گه چالیشماق گرکیر. بو باخیمدان تقی رحمانی ذات عالیلر کئچمیش پهلویلر زامانی تحریفی ائدیلمیش قونولاری (موضوعلاری) تاریخ دئیه طوطی کیمی ازبرلمیش گؤرونور. بوگون موغوللارین سیاست دونیاسیندا گوجه مالیک و ایران ممالیکی محروسه سینده گلیر و چیخارلارا مالیک اولمادیقلارینی نظره آلاراق کئچمیش تحریف اولموش مسئله لر اوزره دایانماق فارس توپلومو و ایران ممالیکی محروسه سینده کی میللیتلر مسئله سی اوچون داها فایدالی اولار دئیه دوشونمه لی ییک. بیلیندیگی کیمی موغول خانی ایلک اولاراق کئچمیش ایران ممالیکی محروسه سی نین خارزمشاهلیلار دربارینا ائلچی گؤندرمیشدیر. خارزمشاهلیلار گؤندریلن ائلچیلرین قولاقلارینی کسه رک موغول خانی (چنگیزخان) خورخسون دئیه اونلاری قولاغی کسیک موغول خانینا گئری گؤندرمیشلر. دئمک، مدنی و وحشیلیک قونوسو (موضوعسو) ایفاده اولونارکن، کیمین ایلک اوول وحشیلیک ائتدیگینی و اونون نتیجه سینده نئجه معامیله یه تابع توتولدوغو سؤز قونوسو (موضوعسو) اولمالیدیر. گؤروندوگو کیمی ایرانیت آدی نین دالیندا گیزلنمیش فارس شوونیست و راسیستلری مغوللاردان اؤنجه ایران ممالیکی محروسه سینه هانکی شاهلیق سلاله لری نین حاکیم اولدوقلارینی و ایران ممالیکی محروسه سی ائتنیک باخیمدان هانکی توخوشا مالیک اولدوغونو عوامفریب اولدوقلاری اوچون اورتایا قویماق ایسته میرلر. دئمک، ایسلام اوردوسو ایران ممالیکی محروسه سی نی تسخیر ائتدیکدن سونرا  عرب حاکیمیتینه سلجوق تورکلری ایران ممالیکی محروسه سینده سون قویموشلار. موغوللار ایران ممالیکی محروسه سینه آخین ائدرکن ده خازرمشاهلیلار باشلیغی آلتیندا تورکلر ایران ممالیکی محروسه سینه حاکیمیت ائتمکده ایمیشلر. بونلارا باخمایاراق فارس دیلی دیوان دیلی اولاراق قزنه لیلر، سلجوقلولار، خارزمشاهلیلار، موغوللار، قاراقویونلو، آق قویونلولار، قاجارلار واسیطه سی ایله سیاست زمینه سینده بیر وسیله کیمی 1925 اینجی ایله دک رضاخان میرپنجین و فارس شوونیستلری نین خیدمتینه داشینمیشدیر (بوگون ایسلام دینی و شیعه لیک ایران ممالیکی محروسه سینده فارس شوونیستلری اوچون بیر  وسیله اولدوغو کیمی). یالنیز آرادا اولان فرق بو:  1925 اینجی ایله دک فارس دیلی نین دیوان دیلی اولماسی هئچ بیر توپلومون میللیتی و مدنیتی علیهینه اولمامیشدیر. اوسته لیک فارسچا دیوان دیلی، تورکچه قوشون دیلی و عربچه دین دیلی اولاراق کئچمیش 1000 ایلده ایران ممالیکی محروسه سینه حاکیم اولموشدورلار.

 تاریخی قونولارا دئیینرکن اسماعیلیه فیرقه سی کیمی تانینان حسن صبّاح باشچیلیغی ایله الموت داغینا سیغینمیش فاناتیک ایسماعیلیه فیرقه سی اوزره دئیینمک ده یئرسیز اولمازدی.

حسن صبّاح (1071- 1124 میلاد) ین آتاسی صبّاح یمن ولایتیندن کوفه و اورادان قم و ری شهرینه کؤچموش. حسن ری شهرینده دونیایا گؤز آچمیش، باطنیان قوروپونا ایلگی و ماراق گؤستردیگی اوچون 1076 اینجی ایل خلیفه المستنصر فاطمی زامانی عبدالملک عطّاش طرفیندن میصیره گئتمه گه مأموریت آلمیش. حسن 1078 میلاد ایلینده مصره یئتیشمیش، بیر ایل یاریم میصیرده قالدیقدان سونرا خلیفه المستنصیر فاطمی اوغوللاری (نزار و مستعلی) یانچیلاری نین آراسیندا گؤروش آیریلیغی اورتایا چیخمیش. بئله لیکله حسن خلیفه نین اوغلو نزارین امامتینی قبول ائتمیش. حسن 1080 میلاد ایلینده میصیردن یولا چیخاراق بیر موددت خوزیستان، ایصفهان، یزد، کرمان، قهستان و دامغان ولایتلرینده نزار اوچون دعوته مشغول اولموش. ری شهرینه گلدیکدن سونرا حسن قزوین نین یاخینلیغینداکی الموت قالاسینا گئده رک بو قالانی ساتین (پول وئرمک قارشیسیندا) آلمیش.  بو قالادان یولا چیخاراق حسن صباّحین یانچیلاری ایران ممالیکی محروسه سی نین اوسته آدی چکیلن بؤلگه لرینده قالالار یاراتماغا و بئله لیکله اؤز موخالیفلرینی تئرور ائتمه گه باشلامیشلار. او جومله دن سلجوقلولار وزیری اولان خواجه نظام الملک نهاوند، بروجرد یاخینلاریندا و اونون ایکی اوغلو  بو تئرورلارین قوربانیسی اولموشلار. سونرالار حسن صاباح یاراتدیغی قوروپ باشقا ایسماعیلیه قوروپلاری ایله ایش بیرلیگه باشلایاراق پاکیستاندان میصیره دک اوزانان توپراقلاردا تئرور عملی ایله مشغول اولموشلار. بئله لیکله اونلار اؤز اینانجلارینی ایجتماعیته تحمیل ائتمک اوچون سلجوق  شاهلاری و مقام صاحابلارینی تئرور ائتمه گه باشلامیشلار. بو مسئله نین بویوتلارینی اؤیرنمیش موغول خانی هولاگو خان ایران ممالیکی محروسه سینی اله کئچیردیکدن سونرا خواجه نصرالدین طوسیدن حسن صبّاح قالاسینین یوللارینی اؤیرنمک اوچون کؤمک آلاراق بو تئرورچو قوروپون مرکزیتینه الموت داغیندا سون قویاراق او بؤلگه نین اینسانلارینا راحات نفس چکمه ایمکانی یاراتمیش.  حسن صبّاح و اونون یاراتدیغی تئرورچو قوروپون ائتدیگی جینایتلری نظره آلمایاراق پهلویلر زامانی »خداوند الموت« آدلی  رومان کیتابی یازیلدیغی نین دا تانیغی اولوروق (7). بو دا پهلویلر زامانی تورکلوک و عربلرین علیهینه یؤنلمیش بیر سیاستین نتیجه سی کیمی گؤرونه بیلر. حسن عباسی اؤز مقاله سینده عربلری جاهیل آدلاندیرماغینا باخمایاراق اصلیتی یمنلی اولان و  خواجه نظام الملکون قاتیلی ساییلان حسن صبّاحی آزاده لر، عاقیللیلار و ایرانلیلار (اوخو: فارسلار) امامی کیمی قلمه آلیر(باخ: تازی مسئله سی 6). باشقا بیر مقاله سینده ایسه کئچمیش مقاله سینده نه یازدیغی نین فرقیندا اولمایاراق خواجه نظام المولکون اؤلومونو تورکلرین بوینونا ییخیر. ائله بیل، او زامان تورک و فارس حاکیمیت ساواشی وار ایمیش و یا بو یازیلاری اوخویانلار فارس شوونیستلری کیمی بیر طرفه اوتوباندا ماشین سورورلر و ساغا و سولا باخما ایمکانی کیمسه یه تانینمیر (باخ: 6.1). بودور فارس شوونیستلری و راسیستلری نین حیماقتلری!!!

 تقی رحمانی قلمیندن گئنه ده اوخویوروق:

"عنصر ايراني، در مواقع بحراني در صورتي‌كه آمادگي لازم را داشته باشد، سازگاري خلاق از خود نشان مي‌دهد. در پرتو اين نوع سازگاري خلاق است كه ايرانيان در برابر تحقير اعراب نو آيين، با انتخاب آيين جديد همراه با فرهنگ خود، دوران طلايي تمدن اسلامي - ايراني را ايجاد نمودند. تاريخ اين سرزمين، از سازگاري خلاق ايرانيان نشانه‌هاي ديگري نيز دارد كه قابل تامل و بررسي است."(3).

اوسته گؤروندوگو کیمی بورادا تقی رحمانی فارسلاری اؤزلری دئمیشکن »تافته جدا بافته« کیمی قلمه آلماغا چالیشیر. بیلیندیگی کیمی باستانگرایلارین ایددعالاری نین ترسینه اعراب ایران ممالیکی محروسه سی نی تسخیر ائتدیکدن سونرا 300 ایله یاخین عرب دیلی ایران ممالیکی محروسه سینده حاکیمیت دیلی اولموشدور. سونرالار سلجوقلو تورکلرین واسیطه سی ایله فارس دیلی شرقدن (افغانیستاندان) ایران ممالیکی محروسه سینه گتیریلمه سینه باخمایاراق دینی مرکزلرین اؤنملی (اهمیتلی)لریندن بیری اولان قم شهرینده دینی کیتابلار حتی شیعه متینلری شاه طهماسب  تاج تخته اوتوردوغو گونه دک یالنیز عربجه اولموش. شاه طهماسب قوم شهریندن عربجه یازیلمیش شیعه لیگه عایید بیر ریساله کیتابی نی تبریزه گتیرده رک اونو بیرینجی دفعه اولاراق فارسچایا چئویرمه و تئوکرات حاکیمیت اورگانلاری نین ایختیارینا قویدورماغا بویوروق وئرمیش (4). دئمک، نه فارس دیلی و نه شیعه لیک هئچ بیری فارس شوونیستلری و راسیستلری خیال ائتدیکلری کیمی اونلارین داهی بابالاری (!!) واسیطه سی ایله ایران ممالیکی محروسه سینه و حاکیمیت آشاماسینا (مقامینا، مرحله سینه) گلمه میشدیر. ایستر فارسچانی، ایسترسه ده شیعه لیگی ایران ممالیکی محروسه سینه حاکیمیت ائتدیرمه گه چالیشان تورکلر اولموشلار دئسک، یانیلمامیشیق (باخ: آدی چکیلن اثر 4). تقی رحمانی حضرتلری قلمیندن گئنه اوخویوروق:

"در عرصه‌ي ادبيات و هنر ايراني، فردوسي و ديگران، ادبيات اين سرزمين را در فشار و سختي اما با انعطاف پذيري خلاق ايجاد نمودند. سرودن منظومه‌اي ايراني در دوران حكومت غزنويان، نشان از سازگاري خلاق مي‌دهد، همچنين پيدايش حكومت‌هاي ساساني و آل بويه در پرتو خلافت عباسي. به ديگر سخن، ايرانيان كم‌تر امپراطوري‌هاي تجاوزگر داشتند، اما زماني كه مورد تجاوز قرار گرفته‌اند، از ويژگي سازگاري منفعل و خلاق كمك گرفته‌اند. با اين وصف به‌نظر مي‌رسد بايد به عنصر سازگاري خلاق ايراني توجه كرد و آن را مورد بررسي و نقد قرار داد؛ چرا كه در تاريخ معاصر، اين ويژگي به علل گوناگون در روحيه جمعي ايرانيان بروز نموده و به‌واسطه‌ي نارسايي‌هاي ساختاري و مسايل فرهنگي و نظري، نتوانسته است نقش مثبتي را در تحول و پيش‌رفت جامعه بازي كند، اگر چه اين نقش توانسته است تا حد امكان و در مواقعي موجب تحولات مثبت گردد"(3).

بیلیندیگی کیمی فردوسی ادبیات ساحه سینده  تورک توپلوملاریندا یایقین اولان دده قورقود داستانلارینا پارالئل حماسی داستانلار غزنه لی سلاله سی نین حاکیمیتینی قوروماق اوچون بعضی افسانه وی شخصلر یونتاماغا و ساماندان داغ دوزتمه گه چالیشمیشدیر (باخ شاهنامه فردوسی: رستم یلی بود در سیستان، کردمش اورا رستم داستان). دئمک، بورادا هنر سؤز قونوسو دئییل، حماسی ادبیات سؤز قونوسو اولا بیلر. آنجاق فردوسی نین فادینلار، تورک و عرب ائتنوسلاری اوزره بربر و وحشی فیکیرلری ایله تانیش اولدوقدا اینسان اوغلونون بدنینده توکلر اورپریر. قادینلار و عربلر اوزره فردوسی نین وحشیلیک فیکیرلری شاهنامه اثرینده حد تانیماز آشامایا چاتمیشدیر (اؤرنک اولاراق باخ: 5).

فارس ادبیات تاریخی مسئله سینه گلدیکده آل بویه حکومتینی گؤزه چکمه گه چالیشماق اؤزو ده عوامفریبلیکدن باشقا هئچ نه اولا بیلمز. بیلیندیگی کیمی کئچمیش ایران ممالیکی محروسه سینده 1000 ایله یاخین تورک سیلسیله لری حاکیمیت ائتمیشلر. بو 1000 ایلین قارشیسینا آل بویه دئیه داش دیغیرلاتماغا چالیشانلار کئچمیش ایران ممالیکی محروسه سی تاریخینی تحریف ائتمه گه چالیشانلار سیرالاریندا یئر آلماغا چالیشان تمامیتچی فیکیر صاحابلاری اولا بیلر دئیه دوشونمه لی ییک. بونلارا باخمایاراق تاریخی مسئله لری گونون سیاستینه داشیماقلا فارس تمامیتچیلری واقعیتلری گؤرمک ایسته مه یرک خیالی کئچمیشلرده یاشاماق آرزوسوندا گؤرونورلر.

 

قایناقلار:

 

1        محسن دهقان: فن‌آوري صلح‌آميز هسته‌اي حق ملت ايران است اما با چه نوع حكومتي؟ http://www.mellimazhabi.org/news/news092005/2809hastei.htm

2        http://www.azadtribun.com/036.htm

3        تقي رحماني، آيا اميد ملي ممكن است؟ / همكاري براي ائتلاف فراگير:          http://www.mellimazhabi.org/news/news092005/1209rahmani.htm

4        Halm Heinz; Der schiitische Islam, München 1994

5        فیضی اللهی، زنان در فردوسی:

http://www.shamsnews.com/fezolahi-zanan.htm

6        سياوش اوستا (حسن عباسی): آسمان در سوك خيام گريست!

 http://www.nimrooz.com/html/780/126243.htm

6.1.    سياوش اوستا (حسن عباسی): گريز خيام از شهر سپاهان و جشن نوروز در نيشابور:

http://www.nimrooz.com/html/777/124950.htm

6.1.1   دلاوران ايران ( قسمت دوم ): حسن صباح: http://www.aryobarzan1.persianblog.com/

7        پل آمیر:ترجمه ذبیح الله منصوری: خداوند الموت حسن صباح، چاپ: پنجم تهران 1384.

 

 

 

 

ایشیق سؤنمز 01.10.2005

 

فارسچی گؤروش