قاپی کئچمیش دابانی اوزره فیرلانیر
"آیاقدان دوشموشم ساقی الیمدن توت آیاق ائیله
الینده ساغر
زررین گؤروم همواره وار اولسون
بو شاهدان بیزه یار اولماز یاران نه مجلیسدن
بیزه هر کیمسه
یار اولسا الله اونا یار اولسون".
بو اوسته کی شئعری کربلا محمدعلی آدلی بیر ساوادسیز آذربایجانلی آذربایجان تجدد
حرکتی زامانی تهرانداکی قاجار حاکیمیتی اوزره بیان ائتمیشدیر.
کربلا محمدعلی کیشینین زامانیندان یوز ایل کئچمه سینه باخمایاراق ایران ممالیکی
محروسه سینده اینسان حاقلاری و میللیتلر مسئله سی اوزره دییشن بیر گؤرونوم
(فئنومن) یوخدور. پهلوی زوراکیلیغینا ایران ممالیکی محروسه سینده (1979) 1357
اینجی ایلده سون قویولماسینا باخمایاراق فارس شوونیسم آخینی گئنه ده اؤز
گونجللیگینی ایران ممالیکی محروسه سینده حل اولونماز بیر مسئله کیمی قوروماغا
داوام ائدیر.
شرق بولوکون باشلاریندا سئویتلر بیرلیگی اولاراق داغیلماسی ایران ممالیکی محروسه
سینده کی فارس اولمایان میلتلر آراسیندا دا میللی بیلینجین دیرچلمه سینه تکان
وئرمیشدیر. ایران ممالیکی محروسه سینده میللی و مدنی ایستکلرین آرتماسی تهراندا
حاکیم اولان ایسلام جومهوریت پارتیسی عوضوولری آراسیندا دا ایکی تیره لیگه یول
آچمیشدیر. بونلار اؤز آنا یاسالاریندا 1358 (1979 باهار) دا قبول ائتدیکلری 15 و
19 اونجو بندلره زامانیندا عمل ائتمه دیکلری اوچون بوگون بیر آچماز دوروما دوشه
رک ایستمه سه لر ده فارس اولمایان ائتنیکلرله اوز اوزه قالمیشلار. بو میللی و
مدنی ایستکلر قارشیسیندا سوسماق و فارسلارا تانینمیش (دیل و مدنیت باخیمیندان)
حاقلاری فارس اولمایانلارا تانیماماق بیر مدنیتیلی (فارس مدنیتی) کیمی جامعه نی
ایداره ائدن تهران ایسلام حاکیمیتینی اولدوقجا زور دوروما دوشورموش گؤرونور.
دئمک، بو چیخمازلیق بیر چوخلارینین گؤزونده ایسلام حاکیمیتی گؤرونمه سینه
باخمایاراق هر هانسی بیر قوروپ و تشکیلاتین حاکیمیته گله جه گیندن آسیلی
اولمایاراق ایرانداکی فارس اولمایان میللتلر اوچون بیرلشمیش دوولتلر تشکیلاتینین
بیاننامه لرینده قبول اولونموش حاقلاری بو میللتلر اوچون تانیمازسا او حاکیمیته
بو میللتلرین ایناندیقلاری الله چتین کؤمک ائده جک گؤرونور. دئمک، حزب نژاد پرست
جبهه ملی و حزب نهضت آزادی، حزب ملت و باشقا فارس تشکیلاتلاری اؤز ایچریلرینده
فارس اولمایان میللی بیلینجلری یوخودا اولان میمونلارین اؤز منلیک و کیملیگیم
دئیه بیرگون بو دووشانلیق یوخولاریندان آییلاجاقلار دئییه دوشونه بیلسه لر،
اؤزلرینی یورماغا حاجت قالمایاجاقدیر.
بو آرادا خاتمی قانادیندان اولان اؤزلرینی ایصلاحاتچی آدلاندیران جبهه
موشاریکتچیلردن حمید رضا جلائی پورون کورد میللت چیلیگی اوزره دئینمه سی نی و
اونلارا «مکریان» اوستانی یارادین دئمه سی اولدوقجا دوشوندوروجو گؤرونور.
اوخویوروق:
"سوم،
مى توان براى احقاق حقوق كردها به جاى تأكيد بر اقوام ايرانی
بر حقوق شهروندان ايرانى و كسب آن از طريق حكومت مركزى تأكيد كرد. به جاى مطالبات
غير قابل دسترسى، بايد روى مطالباتى تأكيد كرد كه از طريق سازوكارهاى موجود نظام
سياسى ممكن باشد. به عنوان نمونه به جاى تأكيد روى خودمختارى از تشكيل استان
مكريان، متشكل از شهرهاى كردنشين مهاباد، بوكان پيرانشهر، اشنويه، پسوه و سردشت
مى توان دفاع كرد. به جز اين نمايندگان كرد در مجلس مى توانند بر اين نكته تكيه
كنند كه چرا حكومت مركزى نيروهاى غير بومى را كه بعضى از آنها در شهرهاى خود
نيروهاى موفقى نيستند به استان كردستان مى فرستد"(1)
ایندی سورقو سوؤال بو: حمیدرضا جلائی پور چوخ اینسان سئون اولموش مو، یوخسا کورد
کؤکنلی اولاراق ایسلام جومهوریسی حاکیمیتی چارچوبه سینده کوردوستان ویلایتینده
اولان آذربایجان کند و شهرلرینی کورد ویلایتی کیمی نظره آلاراق ایلک اؤنجه ائتنیک
کورد ویلایتلرینین یارانماسینی اؤز هدفلرینه اویقون حئساب ائدیر و کوردوستانین
یارانماسینی ایکینجی مرحله یه ایحاله ائده جک گؤرونور و یا بو تکلیفی کورد و تورک
قارشی دورماسی یاراتماق و منطقه نی نا آرام گؤسترمک واسیطه سی ایله گئنه ده فارس
اولمایان میلتلری فارس دیل و مدنیت سؤمورگه سی ایچریسینده بیر وسیله کیمی اریتمک
آرزوسوندا می؟
قایناق: