فارسچی، تمامیتچی عوامفریبلر و اونلارین قویروقلاری

 

 

بیلیندیگی کیمی زامان گئدیشی ایله ایران آدی آلتیندا فارس میللیتچیلیگی دئیه گیزلنمگه چالیشان فارس راسیستلری نین اللری ایران ممالیکی محروسه سینده کی فارس اولمایان ائتنوسلار اوچون آچیلماق اوزره دیر. بو آرادا بو ذاتلار ایران ممالیکی محروسه سینده کی موختلیف دیل و مدنیت صاحابلارینی "قبیله گرا، قومگرا و قوم پرست" دئیه اویدوردوقلاری یالانلار ایله قارالاماغا چالیشدیقلارینا تانیق اولوروق. یئری گلمیشکن بو ذاتلاردان بعضیلری نین دوشونجه و فیکیرلرینی اورتایا قویاراق بو ذاتلارین نئجه اینسان تیپیندن اولدوقلارینا داییر دوشونجه یئریتمگه چالیشاق.  فارس تمامیتچیسی کیمی تانینان مزدک بامدادان "قبیله گرا چیست" آدلی یازیسیندا یازیر:

"کیستی ملی" چیزی نیست، مگر برآیند کیستیهای تک تک شهروندان."(1)

اوسته کی مزدک بامدادان ایمضاسی ایله سرگیلنمیش ایفاده تک ائتنوسلو بیر مملکت، اؤرنک اولاراق آلمان توپلومو اوچون یازیلسایدی، بو دئییم اوزره دئییله جک بیر سؤز اولمازدی. دئمک، آلمان ایمپئراتورلوغو لهیستان، چئکای و بیر چوخ قونشو اؤلکه لردن دالی اوتوراراق ائنیک آلمان تورپاقلاریندا اؤز میللی دؤولتینی یاراتمیش گؤرونور. ایران ممالیکی محروسه سینه گلدیکده 3 بیربیریندن اوزاق دیل قوروپلارینا باغلی اولان موختلیف میللتلری "ملت ایران" دئیه فارس دیل و مدنیتی نین دوستاغی و زیندانینا سالماق 21 اینجی عصریرین اینسانینا اویقون گؤرونه بیلمز دئیه دوشونمه لی ییک. دئمک، میللی کیملیک (کیستی ملی) اوزره دوشونجه و فیکیر یئریدرکن موختلیف ایجتماعیتلری عوام خیال ائتمک و یوخسا کهلیک کیمی باشی قاری سوخماق دئییل، بیر آز خولیاچیلیق مفکوره سیندن اوزاقلاشاراق ایران ممالیکی محروسه سینده کی باشقا دیل و مدنیت صاحابلارینی دا نظره آلمالی، اونلارین میللی کیملیکلری و دیل مدنیتلری اوزره اولان باسقی فارسلیق اوزره یوکلنسه ایدی، - میللیتلر مسئله سینه فارسچیلارین یاناشماسی نئجه اولاردی – مسئله سینی ده نظره آلمالی ییق. گؤروندوگو کیمی توخون (فارس یانچیلاری نین) آجدان (تورک، کورد، عرب، بلوچ، لور و ساییره دیل ومدنیت صاحابلاریندان) خبری اولمادیغی اوچون یازاجاغی داوا و درمان دا ائله فارسلیق مفکوره سینه اویقون گؤرونه بیلر. ائله بوندان یانا دا اویروق (تابع، شهروند) مقوله سی سؤز قونوسو اولدوقدا بو اویروغون هانکی اساسدا اولدوغو ایفاده اولونمالیدیر. بیلیندیگی کیمی کئچمیش 82 ایلده ایران ممالیکی محروسه سینده فارس دیلی و مدنیتی رسمی، باشقا دیل و مدنیتلر غیر رسمی دئیه بو ممالیکی محروسه نین فارس اولمایان ائتنوسلارینا دیل و مدنیت آچیسیندان ائتنوسید (کولتور سوی قیریمی) حیاتا کئچمک اوزره دیر. بئله بیر دورومدا دیلی یاساق، مدنیتی یاساق میللت اوولادلارینا ایران اویروقلو (تابع ایران، شهروند ایرانی) آدی وئرمک اؤزو ده بو مقوله لردن باش آچمامانین گؤرستگه (نیشانه) سیدیر. مزدک بامدادان ایمضاسی ایله یازیلمیش یازیدا گئنه ده یازیر:

"در اینجا می خواهم با نگاه به "تاریخ" و "چهره های تاریخی" نشان دهم که قبیله گرایان ما تا بکجا در نهانخانه اندیشه خود پایبند به "خون پاک" هستند و با این همه دشمنان قبیله گرائی را با بی شرمی نژادپرست می خوانند."(1).

اوسته گؤروندوگو کیمی فارس راسیستلری نین ایفاده ائتدیکلری "خون پاک" مقوله سی واسیطه سی ایله فارس تمامیتچیلری بیر عوامفریب اولاراق ایران ممالیکی محروسه سینده میللیتلر مسئله سی اوزره کؤلگه سالماغا چالیشارلار (2-2.4). مزدک بامدادان آیری بیر یازیسیندا ائله بیل فارس تمامیتچیلرینی ده هدف آلمیش دئیه یازیر:

" ما اگر بخواهیم گفتمان "حق شهروندی" را از پرسمان ملی خود کنار بگذاریم، چیزی جز یک قبیله بزرگ هفتاد میلیونی نخواهیم بود. قبیله گرایی قبیله گرایی است، چه نام این قبیله "قبیله تورکان" باشد، چه قبیله "عربان" و "کردان" و چه قبیله "ایرانیان"(3).

بیلیندگی کیمی قبیله دئییمی کیچیک بیر توپلوم اولاراق بیر کند و قیشلاغا سیغیشمیش بیر توپلوم عضولریندن اولموش و بؤیوک توپلوملاری اولوشدورماقدا قاتقیسی اولاجاق بیریم (واحید) ساییلار. بو باخیمدان گؤروندوگو کیمی فارس تمامیتچیلری اؤز عوامفریبلیک دوشونجه و فیکیرلرینی ایفاده ائتمگه چالیشارکن دونیا چاپیندا نورمالاشمیش دئییملری ده آیاق آلتینا آتماغا، بئله لیکله مدنی شهر، ولایت، ایالت و مملکتلری اولوشدوران توپلوملارا دا کؤلگه دوشورمگه چالیشارلار. اوسته لیک بو عوامفریبلر فارس تمامیتچیلیگینی "ایران و ایرانیان" بیچیمینده بیر دئموکرات مئاب کیمی ایجتماعیته سرگیله مگه چالیشارلار. اونلار بو یئتیمش میلیون اینسانی اولوشدوران توپلومو سؤز قونوسو ائدرکن دوشونجه لری تمامیتچیلیک اساسیندا اولدوغو اوچون "قبیله گرا، قومگرا، قوم پرست، عامیل بیگانه، مزدور خاریجی، پان ترکیست، پان عربیست و ساییر دئیه" موختلیف ائتنوسلار باغلی اولان اینسانلاری دا دولاییلی اولاراق ایران و ایرانیان (اوخو: فارس) دئیه قلمه آلماغا چالیشارلار. مزدک بامدادان گئنه ده یازیر:

".... از دیگر نمونه های پیشینه سازی، تراشیدن کیستی ترکی برای نامداران ایرانی است. قبیله گرایان تنها از آنرو دست به این کار میازند که "کیستی ایرانی" را از خود نمی دانند و بدنبال یک ملت سازی همه سویه بر پایه "کیستی ترکی" هستند"(1).

گؤروندوگو کیمی مزدک بامدادان باشقا فارس تمامیتچیلری کیمی یئر یووارلاغیندا (کوره سینده) بیر جوغرافی آدا بیر ائتنوس ماهیتی وئرمگه چالیشاراق ایرانلی کیملیگی (کیستی ایرانی) مقوله سینی اورتایا آتمیش مقامدا یئر آلیر. بیلیندیگی کیمی ایران کلمه سی هر هانکی بیر دیل آدی اولمادیغی اوچون ایرانلی اولماق دا کیمسه نین دیل و مدنیت کیملیگی دئییل، بوگونکو سیاسی نیظام و اینتیظاما اساساً بیر اویروقلوق (تابعیت، شهروندی) ماهیتی داشی ییر. دئمک، کئچمیشده فارس دیلینی "زبان ایرانی"، فارس موسیقیسینی "موسیقی ایرانی" و ساییره قلمه آلان ذات عالیلر فارس تمامیچیلیگینه ایران ممالیکی محروسه سینده رسمیت وئرمگه چالیشان فارس راسیستلری و اونلارا قویروق اولانلار اولموشلار. تورک مقوله سینه گلدیده ایسه، تورک دئییمی تورک ائتنتوسونا وئریلمیش بیر آددیر. بو آد یئرینه گؤره بیر شخص اوچون تورک، قبیله اوچون تورک قبیله سی و بؤیوک توپلوم اولاراق تورک میللتی دئیه وئریلمیش و دونیا ایجتماعیتیلری طرفیندن قبول اولموش بیر آددیر. بوگون تورک توپلوملاری بعضاً موستقیل حاکیمیتلر و بعضاً ایسه باشقا دؤولتلرین حاکیمیتلری نین آلتیندا یاشادیقلاری و اونلارین دیل اؤزللیکلرینی ده نظره آلاراق بو توپلوملارا موختلیف آدلار وئریلمیشدیر. بو مسئله ایله راضیلاشماق ایستمه گن فارس راسیستلری و تمامیتچیلری بو دگیشیلمه یه جک دئییملری دگیشمه گه چالیشماق یئرینه اؤز گئری قالمیش ذکاوتلرینی یوکسلتمه لیدیرلر. باشقا دورومدا دونیا ایجتماعیتلرینی اؤزلرینه گولدوره رک اؤزلری ده بوگونکو توپلوملاری باشا دوشمکدن عاجیز قالارلار. ایکینجی یازی مهدی گرایلو ایمضاسی ایله یازیلمیش یازیدیر. اونون دا بعضی پاساژلارینی بیرلیکده اوخویاق:

"... به عنوان عضوی از جبهه چپ رادیکال می توانیم اعلام کنیم که این جبهه تاکنون در باب خرافی، گنگ و نامتعین بودن مفاهیمی از قبیل ملت، قومیت، نژاد و... کم به بحث و مجادله مکتوب و شفاهی نپرداخته است. .... می توان صحت، دقت و اعتبار زبان، لباس، سرزمین مادری، رنگ پوست، فرهنگ بومی و دیگر نمونه های به ناچار نادقیقی که به منظور اثبات حقانیت و واقعیت مفهوم گنگ، خرافی و سیالی چون «قومیت» مکررا ً دست آویز ناسیونالیستهای اقوام منطقه قرار می گیرد را به چالش کشید."(4)

اوسته گؤروندوگو کیمی اؤزلرینی "جبهه چپ رادیکال" آدلاندیران ذاتلار ایران ممالیکی محروسه سینده کی فارس اولمایان میللیتلرین دیل و مدنیت مسئله لرینی ایجتماعی و مدنی بیر مسئله دئییل، اؤنمسیز اینانج (خرافات)، آنلاشیلماز (گنک) و معلومسوزلوق (نامتعین) کیمی قلمه آلماغا چالیشارلار. بو اؤزلرینی سسسیزجه "جبهه چپ رادیکال فارس" قلمه آلان ذاتلار بو دئدیکلرینه برائت قازاندیرماق اوچون بو مسئله یه فیزیولوژیک بویاق (رنگ) مسئله سینی ده آرتیرمیش مقامدا یئر آلارلار. ایران ممالیکی محروسه سینده کی میللیتلر موختلیف بویاقلاردا اولمادیقلاری اوچون فارس راسیستلری و اونلارا قویروق اولموشلار ایران ممالیکی محروسه سینده کی میللی و مدنی آخینلاری "نژادپرستلیک" ایتتیهامینا توش ائتمکله اؤز منلیک و کیملیکلرینه اؤزگه یاشایان (فارس اولمایان) اینسانلاری اؤز میللی منلیک و کیملیکلرینه یاخین دوشمکدن اوزاق توتماغی هدف آلمیشلار دئیه دوشونمه لی ییک. فارسلیق سیستیمینه قول اولموشلارین بو غرض و مرضلرینه باخمایاراق اونلار سوسیولوژی آلانیندا بیربیرلریدن فرقلی اولان دئییملری ده بیربیرلریندن آییرما قدرتینه مالیک گؤرونمورلر. اونلار بیر یاندان "قوم" مقوله سینی اؤنه چکرکن، جومله سونا چاتمادان منطقه ده "میللتچی" (ناسیونالیست) آخینلارین وار اولدوقلارینی گیزلده بیلمیرلر. دئمک، ایران ممالیکی محروسه سینده میللیتلر (ناسیونالیستها) مسئله سی گونون سؤز قونوسودورسا، بو مسئله لر اؤزلرینی "جبهه چپ رادیکال" تانیتماغا چالیشان فارس عوامفریبلری و اونلارا قویروق اولموشلارین ایفاده ائتدیکلری "خرافی، گنک و نا متعین" مسئله لر اساسیندا دئییل، موختلیف میللیتلرین بیرینجی آشامادا دیل، مدنیتلری، گلنک و گؤرنکلری، سونراکی آشامالاردا اونلارین اؤزلرینی ایداره ائتمک، اؤز گلجکلرینه حاکیم اولماق مسئله سیدیر دئیه قلمه آلینمالیدیر. مهدی گرایلو گئنه ده یازیر:

".... دیدیم که جنبش تغذیه کننده ی نیروی این دستگاه چگونه از بطن تبعیضات طبقاتی جامعه و با مهمیز خرافه ی «نژاد و قوم ما» برانگیخته می شود. مردمانی هستند که گرسنه اند و زور سرنیزه بر سرشان سنگینی می کند و در این وقت کاک فلانی از راه می رسد و حل این همه بدبختی را منوط به استقلال از فارسها می خواند و انسانی که در حال غرق شدن است به هر تخته پاره ای چنگ می اندازد. مهم این است که ناسیونالیسم در دسترس ترین تخته پاره باشد و برای غریق بینوا در آن لحظه اهمیتی ندارد که با آن به کجا خواهد رفت" (5).

گؤروندوگو کیمی فارس راسیستلیگی بیر یاندان فارس باستانگرایلیق مقوله سیندن فایدالانارکن ایکینجی بیر یاندان فارس سولچو مئاب تشکیلاتلارینا قوللوق ائدنلردن ده فایدالانماغا چالیشیر. بئله لیکله بو ذاتلار راسیست اولمادیقلارینی بیلدیرمه لرینه باخمایاراق میللی مسئله آچیسیندان فارس راسیستلری کیمی فارس دیل و مدنیتی نی اؤزلری اوچون "وحی منزل" قلمه آلاراق باشقا دیل و مدنیتلری "خرافی، گنک و نامتعین" دئیه قمله آلماغا چالیشارلار. مهدی گرایلو گئنه ده یازیر:

"...  در برابر این پروژه، چپ رادیکال زدودن هرگونه نشانه قومی از سیاست را ضرورتی عاجل – به ویژه در شرایط سیاسی ملتهب منطقه کثیر المله ای چون خاورمیانه و از جمله ایران - می داند"(4).

اوسته گؤروندوگو کیمی "حزب کمونیست کارگری فارس" تشکیلاتی نین فیکیر باخیمیندان اوزانتیسی و قویروغو ساییلان بو ذاتلار فارس اولمایان میللیتلرین دیل و مدنیت صاحابلارینا بئله بیر چیخیشلا ساواش آچمیش مقامدا یئر آلیرلار. بو کمونیست مئاب و عوامفریب داورانیشلاری نظره آلاراق فارس تشکیلاتلارینداکی موختلیف میللیتلره منسوبیتی اولان اینسانلار فارس تشکیلاتلارینی ترک ائده رک اؤز اینانجلاری اساسیندا اؤز منلیک و کیملیکلرینی اساس گؤتوره جک تشکیلاتلارین یارانماسیندا بیرینجی آددیمی آتمالیدیر مقوله سی اورتایا چیخمیش اولار. دئمک، اینسان اولماق، اینسان کیمی یاشاماق فارس راسیستلیگی نین یوکونون آلتینا گئتمک دئییل، ایجتماعیتینی، میللی منلیک و کیملیگینی تمثیل ائتمک داها شرفلی ساییلار دئیه دوشونمه لی ییک. مهدی گرایلو گئنه ده یازیر:

" ... هر گونه دخالت فاکتورها و نشانه های قومی در سیاست اساسا ً غیر انسانی ست."(4).

ایران ممالیکی محروسه سینده کی ظلملردن خبرسیز بیری بو اوسته کی ایفاده نی اوخورکن ایران ممالیکی محروسه سینده دیل و مدنیتلر مسئله سی و حقوق برابرلیگی و ساییره... اؤز چؤزومونو (حللینی) تاپمیش دئیه دوشونوله بیلر. بو عوامفریبلیکلره باخمایاراق  ایران ممالیکی محروسه سینده فارس اولمایان اینسانلارین میللی منلیگی و کیملیکلری فارس حاکیمیت سیستیمی و اونون قویروقلاری طرفیندن اینسانلیق معامله سی گؤرمور مسئله سی نین گونو گوندن قابارماغینا دا تانیق اولوروق. مهدی گرایلو ایمضاسی ایله یازیلمیش یازیدا دولاییلی اولاراق فئدرال موضوعسونا دئگیندینه تانیق اولوروق، اوخویوروق:

".... تصور ایرانی فدرال می تواند برای اثبات غیرحقیقی بودن این مدعا کافی باشد: آیا بهره مندی جمهوری فدراتیو بلوچستان با جمهوری فدراتیو فارس از امکانات صنعتی و منابع طبیعی توزیع شده در سطح کشور کنونی ایران یکسان است؟ آیا بهره ای که جمهوری (!!!) تازه تاسیس خوزستان از منابع انرژی منطقه می برد، با بهره جمهوری کردستان یکسان خواهد بود؟ این برابری چگونه تضمین شده است؟"(4)

اوسته گؤروندوگو کیمی فارس کمونیستلری نین ده  مسئله لری "عمی (اینسانیت) مسئله سی دئییل، زمی (ایقتصاد) مسئله سیدیر". دئمک، فارس میللیتچیلری و راسیستلری فارس دیل و مدنیتی و تمامیتچیلیگینی فارس ایجتماعیتی اوچون قابارتماغا چالیشارکن، فارس کمونیست مئابلاری دا فارسیستانداکی چؤللوکلری (کویر لوت و کویر نمک) و خوزیستان نفتینی نئجه الده ساخلایابیله جکلرینی دولاییلی بیچیمده فارس ایجتماعیتینه خاطیرلاتمیش اولارلار. دئمک، ایستر فارس ساغ تشکیلاتلاری، ایسترسه ده فارس سول مئاب تشکیلاتلاری ایران ممالیکی محروسه سینده دیل و مدنیت باخیمیندان فارس اولمایان دیل و مدنیت صاحابلارینا، اونلار اؤز میللی و مدنی حاقلارینی ایسته دیکلری تقدیرده بیر دوشمن کیمی چیخیش ائده جک گؤرونورلر. آیری بیر مقاله روزبه کلانتری ایمضاسی ایله "دفاعیه لرزان قوم پرستی" عنوانیندا یازیلمیش. بو یازیدا روزبه کلانتری بیر عوامفریب اولاراق فارس میللیتی نین وارلیغینی دانماقلا ایران ممالیکی محروسه سینده کی میللیتلر مسئله سی نی دانماغا یوخسا ایجتماعیتین گؤزوندن یاییندیرماغا جالیشار. بو یازی نین دا بعضی پاساژلارینی گؤزدن کئچیرمک پیس اولماز دئیه دوشونوروک، اوخویوروق:

" زبان فارسی، "فرهنگ فارسی"، "ملت فارس" ...  ۲- "ملت فارس" عبارتی علمی و استاندارد نیست و این عبارت حتی در زبان و خودآگاهی شهروندان هیچ گاه وجود نداشته و ندارد. در تاریخ ایران هیچ جنبش ناسیونالیستی که در حول اعتقاد به برتری "ملت فارس" شکل گرفته باشد و در جهت تداوم "سروری" آنان تلاش کند وجود نداشته است. افراطی ترین شاخه های ناسیونالیسم ایرانی و به تعبیر قومپرستان "شووینیستهای فارس" نیز در تبلیغاتشان همواره نه بر "ملت فارس" که برپاسداری از مرزهای هویتی "ایران زمین" و "ایرانی" تاکید کرده اند و از اقوام دیگر با القاب "ایرانی ترین" و "مرزبانان دلاور سرزمین اهورایی" نام برده اند و نه دشمنان تاریخی "ملت فارس"(5)

اوسته کی گؤروشلر عوام اینسانلار اوچون گؤز قاماشدیریجی گؤرونه بیلر. دئمک، "فارس" کیملیگی، دیلی و مدنیتی نی فارس راسیستلری "ایران" ممالیکی محروسه سی نین جوغرافی آدینا بوکه رک بو دیل و مدنیتی باشقا دیل و مدنیت صاحابلارینا یئدیرمکله کئچیت اولاراق فارس ایفاده سینه سونولولاجاق (تقدیم اولاجاق) بوشلوق بوراخمامیشلار. آنجاق لازیم گؤردوکلری قدر فارس اولمایان شهر، کند، داغ و داشلارین آدلارینی فارس ائتمکده و فارسلاشدیرماقدا اللریندن گلدیکلری قدر دری قابیقدان چیخماغا چالیشمیشلار.  دئمک، حاکیم سیستیم فارس دیل و مدنیتی اوزرینده قورولدوغو اوچون ایستر حاکیم نیظام، اینتیظام مسئوللاری، ایسترسه ده میللی مسئله آچیسیندان حاکیمیته پوزیسیون اولان ایصطلاحاً اوپوزیسیون فارس تشکیلاتلاری بو دورمدان اولدوقجا ممنون گؤرونرلر. محمدرضا شاه زامانی اطلاعات وزیری  و کئچمیشده کی  سومکا (7) عضوو و فاشیست اولان داریوش همایون بیله ایرانیت آدی دالیندا گیزلنمگه چالیشمیش. بو دوغرولتودا داریوش همایون فرانسه رادیوسونون فارس بؤلومونده ائتدیگی چیخیشینداکی دانیشیغیندان ائشیدیریک:

"ملیت فارس اختراع همین سازمانهای قومی‌است، برای اینکه خودشان‌را به‌صورت ملت درآورند. ما ملت فارس نداریم، قوم فارس نداریم، مردم فارس هم خودشانرا نه قوم فارس میدانند نه ملت فارس، از خراسانی هم بپرسید نمیگوید که من ملیت فارس دارم. با این اختراعات زبانی مقدمات تجزیه ایران، هم اکنون از نظر زبانی فراهم شده‌است و به هیچ‌وجه نباید زیر بار تقسیم ایران به مناطق زبانی رفت، جمعیت ایران در طول 3000 سال به هم آمیخته‌اند، همه‌جا همه‌ی ایرانیان پیدا میشوند. قید وبندی نبوده‌است که ایرانی کجا زندگی بکند. و این وضع را همچنان باید نگه‌داشت. ایران یک ملت است و یک کشور" (6).

اوسته گؤروندوگو کیمی فارس عوامفریبلری دولاییلی یوللارلا فارس راسیستلیگی نین کثیف ایشلرینی تمیز گؤرستمگه چالیشارلار. روزبه کلانتری گئنه ده یازیر:

"... ٣- ابداع واژه "فرهنگ فارسی" بدون شک یکی از شاهکارهای قومپرستانی نظیر ولدبیگی است"(5).

گؤروندوگو کیمی فارس تمامیتچیلر بیر عوامفریب کیمی "فرهنگ فارسی" دئیه بیر دئییمین اولمادیغینی دا بیر آلدادیجی کیمی ایجتماعیته یانسیتماغا چالیشاراق "ایران و فرهنگ ایرانی" ایفاده لری نین دالیندا گیزلنمگه چالیشارلار. اوزاق کئچمیشلری نظره آلمازساق، کئچمیش 82 ایلده ایران ممالیکی محروسه سینده فارس دیل و مدنیتینه اساسلانمیش، تمامیتچی، شوونیست مئییللی و سؤمورگه چی بیر فرهنگ ایران ممالیکی محروسه سینه حاکیم ائدیلمیش. بو تمامیتچی، شوونیست مئییللی و سؤمورگه چیلیک فرهنگینی فارس فرهنگیندن فارس آیدینلاری اوزاقلاتما قابیلیتینه مالیک اولسالار، فارس دیلی، گلنه گی و گؤره نگینه اویقونلاشمیش بیر مدنیت صاحابی اولابیلرلر. دئمک، "آش چوخ شور اولدوغو اوچون آشچی دا پیشیردیگی آشیندان یئمک ایسته میر مقوله سی فارس تمامیتچیلری نین یازیلاریندا اؤزونو دولاییلی بیچیمده گؤرستمیش اولور. بو فارس راسیستلیک، فاشیستلیک و سؤمرگه چیلیک فرهنگی نین ایران ممالیکی محروسه سینه حاکیم اولدوغونا باخمایاراق فارس تمامیتچیلری و اونلارا قویروق اولموشلار "ایرانیت" سؤز قونوسو اولدوقدا "هنر پیش ایرانیان است بس!!" مقوله سینی ده دیللر ازبری ائتدیرمگه چالیشارلار. روزبه کلانتری گئنه ده یازیر:

"... - نقد قومپرستان و فدرالیسم طلبان متوجه آرایش حقوقی اداری دولت و حکومت مرکزی است و نه محتوی و ماهیت آن"(5)

گؤروندوگو کیمی فارس دیل و مدنیتینه اساسلانمیش مرکزیتچی بیر سیستیمی فارس تمامیتچیلری ساویناراق (مدافعه ائده رک) بو حاکیمیت سیستیمینه بعضی کلمه لر آرتیرماقلا ایچریک (محتوا) و اؤزللیک (ماهیت) دگیشه بیلر دئیه ایران ممالیکی محروسه سینده کی فارس اولمایان ائتنوسلاری و ایجتماعیتلری آلداتماغا چالیشارلار. دیل و مدنیت مسئله لری حلل اولونمامیش توپلوملار اوچون - حاکیمیت بیچیمی دگیشمیش ممکلتلرده بیله، اؤرنک اولاراق "چارلیق روسیه سیستیمی" نین "اتحاد جماهیر شوروی سوسیالیستی" ویا بالکانلارداکی موختلیف ائتنیکلردن قورولموش "یوگوسلاوی سوسیالیستی" جمهوریتلرینه دؤنوشمه سی ایله ده- بو مسئله لر اؤزو حللینی تاپا بیلمه دیگینی نظره آلارساق، فارس تمامیتچیلری گئنه ده مسئله نی چؤزمک (حل ائتمک) دئییل، خالقی آلداتماق اوچون "ایران" آدینا آرتیراجاق هر هانکی بیر یاماغی (اؤرنک اولاراق: جمهوری دموکراتیک ایران، ایران دمکراتیک، ایران سوسیالیست و ساییره) وورقولامیش گؤرونرلر. بو دا یول وئریلمز خطا ساییلمالیدیر.

 



 
 

 

قایناقلار:

 

1        مزدک بامدادان، ٦. قبیله گرا کیست؟زبان مادری و کیستی ملی:

http://www.iran-emrooz.net/index.php?/politic/more/13176/

2        پان ایرانیست، تریبون آزاد پان ایرانیست در خوزستان,2: مبارزه با اندیشه های جدایی طلبانه خلق عرب خوزستان:

http://www.paniran2.blogfa.com/

2.1            پان ایرانیست، فرمان آریا: آهنگهای خون: http://farmane-ariya.blogfa.com/cat-2.aspx

2.2            پام ایرانیست، فرمان آریا: همه شهر ایران سرای من است: http://farmane-ariya.blogfa.com/post-37.aspx

2.3            پان ایرانیست: آهنگهای خون: پان ایرانیسم سرافراز ایستاده در تاریخ:

http://ahangekhon.blogfa.com/post-6.aspx

2.4           پان ایرانیست: "خاک و خون": نیاخاک ترکان در "مغولستان" است نه ایرانشهر!:

http://khakokhoon.blogfa.com/8406.aspx

3                   مزدک بامدادان، 7. آن قبیله گرا دیگر:

http://www.iran-emrooz.net/index.php?/politic/more/13245/

4                   مهدی گرایلو، قومیت زدایی از سیاست:

http://www.akhbar-rooz.com/article.jsp?essayId=10061

5                   روزبه کلانتری، دفاعیه لرزان قوم پرستی:

http://www.akhbar-rooz.com/article.jsp?essayId=10014

6                   کاوه آهنگری، نقدی بر گفتگوی آقایان داریوش همایون،حسین آریان(آذری) و شاهو حسینی در رادیو فرانسه :

http://www.rojhelatpres.com/may-06/4-9.htm

7                   سازمان سوسیالیست ملی کارگران ایران، داها آرتیق معلومات اوچون باخینیز: فارس نئوفاشیستلری و داریوش همایون:  http://www.achiq.org/yazi/sonmez%20fars.htm

 

 

 

ایشیق سؤنمز 22.06.2007

 

فارسچی گؤروش