اجتماعی و سیاسی ایشلرده بویونا گؤتوردوگوموز یوکوملولوک (مسئولیت) دوشونجه میز اساسیندا اولمالیدیر!

"انجمن قلم آذربایجان جنوبی در تبعید" آدلی محفلین قورولوشو هر بیر آذربایجانلی نی سئویندیردیگی کیمی منی ده سئویندیرمک اوزره ایدی. آنجاق بو محفلین قوروجولاری لازیملی ایشلری گؤردوکدن سونرا خوش نیتلی اولاراق منی ده اؤزلری ایله سفربر ائتمک ایسترکن هانکی اساسدا بو محفلین قورولماسی اوزره دوشونجه آلیش وئریشینده بولوندوق. بو محفلین گؤروشو ایله قلم صاحابی نین گؤروشلری اؤرتوشمدیگی اوچون گونئی آذربایجان اجتماعیتی نی ده گؤروش آیریلیغی اوزره بیلگیلندیرمگه چالیشمیشدیق[1]. اوسته لیک شخص علیرضا اصغرزاده جنابلارینا دا ایمئیل گؤنده رک دوشونجه و فیکیر آیریلیغیمی دا بو ذات ایله بؤلوشدوم. یئری گلمیشکن علیرضا اصغرزاده جنابلارینا یازدیغیم مکتوب:

" 2011/6/3 Isiq Sonmaz <isiqs@yahoo.de:

سايقيلي علیرضا اصغرزاده بئی،

 
بيلديگينيز کيمي گونئي آذرربايجان يازيجيلار جميعتي قورولماق اوزره دير. بو اؤزلوگونده سئوينديريجيدير. کئجميشده من ایله ده بو دوغرولتودا مشورت ائدیلدی. من آذربايجان ديلي نين اساس گؤتورولمه سيني اؤنه چکديم. دونن ده اوگؤروشلری آد وئريلمه دن اجتماعيته بيلديرديم. سيزين ده آدینيزي او ليسته ده گؤردوم. سيزلره اوغورلار آرزو ائده رک سيزين ده دقتنيزي بو مسئله گه چکمک ایسته رم:

http://www.isiqsonmaz.com/seite279.htm

سایقیلارلا ایشیق سؤنمز".

علیرضا اصغرزاده بگ ده خوش نیتلی اولاراق آشاغیداکی جاوابی یازمیش:

"VON: alireza asgharzadeh  

AN: Isiq Sonmaz

8:11 Sonntag, 5.Juni 2011

چوخ تشکور، حرمتلی ایشیق بئی،

اومید کی سیزی ده جمعیتین بیر عضوو کیمی یاخین گلجکده گؤره بیلک.

سایقیلار و سالاملارلا، علیرضا".

اصغرزاده بگ، قورتولوش ژورنالی نین مسئولو اولارکن ده یازی گؤندریلدیکده چاپ ائتمکدن بویون قاچیرمامیش. بو آشامایا دک علیرضا اصغرزاده ایله منیم آرامدا اولان ایلگی و ایلیشکی قایداسینجا اولموش. آنجاق سورگونده کی گونئی آذربایجان شاعیرلری، یازیچیلاری، ژورنالیستلری و تنقیدچیلری آدینا جمعیتی نین قورولوشو مسئله سینده گؤروش آیریلیغی اورتایا چیخمیش. اجتماعی و سیاسی مسئله لر اوزره گؤروش آیریلیغی نین فرقلی اولدوغو طبیعی قلمه آلینمالیدیر. گؤروش آیریلیغینی دا بیربیرلریمیزی گوناهلاندیرماقلا دئییل، دوشونجه و فیکیرلردن یولا چیخاراق آذربایجان اجتماعیتینه آچیقلیق گتیرمه لی ییک. آذربایجان سیته لرینده یاییلمیش یازیلارا اساسن اوسته آدی چکیلن محفل اوزره بو قلم صاحابی نین تنقیدی یازیلاری اولموش. بو یازیلار دا آدی چکیلن محفلین سوروملولاری طرفیندن سونولموش دوشونجه و فیکیرلر اوزره یازیلی اولاراق حیاتا کئمیش ساییلار[2]. بونلارا باخمایاراق پالتاق اوتاغیندا، جمعه گونو30.09.2011 تاریخینده  "قلم انجمن ینین قورولوشو و ملی‌ شعور"  آدلی سایقین علیرضا اصغرزاده نین چیخیشلاری اولموش. بو چیخیشدا اصغرزاده بگ تنقیده تنقید گؤزو ایله یاناشماق یئرینه بیر سیرا مدنی تهمت و ایتتیهاملار ایله خفیه اورقانلاری دک سس بوغماغا چالیشمیش. سایقیلی علیرضا بگین چیخیشی ایله ده آذربایجان اجتماعیتینی تانیش ائتمک ایستردیک[3]. سایقین اصغرزاده نین فارس ایستعمارچیلیغی علیهینه توتدوغو موضعدن و گوناز تئلویزیونوندا ائتدیگی چیخیشلاردان دا بلللی اولدوغو کیمی بو ذاتین گؤروشلری آدی چکیلن محفلین گؤروشلری ایله اوست اوسته دوشمدیگی اوچون ایستر ائتدیگی چیخیشیندا و ایسترسه ده بو قورومدا آلدیغی مسئولیت بو ذات اقدسه مبارک ساییلاجاق بیر گئییم و یاناشما ساییلماز. دئمک، اصغرزاده جنابلاری ایچ ایستعماردان سؤز و صؤحبت آچدیغینا باخمایاراق بو قورومون بیرینجی یاییلمیش بیانیه سینده فارس ایستعمارچیلیغی یئرینه دیکتاتورلوق مسئله لری قاباردیلمیش ساییلار:

"ایران کشوری است کثیرالملّه با زبان‌ها و فرهنگ‌های مختلف، اما فضای فشار و اختناق حاکم در دوران سلسله پهلوی‌ و به دنبال آن، جمهوری اسلامی، از دیدگاه سازمان‌های حقوق بشر، به‌ویژه انجمن قلم جهانی حقیقتی کتمان ناپذیر بوده است"[4].

اوسته کی ایفاده لر آذربایجان اجتماعیتینه یؤنلمیش دئییل، اوسته آدی چکیلمیش تشکیلاتلارا بیر مراجعتنامه کیمی قلمه آلینمالیدیر. بو دا تنقید ائتدیگیمیز "شیعه لیگین تقیه کولتورو" ایله ایضاح ائدیلمه لی ایمیش. بو یاناشما او اساسدا تحلیل ائدیلمیش[5]. بو جمعتین ایکینجی بیانیه سینده آذربایجان اجتماعیتینه یؤنه له رک خالا خاطیرین اوزولمه سین دئیه "دیل ایستعمارچیلیغی" اینگار و مینگار ایله قلمه آلینمیش، اوخویوروق:

" "..... در طول هشتاد و اندی سال، غیر از استعمار زبانی و هژمونی فرهنگی، ارمغان دیگری برای کودک آذربایجانی نیاورده‌اند. انگار وجود آذربایجان را با استعمار و استثمار سرشته‌اند و تاریخ مدرنش را با نژادپرستی و یغمای فرهنگی همزاد کرده‌اند". در مقابل چنین سرنوشت مظلومانه‌ای، چه شگفت‌انگیز است دیدن جوانان، زنان و مردان غیوری که در ماه‌ها، هفته‌ها، و روزهای اخیر بر علیه متجاوزان به طبیعت، به محیط زیست و به فرهنگ آذربایجان دست به مبارزه و مقاومتی جانانه زده‌اند"[6].

دئمک، فارس ایستعمارچیلیغی نین فرقینا وارمیش اصغرزاده جنابلاری نه اوچون بشر حاقلاری تشکیلاتی و دونیا انجمنی قلمینه "انجمن قلم آذربایجان جنوبی در تبعید" دئیه اوز توتارکن فارس ایستعمارچیلیق مقوله سی نین قئید ائدیلمدیگینه بیگانه یاناشدیغینا باخمایاراق بو محفله حاکیم اولموش گؤروشلر تنقید آتیشینا توتولارکن تنقیدلره تنقید اساسلی دئییل، تهمت ایله یاناشماغا چالیشمیش[7]. مسئله بئله اولدوقدا سایقین علیرضا اصغرزاده جنابلاریندان سوروشمالی ییق: - هر هانکی بیر مسئولیت و یوکوملولوک اینانج داییره سینی آشدیقدا انسان دوشونجه و فیکیر باخیمیندان کؤله دورومونا دوشمز می؟

سون اولاراق بونو دا بیلدیرمه لی ییک: اضغرزاده بگین پالتاک اوتاغیندا وعده وئردیگی بو محفل اوچون آذربایچان تورکچه سی نین اساس گؤتوروله جگی بیزلری ده سئویره جکدیر.