فارس سول تشکیلاتلاری نین ساققیزلاری نین چورومه مسئله سی (2)

بیلیندیگی کیمی ایران ممالیکی محروسه سینده کئچمیشده "حق تعیین سر نوشت حق مسلم خلقهاست" شعارینی طوطو کیمی چئینرتوپور ائتمگه چالیشان ذاتلار سؤیئتلر بیرلیگی داغیلدیقدان سونرا خیاللارینی پوچلوغا اوغرامیش گؤره رک اؤز میللی منلیک و کیملیکلرینه یاخینلاشماق و قایماق یئرینه فارس شوونیستلری ایله سسداش اولاق دئیه ایران ممالیکی محروسه سینده کی میللی و مدنی آخینلاری "پانیست، ناسیونالیسم کور و ساییره" دئیه کئچمیش مالیخولیایی فیکیرلریندن یولا چیخاراق اوره ک بولاندیرماغا چالیشیرلار. دئمک، بو ذاتلارین نظرینجه میللی مسئله (بیر میللتین دیل و مدنیتینی قوروماق) اینسانلیق مسئله سی دئییل، ایدئولوژی خسته لیکلری اینسانلیق مسئله سی ساییلمالیدیر. یئر اورزه موختلیف ایدئولوژیلرین وار اولدوغونو و بیر میللت ایچره موختلیف ایدئولوژیلر داشییار اینسانلارین یئر آلدیقلارینی نظره آلدیقدا ایدئولوژی خسته لیگیندن حرکت ائتمگه دوشونه رک میللی وارلیقلاری یوخلوغا سوروکله مگه دوشونن ذات عالیلرین نه قدر گئریجی اولدوقلارینی باشا دوشمک او قدر ده چتین دئییلدیر. بو ذاتلاردان بیری "علی اکبر حق پژوه" ایمضاسی ایله ایران ممالیکی محروسه سینده میللی و مدنی آخینلارا کؤلگه دوشورمگه دوشونن ذات عالیدیر. بو ذات ایران ممالیکی محروسه سینده میللی و مدنی آخینلارا تورموز وورماق اوچون " مرورى كوتاه بر ناسيوناليسم كور : پان تركيسم و پان ایرانیسم-1" مقوله سی نی شمس تبریز سایتیندا یایینلاتمیشدیر(1). او یازی نی اوخودوقدان سونرا موألیف "پان ایرانیسم" اوزره دئیینمه دیگی و "پان ایرانیسم"ین نه اولدوغونو اورتایا قویمادیغی اوچون اونا وئرمیش باشلیغین آلداتیجی اولدوغو قرارینا گلمک اولار(2). بیلیندیگی کیمی "پان ایرانیسم" مقوله سی گئرچک آنلامی ایله ایفاده ائدرسک، "فارس مالیخولیاچیلیغی" آنلامی داشیماقدادیر. فارس اولترا راسیستلری "پان ایرانیسم" باشلیغی آلتیندا ایران دیل قوروپونا (هندو ژرمن دیل قوروپونون قولونا) عایید اولان میللتلری بیر میللت (اوخو فارس میللتی= ایران میللتی) دئیه قلمه آلماغا چالیشیرلار. اونلار بو مسئله دن یولا چیخاراق "خاک و خون" مقوله سینی اورتایا قویموشلار (3). بو  فاشیستی تئوریه اساساً ایران دیل قوروپونا عایید اولان میللتلر( فارس، بلوچ، کورد، لور، گیلک، طالیش، پشتو، اوردو، اوسئت، و بو زومره ده اولان میللتلر) و کئچمیش خیالی ایران باستاندا یئرلشن، آنجاق ایران دیل قوروپونا عایید اولمایان میللتلرین تاریخی تورپاقلاری (آذربایجان، تورکیه نین شرق بؤلگه لری، عراق، سوریه، اوردون، فلیسطین، اؤزبکیستان، تورکمنیستان، اویغوریستان و ساییره میللتلرین تاریخی تورپاقلاری) "خاک و خون" تئوریسیندن یولا چیخیلاراق فارس دیل و مدنیتی آلتیندا یئر آلمالی و اورالاردا فارس دیل و مدنیتی رسمی اولمالی و بو  خیالی ائمپئریاداکی میللتلرین دیل و مدنیتلری  ایران ممالیکی محروسه سینده کئچمیش 81 ایلده اولدوغو کیمی زامان کئچیدی ایله یوخ اولاراق فارسچایا تبدیل اولمالیدیرلار. آشاغیدا گؤره جگیمیز دک علی اکبر حق پژوه آدلی موألیف بوگونکو ایران ممالیکی محروسه سینده کی فارس اولمایان میللی آخینلاری "پان ایرانیست"لرین فاشیستی گؤروشلری نین یئرینه اوتوردوراق "پان ایرانیسم" مقوله سی نی دانار کیمی داورانماغا چالیشمیشدیر. زامان کئچمه دن علی اکبر حق پژوه آدلی ذاتی عالی نین گؤروشلری ایله تانیش اولاق، اوخویوروق:

"هم آوايى با ناسيوناليسم كور، نقشى پارازيتى در روند مبارزاتى خلق ايران براى رسيدن به دموكراسى دارد و موجب بازماندن از همراهی با مبارزه ى طبقاتى جنبش كارگرى مِی شود كه با ايجاد خلل در روند آگاهى و كشانده شدن خلق به مبارزات بنيادين، در تحكيم قدرت نيروهاى حاكميت نقش وافر خواهد داشت" (1)
اوسته گؤروندوگو کیمی علی اکبر حق پژوه ذات عالی نین گؤروشلرینده "خلقهای ایران" (موختلیف دیل و مدنتیلر) مقوله سی "خلق ایران" دونونا بوروندورلموش اولور. اوسته لیک میللی آخینلاری هیتلر کیمی پارازیته بنزتمگه چالیشیر. Christian A. Braun یازیر:

آدولف هیتلرین دوشونجه سینه اساساً جوهود (یهودی) بیر پارازیت اولاراق باشقا خالقلار ایچره اورتا چیخار. هیتلر "منیم ساواشیم" Mein Kampf آدلی کیتابیندا یازیر: "جوهود بیر پارازیت اولاراق خالق ایچره یاشامیش و یاشایاجاق. بیر دیلنچی، بیر ضررلی گؤبه لک کیمی دورمادان یاییلاراق هر یئری اؤز آلتینا آلماغا و اوندان آزوقالانماغا (تغذیه اولماغا) چالیشار. جوهودون وارلیغی دیلنچی کیمی دیر. هاردا او ظاهیر اولارسا، گئج یوخسا تئز خالق ایقتیادی یوخلوغا اوغرایار ( aus: HITLER, A.: Mein Kampf, 1. Band. München 193312, 334).). نازیستلرین متینلرینده خالق و توپلومدان سؤز صؤحبت اولارکن بیولوژیک (زیست شناسلیق) مئتافئرلری اولدوقچا یایقین گؤرونر. بو مئتافئرلر "پارازیت، باکتئری، دیلنچی" بیچیمینده اورتا چیخمیشلار. اونلارین نظرینجه خالق کیتله سینی قوروماق اوچون ساغلاملیق تدبیری آلینمالیدیر." (4).

علی اکبر حق پژوه ذات عالی نین دوشونجه لرینی نازیستلرین دوشونجه لری ایله قارشی قارشییا قویدوقدا بو ایکی دوشونجه آراسیندا پارالئللیک گؤرونور. هیتلر، جوهودلاری آلمان ناسیونال سوسیالیست آدلاندیردیغی ایدئولوژیسینه ترس گؤروردورسه، علی اکبر حق پژوه آدلی موألیف ایران ممالیکی محروسه ده کی میللی و مدنی آخینلاری ایشچی صینیفی (طبقه کارگر) قارشیسیندا بیر پارازیت کیمی قلمه آلیر. دئمک، هیتلر نازی حاکیمیت باشچیسی اولاراق جوهود میللی آزلیغیندان خلاص اولماق اوچون اوسته Christian A. Braun دا ایشاره ائتدیگی کیمی ساغلاملیق تدبیری آلماغا دوشونه رک جوهودلاری گاز اوتاقلاریندا بوغما بویوروغو وئرمیش. علی اکبر حق پژوه ایسه سوغانین ایستر باشی، ایسترسه ده دیبی اولمادیغی (هئچ کاره اولدوغو) اوچون ایران ممالیکی محروسه سینده کی میللی و مدنی آخینلاری پارازیتلره بنزتمکله بو ممالیکی محروسه ده کی فارس اولمایان میللت اؤولادلارینا توهین ائتمگه چالیشیر. بلکه ده گله جکده بو ذاتلار دا ایختیار صاحابی اولسالار، ایران ممالیکی محروسه سینده کی ایشچی طبقه سینه ساغلاملیق تدبیری آلمالی ییق دئیه فارس اولمایان میللی و مدنی فعاللاری یوخ ائتمک چاباسیندا اولاجاقلار. ویا بو یازیلار اساسیندا بو فیکیرلره صاحیب اولانلار بو کیمی جینایتلره ال وورماغا دوشونه جکلر!! ؟؟. علی اکبر حق پژوه گئنه ده یازیر:

" تحفه هايى شوم و از پيش آماده، يكى بعد از ديگرى از سوى امپرياليست ها براى خلقهاى تحت ستم جهان در سبد هايى از سرب و به رنگى از خون منجمد كه در درونش چيزى جز باروت ونفرت يافت نمى شود، ارسال مى شوند. بوى گند كهنگى اش مشامى ظريف و آگاه را مى طلبد تا از آنچه كه در آن مستتر است، آگاهى ات دهد. يكى از اين تحف شوم ناسيوناليسم كور است كه در راستاى رشد پديده ى جهانى شدن در شكل نوين خود، سرمايه دارى جهانى ما را به دريافت ان تطميع مى كند. اين سوغاتى هاى شوم آنچه كه به پاس دارندگانش كه حاملانش نيز باشند، داده وخواهد داد چيزى جز شرم و سرافكندگى تاريخى نبوده و نخواهد بود و به آنانى كه در حسرت دست يافتن به اين سبدهاى سربى هستند، نفرت و خون تلخ تازه هم نوعان اش را هبه خواهد نمود."(1).

علی اکبر حق پژوه جنابلاری نین اؤنجه کی پاساژداکی دوشونجه لرینی نظره آلدیقدا اوسته بیر بیرینه ضد ایفاده ائتدیگی مقاملار داها دا گئرچکلیکدن اوزاق گؤرونور. بورادا موألیف باسقی آلتیندا اولان خالقلارا شفقت ایفاده سی سرگیله مه گینه باخمایاراق اونلارین میللی و مدنی حاقلارا صاحیب اولماق ایسته دیکلرینی "تحفه هایی شوم، ناسیونالیسم کور" دئیه امپیریالیست عامیللری کیمی قلمه آلماغا چالیشیر. یئری گلمیشکن، سوروشولمالیدیر: شئیخ محمد خیابانی حرکتی و آذربایجان میللی حرکتی هانکی امپیریالیستلر طرفیندن اورتایا آتیلمیشدیر؟ دئمک، مسئله عمی دعواسی دئییل، زمی (ایدئولوژی خسته لیگی) دعواسیدیر. گئنه ده علی اکبر حق پژوه یازیر:

".. ناسيوناليسم كور به شدت مورد حمايت سرمايه دارى جهانى به ويژه امپرياليسم امريكا و ايادى آن است.حمايت هاى امريكا وانگليس از فعاليتهاى پان تركيستى و پان عربيستى نمونه هايى بارزهستند كه نمونه ى از آن اخيراّ در ميهنمان ايران مشاهده و به مرگ چندين انسان بى گناه انجاميد." (1)

اوسته "پان ایرانیسم" اوزره ایضاح ائتدیگیمیز کیمی "فارس شوونیستلری" اؤز میللی و مدنی سرحدلرینی آشاراق مودئرن گؤروش ایله دئسک، خیاللاریندا قوردوقلاری "ایران بزرگ" ایمپیرلارینا وارماق (چاتماق) آرزوسوندادیرلار.  ایران ممالیکی محروسه سینده کی عرب و تورک آخینلاری نین ایستکلری ایسه، دونیا بیرلشمیش دؤولتلر تشکیلاتی 1948 اینجی ایل "بشر حاقلاری" دئیه قبول ائتدیکلری مادده لره اساسلانیر (5). دئمک، ایران ممالیکی محروسه سینده کی میللی و مدنی آخینلاری "پان عربیست" و "پان ترکیست" دئیه قلمه آلان ذات عالیلر "فارس راسیستلری" و "پان ایرانیست" ماهیتینده عمل ائدرلر. بو دا اینسانیت مقوله سیندن حرکت ائدیلیرسه،  "تولکونون تانیغی (شاهیدی) قویروغودور" مسئله سینی خاطیرلاتمیش اولار.  علی اکبر حق پژوه گئنه یازیر:

".. دستگاه هاى جاسوسى وخبرى كه در خدمت امپرياليستها قرار دارد نه تنها اطلاعات كافى از تركيبات قومى و جمعيتى اين گونه جوامع را در دست دارد بلكه با شناسايى نارسايى هايى اين جوامع كه از عقب ماندگى فرهنگى توده ها و متد هاى فئوداليته اداره كنندگان آنها سرچشمه مى گيرد در بزرگ نمايى اين تحركات جهت استفاده ى ابزارى، براى شناسايى وحمايت و متشكل كردن نيرو هاى سياسى شبه روشنفكرى كه در تعصبات كور قبيله اى و قومى قرار دارند به سرمايه گذارى هاى كلانى نيز دست مى زند در صورت عدم به نتيجه رسيدن توسط آنها، به بهانه ى هاى مختلف همانند عدم رعايت نشدن حقوق اقليت هاى قومى مذهبى، عدم وجود دموكراسى، جلوگيرى از دست يابى به تكنولوژى و توليد سلاح هاى هسته اى، به تجاوز و اشغال خاك آن كشورها دست مى زند." (1)

دئمک، لای لایی باشا دوشن علی اکبر حق پژوه ذات عالیلر نه اوچون "قومی و جمعیتی" دئدیگی میللیتلرین حاقلاری نین وئریلمه سینی قلمه آلمایاراق اونلاری خاریجی گوجلره باغلاماغا چالیشیرلار. اولمایا ایران ممالیکی محروسه سینده کی میللیتلری اؤزو منسوب اولدوغو حزب و تشکیلات ایله دگیشیک سالمیش مقامدا یئر آلیرلار؟!. دئمک، میللی مسئله یه دوغرو و دوزگون یاناشماق ایسته گن ذات عالیلر بو مسئله نین وار اولدوغونون فرقیندا اولدوقلاری حالدا اونو خاریجی عامیللره نیسبت وئرمک دئییل، او مسئله نین حلل اولماسی نین گرکلی اولماسینی وورقولاماغا چالیشمالیدیرلار. آنجاق نه اوچون علی اکبر حق پژوه ذات عالیلر ایران ممالیکی محروسه سینده میللی و مدنی مسئله لرین حلل اولماسی نین قارشیسیندا داش دیغیرلادیر مقوله سی اوزره دوشونولدوکده ایکینجی یازیسیندا گؤره جه گیمیز دک منسوب اولدوغو تشکیلاتین مرکز کومیته سی و فارس ایستعمارچی تشکیلاتلاری نین داغیلما دوشونجه سی اورتایا چیخمیش اولور. دئمک، بو ذاتلار اؤز یانلیش دوشونجه لرینده دگیشیکلیک ائتمک یئرینه واقعیتلرین قارشیسی نی آلماغا چالیشیرلار. علی اکبر حق پژوه ذات عالی گئنه ده یازیر:

"... تشكيل گرد همايى ها و كميسيونهاى مختلفى همانند گردهم آيى لندن و صدور بيانيه هايى تحت نام بيانيه كنگره مليتهاى ايران و و هم آوايى احزاب سرتاسرى ايرانى همانند سازمان فداييان اكثريت، صرف انرژى هيئت سياسى ـ اجرايى سازمان در سال ٨٣ و تشكيل كميسيون خلقها و انتشار پيام به سمينار لندن در باره ى اقوام ايرانى درسياست آينده؛ نشانه هاى از تشديد نمودن و ارتقاء دادن مسا يل قومى ـ قبيله اى به يك مسئله ى بنيادى و حاد درجامعه ايران، نه تنها حاكى از شروع حركت به سوى پروسه ى افتادن اپوزيسيون در چاله ى كنده شده ى امپرياليست ها مى باشد،.... استفاده از ناسيوناليسم كور به عنوان يك آلترناتيو درمقابله با سيستم موجود درجامعه ايران نه تنها سودى براى اپوزيسيون چپ نخواهد داشت، بلكه چه بسا آنها را در معرض اتهام خيانت به كشور در اذهان عمومى ملت ايران قرار دهد."(1).

اوسته موألیف ایفاده ائتدیگی قالین بلیرلدیگیمیز مقاملاری نظره آلدیقدا ایران ممالیکی محروسه سینده دانیلماز میللی و مدنی آخینلارین داوام ائتدیگینی موألیف وورقولامیش گؤرونور. آنجاق بو آخینلاری موألیف نه اوچون گؤرمزلیکدن گلیر دئیه دوشوندوکده بیر عؤمور قوللوق ائتدیگی ایدئولوژیسی سورقو سوآل آلتینا آلینمیش اولور. بئله لیکله میللی بیلینج باخیمیندان علی اکبر حق پژوه ذات عالی ده  "ایرانیت" مقوله سینده سلفی اولان تقی ارانی نین نیهیلیست موریدلریندن ساییلمیش گؤرونور. آشاغیدا جاهان وطن اولان علی اکبر حق پژوه ذات عالی  ایرانیت مقوله سینده علی توفانی کیمی عوامفریب و راسیست اولدوغونو اورتایا قویموش اولور (6)، او یازیر:

" .. مسلم است كه نيروهاى اپوزيسيون و روشنفكران چپ بايد پافشارى و پشتيبانى خود را درمورد مسايل حقوقى از قبيل آموزش زبانهاى ايرانى (١) وحتى زبانهاى غير ايرانى را كه اينك زبان مادرى قسمتى از مردم ايران به شمار مى آيد در تمامى مقاطع تحصيلى در مدارس كشور مان در راستاى زبان فارسى به طور صريح اعلام نمايد. زيرا آموزش به زبان مادرى هر شخص يكى از ابتدايى ترين حقوق ها براى هر مردمى است. امّا با توّسل به اين خواسته مردم (آموزش زبان مادرى) پيش كشيدن و ترويج و تبليغ فدراليسم به عنوان يك روش لازمه در اداره ى جامعه اى كه به هزار دليل و هزار برهان علمى تاريخى آشكار، بافتى در هم تنيده از نقطه نظر فرهنگى، زبانى، باور ها و سنتهاى ديرنه دارد، به هيچ وجه قابل قبول نمى تواند باشد،"(1)

دئمک، کئچمیشده تقی ارانیلرین دوشونجه لرینه اساساً ایرانیت مقوله سی آغیرلیق قازانیرمیشسا، بوگون میللیتلر مسئله سی نی اؤز ماهیتیندن بوشاتماق اوچون علی اکبر حق پژوه ذات عالی نین گؤروشلرینه اساساً عرب و تورک دیللرینه ده (باخ:"حتی زبانهای غیر ایرانی") فارس دیلی نین قیراغیندا یئر وئریلمه لی، آنجاق بو ایستکلری تبلیغ ائتمک و فئدرالیسم قونوسونو ایران ممالیکی محروسه سینده بیر ایداره ائتمه سیستیمی اولاراق اؤنه سورمک بو پان ایرانیستلرین گؤروشلرینه اساساً یول وئریلمز حئساب ائدیلیر. بو مسئله ویلادیمیر ایلیچ لنین نین دینلر قارشیسیندا اورتایا آتدیغی شرطلری خاطیرلادیر. لنین دئییردی:

"حاکیمیت مسئله سی موضوع اولدوقدا دین هر کسین شخصی مسئله سیدیر. آنجاق بیز دینی اؤز تشکیلاتیمز قارشیسندا بیر شخصی مسئله حئساب ائتمیریک. ایستر حاکیمیت، ایسترسه  دین ایجماعلاری بیربیرلری ایله ایلیشگیده اومامالیدیرلار. هر کس ایسته دیگی اینانجا، ایستر دینچیلیک، ایستر دینسیزلیک بیر سوسیالیستین دینسیز اولدوغو کیمی اؤزونو تابع توتابیلر"(7)

گؤروندوگو کیمی دوشونجه و داورانیشلاری کوپی ائتمگه چالیشماق بیر چوخ زامان یانلیش موضوعلاری، دوغرو و دوزگون موضوعلارین یئرینه اوتورتموش اولار. دئمک، لنین نین دین ایله حاکیمیت رابیطه لرینی بیربیرلریندن آییرد ائتمک اوچون دوشونجه یئریتمه سینه باخمایاراق علی اکبر حق پژوه بو مسئله نی ایران ممالیکی محروسه سینده کی میللیتلر موضوعسونا داشیمیش مقاودا یئر آلمیش گؤرونور. بئله لیکله علی اکبر حق پژوه تاریخین کئچمیش دؤنگه لرینده ایلیشیب قالاراق (گئریجی اولاراق) سس سیزجه سوسیالیست اولان توپلوملاردا آتئییست لیگین رسمی اولماسی کیمی، ایران ممالیکی محروسه سینده فارس دیلی نین تحمیلی حالتدن رسمی، باشقا دیل و مدنیتلری ایسه غیر رسمی اولمالارینی اؤنه سورموش آشامایا آیاق باسمیش گؤرونور. او اؤز ششونیستلیک گؤروشلرینه برائت قازاندیرماق اوچون بو میللیتلر دیل، مدنیت و اینانجلار باخیمیندان بیربیرلرینه توخونموش اولدوقلارینی ایددعا ائدیر. بئله لیکله فارس شوونیستلری و فاشیستلری سیرالاریندا اؤزونه لاییقی یئری توتموش اولور. علی اکبر حق پژوه گئنه یازیر:

".. بزرگ نمايى تحركات پان تركيستها در قلعه بابك كه (نگارنده از نزديك شاهد آن بودم) و قلمداد نمودن آن به مثابه يك حركت سرتاسرى ملّى در آذربايجان، با ارائه ى آمارهاى غلط از شركت وسيع مردم و وانمود كردن آن كه، گويى تمامى شركت كنندگان در سال گشت بابك خرمدين به خاطر وجود ستم ملى درآنجا جمع شده اند.." (1)

اوسته کی یازیدا تورک دیل و مدنیتی علیهینه هیستری علی اکبر حق پژوه ذات عالیلرین ایفاده لرینده اؤز عکسینی تاپمیش گؤرونور. او آذربایجانلیلارین میللی و مدنی حرکتینی "پان ترکیست" ایفاده سی ایله لکه له مگه چالیشیر. بئله لیکله "پان و پانیست" مسئله لری نین ده نه اولدوغونو باشا دوشمه دیگینی آچیقجا اورتایا قویموش اولور. علی اکبر حق پژوه گئنه یازیر:

"... شمار هواداران جدايى طلبان را كه از پان تركيستهای ( بوز قورد چى. ملّى حركت پارتى سى) تركيه اى الهام مِی گيرند، مى شود از تعداد معتصبانى كه در جلو خليفه گرى ارامنهء تبريز در حمايت از تراژدى تلخ نسل كشى امپراتورى رو به زوال عثمانى و آتا تورك با تحريك احساسات مذهبى مردم انجام يافته بود به آسانى در يافت."(1)

اوسته گؤروندوگو کیمی علی اکبر حق پژوه ذات عالی بیر یاندان آذربایجان میللی حرکتینی تورکیه ده کیچیک بیر تشکیلات حالیندا اولان تورک میللی حرکت پارتیسینه نیسبت وئرمگه چالیشیر، باشقا یاندان ایسه کئچمیشده  آذربایجان شهرلرینده ارمنی جینایتکارلاری طرفیندن ائدیلمیش جینایتلره اعتیراض اولاراق تبریزده ارمنی خلیفه گرلیگی قارشیسیندا اعتیراض میتینگی کئچیرمک ایسته گنلری "متعصب" آدلاندیریر. علی اکبر حق پژوه آذربایجان میللی فعاللارینی "متعصب" ایتتیهامی ایله دامغالاماغا مشغول اولارکن یالانچی ارمنی سوی قیریمی (8) مسئله سی نی قاراباغین خوجالیدا ائرمنی جنایتکارلاری طرفیندن آذربایجان تورکلری علیهینه حیاتا کئچیردیکلری سوی قیریمی نین یئرینده اوتورتماغا چالیشیر. دئمک، تورک دیل و مدنیتینه دوشمنلیک هیستری مقامینا چاتدیقدا آذربایجان شهرلرینده ارمنی جنایتکارلاری نین تؤرتدیکلری سوی قیریم مسئله سی " حمایت از تراژدى تلخ نسل كشى امپراتورى رو به زوال عثمانى" دئیه  قلمه آلینار. بیلیندیگی کیمی ارمنیلرین ایددعا ائتدیکلری سوی قیریم 20 مارت آییندا دئییل، بوگون قوزئی آذربایجانین خوجالی شهرینده و اطرافینداکی کندلرینده ارمنی جنایتکارلاری طرفیندن آذربایجان تورکلری علیهینه یئریتدیکلری سوی قیریم (نسل کشی) گونو ساییلیر. ارمنی خلیف گرلیگی قارشیسیندا توپلانان آذربایجان میللی فعالللاری دا بوگونو عزیزله مک اوچون ارمنی خلیفه گرلیگی قارشیسیندا توپلانماغا چالیشمیلار (13). گؤروندوگو کیمی آذربایجان میللی مسئله سی سؤز قونوسو اولدوقدا پان ایرانیستلردن دوزگون دوشونجه یئریتمه آلیناراق جونون و دیوانه حالینا دوشموش اولارلار. بو جونونلوق علی اکبر حق پژوه ذات عالی نین فیکیرلرینده ده اؤز عکسینی تاپمیش گؤرونور. علی اکبر حق پژوه اؤزونو داها بیلگین گؤسترمک اوچون دیل بیلیمینه دئییل، فارس باستانگرایلیق چؤللرینده سئیر ائتمگه باشلایاراق یازیر:

 "... ١ـ ... نگارنده با تحقيقات چندين ساله ى خود در زبان هاى ايرانى باستان و زبان تركى باستان و لهجه هاى زبان معاصر تركى و فارسى صرف نموده ام زبان آذری (تركى) نيز جزو زبانهاى ايرانى مى دانم اين مورد را در مقدمه اى بر فيلولوژى زبان آذری (٢ جلدى) توضيح داده ام." (1)

بیلیندیگی کیمی ایران دیل قوروپلاری دئییلدیکده هندو ژرمن قولونا عایید اولان تحلیلی دیللر نظرده توتولار. تحلیلی دیللرده فعللر صرف اولارکن، بؤیوک دگیشیمه اوغراماق زوروندا قالار، اؤرنک اولاراق:

داشتن> دارم، داری، دارد، داریم، دارید، دارند

نوشتن> نویسم، نویسی، نویسد، نویسیم، نویسید، نویسند

گفتن> گویم، گویی، گوید، گوییم، گویید، گویند

خواستن> خواهم، خواهی، خواهد، خواهیم، خواهید، خواهند

کردن> کنم، کنی، کند، کنیم، کنید، کنند و ساییره.

فارس دیلی موختلیف زامانلاردا صرف اولونارکن دئییلن "پیشوند" و "پسوند"لر صرف اولموش فعللره آرتیریلمیش اولار، اؤرنک اولاراق:

نوشتن> می نویسم، می نویسی، می نویسد، می نویسیم، می نویسید، می نویسند

گفتن> می گویم، می گویی، می گوید، می گوییم، می گویید، می گویند.

کردن> می کنم، می کنی، می کند، می کنیم، می کنید، می کنند. و ساییره

آذربایجان تورکچه سی تورک دیل قوروپونا عایید و یاپیشقان (التصاقی) دیللر سیراسیندا یئر آلار. یاپیشقان دیللرده فعللرین کؤکو دگیشمز قالار، اؤرنک اولاراق:

آغلاماق> آغلاییم، آغلایاسان، آغلاسین، آغلایاق، آغلایاسینیز، آغلایالار.

اولماق> اولام، اولاسان، اولا، اولاق، اولاسینیز، اولالار.

باخماق> باخام، باخاسان، باخا، باخاق، باخاسینیز، باخالار.

 تورک دیللرینده فعللرین کؤکونه شکیلچیلر آرتیریلماقلا موختلیف زامانلار ایفاده اولونارلار، اؤرنک اولاراق:

آغلاماق> آغلادیم، آغلادیم، آغلادی، آغلادیق، آغلادینیز، آغلادیلار.

اولماق> اولدوم، اولدون، اولدو، اولدوق، اولدونوز، اولدولار.

باخماق> باخدیم، باخدین، باخدی، باخدیق، باخدیدینیز، باخدیلار. و ساییره

گؤروندوگو کیمی دیلچیلیک باخیمیندان علی اکبر حق پژوه ذات عالی نین بیلگی و گؤروشلری ایکیزتایی اولان منوچهر مرتضوی سیراسیندا یئر آلار. بو بیلگیلر(!!) فارس شوونیستلرینه ایجتماعیتی آلداتماق اوچون گرکلی گؤرونورموش(9). زامان کئچمه دن علی اکبر حق پژوه ذات عالی نین ایکینجی مقاله سینی گؤزدن کئچیرمگه باشلامالی اولوروق. علی اکبر حق پژوه یازیر:
"همانطورى که براى رشد و تزايد هر ميكربى محيطى آلوده لازم است، جهان سرمايه نيز؛ در پيامدى که پس از سلاخى شدن اتحاد جماهير شوروى، به يکه تاز ميدان شدن امپرياليسم امريکا انجاميده، براى كشت مصنوعى و رشد ناسيوناليسم کور، اين محيط آلوده را مناسب حال يافته است." (10)

اوسته گؤروندوگو کیمی علی اکبر حق پژوه ذات عالی آلمان نازیستلری کیمی بیولوژیک متافئرلرینی سیرالاماقلا ایران ممالیکی محروسه سینده کی میللی و مدنی آخینلاری لکه له مگه چالیشیر. او بؤیوک گوج ساییلان سؤیئتلر بیرلیگی نین داغیلماسی نی روسیه کمونیست پارتیسی نین ایشغالچیلیق سیاستینده، او ایمپئریاداکی خالقین بو نیظام و اینتیظاما اینام و اینانجی نین قالمادیغیندا دئییل، "سلاخی اتحاد شوروی" دئیه بو مسئله نی ایپیریالیستلرین بوینونا آتماغا چالیشیر. بئله لیکله سورغو و سوآل بو: روس چارلیغینی دیزه چؤکورن، ایشچی صینیفینه باشچیلیق ائدن روسیه کمونیست پارتیسی و بولشویکلر کئچمیشده برابرلیک شعاری وئرمه لرینه باخمایاراق ایش اوستونه گلدیکدن سونرا نه اوچون موستقیل اولماق ایسته گن خالقلارین یئنی قوردوقلاری جومهوریتلری قیزیل اوردو واسیطه سی ایله قان دنیزینده بوغدولار؟ ایشغالچیلیق باخیمیندان روس چارلیغی ایله روس کمونیست پارتیسی نین آراسیندا هرهانکی بیر فرق وار دیر می؟ محمد امین رسولزاده ایستانبولدان یوزئف ایستالینه یازدیغی مکتوبدا باکی نفتی نین گورجوستاندا باکیدان داها اوجوز اولدوغونو خاطیرلاتمیش. او آذربایجان تورپاقلاری نین چار حؤکومتی واسیطه سی ایله آددیم آددیم ایشغال ائدیلدیگینه ایستالین نین نظرینی چکمگه چالیشاراق آذربایجان جومهوریتینی ایشغالی قیزیل اوردو طرفیندن داها دا سورعت ایله اولدوغونو، بئله لیکله چار حؤکومتی ایله قیزیل اوردو آراسیندا چوخ بؤیوک فرق اولمادیغینی وورقولاماغا چالیشمیشدی. دئمک، سؤویئت روسیه سینی ایمپیریالیست دؤولتلر دئییل، روسیه کومونیست پارتیسی نین ایشغالچیلیق داورانیشلاری دیزه چؤکورموش. 1968 اینجی ایلی قیزیل اوردو شرق بلوکونا عایید اولان دؤولتلرین قوشونلاری ایله بیرلیکده قیسسا زاماندا چئکوسلاواکانی ایشغال ائتدی، اوخویوروق:

1968 اینجی ایلین آقوست آیی نین 21 اینده قیزیل اوردو و لهستان، اونقار (ماجار) و بولقار قوشونلاری چئکوسلاواکایا هوجوم ائده رک بیر نئچه ساعات ایچینده مملکتین اؤنملی موقعلرینی اله کئچیردیلر. بو ساواشدا 98 چئکوسلاواکای و 50 شرق بلوکوندان اولان عسکرلردونیالارینی دگیشدی. شرق آلمانیانین قوشونلاری بو ایشغالا قاتیلمادیقلارینا باخمایاراق سرحدلرینده حمله یه حاضیر وضعیته گتیریلمیشدیلر. چئک کومونیست پارتیسی بو ایشغالچیلیق سیاستینه مقاومت گؤستره بیلمه یه رک تسلیم اولدو. دؤولت رئیسی Ludvik Svoboda رادیو سو وسیله سی ایله چئکوسلاواکلاری ساکیتلیگه چاغیرارکن Dubçek و باشقا حاکیمیت عوضوولری توتولاراق موسکووایا آپاریلدیلار و باسقی آلتیندا قودرتدن کنارا قویولدولار. بو آرادا روسیه کومونیست پارتیسیندن سوروشدوقدا سیز ندن چئکوسلاواکای جومهوریتینی ایشغالا مغروض قویدونوز مسئله سینه روسیه کومونیست پارتیسی نین ایددعالاری - بیزدن چئکوسلاواکای کومونیست پارتیسی ایسته دیکلری کؤمک اساسیندا شرق بلوق عووضی اولان قارداش اؤلکه یه کؤمک ائتدیک ایددعالاری-   چئک کومونیست پارتیسی طرفیندن یالانلانمیش. ایشغالین اوولکی گونلری چئک کومونیست پارتیسی میللی توپلانتی اوچون چاغیریش وئره رک بو ایشغالچی سیاستی محکوم ائتدی و Dubçek حاکیمیتی تأیید ائدیلدی (11).  علی اکبر حق پژوه گئنه یازیر:

"... ناسيوناليسم کور طرحى است امپرياليستى، براى از بين بردن و درهم شكستن مقاومت افراد و نيروهاى متشكل جوامعى که به ايستادگى و گاهى نيز به مقابله، با اين سياست هاى غيرانسانى برمى خيزند." (10)

بورادا علی اکبر حق پژوه ذات عالی نین میلی و مدنی آخینلار علیهینه یئریتدیکلری ایتتیهام میللی مسئله نین دیرچلمه سی واسیطه ایله فارس ایستعماری تشکیلاتلاری نین تحلیله گئمک اندیشه لرینی سرگیلمیش اولور. بو فیکیر و اندیشه هئچ ده اساسسیز دئییل، کئچمیشده فارس تشکیلاتلاری نین قوروجولاری نین % 99 اونو آذربایجانلیلار اولموشلار. آنجاق زامان کئچیدی ایله فارس ایستعمارچیلاری کیلیدی پوستلاری اللرینه کئچیره رک بو تشکیلاتچیلاری و اونلارین گله جک نسیللرینی اؤز فیکیری ایسارتلری آلتیندا ساخلاماغا چالیشمیشلار. میللی مسئله نین دیرچلمه سی فیکیر باخیمیندان ایسارتده یاشایانلارین دا میللی دامارلارینا باساراق اونلاری ایسارات زینجیریندن اوزاقلاشماغا زورلایاجاق گؤرونور. بونلارا باخمایاراق بیر سیرا فارسلیق ایسارتینده اولان ایدئولوژی قوللاری فارس شییادلیغی نین ایسارتیندن آزاد اولما قابیلیتینده اولمایاجاقلار. دئمک، بونلار یالنیز فارس ایسارتینده دئییل، سئچدیگی ایدئولوژی ایسارتینده توتولموش مقامدا یئر آلیرلار. کئچمیشده بو موقعیتده اولانلار، بو گؤرونومه دؤزنلر "مضاعف ظلم آلتیندا یاشایانلار" آدلانیردیلار. علی اکبر حق پژوه گئنه یازیر:

"...شّق ديگر پيشه كردن سياست بالايش ناسيوناليسم كور كه از اهميت وافرى برخوردار است،كشانيده شدن پاى نيروهاى عدالت خواه و طيف روشن فکران جامعه به اين مسئله و مشغول داشتن آنها به پروژهء ملت سازى ميباشد، تا بدين وسيله آنها را از راه مبارزه و پيكار بنيادين شان به بيراهه كشيده و با فراغت بر آمده از اين اوضاع و احوال، به چپاول و يغماگرهاى خود بپردازند." (10)

اوسته ایشاره ائتدیگیمیز دک فارس ایستعارچیلاری و اونا قویروق اولان قوللوقچولاری نین اندیشه لری سراسری دئدیکلری فارس ایستعمار تشکیلاتلاری نین تحلیله گئتمک مسئله سیدیر. بو تحلیله گئتمه نین قارشیسی آلماق اوچون فارس ایستعمار گوجلری و اونلاین قویروقلاری میللی و مدنی آخینلاری خاریجی عامیللره باغلایا بیلمه لری اوچون باشاریلاری اولسا، یئری گؤیه و گؤیو یئره تیکمگه چالیشاجاقلار. بونلارا باخمایاراق زامان حؤکمونو وئرمیش گؤرونور. شرق بلوکون داغیلماسی بیر چوخ اینسانلارین بصیرتلرینی آچاراق اونلاری داها گئرچکلیگه اویوم ساخلاماغا، اؤز کیملیک، منلیکلرینه، دیل و مدنیتلرینه اؤنم وئرمگه زورلامیشدیر.  دئمک، فارسلیق سیستیمی نین فارس اولمایان ویلایتلری تاراییب غارات ائتمه سی نین سون گونلری یاخینلاشمیش گؤرونور. علی اکبر حق پژوه  باشاردیغی قدر "ناسیونالیسم کور" شعارینی تیکرار ائتدیکدن سونرا "دؤولت" مقوله سینه آچیقلیق گتیرمگه چالیشمیشدیر، اوخویوروق:

"دولت: براى مفهوم واژهء "دولت" در زبان هاى ايرانى باستان کلمهء خشثره (خشثره) وجود داشته كه هم به معنى نيرومندى و توانايى و هم معنى كشور و شهريار و پادشاه بوده است؛ و اولين بار در"اوستا" كتاب مقدس ايرانيان باستان و پس ازآن توسط دولت ايرانى مادها براى بيان دولت به کار برده مى شده است اين واژه بعد ها با به حكومت رسيدن اقوام ايرانى پارس در كتيبه هاى به جا مانده از پادشاهان هخامنشى كه به زبان ايرانى نوشته شده اند نيز به وفور ديده مى شود.... بازمانده و اشكال مختلف و دگرگونى شدهء خشترهء ايرانى باستانى مى باشند." (10).

اوسته گؤروندوگو کیمی علی اکبر حق پژوه ذات عالی سیاسی دئییم اولاراق کئچمیشده  "دؤلت" کلمه سی نین نه آنلاما گلدیگینی دئییل، خیالی کئچمیش "ایران باستان"دا دؤولت کلمه سی یئرینه هانکی کلمه نین ایشلنمه سی و نه آنلاما گلدیگینی ایفاده ائتمگه چالیشمیشدیر. "خشثره" کلمه سی نین اویستادا ایفاده اولما مسئله سینه گلدیکده بیلیندیگی کیمی زردوشتون باشقالاری طرفیندن پیغمبر اولما ایددعاسی 569 ایل میلاددان سونرا اورتایا چیخمیش و اویستا کیتابی نی یازی بیچیمینده تثبیت ائتمک 13 اونجو یوز ایل میلاددان سونرا باشلامیشدیر. دئمک 700 ایل اؤنجه یازیلمیش اویستا آدلی کیتاب " کتاب ایرانیان باستان" اولا بیلمز (داها آرتیق معلومات اوچون باخ: 12). گؤروندوگو کیمی علی اکبر حق پژوه، علی توفانی و ساییره لر کومونیستلیک ایددعالاریندا اولمالارینا باخمایاراق "ایرانیت" مقوله سی نین دالیندا گیزلنمگه چالیشان فارس راسیستلری و باستانگلرایلاریدیرلار.

قایناقلار:

1      علی اکبر حق پژوه: مرورى كوتاه بر ناسيوناليسم كور : پان تركيسم و پان ایرانیسم-1

http://www.shamstabriz.com/kar-nasionalism.htm

2          "پان عربیسم" یئرینه آلداتیجی اولاراق یازی نین باشلیغیندا "پان ایرانیسم" یازیلمیشدیر.

3          پان ایرانیسم: خاک و خون: آرمان ما برپایی دولتی مبتنی بر دو عنصر "خاک" و "خون"، سرتاسر ایران بزرگ است: http://khakokhoon.blogfa.com/

http://www.freitag.de/2005/43/05430702.php

4          Christian A. Braun Parasiten und Schmarotzer

http://www.shoa.de/content/view/202/41/ داها آرتیق بیلگی و معلومات اوچون باخ:

 Adolf Hitler: Mein Kampf

http://www.dhm.de/lemo/html/nazi/innenpolitik/meinkampf/

5        بیرلشمیش دؤولتلر تشکیلاتی نین عمومی ییغیناجیندا تاریخی آندلاشما: دونیا اینسان حاقلاری بیلدیرگه سی، 10 دئسامبر 1948 ترجومه علی بیگلو.

6        ایشیق سؤنمز: فارس شوونیسمی و ایستعماری نین کثیف ماهیتی!:

http://www.azadtribun.net/x527.htm

7        Wladimir Iljitsch Lenin, Uljanow: Relihgion und Sozialismus

http://www.philos-website.de/index_g.htm?autoren/lenin_g.htm~main2

8        Samul Weems kitabının özeti

http://www.azatyurt.com/samuel.htm

9        منوچهر مرتضوی: زبان دیرین آذربایجان، بنیاد محمد افشار یزدی، تهران.

10      علی اکبر حق پژوه: مروری کوتاه به ناسیونالیسم کور (۲) : ناسیونالیسم کور بدون هویت تاریخی. http://www.akhbar-rooz.com/article.jsp?essayId=2468

11    Prager Frühling: Einmarsch der Truppen der Warschauer Pakt-Staaten:

http://de.wikipedia.org/wiki/Prager_Fr%C3%BChling#Einmarsch_der_Truppen_der_Warschauer_Pakt-Staaten

12    ایشیق سؤنمز: اویستانین یازیلیشی:

http://www.shamstabriz.com/sonmaz-paniranist.htm

13        تظاهرات در مقابل خلیفه گری ارامنه  در تبریز (9 اسفند، 1384): خبرده اوخویوروق: " تعدادی از آذربایجانی ها  با تجمع در مقابل خلیفه گری ارامنه در تبریز شعارهایی علیه ارمنستان دادند. این تظاهرات که در سالروز کشتار مردم منطقه خوجالوی قره باغ جمهوری آذربایجان توسط ارامنه روی داد با شعارهایی مبنی بر نابودی ارمنستان و یا مرگ یا آذربایجان همراه بود و با دخالت نیروی انتظامی و امنیتی و پرتاب گاز اشک آور پایان یافت. گفته می شود عده ای در این ارتباط دستگیر شده اند. "http://www.amirph.com/article80.html

ایشیق سؤنمز 24.04.2006

توپلوم