فارس سول تشکیلاتلاری نین ساققیزلاری نین چورومه مسئله سی!

بیلیندیگی کیمی فارس سولچو مئاب تشکیلاتلاریندا "حق تعیین سر نوشت حق مسلم خلقهاست" شعاری کئچمیش 80 ایلده ایران ممالیکی محروسه سینده کی میللتلر مسئله سینه کؤلگه سالار کیمی اورتایا چیخمیشدیر. بو تشکیلاتلار کئچمیش 80 ایلده ایران ممالیکی محروسه سینده کی میللیتلر مسئله سینی "کومونیستلیک" حاکیمیتی نین قورولاجاغیندان سونرا حلل اولا بیلر دئیه فارس اولمایان تورک، تورکمن، عرب، کورد، بلوچ، لور، گیلک و ساییره ایجتماعیتلری آلداتماغا چالیشمیشلار.

ایران ممالیکی محروسه سینده 1946 اینجی ایل سویوق ساواش گونئی آذربایجان تورپاقلاریندا باشلاندیقدان سونرا آمریکا بیرلشمیش شتاتلاری و متفقلری سؤیئتلربیرلیگی اطرافینداکی دؤولتلرده اؤز پوزیسیونلارینی برکیتمگه چالیشمیشلار. اونلار سازمان امنیت کشور دئیه ایران ممالیکی محروسه سی نین نبضینی اللرینده ساخلاماق اوچون فارس شاهلیق رژیمینه سازمان امنیت تشکیلاتی یاراتمیشلار. بو دوغرولتودا تاج الملوک، محمدرضا شاهین آناسی اؤز خاطیره لرینده آنلادیر:

" ساواك را خود آمريكائی‌ها درست كرده بودند. محمدرضا می‌گفت، من بايد احترامم دست خودم باشد. وقتی آمريكائی‌ها احترام می‌گذارند و رعايت اخلاق را می‌كنند و رسما از ما اطلاعات می‌خواهند ما بايد خواست آنها را فراهم كنيم. چون آنها با قدرتی كه دارند خيلی راحت می‌توانند اين اطلاعات را كسب كنند!

محمدرضا خصوصی به من گفت، همين رئيس ساواك و معاون او ومديران ارشد، همه شان با آمريكائی‌ها ارتباط دارند و برای حفظ ظاهر می آيند و از من اجازه می‌خواهند، درحالی كه قبل از كسب اجازه اطلاعات مورد نياز را به آمريكا و انگليس رد كرده اند! بعضی وقت‌ها هم می‌آمدند قدرت نمايی می‌كردند. مثلا درحالی كه ما نمی دانستيم محمدرضا بيماری معده دارد، سفيركبير انگليس می‌آمد و پيشنهاد می‌كرد اعليحضرت برای معاينه پزشكی و معالجه به لندن برود! من می‌خواهم اعتراف بكنم، يك اعتراف صريح برای ثبت درتاريخ. خلاصه بگويم كه بعد ازاينهمه سال كه به خاطر بيست سال سلطنت شوهرم و سی هفت سال سلطنت پسرم، يعنی بالغ بر57 سال ازنزديك درجريان كوران‌های سياسی و مسايل ريز و درشت مملكت بودم هيچ سر از سياست و پيچيدگی‌های آن در نياوردم." (1)

یئری گلمیشکن دئییلمه لیدیر: آمریکا بیرلشمیش شتاتلاری ویتنامدا یئنیلدیکدن سونرا کومونیستلیک علیهینه دینی کمرلر قوراشدیرماغا چالیشمیش. تاج الملوک اؤز خاطیره لرینده آنلادیر:

" بعد ازآنکه محمدرضا به مصر رفت تلفنی با من بارها صحبت کرد. ازمراکش و از پاناما و ازمکزیک و جاهای دیگرهم تلفنی صحبت ها کردیم. گفت مادرجان من نمی خواستم سلطنت را رها کنم اما سفیرکبیر انگلستان آمد پیش من و بدون مورد و بدون مقدمه و بدون احتیاج همینطور بی خود و بی جهت ماجرای کودتای افغانستان و قتل عام خانواده داودخان را برای من مثال زد! ومن فهمیدم باید شماها را به خارج بفرستم و خودم هم دنبال شما بیایم. همین مطلب را سفیرکبیر آمریکا به صورت دیگر به محمدرضا گوشزد کرده بود. معلوم است منظورآنها این بوده محمدرضا را وادار به خروج ازمملکت کنند. شما اطلاع ندارید و نمی دانید که ازسال های قبل یک عده شروع به رفتن کردند. ساواک گزارشات زیادی می آورد واطلاع می داد که پولدارهای بزرگ دارند می روند و محمدرضا با تعجب می پرسید چرا؟!

یک عده مثل ثابت پاسال جهود ازسال 1345 بارخودشان را بستند و رفتند آمریکا! چون با سیاستمداران آمریکا وانگلیس واسرائیل دوست و همکار بودند ومی دانستند که قراراست تغییرات زیادی درمنطقه بشود"(2).

اوسته کی مقاملاری نظره آلدیقدا فارس جبهه میللی عوضوو اولان شاهپور بختیارین محمدرضایا 1978 ایلینده نخست وزیر اولماسی و حاکیمیتی شاهپور بختیار واسیطه سی 1979 ایلینده "دؤولت موقت"ه (فارس جبهه میللی حزبی، فارس میللت حزبی، فارس نهضت آزادی سی و فارس میللی مذهبیلرینه تحویل وئرمک) آمریکا ایسته گی دوغرولتوسوندا اولموش عمللریدن ساییلمالیدیر. آنجاق حرکتین بدنه سینده دینچی کسیمین فارس پان ایرانیست و میللیتچیلرینی زورلایاراق یئنی الده ائدیلمیش حاکیمیته ایسلام دونو گئدیرمه مسئله لری (ملی گرایی خلاف اسلام است "امام خمینی") آمریکایا قویروق بولاماغا چالیشان قووه لری حاکیمیتدن اوزاقلاشماغا زورلامیشدیر دئیه دوشونمک اولار.

دئمک، سؤویئتلر بیرلیگی 1978 اینجی ایل افغانیستانی ایشغال ائتدیکده آمریکا بیرلشمیش شتاتلاری اؤز منافعلرینی بؤلگه ده خطرده گؤردوکلری اوچون ایران ممالیکی محروسه سی حاکیمیتی نی محمد رضا شاهدان آلاراق خالق اعتیمادینی قازانابیله جک گوجلره وئرمک ایسته دیکلری قناعتینه گلمک اولار دئیه دوشونمه لی ییک. بیلیندیگی کیمی روس قوشونلاری افغانیستانا گیردیکلری گوندن مجاهدین افغان دئیه ایسلامی تشکیلاتلار سؤویئتلربیرلیگی یانچیسی اولان حؤکومت علیهینه فورمالاشماغا باشلامیشلار. بونلار آمریکا بیرلشمیش شتاتلاری و ایسلامی اؤلکه لردن مالی کؤمک تأمین ائتمگه چالیشیر و قونشو دؤلتلرده او جومله دن ایران و پاکیستان تورپاقلاریندا بارینماغا چالیشمیشلار. 1992 ایلینده روس قوشونلاری افغانیستانی ترک ائتدیکدن سونرا ایسلامی قوروپلاشمالار افغانیستانی اله کئچیرمیش اولموشلار. بئله لیکله روس اویونجاغی ساییلان محمد نجیب الله بیرلشمیش دؤلتلر تشکیلاتی نین دفترینه سیغینمیش. افغانیستانین روس تأثیر داییره سیندن خیلاص اولماسینا باخمایاراق اورادا ائتنیک مسئله لر حلل اولمادیغی و قونشو دؤولتلرین ماراغی ائتنیک قوروپلاشمالار واسیطه سی ایله تأمین اولاجاغی اوچون افغانیستان قونشولوغونداکی دؤولتلر پاکیستان، ایران و ساییره اورادا اؤز خطلرینی یئریتمگه چالیشمیشلار. بئله لیکله 1995 ایل پاکیستاندان هیدایت اولموش طالبانلار حاکیمیتی اله کئچیره رک محمد نجیب الله نی بیرلشمیش دؤولتلر تشکیلاتی نین دفتریندن ائشیگه چکه رک 1996 ایلینده ایجتماعیت قارشیسیندا دارا چکمیشلر. افغانیستاندا ائتنیک مسئله نین حلل اولمادیغی، ایسلامیت آدینا طالبان وحشیلیگی نین داوام ائتدیگی و افغانیستان میللی آزلیقلارا بیر جهنم صحنه سی ماهیتی داشییارکن بن لادن کیمی تئروریست باشچیلاری افغانیستاندا یئرلشیب و بارینارکن بو مملکتین بیر چوخ وطنداشلاری ایران، افغانیستان، اؤزبکیستان و ساییره مملکتلرده آواراچیلیقلا مشغول اولموشلار. آمریکا بیرلشمیش شتاتلاریندا وئلت سئنتئرین تئرور عملینه اوغراماسی و آمریکا بیرلشمیش شتاتلاری نین سیاستینده دؤنوش نوقطاسینی اوزره چیخدیغی عوجوباتیندان  2001 ایلینده آمریکا طرفیندن اعمال اولموش سیاستدن یولا چیخاراق افغانیستانداکی ائتنیکلر میللی و مدنی حاقلارینی و باریشی یاخالامیش اولدولار. دئمک، بیر چوخلاری نین خییال ائتدیکلری کومونیستلیک سیستیمی افغانیستاندا ائتنیک مسئله اوچون هئچ بیر چؤزوم گتیرمه میشدیر.

1989 اونجو ایل شرق بلوکونون سونا ارمه سی، کمونیستلیک و سؤویئتلربیرلیگی آدینا اولان روس ایمپئریاسی نین 1990 ایلینده نیسبی داغیلماسی و سؤویئت جومهوریلری ایستاتوسونا مالیک اولان جومهوریتلرین روسیه دن آیریلمالاری و یئنی جومهوریتلرین اورتایا چیخماسی دونیا سیاستینده بؤیوک دگیشیملیکلره یول آچمیش دئیه دوشونمه لی ییک. بئله لیکله آمریکا بیرلشمیش شتاتلاری روسیه دؤولتی ایله کئچمیش ایدئولوژی دوشمنلیکلرینی بیر یانا بوراخاراق غرب دؤولتلری ایله بیرلیکده اونو اؤز نوفوذ داییره لری آلتینا چکمه گه چالیشمیشلار. قورباچئف موسکودا باشاریسیز حاکیمیت چئوریلیشی زامانی روسیه حاکیمیتینی بوریس یئلسینه تحویل وئردیکدن بیر موددت سونرا خانیمی رائیسا ایله آلمان بنز ماشینلرینه اوتوردولاراق آلمان فابریکلرینی گزمگه، غرب آلمانیانین تئنیکی ایله تانیش اولماغا یؤنلندیلمیشلر. دئمک، روسیه و غرب دؤلتلری آراسیندا اولان گرگینلیگین روس ایمپئریاسی داغیلماسی نتیجه سینده گئده ریلمه سی، کومونیستلیک ایدئولوژیسینی مملکتلرینده اعمال ائتمگه چالیشان سولچو قوروپلاشمالارا دا آغیر بیر ضربه وورولاراق تاریخه یازیلمیشدیر.  کمونیستلیک سیستیمی نین سؤیئتلربیرلیگینده داغیلماسینا و سؤیئتلر بیرلیگینده میللتلر مسئله سی میللتلر ایسته دیکلری اساسدا حلل اولمادیغینا باخمایاراق بوگون ایران ممالیکی محروسه سینده موختلیف اؤزلرینی سول قلمه آلماغا چالیشان قوروپلاشمالار بیز حاکیمیته گلرسک، خالقلارا اؤز گله جکلرینی تعیین ائتمه اختیاری وئره جه ییک دئیه بیربیرلرینی سوللاماغا چالیشیرلار، او جومله دن راه کارگر (3)، جومهوریخواهان لائیک و دئموکرات (4) و ساییر فارس تشکیلاتلاری و شخص اولاراق اؤزلرینی داها کومونیست، مارکسیست و ائنگلیست قلمه آلان ذات عالیلر دارا گلستان ایمضاسی ایله احمد کسروی بیچیمینده اویدورما فارسچا یازماغا چالیشاراق لنین اثرلرینده "حق تعیین سر نوشت ملل" دئیه بیر مقوله نین اولمادیغینی ایددعا ائدیر، اوخویوروق:

"کسی که نميدانستيم کيست، در جائی که نميدانستيم کجاست، گفته بود: "حق تعيين سرنوشت خلق ها" و بسياری در ايران بدون اينکه معنايش را بفهمند و يا حداقل از رويش مشق کنند آنرا مانند قند پارسی که به پروس رفته و برگشته حلوا حلوا کردند. بنده خدائی بيخبر از عالم و آدم بلغور کرد که تز، تزی لنينی است و مو لای درزش نميرود؛ عقلمان وقتی که سر جايش آمد، رفتيم لنين را زير و رو کرديم و چيزی نبود. حدسيات زده شد که شايد مرحوم مولانا مارکس چنين شکری خورده باشد، آنجا نيز نيافتيم. خواب نما شديم که نکند از زبان انگلس در رفته باشد؟ نيافيم که نبوده چگونه بيابيم.   بعدها بنابر تجربيات معلوم شد که حکايت لحاف کشورهای عقب مانده و ممالک زوگو بوده که چشم ديدن همان لحاف پاره را هم نداشته اند." (5)

گؤروندوگو کیمی کئچمیش 80 ایلده فارس سولچو تشکیلاتلاری نین ایران ممالیکی محروسه سینده  کی میللیتلره "حق تعیین سر نوشت ملل" مقوله لری نیسیه وعده لر وئرمکدن و  بو ممالیکی محروسه ده کی میللتلری فارسلاشدیرماقدان عیبارت ایمیش.  دارا گلستانلارین 80 ایلدن سونرا مجبوریت قارشیسیندا ایفاده ائتدیکلری ایفاده لرین یالان دوغرو اولماسی اوچون بیز ده لنین و ایستالین اوزره اونلارین اثرلریندن یولا چیخاراق یازیلمیش مقاله لردن ایجتماعیته بیلگی وئرمگه چالیشمالی اولوروق.

 بیلیندیگی کیمی مارکس و ائنگئلس یالنیز دوشونور (متفکر) اولدوقلاری اوچون اونلارین هانکی موضوعدا نه دئدیکلری، هانکی دوشونجه یه صاحیب اولدوقلاری او قدر ده اؤنملی دئییل، هر بیر دوشونجه و گؤروشو حیاتا کئچیرمیش، یوخسا حیاتا کئچیرمه چاباسیندا اولان شخص و سیاستچیلرین گؤروشلری گونون سیاستی اوچون داها اؤنملیدیر. بو باخیمدان لنینیست مکتبی نی اینسانیت اوچون اولگو گؤسترمگه چالیشانلارا ویلادیمیر ایلیچ لنین نین داورانیشلاری نظره آلینمالیدیر. کئچمیش یازیلاردا ویلادیمیر ایلیچ لنین باشدا اولماقلا سؤویئتلر بیرلیگینده کارل مارکسین یازدیغی اثرلری بیر سیستیم  اؤلچو و بیچیمه سالدیقلارینی و غرب آوروپادا ایسه مارکس دوشونجه لرینی نقد گؤزو ایله آنالیز ائتمکله اوندان داها آذتیق فایدالانماغا چالیشدیقلارینی اورتایا قویموشدوق (6). بئله لیکله یئری گلمیشکن ویلادیمیر ایلیچ لنین نین میللتلر مسئله سی اوزره یئریتدیگی سیاستلری قیسسا اولاراق گؤزدن کئچیرمک داها فایدالی اولار دئیه دوشونمه لی ییک.

"1917 اینجی ایل اوکتویابر گونلری کئچر کئچمز استالین لنین طرفیندن یوکسک قورومدا (عالی اورقاندا) میللتلر مسئله سی اوزره یئتکیلنمیش (مسئولیت آلمیش و او بو پوستلاری 1923 ایلینه دک صاحیب اولمالی ایمیش).

میللیتلر مسئله سی: موختلیفلیکلرین بیرلیگی. استالین حاکیمیت الده ائدیلمه دن 10 ایل اؤنجه بیر توپلانتیدا ایضاح ائتمیش ایمیش: سؤویئت جومهوریتی نین بیریجی ستونو ایشچی و اکینچیلر آراسیندا بیرلیک ایسه، ایکینجی ستونو موختلیف میللیتلرین؛ روس، اوکراین، آق روس، گورجو، آذربایجانلی، ائرمنی، داغیستانلی، تاتار، قیرقیز، اؤزبک، تاجیک و تورکمن و ساییرلرین بیرلیگی اولوشدورمالیدیر.

اوکتیابر اینقلابی نین اساسی- یئنی قورولاجاق دؤولتین ایسکیلئتی، گئنللیکله جوغرافی سوسیالیسمین ایسکیلئتی- میللیتلر مسئله سی آچیسیندان اؤنملی ایدی. بو مسئله  ایستر چیزقیلارلا بلیرلنمیش روس خریطه سی، ایسترسه ده سینیق سالخاق دئیه یئر کوره سی خریطه سی اوچون کئچرلی ایدی. روسیه کومونیست پارتیسی نین میللیتلر مسئله سی اوزره اساس پروقرامی نین پرینسیبی و تاکتیکی 1913 اینجی ایل لنین و ایستالین طرفیندن فورموله اولموش یازیلارا اساسلانیردی. روسیه کومونیست پارتیسی بو یازیلاری بیر قطعنامه حالیندا 1913 اونجو ایلین آگوست آییندا بیر کونفرانسدا ایجتماعیته تقدیم ائتدی. بو پروقرامین اؤنملی نوقطالاری بونلار ایدی:

-          خالقلار ایسترسه لر، روس چارلیغیندان آیریلا بیلرلر، خالقلارا اؤز گلجکلرینی تعیین ائتمه حاققی وئریلمه لیدیر.

-          فئدراسیون دؤولتینه قاتیلماق ایسته گن خالقلارا محللی حاکیمیت حاققی وئریلمه لیدیر.

-          کیچیک بؤلگه لره محللی موختاریت حاققی وئریلمه لیدیر.

-          رسمیتده اولان روس دیلی یئنی قورولاجاق فئدرال دؤولتین سراسری دیلی اولمامالی و رسمیتدن دوشمه لیدیر.

-          میللی روس ظولومو آرادان قالدیریلمالیدیر.

لنین و ایستالین بیلینجلی اولاراق مارکسیستی بیر دوزن یاراتماق و روس ایمپئریاسینی داغیلمادان قوروماق اوچون اؤز تاکتیک و ایستراتئژی لرینده میللیتلر مسئله سی نین حللینی چارلیق حاکیمیتی نین سونا ارمه سیندن سونرایا ارتله میش اولدولار. بئله لیکله قودرت بوشلوغو اولدوغو دورومدا بیله کومونیستلیک علیهینه گیریشیملر اولمادی. قافقازلادا و اورتا آسیادا و اوکراینادا میللی حاکیمیتلر قورما فعالیتلری نین سوردورولمه سینه باخمایاراق اورالارداکی روس کومونیست پارتیسی نین قوللاری قیزیل اوردویا دستک وئرمکله میللی گوجلری باسدیرماغا و کئچمیشده کی روس چارلیق تورپاقلارینی اله کئچیرمگه چالیشمیشدیر.

لنین و ایستالین نین  تئوری و عملی بیربیرینده اریتمه تئزلری (مارکسیسم ایستیفاده ائتمه بیلیمی اولاراق داواملی یئنیلنمگه احتیاجی وار. مارکسیسم واقعیتلره اساسلانیر و واقعیتلردن حرکت ائلیر تئزلری) سوسیال دئموکراسی و اؤتریش مارکسیستلیک ئتزی نین موخالیف جهتینده یئر آلیردی. اؤتریش مارکسیستلیک تئزینده میللی و مدنی موختاریت و موستقیللیک تانینمیشدی و اؤتریش اوپورتونیستلری میللی باغلی بولوک یاراتماغی ساوینیردیلار (دیفاع ائدیردیلر). بو داورانیشلار سوسیالیست آیریمجیلیغینا (تجزیه طلبلیگینه) یول آچدی و اونون آردینجا میللتچیلیک ایجتماعیلشمک یئرینه سوسیالیستلیک میللیلشمیش اولدو.

ایستالین 1917 اینجی ایلین آپریل آییندا روس بولشویکلری نین پارتی کونفراسیندا میللیتلر مسئله سی اوزره کئچمیشده لنین ایله بیرلیکده فورموله ائتدیکلری (1913 ایلده) پروقرامی اوخویاراق بو پروقرامین قبوللوق گؤرمه سینی ایسته دی. بولشویکلر، باشلاریندا پیاتاکوو  اولاراق میللتلرین موستقیل اولمالارینا و روسیه دن آیریلمالارینا قارشی چیخدیلار." (7)

روس بولشویک پارتی سی نین میللیتلرین موستقیل اولمالارینا قارشی چیخماسینا باخمایاراق ویلادیمیر ایلیچ لنین ده 1918 ایلینده قوزئی آذربایجان جومهوریتی نین ایستیقلالینی چارلیق حؤکومتی علیهینه ساواش اولدوغو اوچون آلقیشلادی و 1920 ایلینده قیزیل اوردو طرفیندن آذربایجان جومهوریتی نین ایشغالینی باکی نفتی روسیه اینقلابچیلاری اوچون حیاتی بیر مسئله دیر دئیه قافقازلارداکی روس کومونیست پارتی تئکیلیسی اولان کیرووا تبریک دئدی.  کیروو ذات عالی نین قافقازلادا روسیه کومونیست پارتیسینه ائتدیگی خیدمتلر کؤلگه سینده آذربایجانین تاریخی شهری اولان گنجه نین آدی "کیرووآباد"  ایله دگیشدیریلدی.

اوسته گؤروندووگو کیمی میللیتلر مسئله سی کومونیستللیک ایله حلل اولوناجاق دئییل، فارس سولچو تشکیلاتلاری نین "حق تعیین سرنوشت" مقوله لری کئچمیشده لنین و ایستالین نین یئریتدیکلری تولکولوک سیاستلرینه اساسلانیر دئیه فیکیر یئریتمک اولار. بیلیندیگی کیمی بیر چوخ اؤزلرینی سولچو آدلاندیران فارس تشکیلاتلاری جاهان وطنلی گؤرونمگه چالیشدیقلارینا باخمایاراق صؤحبت ایران ممالیکی محروسه سیندن اولدوقدا اؤزلرینی "تمامیت ارضی" یانچیسی آدلاندیریرلار (8). دارا گلستان ذات عالیدن اوخویوروق:

"... کسانی که فکر ميکردند چپ هستند ولی نميدانستند چه ميگويند و تا همين چند روز پيش ندانستی که مارکس مريد بودی يا مراد در زمينه "مليت" ها، در کشوری که هنوز بورژوازيش زاده نشده بود، فيل شان ياد هندوستان کرد. .... آنروز ها هر چه کردند بر جوانيشان بخشوده باد، اما امروز را نتوان بخشيد که هم کتاب دارند و هم وقت و تجربه ای نزديک به سه دهه وميدانند که رستمی هم اگر بوده هيچ شباهت به ايشان نداشتي. گفتيم که اصلی بی اصل را علم کرده، آگاه يا نا آگاه قصد جان يک پارچگی ايران کرده اند. در زير دو بند از دو سازمان که خود را "چپ" دانستی   برای نمونه شاهد آوردي.  
* "به رسميت شناختن حق تعيين سرنوشت ملل ساکن ايران و از جمله حق آنها برای جدائی کامل و تشکيل دولت مستقل."۱
* "حق همهء ملتهای ساکن ايران در تعيين سرنوشت خود، از جمله جدائی کامل و تشکيل دولت مستقل. خود مختاری هر يک از ملتها که با تمايل آزادانهء خود در يک مجموعهء جمهوری فدراتيو متحد ميشوند"۲. دو بند گويا "مارکسيستی ـ لنينيستی ـ کمونيستي" بالا تقريبا يکی هستند. معلوم نشد کدامشان از روی دست کدامشان تقلب کرده است. شايد هر دو از روی دست سومی يادداشت برداشته اند. اما اين نميتواند درست باشد چون   هر دو اين سازمان ها خود را سازمانهائی "کمونيستي" ميدانند، ولی هيچکدامشان نميگويند چنين اعتقادی را از کدام قوطی عطاری در آورده اند. در آثار مولانا مارکس و حتی ظاهرا مريد او   لنين چنين مواردی وجود خارجی   نمی دارند "(5).

اوسته دارا گلستان ذات عالی نین فارسچا یازما بیچیمینه نظر گزدیردیکده احمد کسروی نین خضبلاتی سرگیلنمیش اولور. احمد کسروی ده "می رفتند" یئرینه "رفتندی"و "می کردند" یئرینه "کردندی" و ساییره  یازماقلا فارسلار اوچون تکمیللشمیش "زبان پاک" یاراتماغا چالیشیردی. آنجاق سونرالار جلال آل احمدلری اؤزونه گولدورموش اولدو.  بونلارا باخمایاراق دارا گلستان ایمضاسی ایله یازان موألیف فارس سولچو تشکیلاتلارینا منظورونو یئتیرمگه چالیشارکن بوگونکو فارس ادبیات دیلی اؤز یئرینی آلمیش گؤرونور.  آنجاق میللتلرین "حق تعیین سرنوشت" و موستقیل اولما مقوله لرینه گلدیکده اوسته ایشاره ائتدیگیمیز کیمی لنین و ایستالین بو مقوله نی روس چارلیغینی دوزنلی بیر بیچیمده روس کومونیست پارتیسی نین ایختیارینا آلماق و اؤز ایدئولوژیلرینی یایماق اوچون اورتایا قویموشلار دوشونجه سینه - بولشویکلر باشلاریندا پیاتاکوو اولماقلا  میللیتلر مقوله سی نین رد ائتدیکلرینی اؤیرندیکدن سونرا - وارماق اولار دئیه دوشونمه لی ییک. بئله لیکله لنین و ایستالین نین اینقلابچی اولمالاری دئییل، اینقلابچی قالمادیقلاری سرگیلنمیش اولار.

قایناقلار:
 

1        تاج الملوک: من 57 سال در كوران حوادث سياسی ريز و درشت ايران بودم:

http://www.peiknet.com/1384/hafteh/04azar/hafteh_page/50taj.htm

2        تاج الملوک: درس هائی که جمهوری اسلامی از تاریخ نگرفت:

http://www.peiknet.com/1384/hafteh/03dey/hafteh_page/99taj.htm

3        راه کارگر: زحمتکشان عرب سازمان ما در کنار شماست:

http://www.iran-chabar.de/1384/02/01/006.htm

اوسته راه کارگرین بیلدیریشی نین باشلیغیندان دا بللی اولدوغو کیمی دانیشدیغی کیتله عرب ائتنوسو دئییل، عرب کارگرلری نظرده توتولور.

4        جمهوريخواهان لائيک و دمکرات: جهاتی از راهبردسياسی، اصول و اهداف ما:

http://asre-nou.net/1382/esfand/19/m-sanad.html

اؤزلرینی لائیک و دئموکرات آدلاندیران ذات عالیلر ده میللی مسئله نی "حق تعیین سرنوشت" دئدیکده مدنیت ساحه سینه دوشوردوکلری نین شاهیدلری اولوروق: اوخویوروق: "6- مسئله ملی:

تأمين برابری حقوق همه مليتهای ساکن ايران و احترام به اصل حق همه آنان در تعيين سرنوشت خود و رفع هر گونه تبعيض ملی از جمله در حوز فرهنگی و آموزش و پرورش. " باخ 4.

5          دارا گلستان: اندر حکایت حرکات عشقی تاریخ:

http://www.akhbar-rooz.com/article.jsp?essayId=2246

6        ایشیق سؤنمز: مارکس دوشونمه سیستیمی: http://www.azadtribun.net/x56.htm

7        Henri Barbusse: Nationale Probleme:

http://www.stalinwerke.de/stalin-eine-neue-welt/senw/senw-006.html

8   سازمان فداییان خلق (اکثریت) و حزب توده اؤزلرینی تمامیت ارضی ایران طرفداری آدلاندیریرلار.

ایشیق سؤنمز 12.04.2006

فارسچی گؤروش