تجزیه طلب کیمدیر؟
بیلیندیگی کیمی 1925 اینجی ایلدن باشلایاراق رضاخان اینگیلیستان ایستعمار عامیلی اولاراق فارس دیل ومدنیتی اساسیندا حاکیمیت چئوریلیشینه باش ووردوقدان و ایران ممالیکی محروسه سی اوچون مرکزی حاکیمیت یاراتدیقدان سونرا حاکیمیت اوغروندا دوشونن بوتون قووه لراؤزلزینی ساغ و سولچو تانیتمالارینا باخمایاراق ایران ممالیکی محروسه سینده کی دیل و مدنیتلری خورده فرهنگ، محلی و حاشیه ده قالمیش دئیه بو دیل مدنیتلرین صاحیبلرینه اؤز مقدراتلارینی اؤزلری معینلشدیرمه لرینه ایمکان وئرمه یه رک اونلاری موختلیف جریانلارا، خاریجی عامیللره باغلاماغا چالیشمادان دا چکینمه دیلر.
آزاد دوشونجه لی اینسان اولاراق هرکیم بؤروکونو اؤز قاباغینا قویمالی و ندن باشقا میللت اوولادلارینا وورولان ایتتیهاملارین %1 ری فارس قوروپ و تشکیلاتلارینا وورولمور دئیه فیکیرلشمه لیدیر. دئمک، نه اوچون فارس قوروپ و تشکیلاتلارینا تجزیه طلبلیک ایتتیهامی وورولمور(؟) دئیه جاواب آختارماق ایسترسک، فارس دیل و مدنیتینین حاکیم اولدوغو و باشقا میللتلره ده اؤز وارلیغینی تحمیل ائتدیگینی، دیل و مدنیت اساسیندا زامان گئدیشی ایله او توپلوملاری دا فارس ائده جک دئیه فارس قوروپ و تشکیلاتلاری نین هانکی مقامدا اولدوغونو گؤره بیله ریک.
دئمک، سؤز صحبت تجزیه طلبلیک دگیل، ازیلمیش توپلوملارین اؤز گله جکلرینی معینلشدیرمک، دیل و مدنیتلرینی قوروماقلاری بیر یاندان، باشقا دیل و مدنیتلری اؤزونده اریدیب اؤزونو بؤیوتمک چاباسی و ایران ممالیکی محروسه سینده توپلوملاری سس سیزجه دولاشان فارس شوونیستلیگینی گؤره بیله ریک.
بو باخیمدان ایران ممالیکی محروسه سینده کی عربلری باهانه ائده رک تهرانداکی فارس شوونیسم حاکیمتی، اونا اوپوزیسیون خاریجده کی قوروپلار و حاکیمیتین اؤز ایچریسینده عرب توپلومونو بیر اویونجاق وسیله سی کیمی ایفاده ائدنلرین شاهیدی اولوروق.
لوس آنجلئسده کی فارس محفیللری عربلرین اعتیراضلارینی حاکمیت داییره لرینه نیسبت وئره رک ایران ممالیکی محروسه سینده «میللیتلر مسئله سی» نین اولمادیغینی آنجاق ایسلام جومهوریسی داها آرتیق حاکیمیتده قالماق اوچون فارس شوونیستلرینین دویغوسو ایله اویناماغا چالیشدیغینی ایددعا ائدیرلر. عرب ایجماسینی دینله دیکده اونلار حاضیرکی دورومدان راضی اولمادیقلارینی، مملکتلرینین زنگین اولماسینا باخمایاراق اؤز ویلایتلرینده ایشه آلینمادیقلارینی، اونلارین یئرینه فارس، لور، تورک، کورد ایشچیسی گتیریلدیگینی اورتایا قویورلار. بونا شاهید اولاراق جومهور باشقانی محمد خاتمی نین کؤمکچیسی محمد علی ابطحی جنابلاری ایمضاسی ایله نجفی حضرتلرینه آدرسله دیگی مکتوبو و اورادا گله جک 10 ایلین ایچینده عرب نوفوسونو 3دن 1 مقامینا دوشورمک ایسته دیکلرینی بلگه له میش اولورلار(1).
بو آرادا ایستر محافظه کار و ایسترسه ده ایصلاحات مئاب کسیم بو مکتوبو یالانلاماغا چالیشمالارینا باخمایاراق بو ایشده بیر بیرلرینی گوناهلاندیرماغا چالیشیرلار. ایندی ایسه ایصلاحات مئاب کسیمین، جبهه مشارکت ایران ایسلامی آدلانان فارس تشکیلاتینین باشچیسی محمدرضا خاتمی جنابلاریندان ائشیدیریک:
"...محمدرضا خاتمي در گفت‌وگو با روزنامه «دارالخليج» مخالفان اصلاحات را به نوشتن و پخش نامه جعلي در اهواز متهم كرد. به گزارش ايسنا، محمدرضا خاتمي، دبيركل جبهه مشاركت ايران اسلامي در گفت‌وگو با اين روزنامه اماراتي، بيان داشت: نامه‌اي كه در اهواز منتشر شده و درگيري‌هايي را در بين قبايل عرب و پليس ايران ايجاد كرده، نامه‌اي جعلي است كه در راستاي تخريب وجهه محمد خاتمي و جبهه اصلاح‌طلبان منتشر شده است.وي افزود: به نظر من كار نوشتن و توزيع اين نامه از سوي مخالفان اصلاحات انجام شده است؛ چرا كه آنها مطمئن هستند كه محبوبيت دكتر مصطفي معين، نامزد جناح اصلاح‌طلبان در اين منطقه بسيار زياد است. همچنين آنها مي‌دانند كه منطقه خوزستان در دوره‌هاي گذشته به آقاي خاتمي راي داده‌اند پس چگونه اين امر امكان پذير است كه آقاي خاتمي با طرفدارانش به اين شيوه رفتار كند؟"(2)
اوسته کی مقاملارا باخدیقدا »منه اینامیرسینیزسا، دونیادا آزادلیق سئون اولون (امام حسین)« عیبارتی اینسان اوغلونون گؤز اؤنونده سرگیلنمیش اولور. دئمک، رسمی مکتوبو رسمی داییره لرین یازماسی نه اوچون دانیلیر؟ محافظه کار و ایصلاحات مئاب کسیم بیر بیرلرینی میداندان چیخارماق اوچون وار یوخو سؤمورولموش عرب میللتینین قانینی نه اوچون اهواز، آبادان، خرمشهر کوچه لرینده آخیتماغا جهد گؤسته ریر؟ دئمک، جبهه مشارکت ایران ایسلامی آدی باشلیغی آلتینداکی فارس تشکیلاتی اوزره هانکی ایصلاحات جیبهه سیندن سؤز صحبت گئده بیلر (کلیبر اهالیسینی محمد خاتمی جنابلاری آرییالیلارا بنزتدیگی گونون موعضوسودور مو)؟
8 ایل ایصلاحاتچیلیق آدینا 26 ایل اؤنجه قبول ائتدیکلری ایران آنا یاساسینداکی 15 و 19 اونجو بندلرین ایجرا ائدیلمه دیگینه ایفتخار ائدیرلرمی یوخسا مصطفی معین تبریز اونیوئرسیته سینده پان ایرانیست ایتتیهامی ایله هایا توتولدوغو و گولونج بیر دورومدا اورانی ترک ائده رک آذربایجانلی سید مصطفی تاج زاده نی اؤزونه آیاق آلتی آچماق اوچون تبریزه گؤندردیکلری منظور اولموش؟ گئنه ده محمد رضا خاتمی آدینا اوخویوروق:
"...وي گفت: علت اين مساله هم اينست كه ما در برنامه‌هاي اصلاح طلبانه خود صادق هستيم و معتقديم كه بايد براي تحقق شعار وحدت و همبستگي، وزرا بايد از همه قوميتها انتخاب شوند"(2).
بورادا عوامفریبلیک داها حددینی کئچمیش گؤرونور.
دئمک، سیاسی حاکیمیت دئدیکده شخص دگیل، اعمال اولان سیاست نظرده توتولمالیدیر. ایران ممالیکی محروسه سینده ایددعا ائتدیکلری ایسلام دینی حاکیم اولماسینا و سیاسی ایسلام دینینین رهبری تورک آیت الله سید علی خامنه ای حضرتلری اولدوغو حالدا دیل و مدنیت باخیمیندان آذربایجانلیلارا هانکی گوللری سویا وئرمیش، هانکی میللی توهینلرین قاباغی آلینمیش، تورک دیلینده هانکی دیل قوروملاری، مکتبلر، هانکی اونیوئرسیته لر آچیلمیش؟
دئمک، بیرگه (همبسته) اولماق آسیلی (وابسته) اولماق دگیل. تهراندا یئریدیلن سیاست میللتری بیر بیری ایله بیرگه اولماق دگیل، فارسلارا آسیلی ائتمک و زامان ایله فارسلاشدیرماق آماجی داشی ییر. بو باخیمدان ایران ممالیکی محروسه سینده کی میللتلرین بیر آرادا اولماسی بیر چوخلارینین خیال ائتدیکلری بیرلیک دگیل، آسیلی دورومدا قالماقدیر بورا دا سازمان فداییان خلق فارس( اکثریت) ده نظرده توتولور باخ: "موضوع تفاوت‌های ملی بين مليت‌های ايرانی در عين‌حال عميقاً درهم‌تنيده و هم‌تاريخ را به سطح تفاوت‌های فرهنگی تنزل می دهند "(3)
دئمک، بورادا سازمان فداییان اکثریت میللی مسئله نی یالنیز بیر فرهنگ ساحه سینه دوشوره رک بو تشکیلاتدا فارس اولمایان دوستاقلارا (تورک، تورکمن، کورد، لور، عرب، بلوچ و ساییره) بیر میللتین (اوخو: فارس) تشکیلاتی ییک، آتا آنامیز موختلیف دیللرده دانیشدیقلارینا باخمایاراق بیز ایران دئومکراتلاری اولاراق دئموکراسینی و ایشچی صینیفینی خوشبخت ائتمک اوچون رضا میرپنجین سلاح گوجو ایله رسمی ائتدیگی ایجباری دیلی اویقار (مدنی) توپلوموق دئیه رسمیتده ساخلامالیییق!! دئمک،بو دا فارس عوامفریب، دئموکرات مئاب تشکیلاتلاریندان بیرینین موزی یانه گؤروشلریدیر. دئمک، تجزیه طلب کیم؟ فارس اولمایان دیل و مدنیتلرمحللی!. ایراندا حاکیمیت دیلی فارسجا! سراسری تشکیلاتلار دئیه فارس تشکیلاتلاری!! باخ: " ۳-۳)ما مدافع تحقق پروژه فدراليسم در ايران هستيم و در همين رابطه هم ناقد ديدگاههای تقليل گرايانه از مفهوم فدراليسم (توزيع قدرت در سطح استانها و شهرها و در نظر نگرفتن ويژگی تعيين کننده ملی برخی مناطق کشور) و هم منتقد آراء تفکيک گرايانه ناسيوناليستی از آن ( تحت پوشش فدراليسم، تفکيک مصنوعی و ماجراجويانه هم پيوندی های تاريخاً شکل گرفته در ايران) هستيم.
۳-۵) ما از ضرورت موجوديت احزاب سراسری برای کل ايران دفاع کرده و بر اين واقعيت که احزاب دموکراتيک سراسری باورمند به حل مسئله ملی در ايران، مؤثرترين ابزار برای تأمين تفاهم عمومی در گذار به موقعيت دموکراسی مبتنی بر برابری حقوق ملی در کشور اند، تاکيد داريم"(5).
اوسته کی نظر خاریجده اؤزونو تورشویا یاتیراراق گؤزلمکده اولسون، گؤرک فارس شوونیسمینین حاکیمیتده کی محافظه کار کسیمی عربلرین عوصیانیندان نئجه فایدالانماغا چالیشیر، اوخویوروق:
"..دبيركل حزب موتلفه اسلامي، گفت: خوزستان دژ محكم صيانت از انقلاب و اسلام است. دشمنان اسلام نمیتوانند توطئههای شوم خود را در آنجا عملياتی كنند. حبيبی در گفت‌وگو با خبرنگاران، در پاسخ به سوالی در مورد حوادث اهواز، گفت: از حوادث اهواز ميتوانستند با يك تدبير عقلايی جلوگيری كنند، متأسفانه مقامات سياسی استان در انجام وظايف قانونی خود توانايی لازم را به كار نگرفتهاند"(4).
یئری گلمیشکن سوروشولمالیدیر: خوزیستانین یئر آلتی قایناقلاری اینقلاب و ایسلامیتین صیانت قلعه سیدیر می، یوخسا ایران ممالیکی محروسه سینده حاکیم اولان فارس سیستیمی نین دامارلاریندا دولاشان قاندیر می؟ دئمک،عربلرین یئر آلتی قایناقلارینی ایستعمار ائتمک یاخشسیدیرسا، عربلره بیر اینسان گؤزو ایله باخیلمالی، اونلاری »عرب زبان« دگیل، عرب میللتی کیمی قبول ائتمه لی و دونیا چاپیندا میللتلره آراسیندا تانینمیش مقاوله لر اساسیندا اونلار ایله معامیله ائدیلمه لیدیر. بو توپلومو آنلاماز حئساب ائدرک گوناهی بیر بیرلرینین بوینونا آتماق سیاستمدارلیق دگیل، عوامفریبلیک و کذذابلیقدیر. گئنه ده اوخویوروق:
"وی خطاب به برخی احزاب كه با تكيه بر مساله قوميتها ميخواهند برای خود كيسهای بدوزند، گفت: مصالح ملی و امنيت كشور شوخيبردار نيست، نبايد به امر قوميتها از زاويهای نگاه كرد كه به ويژه آمريكا می نگرد. وی تصريح كرد: امسال سال همبستگی ملی است، حادثه اهواز نشان داد، دشمن بيكار نيست و شعارها و اهداف ملت را هدف قرار داده است. هوشمندی سياسی و بيداری ملی توطئههای دشمنان را نقش بر آب خواهد ساخت، ولی اين دليلی بر عدم برخورد دستگاههای قضايی و امنيتی با عوامل تحريك كننده و ضد همبستگی نميشود"(4).
اوسته گؤروندوگو کیمی فارس شوونیستلرینین گؤزلوگونده خوزیستان اینقلاب و ایسلامیتین صیانتی دگیل، فارس ایقتیصادیاتینین قان داماریدیر. دئمک، میللی و مدنی مسئله لری حلل ائتمه دن »همبستگی ملی« (میللی بیرلیک) دگیل، زور آلتیندا آسیلی قالماق گونون موعضوسو اولا بیلر. بو گلدیگیمیز قناعتی نظره آلاراق عربلر علیهینه یازدیقلاری قرارنامه مسئله سینده دوشمن (دشمن بیکار نیست) دئدیکلری تهرانداکی فارس شوونیست حاکیمیتی نظره آلینمالیدیر. گؤروندوگو کیمی عربلری پخمه حئساب ائتدیکلری اوچون رجز اوخومانی سوسماغا داها اوستون حئساب ائدیرلر. گئنه ده اوخویوروق:
"..اعتراض مولاهويزه به اتفاقات اخير در اين استان و پخش نامه جعلی در اين استان بود. وی همچنين گفت: شورای نگهبان اگر نامزدهای جبهه مشاركت را در انتخابات رياست جمهوری تائيد كند، گناه نابخشودنی را مرتكب شده است، به همان اندازه كه معين و جبهه مشاركت در دوران تصدی وزارت علوم دچار اشتباهات فاحشی گرديدند، كروبی در كنترل و مهار آن آشوب ها ناتوان بود" (4).
بورادا محمد رضا خاتمی نین و ملاهویزه نین ایددعالارینی قارشیلاشدیردیقدا گله جک جومهور سئچیمی اوغروندا گئدن مباریزه نین شاهیدی اولوروق و محمدعلی ابطحی یازدیغی مکتوبو دا محافظه کار کسیم کئچمیشده بیر حاکیمیت سیرری کیمی آچیقلاماق ایستمه دیکلرینه باخمایاراق بوگون قارشی طرفی ایجتماعیت گؤزوندن سالماق اوچون آرشیودن چیخاراراق ایجتماعیته تقدیم ائتمیش گؤرونور. بئله لیکله ایسلام آدینا حاکیمیت ائدن عوامفریب محافظه کار و ایصلاحات مئابلارین پتی لری سو اوزونه تؤکولموش اولور. بیلیندیگی کیمی اورمی گؤلونون آدلارینی دا محافظه کار کسیمه باغلی اولان محسن رضایی حضرتلرینه عایید اولان بازتاب سیته سی اوول ایجتماعیته بیلدیردی. ایصلاحات مئاب کسیم اعتراض ائتدیکده محافظه کار کسیم اللرینده کی مدرکی ایجتماعییتین ایختییارینا قویدو. بئله لیکله ایسلام آدینا شییادلیق ائدن هر ایکی طرفین ماهیتی بیر چوخ متوهم و اینسانلارا آچیقلانمیش اولدو. گئنه ده اوخویوروق:
" ... نظام مولاهويزه در جمع خبرنگاران پارلمانی با بيان اين مطلب كه "مديريت ضعيف حزب مشاركت كه از بركات مجلس ششم در استان خوزستان قوت گرفت، موجب شد اختلافات ديرينه و بيهودهای پا بگيرد و خاطرات تلخ سال پنجاه و هفت دوباره در اذهان زنده شود"، اظهار داشت: تصاحب پستهای كليدی و حساس و عدم نظارت قوی بر روند امور و تهييج احساسات پاك جوانان در راستای خواسته های خود، موجب اتفاقات ناگوار اين چند روز در خوزستان گرديد"(4).
دئمک، کئچمیشده کی دیل و مدنیت باخیمیندان نسبی یوموشانما نتیجه سینده ایران ممالیکی محروسه سینده کی میللتلرین ایستکلرینه جاواب وئرمکده عاجیز قالان فارس شوونیست حاکیمیت داییره لری اؤز آرالاریندا قیزیل ساتانلار آراسیندا »جنگ زرگری« متودوندان فایدالاناراق زامان زامان بیر بیرینه موخالیف پوزو توتاراق فارس دیل و مدنیتی اساسیندا حاکیمیتده قالماق ایسته ییرلر.
منبع:
1 سید محمد علی ابطحی، رياست محترم سازمان برنامه و بودجه کشور جناب آقای دکتر نجفی: http://www.alahwaz.com/1362.htm
2 رضا خاتمي: هدف از نامه اهواز، تخريب وجهه اصلاح‌طلبان بود: http://www.baztab.com/news/23441.php
3 http://www.iran-chabar.de/1384/01/30/002.htm
4 http://www.iran-chabar.de/1384/01/30/009.htm
5 http://www.iran-chabar.de/1383/11/01/aksariyat831101.htm
ایشیق سؤنمز، 20.04.2005