روسوایلیغین ایرنجلیگی ویا فضاحتین کراهتی

ایران ممالیکی محروسه سینه فارسلیق سیاستی 1925 اینجی ایل رضا خان خاریجی عامیللر واسیطه سی ایله ایش اوستونه گلدیکدن سونرا غالیب گلسه ده،  1357 (1979) اینجی ایلین اینقلابیندان سونرا ایسلام آدی آلتیندا فارس ایستعمارچیلیغینا برائت قازاندیریلماغا چالیشیلمیدیر. ایسلام آنلاییشینا گؤره بوتون ملسمانلار قارداشدیرلار. ایران ممالیکی محروسه سی مسلمان توپلوملاردان اولوشدوغو اوچون او ممالیکی محروسه نین % 95 نینی اولوشدوران توپلوملار  توپلوملار قارداش ساییلمالیدیرلار. ائله بو اساسدا 1925 اینجی ایلدن باشلامیبش فارس راسیستلیک سیاستینه ایران ممالیکی محروسه سینده سون وئریلمه لی و موختلیف دیل و مدنیتلرین ده یازیب اوخونماسی آزاد اولمالی ایمیش.  بو دئدیکلریمیزه باخمایاراق ایران آنا یاساسی نین 15 و 19 اونجو بندلرینده فارس دیلی نین یانی سیرا باشقا دیل و مدنیتلرین ده قورونماسی و موختلیف میللیتلره حقوق برابرلیگی تانینماسینا باخمایاراق هر شئی فارسلیق تملینده اولدوغو کیمی گئنه ده  بو ممالیکی محروسه سی نین % 70 نفوذونو اولوشدوران اینسانلارین دیل و مدنیتلری عوموم یایین باسین اورقانلارینا، حاکیمیت داییره لرینه و اوخول و اونیوئرسیته لره یول تاپما اولاناغینا مالیک اولمامیشلار. بئله لیکله حاکیم اولموش فارس مفکوره سی دورمادان بو ممالیکی محروسه نین اینسانلاری نین دینی اینانجلاری ایله اویناماغا چالیشمیش و اونلاری یوبازلاشدیرمیشدیر.

بو آرادا سؤویئتلری بیرلیگی نین داغیلماسی و یئرینده موستقیل جومهوریتلرین اورتایا چیخماسی، ائله جه آذربایجان تاریخی تورپاقلاری نین بیر بؤلومو روسیه دوستاقلیغیندان آزاد اولاراق آزاد دونیایا قاویشماسی و گونئی آذربایجاندا میللی روحونون یوکسه لیشی ایسلام بایراغی آلتینا بارینمیش فارس راسیستلری نین یووالارینا سو تؤکموش مقاما چاتمیشدیر. اونلار کئچمیش ایللرده آذربایجان جومهوریتی نین %20 تورپاقلاری نین ارمنی داشناقلاری واسیطه سی ایله ایشغال اولوندوغونا و بیر میلیوندان آرتیق آذربایجان جومهوریتی مسلمان وطنداشی نین اؤز یورد و یووالاریندان سورگون دوشوب مغان چؤللری و شهرلر قیراقلاریندا پیس گونده یاشامالارینا گؤز یوماراق ایشغالچی ارمنی داشناقلارینی ساواش سورساتی، یاناجاق و قاز ایله تأمین ائتمگه و اونلاری آذربایجان جومهوریتی اراضیسی علیهینه سفربر ائتمگه چالیشمیشلار. بو مسئله نین ندنی قوزئی آذربایجانلیلاری پیس گونده یاشاداراق گونئی آذربایجاندا یوکسلمک اورزه اولان میللی روحو باسدیرماق هدف اولموشدور. آذربایجان جومهوریتی علیهینه فارس تمامیتچیلیگی و راسیستلیگی نین ساواسی بیر نئچه ساحه نی ایچرمکده دیر. بیر یاندان ائرمنیلر خیریست اولدوقلارینا باخمایاراق فارس راسیستلری نین نظرینده فارسلارا رقیب گؤرونمدیکلری و آریالی اولدوقلاری اوچون آذربایجان میللتینه اوستون توتولمالیدیرلار. باشقا یاندان آذربایجان جومهوریتی نین بؤلگه ده یوکسه لیشی گونئی آذربایجانداکی میللی روحا تکان وئره رک فارس راسیستلیگینی گئری اوتورداراق حقوقو برابرلیگینه زورلایابیلر دئیه بو مسئله فارس تمامیتچیلرینی قورخویا سالمیش دئیه دوشونمک اولار. باشقا بیر یاندان ایران ممالیکی محروسه سینده تورک عنصورو بیر میللت اولاراق آتریبوتلارینی یاشادا بیله جک اؤلچوده اورتایا چیخابیلرسه، فارس تمامیتچیلیک سیاستینه ایران ممالیکی محروسه سینده سون قویابیلر. و ساییره... بو آرادا فارس تمامیتچیلری و حاکیمیتی تضییقلرینی گونئی آذربایجان ایجتماعیتی اوزره داها دا آرتیرماغا چالیشاراق ایلک اولاراق عوامفریبلیک یولو ایله بابکی "ایرانلی (اوخو: فارس)" آدلاندیرماقلا آذربایجانین تاریخی قهرمانینی اؤزلرینه عایید ائتمه گه چالیشمیشلار. بو ایش باش توتمادیقدا سیاسیلشمیش دین خایدملرینه سیغیناراق بابکی کافیر تانیتماق اوچون فیتوا آلماغا چالیشمیشلار، اوخورویوق:

" آيت الله صافی گلپايگانی، از مراجع تقليد قم نيز رسماً فتوا داده که ترويج افکار بابک خرمدين و دفاع از مواضع او، معارضه با اسلام و باعث تضعيف هويت اسلامی جامعه است و مسئولان بايد جداً از اين گرايشها جلوگيری کنند." (1).  

بونلارا باخمایاراق زامان دا اؤز حؤکمونو وئرمیش گؤرونور. دئمک، بیر ممالیکی محروسه نین % 70 اینسانلارینی ایسلام آدینا فارسلیق زینجیرینده داها آرتیق ساخلاماق اولاناقسیز گؤرونور. یالانچی فیتوا مسئله لری ده باش توتمادیغی اوچون زامان گئدیشی ایله فارس ایستعمار گوجلری ایسلامی آدلاندیردیقلاری اورقانلاریندان خورتلاماغا و آذربایجان جومهوریتی نی "ایران شمالی" آدلاندیرماغا باشلامیشلار. بو سیاست بوگون مسئله سی دئییل، آذربایجان جومهوریتی 1918 اینجی ایل محمد امین رسولزاده باشچیلیغی ایه قورولدوغو گوندن فارس ایستعمار گوجلرینی قورخویا سالمیش بیر مسئله دیر. اونلار ایلک اولاراق آذربایجان جومهوریتینی "اران" آدلاندیرماغا، قوزئی و گونئی آذربایجانلیلار آراسیندا هئچ بیر ایلگی و ایلیشگی اولمادیغینی بیر عوامفریب اولاراق ایددعا ائتمه گه چالیشمیشلار. بو دا باش توتمادیقدا آذربایجان دؤلتچیلیگی علیهینه 01.07.2006 تاریخیندن باشلامیش آچیق پان ایرانیستلیک و فاشیستلیک حرکتینی آذربایجانین اردبیل شهرینده یایینلانمیش "ایران شمالی" قزئته سی ایله اورتایا آتمیشلار (2)، سونرا پان ایرانیست اینتئرنئت سیته لری، فارس حاکیمیت اورقانی نین قوللوقچولاری (امام جمعه آدی ایله اردبیلده سید حسن عاملی، تبریزده محسن شبستلریلر کئچمیش اینتصابی میللت وکیلی دئیه بیت الله جعفری لر و ساییره) و تبریز نیوز دئیه پان ایرانیستلرین پادوچوسو پیمان پاکمهر و تبریزده کی حاکیمیت اورقانینا باغلی اولان میثاق قزئته سی واسیطه سی ایله گونئی آذربایجان ایجتماعیتینی آذربایجان جومهوریتی و دؤولتچیلیگی علیهینه زهرله مگه باشلامیشلار. میثاق قازئتی اؤز باشلیغیندا 24 مهر 1385 تاریخینده یازیر:

"افزایش تلاشهای مردمی برای الحاق مردم ایران شمالی به ایران"(3). آدی کئچن قازئت، تهرانداکی فقیه ولایتی نین تبریزده کی نماینده سی، محسن شبستری نین دیلیندن یازیر: "در بحث الحاق جمهوری آذربایجان (ایران شمالی) باید به ایران ملحق شود. هویت ایرانی ماهرگز خدشه دار نمی شود"(3).

یئری گلمیشکن سوروشولمالیدیر: بو چابالامالار کیمین ایشیدیر، نه اوچوندور؟  بیلیندیگی کیمی ایکی مملکتین بیرلشمه سی دونیا نورمالارینا اساسن خالق سس وئرمه یولو و ایکی مملکتین مجلیس لری نین قبول ائتدیگی قانونلار اساسیندا حیاتا کئچمه لیدیر. بو مسئولیتسیزجه شانتاژ ماهیتلی مقاله باشلیقلاری کیمین واسیطه سی ایله اورتایا قویولابیلر مسئله سی هر بیر آذربایجانلی اوچون آچیق و آیدیندیر. دئمک، مسئله نین درینلیگینه گئتدیکده گونئی آذربایجان تورپاقلاری فارس ایستعماری نین حاکیمیتینده دیر. بئله لیکله، آقا دئییر: سور دره یه! نؤکر ده گره ک سورسون دره یه! ویا: آدینی قویدون نؤکر، قالما بئکار، آچ قاپیینی، اؤرت قاپیینی!

مسئله اوسته دئدیکلریمیزین ترسینه اولارسا، بیر میلیوندان آرتیق دیلداشی و دینداشی اؤز دوغما یورد یووالاریندان ائرمنی داشناقلاری الیله سورگون ائدیلدیکلرینه و بو مسئله نین اوزریندن 15 ایل کئچمه سینه باخمایاراق بوگون قوزئی آذربایجان جومهوریتی نی فارسلیق سیستیمی و فارس دیل و مدنیتی نین دوغما مالی حئساب ائتمگه چالیشانلارا نه آد قویماق اولار اوزره بیر داها دوشونمک لازیم. بو ذاتلار، نه اوز ایله آذربایجان جمهوریتینی اؤزلری نینکی دئییل، او مملکتین وطنداشلارینا باجی و قارداش دئیه بیلرلر؟ قارداش، قارداشین گؤزونو آغلار گؤرمک ایسته یر می؟ قارداش قارداشین دیدرگین اولماسینا راضیلیق وئررمی؟ گؤروندوگو کیمی بو قارداشلیق اویونو دئییل، آیی اویونودور. بونلارین بو ناشیلیق، نؤکرچیلیک و خوش خیدمتلیکلرینه پان ایرانیست آدی ایله تانینمیش فارس نئوفاشیستلری قویروقلاری ایله بادام سیندیرماغا باشلامیشلار(4). مسئله بونلا دا سونا چاتاجاق دئییل، یئنیلیکده "جمهوری اسلامی" آدینداکی قازئت قوزئی آذربایجانین بیر وطنداشینی باهانه ائده رک آذربایجان دؤولتچیلیگینی سورقو سوآلا چکه رک اونون حاکیمیت باشچیسی نی آمریکا و اسراعیل سفیری اولدوقدا و یئری گلرسه اورانی ایشغال ائتمه لرینه داییر فیکیر اولوشدورماغا چالیشمیشدیر (6). بو دا گئنه فارس نئوفاشیستلری نین کؤنلوجه اولموشدور. یئری گلمیشکن فارس نئونازیستلری اؤز سیته لرینده "جمهوری اسلامی" قازئته سی نین مقاله سینه علاوه ائتمیش شکلی ده سرگیله یک و سونرا جمهوری اسلامی قازئته یازیسی نین ایچریگی نین نه اولدوغو اوزرینده دورماغا چالیشاق:

اوسته کی شکیلده گؤروندوگو کیمی فارس نئوفاشیستلری دیل، مدنیت و اینانج (دین) باخیمیندان بوگونکو ایران ممالیکی محروسه سی نین ایچریگی (محتواسی) نی بوشالداراق زردوشت (قیزیللی دوه صاحابی ویا دوه چی) دئیه خیالی بیر آزقینین الینه بیر چماق وئرمیشلر. شکیلدن ده بللی اولدوغو کیمی فارس باستانگرایلاری و نئوفاشیستلری نین  بو خیالی موجودلاری نعوذ بالله پیامبره دئییل،  دوه چیدیر!  اصلینده زردوشت آدلی بیر موجودون تاریخده اولدوغو و نه زامان یاشادیغی اؤزلوگونده سورقو و سوآل آلتیندادیر. اویستا آدلانان کیتابی یازی بیچیمینده تثبیت ائتمک 13 اونجو یوز ایللره قاییدیر. تخمینن بو حئکایه لرین یازیلیشی 700 ایل بوندان اؤنجه یه گئری دؤنور (داها آرتیق معلومات اوچون باخ: 5، 5.1، 5.2).

 ایندیسه جمهوری اسلامی قازئتینده آذربایجان جومهورتینی "ایران شمالی" آدلاندیرما مسئله لری و او یازی نین بعضی پاساژلارینی بیرلیکده گؤزدن کئچیرمگه چالیشاق. قازئته ده کی بو یازی باش مقاله اولدوغو و قازئته نین مسئول مودورو ده "مسيح مهاجري" آدلا یازیلدیغی اوچون بو مقاله بو ذات عالی نین قلمی ایله یازیلمیش دئیه قبول ائتمه لی ییک.  بونلارا باخمایاراق اورقان تهراندا چاپ اولموش ایسلام جمهوریتی آدینی داشی ییر(6). گؤروندوگو کیمی، فارس خولیاچیلاری بو اورقانلارا دا نفوذ ائتمیشلر، یازیدا اوخویوروق:

" ايران شمالي

بسم الله الرحمن الرحيم  

بي مبالاتي هاي دولتمردان باكو شرايط را در جامعه اي كه آنها خود را حكمران آن ميدانند از افراط در مسائل ناسيوناليستي و تحريكات تجزيه طلبانه فراتر برده و به مرحله اهانت به اسلام و جسارت به پيامبر اكرم صلي الله عليه و آله و سلم رسانده است . بعضي رسانه هاي باكو تاكنون ماموريت داشتند با انتشار مقالات مصاحبه ها و گزارش هائي درباره افكار تجزيه طلبانه عليه جمهوري اسلامي ايران برگزاري كنگره بي خاصيت آذري ها در كشورهاي غربي و يا تجمعاتي از قبيل سالگرد مرگ بابك خرم دين نوكري خود را نسبت به آمريكا و رژيم صهيونيستي به اثبات برسانن."(6).

اوسته کی پاساژا دیققت ائتدیکده مؤللیف حلیم یئمک سئوینجی ایله قازانا دوشه جک گؤرونور. بیلیندیگی کیمی مسلمان توپلوملاریندا الله آدی (بسم الله الرحمن الرحیم) گره کیرسه (لازیم گؤرونورسه)، بیر موضوعنو باشلامادان و هر بیر مطلبدن اؤنجه ایفاده اولونمالیدیر. آنجاق "پان ایرنیستلر" ایران کلمه سی نی هر شئیدن اوستون توتدوقلاری اوچون "ایران شمالی" آدلاندیردیقلاری خیاللارینداکی کلمه (ایران شمالی) آلله آدینی سوللایاراق (الله آدیندان سیبقت آلاراق) اؤنه دوشه رک بو ذات عالیلر تارتان پارتان دئمک زوروندا قالمیشلار. باشقا سؤز ایله دئییلرسه، دونیا دؤلتلری آراسیندا آذربایجان جومهوریتی کیمی قبول اولموش بیر مملکت آدینی ایسلام دونو آلتیندا پان ایرانیستلرین دیلی ایله الله آدیندان اؤنجه "ایران شمالی" دئیه دیله گترمک آلمان نازیستلری نین آلمانی Deutschland über alles و فارس نئوفاشیستلری نین "ایران بالاتر از همه" شعارلارینی تیکرارلامیش اولور (7). بیر باشقا یاندان مسئله یه یاناشیلارسا و قاجار ممالیکی محروسه سی نین تاریخی اراضیلری بوگونکو فارس حاکیمیتی نین اراضیسی آدلاندیریلیرسا، بو مسئله یالنیز آذربایجان جومهوریتی دئییل، بوگونکو ارمنستان، داغستان و گورجوستان مملکتلرینی ده ایچرمه لیدیر. بونلارا باخمایاراق فارس تمامیتچیلری نین کئچمیشده کی تئوریسیئنلریندن اولان محمود افشار یزدی آذربایجان جومهوریتی اوزره یازیر:

"وحشت ما از این پیش آمد آنقدر هم خیالی نیست: ... راست است که بین اهالی "اران" یعنی نواحی گنجه و بادکوبه که بتصنع و برای سوء قصد نام آذربایجان بر خود نهاده اند. با اهالی آذربایجان این فرق کلی هست که آذربایجانیان ایرانی الاصل و آذربایجان جزو قسمت طبیعی ایران و همیشه عضو لاینفک این مملکت بوده، بعکس قفقاز در حقیقت جزو مستعمرات ما محسوب میشده است. معهذا وقتی بنابر مغلطه کاری شد خطر مسلم و جلوگیری از آن واجب است"(8).

گؤروندوگو کیمی محمود افشار یزدی 1918 اینجی ایل آذربایجان جومهوریتی آدینی ائشیدرکن قلب کیریزی کئچیرمک اوزره ایمیش. قلب کیریزی کئچیرمه سین دئیه باشقا فارس راسیستلرینه، فارس حاکیمیتینه، روسیه سفیرلیگی آدرئسینه توصیه لرده بولونموشدور، بئله لیکله آذربایجانین بیر داها روسلار طرفیندن 1920 اینجی ایل ایشغالینا فارس راسیستلیگی یاشیل سیقنال وورموشدور، اوخویوروق:

"ما در درجهء اوّل بهم قلمان محترم خود پیشنهاد میکنیم که در جرائد خود کلمهء آذربایجان را برای جمهوری بادکوبه استعمال نکنند، و ثانیاً از هیئت دولت میخواهیم که در این خصوص توجهی نموده و در روابط رسمی خود کلمهء "اران" یا بادکوبه را بجای آذربایجان استعمال نمایند. و عنوان تصمیم خود را میتوانند این مطلب قرار دهند مه چون اشتراک نام موجب اشتباه و سوء تفاهم بود تصمیم گرفته شد که به مملکت کوچک جدید همان نام حقیقی و تاریخی آن اطلاق شود، و ثالثاً از سفارت روسیه که تصور می رود بر خلاف بعضی از همسایگان دیگر برای حرفهای حسابی گوش شنوا دارد تقاضا داریم بدولت خود پیشنهاد نماید که چون لفظ آذربایجان مختص به ایالت شمالغربی ایران است و عثمانیها با سوء نیت این اسم عاریه را به جمهوری تاتار اینطرف قفقاز داده اند، بنحوی که احساسات ایرانیان وطندوست رنجیده و قلوبشان مجروح شده است باسم حقیقی آن "اران" تبدیل نمایند. چون منفعت ما معتقدیم که منفعت ایران در آن است که قفقازیه تحت حکومت روسیه باشد و بدست دولت دیگری نیفتد....بنابراین انتظار ما از دولت شوروی در اجابت باین تقاضا شدیدتر میشود و منتظریم در اسرع اوقات از نتیجه مطلوب مطلع شویم"(13).

دئمک، محمود افشار یزدی نین قلمیندن صادیر اولموش سیفاریشلره قولاق آسیلارسا فارس قایناقلارینا اساسن آذربایجان جومهوریتی فارس حاکیمیتی نین مستملکه سی ساییلیرمیش و بوگون قاجارلار، ایران ممالیکی محروسه سینده حاکیمیتده اولمادیقلاری و کؤهنه مستملکه چیلیک دؤورو سونا چاتدیغی اوچون فارس نئوفاشیستلری نین، پان ایرانیستلرین و اونلارین قویروقلاری نین آذربایجان جومهوریتی اوزره تورپاق ایددعالاری کؤکوندن اساسسیز ساییلار. دئمک، اونلار اؤزلری ایناندیقلاری "دست پیش گیر تا پس نیفتی" سیاستینی یئریتمگه چالیشیرلار. مملکت و وطنداشلیق مقوله سینه گلدیکده سایی فارسلاردان داها چوخ اولان ایران ممالیکی محروسه سینده کی آذربایجان تورکلرینه دیل و مدنیت باخیمیندان فارس حاکیمیتی هئچ نه وئرمه دیگی نین یانی سیرا اؤز آنایاساسینداکی یازیلمیش 15 و 19 اونجو بندلری ده ایسلام اینقلابیندان 27 ایل کئچمه سینه باخمایاراق ایجرا ائده جک مقامدا گؤرونمور (9)، اوسته لیک آذربایجان خالقیندان آلینان وئرگی، اونون یئر آلتی قایناقلاریندان اله گلمیش سرمایا  تاجیکستان و ائرمنیستاندا فارسلیق سیاستینه خیدمت اوچون خرجلن مگه باشلانمیش گؤرونور. محمود احمدی نژاد ایران طرفیندن 10 میلیون 500 مین دولار تمنناسیز و عوضسیز، و 20 میلیون 500 مین دولار دا گویا سونرا تاجیکیستان دؤولتی ایرانا گئری قایتاراجاق دئیه ایران شیرکتی طرفیندن تیکیلن "انزاب" تونئلینه توپلام 31 میلیون یاتیریم (سرمایا) قویولدوغونو بو تونئلین آچیلیشیندا بو پروژه نی 21 اینجی چاغین ان بؤیوک پروژه لریندن آدلاندیردیغی گلن خبرلر آراسیندادیر(10). ائرمنیستان و فارس حاکیمیتی موناسیبتلرینه گلدیکده بازتاب سیته سی نین یازدیغینا گؤره تهران حاکیمیتی ائرمنیستانا قازی 10 ایل بوندان اؤنجه کی دگرینه (قیمتینه) و نیسیه وئرمک قراری آلمیشدیر، بازتاب سیته سیندن اوخویوروق:

".. قرار است، اين خط لوله در ژانويه 2007 به بهره‌برداري برسد و ظرف مدت بيست سال، ايران 36 ميليارد مترمكعب گاز به ارمنستان صادر كند. اين قرارداد، معين كرده كه اين مقدار گاز براي توليد الكتريسيته مورد استفاده قرار بگيرد و پرداخت قيمت گاز صادراتي به ايران، از فروش نيروي برق توليدي ارمنستان به ايران تأمين شود"(11). فیلیسطین حاکیمیت باشچیسی اسماعیل هنیه 07.12.2006 تاریخینده تهرانا سفر ائتمیش و دؤرت گونلوک سفرین سونوجو اولاراق BBC یه وئریلن خبرده اوخویوروق:

"اسماعیل هنیه، نخست وزیر دولت خودگردان فلسطین گفته است که ایران 250 میلیون دلار کمک مالی به فلسطینیان می کند."(14).

آذربایجان جومهوریتینه گلدیکده تهرانین موناسیبتی کؤکوندن فرقلیدیر. آذربایجان میللتی نین بیر میلیوندان آرتیق اینسانی ائرمنی داشناقلاری طرفیندن سورگون اولموش و ایشغال اولموش شهر و کندلری نین مسجیدلری ائرمنیلر طرفیندن طویله و دونوز یاتاغی اولموش. ایسلامیتی اوزونه پرده ائدن تهران حاکیمیتی بو جینایتلری گؤرمزدن گلیر. دئمک، تهران اؤز حاکیمیتی آلتینداکی آذربایجانلیلارین دیل و مدنیتینه دوشمنجه یاناشیر، تورکچه یازیب اوخوماق مدرسه و اونیوئرسیته لرده، تورکچه چیخیش ائتمه (سخنرانی) رسمی ایداری اورقانلاردا یاساق ساییلار. بو محدودیت آذربایجان دیل و مدنیتی علیهینه تهران حاکیمیتی طرفیندن قویولماسینا باخمایاراق فارس حاکیمیتی آذربایجان جومهوریتینده فارس دیللی مدرسه لر آچماغا و او مملکتی نین ایچ ایشلرینه قاریشماغا چالیشیر. نارداران حادیثه لری بو مسئله لرین یالنیز بیر اؤرنگیدیر.

فارس حاکیمیتی آذربایجان میللتی نین علیهینه ایسلام و مسلمانلیق آدینا اولمازین دوشمنلیک ائتدیگی بیر یانا دورسون، بو آرادا آذربایجانلیلارین % 90 اینسانلاری نین اینانجلاری ساییلان ایسلامیتین ده دالیندا سنگر توتماغا باشلامیش گؤرونور. بو دا هئچ بیر آذربایجانلی اوچون قبول ائدیلمز ساییلمالیدیر. گئنه ده اوخویوروق:

" دولتمردان باكو نيز ـ همانگونه كه خود بهتر از هر كسي ميدانند ـ چيزي بيش از عروسك هاي خيمه شب بازي نيستند عروسك هائي كه آلت فعل عجوزه اي مثل كاندوليزا رايس و ضعيفه اي مانند وزير امور خارجه رژيم صهيونيستي شده اند و از خود هيچ اختياري ندارند. اين واقعيت را همه ميدانند كه حاكمان واقعي باكو سفيران آمريكا و اسرائيل هستند نه افرادي كه در كاخ هاي رياست جمهوري و نخست وزيري و وزارت خارجه اين شهر پشت ميزهائي كه برايشان گذاشته اند مي نشينند. اين افراد حتي خودشان هم ميدانند كه موجوداتي اجاره اي هستند و كسي آنها را حاكمان واقعي باكو نميداند."(6).

بو اوسته کی ایفاده لر ایچریده کیلر (گونئی آذربایجانلیلار) اوچون مصرف اولونموش گؤرونور. بیلیندیگی کیمی تهراندا آذربایجان جومهوریتی نین سفیرلیگی و تبریزده ده کونسوللوغو وار، اوسته لیک آذربایجان جومهوریتی نین بیر چوخ دونیا مملکتلرینده او جومله دن آمریکا بیرلشمیش شتاتلاری، فرانسه، اینگیلتره، روسیه و آلمان مملکتلرینده ائله جه "بیرلشمیش دؤولتلر تشکیلاتیندا" نماینده لیکلری وار و بونلار هامیسی آذربایجان جومهوریتی نین خاریجی ایشلر ناظیرلیگی طرفیندن ایداره اولونور. اوسته لیک آمریکا بیرلشمیش شتاتلاری، ایران ایسلام جهموریتی و بیر چوخ دونیا دؤولتلری نین آذربایجان جومهوریتینده سفیرلیکلری و کونسوللوقلاری وار. بو آتماجا و تاپمالار بیر یانا دورسون، مؤللیفین اوسته ایشلتدیگی "عجوزه" و "ضعیفه" عیبارتلرینه گلدیکده بو مسئله او خانیملارین مسئله سی دئییل،  یوکسک پوستلاردا اینسان توپلومونون یاریسینی اولوشدوران خانیملاری گؤره بیلمه گن ذات عالیلرین مسئله سی دیر دئیه دوشونمه لی ییک. باشقا حالدا، بیر ایداره نین ایداره اولونماسی اونون مسئولونون جینسیتیندن آسیلی اولمامالیدیر. گئنه ده اوخویوروق:

" ...  در چنين شرايطي به دولتمردان باكو توصيه مي كنيم حتما به دو نكته اساسي توجه جدي نمايند. اول آنكه در خود باكو و مناطق مختلفي كه آنها خود را حاكمان آن مي پندارند مردم از چنين رفتارهاي خائنانه اي بيزارند و منتظر فرصتي براي تسويه حساب با كساني هستند كه بجاي تكيه بر مردم به بيگانگان وابسته اند و بجاي بازگشت به دين و باور كردن هويت ملي در برابر دين و مليت ايستاده اند. دوم آنكه بسياري از مردم ايران از فروپاشي شوروي تاكنون خواهان الحاق باكو و ساير شهرها و مناطق جدا شده در دوران قاجاريه به ايران هستند و به عنوان يكي از مطالبات فراموش ناشدني همواره خواهان پس گرفتن ايران شمالي و پايان دادن به اين جدائي ظالمانه كه ناشي از تجاوز روسها و ضعف قاجاريه است مي باشند. هرقدر هرزه گوئي هاي رسانه هاي باكو بيشتر ميشود فشار مردم ايران براي الحاق ايران شمالي به پيكر ايران بزرگ و پهناور نيز بيشتر مي شود."(6).

اوسته گؤروندوگو کیمی گئنه ده "پان ایرانیستلر و فارس نئوفاشیستلری" رجز اوخوماغا باشلامیشلار. بیلیندیگی کیمی رجز ده هر یئرده اوخونماز. دئمک، گونئی آذربایجانلیلاری بیر وطنداش کیمی قبول ائدیب اونلارین میللی کیملیکلری و منلیکلرینه اؤنم وئریلمه دیگی تقدیرده پالچیغا باتانلار کیمی تهران حاکیمیتی ده بوشونا هاپ گوپ ائتمه لی اولاجاقدیر. گئنه ده اوخویوروق:

" اين واقعيت را نيز به دولتمردان باكو گوشزد مي كنيم كه جمهوري اسلامي ايران امروز به اندازه كافي قدرتمند است كه بتواند مطالبه تاريخي مردم را برآورده نمايد. ما اكنون بزرگترين قدرت منطقه هستيم كه ارباب شما آمريكا نيز از ما حساب مي برد. ما نيازي نداريم خود وارد صحنه شويم . اگر رهبران ديني ما تكليف شرعي مردم ايران شمالي را روشن كنند آنها بدون نياز به كمك ديگران به حساب شما خواهند رسيد بسم الله الرحمن الرحيم"(6).

اوسته گؤروندوگو کیمی بو ذاتلار ایسلامیتی ده اؤز راسیستلیک و تمامیتچیلیک خولیالارینا آلت ائتمگه و دویقو سؤمورمگه چالیشیرلار. عکسینه اؤز ائولرینده کی تکلیفلری دوغرو و دوزگون حلل ائتمدیکلری تقدیرده باشقالارینا دوزگون یول گؤستره بیلمزلر. او کؤهنه امثال و حکمین واقتی چوخدان سونا چاتمیش، دئییردی: "ادب از که آموختی از بی ادبان"! دئمک، ادبسیزلیگین و فاشیستلیگین نتیجه سیندن بیر شئیلر اؤیرنمک اولار. آنجاق ادبسیزلردن و فاشیستلردن یالنیز ادبسیزلیک و فاشیستلیک اؤیرنمک اولار.

بو آرادا "پان ایرانیست" سیته سی جومهوری اسلامی قازئتینده کی معلوم الحال ذات عالینی بیر داها باتلاغا دوغرو ایتله مک اوچون، "دلیه (دلی آداما) یئل وئر، الینه بئل وئر" رفتارینی تیکرار ائتمگه چالیشیر، اوخویوروق:

"اما واکنشی که ما ناسیونالیست ها نسبت به این سرمقاله روزنامه دولتی داریم چیست ؟ روشن است که ما در درجه نخست از اینکه بخشی از حاکمیت مان به این مسایل علاقه مندی نشان می دهند بسیار خرسنیدیم. ... ولی گویا این روزها دوستان اصولگرا نیز چون ما باین نتیجه رسیده اند دولتهای باکو و یا ابوظبی و ... کوچکتر از آن هستند که این جرات را داشته باشند تا ایران و تمامیت آنرا زیر سیوال ببرند.. آنگونه که از مقاله برمی آید نویسنده گرامی نیز همچون ما پان ایرانیست ها باور دارد که ایران شمالی و سایر مناطق قفقاز بخشی قلمرو ایرانزمین به شمار می رود و به این حقیقت اجتماعی آگاه است که ملت ایران هر آن آماده است تا با هر شیوه یی 17 شهر قفقاز را به مام میهن بازگردانند . این نیز نکته یی است مثبت و حایز اهمیت .ما پان ایرانیست ها بیش از نیم سده است بر این مهم پای می فشاریم و تلاش داریم تا آنرا ملکه ی ذهنی سیاستمداران و اندیشمندان و سایر اقشار ملت ایران گردانیم...  اکنون که می بینیم شمایان در حال بیداری و هشیاری هستید ضمن احساس خوشحالی،آهی سرد از نهادمان بلند می شود که: آخر الآن؟؟؟."(12).

دئمک، ایسلامیت آدینا حاکیمیت اورقانلارینا سوخولوب موص، موص، موصطفا دئمک دئییل، بیر یول فاشیست اولاراق موختلیف میللتلره آچیق ساواش آچدیقدا 80 ایلدن اؤنجه ایستعمارچی گوجلر واسیطه سی ایله اله گتیرمیش یالنیز فارس ایمپئریاسی دئییل، اؤز ساده یاشاییشلارینی دا الدن وئره جک گؤرونورلر. گؤروندوگو کیمی بو ذاتلار صدام حسینین کویته سوخولدوغوندان و کوئیت عراق تورپاغی دئیه اونو ایشغال ائتمک هوسیندن اؤیرنمیش دئییللر. مسئله بو سورعتله داوام ائدرسه، صدام حسین و بعث حاکیمیتی کیمی فارسلیق حاکیمیتی ده اؤزونه لاییق پایینی آلاجاق گؤرونور!! "پان ایرانیست" سیته سی گئنه ده یازیر:

"همین ماههای گذشته شاهد بودیم که مزدورانشان را در خیابانهای شهرهایمان بیرون ریختند وحتی اوباشانی از آن سو فرستاند تا در یک شب بخشی از اردبیل را به ویرانه تبدیل کنند... تازه پس همه ی این دلغک بازی ها در مقاله یی همه ی مقدسات مذهبی یک ملت را به سخره گرفتند و تنها خدا می داند که برای گرفتن یک مجوز برپایی ِ تظاهرات در برابر لانه جاسوسی رژیم باکو ( به معنی واقعی کلمه) جوانان آذربایجان چه مشقاتی را متحمل شدند... و اکنون بخشی از شما دوستان اصولگرا بر بخشی از آرمانهای ما صحه میگذارید !!! "(12).

اوسته گؤروندوگو کیمی تمامیتچیلیک، پان ایرانیستلیک و یئری گلرسه راسیستلیک باخیمیندان بو ذاتلار آراسیندا هئچ بیر فرق گؤرونمور. دئمک، تهران حاکیمیتی قوزئی آذربایجاندا بیر وطنداشین یازیسینی باهانا ائده رک آذربایجان حاکیمیتینه فیشار اویقولاماق و آذربایجان میللتینی تبلیغات واسیطه سی ایله قارشی قارشییا قویماق اوچون بو وسیله نی سئچمیشسه،  تهران حاکیمیتی نین بو دوارانیشلاری زامان گئدیشی ایله گونئی آذربایجان ایجتماعیتینی تهران حاکیمیتیندن داها دا اوزاقلاداجاق گؤرونور. شهریار یاخشی دئمیش:

 "کنون علی تنها مانده است حوضش چشم ما روشن،  الا تهرانیا انصاف میکن خر توئی یا من!؟"

آذربایجانلی بعضن ظولمه قاتلانیب دؤزرسه ده، تحقیره هئچ زامان دؤزمز! بو مسئله خورداد آیی نین بیری 1385 ایلینده تاریخده ثبت اولوندو.

قایناقلار:

1        بازگشت بابک خرمدين به جدلهای سياسی ايران(شنبه 01 ژوئيه 2006 - 10 تیر 1385) :

http://www.bbc.co.uk/persian/iran/story/2006/07/060701_mf_babak.shtml

      2  ایلنا خبر آگئنتلیگی: ایران شمالی:

http://www.iran-emrooz.net/index.php?/news2/more/9153/

3        میثاق: نشریه سیاسی، فرهنگی و اجتماعی شمالغرب کشور، سال دهم، شماره 222، تاریخ 24 مهر 1385، آنا باشلیق(بیرینجی صحیفه).

4   منوچهر یزدي :حزب پان ایرانیست،  الحاق ايران شمالي از زبان يك روحاني فرهيخته، نشریه حاکیمیت ملت:  http://farmane-ariya.blogfa.com

5        ایشیق سؤنمز، پان ایرانیستلرین دیل و مدنیت تحریف ائتمه مسئله لری (1)!:

http://www.shamstabriz.com/sonmaz-paniranist.htm

5.1              ایشیق سؤنمز، ایرانیستلرین دیل و مدنیت تحریف ائتمه مسئله لری (2):

http://www.shamstabriz.com/sonmaz-madaniyat.htm

5.2              ایشیق سؤنمز، فارس باستانگرایلاری نین تویوغو بیر قیچلی تانیملامالاری:

http://www.yurd.net/ARTT/2005-09-10.HTM

6        روزنامه جمهوري اسلامي 06/09/1385، دوشنبه 6 آذر شماره 7926، صفحه سرمقاله:

http://jomhourieslami.com/1385/13850906/index.html

7        پان ایرانیست، ایران برتر از همه:

http://iranbartar.blogspirit.com/archive/2006/05/01/iran1.html

8        محمد افشار یزدی، محمود افشار یزدی، آینده، جلد دوم، تهران، چاپ دوم 1351، صحیفه 562.

9        Languages Of Iran

http://www.ethnologue.com/show_country.asp?name=Iran

10  BBC، بهره برداری از تونل انزاب:

http://www.bbc.co.uk/persian/tajikistan/story/2006/07/060726_rm_tunnel_anzab_iran.shtml

11    نمايش اوج عطوفت ايران به ارمنستان: فروش گاز با قيمت ده سال پيش، بازتاب:

http://www.baztab.ir/news/33538.php

12    پان ایرانیست، فرمان آریا: نژاد آریا برتر است: نقد یک پان ایرانیست بر سرمقاله 6 آذرماه ِروزنامه جمهوری اسلامی : http://farmane-ariya.blogfa.com/

13 محمود افشار یزدی، آینده جلد دوم، چاپ دوم 1351، صحیفه 924.

14 اسماعیل هنیه، بی بی سی خبرچیلیگی: کمک 250 میلیون دلاری ایران به فلسطینیان:

http://www.bbc.net.uk/persian/iran/story/2006/12/061211_an-haniya.shtml

ایشیق سؤنمز 09.12.2006