فارس ایستعمارینا دایالی دوشونجه لر-5

 

 

مزدک بامدادان حضرتلری باستانگرایلیقدا ایشیلیب قالدیغی اوچون هر نه وارسا، کئچمیشه نیسبت وئرمه گه چالیشیر، اوخویوروق:

"از آنجا كه بررسی همه آنچه كه انديشمندان ايرانی پس از اسلام از آموزه‌های ايرانيان باستان آموخته بودند، بحثی بسيار گسترده و پيچيده (و بيرون از توان و دانش من) است، در اينجا به نگاهی كوتاه به نوشته‌های سهروردی بسنده می‌‌‌كنم. نخست بايد گفت كه پيش از برافتادن ساسانيان نيز كوشش‌هائی در راه پالودن انديشه‌های زرتشتی از آميخته‌های ناروای موبدان درباری انجام گرفته بود كه شناخته شده‌ترين آنها جنبش درست دينان به رهبری مزدك پسر بامداد است. درست دينان همانگونه كه از نامشان پيداست بدنبال درستی و راستی آغازين انديشه‌های زرتشت بودند. مزدك با شعار «زن و خواسته برای همگان» و باور بر اين سخن كه «اهورامزدا بندگان خود را هم مرد و هم زن آفريده و ايندو در پيشگاه او با هم برابرند» دگرگونی بزرگی در ايران آنروز پديد آورد. گفتنی است كه موبدان درباری آنروزگار نيز مانند نوادگانشان در ايران امروزمان، ملايان، برای سركوب انديشمندان پيشرو زمان خود چيزی جز اتهام "اباحه‌گری" يا بی‌بندوباری جنسی و از ميان بردن آئين‌های زناشوئی در چنته نداشتند"(1).

اوسته گؤروندوگو کیمی مؤلیف تاخما آدینی دا او باستانگرایچیلیق مقوله سیندن آلمیش گؤرونور. بونا باخمایاراق کئمیش مقاله سینده کی غواصلیق ایفاده لرینی بو  یازیسیندا گئری آلاراق اؤزو ده آرتیق بیلیم و یئته نک صاحیب اولمادیغینی اقرار ائتمیش گؤرونور(2). آنجاق مؤبدلر ایله بوگونکو ایران ممالیکی محروسه سینده کی روحانیت آراسیندا اویقونلوقلار گؤسترمه گه چالیشارکن مغلطه و سفسطه مقوله سینه یول وئریر. دئمک، زرتشتلیک مؤبدلرین جینسیت باخیمدان حرام و حلال تانیماماقلاری و ائولنیب و اره گئتمک مقوله سینی آیاق آلتینا آتماقلاری و بو باخیمیندان مزدک بامدادان حضرتلری اونلار ایله بوگونکو ایران ایسلام جومهوریتی  مسئوللاری آراسیندا اویقونلوق یاراتماغا چالیشماغی واقعیتدن اوزاق گؤرونور. گئنه ده اوخویوروق:

"آنچه كه امروزه بنام "تمدن اسلامی" شناخته شده است، نه از اسلام، كه نتيجه واكاوی انديشه و فرهنگ ايران پيش از اسلام بوده است. اسلام اگر به خودی خود توانائی فرهنگ سازی و پديدآوردن شهرآئينی را داشت، بی‌گمان تأثير خود را نخست بر خاستگاه خود و بر مردمانی می‌گذاشت كه پيامبرش از ميان آنان برانگيخته شده بود و زبان كتاب آسمانيش را هم آنان از همه بهتر درمی‌یافتند. و چنين بود كه تمدنی كه امروزه آنرا "اسلامی" می‌نامند، نه در سرزمين حجاز، كه در باختر (شمال آفريقا و مغرب) و خاور آن (ايران) و بر بستر و بر سر خوان گسترده تمدن‌های كهن و فرهنگهای پربار گذشته پديد آمد"(1).

اوسته گؤروندوگو کیمی باستانگرایلیق مقوله سی مزدک بامدادان حضرتلری نی نیفله اولموش دوروما گتیریب چیخارمیشدیر. دئمک، اونون ایددعاسی نین عکسینه ایسلامیتین ایلک ایللرده پارلاماسی اؤزونو ایرانیت مقوله سینده دگیل، یونان دیلیندن ترجومه اولموش کتابلار واسیطه سی ایله یونان مدنیتینده آختاریلمالیدیر. زامان گئدیشی ایله ایسلام مدنیتینین ایران، مصرو سوریه مملکتلرینده گلیشمه سینه گلدیکده بیلیندیگی کیمی عربلر ایسلام دینینه گئت ده ایران، سوریه و مصر ولایتلرینی مسلمان ائت دئمه میشلر، اونلار اؤز عقیده لرینی قیلینجلاری ایله بو مملکتلره داشییاراق بو مملکتلرده یوزلر ایل حکومت ائتمیشلر. زامان گئدیشی ایله بو مملکتلرده یئرلشرک ایسلام دینی نی و مدنیتینی بو مملکتلرده یایماغا چالیشاراق بو مملکتلرین گلیشمه سینده اورتاق اولموشلار. دئمک، ایسلام گلدیکدن سونرا عراقداکی(کربلا، نجف، کاظمین، سامره و ساییره) ،  سوریه ده کی، ایران ممالیکی محروسه سیندکی (مشهد، قم، ایصفهان، و ساییره ) مدنیتلر زرتشت دین و آئینی اساسیندا اولان مدنیت دگیل، ایسلامیت و اینسانلارین ایسلام اینانجی اساسیندا وجودا گلمیش مدنیتلردیر. قرآن کتابینین دیلینه گلدیکده گئنه عربلر باشقا توپلوملاردان داها آرتیق قرآنداکی دئیلنلری باشا دوشوردولر. بوگون عرب میللتلرینین بیر ادبیات دیله صاحیب اولمالاری ایرانیت و زرتشتلیک مقوله سینه اساسلانمیش دگیل، بو عمل اونلارین قرآن دیلینی اساس گؤتوردوکلرینه اساسلانیر. بیلیندیگی کیمی ادبیات آنلاشیلماز دیلده دگیل، اینسان و توپلومون باشا دوشدوگو دیلده یارانا بیلر. گئنه ده اوخویوروق:

" ... حال شايسته است بی‌آنكه به دامان اسلام‌ستيزی مبتذل بيفتيم، پيآمدهای آمدن اسلام به ايران را بر كيستی ملی خود نيز واكاويم. نخست بايدمان گفت كه اين پرسش آزاردهنده: «كيستی ايرانی يا كيستی اسلامی» اگرچه در سال‌های حكومت جمهوری اسلامی خود را هر روزه می‌نماياند، ولی ريشه در همان سال‌های مسلمان شدن ايرانيان دارد. اگر ارزش‌های پذيرفته شده در ميان همه مردم جهان را پايه بگيريم، می‌بايد به نام يك ايرانی، از روزبه يا همان سلمان فارسی بيزار باشيم، از كسی كه ميهن خود را واگذاشته و به دشمنان آن پيوسته است. ولی آيا ايرانيان مسلمان اينگونه می‌انديشند؟ اگر ايرانی مسلمان گزارش دم به دم نبرد ميان علی و معاويه را می‌داند، آيا هيچ آگاهی از اينكه در همان روزهای جنگ صفين چه بر سر نياكانش در نهاوند و همدان و اصفهان و سيستان و در زير سرنيزه اشغالگران می‌رفت نيز دارد؟ آيا در هيچ كجای جهان مردمانی را می‌شناسيم كه نام كُشندگان پدران و مادران خود را بر فرزندانشان بگذارند؟"(1).

اوسته گؤروندوگو کیمی مزدک بامدادان حضرتلری زامان و مکانی درک ائتمه یه رک تاریخده کی اولوب بیتنلری بوگونکو گؤز ایله دگرلندیرمک ایسته ییر. بو دا اونا دوزگون فیکیر یئریتمک ایمکانی وئرمیر. سلمان فارس پیغمبره اؤزونو یاخینلاتمیش و اؤز اینانجیندان یولا چیخاراق ایسلامیته خیدمت ائتمه سینه گلدیکده، سلطان محمود غزنویدن توتاراق تورک شاهلاری 1000 ایل فارس دیلینی اؤزلری اوچون دیوان دیلی ائتمیش و سلجوق تورکلری فارسلاری عباسی خلیفه لرین الیندن آزاد ائتمیش، شاه طهماسب ایلک دفعه عرب دیلینده اولان شیعه لیگه داییر کیتابلاری فارس دیلینه ترجومه ائتدیرمیش و فارس دیلینین چیچکلنمه سینده تورک شاهلارینین اولدوقجا بؤیوک خیدمتی اولموش. بونلارا باخمایاراق بوگون آذربایجانلیلار کئچمیشه باخدیقدا اؤز آتا بابالارینا نیفرت ائتمیر، آنجاق کئچمیش خطالاردان درس آلماغا و اؤیرنمه گه چالیشیرلار.

میهن مقوله سینه گلدیکده بو مقوله میللت مقوله سی و دوولت سرحدلرینین تثبیتلشدیگیندن سونرا اورتایا چیخمیشدیر. بوندان یانا دا بوگون کئچمیشلره باخاراق نیفرت قوسماق هئچ بیر ایجتماعیت و اینسانیت توپلومونا اویقون گؤرونمور. دئمک، تاریخ کئچمیشدن درس آلماق اوچوندور. فارس ایستعمارینا آلت اولموشلار گلجکده نیفرت ایله خاطیرلانماسینلار دئیه بوگون ایران ممالیکی محروسه سینده کی فارس اولمایان میللتلرین کیملیک و منلیکلرینه دگر وئرمه لی و اونلارا اؤز میللی و مدنی حاکیمیت صاحیبی اولماق اوچون کؤمک ائتمه لیدیرلر. گئنه ده اوخویوروق:

"..."كيستی" يك مقوله فرهنگی است و برای سخن گفتن از آن بايد جهان سياست را پشت سر خود بگذاريم و پای به ميدان فرهنگ نهيم. برای نمونه اين نه منتی بر گردن مردمان چهار گوشه ايران، كه كمترين و كوچكترين حق آنان است كه بزبان مادری خود بخوانند و بنويسند و رسانه‌هايی بزبان مادری خود داشته باشند و آنچه را كه به شهرها و استان‌هايشان برمی‌گردد، در مجلس‌های استانی (ايالتی و ولايتی) بدست نمايندگان برگزيده خود به تصميم بنشينند. اين "حق" ولی مربوط به حقوق شهروندی و بخشی از منشور جهانی حقوق بشر است و جای سخن گفتن از آن در عرصه سياست است و نه در عرصه فرهنگ"(1)

اوسته مزدک بامدادان حضرتلری بیر عوامفریب اولاراق بیر یاندان اینسانلارا اؤز دیلینده یازیب اوخومانی آزاد تانیرام دئیه میللی مسئله مقوله سیندن یایینماق ایسته ییر. بئله لیکله ده کیملیک مسئله سینی یالنیز »فرهنگ« مقوله سینده نوقطالاماغا چالیشیر. بیلیندیگی کیمی ایران ممالیکی محروسه سینده کی دیل و مدنیتلر کئچن 80 ایلده فارسلارین مدنی اولدوقلاری اوچون تاپتالانمامیش، فارس ایستعمار گوجلری ایران ممالیکی محروسه سینه یاغماجیل (غارتگرانه) سیاست یئریتدیکلری نتیجه سینده فارس اولمایان میللتلرین دیلی قاداغان اولموش، اینسانی گوجلری ایستر فیکیری باخیمدان، ایسترسه ده مادی باخیمدان فارس ایستعمار حاکیمیتی طرفیندن بنده چکیله رک اؤز کیملیک و منلیکلرینه دوشونمک و خیدمت ائتمک ایمکانی اللریندن آلینمیشدیر. دئمک، فارس ایستعمارینا وسیله اولانلار اوچون مزدک بامدادان حضرتلری یاخشی ساز چالیر، آنجاق بو سازا سؤز لازیمدیر. فارس ایستعمارینا یوخ دئدیکده مزدک بامدادانلارین سازی نین تئلی قیریلاجاق گؤرونور. بو دا اونلارین زامانی درک ائتمدیکلرینین نتیجه سی اولاجاقدیر..ایران ممالیکی محروسه سینده کی میللتلر اوچون مجلس ایالتی و ولایتی دئیه درک و آنلاغا صاحیب اولان اینسانلارا اؤز دیلینده یازیب اوخوماق ایسته گنی اینسانلاری مزدک بامدادان دکی پان ایفاده سی ایله قارالاماز(3). دئمک، عوامفریبلیگین ده حدی حئسابی وار. بونلار عوامفریب اولدوقلاری اوچون بیر ساعات اؤنجه نه دئمیشلر، کئچن مقاله ده نه یازمیشلار دئیه ده فیکیرلشمک ایسته میرلر. بو دا بونلارین اینسانلیق اوچون آنلاق و مدنیتلری ساییلمالدیر. گئنه ده اوخویوروق:

"پيشتر در نوشته ديگری در اينباره كه چگونه می‌توان در كشوری چند زبانه و چند فرهنگه مانند ايران، در كنار نگاهبانی از يك كيستی يكپارچه ملی، راه را برای شكوفائی بخشها سازنده اين كيستی نيز باز كرد، نوشته‌ام. به گمان من حتا زبان ميانجی و سراسری را نيز (كه امروز پارسی است)، در يك ايران مردم‌سالار و گيتی‌گرا می‌توان به رأی همگان گذاشت. اين بر گردن سياستمداران است كه با پياده كردن موبموی حقوق بشر و مردمسالاری، زمينی را آماده كنند كه در آن همه گل‌های زيبا و رنگارنگ اين گلستان بستری برای شكفتن بيابند، پيش زمينه اين همه ولی پشت سر گذاشتن فرهنگ قبيله‌ای و پای نهادن به جهان نوين است."(1).

اوسته کی عیبارتده »پشت سر  گذاشتن فرهنگ قبیله ای و پای نهادن به جهان نوین« دئیه رکن حتماًً ایران ممالیکی محروسه سینده فارس اولمایان دیل و مدنیتلرین اریییب یوخ اولماسی نظرده توتولور. بیلیندیگی کیمی فارس دیلی رسمی دیل ساییلدیغی حالدا فارس اولمایان دیل و مدنیتلر محلی و قومی حئساب ائدیرلر. دئمک، فارس اولمایان دیل و مدنیتلر یوخ اولدوقدان سونرا فارس ایستعمار خمیره سی ایله یوغرولموش سیاستچیلره دیل و مدنیت باخیمیندان »آی بابا کرم، قربانت برم«  گؤزللمه سی اوچون فارس شوونیستلری زامان تانییاجاقلارمیش!!!. خیر اولا!! گئنه ده اوخویوروق:

"آيا می‌توان پذيرفت كه چامه سرای بزرگی مانند شهريار، كه يكی از زيباترين و ناب ترين منظومه‌های زبان تركی آذربايجانی، "حيدر بابا" را آفريده، دچار بيگانگی با زبان مادری و گذشته خود، و خودباختگی فرهنگی در برابر پارس‌ها و زبان پارسی شده باشد؟ "(1)

بورادا مزدک بامدادان حضرتلری گئنه ده عوامفریبلیگه چالیشیر. دئمک، شهریار اؤز دونیاسینی دگیشمیش، بو مسئله نی شهریاردان اؤیرنمک ایمکانسیزدیر. آنجاق نه اوچون مزدک بامدادان حضرتلری، رضا براهنی نی بیر جانلی اولاراق اؤرنک گؤسترمک ایستمیرلر؟ بیلیندیگی کیمی رضا براهنی کئچمیشده فارس یازیچیلار بیرلیگینین باشچیسی ایدی. رضا براهنی آشاغیداکی محتوادا اؤزونو ایفاده ائدیر: »منه اؤز دیلیمده یازیب اوخوما ایمکانی وئریلمه دیگی، مندن بو حق آلیندیغی اوچون فارسجا یازدیم و فارس یازیچیسی اولدوم«. رضا براهنیدن آشاغیداکی یازیلاری اوخوماقدا فایدا وار:

http://www.tribun.com/nr6/TR613.pdf

 http://www.tribun.com/nr6/TR610.pdf

http://www.tribun.com/nr6/TR609.pdf

http://www.tribun.com/Sayir%20Media/SM139.pdf

شهریارا گلدیکده ایسه گؤرک شاطیر اوغلان شعرینده تهراندان تبریزه قاچمیش شهریار فارس شوونیسمیندن نلر دئمیشدی:

"تهرانین غیرتی یوخ شهریاری ساخلاماغا                قاچمیشام تبریزه قوی یاخشی یامان بللنسین

باغچامیز فاسید اولوب، هر نه اکرسن آچماز              یئری داشلیقدی گرک تورپاغی غربیللنسین

مدعاسی چوخ اولان طبل تهی پر بادیق                  نئیله یک زورناچی نین بورنو گرک یئللن سین.

بو گیجللنمه دن آی چرخ فلک سن ده یورول             بو حیاسیز گونه گؤزلر نه قدر زیللن سین؟

.......

لعنت اول باد خزانه کی نظامی باغی نین                بیر یاوا گولبه سری قویمادی کاکیللن سین(4)

آرزو جلگه لرینده بیز اکن مزرعه لر                دئیه سن ساقه له نیب قوی هله گوللن سین(5)

بو سون بیتلرده شهریار ائتدیگی آرزولار و مزدک بامدادان تیپلی لرین وئردیکلری وعده لر اؤز عکسینی تاپماقدادیر. هر زامان خرمن وعده سی ایله فارس اولمایان میللت یازیچی و شاعیرلرینی فارس ایستعمارچیلاری، اونون قویروقلاری و عامیللری آلداداراق فارس ایستعماری نین عؤمرونون اوزانماسینا شراییط یاراتمیشلار. گئنه ده اوخویوروق:

"كيستی ايرانی چيست؟ يا بهتر بگوئيم چه كسی را می‌توان ايرانی خواند؟ به گمان من كسانی كه ريشه‌های خود را در دشت قبچاق و كوه‌های آلتائی و يا شن‌زارهای عربستان می‌جويند، (كه از ديدگاه نژادی و ژنتيكی شايد كه نادرست هم نباشد، ولی اين چارپايان‌اند كه ارزش‌شان به نژاد آنهاست. ارزش انسان به فرهنگ و منش و انديشه اوست)"(1)

دئمک، فارس ایستعماری آلتینا گئتمک ایسته مه گنلر بو دفعه حیوان »چارپایان اند« ایتهامی ایله اوزلشمه سینلر دئیه فارس بویوندوروغونون آلتینا کئچمه لی اولاجاق ایمیشلار. بو دا ایستعمارچی گوجلرین ایجتماعی شعورلاریندان ایلری گلن بیر گؤرونومدور. مدنیت مسئله سینه گلدیکده ایستعماری کولتور و فرهنک میللتلری تمثیل ائدن گؤرونتولردن دگیل، میللتلری تمثیل ائدن اونلارین دیل و مدنیتلریدیر. بو دیل و مدنیتلری گؤز آردی ائتمک ایسته گنلر دیل و مدنیت باخیمیندان جانی ساییلارلار. گئنه ده اوخویوروق:

".. من اينرا هميشه از خوشبختی خود دانسته‌ام كه تركی آذربايجانی، زبانی كه حيدربابا به آن سروده شده، زبان من نيز هست و اينكه می‌توانم حيدربابا را به همان زبانی بخوانم كه شهريارش بدان سروده است. گفتنی است كه شهريار در اين منظومه نه تنها توانائی‌های زبان تركی آذربايجانی را به خوبی نشان داده است، بلكه با بكار بردن واژه‌های ناب و گاه فراموش شده اين زبان، واژه نامه پرباری نيز برای آيندگان برجای گذاشته است"(1).

بورادا مزدک بامدادان حضرتلری آذربایجانلی اولدوغونو ایددعا ائدیر، آنجاق آذربایجان میللی بیلینج، کیملیک و منلیگیندن ایگنه نین اوجو قدر ده  بو حضراتدا آذربایجانلی اولمادان اثر گؤرونمور. بو ذاتی عالی فرهنگیستان مجله سینین 5 اینجی نمره سینده آلمانیانین  برلین شهرینده  تقی ارانی آذربایجانلیلارین وارلیغینا بالتا ووردوغو کیمی آذربایجانلیدیر. احمد کسروی دکی »آذری یا زبان باستان آذربایجان« کتابیندا آذربایجان دیلینی آذربایجان مملکتینه اؤزگه سایدیغی کیمی و » زبان پاک (فارس دیلی)« آدلی دیلی آنا دیلینه اوستون توتدوغو کیمی آذربایجانلیدیر. بابک امیر خسروی قوزی آذربایجانی »اران« دئیه فارس ایجتماعیتینه تانیتدیغی و آذربایجانین تاریخی تورپاقلارینی داندیغی کیمی آذربایجانلیدیر. محمد ارسی آذربایجان منلیک و کیملیگی علیهینه ساواش آچدیغی کیمی آذربایجانلیدیر. یحیی ذکا، منوچهر مرتضوی، فیروز منصوری، ناطق ناصح، نادر پیمایی و ساییره لر دکی فارس آدینا ایرانیت مقوله سینده  آذربایجانلیلار علیهینه پان ایرانیستلر ایله ایش بیرلیگی ائتدیکلری کیمی آذربایجانلیدیر. مزدک بامدادان داها کیمدیر و هارالیدیر؟

 

 

قایناق:

 

1                    مزدک بامدادان، جمهوری اسلامی و هويت ملی ما (بخش آخر)،

 http://politic.iran-emrooz.de/more.php?id=10401_0_11_0_M

2   مزدک بامدادان، جمهوری اسلامی و هويت ملی ما (6)، باخ:هدف من در اين نوشته نيز تنها گشودن دری برای گفتگو در اين باره است، چرا كه دريا هرچه ژرفتر باشد، غوطه خوردن در آن و كاويدن و يافتن گنجهايش دشوارتر خواهد بود و اين نه از كاستيهای فرهنگ و كيستی ما، كه از پيچيدگيهای آن است. http://politic.iran-emrooz.de/more.php?id=P10267_0_11_0

3        مزدک بامدادان، جمهوری اسلامی و هويت ملی ما (٣):

http://politic.iran-emrooz.de/more.php?id=P9588_0_11_0

4        اوستاد شهریار بورادا آذربایجان دیلینین وضعیتینی اله آلیر. نظامی نی فارس دیلینه خیدمت ائتدیگی اوچون آذربایجاندان بیر اؤرنک اولاراق قلمه آلیر.

5        محمد حسین شهریار، کلیات ترکی شهریار، شاطر اوغلان. چاپ 1371 تهران.

 

 

ایشیق سؤنمز 15.01.2005

 

 

استعمار